D.I.Y

"အတ္တာဟိ အတ္တနော နာထော"

"မိမိကိုယ်သာ ကိုးကွယ်ရာ"

"One relies on oneself "

တော်တော်လူကြိုက်များတဲ့ဒေသနာတစ်ခုဖြစ်ပြီး 

မကြာမကြာလည်းကိုးကားတတ်ကြတယ်။

ခက်တာက အရေးအကြီးဆုံးဖြစ်တဲ့အပိုဒ်ကို ချန်ချန်ထားတတ်ကြတယ်။

"အတ္တနာဟိ သုဒန္တေန "

"မိမိကိုယ်ကို ထိမ်းသိမ်းလေ့ကျင့်ပေးခြင်းအားဖြင့် "

"By disciplining oneself "

ကိုယ့်ကိုယ်ကို မထိန်းကြောင်းရသေးလျှင် ကိုယ့်ကိုယ်ကို  မှီခိုဖို့ဆိုတာကလည်း မဖြစ်နိုင်ပါဘူး။

ဒီဝါကျကို မကိုးကားမိတော့ ဗုဒ္ဓဘာသာက လေလုံးထွားသလို ဖြစ်နေတတ်ပါတယ်။

ဒေသနာတွေကိုကြည့်ရင် မိမိကိုယ်ကို ထိန်းသိမ်းလေ့ကျင့်ပေးခြင်းဟာ အချက်အချာအကျဆုံးဆိုတာတွေ့ရပါလိမ့်မယ်။

Copyright © 2011 ကမ်းလက်. All rights reserved.

Read more

လူကမှား သတင်းစာက တောင်းပန်

မမှားသောလူဟူသည်မရှိ၊ ဒါ့ကြောင့် လူသည် တစ်ခုမဟုတ် တစ်ခု မှားတတ်ကြပါတယ်။ လူကမှားပေမယ့် တကယ်တမ်း တောင်းပန်ရတာက သတင်းစာသာ ဖြစ်တယ်လို့ အမေရိကန် စာရေးဆရာ တစ်ယောက်က ပြောဖူးပါတယ်။ သူ့နာမည်ကို မှတ်ထားပေမယ့် မေ့သွားပါပြီ။ စိတ်မကောင်းပါ၊ သတင်းစာကနေ တောင်းပန်ရပါလိမ့်မယ်။

            အမေရိကန်မှာ ဗာဂျီးနီးယားက အိမ်တစ်ခုပေါ်ကို F-18 တိုက်လေယာဉ် ပျက်ကျခဲ့တယ်။ လူကိုးယောက် ဒဏ်ရာရပေမယ့် သေပြောက်သူ မရှိဘူးလို့ ဆိုပါတယ်။ အသေအပြောက် မရှိတာကတော့ သတင်းကောင်း တစ်ခုပေါ့။ ဒါပေမယ့် အမေရိကန်သတင်းစာမှာ ဖော်ပြထားတာက ဗာဂျီးနီးယားမှာရှိတဲ့ စင်္ကာပူပိုင် F-16 တိုက်လေယာဉ်လို့ ဖော်ပြထားပါတယ်။ ဒါကို စင်္ကာပူက မဟုတ်ကြောင်း တုန့်ပြန်တော့ လူက မတောင်းပန်ဘဲ သတင်းစာကနေပဲ တောင်းပန်လိုက်ပါတယ်။

            သတင်းစာက တောင်းပန်နေတုန်းမှာပဲ ကိုလံဘီယာက (၁၀) နှစ် သမီးလေးက သမီးမိန်းကလေး မွေးဖွားကြောင်း အံ့ဩတုန်လှုပ်ဖွယ် ဖတ်လိုက်ရပြန်ပါတယ်။ ဆရာဝန်တွေ ပြောစကားအရက (၁၀) နှစ်သမီးအရွယ်ရောက်ရင် ကိုယ်ဝန်တည်နိုင်တဲ့ အနေအထား ရှိပြီလို့ ဆိုထားပါတယ်။ အရုပ်နဲ့ ကစားရမယ့် အရွယ်မှာ သမီးလေးနဲ့ ကစားလို့ ရတာပေါ့လို့ စဉ်းစားစရာပဲ ရှိပါတော့တယ်။ ဒါပေမယ့် သူတို့ Wayuu လူမျိုးစုအနေနဲ့တော့ (၁၀) နှစ်သမီးလေးမွေးတာ မထူးဆန်းပါဘူးတဲ့။ လွန်ခဲ့တဲ့ နှစ်တွေတုန်းကလည်း ဒီလိုပဲ ဖြစ်ခဲ့ဖူးတယ်တဲ့။

