(ယဉ်ကျေးစွာ ကွဲလွဲနိုင်ကြပါတယ်)
သီရိလင်္ကာကျောင်းမှာ မြန်မာရဟန်း ကျောင်းထိုင်ဖြစ်လာတော့......
သီဟိုဠ်ဖက်ကလည်း ဒီကျောင်းမှာ သီရိလင်္ကာရဟန်း ရှိမှာမဟုတ်တော့ဘူး။
စလုံးဒကာ၊ ဒကာမတွေကလည်း မြန်မာနိုက်ဇ် (မြန်မာ့ယဉ်ကျေးမှုအသွင် လုံးလုံးလျားလျား) ဖြစ်သွားပြီး မြန်မာတွေနဲ့ ပြည့်သွားလေမလား။
မြန်မာတွေဖက်ကလည်း မြန်မာအက်တီဗီတီတွေ ပိုပြီး လွတ်လွတ်လပ်လပ် လုပ်လို့ရတော့မယ်၊ (မြန်မာကိုယ်တော်တွေ ခေါ်ထားကွာ) စတဲ့ သံသယ ဆန်တဲ့ အတွေးတွေ၊ စကားတွေ ရှိနေခဲ့တယ်။
ဒေါ်စု အာဏာရသွားရင် သူမလက်ခံ ယုံကြည်တဲ့ လစ်ဘရယ်ဒီမိုကရေစီ စတာတွေကြောင့် မြန်မာရဲ့ ရှိရင်းစွဲ လက်ခံယဉ်ကျေးမှု စတာတွေ ပေးဆပ် ရလိမ့်မယ်၊ နိုင်ငံ ကမောက်ကမဖြစ်သွားလိမ့်မယ်ဆိုတဲ့ သံသယတွေနဲ့ ဆင်တူမနေဘူးလာ။
******************************************************************
ဒါနဲ့ သီဟိုဠ်ရဟန်းတစ်ပါး ဒီကျောင်းမှာ ရှိကို ရှိနေရမယ်၊ ဒါပေမဲ့ အဲဒီ ရဟန်းဟာ မိမိထက် ဝါ ငယ်နေရမယ် လို့ ကော်မတီကိုပြောပြီး သီဟိုဠ် ရဟန်းငယ်ရှာကြတော့ လက်ရှိ ဘန္တေ သီလာနန္ဒကို ရခဲ့ကြပါတယ်။ ကံကောင်းတော့ သီလာနန္ဒက ရာမညဂိုင်းကဖြစ်နေပြီး သူ့ဆရာဆိုရင် မြန် မာပြည်မှာ အကြာကြီးနေပြီး ပဌာန်း သင်ယူခဲ့သူမို့ မြန်မာစကားတောင်ေ တ်ာတော်ပြောနိုင်ပါတယ်။ သီဟိုဠ်သားပေမဲ့ သူက မြန်မာသွေးနဲ့ စပ်နေတော့ ပွဲဦးထွက် ကံကောင်းခဲ့ပါတယ်။ ဘာပဲဖြစ်စေ သီဟိုဠ်ဖက်က သံသယတွေကိုတော့ ချေဖျက်နိုင်ခဲ့တယ်။
သိပ်မကြာခင်မှာဘဲ မြန်မာပြည်မှာ ရဟန်းဖြစ်လာတဲ့ စင်္ကာပူရီးယန်းရဟန်း ဘန္တေရာဇ က သူ ဒီကျောင်းကို ပြန်လာချင်တယ်လို့ ဆိုလာပြန်ပါတယ်။ သီဟိုဠ်ဆရာတော်တွေလက်ထက်မှာ ပြန်လာဖို့ သူ့အတွက် အခက်အခဲ ရှိပေမဲ့ မိမိကတော့ သူ့ကို ဝမ်းမြောက်ဝမ်းသာ ကြိုဆိုခဲ့ပါတယ်။ သူ့လုပ်ပိုင်ခွင့် နယ်ပယ်ကိုလည်း လွတ်လွတ်လပ်လပ် ဖွင့်ပေးလိုက်တယ်။ Express yourself ပါပဲ။ ဒီတော့ စလုံးတွေကလည်း ဒီမြန်မာရဟန်းက အမြင် မကျဉ်းဘူးဆိုတာကို လက်ခံလာကြတယ်။
"မင်းကျောင်းထိုင်ဖြစ်နေပြီပဲ မြန်မာကိုယ်တော်တွေ အများကြီး လက်ခံ ကွာ၊ မြန်မာပွဲတွေလုပ်ကွာ" စတဲ့ အားပေးစကားတွေကတော့ ကျေးဇူးတင်ဖို့ကလွဲပြီး လက်တွေ့ လုံးဝ အကောင်အထည်ဖော်လို့ မရတဲ့ စကားတွေပါပဲ။ ဒါကြောင့် ကျောင်းရဲ့ လက်ရှိတန်ဖိုးတွေနဲ့ သဟဇာတဖြစ်ပြီး လူဦးရေ ရာဂဏန်းသာရှိ၊ သာသနာ အတွက်လည်း ရေရှည် ပိုခိုင်စေတဲ့ အဘိဓမ္မာသင်တန်း၊ အဘိဓမ္မာစာမေးပွဲ၊ ကလေးယဉ်ကျေးမှု သင်တန်းတွေကိုသာ လက်ခံထားလိုက်ပြီး လူဦးရေ ထောင်ဂဏန်းအထိရှိတဲ့ နိုင်ငံကျော်၊ မကျော် ဓမ္မကထိကတွေရဲ့ တရားပွဲတွေကို (ပြောချင်ရာပြော ကြ၊ မျက်စေ့မှိတ်ပြီး) လုံးဝ ရပ်ဆိုင်း လိုက်ပါတယ်။ ယဉ်ကျေးမှု ဟန်ချက်၊ လူဦးရေဟန်ချက်ကို မျက်စေ့မှိတ်ပြီး ညှိယူလိုက်ပါတယ်။
ဒေါ်စုမှာကော နိုင်ငံတော်ရဲ့ မူလယဉ်ကျေးမှု အဓိက အမွေအနှစ်တွေကို မထိခိုက်စေဘဲပြောင်း လဲယူနိုင်တဲ့ မဟာဗျူဟာတွေ ရှိမနေနိုင်ဘူးတဲ့ လား။
ပြောင်းလဲမှုဆိုတာ့ ပညာပါတဲ့ အပေးအယူ၊ အလျော့အတင်း လုပ်ယူခြင်း ပါ။
အဓိက တန်ဖိုးကြီးတွေ ဖြစ်မနေရင် ပြီးတာပါပဲ၊ ပေးတော့ပေးရပါတယ်။
သံသယလောက်နဲ့လည်း ဒေါ်စုကို မစွပ်စွဲချင်ပါ။
တီးတေတူးလိုလည်း ခြေထောက်ထောင် မအိပ်ချင်ပါ။
ဆက်ရန်
ဇင်ဝေသော်
