ဖရီးသင့်ကား ( Free Thinker ) များလာရခြင်း အကြောင်းရင်းတစ်ခု

" ယဉ်ကျေးတဲ့ ကမ္ဘာ့ နိုင်ငံကြီးတွေဟာ သူ့လူမျိုးမဟုတ်၊ သူ့ပြည်တွင်း မှာ မွေးတာလည်းမဟုတ်၊ ကိုးကွယ်မှုချင်း လုံးဝမတူမှန်းလည်းသိတဲ့ သူများနိုင်ငံတွေက ဒုက္ခသည်တွေကို ကိုယ်တာတွေထားပြီး ဘာလို့များ နှစ် စဉ် လက်ခံနေကြတာပါလိမ့်"

လွန်ခဲ့တဲ့ နှစ်လလောက်က ယူကေရဲ့ ယုံကြည်ကိုးကွယ်မှုနဲ့ ဆက်စပ်နေတဲ့ သတင်းတစ်ပုဒ် ပါလာတယ်။ စိတ်ဝင်စားစရာ ကောင်းတာက ဒီနှစ်တွေမှာ ဖရီးသင့်ကားတွေ ပိုလို့တိုးပွားလာနေတယ်တဲ့။ ယူကေမှာဆိုတော့ ဒီ ဖရီး သင့်ကားတွေ ဘယ်ကခွဲထွက်လာတာလဲဆိုတာ စဉ်းစားရတာ သိပ် မခက် လှပါဘူး။ မဆိုစလောက် ဗုဒ္ဓဘာသာ၊ ကိုလိုနီပါ အိန္ဒိယန်း ဟိန္ဒူတချို့ကလွဲ ရင် ခရစ္စယန်နဲ့ အစ္စလမ်က ( ခရစ္စယန်ထဲက ပိုများနိုင်တယ် ) ခွဲထွက် လာ တာတွေပဲ ဖြစ်ဖို့များပါတယ်။
ဘာဖြစ်လို့ ဖရီးသင့်ကားဖြစ်ကြရတာလဲဆိုတဲ့ အဖြေကတော့ အများကြီး ရှိနေနိုင်ပါတော့တယ်။
သေချာတာက ဘာသာရေး အဆုံးအမတွေအပေါ် သံသယရှိမှု၊ ကောင်းေ နပြီးတာပဲ ဘာသာမရှိလည်း ပြဿနာမရှိဆိုတဲ့ ယုံကြည်မှု၊ နောက်ပြီး ဘာသာရေးနောက်ခံ အကြမ်းဖက်မှုတွေလည်း သေချာပေါက် ပါနိုင်ပါတယ်။ အစိုးရကို ပေးရမယ့်အခွန်ကိုမပေးလို့ အဖမ်းခံရနိုင်ပေမဲ့ ဘယ်ဘာသာကိုမှ မကိုးကွယ်လို့တော့ လာဖမ်းလို့ မရဘူးလေ။

အကြမ်းဖက်မှုတိုင်းမှာ ဟိုဖက် ဒီဖက် ခိုင်လုံတဲ့အကြောင်းပြချက်တွေ ရှိနေ ကြတာချည်းပါပဲ။ သူမှန် ငါမှန်က တုတ်ထမ်း ဓားထမ်းငြင်းမှရတာမျိုးပါ။ ဘယ်တော့မှလည်း တုတ်၊ ဓားနဲ့ အဖြေရှာလို့ မရတတ်ဘူး။
မိတ္ထီလာကနေ ရမည်းသင်းကို ကူးသွားတယ်။ ဘယ်သူက ဘယ်သူ့ကို ဘာတွေ မခံမရပ်နိုင်အောင်လုပ်ထားလို့ ဒီလိုတွေ ဖြစ်ရတာလဲဆိုတာ ရမည်းသင်းမှာ မနေဖူးသူတွေ ကျကျနန မသိနိုင်ဘူး။ ဒီ မခံမရပ်နိုင်မှုတွေ ကို ဖော်ထုတ်ဖို့ ဒီမိုကရေစီကို စောင့်နေကြရတာလား၊ ဒါဆိုရင်တော့ ဒီမိုကရေစီလည်း ဓားစားခံ ( ဒုတ်စားခံလို့ ခေါ်ရင်လည်း ရမယ်ထင်တယ် ) ဖြစ်သွားရပြန်တယ်။ ပြီးတော့ ရှေ့ ခြေတစ်လှမ်းတက်လာတဲ့ နိုင်ငံတော်ဟာ နောက်တစ်လှမ်း ( တချို့က နှစ်လှမ်းလို့တောင် ပြောကြတယ် ) ပြန်ဆုတ်သွားတယ်။

ယဉ်ကျေးတဲ့ ကမ္ဘာ့ နိုင်ငံကြီးတွေဟာ သူ့လူမျိုးမဟုတ်၊ သူ့ပြည်တွင်း မှာ မွေးတာလည်းမဟုတ်၊ ကိုးကွယ်မှုချင်း လုံးဝမတူမှန်းလည်းသိတဲ့ ဒုက္ခသည်တွေကို ကိုယ်တာတွေထားပြီး ဘာလို့များ နှစ်စဉ် လက်ခံနေကြ တာပါလိမ့်။
ဆိုက်ပရပ်ကိစ္စက ပိုကြီးကျယ်နေတော့ မြန်မာ့သတင်းက ( တစ်ပိုင် တစ်နိုင် ကိုယ့်အသံနဲ့ကိုယ် အော်နေကြရတဲ့ ဖေ့စ်ဘုတ်ကလွဲရင် ) အင်္ဂလိပ်လို သတင်းစာတွေမှာ ဒုတိယနေရာ ရောက်သွားတယ်။
ကံကောင်းတယ် လို့ ပြော ရမလား၊ ကံမကောင်းတာတော့ သေချာတယ်။

ဒီလိုတွေ ကြုံတွေ့ရတာများရင် ကမ္ဘာမှာ ဖရီးသင့်ကားတွေ ပိုများလာမယ်ဆို တာ ဗေဒင်မေးစရာ မလိုလောက်ဘူး။ ဘာသာရေး ပြဿနာတွေ လတ်တလော ပြေလည်ဖို့ အဖြေရှာတွေ့ကြသေးဟန်လည်းမတူသေးဘူး။ အရင်က ဘာသာရေးအခြေခံ ပြဿနာတွေဆိုတာ နယ်ချဲ့မှုတွေနဲ့ ရောထွေးနေတယ်။ အခုလည်း နယ်မြေလုမှုက မပြီးသေးဘူး၊ ဒါ့အပြင် အခု ဘာသာရေးပြဿနာတွေက ဒုတ်၊ ဓား၊ မီးတုတ်၊ မုဒိမ်းကျင့်၊ အလံမီးရှို့၊ ရုပ်တုဖျက်ဆီး၊ လက်ဖြစ်ဗုံး၊ စက်ဖြစ်ဗုံး၊ ကားဗုန်း၊ လေယာဉ်ဗုံး ၊ ရော့ကက်တွေနဲ့ ဆက်စပ်နေတယ်။
ကံကောင်းထောက်မစွာပါပဲ ဘာသာရေး အစွန်းရောက်သူတို့ထံမှာ အနုမြူဗုံး ရှိကြသေးဟန် မတူဘူး။
ဤသို့ သတ်ကြပုတ်ကြဖြင့် အတန်ကြာသောအခါ..............

 ဇင်ဝေသော်

Read more

ပြန်ချင်သည့် ကွန်မင့်များ

"Kyaw Winmyint: သော ကြာ နေ့ ဆို ရင် နေ့ လည် 12:15 မှ 1:45pm ခန့် အ ထိ လောက် ပါ ။ အ ချိန် လွဲ နေ တော့ ဒါ မ ဟုတ် လောက် ပေ ဘူး
2 hours ago via mobile · Unlike · 2"

ကိုကျော်ဝင်းမြင့်၏ အထက်ပါ ကွန်မင့်နှင့်ပတ်သက်၍ ရှင်းလို့ရသမျှ ရှင်းပြ ချင်သည်။ အသေးစိပ်များကား ကော်မတီထဲမှာပင် ရှိရမည်ဖြစ်သည်။

၁ ။ ယင်း ဗလီ၏အမည်မှာ Masjid Darul Aman ဖြစ်ပြီး လိပ်စာက1, Jalan Eunos ဖြစ်သည်။

၂ ။ အစ္စလမ်တရားပွဲနှင့် ပတ်သက်ပြီး

Talk on "Islam" Our way of life
1 ) The meaning of Islam
2 ) The basic teaching of Islam
3 ) Who are Muslims?
4 ) Why Islam is still relevant today.
5 ) Islam the most misunderstood and underrated religion.
6 ) Qs and As

By Mr Haron Akhtar, a religious teacher.
Sun day, 31st of March,
Venue: Mangala Hall
Time 12:45 pm to 2 pm.

၃ ။ (ကားပါကင်နှင့် ပတ်သက်ပြီး ) အထက်ပါ ကွန်မင့်ရှင်က မြန်မာပြည်ထဲမှ ဆိုလျှင် စင်္ကာပူမှာရှိနေသော ဗလီ၊ ချပ်ကျောင်းနှင့် ဗုဒ္ဓဘာသာကျောင်းတို့ လည်ပတ်နေပုံကို ကျကျနန မသိနိုင်လောက်ပေ။ မိမိတို့ကျောင်းမှာပင် တနင်္ဂနွေနေ့ဆိုလျင် နံနက် ၉ နာရီမှာစသော ဆန်းဒေး ဓမ္မသင်တန်းများ၊ ပါဠိကောလိပ်တန်းများ ၊ ဘုရားရှိခိုး၊ တရားထိုင်၊ ပဋ္ဌာန်းရွတ်တို့ဖြင့် ည ၉ နာရီရောက်မှ ပြီးဆုံးသည်။ ထို Masjid Darul Aman ဗလီမှာလည်း သော ကြာနေ့များတွင် တစ်နေ့လုံးလိုလို လူစည်ကားနေသည်ကို တွေ့ရပါ၏။

မေတ္တာဖြင့်

သီဟနာဒ

 

Read more

Unlikely ( ဖြစ်နိုင်ခြေ သိပ်မရှိ )

