ကပ်သီး ကပ်သပ်

ဘုန်းဘုန်း ရန်ကုန်မှာတုန်းက ပိန်ပိန်လေးနော်။ အခု တော်တော်ဝလာတယ်။ စင်္ကာပူက အစားအစာကြောင့်လား မသိဘူး။ ပေါက်ပေါက်ရှာရှာ မေးတယ် မထင်ပါနဲ့ ဘုရား။ ( ငတူး )

စင်္ကာပူက အစားအစာကြောင့် မဟုတ်ပါဘူး ငတူးရာ ။ ဘုန်းဘုန်းမှ မဟုတ်ပါဘူး၊ တခြား ဘုန်းဘုန်းတွေ ဝလာတာလည်း အစားအစာနဲ့ မဆိုင်ပါဘူး။ သင်္ကန်းကြောင့်ပါ။ လူတွေက အင်္ကျီဘောင်းဘီတွေ ဝတ်ကြတော့ နည်းနည်းလေး ဝ လာတယ်ဆိုရင်ပဲ အင်္ကျီတွေ ကျပ်၊ ဘောင်းဘီတွေ ကျပ် ဆိုတော့ တန်းသိတယ်။ ရဟန်းတော်တွေမှာတော့ သင်္ကန်းကြီးက ပြန့်ကြီးဆိုတော့  နည်းနည်းလေး ဝ လာလည်းမသိ၊ များများကြီးဝ လာလည်းမသိ။ ကျပ်တယ်ဆိုတာလည်း မရှိ။  ဒါကြောင့်ပါ။
ဘုန်းဘုန်းတွေ ဝလာရင် ဘုရားပေးတဲ့ သင်္ကန်းကြီးကြောင့်လို့သာ မှတ်လိုက်ပါ။ ဟုတ်ဟုတ် မဟုတ်ဟုတ်။

ဆရာတော် ဦးဗုဒ်က ကြည်ညိုဖို့သိပ်ကောင်းတယ်လို့ ပြောကြတယ်၊ ဆရာတော် ဦးဗုဒ် အကြောင်း နည်နည်း ပြောပြပေးပါလား ဘုရား။ ( ခက်ခက် )

ဆရာတော် ဦးဗုဒ်ကြည်ညိုဖို့သိပ်ကောင်းတာက ဒီခေတ် မဟုတ်လို့ပါ။  ဒီခေတ်မှာဆို ဆရာတော်ဗုဒ်ကို လူတွေ ဒီလောက်  ကြည်ညိုချင်မှ   ကြည်ညို ကြမှာပါ။ ဒီခေတ်က ဆိုရှယ်ခေတ် မဟုတ်လား။
ဥပမာ ကြည့်ပါ။

ယနေ့ခေတ်။ ဒကာကြီး ဒကာမကြီး တို့ မတွေ့တာတောင် ကြာလှပေါ့၊( ဒါမျိုးမှ ကြိုက် )
ဆရာတော်ဗုဒ်။ သူတို့ကို ဧည့်မခံရတော့ ငါ့ပရိယတ်၊ ပဋိပတ်ကို ဖြောင့်ဖြောင့် လုပ်နိုင်တာပေါ့။ ( ဘယ်လိုကြီးလဲ ဟ )

ယနေ့ခေတ်။ လာ၊ ဒကာမကြီးတို့၊ လှေကားကနေတက်ခဲ့။
ဆရာတော်ဗုဒ်။ လှေကားက မတက်လို့ ဒီ ဒကာမက တိုင်ဖက်ပြီး တက်နေရဦးမှာလား၊ စကားမရှိ စကားရှာ။

ယနေ့ခေတ်။ ထိုင်ကြ၊  ဒကာမကြီးတို့။ ကော်ဇောပေါ်ထိုင်။
ဆရာတော်ဗုဒ်။ ကော်ဇောပေါ်မထိုင်လို့  ဒီ ဒကာမတွေက ဆရာတော့်ခုံပေါ် တက်ထိုင်နေရမှာလား၊ စကားမရှိ စကားရှာ။

စာထဲက ဆရာတော်ဗုဒ်ကို ကြည်ညိုကြပေမယ့် အပြင်မှာ တကယ် နဖူးတွေ့ ဒူးတွေ့ဆို လန်သွားမယ့် ဒကာ ဒကာမတွေ ဒီခေတ်မှာ တော်တော် များလိမ့်မယ် ထင်သကွယ်။ မှားရင် ခွင့်လွှတ်တော်မူကြကုန်။

သီဟနာဒ

Read more

မြန်မာ (သို့) အင်ဂျင်သုံးလုံးဆွဲလာတဲ့ ရထား

United Front for Reforms in Myanmar
By- Bridget Welsh
ဘာသာပြန်ဆိုသူ - ဇင်ဝေသော်

သူတို့နိုင်ငံ အမှန်တကယ် ပြောင်းလဲလာနေပြီဖြစ်ကြောင်း သက်သေပြုရန် မြန်မာခေါင်းဆောင်များ အရင်တစ်ပတ်က ကမ္ဘာ့ဇာတ်ခုံပေါ်တက်လာရင်း ပြသခဲ့ကြသည်။

