"စော်ကားကြပြန်ပြီ တစ်ခါ" (Insult again!)

(မအားလို့ ဒီနေ့ သတင်း မတင်ရသေး၊ တင်ပြီ)

"စော်ကားကြပြန်ပြီ တစ်ခါ" ဒီစကားကို ခေါင်းကြီးတင်လိုက်တာကတော့ မလေးရှားက သတင်းစာတွေပါ။ ဘာကြောင့်လဲ ဆိုတောတော့ ခွေး ထိမ်းကြောင်းပေးရတဲ့ အမျိုးသမီး (၃၈ နှစ်) က သူမ ခွေးလေးတွေနဲ့ အတူ ရိုက်ထားတဲ့ ဗွီဒီယိုကို (ဟာရီရာယ ဂရိတင်း) ဆိုပြီး ယူကျုပေါ် တင်လိုက် လို့ပါ တဲ့။ ဒါတင်မကဘူး သူမက ခွေးလေးတွေကို ဟာရီရာယ ကွတ်ကီးတွေ လည်း ကျွေးသေးတယ် တဲ့။
မွတ်စလင်တွေရဲ့ ယုံကြည်မှုအရ ခွေးဟာ မသန့်ရှင်းဘူး၊ သူတို့နဲ့ တတ်နိုင် သမျှ ဝေးအောင် ရှောင်ကြတယ်ဆိုပဲ။
အဲဒီ အမျိုးသမီးကိုယ်တိုင်ကလည်း မွတ်စလင်ပါပဲ။ သူမ အခု ဒုက္ခရောက်နေ တယ်။
မနေ့ကပဲ "ခွေးတစ်ကောင်ရဲ့ God ထံပေးစာ" တင်လိုက်မိပါတယ်။ မြန်မာ လိုမို့ တော်ပါသေးရဲ့။
"နို့မို့ စော်ကားကြပြန်ပြီ တစ်ခါ" နဲ့နေမှာ။
ဘာသာရေး ယုံကြည်မှုဆိုတော့ အခက်သား။ ခွေးနဲ့ဓာတ်ပုံရိုက်၊ ခွေးကို မုန့်ကျွေးတာလည်း
"စော်ကားကြပြန်ပြီ တစ်ခါ" ။

Straits Time

Read more

လိပ်တစ်ကောင်ရဲ့ အားသာချက် ၆ ချက်

၁။ အသက်ရှည်အောင် ကျန်းမာရေးလုပ်ရတယ်ဆိုတဲ့ စကားဟာ လိပ်နဲ့ လုံးဝမဆိုင်။ ပြေးလွှားနေတဲ့ ယုန်တွေ ခွေးတွေထဲမှာ ဘယ်သူ အသက် ရာကျော်နေရလို့လဲ။ ဘာမှမလုပ်ဘဲ သက်တန်းရာကျော်ရှည်တာ လိပ်ပဲ ရှိတယ်။

၂။ စောင်းကန်းစောင်းကန်း လမ်းလျှောက်လို့လည်း ဘာမှမဖြစ်။ ဝင်တိုက် မိလည်း အခွံမာကြီးနဲ့ ဆိုတော့ ဘာမှမဖြစ်။ လိပ်က တည့်တည့်ကို မလျှောက်တတ်ဘူး။ ကြီးလေ မတည့်လေ။

၃။ လူတိုင်းကိုလည်း မျက်နှာ ပြနေစရာမလိုဘူး။ တခြားသတ္တဝါတွေဆို မျက်နှာချိုသွေးရ၊ အမြီးနံ့ရ။ လိပ်ကမျက်နှာ မပြဘဲ အလုပ်ဖြစ်တယ်။ ခပ်တင်းတင်း ခပ်တည်တည်ပဲ။

၎။ အားအားရှိ ကိုယ့်ဘက်ကို ယက်နေရုံပဲ၊ လိပ်ဆိုတော့ ဘယ်သူမှ၊ ဘာ မှပြောလို့ မရ။ ပြောလည်း ဘာမှမဖြစ်။ စကားပုံ ရှိနေလို့။

၅။ ဘယ်သူနဲ့မှ မတွေ့ချင်တော့ဘူးဆိုရင် ပင်လယ်ထဲဆင်းသွားပြီး နားအေး ပါးအေး ငုတ်နေလိုက်ရုံပဲ။ အကြောင်းရှိရင် ကောင်လေးတွေ ဆက်သွယ် ကြပေါ့။

