မိုနာလီဇာက တရုတ်မဆိုပါလား


တရုတ်စီးပွားရေးကောင်းလာလို့လားတော့မသိဘူး၊ မိုနာလီဇာတောင် တရုတ် မဖြစ်တော့မလိုပဲ။
ဒီလိုပါ၊ ဟောင်ကောင်နေ အီတလီလူမျိုး၊သမိုင်းပညာရှင်၊ ဝတ္ထုရေးဆရာ Angelo Paratico က မိုနာလီဇာဟာ တရုတ်(ကျေးကျွန်) အမျိုးသမီးဖြစ်နိုင်တယ်လို့ ဆို လိုက်ပါတယ်။ သူမ နာမည်က ကက်တာရီနာ (Caterina) ပါ။ ဒီလိုဆိုရင် ပန်းချီ ဆရာ လီယိုနာဒို (Leonado da Vinci) ကိုယ်တိုင် တရုတ်မျိုးနွယ်ဖြစ်သွားပါ တယ်။ သူ့အဆိုအရ လီယိုနာဒိုဟာ ကက်တာရီနာရဲ့သားဖြစ်ပြီး သူ့မိခင်ရဲ့ပုံကို ဆွဲထားတာဖြစ်ပါတယ်။
ဒါနဲ့ဆက်စပ်လို့ Leonado da Vinci: A Chinese Scholor Lost in Renaissance Italy ဆိုတဲ့စာအုပ်ကိုလည်း သူ ရေးသားပြီးစီးတော့မယ်လို့ သိရ ပါတယ်။

သူ့စကားအရဆိုရင်တော့
"မိုနာလီဇာ ပန်ချီကားရဲ့နောက်မှာ တရုတ်ရှုခင်းပုံပါပါတယ်၊ မိုနာလီဇာရဲ့ မျက်နှာ ကကိုပဲ တရုတ်မျက်နှာ" ပါ။
လီယိုနာဒိုရဲ့ဖခင်မှာ သူဌေးမိတ်ဆွေတစ်ယောက်ရှိပါသတဲ့၊ သူ့မှာ ကက်တာရီနာ လို့ခေါ်တဲ့ တရုတ်(ကျေးကျွန်) အမျိုးသမီးရှိခဲ့ပါတယ်။ ဒေါ့ကူမင်ထရီအရ သူမဟာ ၁၄၅၂ ခု နောက်ပိုင်းမှာ မတွေ့ရတော့ပါဘူး၊ နောက်ပြီး အဲဒီနှစ်ဟာ လီယိုနာဒိုေ မွးဖွားတဲ့နှစ်လည်းဖြစ်နေပါတယ်။
"အကျိုးအကြောင်းကွင်းဆက်ကို ဆက်စပ်ကြည့်ခြင်းအားဖြင့် ကက်တာရီနာဟာ တရုတ်ဖြစ်နေနိုင်တယ်" လို့ ပါရာတီကိုက ဆိုထားပါသတဲ့။




တရုတ်တွေအပါအဝင် ကမ္ဘာအရပ်ရပ်ကတော့ သူ့ကောက်ချက်ကို သိပ်သဘော မတွေ့ကြပါဘူး။
သဘောမတူဘူးဆိုတာကလည်း သဘာဝတော့ကျပါတယ်။ ဒါသာတကယ်မှန်ရင်
၁။ အနောက်က ကမ္ဘာကျော်အမျိုးသမီးနဲ့ ကမ္ဘာကျော် ပန်းချီဆရာကို တရုတ်လက် ထဲ လက်လွှဲထည့်ပေးလိုက်ရသလိုဖြစ်နေတယ်။
၂။ တရုတ်တွေကလည်း ဝမ်းသာရမလိုလိုနဲ့ အိမ်စေဆိုတော့ သဲတရှပ်ရှပ်ဖြစ်နေ ပါလိမ့်မယ်။

ပါရာတီကိုကလည်း ချစ်ဦးညိုလိုပဲ မရ,အရတော့ ဆွဲစပ်တော့မယ့်သဘောပါ။ Leonado da Vinci: A Chinese Scholar Lost in Renaissance Italy တဲ့။
ဘာပဲဆိုဆို မိုနာလီဇာက ဥရောပသူနဲ့ သိပ်မတူဘူးဆိုတာကတော့ လက်ခံရမှာ ထင်ပါတယ်။