            ဒါ့ကြောင့် (၁၀)နှစ်တော့ ငယ်လွန်းပါရဲ့လို့ ထင်မိတာ သူတို့ယဉ်ကျေးမှုကို စော်ကားသလို ဖြစ်နေတာကို စိတ်မကောင်းပါဘူး။ သတင်းစာကနေ တောင်းပန်ရပါလိမ့်ဦးမယ်။

            (၁၀) နှစ်သမီးလေး အမေဖြစ်လို့ အံ့ဩနေရတုန်း အရပ်ရှည်သူတွေ ကင်ဆာ အဖြစ်များတယ်ဆိုတဲ့ သတင်းက ထွက်လာပြန်လေရော။ အရပ်ရှည်တာနဲ့ ကင်ဆာ ဘာဆိုင်လို့တုန်း။ ဒီကိစ္စကို ဦးဆောင်ပြီး သုတေသနပြုခဲ့တဲ့ အောက်စဖို့ဒ်တက္ကသိုလ်က ဒေါက်တာ Gome Greer က “အရပ်ရှည်တာနဲ့ ကင်ဆာနဲ့တော့ မဆိုင်ဘူးပေါ့။ ဒါပေမယ့် ကင်ဆာဖြစ်စေနိုင်တဲ့ အကြောင်းတွေနဲ့တော့ ဆက်စပ်ကောင်း ဆက်စပ်နေနိုင်တယ်” လို့ ဆိုပါတယ်။ အရပ်ပုသူများ ဝမ်းသာစေဖို့ သူတို့ပေးထားတဲ့ အချက်အလက်ဇယားလေးကို ဖော်ပြပေးပါမယ်။

1)    Shortest (Under 152. cm) - 7.5 cancers par 1,000 women.

2)    Average (160. cm) – 8.3 cancers par 1,000 women

3)    Tallest (Over 175. Cm) – 10 cancers par 1,000 women.

ဒီသတင်းကို ဖတ်မိတော့ အရပ်ရှည်ရမှာကိုပဲ ကြောက်ရတော့မလိုပါဘဲ။ ဆေးသိပ္ပံသတင်းတွေကလည်း တစ်ခါတစ်လေ အူကြောင်ကြောင် အနည်းငယ် နိုင်ပါတယ်။

            ဆီစားတာများရင် ရောဂါများတတ်တယ်။ ဒါပေမယ့် အိုလီ (သံလွင်ဆီ) ကတော့ စားသုံးဖို့ အသင့်တော်ဆုံးပါလို့ ဆိုတော့ လူတွေက သံလွင်ဆီစားရင် ဘာမှမဖြစ်ဘူးဆိုပြီး စားကြတော့ ရောဂါဖြစ်ပွားနှုန်းက အတူတူပဲ ဖြစ်သွားပြန်ပါလေရော။

            အရပ်နဲ့ကင်ဆာ တွဲစပ်ပြပြီးနောက် ဆက်ဖတ်လိုက်တော့ ပိုထူးဆန်းတဲ့သတင်း ဖတ်လိုက်ရပြန်ရော။

            အမေရိကန်အစိုးရက မစ္စတာ Derek Mitchell ကို သံအမတ်အဖြစ် ခန့်အပ်ကြောင်းသတင်း ဖတ်လိုက်ရပါတယ်။ ၁၉၉၀-ခု ကထဲက သံအမတ် ရုပ်သိမ်းခဲ့တာပါတဲ့။

            အင်း… စိုးရိမ်စရာက အမေရိကန်တွေကလည်း လူကအမှားလုပ်ပြီး သတင်းစာက တောင်းပန်တာဆိုတော့ ဒီကိစ္စကိုများ သတင်းမှားရေးမိလို့ပါဆိုပြီး သတင်းအမှားပြင်ဆင်ချက်များ ထွက်လာလေအုံးမလားလို့ စိုးရိမ်တကြီး စောင့်နေရပါတော့တယ်။

ဇင်ဝေသော်

Copyright © 2011 ကမ်းလက်. All rights reserved.