ယခုလ ( မတ်လ ) ၃၁ ရက်နေသည် ငါးရက်မြောက် တနင်္ဂနွေဖြစ်သည်။ ဆိုလိုသည်မှာ ပုံမှန်လည်ပတ်နေသည်ထက် တနင်္ဂနွေ တစ်ရက် ပိုနေ သည် ။ ထို့ကြောင့် ဘာသာဝင်အချင်းချင်း တစ်ယောက်ကို တစ်ယောက်၊ တစ်ဘာ သာကို တစ်ဘာသာ ပိုမိုနားလည် သည်းခံနိုင်ကြစေရန် ရည်စူးပြီး အစ္စလာမ် ပညာရှင်တစ်ယောက်ကို ဗုဒ္ဓဘာသာကျောင်း၌ ဖိတ်ကြားပြီး အစ္စလာမ်ကိုး ကွယ်ယုံကြည်မှုနှင့် ပတ်သက်ပြီး ဗုဒ္ဓဘာသာများကို ပြောဟောပေးရန် ဖိတ် ကြားဖို့ ဆုံးဖြတ်ခဲ့ကြသည်။
ဤသည်ကပင် စင်္ကာပူ၏ အခြေခံမူပင်ဖြစ်ပြီး ကောင်းမွန်သော စနစ် ဟု လည်း ထင်မြင်မိသည်။
ယင်းကိစ္စကို ကော်မတီဝင်းများနှင့်် ဆွေးနွေးကြစဉ်
" ကောင်းမွန်တဲ့ အစီအစဉ်ဖြစ်ပါတယ်၊ ဒါပေမဲ့ တစ်ခုလောက်မေးချင်တယ်။ ဗုဒ္ဓဘာသာကျောင်းမှာ အစ္စလာမ်ပညာရှင်တစ်ယောက်က အစ္စလာမ်ကိုး ကွယ် ယုံကြည်မှုအကြောင်း ပြောဟောခွင့်ရသလို ဗလီထဲမှာရော ဗုဒ္ဓဘာ သာပညာရှင်တစ်ယောက်က ဗုဒ္ဓဘာသာရဲ့ ကိုးကွယ်ယုံကြည်မှု အကြောင်း ပြောဟောခွင့်ရနိုင်မလား " ဟု အစည်းအဝေး၌မေးရာ
ကော်မတီဝင်းများအာလုံး တညီတညွတ်တည်း "Unlikely. At least not now" ဟု ဖြေကြသည်။

သောကြာနေ့ ညနေပိုင်းများမှာ ဗုဒ္ဓဘာသာကျောင်းများအတွက် ထွေထွေ ထူးထူး ဘာသာရေး အက်တီဗီတီမရှိသော်လည်း မွတ်စလင်များအတွက် ဝတ်ပြုဆုတောင်းခြင်းများဖြင့် ဗလီထဲမှာ စည်းကားနေတတ်သည်။ မလှမ်းမကမ်းမှာရှိသော ဗလီတစ်ခုက သူတို့ဘာသာဝင်များအတွက် ကားရပ် ရန်နေရာ အခက်အခဲရှိသဖြင့် ကားပါကင် ကျယ်ကျယ်ပြန့်ပြန့်ရှိသော မိမိနေ ထိုင်ရာကျောင်း၏ ကားပါကင်၌ သောကြာနေ့ ညနေတိုင်း ကားထား ခွင့် တောင်းခံလာကြသည်။ ကော်မတီနှင့်ဆွေးနွေးကြရာ အတူတကွ ညီညွ တ် စွာ ပူးပေါင်းနေထိုင်ရေး စင်္ကာပူ၏ဥပဒေနှင့်သော်လည်ကောင်း၊ လူသား ချင်း၊ ဘာသာချင်း ရိုင်းပင်းကူညီခြင်း အခြေခံ လူ့ဥပဒေနှင့် သော် လည်ကောင်း၊ ဗုဒ္ဓအဆုံးအမနှင့်သော်လည်ကောင်း ညီညွတ်ပေသည်။

ထို့ကြောင့် သတ်မှတ်ပေးထားသောနေရာတို့၌ ကားရပ်ထားနိုင်ကြောင်း၊ ထို သတ်မှတ်ပေးထားသောနေရာတိုကို လမ်းညွှန်ပေးနိုင်ရန် တာဝန်ရှိသူ တစ်ယောက် ကျောင်း ပရဝုဏ်ထဲမှာ ရှိနေရန်လိုကြောင်း၊ တစ်ခုခုဆို ထိုသူက ဖြစ်သမျှကို တာဝန်ယူ ဖြေရှင်းရန်လိုအပ်ကြောင်း၊ ကားရပ်ထားခွင့် သည် ညနေ ၃ နာရီခန့်မှ ၇ နာရီခွဲခန့်အထိသာဖြစ်ကြောင်း ဥပဒေထားကာ ခွင့်ပြုရန် သဘောတူခဲ့ကြသည်။
ကော်မတီ အစည်းအဝေးမှာပင်
" မိမိတို့ ဗုဒ္ဓဘာသာ အခါကြီး ရက်ကြီးများမှာ ဗုဒ္ဓဘာသာဝင်များအတွက် ကားပါကင်အခက်အခဲ ရှိလာရင်ကော သူတို့ဗလီထဲမှာ ကားရပ်ထား ခွင့် ပြုလောက်သလား " မေးရာ
ရှေးနည်းအတိုင်းပင် ကော်မတီဝင်းများအာလုံး တညီတညွတ်တည်း "Unlikely" ဟု ဖြေကြသည်။

လီကွမ်းယုကတော့ အတူတကွ ညီညွတ်စွာ ပူးပေါင်းနေထိုင်ရေးနှင့် ပတ် သက်ပြီး ၁၇ ရာစုဆန်သော အစ္စလမ်ယုံကြည်မှုကို စိုးရိမ်မိကြောင်း အမုန်း ခံ ပြောထားခဲ့သည်။ ဤ၌ ဘာသာရေး အဆုံးအမနှင့်လည်း မသွေ ဖည် ခေတ်နှင့်လျှော်ညီစွာလည်း နေထိုင်နိုင်သော အစ္စလမ်ဘာသာ ဝင်များ ကို မဆိုလိုပါပေ။ ငြိမ်းချမ်းရေးကို တည်ဆောက်ရာမှာ နှစ်ဖက်စလုံး အလျှာ့ပေးစရာများရှိနေသည်ကို လူတိုင်းသဘောပေါက်နိုင်သည်။

အထက်ပါ မိမိ၏ မေးခွန်း အဖြေသည် "Unlikely" ဖြစ်နေသော်လည်း သူတို့နှင့် ပို၍ရင်းနှီးလာသလိုခံစားရပြီး တစ်ယောက်နဲ့ တစ်ယောက် အပြုံး ချင်းဖလယ်မှုများလည်း ပို၍များလာခဲ့ကြသည်ကိုမူ ဝန်ခံရပါလိမ့်မည်။ ယုံကြည်မှု မတူကာမျှဖြင့် အမုန်းပွားနေရန်မလိုသလို ဘာကိုမှ မယုံကြည်သူ ကလည်း အခြားသူတို့ ယုံကြည်မှုအတွက် ဘာမှ ဝေဖန်နေစရာ မလိုတော့ပါ ။
တချို့လူ့အဖွဲ့အစည်းက လစ်ဘရယ်ဆန်ဆန် ဥပဒေကို တောင်းဆိုသော် လည်း တချို့လူ့အဖွဲ့အစည်းက ပို၍တင်းကြပ်သော ဥပဒေကိုတောင်းဆိုနေ ဟန်ရှိသည်။ စင်္ကာပူက ဤဟန်ချက်ကို ကောင်းကောင်း ထိန်းထားနိုင်ဆဲဖြစ် သည်ဟု တွေ့မြင်ရပါသည်။

သီဟနာဒ

Read more

ဆေးကြောင့် လေးနေကြဆဲ

မနေ့က သတင်းစာမှာ ဗုဒ္ဓဘာသာအများစု နိုင်ငံထဲက ဗလီကို မီးရှိ့နေ တဲ့ သတင်းနဲ့ မွတ်စလင်နိုင်ငံထဲက ခရစ်ယန်ချပ်ကျောင်းကို စက်ကြီးနဲ့ထိုပြီး ဖြိုနေကြတဲ့ သတင်းနှစ်ပုဒ် တွဲလျက်ပါလာတယ်။

နိုင်ငံ တစ်နိုင်ငံကလည်း ကိုးကွယ်မှုဘာသာတရားအနေနဲ့ အစ္စလာမ်နဲ့ ခရစ္စယန်ကိုပဲ အသိအမှတ်ပြုနိုင်မယ် တဲ့။
 
တစ်ချိန်တည်းမှာပဲ မွတ်စလင်အများစုနေထိုင်တဲ့ နိုင်ငံတွေမှာ နေကြရတဲ့ ဗုဒ္ဓဘာသာတွေ အထူးသဖြင့် ဝတ်စားဆင်ယင်မှုမှာ အများနဲ့ ရောလို့မရတဲ့ ရဟန်းတွေရဲ့ဘဝဟာ ကျီးလန့်စာစားပဲ။
အဲ ပြည်ပမှာရှိတဲ့ ယဉ်ကျေးမှု အမွေအနှစ် ဘုရားကျောင်းကန်တွေလည်း ပိုပြီး မလုံခြုံတော့ဘူး။

 
ဟို အရင်က ပြည်တွင်းမှာ ကုလား ဗမာ အရေးအခင်းဖြစ်တော့ ဘင်္ဂလားေ ဒ့ရှ် မှာရှိတဲ့ ဗုဒ္ဓဘာသာရဟန်းတွေ အသတ်ခံခဲ့ရတယ်။ ကျောင်းတွေ မီးရှို့ ခံခဲ့ရတယ်။

အန္ဒိယထဲမှာကျတော့ ဟိန္ဒူတွေက ဇာတ်စနစ်နဲ့ မောက်မာပြီးမွတ်စလင်တွေ က ပေါင်းလို့သင်းလို့ ပိုကောင်းတယ်ဆိုလား။
ဘာပြောရမှန်းမသိအောင် ရှုပ်ထွေးလှတယ်။ သေချာတာကတော့တစ်နေရာ မှာ တစ်ခုခုဖြစ်ရင် အခြားတစ်နေရာမှာ တန်ပြန်အကျိုးရှိနေတတ်တယ် ဆို တာပါပဲ။

ဒီခေတ်မှာ ကံအကျိုးပေး ဆိုတာထက် မီဒီယာအကျိုးပေးက ပိုမြန်နေတတ် တယ်။
ဘာသာတရားတိုင်း ငြိမ်ချမ်းရေးကို ဆောင်နိုင်ပါစေ။

ဒါပေမဲ့ လက်ရှိမှာတော့ ဆေးကြောင့် လေးနေကြဆဲ။
ကမ္ဘာမြေ ငြိမ်းချမ်းပါစေ။

 ကမ်းလက် 

Read more

လူစိမ်းမှ လူရင်းသို့ ( ၇း ၅ )

"ဒါပေမဲ့ မလေးရှားနိုင်ငံထဲမှာရှိတဲ့ မလေးလူမျိုးတွေက တရုတ်လူမျိုးတွေ၊ အိန္ဒိယန်းလူမျိုးတွေကို သူတို့နိုင်ငံသားလို့ မထင်ကြဘူး။ သူများမြေပေါ် ခဏလာနေတဲ့လူတွေဆိုပြီး မောင်းထုတ်ကြတယ်လေ။ သူတို့ မောင်းထုတ် လို့ စင်္ကာပူနိုင်ငံသား မှတ်ပုံတင်ကို ငါတို့က စတင် အသုံးပြုခဲ့ရတာ" (လီကွမ်းယု)