ခွေးချစ်သူတွေအတွက်


စာဖတ်သူတွေကိုတော့ လိုအပ်ရင်တောင်းပန်ရပါလိမ့်ဦးမယ်။ ဒီနေ့လည်း ခွေး ပို့စ်ဖြစ်နေပြန်ပါတယ်။ တိုက်ဆိုင်မှုလား၊ ရေစက်လား၊ သတင်းစာ လှန်လိုက်တာ နဲ့ ခွေးဟော်တယ်ကို သွားတွေ့ရပါတယ်။ ခွေးချစ်သူတွေအတွက်ပေါ့။
Waginton Luxury Pet Hotels and Resortတဲ့။ ကော်ဇောရှည်ကြိုဆိုမှု၊ အီဂျစ် စတိုင် မီးဆိုင်းတွေနဲ့။ မသိရင် ဖိုက်စတားဟော်တယ်ထဲ ရောက်သွားသလား ထင်ရပါတယ် တဲ့။
သူတို့အတွက် အပျင်းပြေလမ်းလျှောက်ဖို့ ဥယာဉ်ရှိတယ်၊ ခြေညောင်း လက်ဆန့်ရေကူးဖို့ အရိုးပုံ ရေကူးကန်ရှိတယ်။ အသုံးအဆောင်တွေအားလုံးဟာ ဖိုက်စတား စတန်းဒတ်အတိုင်းပဲ။
၃၂ လက်မ တီဗွီရှိတယ်၊ သူတို့ရဲ့ ဖေးဘရိတ် "Hotel for dogs" လို ဟောလီးဝုဒ် ဇာတ်ကားတွေကြည့်ရင်း အနားယူလို့ရတယ်။
ဒါပေမဲ့ လူကြီးမင်းတို့ရဲ့ခွေဟာ ခွေးကြီးခွေးကောင်းဆန်ဖို့တော့လိုမယ်နော်။ "No-aggressive-dogs policy" တဲ့။
တစ်ခုပဲပြောစရာရှိတယ်၊ တစ်ညကို ဆင်းဒေါ်လာ ၁၁၅ ကနေ ၃၅၀ အထိ ရှိတယ်တဲ့။
ဒီဈေးက မြန်မာပြည်က လူဟော်တယ် အမျာစုထက် ပိုနေတယ်နော်။ ဒါကတော့ ခွေးချစ်သူတွေ ခွေးအပေါ်ဘယ်လောက်ချစ်တယ်၊ ဘယ်လောက် သုံးစွဲနိုင်တယ်ဆိုတဲ့အပေါ် မူတည်ပါတယ်။

စင်္ကာပူကို ဖိတ်ခေါ်ပါတယ်။ အဲ ခွေးသာတည်းလို့ရပြီး လူကိုတော့ ဟော်တယ်က လက်မခံဘူးနော်။ ပတ်ဝန်းကျင် ညစ်ပတ်မှာ စိုးလို့လားတော့ မသိဘူးပေါ့။



တရုတ်ခေါင်းဆောင်တွေကို လူထုက မမှတ်မိလို့ ဖဲချပ်ပေါ် ပုံတင်ပေးရသတဲ့။


တရုတ်ခေါင်းဆောင်တွေကို လူထုက မမှတ်မိလို့ ဖဲချပ်ပေါ် ပုံတင်ပေးရသတဲ့။
သရော်တာမဟုတ် အော်ဖစ်ရှယ်ပါ။ ထိရောက်မှု ရှိသလောက် ရှိဆိုပဲ။
ကဲ မြန်မာ့ခေါင်းဆောင်တွေဆိုရင် ဘယ်သူ့ကို ဘယ်နေရာထားကြမလဲ။
လူတွေက တုတ်တုတ်ခိုင်ခိုင်တွေပေမဲ့ စကားပြောလိုက်ရင် လေသံက ဂျိုကာလိုတွေချည်းပဲ။ ရယ်ရတယ်။

စင်္ကာပူကိုကျော်သွားတဲ့ ဝက်သေလေး


ဝက်သေလေးက "စင်္ကာပူ လာသင့် မလာသင့်" ပို့စ်ကို ကျော်တက်သွားပြီ။
ဝက်သေလေး မလာခင်က စင်္ကာပူ လာသင့် မလာသင့် ပို့စ်က မြောက်ကြွကြွနဲ့။

ပို့စ်နဲ့ ပတ်သက်လို့ ဘယ်လိုပြောရမလဲ မသိတော့ပါ။ ဒီလောက် ဖတ်ကြမယ်လို့လည်း မထင်မှတ်မိပါ။
ဆက်လက်သိချင်ရင် (အင်္ဂလိပ်လို လက်လှမ်းမမီသူများအတွက်) ဒီ လင့်က တဆင့် ဖတ်ကြည့်နိုင်ကြပါတယ်။
Citizen Keep
"Tolerance becomes a crime when applied to evil." Thomas Mann