Read more

ကြောင်ဖြတ်လျှင် ကားမဖြတ်ရ

အိန္ဒိယခရီးစဉ်လမ်းခုလပ်မှာ ကြုံခဲ့ရသော အတွေ့အကြုံတစ်ခုဖြစ်သည်။

စီးလာသော ဘတ်စ်ကားရှေ့မလှမ်းမကမ်းမှ ကြောင်တစ်ကောင်လမ်းကိုဖြတ်ကူးသွားသည်ကိုတွေ့လိုက်ရသည်၊ ထိုအခါ ကားသမားက ကားကို ချက်ချင်းကြီး အရှိန်အုပ်လိုက်သည်။ ခဏကြာမှ တိုးရစ်ဂိုက်က ကားကိုချက်ချင်း ရပ်လိုက်ရခြင်းအကြောင်းကိုရှင်းပြသည်။

မိမိတို့မြင်နိုင်သောအနေအထားမှ ကြောင်တစ်ကောင် လမ်းဖြတ်ကူးလျှင် ထိုလမ်းကိုဆက်မသွား လမ်းမကူးသေးဘဲ တစ်ယောက်ယောက် လမ်းကူးဖြတ်ပြီးမှသာ ထိုလမ်းကို ကူးဖြတ်ကြသောယုံကြည်မှု အကြောင်းဖြစ်သည်။ ထိုစဉ် ကြောင်ဖြတ်ကူးသွားသည်ကို မတွေ့လုက်ရသော ခရီးသွာတို့က လမ်းကိုဖြတ်ကူးကြသည်။ ထို့နောက် ဘတ်စ်ကားလည်းထွက်လေတော့သည်။

ရှေးဟောင်းယုံကြည်မှုတစ်ခုသာ ဖြစ်ဟန်တူပြီး အကြောင်းကိုမေးသောအခါ တိုးရစ်ဂိုက်က မဖြေခဲ့၊ မပြောချင်လို့လား မသိလို့လားတော့မသေချာပေ။ အရေးကြီးလှသောကိစ္စက မဟုတ်၊ သို့သော်သိချင်စိတ်ကရှိနေသဖြင့် ရှေးဟောင်း အိန္ဒိယ ယုံကြည်မှုတစ်ချို့ဆီခြေဆန့်မိသည်။

ရှေးဟောင်း အိန္ဒိယ ယုံကြည်မှုများသည် တစ်နည်းမဟုတ်တစ်နည်းရှေးဟောင်း ဂရိယုံကြည်မှုများနှင့် ဆက်စပ်၍နေလေသည်။

အိန္ဒိယရော ဂရိပါ တစ်ချိန်က စိုက်ပျိုးရေးကိုသာ အခြေခံသော နိုင်ငံများဖြစ်ကြပြီး ကောက်ပဲသီနှံများ

ရိတ်သိမ်း ပြီးသောအခါ ကျီ စသည်တို့ထဲ၌ သိုလှောင်ထားကြရ၏၊ထို အခါကြွက်ပြဿနာပေါ်လာတော့သည်။ ကြွက်ကိုလူက မနှိမ်နင်းနိုင်၊ ကြွက်သတ်ဆးလည်းရှိသေးပုံမရပေ။ လူတွေ စုစောင်းထားသမျှ ကြွက်က ဖျက်ဆီးလေတော့သည်။

ထိုစဉ် ကယ်တင်ရှင်ကြောင်ပေါ်ပေါက်လာလေတော့သည်။ လူဆယ်ယောက် မနှိမ်နင်းနိုင်သောကိစ္စကို ကြောင်တစ်ကောင်က ဖြေရှင်းလိုက်သောအခါ နတ်ကိုကွယ်မှု၌အလေ့ထုံသော ဂရိတို့ကြား၌ ကြောင်သည်ကယ်တင်ရှင် နတ်တစ်ပါး ဖြစ်သွားရလေတော့သည်။ ကြောင်ကို အလေးတမြတ် ဆက်ဆံလာကြတော့သည်။ အန္ဒိယတို့၏ ဤယုံကြည်မှုသည် ဂရိတို့ထံမှ ရယူခဲ့ခြင်းဖြစ်နိုင်ဖွယ်ရှိကြောင်း ပညာရှင်တို့ယူဆကြလေသည်။

ဤသို့ဆိုသော် မြန်မာပြည်၌ ပေါ်ပျူလာဖြစ်လှသော ၃၇ ယောက်သော ဒိုမက်စတစ် နတ်များပင် ဂရိ တို့ အင်ဖလူးဝင့်စ် မကင်းနိုင်ဟု ယူဆလိုက ယူဆနိုင်ပြန်သည်။ အရှင် အရဟံက ဗုဒ္ဓဇင်ကို မိတ်ဆက်ပေးစဉ် အခြားသော ကုန်သည်များက ဂရိ အိန္ဒိယ ရေနှောနေသော ယဉ်ကျေးမှုနှင့် ယုံကြည်မှုတို့ကို မိတ်ဆက်ပေးခဲ့ခြင်း ဖြစ်နိုင်ပါသည်။ ကျေးဇူးတင်စရာရှိသည်မှာ ကြောင်နတ်ရှိမနေခြင်းဖြစ်သည်။ ရှိခဲ့သော် ဒိုမက်စတစ်နတ် ၃၈ ယောက် ဖြစ်ပေလိမ့်မည်။

သီဟနာဒ

Copyright © 2011 ကမ်းလက်. All rights reserved.