သမ္မတ ဦးသိန်းစိန်နှင့် အတိုက်အခံ နိုင်ငံရေးခေါင်းဆောင် ဒေါ်အောင်ဆန်းစုကြည်တို့ သမိုင်းဝင်အမေရိကခရီးကို သွားနေကြချိန် ပါလီမန်ပြောရေးဆိုခွင့်ရှိသူ သူရဦးရွှေမန်းက စင်ကာပူနှင့် သြစတေးလျတို့သို့ ရောက်ရှိလာခဲ့သည်။သူတို့ချန်ထားခဲ့သော မက်ဆေ့ခ်ျကတစ်သွေးတစ်ရောင်တည်း ဖြစ်၏။ မြန်မာပြောင်းလဲလာနေပြီ။ ပြောင်းလဲမှုကအစစ်အမှန်ဖြစ်ပြီး နောက်ကြောင်းပြန်လှည့်ဖို့ အကြောင်းမရှိ။ မြန်မာတို့ ပြောင်းလဲမှု ပုံသဏ္ဍာန်သည် မြန်မာ့နည်း မြန်မာ့ဟန်ဖြင့် ပြောင်းလဲမည်ဟု ဖြစ်လေသည်။

သူတို့ကိုယ်တိုင် မျိုးချစ်ပုဂ္ဂိုလ်များအနေဖြင့် ကမ္ဘာ့ဇာတ်ခုံပေါ်သို့တက်လာရင်း မြန်မာ၏ ပုံရိပ်ကိုလည်း ထိုးပြသွားခဲ့သည်။ တစ်ယောက်နှင့်တစ်ယောက် မည်သူက ပို၍အရေးကြီးသည်ဆိုသည့်သဘော မသက်ရောက်ရအောင် ဂရုတစိုက်ပြောခဲ့ကြသည်။ သူတို့သုံးယောက်စလုံး တညီတညွတ်တည်း ပြောသွားခဲ့သောစကားများမှာ “ မြန်မာနိုင်ငံပြောင်းလဲရေးအတွက် အပြည်ပြည်ဆိုင်ရာ နိုင်ငံများက အကူအညီပေးကြရန်၊ ရင်းနှီးမြှုပ်နှံမှုများ ပြုလုပ်ပြီး လူထုအတွက်အလုပ်အကိုင်အခွင့်အလမ်းများ ဖန်တည်းပေးကြရန်နှင့် အထူးသဖြင့် ပိတ်ဆို့ထားသော စီးပွါးရေးတံခါးများ ဖွင့်ပေးရန်၊ နည်းပညာအကူအညီများ ပေးကြရန်တို့ဖြစ်သည်။

မြန်မာနိုင်ငံခေါင်းဆောင်သုံးယောက်စလုံး ကမ္ဘာထဲသို့ တပြိုင်နက် ဝင်ရောက်လာခြင်းသည် မကြုံစဖူးအထူးတလည်ဖြစ်သည်။ ဗိုလ်ချုပ်မှူကြီးဟောင်း ဦးသန်းရွှေ၏ ထိန်းချုပ်မှုရှိသည်ဟူသော သံသယများကြားမှ ဤအမျိုးသားနှစ်ယောက်နှင့် အမျိုးသမီးတစ်ယောက်က ပြုပြင်ပြောင်းလဲရေးကို စနစ်တကျပြုလုပ်လာတာကို တွေ့ရှိရသည်။ ဤပြောင်းလဲမှုဖြစ်စဉ်သည် လွယ်ကူလှသောကိစ္စမဟုတ်၊ သူတို့အချင်းချင်းမှာပင် အလျော့ပေးမှုများ ပြုလုပ်ခဲ့ရသည်။ ကာလလည်း အတန်ကြာအောင် ညှိနှိုင်းယူခဲ့ကြရသည်။

နိုင်ငံရေးပြုပြင်ပြောင်းလဲရေးကို သက်သေပြလိုက်သောအချက်က ပုံနှိပ်ထုတ်ဝေရေး ဆင်ဆာဥပဒေကို ရုတ်သိမ်းခြင်းနှင့် ဧပြီလရွေးကောက်ပွဲအပြီးဆက်လက်လွှတ်ပေးလာနေသော နိုင်ငံရေးအကျဉ်းသားကိစ္စတို့ဖြစ်သည်။စီးပွါးရေးပြုပြင်ပြောင်းလဲမှုကို ဖောင်းပွနေသော ငွေကြေးစနစ်ကို ကိုင်တွယ်ရန် ဧပြီလက စတင်စီမံကိန်းချ ကြိုးစားလာခဲ့ခြင်းက သက်သေခံလျှက်ရှိသည်။