က ကလေးငယ် ချစ်စဖွယ်


ဒါက ရှားပါးသစ်ခွ
နာမည်က "က ကလေးငယ် ချစ်စဖွယ်" တဲ့။

တနင်္ဂနွေ အပျင်းပြေ


အလုပ်ရှုပ် စိတ်ရှုပ်တဲ့အခါတွေမှာ တချို့ ပစ္စည်းတွေ ဘယ်မှာထားမိလို့ ထားမိမှန်းမသိ၊ ရှာလို့မတွေ့ ဖြစ်တတ်ကြပါတယ်။ ဥပမာ သော့၊ မျက်မှန်၊ မီးရထားစသည်ပေါ့။
အဲ မီးရထားပျောက်တာကတော့ မကြာမကြာဖြစ်လေ့ရှိမယ် မဟုတ်ဘူးပေါ့။ ဒါပေမဲ့ မယုံ မရှိပါနဲ့။ သီရိလင်္ကာ၊ ကိုလံဘိုဘူတာထဲကနေ ရထား တစ်စီးေ ပျာက်သွားလို့တဲ့။ ရထားမောင်းသူက နောက်မှသိပြီး ရုံပိုင်ကိုအကြောင်းကြား လိုက်တော့ အုတ်အော်သောင်းနင်း ဖြစ်သွားတာပေါ့။
ပျောက်တဲ့ပစ္စည်းကို မမြင်လိုက်မိဘူးလားမေးရတာကလည်း နည်းနည်း အူကြောင်ကြောင်နိုင်တယ်။
"ဟဲလို၊ မီးရထားဝန်ကြီးဌာနကပါ၊ မီးရထားတစ်စင်း ပျောက်သွားလို့ မတွေ့ လိုက်မိကြဘူးလား"
အူကြောင်ကြောင်နိုင်လည်း မေးတော့ မေးကြရတာပါ နောက်မှသိရတာက ရထားကမြို့နဲ ၁၂ ကလိုမီတာအကွာကို ရောက်နေပြီး ရထား ခိုးမောင်းသွား သူက သရဲ (တစ္ဆေ) ဖြစ်နေတယ် တဲ့။

ဒီလိုပြောလို့ ဒီပြကွက်က "Unstoppable" ရုပ်ရှင်ထဲက ပြကွက်ကြီးပါလို့ ကြည့်ဖူးသူတွေက ပြောနိုင်ပါတယ်။ ဒါပေမဲ့ ဒါက ၂၀၁၃ ခုထဲ သီရိလင်္ကာမှာ တကယ်ဖြစ် သွားတာပါ တဲ့။
ဒါမျိုး ဘယ်နှနှစ်မှာ တစ်ခါကြုံတတ်သလဲဆိုတော့ နှစ် တစ်ရာမှာ တစ်ကြိမ်ပဲ ကြုံရပါသတဲ့။
လွန်ခဲ့တဲ့ နှစ်ပေါင်းတစ်ရာက နေ့၊ အချိန်၊ နေရာ၊ ရထားလိုင်းကအစ အတူ တူ ရထားတစ်စင်းပျေက်ခဲ့ဖူးကြောင်း သိရပါတယ် တဲ့။

ဒါကို မယုံရင် လောင်းကြေး ကြိုက်သလောက်တင်ပြီး လောင်းနိုင်ကြောင်း ၊ နှစ်တစ်ရာပြည့်လို့ မှားတယ်ဆိုရင် အဆတစ်ရာ အလျော် ရမှာဖြစ်ကြောင်း လောင်းကြေးဖွင့်ထားတယ်လို့ သိရပါတယ်။

ရာသီဥတု ခိုလှူံခွင့် နဲ့ ဘာညာ ဘာညာ


(1) ခွေး အီးအီးကို DNA နဲ့စစ်မယ်

ပေါက်ပေါက်ရှာရှာလုပ်တဲ့အထဲမှာတော့ အမေရိကန်တွေက နံပါတ်တစ်ပဲ။
မန်ဆာချူးဆက်ပြည်နယ်မှာပါ။ သိပ္ပံပညာရှင်ပေါတယ်ဆိုပြီး လုပ်ချင်ရာ လုပ်နေကြတာ။
ကွန်ဒိုထဲမှာ ခွေးတွေက အီးအီးပါ၊ ရှင်းရမယ့်အလှည့်ရောက်တော့မှ ခွေး ရှင်တွေက သူ့ခွေး၊ ငါ့ခွေး ငြင်းခုံနေရလို့တဲ့။
အခု မရတော့ဘူး။ Bio-Pet (DNA) နဲ့ စစ်ဆေးမှာ။ မိရင် ရှင်း၊ ၅၉ ဒေါ်လာ ဒဏ်။
ဒီလူတွေ အိန္ဒိယပို့ထားချင်တယ်။ ကဲ စစ်ကြဆိုပြီး။