မေး ။ ။ စင်္ကာပူရဲ့ အမှတ်အသားက ဘာလဲ။ လူတွေ အများကြီးထဲမှာ ဒီ လူဟာ စင်္ကာပူးရီးယန်းလို့ ဘယ်ဟာကို ကြည့်ပြီး ခွဲခြားမလဲ။

ဖြေ ။ ။ မင်းက နိုင်ငံအမှတ်အသားနဲ့ ပတ်သက်ပြီး မေးတော့ ကျယ် ကျယ်ပြန့်ပြန့် ငါ ဖြေမှ ရမယ်။ နိုင်ငံရဲ့ အမှတ်အသားဆိုတာ အနေအထား အပေါ်မှာ မူတည်ပြီး အမျိုးအမျိုး ကွဲလွဲနိုင်တယ်။ ဗြိတိသျ အင်ပါယာလက် ထက်က ဝေလတွေ၊ အိုင်းရစ်တွေ၊ စကော့တလန်လူမျိုးတွေအားလုံး သူတို့ ကိုယ် သူတို့ ဗြိတိသျလို့ ခံယူကြတယ်။ ဗြိတိသျအင်ပါယာလည်း ပြိုကွဲရော “ငါက ဝေလလူမျိုး၊ ငါက အိုင်းရစ်လူမျိုး၊ ငါက စကော့တလန်လူမျိုး၊ ငါတို့ ကိုယ်ပိုင်တရားစီရင်မှုတွေ လိုချင်တယ်။ အဘာဒီး(န်) မှာထွက်တဲ့ ရေနံတွေ ငါတို့ ပိုင်တယ်” ဆိုပြီး တောင်းဆိုကြပါလေရော။

ဒါ့ကြောင့် လေဘာအစိုးရက သူတို့ကို ကိုယ်ပိုင်တရားစီရင်ခွင့်တွေ ပေး လိုက်ကြတာ။ ဒီထက်ပိုပြီး ကွဲလာကြရဦးမယ်။ အခုဆို စကော့တလန်တွေ လွတ်လပ်ရေးကို ထောက်ခံတဲ့ ပါတီတွေတောင် ရှိနေပြီ။ မင်းပြောတဲ့ အမှတ် အသား ဆိုတာက ပြောင်းနေတယ်။ပြောင်းလဲနေတဲ့ အနေ အထားတွေ ကြားမှာ စင်္ကာပူနိုင်ငံရဲ့ အမှတ်အသားကဘာဖြစ် လာမလဲ။လူမျိုးပေါင်း စုံကို လက်ခံနိုင်မှု၊ လူမျိုးစုတွေရဲ့ ခြားနားချက်ကို နားလည်သည်းခံပေးမှု၊ ဘာသာ စကား၊ ယဉ်ကျေးမှု၊ ယုံကြည်ကိုးကွယ်မှုတိုင်းကို နားလည်ပေးမှု၊ အညီအမျှ ယှည်ပြိုင်ခွင့်ရှိမှု၊ ဒါတွေပေါ့။ ဒါတွေကြောင့်ပဲ စင်္ကာပူဟာ အိမ်နီးချင်းနိုင် ငံတွေထက် ခေါင်းတစ်လုံး ပိုမြင့်နေတာ။

အင်ဒိုနီးရှားမှာဆိုရင် တရုတ်လူမျိုးတွေကို ဆယ်စုနှစ်ပေါင်းများစွာ သူတို့ လူမျိုးအဖြစ် အသိအမှတ် မပြုဘူး။ တရုတ်တွေဟာ သူတို့နာမည်တွေကို ပရိဘူမိခေါ်တဲ့ အင်ဒိုနီးရှားနာမည်တွေနဲ့ ပြောင်းယူရတယ်။ ဒါတောင်မှ သူ့ လူမျိုးပါလို့ အသိအမှတ် မပြုသေးဘူး။အခု တရုတ်ပြည်က တက်လာတော့ မှ တရုတ်ကျောင်းနဲ့ တရုတ်ရုပ်သံဌာနကို ပြန်ခွင့်ပြုပေးထားတာ။ Jusuf Kalla ဆိုရင် သမ္မတရွေးချယ်ပွဲမှာ ဂျဗားလူမျိုးမဟုတ်လို့ မဲ (၁၂) ရာခိုင်နှုန်းပဲ ရတယ်။

ဒါဆို အင်ဒိုနီးရှားမှာရော နိုင်ငံတော်အမှတ်အသား ရှိသလား။ ရှိတယ်။ သူတို့ က အင်ဒိုဘာသာစကားကို အားလုံး ပြောကြတယ်။ ဒီအပြင် ဘာရှိဦးမလဲ။ အရေးပါတဲ့ ကြီးကြပ်ကွပ်ကဲရတဲ့ ဌာနတွေမှာ သူတို့လူမျိုးတွေ၊ ကာကွယ်ရေး ထဲမှာ သူတို့လူမျိုးတွေ၊ Guinea လို နေရာမျိုးမှာ လူနည်းစုလေးပင် ဖြစ်စေ၊ သူတို့ဟာ အင်ဒိုနီးရှားတွေရဲ့ အစိတ်အပိုင်းတွေပဲ ဖြစ်တယ်။ ဒါကို ခွဲခြား ထားလို့ မရဘူး။ ဒါကြောင့် သူတို့လည်း နိုင်ငံငံရဲ့ သင်္ကေတရအောင် လုပ် ယူနေရဆဲလို့ ငါထင်တယ်။

ရှေးဟောင်းနိုင်ငံကြီးတွေ ဖြစ်ကြတဲ့ ဂျပန်တို့၊ တရုတ်တို့ကျတော့ “နေးရှင်း” ကို စနစ်တကျ တည်ဆောက်ပြီးကြပြီ။ သူတို့ “နေးရှင်း” ဆိုတာရဲ့ သတ်မှတ် ချက်က လူမျိုးတစ်မျိုး၊ ဘာသာစကားတစ်ခု၊ ယဉ်ကျေမှုတစ်ခု၊ ကိုးကွယ်မှု တစ်ခုပဲ။
အဲသလို အချက်တွေနဲ့ ပြည့်စုံတာ နိုင်ငံဘယ်လောက် ရှိနိုင်မလဲ။ ဂျပန်ကွာ၊ တရုတ်ပြည်မကြီးကွာ၊ (ပင်လယ်ကမ်းခြေမြို့တွေကို ထည့်တွက်လို့ မရဘူး)

ဘယ်လိုလူမျိုးကိုမှ ဂျာမနီနိုင်ငံသားအဖြစ် အသိအမှတ် မပြုခဲ့တဲ့ ကမ္ဘာစစ် မတိုင်မီက ဂျာမနီကွာ။ ဒီနေ့တော့ ဂျာမနီလည်း ပြောင်းသွားပြီ။ သူတို့နဲ့ တစ်သားတည်း ဖြစ်မသွားပေမဲ့ ဖိအားတွေကြောင့် တူရကီလူမျိုးတွေကို ဂျာ မနီနိုင်ငံသားအဖြစ် အသိအမှတ် ပြုပေးနေရပြီ။
ဆွီဒင်ဆိုရင်လည်း ဆိုမာလီတွေ၊ သီရိလင်္ကာက တမီးလ်တွေ စတာတွေကို ဒုက္ခသည်တွေအဖြစ် လက်ခံထားရတယ်။ သူတို့ရော ဆွီဒင်လူမျိုးတွေ ဖြစ် လာနိုင်သလား။ မျိုးဆက်ပေါင်းများစွာ လိုလိမ့်မယ်။ ဆွီဒင်လူမျိုးအနေနဲ့ သူတို့ကို လက်ခံမလား။ တရားဥပဒေအားဖြင့်တော့ အသိအမှတ်ပြုခံရမယ်။ အလုပ်မရှိရင် ထောက်ပံ့ကြေးရမယ်။ အစိုးရရဲ့ အကူအညီတွေရမယ်။ ဒါပေမဲ့ ဆွီဒင်လူမျိုးတွေရဲ့ အတွင်းစည်းထဲတော့ မရောက်နိုင်ဘူး။

စင်္ကာပူးရီးယန်းတစ်ယောက်ရဲ့ ရှိရမယ့် သင်္ကေတအပေါ်မှာ ငါ အဓိပ္ပါယ်ဖွင့် ဆိုတာက သူများနိုင်ငံတွေနဲ့ မတူဘူး။ ငါတို့နဲ့ ပေါင်းစည်းလာတဲ့ ဘယ်သူ့ကို မဆို ငါတို့နိုင်ငံရဲ့ အစိတ်အပိုင်းပဲ။ အဲဒါက အမေရိကန်တွေရဲ့ မူဝါဒ။ မင်း နာမည် ပြောင်းစရာမလိုဘူး။ Brzezinski လား။ Berlusconi လား … လာခဲ့ ရတယ်။ လာသာ ပေါင်းလှည့် မင်းဟာ အမေရိကန်ပဲ။ အဲသလိုပဲ။ တို့မှာ အရည်အချင်းရှိသူတွေ လိုတယ်။ သူတို့ကို ကြိုဆိုရမယ်။ အဲ့ဒါသည်ပင် သူ မတူတဲ့ ငါတို့ ဂုဏ်ရည်တစ်ခု ဖြစ်နေရမယ်။

အဲဒီဂုဏ်ပုဒ်သာ မရှိရင် တို့လည်း သူများတွေလိုပဲ ဖြစ်နေမှာပေါ့။ ကဲ … ဒါဆိုရင် စင်္ကာပူးရီးယန်းတရုတ်က တရုတ်ပြည်ကြီးက တရုတ်နဲ့ တူသလား။ စင်္ကာပူးရီးယန်း အိန္ဒိယန်းက အိန္ဒိယမှာနေတဲ့ အိန္ဒိယန်းတွေနဲ့ တူသလား။ မလေးရှားကမလေးတွေ အခုငါတို့ ကလေးတွေနဲ့ မတူတော့ဘူး။ မင်းတို့ မိ ခင်ဘာသာစကားကို မမေ့စေနဲ့။ ဒါပေမဲ့ ရုံးသုံးစကားကတော့ အင်္ဂလိပ်ပဲ။ ဒီပြင် အိမ်နီးချင်းနိုင်ငံသားတွေရဲ့ အင်္ဂလိပ်စာက တို့လောက်တော့ကောင်းမှာ မဟုတ်ဘူး။ ဒါပေမဲ့ တရုတ်၊ အိန္ဒိယ၊ မလေးရှား၊ အင်ဒိုနီးရှားတို့နဲ့  စီးပွားရေး စကား ပြောရတော့မယ်ဆိုရင် အင်္ဂလိပ်လို ပြောလို့ရတယ်။

မေး ။ ။ အမေရိကန်အများစုက အမေရိကဆိုတာ ကမ္ဘာ့လူသားတိုင်းရဲ့ အခွင့်အရေးများ ပေးရာမြေလို့ သူတို့နိုင်ငံကို သူတို့ ယုံကြည်ထားကြတော့ အမေရိကအတွက်ဆို အသက်ပေးရဲကြတယ်။ စင်္ကာပူးရီးယန်းတွေဆီမှာ အဲ့ သလို စိတ်ဓာတ်မျိုးတွေ တွေ့ရသလား။