အခြားကိစ္စများက မပြီးဆုံးသေးသော မျှော်လင့်ခြင်းပန်းချီကားများ ဖြစ်သည်။ အထူးသဖြင့် နိုင်ငံခြားရင်းနှီးမြှုပ်နှံမှုပင် ဖြစ်၏။ ယင်းဥပဒေကို ပါလီမန်က အတည်ပြုခဲ့၏။ သို့သော် ထိုဥပဒေကို ပြန်လည်စစ်ဆေးရန် ရှိနေသေးသည်။ အထူးသဖြင့် အများအငြင်းပွါးဖွယ်ဖြစ်နေပြီး နိုင်ငံတော်၏ ပင်မစီးပွါးရေးအခန်းကဏ္ဍလည်းဖြစ်သော စိုက်ပျိုးရေးနှင့်ပတ်သက်သော အချက်အလက်တို့ဖြစ်သည်။ သူတို့သုံးယောက်စလုံး တညီတညွတ်တည်း ထွက်ဆိုခဲ့သောအသံသည် ပြောင်းလဲမှုလမ်းစဉ်ပေါ်သို့ သူတို့ရောက်နေပြီဟူသော အချက်ဖြစ်သည်။

သူတို့ သုံးဦးအနက် မည်သူက အနာဂတ်မြန်မာကို ဦးဆောင်မည်နည်းဆိုသောအချက်သည် ကမ္ဘာနှင့်မဆိုင်၊ သူတို့အိမ်တွင်းရေး ရှင်းရမည့်အခက်အခဲသာဖြစ်သည်။ အမှန်တကယ်ဆိုရမူ သူတို့သုံးယောက်စလုံးသည် နိုင်ငံတော်၏ သမ္မတရာထူးကို ရည်စူးထားကြသူများဖြစ်ကြသည်။ဦးသိန်းစိန်ကမူ သမ္မတသက်တမ်းတစ်ခုပြီးလျှင် ရာထူးမှနှုတ်ထွက်လိမ့်မည်ဟု ယူဆရသည်။ မည်သူ့ကို သူ့နေရာအတွက် လျာထားမည်နည်းဆိုသောကိစ္စက မည်သူမျှမသိပေ။ သူရဦးရွှေမန်း သမ္မတရာထူးကို မှန်းနေသည်ဆိုသောအချက်ကတော့ သိသာထင်ရှားသည်။

သူမ၏သားနှစ်ယောက် ဗြိတိသျှလူမျိုးများဖြစ်နေသဖြင့် သူမအတွက် အဟန့်အတားသဖွယ်ဖြစ်နေသော်လည်း ဒေါ်စုကြည် သမ္မတဖြစ်လာလိမ့်မည်ဟုတော့ လူအများက မျှော်လင့်ထားနေကြသည်။ ဤပြဿနာများ ဟန်ချက်ညီညွတ်ဖို့တော့ လိုပေလိမ့်မည်။ သို့သော် လာမည့်ရွေးကောက်ပွဲ နီးလာသည့်အချိန်ရောက်မှသာ ဤပြဿနာက တက်လာစရာရှိပေသည်။ ထို့အတူ ဒေါ်စုကြည်၏ အဖွဲ့ချုပ်လွှတ်တော်အမတ်များနှင့် အခြားလွှတ်တော်အမတ်များအကြား နိုင်ငံတော်ကို မြန်မာဟုခေါ်ရေး၊ ဘားမားဟုခေါ်ရေး ရှိနေဆဲပင်ဖြစ်သည်။ မဲဆန္ဒနယ်များနှင့်ပတ်သက်၍လည်း သူတို့ကြား၌ မပြေမလည်ဖြစ်နေသောကိစ္စတစ်ချို့ ရှိခဲ့ကြသည်။ ဤအချက်ကို နိုင်ငံတော်တရားရုံးချုပ်က သမ္မတဦးသိန်းစိန်ထံ အစီရင်ခံခဲ့ပြီးဖြစ်သည်။

နိုင်ငံတော် တရားရုံးချုပ်က အတည်ပြုခဲ့သောဥပဒေက ပါလီမန်အဖွဲ့၏ ဆုံးဖြတ်ပိုင်ခွင့်အချို့ကို ကန့်သတ်ထားလျှက်ရှိသည်။ အထူးသဖြင့် ပါလီမန်အနေနှင့် သမ္မတနှင့် သမ္မတရုံးအပေါ် ပြောရေးဆိုခွင့်တို့ဖြစ်သည်။ထိုပြဿနာကို ရှင်းရမည့်အစား တရားသူကြီးက ဤဥပဒေကို တဖန်လက်မှတ်ထိုး အတည်ပြုပေးခဲ့ပြန်သည်။ ထို့ကြောင့် သမ္မတဦးသိန်းစိန်နှင့် သူရဦးရွှေမန်းတို့အကြား အာဏာခွဲဝေမှု မညီမမျှ မည်မျှဖြစ်ခဲ့လေသနည်းဟူသောအချက်က မရှင်းမလင်း ရှိနေဆဲသာ ဖြစ်သည်။