၆။ နောက်ဆုံး မဖြစ်မနေ ယုန်နဲ့ အပြေးပြိုင်ရရင်တောင် လိပ်ကနိုင်တယ်။
(ပုံပြင်ထဲမှာတော့ ယုန်ကလေးစားတဲ့ အစာထဲမှာ အိပ်ဆေးတွေ တွေ့ရသတဲ့၊ လက်တွေ့မှာတော့ ခရာမှ မမှုတ်ရသေးဘူး လေးပုံ တစ်ပုံ ရောက်နေပြီ)

ပြီးပါပြီ။
ဆက်ချင်ရင် ကိုယ်ဘာသာပဲ ဆက်ကြပါ။

Read more

သစ္စာနယ်အဝင် ခရီးကြမ်း (သုံး) - ဥယျာဉ်မှားနေတဲ့ သစ်ပင်

"သာကိယ မင်းတစ်ပါးရဲ့ ရှေ့မှာ
လိပ်ပြာတောင်ပံနဲ့လူတွေ ခစားတယ်
သာကိယ မင်းတစ်ပါးရဲ့ နောက်မှာ
ကင်းမလက်သည်းနဲ့လူတွေ
လေးတင်ထားတယ်"

ခွင့်လွှတ်ပါ ခမည်းတော်
ကဏ္ဍကလည်း ဖွားဖက်တော်
ဆန္ဒလည်း ဖွားဖက်တော်
နန္ဒလည်း ဖွားဖက်တော်
ယသော်ဓရာလည်း ဖွားဖက်တော်
အလိုလိုပေါ်လာတဲ့ ရတနာတွေကပါသေး
ကဲ..ဒါဆိုရင်
ဘဝါဘဝက ဖွားဖက်တော် ဘယ်သူလဲ???

အဝိဇ္ဇာလား သင်္ခါရလား?
ဝိုးတဝါး
ဝိဉာဉ်လား နာမ်ရုပ်လား?
မကွဲပြား
သဠာယတနလား ဖဿဝေဒနာလား?
မထင်ရှား။

အကြောင်းတရား တို့မီး ရှိူု့မီးတွေနဲ့
ပြီးတော့မလိုနဲ့ တစ်ကပြန်စတာ ခံရ
ပဋိစ္စသမုပ္ပါဒ်ပြဇာတ်လို
အဝိဇ္ဇာက ကံ မကုန်တကုန်
သင်္ခါရက ဝတ်ရုံဝတ် (ခပ်တည်တည်နဲ့) နန်းတက်
လက်နေတဲ့ဝတ်ရုံ ခေါက်ရိုးမပြေခင်
ဝိဉာဉ် နာမ်ရုပ်က ပူးပေါင်းလုပ်ကြံ
ဘိသိက်ဝင်ခံတဲ့ဝိဉာဉ် နာမ်ရုပ်
သူတို့လည်း ခပ်လှုပ်လှုပ်ပါ။

ဝေဒနာနဲ့ ဖဿက
အာယတန အတွင်းလူခြောက်ယောက်နဲ့
မလွယ်ပေါက်က ထိုင်စောင့်နေကြရဲ့
ဝေဒနာမှ မရေမရာရှိတုန်း
တဏှာက ကြိုးတစ်ချောင်းနဲ့ လည်တဆန့်ဆန့်
ကဲ.....
တစ်ကန့်ဆင်း တစ်ကန့်တက်
ရက်ရက်စက်စက် ဒီဇာတ်ထဲမှာ
မြေဇာပင်ဘဝအမိုက်
ထန်းသီးကြွေခိုက် ကျီးနင်းခိုက်တဲ့လား??
မဖြစ်နိုင်လောက်ဘူး
ဖြစ်လို့လည်းမရဘူး။

ခွင့်လွှတ်ပါ ခမည်းတော်
ခမည်းတော်စောင့်ခဲ့ရတာက ဆယ့်ခြောက်နှစ်
အမောဖောက်နေတဲ့စင်္ကြဝဠာက လေးသင်္ချေကျော်။
ခွင့်လွှတ်ပါ ခမည်းတော်
သာကိယမင်းတစ်ပါးဟာ
တစ်ခါ တစ်ခါ
မဟာမြေရဲ့ သည်းခံမှုမျိုး
တစ်ခါ တစ်ခါ
အသားစားသတ္တဝါလိုရက်စက်
သူများနှလုံးသား မြားနဲ့ချိန်ခိုက်
အကုသိုလ်က ကိုယ့်ရင်မှာစိုက်နှင့်ပြီ။
အချိုးညီ ဓမ္မစရိုက်ကို
မသိယောင်ဆောင်
မိုက်တန် မိုက်ရတယ်။