ဖြေ ။ ။ ဒီထက်သာတယ်။ တကယ့်ကို အံ့ဩဘနန်းပဲ။ ဒီနိုင်ငံထဲကို ဝင် လာ ကတည်းက သူမတူတဲ့ လူ့အဖွဲ့အစည်းဟာ သာမန်သူလိုငါလို အဖွဲ့ အ စည်း မဟုတ်ဘူး။ ကံကောင်းထောက်မလို့လည်း ဒီပုံစံ ဖြစ်လာတာ။ ပြီးတော့ မှ ကြိုးစားအားထုတ်မှု၊ စူးစမ်းမျှော်မြင်မှုနဲ့ နိုင်ငံတော်ကို တည်ထောင်ခဲ့ကြတဲ့ ပထမဆုံးမျိုးဆက်တွေ။ ဒီအတိုင်းပဲ ဆက်ခရီးသွားနိုင်မယ်လို့ ထင်တယ်။ ဒါကြောင့်မို့ သူများတွေနဲ့ မတူတဲ့ အရည်အသွေး ရှိနေမှသာ စင်္ကာပူဟာ လုံ ခြုံအေးချမ်းမယ်လို့ ငါယုံကြည်ထားတာ။

မေး ။ ။ မစ္စတာလီ ငယ်စဉ်က ပထမ အင်္ဂလိပ်လက်အောက်ခံ၊ နောက်ပြီး ဂျပန်လက်အောက်ခံ၊ နောက်ဆုံး မလေးရှားထဲ ရောက်သွားပြန်ရော။ ကိုယ့် ကိုယ်ကို စင်္ကာပူးရီးယန်းတစ်ယောက်အဖြစ် ဘာကြောင့် မြင်မိတာလဲ။ စင်္ကာပူးရီးယန်းဖြစ်ရတာကရော မစ္စတာလီအတွက် ဘာအဓိပ္ပါယ်ရှိသလဲ။

ဖြေ ။ ။ ငါက စင်္ကာပူးရီးယန်းစစ်စစ်လို့ ပြောလို့ မရဘူး။ အမှတ်တမဲ့နဲ့ စင်္ကာပူဆိုတဲ့ အမြုတေလေးကို ငါ ပြုစုပျိုးထောင် ကြည့်မိတယ်။ အဲဒီ အမြုတေလေးက စင်္ကာပူးရီးယန်းဆိုတာကို ဖြစ်စေခဲ့တယ်။ မှန်တယ်။ ဗြိ တိသျလက်အောက်ခံအနေနဲ့ ကြီးခဲ့ရတယ်။ ငါ့အဖေက စင်္ကာပူမှာ အလုပ် လုပ်ခဲ့ဖူးတယ်။ ငါ့အဖိုးက ဂျာဗားက သကြားဘုရင် Oei Tiong Han ပိုင်တဲ့ Heap Eng Mo သဘောင်္လိုင်းမှာ အရာရှိ၊ ငွေထိမ်းရတယ်။ သင်္ဘာခရီးစဉ်ေ တွ ဆွဲရတယ် (Purserလို့ ခေါ်ပါတယ်)။ နောက်ပြီးတော့ အေးဂျင့်လုပ် တယ် ။ စင်္ကာပူရှေ့နေအဖွဲ့မှာ အရေးပါသူတစ်ယောက် ဖြစ်လာခဲ့တယ်။

အရောင်းအဝယ်လုပ်ရင်း သူ ငွေတော်တော် စုမိသွားတယ်။ Semarang မှာ ငါ့အဖွားကို လက်ထပ်ပြီး ဒီကို ခေါ်လာခဲ့တယ်။ ငါ့အဖေက Semarang မှာ မွေးခဲ့တာ။ သူငယ်စဉ်မှာပဲ စင်္ကာပူကို ရောက်လာခဲ့တယ်။ သူ့အဖေက ဗြိ တိသျှ လက်အောက်ခံဆိုတော့ ငါ့အဖေကလည်း အလိုအလျှောက် ဗြိတိသျှ လက်အောက်ခံလေး ဖြစ်ပြီး အင်္ဂလိပ်ကျောင်းမှာပဲ ကျောင်းတက်ခဲ့တယ်။ Neil Road မှာ ကလေးဘဝက ငါနေစဉ်က တို့အိမ်မှာ ဂျာဗားက အိမ်ဖော်ေ တွ ရှိတယ်။ သူတို့က မလေးတွေထက် ပို အလုပ်လုပ်တယ်။ ငါ့အဖွားဆိုရင် ဂျာဗားဘာသာစကား ပြောတတ်တယ်။ ငါကိုယ်တိုင် စင်္ကာပူးရီးယန်း တစ်ယာက်လို့ ခံယူမိသလား … “နိုး” ပဲ။

ငါ့အဖေက Shell (ရေနံကုမ္ပဏီ) မှာ အလုပ်လုပ်တော့ ဂျိုဟိုး၊ ပါတုပါဟတ် ၊ ကောင်တန်တို့ကို သွားရတာပေါ့။ ငါကျောင်းနေတဲ့ အရွယ်တုန်းက အဖေနဲ့ အတူ လိုက်လိုက်သွားတယ်။ အဲဒီတုန်းကတော့ အဲဒီနေရာတွေအားလုံးဟာ အုပ်ချုပ်မှုတစ်ခုတည်းအောက်မှာပဲ ရှိတယ်။ တစ်လျှောက်လုံး ကားမောင်း သွား၊ အခွန်ကောက်တာမရှိ၊ လူဝင်မှုကြီးကြပ်ရေးလည်း မရှိဘူး။ ငါ့ကိုယ်ငါ မလေးရှားလူမျိုးလို့ ထင်ခဲ့တယ်။
ဒါပေမဲ့ မလေးရှားနိုင်ငံထဲမှာရှိတဲ့ မလေးလူမျိုးတွေက တရုတ်လူမျိုးတွေ၊ အိန္ဒိယန်းလူမျိုးတွေကို သူတို့နိုင်ငံသားလို့ မထင်ကြဘူး။ သူများမြေပေါ် ခဏ လာနေတဲ့လူတွေဆိုပြီး မောင်းထုတ်ကြတယ်လေ။ သူတို့ မောင်းထုတ်လို့ စင်္ကာပူနိုင်ငံသား မှတ်ပုံတင်ကို ငါတို့က စတင် အသုံးပြုခဲ့ရတာ။ မင်းက စင်္ကာပူနိုင်ငံသား မှတ်ပုံတင်ဖြစ်ဖို့ ဘာတွေလိုအပ်သလဲလို့ မေးခဲ့တယ်။ အခု ငါပြောခဲ့တာတွေဟာ အခြေခံ အကြောင်းတရားတွေပဲကွ။ အဲဒီအချက်တွေမရှိဘဲ စင်္ကာပူလည်း မရှိနိုင်ဘူး။ တစ်ယောက်နဲ့တစ်ယောက် လက်မြဲမြဲ တွဲမသွားရင် စင်္ကာပူလည်း မရှင်သန်နိုင်ဘူး။

မေး ။ ။ အစပိုင်းကာလတုန်းကတော့ စင်္ကာပူးရီးယန်းတစ်ယေက် အဖြစ် ရွေးစရာ မရှိလို့ ရွေးခဲ့ရတဲ့သဘောပေါ့။ ဒါနဲ့ စင်္ကာပူးရီးယန်းဆိုတဲ့ အ သိ ဦးနှောက်ကနေ နှလုံးသားထဲရောက်လာအောင် ဘယ်အချက်တွေ က ပြောင်းလဲပေးခဲ့တာလဲ။
ဖြေ ။ ။ ငါ့စိတ်ကိုငါ အဲသလောက် စူးစမ်းမနေနိုင်ပါဘူးကွာ။ ငါသိတာက ငါတို့ကို ငါတို့ စင်္ကာပူးရီးယန်းဖြစ်တယ်ဆိုတဲ့ အမှတ်အသားထားမှ ရကို ရတော့မယ်ဆိုတဲ့ အခြေအနေကြောင့် စင်္ကာပူနိုင်ငံသားကဒ် ထုတ်ရတာပဲ။ မလေးရှားက စင်္ကာပူမလေးရှားနယ်ခြားမှာ လူဝင်မှုကြီးကြပ်ရေးနဲ့အကောက် အခွန်ဌာနလည်း ဖွင့်ရော ငါတို့လည်းသူတို့လုပ်သလို တုန့်ပြန်ပေးလိုက် တယ်။ အခုဆိုရင် မင်းနိုင်ငံသားမှတ်ပုံတင်ကဒ်ပြမှ သွားလို့ရတယ်။ ဟိုတုန်း က ဘာမှ မလိုဘူး။
ဘာပဲဖြစ်ဖြစ် ဒီမူကို ငါက ကြိုဆိုတယ်။ အဲသလို မဟုတ်ခဲ့ရင် စင်္ကာပူ မလေး ရထားလမ်းတစ်လျှောက်လုံးက ရထားလမ်းပေါ်မှာ မလေးတွေနဲ့ ပြည့်နေ မယ်။ ဒီမှာ အလုပ်လုပ်ရင် ပိုက်ဆံပိုရတယ်လေ။ အဲဒါ သမိုင်းပါပဲ။ ဒါနဲ့ နိုင်ငံ သားကဒ်တွေ ထုတ်ပေးလိုက်တယ်။ အဲဒီကဒ်လေးကို ကောင်းကောင်း အ သုံးချကြပေါ့။

ငါတို့ဆုံးဖြတ်ခဲ့တာ သိပ်မဆိုးလှပါဘူး။
(အခန်း ၇ ပြီး။ )

ဇင်ဝေသော်

Read more

Mindfulness, Meditation, Wellness and Their Connection to Corporate America's Bottom Line

..................................................................................................
..................................................................................................
And so they did -- in the form of incentives for employees to lose weight, control their blood pressure and cholesterol levels. It was a huge success. "You allow and encourage your employees to become healthier, they become more productive, your company becomes more competitive," Burd says. "I can't think of a single negative in doing this." He concludes: "Making money and doing good in the world are not mutually exclusive."

One of the best -- and cheapest -- ways to become healthier and happier is through mindfulness exercises like meditation. Mark Williams is a professor of clinical psychology at Oxford, an expert in mindfulness-based cognitive therapy, and the co-author ofMindfulness: A Practical Guide to Finding Peace in a Frantic World. According to Williams, after nine weeks of training, participants in a mindfulness program had "an increased sense of purpose and had fewer feelings of isolation and alienation, along with decreased symptoms of illness as diverse as headaches, chest pain, congestion and weakness."
.....................................................................................................................................................................................................
In fact, the health effects of meditation can be even more dramatic -- a matter of life and death. Williams points to a National Institutes of Health study that showed a 23 percent decrease in mortality, a 30 percent decrease in death due to cardiovascular problems and a big decrease in cancer mortality as well. "This effect is equivalent to discovering an entirely new class of drugs (but without the inevitable side effects)," they write.