ဤကိစ္စနှင့်အလားတူ မြန်မာနိုင်ငံလူ့အခွင့်အရေးကောင်စီနှင့်ပတ်သက်သော ပြဿနာလည်း ယမန်နှစ်က ရှိခဲ့ဖူးသည်။ လူ့အခွင့်အရေးကောင်စီက သူတို့အမှန်တကယ်လိုအပ်သော ငွေကြေးပံ့ပိုးမှု အလုံအလောက်မရရှိခဲ့ဟု ပြောဆိုခဲ့ကြသည်။ ထိုစဉ်ကလည်း ပါလီမန်၏ထောက်ခံမှုဖြင့် သူရဦးရွှေမန်းက သမ္မတရုံးနှင့် ဆန့်ကျင်ပြီး သူ့အယူအဆအပေါ် သူရပ်တည်ခဲ့ဖူးသည်။

ဒေါ်စု၏ အဖွဲ့ချုပ်ပါလီမန်အမတ်များနှင့် ယခင်စစ်တပ်မှ ပါလီမန်အမတ်များအကြား သဘောထားကွဲလွဲမှုများက ယခုအသံတိတ်ဆိတ်နေ၏။ အထူးသဖြင့် ဒီမိုကရက်တစ် အစိုးရစစ်စစ်ဖြစ်ရေးနှင့် စစ်တပ်ဗိုလ်ချုပ်ကြီးဟောင်းများက စီးပွါးရေး၌ အကြီးအကျယ် ပါဝင်ပတ်သက်နေမှုတို့ဖြစ်သည်။ ဤကိစ္စများကလည်း တဖန်ပြောစမှတ် ဖြစ်လာနိုင်သည်။

သူရဦးရွှေမန်းက လစ်ဘရယ်စီးပွါးရေးစနစ်ကို အားသန်ပုံရသည်။ သို့သော် သူ့အပေါ်မှာလည်း နိုင်ငံတွင်း စီးပွါးရေးသမားတို့၏ ဖိအားတစ်ချို့ရှိနေပြန်သည်။ ဒေါ်စုကြည်ကိုယ်တိုင်ကလည်း ဒီမိုကရေစီအတွက် သူမတောင်းဆိုခဲ့သည်နှင့်အညီ ပြုမူရန် ဖိအားတစ်ချို့ ရှိနေနိုင်ပြန်သည်။ ထို့အပြင် ခေါင်းဆောင်သုံးဦး၏ မတူညီသော ကိုယ်ရည်ကိုယ်သွေးနှင့် လိုက်(ဖ်) စတိုင်က နောက်ထပ်ပြဿနာတစ်ခု ဖြစ်နေနိုင်ပြန်သည်။

ဦးသိန်းစိန်က စကားနည်းသည်။ စီမံကိန်းပြတ်ပြတ်သားသား မရှိလှဟု ဆိုရန်ရှိသော်လည်း ချမှတ်ထားသောမူကိုတော့ တသွေမတိမ်း လိုက်တတ်သည့်သဘော တွေ့ရသည်။ ဒေါ်စုကြည်က လူထုသိ၊ ကမ္ဘာသိဖြစ်ပြီး မြန်မာလူထုနှင့် ကမ္ဘာကလည်း သူမထံမှ အများအပြား မျှော်လင့်ထားကြသည်။ ပါလီမန်အမတ်တွေထဲမှာပင် သူမက အခြားအမတ်တွေထက် ခေါင်းတစ်လုံးပိုမြင့်နေသည်။ ယခုဆိုလျှင် ဒေါ်စုကြည်သည် ဥပဒေကို ဝေဖန်သူထက် ကိုယ်တိုင်ဥပဒေရေးဆွဲသူအဖြစ် ပါဝင်ရတော့မည်ဖြစ်သည်။ ဤအကူးအပြောင်းကား ခက်ခဲသော အကူးအပြောင်းတစ်ခုဖြစ်၏။

သူရဦးရွှေမန်းက နိုင်ငံရေးအတွေ့အကြုံ ရင့်ကျက်သူဖြစ်၏။ ဆယ်စုနှစ်များစွာ စစ်တပ်ကို နောက်ကွယ်မှ ကြိုးကိုင်လှုပ်ရှားခဲ့သူဖြစ်၏။ သို့သော် ယခုအခါ၌ သူကိုယ်တိုင် လူထုမေတ္တာကို ရရှိရေး၊ လူထုထောက်ခံရေးအတွက် ကြိုးစားအားထုတ်လျှက်ရှိသည်။ စစ်တပ်ထဲ၌ အဓိကပါဝင်ခဲ့မှုများကြောင့် ပါလီမန်အမတ်တို့၏ ထောက်ခံမှုရရှိရေးကလည်း သူ့အတွက် ကြီးကျယ်သောစိန်ခေါ်မှုတစ်ရပ် ဖြစ်နေခဲ့သည်။