သာကိယမင်းတစ်ပါးရဲ့ လက်ထဲမှာ
ကွေးကောက်လာမဲ့ လှံသွားတွေ
အားပေးအားမြှောက်လုပ်တယ်
သာကိယမင်းတစ်ပါးရဲ့ ရင်ဘတ်မှာ
လူဖတ်မခံဝန့်တဲ့
ဂူအောင်းသမိုင်းတွေရှိတယ်

သာကိယမင်းတစ်ပါးရဲ့ လက်မောင်းမှာ
ငါ ဆိုတဲ့ အတ္တအလံ
တထောင်းထောင်းလွင့်တယ်

သာကိယမင်းတစ်ပါးရဲ့ ရှေ့မှာ
လိပ်ပြာတောင်ပံနဲ့လူတွေ ခစားတယ်
သာကိယမင်းတစ်ပါးရဲ့ နောက်မှာ
ကင်းမလက်သည်းနဲ့လူတွေ
လေးတင်ထားတယ်။

သွားပါရစေတော့ ခမည်းတော်
ပုံရိပ်တစ္ဆေသုံးကောင်
နေ့ကြောင်တောင်ဝင်ခြောက်တဲ့နောက်
တစ်ယောက်တည်းက တစ်ဖက်
လောကကြီးက တစ်ဖက်
အမျက်သိုချင်
တစ်သက်စာသာ သိုလိုက်ပါတော့
ကာမနယ်ထဲက အဖေ့သားဟာ
တကယ်ကို
ဥယျာဉ်မှားနေတဲ့ သစ်ပင်ပါ။ ။

Read more

**နာမည်ပေးရင် သတိထား**

မစ္စတာ Akbar Zeb ဆိုတာ ဆော်ဒီအာရေးဗျကို သံအမတ်အဖြစ် တာဝန် အပေးခံရတဲ့ ပါကစ္စတန်လူမျိုးပါ။ ဒါပေမဲ့ Zeb ဆိုတဲ့နာမည်ကြောင့် အပယ် ခံရတယ်။
သူ့ကိုယ်ရေးအတ္တုပ္ပတ္တိက မခေဘူး။ သံအမတ်အဖြစ် အမေရိက၊ အိန္ဒိယ ၊ တောင် အာဖရိက၊ ကနေဒါတို့မှာ တာဝန်ထမ်းပြီးပြီ။
ပြဿနာက Zeb ပါ။ ပါကစ္စတန်တွေကြားမှာ မှည့်လေ့မှည့်ထလည်း သိပ် မရှိဘူး။

Akbar ဆိုတာ မွတ်စလင်တွေ အမှည့်များတဲ့ နာမည်ဖြစ်ပြီး "great" "Big" "Large" ဆိုတဲ့ အဓိပ္ပါယ်ရှိတယ်။
ဒါဆို Zeb က ဘာအဓိပ္ပါယ်ရှိသလဲဆိုတာ စဉ်းစားလို့ရပါပြီ။ မရသေးရင် ဒါလေးတွေ ဖတ်ကြည့်ပါ။
"His Excellency the Big D..." တဲ့။
"You cannot just pronounce that name. It's too awkward.
How would he be announced at events? How would he be written about?"
"The media wouldn't dare to publish a name like this So every time he would be in the media they would have to face the name issue, and it would make it difficult to work with him."

Read more

ခွေးတစ်ကောင်ရဲ့ God ထံပေးစာ

ကျနော်က ခွေးတစ်ကောင်ပါ။ မရှင်းမလင်းတာလေးတွေ မေးချင်လို့ ခွင့်ပြုပါ။ ဒီမိုကရက်တစ်ကျကျ ဖြေဆိုပေးလိမ့်မယ်လို့ ယုံကြည်ပါတယ်။

၁။ မကြည့်ချင် မမြင်ချင်လို့ မျက်စိမှိတ်ပြီး လူရဲ့ ခြေသလုံးကိုဆွဲလိုက်မိတာ ဟာ ခွေးအခွင့်အရေး ချိုးဖောက်ရာ ရောက်ပါသလား။