......................................................................................................................................................................................................
That last one is another way of saying that mindfulness is an antidote to burnout, which often leads to companies losing their most talented employees. Marie Asberg, professor at the Karolinska Institute in Stockholm describes burnout as an "exhaustion funnel," which we slip down as we give up things not conventionally deemed "important." As Mark Williams and Danny Penman note in Mindfulness: An Eight-Week Plan for Finding Peace in a Frantic World:

Notice that very often, the very first things we give up are those that nourish us the most but seem 'optional.' The result is that we are increasingly left with only work or other stressors that often deplete our resources, and nothing to replenish or nourish us -- and exhaustion is the result.

One occupation known for burnout is physicians. Studies show that anywhere from a third to half of them suffer from it. But a 2009 study in the Journal of the American Medical Association showed that doctors taking part in mindfulness exercises were less burned out. Even more dramatic was the fact that many of the improvements continued even after theyear-long study concluded.

This can make an equally profound difference in our work lives. As Tony Schwartz, author and CEO of the Energy Project writes, it's not about the quantity of time we put into a task, but the quality:

It's not just the number of hours we sit at a desk in that determines the value we generate. It's the energy we bring to the hours we work. Human beings are designed to pulse rhythmically between spending and renewing energy. That's how we operate at our best. Maintaining a steady reservoir of energy -- physically, mentally, emotionally and even spiritually -- requires refueling it intermittently.

........................................................................................................................................................................................................
In short, happiness and productivity are not only related, they're practically indistinguishable. According to the iOpener Institute, in a company with 1,000 employees, increasing happiness in the workplace:
Reduces the cost of employee turnover by 46 percent.
Reduces the cost of sick leave by 19 percent.
Increases performance and productivity by 12 percent.

Posted by:Arianna Huffington

 ကမ်းလက် 

Read more

အမြစ်က တစ်မြစ်ထဲ

လမ်းပေါ်မှာ ကုန်တင်ကားကြီးတွေ၊ ဘတ်စ်ကားတွေနဲ့ ကားတိုက်မှုဖြစ်ရင် ကုန်တင်ကားကြီးတွေ၊ ဘတ်စ်ကားတွေက သူတို့ရှေ့မှာရိုတဲ့ကားတွေကို ဝင် တိုက်တာများတယ်။ ၉၀ ရာခိုင်နှုန်းကျော်က အဲသလို ဝင်တိုက်မှုတွေ တဲ့။ ကဲ ဒါတော့ သူတို့ ပြောမှလား။

ဒီထက်အဓိပ္ပါယ်ပိုရှိတာလေးဆို ပိုမကောင်းဘူးလား။ ဥပမာ ကမ္ဘာတစ်ဝှမ်း လုံးမှာ ဘယ်လိုပုဂ္ဂိုလ်တွေရှိရင် ဘာသာရေး၊ လူမှုရေးပြဿနာတွေဖြစ်တတ် တယ်ဆိုတာမျိုးလေ။

"ဆိုင်တစ်ဆိုင်ကို ငှက်ပြောသီးစားချင်လို့ သွားဝယ်တယ်၊ ငါရောက်မှ ငှက်ပြောသီးကုန်သွားတယ် တဲ့။ ဘယ်နည်းနဲ့မှ သည်းခံလို့ မရတဲ့ကိစ္စ။ ဒီဆိုင်ကို မီးရှို့ရမှ ကျေနပ်မယ်"

"မုန့်ဟင်းခါးသည်ကောင်မလေးက ငါရောက်မှ ဆိုင်သိမ်းတယ်။ ခွင့်လွှတ်မရ တဲ့ ပြစ်မှုပဲ၊ လူစုပြီး ဒင်းကို အဓမ္မကျင့်ရမှ ကျေနပ်မယ်"

"ဒီ သံမှူးက ငါတို့ တမန်တော်ရဲ့နာမည်ကို အသံမှန်အောင် မထွက်နိုင်ဘူး။ ဒါဟာ ခွင့်လွှတ်လို့ မရတဲ့ ဘာသာရေး စော်ကားမှုကြီးပဲ၊ အဲဒီ သံရုံးကို မီးရှို့ ကြ"

"ဘယ်သူက ဖန်တီးတာပဲ ဖြစ်ဖြစ် ဘာသာရေးစော်ကားတဲ့ ခြောက် စက္ကန့် ကြာ ဗွီဒီယိုအတွက် လူခြောက်သန်း ဒုက္ခရောက်ရမှ ကျေနပ်နိုင်မယ်။ အဲဒီနိုင်ငံရဲ့ သံရုံးတိုင်း၊ အလံတိုင်းကိုမီးရှို့။ သံအမတ်နဲ့ မိသားစုကိုပါ သတ်"

"သူများဘာသာရဲ့ အထွတ်အမြတ် ရုပ်ထုတွေ ငါတို့ ကြိုက်သလို လုပ်ခွင့်ရှိ တယ်၊ ငါတို့ဘာသာကိုတော့ လာမထိနဲ့"

ဒီလိုလူတွေနဲ့ကမ္ဘာဟာ ဘယ်မှာ ငြိမ်းချမ်းနိုင်ပါ့မလဲ။

အဆုံးအမတွေကို လေးစားပါတယ်။ ရန်မူလိုစိတ်တွေနဲ့ လူရမ်းကားတွေ ထွက်ထွက်လာတာကလည်း ဒီအပေါက်ကပဲ။ ဒီအတွက် ကမ္ဘာသက်သေ။

သူတော်ကောင်းဖြစ်ဖို့ထက် ဘာသာဝင်တိုးပွားဖို့ အားပေးတဲ့ ဘာသာတိုင်း ဟာ ဘာသာအမည်ခံတဲ့ စစ်ပွဲဖန်တီးသူတွေပါပဲ။
ဝမ်းနည်းပါတယ်။

 ကမ်းလက် 

Read more

ကိုယ့် နိုင်ငံသား ပဓာနဝါဒ (သို့) နိုင်ငံတချို့ရဲ့ ဖောရိန်းအလုပ်သမား ကန့်သက်ချက်များ(၁)

ဒီနေ့ နိုင်ငံရပ်ခြားမှာ အလုပ်လုပ်နေကြတဲ့ မြန်မာအရေအတွက် ဘယ်ေ လာက် များနေပြီလဲ။ ဒီအဖြေက ဘယ်သူ့ဆီမှာမှ တိတိကျကျ မရှိတာ သေ ချာတယ်။ စင်္ကာပူ တစ်မြို့တည်းမှာကိုပဲ မြန်မာ သံရုံးက ထုတ်ပြန်တဲ့ စာရင်း နဲ့ အမှန်တကယ်ရှိနေတဲ့ လူဦးရေက ဘယ်တော့မှ ထပ်တူကျနိုင်တာ မဟုတ် ပါဘူး။

အမေရိကရောက်သူ၊ ဥရောပရောက်သူ၊ ဩစတေးလျရောက်သူ၊ ဂျပန်၊ကိုရီး ယား၊ စင်္ကာပူစသည် ရောက်နေသူတွေ အမျိုးမျိုး ရှိနိုင်ပါတယ်။ ဘယ်လောက်ပဲ လားရာ နိုင်ငံတွေကွဲကွဲ သူတို့ ထွက်ခွါရာကတော့ မြန်မာ ဆိုတဲ့ တတိယနိုင်ငံ တစ်နိုင်ငံကပါ။ ဒီတော့ ပထမကမ္ဘာက တတိယနိုင်ငံ သားတွေပေါ့။
စင်္ကာပူမှာ ဒီနှစ် ပိုပြီး လစာတွေမြင့်လာရမယ်၊ ခရိုက်တီးရီးယာတွေ မြင့်လာ ရမယ်၊ လက်ရှိအလုပ်သမားတွေထဲက ဒီစံတွေကို မမီတဲ့ နိုင်ငံခြား အလုပ် သမားတွေ တစ်ဝက်လောက် လျှော့ချဖို့ စတင်နေကြပါပြီ။ ဒီမူနဲ့ ပတ်သက်လို့ စင်္ကာပူဟာ နိုင်ငံခြား အုပ်သမားတွေအပေါ် လိုတစ်မျိုး မလိုတစ်မျိုး ဆို တဲ့ ဝေဖန်သံတချို့လည်း ခံနေရတယ်၊ ဒါမှမဟုတ် ဒီလိုပြောလာနိုင်တယ် ဆို တဲ့ လိပ်ပြာ မလုံ့တလုံ ခံစားချက်ရှိလာနိုင်ပါတယ်။ ဒါနဲ့ပဲ စထရိတ်တိုင်းက သူတို့မူကို ကာကွယ်ဖို့ ဆောင်းပါးရှည်တစ်ပုဒ်ဖော်ပြလာတယ်။ သူတို့ ဆောင်းပါးကို ကိုးကားရင်း နိုင်ငံခြားမှာ အလုပ်လုပ်နေသူတွေရဲ့ ဘဝအစိတ်အပိုင်း တချို့ကို ထင်ဟပ်စေမယ့် ဒီဆောင်းပါးကို ရေးမိပါ တယ် ။ ပြည်ပကိုထွက်ပြီး အလုပ်လုပ်လိုသူတွေအတွက်လည်း အင်ဖို ခပ်ပါးပါး ရနိုင်တာပေါ့။

နိုင်ငံခြားသားတွေ အများကြီး ရောက်လာမှာကို စိုးရိမ်တဲ့ နိုင်ငံတွေထဲမှာ စင်္ကာပူသာ ထီးထီးကြီး ရှိနေတာ မဟုတ်ပါဘူး။ နိုင်ငံတိုင်းလိုလိုမှာ ရှိနေပါ တယ်။ ဒီဆောင်းပါးထဲမှာ ဗြိတိန်၊ ဩစတေးလျ၊ ဟောင်ကောင်၊ ထိုင်ဝမ်၊ ထိုင်း နဲ့ အင်ဒိုနီးရှားတို့ ပါဝင်ပါတယ်။

ဒီအနေအထားကို ရောက်အောင် ဖန်တီးပေးတာကတော့ ကုမ္ပဏီတွေက အလုပ်သမားခ ဈေးချိုနိုင်သမျှ ချိုအောင် ရနိုင်ရေး ကြိုးစားချက်နဲ့ ကိုယ့်ပြည် သူပြည်သားတွေကို ဘယ်လို ကာကွယ်မလဲဆိုတဲ့ အစိုးရတွေရဲ့ တုန့်ပြန် ချက်တွေပါပဲ။ စိတ်ဝင်စားစရာ တော်တော် ကောင်းပါတယ်။ ကုမ္ပဏီက အမြတ်များများ ကျန်ချင်တယ်။ လုပ်အားခ လျော့ချချင်တယ်။ ဒီတော့ ဒီလုပ် အားဟာ ဖောရိန်းက လုပ်အားလား၊ ပြည်တွင်းကလုပ်အားလား ဆိုတာ စဉ်း စား မနေအားတော့ပါဘူး။ ဒါကို ထိန်းချုပ်ပေးနိုင်တာကတော့ အစိုးရပါပဲ။ အထူးသဖြင့် အလုပ်သမားရေးဝန်ကြီးဌာနရဲ့ တင်းကြပ်တဲ့ မူဝါဒပါပဲ။