Read more

ကော့မှူးကဒေါက်တာသို့ ဘလော့ဂ်ဖွင့်ပေးစာ

ချစ်ခင်လေးစားရတဲ့ ဒေါက်တာ

ပထမဆုံး တစ်ခုပြောခွင့်ပြုပါ။
ဒါက ရွေးကောက်ပွဲပါဒေါက်တာ၊ စစ်ပွဲမဟုတ်ပါဘူး၊ Battle လို့မသုံးလိုက်ပါနဲ့။
ဒါက ဘယ်တယ်လ်ကို ရှောင်တဲ့ငြိမ်းချမ်းရေးပါ။
ဘာပဲပြောပြော ကော့မှုးမြို့နယ်မှာ ယှဉ်ပြိုင်အရွေးခံဖို့ ရွေးချယ်ခံရသူဒေါက်တာကတော့ ကံဆိုးတာပါပဲ။

ကျနော်တစ်နေ့ကရေးခဲ့တဲ့ စင်ကာပူကမြို့နယ်တစ်ခုဆိုတာ ဆရာကြီးလီကွမ်းယုရဲ့ မြို့နယ်ပါ။ ကျန်တဲ့မြို့နယ်တွေမှာအတိုက်အခံ ရှိတတ်ပေမယ့် အဲဒီမြို့နယ်ကိုတော့ လက်ရှောင်ကြပါတယ်။
လေးစားတာရော မနိုင်လောက်တာရောပါ ပါလိမ့်မယ်။
ကော့မှုးက ဒေါက်တာ ရှုံးတာတော့ရှုံးမှာပေါ့။ ဘာစီလိုနာနဲ့ ဘဏ္ဍာအခွန် အသင်းလိုပဲဥစ္စာ၊
ဘယ်လောက် ဂိုးပြတ်သွားသွားသလဲပဲ အဖြေကြည့်ရမှာပါ။

ဒေါက်တာ့ကိုရွေးချယ်တာဆိုရင်တော့ ကံဆိုးတာပေါ့။
ဒေါက်တာကိုယ်တိုင် ဗော်လန်တီယာဝင်လုပ်တာဆိုရင်တော့ ချီးကျူးရမလား....
အဲ... ဘယ်လိုပြောရမလဲတောင်မသိတော့ဘူး။

ဒေါက်တာကပြောတယ်"It is natural for us soldiers to review ourselves after a battle...
We mend what we should and decide what we should do."  တဲ့။

စထရက်ဒဂျီ ပြောင်းရင်လည်း တစ်ခြားမြို့နယ်မှာ သွားပြောင်းပေါ့ ဒေါက်တာရယ်၊
ဒီမြို့နယ်ကိုတော့ လက်ရှောင်လိုက်တာက အနာဂတ်လှပါလိမ့်မယ်။

ဖတ်ရတဲ့သတင်းစာတွေအရကတော့  ဒေါက်တာလည်း မိုဗိုင်းဆေးခန်းဖွင့်ပြီး ဆေးတွေလိုက်ကုပေးနေတယ်ကြားရတော့ စိတ်ရင်းကောင်းလေး ရှိတယ်လို့ အကြမ်းဖျင်းကောက်ချက်ဆွဲလို့ရပါတယ်။ ပရဟိတစိတ်လည်းရှိ၊ လူထုကိုလည်းစေတနာရှိ၊ ဆေးလည်းကုတတ်ဆိုတော့ ကိုကျော်သူတို့ နာရေးအသင်းနဲ့ ပူးပေါင်းပြီး ရှင်းရှင်းလေး လုပ်အားပေးကြည့်ပါလား၊ ဒီ စထရက်ဒဂျီက အကောင်ဆုံးဖြစ်လိမ့်မယ်၊ ကြာလာရင် လူထုကလည်း ချစ်လာမှာပါ၊ လုထုရဲ့နာတာရှည်ရောဂါက ဒေါက်တာကုလို့ မပျောက်တော့ဘူး။