သူတို့အချင်းချင်း၌ မတူညီသော စရိုက်များရှိနေခဲ့သော်လည်း နိုင်ငံတော် ပြုပြင်ပြောင်းလဲရေး၌ကား တူညီသောအမြင်နှင့် ဦးတည်ချက်များ ရှိနေကြသည်။ အပြန်အလှန် နားလည်မှု၊ အပြန်အလှန် လေးစားမှုတို့ကိုလည်း တွေ့မြင်လာရသည်။ သူတို့ချင်း ကွဲပြားခြားနားမှု မည်မျှပင်ရှိစေ နိုင်ငံတော် ပြုပြင်ရေးကို အဟန့်အတားဖြစ်စေနိုင်လောက်သည့် ပုဂ္ဂိုလ်ရေးပြဿနာများ သူတို့ထံတွင် မတွေ့ရပေ။ သူတို့၏ ညီညွတ်သော တွဲလက်များကို အရင်တစ်ပတ်အတွင်း ကမ္ဘာကို ပြသနိုင်ခဲ့ကြသည်။

သူရဦးရွှေမန်းက စင်ကာပူနှင့် သြစတေးလျရောက်စဉ် စီးပွါးရေးရင်းနှီးမြှုပ်နှံမှုနှင့် နည်းပညာအကူအညီရရှိရေးကို ထပ်လောင်းပြောခဲ့သည်။ စီးပွါးရေးသမားများအတွက် တံခါးများ ဆက်လက်ဖွင့်လှစ်ပေးမည်စသဖြင့် ပြောကြားသွားခဲ့သည်။

အမေရိကဖက်ကို ကြည့်ပြန်တော့လည်း နိုင်ငံ့ခေါင်းဆောင်များကို ပိတ်ပင်ခဲ့သော ပြည်ဝင်ခွင့်၊ မြန်မာပြည်ထုတ်ပစ္စည်းများအား အမေရိကသို့ တင်သွင်းခွင့် ပိတ်ဆို့ခြင်းများ ရုတ်သိမ်းခဲ့သည်။ ဤအချက်တို့သည် အမေရိကန်တို့၏ အလုပ်ကို အလုပ်နှင့် သက်သေပြ (Action for action) ပေါ်လစီပင်ဖြစ်သည်။ ထို့အပြင် ပြောင်းလဲလာသော မြန်မာနိုင်ငံသည် သမ္မတ အိုဗားမား၏ ပေါ်လစီမှန်ကန်သည်ဟု သက်သေပြရာလည်းရောက်သည်။ မြန်မာနိုင်ငံ ဒီမိုကရေစီကူးပြောင်းရေးအတွက် စစ်တပ်ကိုရော အဖွဲ့ချုပ်ကိုပါ မတူညီသော ပေါ်လစီတို့ဖြင့် သူတို့ချဉ်းကပ်ခဲ့ကြသည်။ ဆုပေး၊ ဒဏ်ပေးစနစ်မှန်သည်ဟု ယူဆရန်ရှိသည်။

ပြောင်းလဲလာနေသော မြန်မာနိုင်ငံ၏ ကမ္ဘာပေါ်ထင်ဟပ်သော ပုံရိပ်နှင့်ပတ်သက်၍ ဤခေါင်းဆောင်သုံးဦးစလုံးကို ချီးကျူးရပေလိမ့်မည်။ သူတို့သုံးဦး လက်တွဲညီညီ ကြိုးစားအားထုတ်ခြင်းကြောင့် ပို၍တောက်ပသော အနာဂတ်ကို မြန်မာတို့ ပိုင်ဆိုင်နိုင်ပေလိမ့်မည်။သူတို့သုံးဦးရှေ့ခရီးကိုဘယ်လိုဆက်ကြမလဲဆိုသောအဖြေသည် မြန်မာနိုင်ငံ၏အနာဂတ်ကံကြမ္မာဖြစ်နေသည်။ လတ်တလော အနေအထားကို သုံးသပ်ရာမှာတော့ သူတို့သုံးဦး၏ စီးမြောနေသောရစ်သမ်သည် ဟန်ချက်ညီနေသည်ဟု ဆိုရပေတော့မည်။

***(The writer is an Associate Professor in Political Science at Singapore Management University)
မူရင်းဆောင်းပါး

ဇင်ဝေသော်

Read more

ဒီမိုကရက်တောဝါဒ

ဘုရားရှင် ကိုယ်တော်မြတ်ကြီးသည် တပည့်သား ရဟန်းတော်များနှင့် အတူ ၂၁ရာစု နေပြည်တော်ထဲသို့ ဆွမ်းခံကြွတော်မူ၏။ ထို အခါ မင်းသားတစ်ပါးသည် ( နန္ဒ မင်းသားတော့ မဟုတ်၊ မင်းသားနာမည်လည်း မေ့သွားပြီ ) ထို ၂၁ ရာစု နေပြည်တော်ထဲ၌ အလုပ်ရှုပ်နေ၏။