၁။ ဗြိတိန်

ဖွံ့ဖြိုးပြီးနိုင်ငံတွေထဲမှာ နိုင်ငံခြားသား အလုပ်သမား ဥပဒေနဲ့ ပတ်သက်လို့ ဗြိတိန်ဟာ တင်းကြပ်မှု အပြင်းထန်ဆုံး နိုင်ငံတွေထဲမှာ ပါပါတယ်။ သူတို့ရဲ့ ဒီဥပဒေဟာ (၁၉၇၃) ခုနှစ်ကတည်းက ရှိနေခဲ့ပြီးသားပါ။ ဗြိတိန်နိုင်ငံထဲကို အလုပ်ယာယီနဲ့ ဝင်လာရင်း အပြီးနေထိုင်ဖို့ ကြိုးစားလာကြလိမ့်မယ် ဆိုတာ ကလည်း သိပ်မမှားနိုင်တဲ့ တွက်ကိန်းတစ်ခုလည်း ဖြစ်နေတယ် မဟုတ်လား။ ဒါ့ကြောင့်ပါ။

ဒီတော့ ပြည်ထဲရေး (Home Office) ဝန်ကြီးဌာနအောက်မှာ UK Border Agency ဆိုတာ ပေါ်ပေါက် လာခဲ့ရတာပါ။ ဒီအေဂျင်စီကပဲ အလုပ်သမား ခန့်အပ်ဖို့ လျှောက်လွှာတိုင်းကို စစ်ဆေး ကိုင်တွယ်ပါတော့တယ်။ သူတို့မူ အရ ၂၀၀၈ - ခုနှစ်ကစလို့ ဗီဇာအဆင့် (၅) မျိုး (Five tiers) ခွဲခြား သတ် မှတ်ထားခဲ့ပါတယ်။

နံပါတ် (၁) ဗီဇာအဆင့်ကတော့ အထူးချွန်းဆုံး၊ အတော်ဆုံးလို့ ဗြိတိသျ အစိုးရ ကလည်း ယုံကြည်၊ ကမ္ဘာကလည်း အသိအမှတ်ပြုခံထားရတဲ့ ပညာ ရှင်၊ သိပ္ပံပညာရှင်နဲ့ မီလျံနာသူဋ္ဌေးတွေပါ။ ဒီအုပ်စုကတော့ ဘာ စာရွက်စာ တန်း၊ ဘာအထောက်အထားမှ မလိုဘဲ အချိန်မရွေး ဗီဇာနံပါတ် (၁) ကို လျှောက်ထားနိုင်ပါတယ်။ ပျိုတိုင်းကြိုက် နှင်းဆီအုပ်စုပေါ့။

ဗီဇာအဆင့် (၂) နဲ့ (၃) ကတော့ အရည်အချင်းရှိတဲ့ အလုပ်သမားတွေနဲ့ အ ထိုက် အလျှောက် အရည်အချင်းရှိတဲ့ အလုပ်သမားတွေအတွက် ရည်စူးပါ တယ်။ သူတို့ကတော့ အလုပ်လုပ်ခွင့် ပါမစ် မလျှောက်ခင်မှာ အလုပ်ရှင် ကုမ္ပဏီရဲ့ အလုပ်ကမ်းလှမ်းထားတဲ့ စာကို ပြသဖို့ လိုပါတယ်။

ဗီဇာ (၄) နဲ့ (၅) ကတော့ ဗြိတိသျမှာ ကျောင်းလာတက်တဲ့ ကျောင်း သားေ တွရယ်၊ အခြားကိစ္စမှာ အကြုံးဝင်သူတွေရယ်ကို ရည်ညွှန်းပါတယ်။ ဒီ ဗီဇာ လေးနဲ့ငါးဟာ အများအားဖြင့်တော့ ဗြိတိသျမှာ အလုပ်လုပ်ခွင့် (တရား ဝင်) မရကြပါဘူး။

ဗီဇာအဆင့် နှစ်နဲ့သုံးကတော့ အလုပ်လုပ်ဖို့ ရောက်လာကြတယ် ဆိုတာ ဗေ ဒင်မေးစရာ မလိုတော့ပါဘူး။ သူတို့နဲ့ ပတ်သက်လို့ နှစ်စဉ်နှစ်တိုင်း အစိုးရက ကန့်သက်ချက် လူဦးရေ ထုတ်ပြန်ပေးတယ်။ လူဦးရေ မပြည့်ခင် ကိုယ် က လျှောက်တယ်ဆိုရင်တောင် ဗီဇာ ရ၊ မရတော့ တစ်ဦးချင်းစီရဲ့ ကံနဲ့ပဲ ဆိုင်နေပါတော့တယ်။

သူတို့ကို အလုပ်ခန့်မယ့် အလုပ်ရှင်တွေကလည်း နိုင်ငံခြားသားကို အလုပ် မခန့်မီမှာပဲ ဘော်ဒါအေဂျင်စီမှာ မှတ်ပုံအရင်တင်ပြီး ခွင့်ပြုချက်လည်း ရထား ပြီး ဖြစ်နေရပါမယ်။ ဒါက နှစ်စဉ် လုပ်ကို လုပ်ရမယ့် တာဝန်တစ်ခုပါ။ အဲ သလိုပဲ ဒီကုမ္ပဏီက နိုင်ငံခြားသား ဘယ်လောက် အလုပ်ခန့်ခွင့် ရှိတယ် ဆို တာကိုလည်း ဘော်ဒါအေဂျင်စီက နှစ်တိုင်း ကန့်သက် ထုတ်ပြန်ပေးပါတယ်။ ကန့်သက်ပေးထားတဲ့ ကိုယ်တာထဲမှာ ရှိနေတယ်ဆိုရင်တောင်မှ ဗီဇာ ရ၊ မရ ကို ဘယ်သူမှ အာမ မခံနိုင်ပါဘူး။

ဒါတင် မကသေးပါဘူး။ နိုင်ငံခြားသားကို ငှါးရမ်းမယ့် ကုမ္ပဏီတစ်ခုဟာ လို အပ်နေတဲ့ လက်ရှိ အလုပ်ရာထူးအတွက် ဗြိတိန်လူမျိုး (သို့) ဥရောပသမဂ္ဂ အဖွဲ့ဝင် နိုင်ငံတွေရဲ့ လူမျိုးတွေထဲမှာ ရှာလို့၊ ခန့်လို့ မရနိုင်ကြောင်း သက်ေ သ အထောက်အထားတွေနဲ့ ရှင်းပြကြရပါတယ်။

ဒီလို ကြိုးစားပြီး ဗြိတိန်လူမျိုး (သို့) ဥရောပသမဂ္ဂ အဖွဲ့ဝင် နိုင်ငံတွေရဲ့ လူမျိုးတွေထဲမှာ ရအောင်ရှာ ပါတယ်ဆိုတာ သက်သေပြဖို့ ပြည်တွင်း သတင်းစာ၊ အပြည်ပြည်ဆိုင်ရာ သတင်းစာ၊ ဝက်(ဘ်)ဆိုက်တွေမှာ အ လုပ်ကြေညာ ခေါ်ရပါတယ်။ အလုပ်ကြေညာခေါ်ပြီး အနည်းဆုံး တစ် ပတ် စောင့်ရတယ်။ အလုပ်လာလျောက်သူတွေနဲ့ အင်တာဗျူးတွေကိုလည်း ရက်ကော့ဒ် လုပ်ထားရတယ်။ ဒါတွေရှိတော့မှ နိုင်ငံခြားသားကို မခန့် မဖြစ်တော့တာကြောင့် ခန့်လိုက်ရပါတယ်လို့ ရှင်းပြလို့ ရတယ်။

သူတို့ ဘယ်လောက်ပဲ ကြိုးစားကြိုးစား သူတို့ ဗြိတိန်လူမျိုးတွေကို အမှန် တ ကယ်ပဲ ခန့်အပ်ဖို့ ကြိုးစားခဲ့တယ်ဆိုတာကို အတည်ပြု၊ ဆုံးဖြတ်ဖို့ကတော့ လူဝင်မှုကြီးကြပ်ရေး အရာရှိနဲ့ပဲ သက်ဆိုင်ပါတယ်။

တရုတ်ဒိုင်ယာလက်စကား ပြောတတ်သူကို လိုအပ်နေလို့ ခန့်ရတာစတဲ့ ဆင်ခြေမျိုးတွေနဲ့ အလုပ် မဖြစ်နိုင်သလို ဈေးချိုလို့ ငှါးရမ်းတာမျိုး မဖြစ် ရေ အာင်လည်း တားမြစ်ထားပါတယ်။ လူတစ်ယောက်ရဲ့ ဝင်ငွေဟာ တစ်နာရီ မှာ အနည်းဆုံး (၆း၁၉) ပေါင် ရှိနေရပါမယ်။

ဘယ်လိုပဲ ဥပဒေနဲ့ တားတား၊ တချို့ လစ်ဟာတာမျိုးလည်း ရှိနေတတ်ပါ တယ်။ အထူးသဖြင့် ဗြိတိသျတက္ကသိုလ်တွေက ဘွဲ့ရတဲ့ ကျောင်းသားတွေ ဆိုရင် ဗီဇာသက်ညှာခွင့် ပြုထားလေတော့ တချို့ အလုပ်လုပ်ရင်း အမြဲနေ သွားတတ်တာတွေလည်း ရှိနေတတ်ပါတယ်။

အလားတူပါပဲ။ အပြည်ပြည်ဆိုင်ရာ ကုမ္ပဏီကြီးတွေရဲ့ ဌာနချုပ်တွေက ဗြိ တိန်မှာ ရှိနေရင် သူတို့ အလုပ်သမားတွေကို အခြားနိုင်ငံမှာ ရှိတဲ့ ဌာနခွဲတွေ ကနေ ပြောင်းလွှဲပေးနိုင်ပါတယ်။ ဒါပေမဲ့ ယာယီသာ ခွင့်ပြုတာမျိုး ဖြစ်သလို သက်မှတ်ထားတဲ့ ကိုယ်တာလည်း ရှိနေမှပါ။

ဒီစစ်စတန်ကို ကုမ္ပဏီတွေကတော့ သဘောမတွေ့ကြလို့ တော်တော် ကျယ် ကျယ်လောင်လောင် ဝေဖန်နေကြပါတယ်။ အခြားဌာနက အရာရှိတွေကို ဗြိတိန်မှာ တာဝန်ပြောင်းပေးဖို့ ဗီဇာလျှောက်ထားရတဲ့ အချိန်က လပေါင်း များစွာ ချီပြီး ကြာနေတာပဲ။ ဒါသာ ဖြစ်တယ်၊ ဒီနည်းလမ်းက အကုန်အကျ နည်းလှတယ်တော့ မဟုတ်ဘူး။ ဗီဇာအဆင့်နှစ် အလုပ်သမားတစ်ယောက် ကို ငှါးရမ်းဖို့ လယ်ဗီးကတင် ပေါင် တစ်ထောင်ပါ။