ဆရာမိုဗိုင်းဆေးခန်းဆိုမှ ကျနော်တစ်ခါကရေးဖူးတဲ့ မိုဗိုင်းသံရုံးကိုသတိရမိတယ်။
နိုင်ငံပိုင် သံရုံးမြေတွေကိုတောင် ဖဲ့ရောင်းကြသတဲ့ ဒေါက်တာ၊ ဘယ်အစိုးရက သံရုံးမြေရောင်းစားသလဲဆိုတာတော့ အကျိုးမရှိတဲ့ကိစ္စမို့မပြောတော့ပါဘူး။ ကျနော်တို့အစိုးရတော့ မဟုတ်ဘူးထင်တပဲ ဒေါက်တာရယ်။
ရောင်းမယ့်ရောင်း သံရုံးတစ်ရုံးလုံးရောင်း၊ ဘတ်စ်ကားတစ်စီးဝယ်ပြီး မိုဗိုင်းသံရုံးလုပ်ထားလည်း ရတာပဲမဟုတ်လား။ ခေတ်စကားနဲ့ပြောရရင် ပိုပြီးတောင် မိုဘယ်လိုက်ဇ်ဖြစ်သေးတယ် မဟုတ်လား။
တယ်လီဖုန်းဟော့လိုင်းတစ်ခုတော့ထားရမှာပေါ့။ အပွိုင့်မင့်လုပ်ဖို့လေ။

ရွေးကောက်ပွဲမနိုင်ရင်တောင်တပ်မတော်သားတွေကိုဆေးကုရမယ့် ဒေါက်တာက ပြည်သူတွေကို ကုပေးနေတော့ (နည်းနည်ထူးဆန်းနေပေမယ့်) ကုသိုလ်တော့ သေချာပေါက်ရမှာပါ။
ကျနော်စိုးရိမ်တာက စစ်သားတွေခံစားရတတ်တဲ့ရောဂါနဲ့ ပြည်သူတွေခံစားနေရတဲ့ရောဂါ တူမှတူပါ့မလားဆိုတာလေးပါ။
ဘာမှမဟုတ်ပါဘူးဒေါက်တာရယ်၊ စိတ်ရင်းကောင်းတဲ့ဒေါက်တာ ရုပ်ပျက်ဆင်းပျက်ရှုံးတာကို မကြည့်ရက်လို့ပါ။

ကော့မှုးကိုတော့လက်ရှောင်လိုက်ပါလားဒေါက်တာ။ (၂၀၁၅ ခုရောက်ရင်လေ။)
မိုဗိုင်းသံရုံးတောင် ရှိနိုင်တဲ့ခေတ်ဆိုတော့ မိုဗိုင်းဆေးခန်းလောက်နဲ့ အလုပ်မဖြစ်လောက်တော့ဘူး။
အထူးသဖြင့် ကော့မှူးမှာပေါ့။

အဲ.....ပြောဖို့တစ်ခုမေ့တော့မလို့။

လူထုကြီးကဒေါက်တာရဲ့ ပြိုင်ဖက်ကိုဘယ်လိုခေါ်တာသိတယ်နော်။ အမေစု၊ အန်တီစုတဲ့။ ချစ်လို့၊ အားကိုးလို့ခေါ်ကြတာ၊ ဒေါက်တာလည်း လူထုကြီးချစ်လာ၊ အားကိုးလာအောင်ကြိုးစားပေါ့။ လူထုကြီးက ဒေါက်တာကို အဖေစိုး၊ အန်ကယ်စိုးလို့ခေါ်လာတဲ့နေ့ကျရင် ဝင်ပြိုင်လို့ရပြီ။ ဖစ်ဖတီး ဖစ်ဖတီးဖြစ်သွားပြီ။ အမေစု နဲ့၊အဖေစိုး။ အန်တီစုနဲ့ အန်ကယ်စိုး။ အခုတော့....ကော့မှူးလေးကို ရှောင်ထားလိုက်ပါအုံး။ အဖေစိုး၊ အန်ကယ်စိုးလို့ခေါ်လာတဲ့နေ့ကို စောင့်လိုက်ပါ။
အဲဒါ အကောင်းဆုံး(ဒေါက်တာစကားနဲ့ပြောရရင်)စထရက်ဒဂျီ ဖြစ်မှာပါ။


ကျနော် ပြုံးစိစိနဲ့ရေးတာ မဟုတ်ကြောင်းလည်း ပြောချင်ပါတယ်။
အယ်ချုပ်ပေးထားတဲ့ ခေါင်းစဉ်ကသာ  ပြုံးစိစိဖတ်စာပါ။ ဒါပါဘဲ ဒေါက်တာ။

ကရုဏာများစွာဖြင့်

ဦးကိုမောင်

Copyright © 2011 ကမ်းလက်. All rights reserved.