" ငါ့ညီ၊ လာလှည့်၊ ငါ၏ သပိတ်တော်ကို ထမ်း၍ ငါ့နောက်က လိုက်ခဲ့လေလော့ "
ဟု ဘုရားရှင် ကိုယ်တော်မြတ်ကြီးက မိန့်တော်မူ၏။

ထိုအခါ ထို မင်းသားက
" နောင်တော် သိဒ္ဓတ္တ၊ အခြား မင်းသားကို ခေါ်ပါလား၊ ညီတော်ကား  ဇနပဒကြိုင်လှိုင် နှင့် လက်ထပ်ရန် ရှိနေပါ၏ "
ဟု ခေါင်းမာမာ ပြန်လည်လျှောက်ထား၏။

" အင်း  ဤဝေနေယျကား ခက်ချေဘိ၏ " ဟု သည်းခံတော်မူပြီး အခြား မင်းသားငယ် တစ်ပါးကို သပိတ်တော်ထမ်း ခေါ်ရလေတော့၏။ ထို မင်းသားကြီးကား ဘုရား စကားကိုလည်း ပယ်ရဲ၏။

ထို မင်းသားငယ်ကို ခေါ်ပြီး ခရီးဆက်ရာ ထိုင်းနိုင်ငံ၊ မဲဆောက်မြို့၊ ဒုက္ခသည် စခန်းသို့ ရောက်လေ၏။ ထိုအခါ ဘုရားရှင် ကိုယ်တော်မြတ်ကြီးက
"  ညီတော်၊ ညီတော် တို့ ၂၁ရာစု လွင်တီးခေါင် နေပြည်တော်ကြီးနှင့် ဤ ဒုက္ခသည် စခန်း ဘယ်နေရာက ပို၍ နေချင်စဖွယ် ရှိသနည်း " ဟု မေးရာ

"  နောင်တော် သိဒ္ဓတ္တကား မေးရက်လှသည်၊  ညီတော် တို့ ၂၁ရာစု နေပြည်တော်ကြီးက ဤ ဒုက္ခသည် စခန်း ထက် အဆများစွာ နေချင်စဖွယ် ရှိပါသည် " ဟု ဝမ်းနည်းမျက်ရည် ရွှဲရွှဲဖြင့် ဖြေလေ၏။

" ခွင့်လွှတ်ပါ ညီတော်၊ သရော်လို၍ မေးခြင်းမဟုတ်ပါ " ဟု ဘုရားရှင် ချွေးသိပ်တော်မူ၏။

ဤသို့ ခရီးဆက်၍ ၁၅ မိနစ်ခန့် ကြာသော အခါ နယူးယောက်မြို့သို့ ရောက်လေ၏။ ထိုအခါ ဘုရားရှင်က အရင်မေးခွန်းကိုပင် ထပ်မေးတော်မူ၏။

" ညီတော် တို့ ၂၁ရာစု နေပြည်တော်ကြီးနှင့် ဤ  နယူးယောက်မြို့ ဘယ်နေရာက ပို၍ နေချင်စဖွယ် ရှိသနည်း "
" ဤ  နယူးယောက်မြို့ နှင့် နှိူင်းယှဉ်ပါက ညီတော် တို့ ၂၁ရာစု နေပြည်တော်ကြီးသည် မဲဆောက်မြို့၊ ဒုက္ခသည် စခန်းနှင့်ပင် တူနေပါတော့သည် ဘုရား " ဟု မင်းသားက မျက်လုံးလေး ကလယ် ကလယ်၊ တောင်ကြည့် မြောက်ကြည့် ဖြင့် ဖြေ၏။

" သို့ဖြစ်လျှင် ညီတော် တို့ ၂၁ရာစု နေပြည်တော်ကြီးကို ဤ  နယူးယောက်မြို့ကြီးလို ဖြစ်အောင် မလုပ်ချင်ဘူးလား " ဟုဘုရားရှင်က မေးတော်မူ၏။

" ဖြစ်စေလိုပါပြီကော နောင်တော် သိဒ္ဓတ္တ၊ ဘယ်သို့ လုပ်ရမည်ကိုသာ နောင်တော် အမိန့် ရှိတော်မူပါ " ဟု လျှောက်၏။

ထိုအခါ ဘုရားရှင်က ထိုမင်းသားကို နှစ်ကိုယ်ကြား တိုးတိုးသာ မိန့်တော်မူလေ၏။ ထို့ကြောင့် ဘုရားရှင်က ဘာမိန့်သည်ကို ထိုမင်းသားမှ လွဲ၍ မည်သူမှ မသိ။ အရှင် အာနန္ဒာပါ မကြားလိုက်သဖြင့် ဤ အကြောင်းလည်း သင်္ဂါယနာ တင်ရာတွင် မပါလိုက်။ ထို့ကြောင့် ကျွန်ုပ်လည်း မသိ။ သို့ဖြင့် ဤ နေရာမှပင် မဆုံးသော်လည်း ဆုံးလိုက်ရပေတော့သတည်း။ ( နှစ်ကိုယ်ကြား တိုးတိုးသာ မိန့်တော်မူသော စကားတော်သည် ဒီမိုကရက်တောဝါဒ ဖြစ်နိုင်ကောင်း၏ ဟု နှောင်းပိုင်း ပညာရှင်တို့ ယူဆကြလေသတတ် )