ဒါသာ ဖြစ်တယ်၊ အစိုးရမှာလည်း လူထုရဲ့ ဝေဖန်မှုတွေကနေ လွတ်နေ တာတော့ မဟုတ်ပြန်ပါဘူး။ အစိုးရရဲ့ မူဝါဒဟာ နိုင်ငံခြား အလုပ်သမားတွေ ဝင်မလာနိုင်အောင် မတားမြစ်နိုင်ဘူးလို့ လူထုက ယုံကြည်ကြလို့ပါ။

သူတို့ပြောတဲ့ နိုင်ငံခြား အလုပ်သမားဆိုတဲ့ အထဲမှာ ဗြိတိသျလူမျိုးတွေနဲ့ ဥရောပသမဂ္ဂ (၂၆) နိုင်ငံက လူမျိုးတွေ မပါဝင်ပါဘူး။ သူတို့ကတော့ လာချင် ရင်လာ၊ အလုပ်လုပ်ချင်ရင်လုပ်၊ ပြဿနာ မရှိပါဘူး။
(ဆက်ရန်)

ဇင်ဝေသော် 

Read more

လက်တွေ့ သုတေသန

အမ ။ ။ ဟဲ့ မောင်လေး၊ နင်က ဘာဖြစ်လို့ မျက်နှာ ပုဝါကြီးစည်းထားရ တာလဲ။

မောင်။ ။ မျက်စေ့နှစ်လုံး အမြင် မရရင် အနံ့ခံတဲ့ အာရုံမှာ ပိုပြီးစူးရှတယ်ဆို လို့ စမ်းသပ်ကြည့်တာလေ။ တကယ်မှန်တယ်၊ အဝေးက အနံ့တွေကို ငါ ကောင်းကောင်း ရနေတယ်။ မျက်လုံး မစည်းခင်က ဒီ အနံ့တွေကို မရခဲ့ဘူး။

အမ ။ ။ အခု နင်က ဘာအနံ့တွေ ရနေလို့လဲ။

မောင် ။ ။ မီးဖိုထဲမှာ မေမေချက်နေတဲ့ ဟင်းနံ့တွေ၊ ကြက်သွန်နံ့၊ သစ်သီးနံ့၊ ဘာအနံ့လို့ ခွဲခြားပြောလို့ မရတဲ့ အနံ့မျိုးစုံကို ငါ ရနေတယ်။

အမ ။ ။ မှန်း စမ်း...၊ ရမှာပေါ့၊ နင့်မျက်လုံးကို စည်းထားတဲ့အဝတ်က ငါ လျှော်မလို့ထားတာ မလျှော်ဖြစ်သေးတဲ့ လက်သုပ်ပုဝါကြီး ဟဲ့။

ဇင်ဝေသော်

Read more

တန်ရာ တန်ကြေး (အထူးကုဆရာဝန်ကြီး တစ်ယောက်ရဲ့ မိဘမေတ္တာဖွဲ့ အက်ဆေး)

Grief hurts but heals too
By Dr. James Low

" ချစ်ခြင်းတရားရဲ့လျော်ကြေးက လမ်းခွဲ ၀မ်းနည်း ပူဆွေးရခြင်းဆိုရင်တောင် အရဲစွန့်ပြီးချစ်သင့်ပါတယ်။ ဒါဟာ ချစ်ရမယ့်သူလည်းမရှိ ၀မ်းနည်းစရာ လည်း မလိုတဲ့ အနေအထားထက်အများကြီးသာပါတယ်"

ဒီနှစ်ထဲမှာ သက်ကြီးရွယ်အိုတွေ ၊ နေ့လား ညလား မသိရတဲ့ လူနာတွေကို အမြဲတမ်းကုသမှုပေးနေရတော့ ဘ၀နဲ့ဆိုင်တဲ့ အမြင်တွေလည်းတော်တော် ရမိတယ်။ နေ့လား ညလား မသိရ ၊ တဖြည်းဖြည်းနဲ့ သေခြင်းတရားဆီ ချဉ်း ကပ်နေတဲ့ မိမိတို့ ကျေးဇူးရှင်မိခင် (သို့) ဖခင် တို့ကို ထိုင်ရင်း ကြည့်နေကြ ရတဲ့ မိသားစုဝင်တွေရဲ့စိတ်ခံစားချက်တွေကိုလည်း နားလည်စ ပြုလာတယ်။
ဒီလိုအဖြစ်တွေ ဒီလောက်ကြုံတွေ့နေရတာတောင် ကျနော့်ကိုယ်ပိုင်ဖခင်ကြီး ဆုံးပါးခဲ့ရင် ဘယ်လိုလဲ ဆိုတဲ့ စိတ်ဓါတ်ပြင်ဆင်မှု လုပ်မထားနိုင်ခဲ့ဘူး။

ဝမ်းနည်းကြေကွဲမှုတွေဟာ တစ်ခုခုဆုံးရှုံးရာကနေ အစပြုတယ်ဆိုတာသာ မှန်ခဲ့ရင် ကျနော့်ဝမ်းနည်းမှုဟာ လွန်ခဲ့တဲ့ ငါးနှစ်ကတည်းက စတင်ခဲ့စရာပါ။ အဲဒီကတည်းက ဟောလီဒေးရက်တိုခရီးထွက်ရင်း ကျနော့်ဖခင်ကြီး ဟာ လေဖြတ်တဲ့ ရောဂါခံစားလိုက်ရပြီး စကားမပြောနိုင် ၊ လမ်းမလျှောက်နို င် ၊ စားလည်းမစားနိုင်ရှာတော့ဘူး ။ အတိုဆုံးစကားနဲ့ပြောရရင် ကျနော့်ဖ ခင်ကြီးဟာ လူရာမ၀င်တော့ပါဘူး ။
အစာကိုပိုက်ကနေတစ်ဆင့် သွင်းယူရတယ်၊ ဆီးကိုလည်း ပိုက်ကနေတဆင့် သွားရတယ်။ သူ့ရဲ့နေ့စဉ်သာမန်လုပ်ငန်းလေးတွေဟာ သူတစ်ပါးအကူ အညီမပါဘဲ ဘာဆိုဘာမှ လုပ်လို့မရတော့ပါဘူး။ ဘယ်တော့မှ ပြန်ကောင်း လာတော့ မှာ မဟုတ်ဘူးဆိုတာသိလိုက်ရပြီး ဖခင်ကြီးရဲ့ ဘ၀အစိတ်အပိုင်း ကြီးတချို့ကို ဆုံးရှုံးလိုက်ရပြီဆိုတာလည်း ခံစားလိုက်ရပြန်ပါတယ်။ သူ့စ ကားပြောသံကို ဘယ်တော့မှ ကြားရမှာ မဟုတ်တော့ဘူး ၊ သူနဲ့ထမင်းလက် ဆုံစားခွင့် ဘယ်တော့မှ ပြန်ရမှာ မဟုတ်တော့ဘူးဆိုတာ အတိအကျ သိ ထားပေမယ့် ပြန်ရလေနိုးဆိုတဲ့ မျှော်လင့်ချက်က ကုန်မသွားခဲ့ပါဘူး ။

အကြီးအကျယ်ဆုံးရှုံးမှုတစ်ခုဟာ တစ်နေ့နေ့မှာ မလွဲမသွေ ကြုံတွေ့လာ ရတော့မယ်ဆိုတဲ့ အသိနဲ့အတူ ဖြစ်လာခဲ့ရင်ဆိုပြီး စိတ်ပိုင်းဆိုင်ရာ ကြို တင်ပြင်ဆင်မှုလည်း ကြိုးစားတော့ ထားခဲ့မိပါတယ်။ ဒီအခါမှာ ကြေကွဲဝမ်း နည်းမှုရဲ့ အဓိပ္ပါယ်ကိုလည်း သိလာသလိုလို ရှိလာခဲ့ပါတယ်။ ဒါဆို ဒီလိုကြေ ကွဲဝမ်းနည်းမှုဟာ တစ်ယောက်ယောက်ကို အချစ်ကြီးချစ်မိလို့ ဖြစ်လာရတာ လား ။
ဆရာဝန်တစ်ယောက်အနေနဲ့ မကြောင့်မကျ နေနိုင်တဲ့ ဒီဘ၀ကိုရောက်ေ အာင် ပြုစု ပျိုးထောင်ပေးခဲ့သူတွေဟာ ကျနော့်မိဘနှစ်ပါး မဟုတ်လား ။ သူတို့ကိုတော့ ကျနော်ချစ်သင့်တာပေါ့။ သူတို့ကို ချစ်မိလို့ ဒီလိုကြေကွဲ ပူဆွေး ရတယ်ဆိုရင်လည်း ထိုက်တန်တယ်လို့ပဲ ပြောရမှာပါ။ သူတို့ကျနော့် ကိုပေးခဲ့တဲ့ မိဘတို့ချစ်ခြင်းမေတ္တာတွေ ၊ ငယ်စဉ်တောင်ကျေး ကလေးဘ၀ တည်းက ပြုစုစောင့်ရှောက်ခဲ့ရတာတွေဟာ မနည်းလှပါဘူး ။
ဒါနဲ့တိုတိုပဲ ကောက်ချက်ချလိုက်မိတယ်။ ချစ်ခြင်းတရားရဲ့လျော်ကြေးက လမ်းခွဲ ၀မ်းနည်း ပူဆွေးရခြင်းဆိုရင်တောင် အရဲစွန့်ပြီးချစ်သင့်ပါတယ်။ ဒါဟာ ချစ်ရမယ့်သူလည်းမရှိ ၀မ်းနည်းစရာလည်း မလိုတဲ့ အနေအထား ထက် အများကြီးသာပါတယ်။
လွန်ခဲ့တဲ့ လအနည်းငယ်လေးကတင်ပဲ လေဖြတ်တာ အပြင် တော်တော်ဆိုး ရွားတဲ့ ကင်ဆာပါထပ်ဖြစ်လာခဲ့ပါတော့တယ် ။ ရောဂါသိခဲ့ရပြီးတဲ့နောက် သုံး ပတ်အတွင်းမှာပဲ သေခြင်းတရားဟာ ကျနော့်ဖခင်ကြီးဆီ မြန်မြန် ဆန်ဆန် ပဲ ရောက်လာခဲ့ပါတော့တယ် ။ ဒီအတွက် ကျနော့်ကိုယ်ကျနော် ပြင်ဆင် ခဲ့ပြီးပြီလို့ ထင်ထားခဲ့ပေမယ့် တကယ်တော့ အဆင်သင့်ဖြစ်မနေခဲ့ပါဘူး ။
အသက်မရှိ ၊ အေးစက်နေပြီဖြစ်တဲ့ ဖခင်ကြီးရဲ့ရုပ်အလောင်းကို လွန်ခဲ့တဲ့ ဩဂုတ်လက နောက်ဆုံးကျနော် ကိုင်တွယ်ခွင့်ရခဲ့တာပါ။ အခေါင်းထဲမှာ ရှိနေတဲ့ ရုပ်အလောင်းဟာ ငါ့ဖခင်မဟုတ်တော့ဘူး ၊ အနှစ်မရှိတဲ့ အနတ္တ ရုပ် ကြွင်းတစ်ခုသာပဲလို့ ကျနော့်ကိုယ်ကျနော် ထပ်တလဲလဲသတိပေးနေခဲ့တယ် ။ မရပါဘူး ။