Read more

နိုင်ငံတစ်ခုရဲ့ ကံကြမ္မာ

"မိခင်နိုင်ငံကလွဲရင် ဘယ်နိုင်ငံကို အကြိုက်ဆုံးလဲ ဆိုတဲ့မေးခွန်းမေးလာတိုင်း ထိုင်ဝမ်လို့  အမြဲဖြေခဲ့တယ်။"

ဘာကြောင့်လဲရှင်းရှင်းလေးပါ၊ ထိုင်ဝမ်ဆိုတာတိုက်ဖုန်းနဲ့ အကျွမ်းတဝင်ရှိလှတဲ့ ပင်လယ်ဘေးက ဘာမှသယံဇာတမရှိတဲ့ ကျောက်တောင်ပေါ်ကမြို့ဖြစ်ပြီး ဆောက်လုပ်ရေးအတွက် သဲတောင် တရုတ်ပြည်က တင်သွင်းနေရတယ်။

ဒါပေသည့် ကမ္ဘာ့စတုတ္ထ အကြီးဆုံး စီးပွားရေး စင်တာဖြစ်နေခဲ့တယ်။ မြေကြီးထဲက သယံဇာတကို တူးဖို့ထက် ၂၃ သန်းသော လူတွေဆီကအရည်အချင်း၊ အားထုတ်မှုနဲ့ အသိပညာတွေရအောင်တူးယူနိုင်ကြတယ်။ ထိုင်ဝမ်က မိတ်ဆွေတွေကို ကျနော်အမြဲပြောမိတယ်၊ ခင်းဗျားတို့ဟာ ကမ္ဘာ့မှာ ကံအကောင်းဆုံးလို့။ 

ရေနံမရှိ၊ သံသတ္ထုမရှိ၊ တောတောင်၊စိန်၊ရွှေ ဘာမျှမရှိ။ မဖြစ်စလောက် ကျောက်မီးသွေးနဲ့ ဂက်စ် ပဲရှိတော့

လူတွေကိုလေ့ကျင့်၊ အရည် အသွေးတွေကိုမြှင့်၊ ဒါက ဒီနေ့ကမ္ဘာ့ရဲ့ တန်ဖိုးအမြင့်ဆုံး ရီဆော့စ်တွေပဲ။ အရင်က ဒါကို ကျနော့အမြင်ပဲလို့ထင်ခဲ့တာ အခု သက်သေအထောက်အထားရသွားပြီ။

စီးပွားရေး ပူးပေါင်းဆောင်ရွက်ရေးနဲ့ ဖွံ့ဖြိုးတိုးတက်ရေး အဖွဲ့က(The organization for Economic Cooperation and Development) ဒီကိစ္စကိုလေ့လာခဲ့ကြတယ်။ နိုင်ငံပေါင်း ၆၅ နိုင်ငံက ၁၅ နှစ်အရွယ်ကျောင်းသားလေးတွေကို သင်္ချာ၊သိပ္ပံ နဲ့ စာဖတ်ခြင်းစွမ်းရည်ကို နှစ် နှစ် တစ်ခါ စစ်ဆေးတဲ့ ပီစာ စာမေးပွဲစစ်ကြတယ်။

(Pisa=Programme for International Students Assessment)။ ထို့အတူ ရေနံစတဲ့ သဘာဝအရင်းအမြစ် ရှိတဲ့နိုင်ငံက ကျောင်းသားတွေနဲ့ သဘာဝအရင်းအမြစ်မရှိတဲ့နိုင်ငံက ကျောင်းသားတွေရဲ့ စွမ်းရည်ကိုလည်း နှိုင်းယှဉ်ကြည့်ကြတယ်။ တိုတိုပြောရရင် စာသင်ခန်းထဲကကျောင်းသားတွေ သင်္ချာဘယ်လောက်တော်သလဲ ဆိုတာနဲ့ ဒီနိုင်ငံက ရေနံ ဘယ်လောက်ထုတ်လုပ်နိုင်သလဲဆိုတာင်းယှဉ်ကြည့်ကြခြင်းပါ။ ဒီအခါမှာ ထွက်လာတဲ့ရလာဒ်က တော်တော်ကြီး ကွာခြားနေပါတယ်။

ဒီ ပီစာ စာမေးပွဲကိုလေ့လာသူ မစ္စတာ Andreas Schleicher က

 "သမ္မာကျမ်းစာထဲမှာတော့ မိုးဇက်က ဂျူးလူမျိုးတွေကို နှစ်ပေါင်း ၄၀ ကြာအောင် သဲကန္တာရထဲမှာဦးဆောင်မှုပေးခဲ့ပါတယ်၊ အရှေ့အလယ်ပိုင်းမှာ တစ်ခုတည်းသောရေနံမထွက်တဲ့နိုင်ငံက အစ္စရေးပါ။ ဒါပေမယ့် ဒီနေ့မှာတော့ အစ္စရေးဟာ ရေနံချမ်းသာတဲ့နိုင်ငံတွေကတောင် ဖြည့်ဆည်းမပေးနိုင်တဲ့ လူနေမှုအဆင့်ကိုပေးထားနိုင်ပါတယ်။" လို့ ဆိုပါတယ်။ 