ခြေထောက် မှတ်ချက် ( Foot Note ) : ဒီမိုကရက်တောဝါဒ သည် ပါဠိ စပ်ပုဒ်တည်း။ ဒီမိုကရက်တစ် နှင့် ဩဝါဒ နှစ်ပုဒ် ပေါင်းစပ်ထားခြင်းဖြစ်သည်။

သီဟနာဒ

Read more

လီကွမ်းယုနဲ့ ဘာသာရေး ယုံကြည်မှု ( ၆း ၄ )

မေး ။     ။ အခု မစ္စတာလီ ပြောနေတာတွေက မစ္စတာလီကြုံတွေ့ခဲ့ရသလို ကြုံတွေ့ခွင့်မရတဲ့ နောက်မျိုးဆက်သစ် လူငယ်တွေက အဓိပ္ပါယ်အကောက်လွဲသွားမှာကို မစိုးရိမ်ဘူးလား။ မစ္စတာလီက မွတ်ဆလင်တွေ၊ မလေးတွေနဲ့ ရင်းနှီးကျွမ်းဝင်ခဲ့တယ်။ ဒါကြောင့် ဘယ်လိုဆက်ဆံ ကိုယ်တွယ်ရမယ်ဆိုတာကို သိတယ်။ ဒီလို ပြောတာတွေကိုကြားပြီး မွတ်ဆလင်တွေအပေါ် အလွန်အမင်း လက်တုံ့ပြန်မှုတွေရော ဖြစ်မလာနိုင်ဘူးလား။

ဖြေ ။    ။ ငါတော့ မထင်ပါဘူး။ ဆိုလိုတာက သူတို့ငါနဲ့တွဲပြီး အလုပ်လုပ်ခဲ့ကြဘူးတယ်။ ဂိုချောက်ထောင် ၁၅- နှစ်လောက် ငါနဲ့တွဲပြီး အလုပ်လုပ်ခဲ့တယ်။ သူအနားမယူခင်အထိပေါ့။ မလေးခေါင်းဆောင်တွေနဲ့ စည်းဝေးတိုင်း သူတက်တယ်။ လီရှန်လွန်းမှာလည်း မလေးမိတ်ဆွေ သူငယ်ချင်းတွေရှိတယ်။ ကလေးဘဝကတည်းက မဲဆန္ဒနယ်တွေကို ငါနဲ့အတူ လိုက်ခဲ့တာ။ သူတို့ မခံနိုင်တဲ့ကိစ္စမျိုးတွေကို သူသဘောပေါက်တယ်။ သူ့နေရာကို ဘယ်သူပဲဆက်ခံ ဆက်ခံ၊ အဲဒီလူက ပါလီမန်ထဲမှာကတည်းက မလေးတွေနဲ့ ဆက်ဆံရ၊ မဲဆန္ဒနယ်တွေသွားရင်း လေ့လာခွင့်ရဖြစ်မှာပဲ။ ဘယ်သူမဆို ဒီပေါ်လစီကို လက်ခံသွားမှာပဲ။

မခံမရပ်နိုင်စရာဖြစ်လာမယ်လို့ ငါတော့မထင်မိဘူး။ ငါတို့ရဲ့ ပထမဆုံး အရေးကြီးတဲ့ ပေါ်လစီက လူမျိုးပေါင်းစုံ ညီညီညွတ်ညွတ်နဲ့ နေထိုင်နိုင်တဲ့ လူ့အဖွဲ့အစည်းဖြစ်အောင် တည်ထောင်ယူရမယ်။ သည်းခံမှုတွေ အများကြီးလိုတယ်ဆိုတာ စင်ကာပူးရီးယန်းတိုင်း သဘောပေါက်တယ်။ အဲဒါ ငါတို့ဘဝပဲ။ ဂျူးဘာသာဝင်တွေ၊ ခရစ်ယန်တွေ၊ မွတ်ဆလင်တွေ၊ ဇိုဂို စထရီးယန်းတွေ၊ ဗုဒ္ဓဘာသာတွေ၊ တာအိုဘာသာဝင်တွေ၊ အားလုံးပေါင်းစည်းနေကြရတဲ့ ဘဝတွေပဲ။ SAF အတွက် ဆုတောင်းတာတွေကို ကြည့်။ ဘာသာတရားတိုင်း ပါဝင်တယ်။ ကိုယ့်ယုံကြည်မှု ကိုယ်နဲ့အတူရှိမှ တိုက်ပွဲမှာ ရဲရင့်တော့မပေါ့။ သေသွားတယ်ဆိုရင်တောင် ဘာသာရေးယုံကြည်မှုနဲ့ဆိုတော့ ကောင်းတာပေါ့။