ဝမ်းနည်းမှု ၊ ဒေါသဖြစ်မှု ၊ မယုံကြည်နိုင်မှု ၊ ကြောက်ရွံ့မှု ၊ နောင်တ စတာတွေဟာ စိတ်ထဲမှာ အထိန်းအကွပ်မဲ့လျက်ပါ။
ဒီခံစားမှုတွေအားလုံးထဲမှာ တစ်ခုက “ ငါ အဖေ့အတွက် အကောင်းဆုံး လုပ်ကော ပေးနိုင်ခဲ့ရဲ့လား ၊ ဒီလောက်ကြီးမြန်မယ်မှန်း သိရင် သူ့အတွက် ဒီထက် အချိန်ပိုမပေးသင့်ခဲ့ဘူးလား ” ဆိုတဲ့ နောင်တ အတွေးပါပဲ။

ဈာပနအခမ်းအနားနဲ့ ဘာသာရေးကျင့်ဝတ်ထုံးစံတွေက ကျနော့်ကို သက် သာမှုရစေခဲ့ပါတယ်။ တကယ်တမ်း ၀မ်းနည်းပူဆွေးနေရချိန်မှာ ဒါတွေဟာ အရေးပါလှသလို အရှိတရားကို လက်ခံတတ်ဖို့အတွက်လည်း ဒါတွေ လို အပ်ပါတယ်။ အဲဒီနောက် တဖြည်းဖြည်းနဲ့ သေခြင်းတရားဟာ မြဲတဲ့တရား ဆိုတာ အစပြုလက်ခံလာနိုင်ခဲ့ပါတော့တယ် ။ ဒီသဘောတရားကို လက်ခံ လိုက်ခြင်းဟာ ကျနော့်စိတ်ကို ကုစားဖို့ လမ်းစလည်း ဖြစ်နေပါတယ် ။
ဈာပနအခမ်းအနားအနားမှာ အဖေ့မိတ်ဆွေ အသစ်အဟောင်းတွေရော ၊ ကျနော့်မိတ်ဆွေ အသစ်အဟောင်းတွေပါတက်ရောက်လာကြတော့ စည် စည် ကားကားပါပဲ ၊ ဒါကသည်ပင် ဖေဖေဟာ လူချစ်လူခင်ဘယ်လောက်များ တယ်ဆိုတာ ပြသရာရောက်သလို ပတ်ဝန်းကျင်ရဲ့အားပေးမှုကြောင့် မိသား စုဟာ အထီးကျန် မဆန်လှဘူးဆိုတာ သိခဲ့ရပြန်ပါတယ်။

အံ့ဩစရာပါပဲ ၊ ဒီရက်တွေအတွင်း ကျနော့်စိတ်ထဲခံစားနေရတာတွေ မမျှော် လင့်ဘဲ လျော့ပါးသွားတာတွေ့ရပါတယ်။ ဒါပေမယ့် အဖေ နေခဲ့တဲ့ အခန်း ၊ အဖေထိုင်တတ်တဲ့ ထိုင်ခုံ ၊ အဖေပြောခဲ့တဲ့ စကားတွေကို ပြန်ကြားမိ တိုင်းတော့ မျက်ရည်စို့လျက်ပါပဲ ။ သေဆုံးသူတွေကို သတိရနေခြင်းဟာ အဓိပ္ပါယ်မဲ့ အချိန်ကို နောက်ပြန်ဆွဲနေခြင်းပဲလို့လို့လည်း တချို့ကပြောကြပါ တယ်။ အဖေ အသုံးပြုခဲ့တဲ့ ပစ္စည်း ပစ္စယတွေကို ရှင်းလင်းပေးရတာက လည်း တော်တော်နာကျင်စရာကောင်းပါတယ်။ ဒါက မလုပ်လို့လည်း မရပါ ဘူး ။ တကယ်လက်တွေ့ဘ၀မှာက အဖေမပါတော့တဲ့ ကျနော်တို့မိသားစု ခရီးကို ကျနော်တို့ကိုယ်တိုင် ခရီးဆက်ကြရတော့မှာမဟုတ်လား ။
အဖေနဲ့ပတ်သက်တာတွေအားလုံးဟာ ပန်းအိုးကွဲ တစ်ခုလိုပါဘဲ ။ ကွဲနေတဲ့ ပန်းအိုးကို ပြန်ဆက်ကြရာမှာ ပုံမှန်အရင်လိုတော့ ဘယ်ဖြစ်နိုင်ပါတော့မလဲ ။ ဒါပေမယ့် အရင်လိုမဟုတ်တဲ့ ပန်းအိုးကွဲ အစအနတွေကိုပဲ အမြတ် တနိုး နဲ့ နှလုံးသားထဲမှာ သိမ်းဆည်းထားလို့ ရနိုင်ပါတယ်။

တကယ်တမ်းပြန်စဉ်းစားကြည့်တော့လည်း အဖေဟာ ၈၈-နှစ် အရွယ် အ ထိ ကောင်းကောင်းမွန်မွန် အသက်ရှင်သန်နိုင်ခဲ့ပါတယ်။ ဒီမှာရှိကြတဲ့ သက် ကြီးရွယ်အိုတွေအားလုံးလိုပါပဲ ကျနော့်အဖေဟာ မိဘမဲ့ ကလေး တစ်ယောက်အနေနဲ့ ခက်ခက်ခဲခဲ နေထိုင်ခဲ့ရတယ်။ သူ့မှာတီဘီရောဂါ ရခဲ့ တယ် ။
ဘ၀နဲ့ပတ်သက်လို့ကျနော်တို့တွေးယူသင့်တာက ဘာတွေဆုံးရှုံးခဲ့ရပြီလဲ ဆိုတာထက် ဘာတွေရလိုက်သလဲ ဆိုတာမျိုးပါ။ ကျနော်ပြန်ရလိုက်တာ ကတော့ အဖေဆုံးပါးသွားတဲ့နောက် ငါတို့လည်း ဒီလမ်းကိုလိုက်ရမှာပဲ ဆို တဲ့ အသိနဲ့ ကိုယ့်ကိုယ်ကို ထပ်တလဲလဲ သတိပေးနေမိခြင်းပဲဖြစ်ပါတယ် ။ ပြီးတော့ ကျနော်တို့ရဲ့လက်ရှိဘ၀နဲ့ စိတ်ဓါတ်ရင့်ကျက်မှုကျင့်စဉ်တွေကို အမှတ်ရစေတယ်။

ဖခင်ကြီးရဲ့ ရုပ်အလောင်းကို မီးသင်္ဂြိုလ်တော့ အရိုးတွေ ၊ ပြာစတွေ ၊ အမှုန် အမွှားတွေပဲ ကျန်ခဲ့တော့တယ် ။
ဒါတွေသည်ပင် ဘ၀တစ်ခုလုံးရဲ့ ရုပ်ကြွင်း လား ၊
သေဆုံးသူရဲ့ ရပိုင်ခွင့်က ဒါပဲလား ?
မဟုတ်ပါဘူး ။ ကျနော်တို့ရနိုင်တာက လူ့ဘ၀နဲ့ဆိုင်တဲ့လေးနက်တဲ့ အသိ ပါ။ ဒီအသိကြောင့် ပတ်ဝန်းကျင်ကို ကျနော်တို့ပိုပြီးချစ်မြတ်နိုးလာနိုင်တယ် ။ ဒိထက်ပိုပြီး ကြီးကြီးကျယ်ကျယ်ပြောရရင် ဘ၀ရဲ့စစ်မှန်တဲ့ ပျော်ရွှင်မှုဆိုတာ ဘာလဲဆိုတာကိုတောင် လေ့လာသုံးသပ်ခွင့်ရလိုက်ပါတယ်။
ဒီကြေကွဲ ၀မ်းနည်းရမှုကို အခြေခံပြီး ကျနော်တို့ကိုယ်တိုင်နဲ့ ပတ်ဝန်းကျင် အတွက် အပြုသဘောဆောင်တဲ့ ကုသိုလ်စိတ်တွေတောင်ရလာနိုင်ပါတယ် ။

တချို့ကြီးကျယ်မြင့်မြတ်မှုလုပ်ငန်းကြီးတွေဟာ နက်နက်နဲနဲကြီး ခံစား လိုက် ရပြီးတဲ့နောက်မှ ဖြစ်လာတတ်တဲ့ သဘောလည်းရှိပါတယ်။
ဒီအတွေးတွေကြောင့် ပူပြင်းလှတဲ့စိတ်ဟာ ငြိမ်းချမ်းစပြုလာတယ်။ အချိန်က ကုစားပေးတာပါ။ ဒါပေမယ့် စိတ်ရှည်မှု ၊ ယုံကြည်မှု ၊ မျှော်လင့်ချက် ချစ်ခြင်းမေတ္တာတရားတွေရဲ့ အကူအညီတော့ လိုတာပေါ့ ။
ဒီလိုနဲ့ ကျနော့်ဖခင်ကြီးရဲ့ ကြီးမားတဲ့ကျေးဇူးတရားတွေကို အောက်မေ့လိုက် မိတိုင်း ၀မ်းနည်းမိရတာတွေ ၊ မျက်ရည်ကျရတာတွေဟာ ကျနော်နဲ့ ဝေး လာခဲ့တယ်။

ရုပ်ဝတ္ထုအားဖြင့် အဖေဟာမရှိတော့ဘူး ။ ဒါပေမယ့် ကျနော့် နှလုံးသား တစ်နေရာမှာတော့ အဖေဟာကွယ်ပျောက်သွားမှာ မဟုတ်တော့ဘူး ။ ဒါဟာ စိတ်ခံစားမှုပါ ။ ဒီခံစားမှုမှာ အချိန်နဲ့နေရာဆိုတာ မရှိပါဘူး။ မှန်ချင်မှတော့ မှန်မှာပေါ့ဗျာ၊ ကျနော့်ရဲ့ ၀မ်းနည်းမျက်ရည်တွေဟာ ကျနော်နဲ့ ကျနော့်အဖေ တို့ဆက်ဆံရေးအတွက် အဆုံးသတ်မရှိတဲ့ ချစ်ခြင်းတရားကို ဖွဲ့ချည်ပေးခဲ့ တယ် လို့ ခံစားနေရပါတယ်။

 ဇင်ဝေသော်

Read more