(2) ရာသီဥတု ခိုလှူံခွင့်

နိုင်ငံရေး ခိုလှူံခွင့်ရဖို့ ကုလသမဂ္ဂရှေ့သွား၊ ဆန္ဒပြ၊ ဓာတ်ပုံအရိုက်ခံ၊ ခိုလှူံ ခွင့်လည်း ရရော မတွေ့ရတော့ (ဟုတ်၊ မဟုတ် မသေချာ) ဆိုတဲ့သတင်းတွေ ကြာရအပြီး အခု ထူးထူးဆန်းဆန်း ဖတ်လိုက်ရခြင်းပါ။
ရာသီဥတု ခိုလှူံခွင့် တဲ့။ အိုက်စ်လန့်ဒ်က လူက ပင်လယ်ရေမျက်နှာပြင် တက် လာလို့ နယူးဇီလန်မှာ ရာသီဥတု ခိုလှူံခွင့်တောင်းတာပါ။ သူက ပထဆုံးဆိုပဲ။ မရဘူး၊ ပယ်ချခံရတယ်။ သူတစ်ယောက်တည်း ရင်ဆိုင်နေရတဲ့ ပြဿနာ မဟုတ်လို့ တဲ့။
သူသာရရင် ချောက်၊ ရေနံချောင်းဖက်က သက်ကြီးရွယ်အိုတွေလည်း ရာသီ ဥတု ခိုလှူံခွင့် တင်သင့်တယ်။ တော်တော်ပူတဲ့ ဒေသပဲ။

ဦးဆဒ္ဒန်(ဆင်မင်း) တို့ စကားပြောနိုင်တယ်ဆိုတာကို ယုံပါပြီဗျ


ဇာတ်တော်တွေထဲက တရစ္ဆာန်နဲ့ စကားပြောခန်းတွေကိုယုတ္တိမရှိဘူး ပြော မယ့်လူတွေ ရှိနေမလား။
တရုတ်စာ၊ အင်္ဂလိပ်စာတွေ သင်ယူရတာ ခက်လို့ စိတ်ပျက်နေသူတွေရော မရှိနိုင်ဘူးလား။
ဒါဆို အဲလီဖင့် (ဆင်) ဘာသာကို စမ်းသပ်လေ့လာကြည့်နိုင်ကြပါပြီ။
နိမလ တော့ပ်နို (Nirmala Topno ) ဟာ ၉ နှစ်သမီးကတည်းက ဆင်တွေပြောတဲ့စကားဟာ ဩရိဿပြည်နယ် (Orissa) မှာပြောနေကြတဲ့ ဘာသာစကားတွေထဲက မွန်ဒရီ (Mundaari) စကားနဲ့ တူတယ်ပြောလို့ နာမည်ကြီးသွားခဲ့တယ်။
အခု ၁၇ နှစ်ရှိနေပြီဖြစ်တဲ့ နိမလ တော့ပ်နိုဟာ အဲလီဖင့် (ဆင်) ဘာသာမှာ အိတ်စ်ပတ်ဖြစ်နေပါပြီ။


အိန္ဒိယ စက်မှုမြို့တော်တစ်ခုဖြစ်တဲ့ Rourkela မြို့ထဲကို ဆင်ရိုင်းအုပ်ကြီး ဝင်လာပြီး ဘယ်လိုမှ ပြန်မောင်းထုတ်မရ ဖြစ်နေခဲ့တယ်။
ဒီတော့ လူထုကြီးက
"ဒါဆို မနိမလကို ခေါ်"
ဆင်ရိုင်းအုပ်ကြီးကို လုံးဝမကြောက်တဲ့ မနိမလက ဆင်တွေကို ပြောတယ်
“This is not your home.You need to go back where you belong.
(အင်္ဂလိပ်လိုတော့ ဘယ်ဟုတ်ပါ့မလဲ၊ အဲလီးဖင့်လိုပေါ့)
ဒီတော့ ဆင်တွေက
“Okay, right-o, terribly sorry” တဲ့။
အုပ်စုကြီးလိုက် ထွက်သွာရုံတင် မကပါဘူး တောင်းပန်စကားတောင် ပြော သွားကြသေး သတဲ့။
(အင်္ဂလိပ်လိုတော့ ဘယ်ဟုတ်ပါ့မလဲ၊ အဲလီးဖင့်လိုပေါ့)

ကဲ ချီးမွမ်းစရာ မကောင်းဘူးလား။
အထူးသဖြင့် ကလေးတွေကို တီဗွီ၊ ကွန်ပျူတာရှေ့ကနေခွာအောင်မလုပ်နိုင် တဲ့ မိဘတွေကို ကြည့်ရင် ဆင်ရိုင်းအုပ်ကြီး မြို့ထဲက အသာတကြည် ထွက် သွားအောင် လုပ်နိုင်တဲ့ မနိမလရဲ့ အစွမ်းက မသေးလှတာတော့ အမှန်ပဲ။

story on www.thehindu.com , www.thesundaytimes.co.uk