ရေနံကို ကိုယ်ယူ စာအုပ်ကို သူများပေးဆိုသလိုပေါ့။ မစ္စတာ Andreas Schleicher အလို ပီစာ စာမေးပွဲရလာဒ်အရ သဘာဝအရင်းအမြစ် အနည်းအငယ်သာရှိတဲ့ စင်ကာပူ၊ ဖင်လန်၊ တောင်ကိုးရီးယား၊ ဟောင်ကောင်၊ ဂျပန်နိုင်ငံက ကျောင်းသားတွေက ရေနံချမ်းသာတဲ့နိုင်ငံတွေကကျောင်းသားတွေထက် အများကြီးသာနေပါသတဲ့။ ရေနံစတဲ့ သဘာဝအရင်းအမြစ်ချမ်းသာတဲ့ လက်တင်အမေရိက က ဘရာဇီး၊ မက္ကစီကို၊ အာဂျင်တီးနားနဲ့ အာဖရိကနိုင်ငံတွေကို မစစ်ဆေးခဲ့ရပေမယ့် ရေနံချမ်းသာတဲ့ ကာတာနဲ့ ကာဇက်စတန်ကကျာင်းသားတွေကတော့ ပီစာ စာမေးပွဲမှာတော်တော်နောက်ကျကျန်ခဲ့တယ်လို့ဆိုပါတယ်။

သဘာဝအရင်းအမြစ်လည်း ရှိတဲ့ ကနေဒါ၊ သြစတေးလျနဲ့နော်ဝေကကျာင်းသားတွေကတော့ပီစာ စာမေးပွဲမှာ အဆင့်မြင့်မြင့်အောင်ကြပါတယ်။ မစ္စတာ Andreas Schleicher က ဒီ သုံးနိုင်ငံဟာသဘာဝအရင်းအမြစ်ကို သုံးစားနေရုံတင်မဟုတ်ပဲ ရေနံစတဲ့သဘာဝကို ချွေတာပြီး ရေနံကရတဲ့ငွေတွေနဲ့ ပညာရေး စတဲ့ ရေရှည်ပရောဂျက်တွေမှာရင်းနှီးမြှတ်နှံမှုတွေကိုပါ လုပ်နေကြလုိ့ထောက်ပြပါတယ်။

၂၁ ရာစှုမှာ နိုင်ငံ တစ် နိုင်ငံရဲ့ ကံကြမ္မာကိုသိချင်ရင် ရေနံတွင်း ရွှေတွင်းတွေနဲ့ တွက်ချက်လို့မရတော့ပါဘူး။ ထိရောက်ထက်မြက်တဲ့ ဆရာတွေ ပါဝင်ပူးပေါင်းတဲ့မိဘတွေနဲ့ ကျောင်းသားတွေရဲ့ကြိုးစားမှုတွေအပေါ်မှာပဲ မူတည်တော့တယ်။

"ဒီနေ့ စာသင်ခန်းထဲက ထွက်လာတဲ့ အဖြေဟာ လာမဲ့ရေရှည်အနာဂတ်အတွက် နိုင်ငံတစ်နိုင်ငံရဲ့ စီးပွားရေးနဲ့ လူမှုရေးအဖြေပါ" လို့မစ္စတာ Andreas Schleicher ကပြောခဲ့ပါတယ်။

စီးပွားရေးလောကမှာ Dutch disease ဆိုတဲ့ရောဂါကိုသိနေကြတာကြာပါပြီ၊ ဆိုလိုတာက  နိုင်ငံတစ် နိုင်ငံဟာ သဘာဝအရင်းအမြစ်တွေအပေါ်မှာပဲ မှီနေတော့ ပြည်တွင်းကုန်ထုတ်လုပ်မှုမရှိတာ့ဘူး၊ ဒီတော့ ဈေးပေါပေါ နိုင်ငံခြားပို့ကုန်တွေ ပြည်တွင်းမှာ အဆမတန်ဈေးကြီးပေးဝယ်သုံးကြရပါတော့တယ်။ အခု ပီစာ  

လေ့ လာတာကအဲဒီ Dutch diseaseနဲ့ ဆက်နွှယ်နေပါတယ်။ သဘာဝအရင်းအမြစ်ချမ်းသာတဲ့  နိုင်ငံကလူတွေဟာ ကိုယ်လုပ်သင့်တဲ့အလုပ်တွေလုပ်ဖို့၊ လူတစ်ဦးချင်စီရဲ့အရည်အချင်းတြွှေမှင့်တင်ဖုိ့ဆိုတာတွေကို မေ့လျော့နေကြဟန်တူပါတယ်။