၂။ ဘာရယ်မဟုတ် မည်းမည်းမြင်ရာ ဟောင်လိုက်မိတာကို နောက် က ခွေးတွေကလည်း (ဘာရယ်မဟုတ်) တအုံကြီးလိုက်ဟောင်ကြတယ်။ ဒါဆို သူတို့က ကျနော့်ကို "Like" လုပ်တာလား "Share" လုပ်တာလား။

၃။ အဲသလို ဖြစ်လာရင် ကျနော်ဟာ စည်းရုံးရေးကောင်းသူ ဖြစ်ပါပြီလား။ နိုင် ငံရေး လုပ်လို့ရပြီလား။

၎။ နိုင်ငံရေးပါတီတွေထဲမှာ ခွေးသားမစားတဲ့ ပါတီမရှိသေးပါ။ ခွေးသား မ စားတဲ့ ပါတီကိုပဲ မဲပေးလိုခြင်းဟာ အမြင်ကျဉ်းမြောင်းခြင်း ဟုတ်ပါသလား။ ဒါမှမဟုတ် ဒီမိုကရေစီကို နားမလည်ခြင်းလား။

၎။ ကျနော်နဲ့ ဟိုဘက်အိမ်က ခွေးမလေး (ကိုးကွယ်မှု မတူပါ) ရပြီး ခွေးလေး ငါးကောင်မွေးလာပါတယ်။ သူတို့ဟာ ဗုဒ္ဓဘာသာဖြစ်သင့်သလား၊ မွတ်စ လင်ဖြစ်သင့်သလား၊ ခရစ္စယန်ဖြစ်သင့်သလား။ မျက်နှာမလိုက်ကြေးနော် ဖျာ့။

၅။ ကောင်းကင်ဘုံမှာဆိုရင် ကျနော်တို့နေရာဟာ ဆိုဖာလား၊ တံခါးပေါက် လား၊ အမှိုက်ပုံလား။

၆။ ကောင်းကင်ဘုံရောက်ဖို့ တွေ့တဲ့လူတိုင်းကို "အဘ" ခေါ်စရာ လိုသလား။

၇။ "ခွေးတောင် ကြွေးတဲ့လက်ကို မကိုက်ဘူး" ဆိုတဲ့ စကားပုံဟာ ကျနော် တို့ကို နှိမ့်ချဆက်ဆံရာ (ဒစ်စ်ခရိုင်မီနေးရှင်း) မရောက်ဘူးလား။

၈။ ကျနော်တို့ ကစားနေကျ၊ အီးအီးပါနေကျ အဆောက်အဦကြီးဟာ အ ခု ဟော်တယ်ဖြစ်တော့မယ်လို့ ကြားရပါတယ်။ ဒါကိုပဲ ပြုပြင်ပြောင်းလဲခြင်း (Reform) လို့ ခေါ်ပါသလား။


၉။ ဟော်တယ်ဖြစ်သွားရင် ကစားလို့၊ အီးအီးပါလို့ မရတော့ပါ။ ဒီ အတွက် ကျနော်တို့က နစ်နာကြေးတောင်းဆိုရင် ရနိုင်ပါသလား။ တည်ဆဲ၊ တည် ဖို့ကြိုးစားဆဲ ဥပဒေတွေနဲ့ ညီညွတ်ပါသလား။

၁၀။ မျက်စိနောက်လောက်အောင် ဝတ်စားထားတဲ့လူတွေကို ဟောင် မိတဲ့ အတွက် တောင်ပန်စကားပြောဖို့ (အပေါ်လောဂျိုက်ဇ်) လိုအပ်ပါသလား။ ဒါမှမဟုတ် ဒါဟာ ကိုယ်ပိုင် လွတ်လပ်ခွင့်လား။

ကျေးဇူးပြုပြီး ဒီမိုကရက်တစ်ကျကျ ဖြေဆိုပေးပါ။ ဒါဟာ လူတွေလို ကွန်ပ လိန်းတက်နေခြင်း၊ အခွင့်အရေးတွေ တောင်းဆိုနေခြင်းမဟုတ်ဘဲ အင်တယ် လက်ကျူယယ်မေးခွန်းသက်သက်တွေမို့ ဖြေဆိုပေးမယ်လို့လည်း ယုံကြည် ထားပါတယ်။

(ဝေါင်း ဝေါင်း ဝေါင်း)
လေးစားစွာဖြင့်
ခရစ္စတိုဖာ စတီဗင် အောင်နက်
မြန်မာပြည်

Read more