မစ္စတာ Andreas က "သယံဇာတအနည်းငယ်သာရှိတဲ့ စင်ကာပူ၊ဖင်လန်နဲ့ ဂျပန်တို့ရဲ့ပညာရေးက အဆင့်အတန်းမြင့်ပြီး အနည်းဆုံး ပြည်သူအများစုက သူတို့ဘဝရပ်တည်ရေးဟာ အတတ်ပညာနဲ့ လုပ်ရည်ကိုင်ရည်ဆိုတာကို ကျကျနနသဘောပေါက်ထားကြတယ်။ ဒီအရည်အသွေးနှစ်ခုကလည်း စနစ်ကျတဲ့ပညာရေးအပေါ်မှာ မှီနေတယ်။ ဒီနိုင်ငံတွေက မိဘတိုင်း ကလေးတိုင်းဟာ ကလေးတစ်ယောက်ရဲ့ အနာဂတ်တစ်ခုလုံးကိုအရည်အချင်းကပဲဆုံးဖြတ်မယ်ဆိုတာ သူတို့နားလည်ကြတယ်၊ ဒါကြောင့် သူတို့က ယဉ်ကျေးမှုနဲ့ ပညာရေးပုံသဏ္ဌာန်ကိုစနစ်တကျ ပုံဖော်ယူကြတယ်" လို့ ရှင်းပြခဲ့တယ်။

ကျနော့မိတ်ဆွေ အိန္ဒိယန်း-အမေရိကန် Sridhar ကတော့ " သယံဇာတမရှိသူက သူကုယ်တိုင် သယံဇာတဖြစ်သွားတယ် " လို့ကို ဆိုလိုချင်ဟန်ရှိပါတယ်။

ဒီလေ့လာချက်က စက်မှုနိုင်ငံတွေအားလုံးကိုလည်း အရေးကြီးတဲ့မက်ဆေ့ ပေးထားခဲ့ပါတယ်။

"အခုလိုစီးပွားရေးအကျပ်အတည်းကာလထဲမှာ အနာဂတ်ငွေကြေးစနစ်တည်ငြိမ်ဖို့က ကိုယ်ပိုင်အရည်အချင်းအပေါ်မှာမူတည်နေပါတော့တယ်။ အချိန်အတော်ကြာအောင်ကြုံတွေ့နေရတဲ့ ဒီစီးပွားရေးအကျပ်အတည်းအတွက် အဖြေက လူထုကို နောလေ့ဂ်ျ နဲ့ စကေးလ် ကို ထိထိမိမိပေးရမယ်၊ ပြီးတော့ အတူတကွပူးပေါင်းဆောင်ရွက်ခြင်း နဲ့ နိုင်ငံကို ရှေ့တွန်းပို့ပေးနိုင်ဖို့ လူထုကိုပညာပေးရမယ်" လို့လည်း မစ္စတာ Andreas ကဆိုပြန်ပါတယ်။

"နောလေ့ဂ်ျ နဲ့ စကစ်လ် က ၂၁ ရာစုစီးပွားရေးလောကရဲ့ ငွေကြေးပဲ၊ ဒီငွကြေးကို ဘယ် စင်ထရယ်ဘဏ်ကမှ ပုံနှိပ်ထုတ်ဝေမှာမဟုတ်ဘူး၊ဒီငွကြေးဘယ်လောက် ထုတ်ထားမလဲဆိုတာ လူတိုင်းကိုယ်စီ ဆုံးဖြတ်ရမဲ့ကိစ္စဖြစ်နေပါတယ်။"လို့ သူကဟောကိန်းထုတ်ထပ်ထုတ်တယ်။

ရေနံထွက်တယ်၊ ဂက်စ်၊ စိန်ထွက်တယ်ဆိုတာ ကောင်းပါတယ်၊ဒါတွေရှိရင် လူထုကို အလုပ်တွေ ပေးထားနိုင်တယ်။ ဒါမေယ့် ဒါတွေရှိနေခြင်းကပင် မိမိလူ့အဖွဲ့အစည်းရဲ့ ရေရှည်စီမံကိန်းဖြစ်တဲ ပညာ သင်ကြားရေး ကိုအားနည်းသွားစေ ပြန်ပါတယ်။

ဒါကြောင့်  မစ္စတာ Andreas က " The thing that will keep you moving forward is always what you bring to the table yourself" လို့  ထပ်လောင်းပြောခဲ့ပါတယ်။  ။

Ref:New York Time. By Thomas Friendman.

Original story >> Pass the Books. Hold the Oil.

ဇင်ဝေသော်

Copyright © 2011 ကမ်းလက်. All rights reserved.

Read more