မေး ။     ။ စင်ကာပူးရီးယန်း မွတ်ဆလင်တွေအပေါ် မစ္စတာလီ ဘယ်လောက်ယုံကြည်ထားပါသလဲ။

ဖြေ ။    ။ ငါပြောနိုင်တာက အင်္ဂလိပ်စကားပြောတဲ့ မလေးဖြစ်လေလေ၊ အကြမ်းဖက်မှု ရာခိုင်နှုံး စင်ကာပူမှာ နည်းလေလေလို့ ထင်တယ်။ အခု မလေးကျောင်းသားတွေရဲ့ ပထမဘာသာစကားက အင်္ဂလိပ်ဖြစ်လာတယ်။ သူတို့ အင်တာနက်ပေါ်တက်တော့လည်း အင်္ဂလိပ်လို ရေးထားတာတွေကို သူတို့ဖတ်ကြတယ်။ ဒီသုတေသနကို မူလတန်းဝင်ခွင်မှာကတည်းက ပြုလုပ်ခဲ့ကြတာ။ မလေးကလေးတွေဟာ ပိုပြီး အင်္ဂလိပ်စကား ပြောလာကြတယ်။ အဲဒီအရွယ်မှာ ကလေးတစ်ယောက်က အင်္ဂလိပ်လို ပြောနိုင်တယ်ဆိုရင် သူတို့မိဘတွေဟာ ပညာတတ်တွေလို့ သဘောပေါက်ထားလို့ရတယ်။ သူတို့ ကလေးတွေကိုလည်း လူတောထဲမှာ ထဲထဲဝင်ဝင် ရှိစေချင်ကြတယ်။ ဒီအစီအစဉ်က စနစ်တကျလေး ပြောင်းလဲလာနေတယ်။ သူတို့ကို မလေးဘာသာစကားကနေ အင်္ဂလိပ်ဘာသာစကားကို ပြောင်းပေးပြီး ပိုကျယ်တဲ့လောကကြီးထဲကို တိုးဝင်ခိုင်းထားတယ်။

မေး ။     ။ စင်ကာပူမှာရှိတဲ့ မလေးတွေရဲ့ ဖွံ့ဖြိုးတိုးတက်လာမှု၊ လူထုထဲမှာ အင်္ဂလိပ်စကား ပိုမိုကျယ်ပြန့်စွာ ပြောဆိုလာမှု၊ ဒါတွေကိုကြည့်ရင် မစ္စတာလီအမြင်မှာ ကျေနပ်စရာတွေ ဖြစ်နေတယ်လို့ ပြောရင်ရမလား။

ဖြေ ။    ။ ဒီလူငယ်ထုက ကြီးလာမှာပဲ။ ဒါပေမယ့် လူနည်းစု ဂျီးဟတ်တွေလည်း ရှိနေနိုင်တာပဲ။ သူတို့ကို ပျောက်သွားအောင် ငါတို့မလုပ်နိုင်ဘူး။ လူနည်းစုလေးပေမယ့် လူ့အဖွဲ့အစည်းတစ်ခုလုံးမှာရှိနေတဲ့ ဟာမိုနီတွေ ပျက်စီးသွားအောင် လုပ်နိုင်တယ်။

မေး ။     ။ ဒီပြင် ဘာသာတရားတွေဖက်ကို လှည့်ကြဦးစို့လား။ တစ်ချို့ပြောနေကြတာတွေ ရှိတယ်။ ခရစ်ယာန်ဘာသာ ထိန်းသိမ်းစောင့်ရှောက်ရေးအဖွဲ့တွေက ဘာသာရေးစည်းရုံးမှုတွေ တော်တော်လုပ်နေကြတယ်တဲ့။ ခရစ်ယာန်ဘာသာက ပိုပြီးအသံကျယ်ကျယ်ထွက်နေတဲ့ ကိစ္စနဲ့ပတ်သက်လို့ မစ္စတာလီ ဘယ်လိုမြင်ပါသလဲ။

ဖြေ ။    ။ ခရစ်ယာန်မစ်ရှင်နရီတွေရဲ့ လှုပ်ရှားမှုက ကျောင်းတွေမှာ ၁၉၇၀- ခုတွေကတည်းက စ နေတာပါ။ ငါ့မြေးမလေးဆိုရင် ဘာသာအပြောင်းခံလိုက်ရတယ်။ ငါ့မြေးကတော့ မပြောင်းဘူး။ သူမကို ဘယ်လိုပြောင်းအောင် လုပ်လိုက်ကြသလဲ ငါမသိဘူး။ Hwa Chong ကို မရောက်ခင် သူက ရပ်ဖဲ(လ်) မိန်းကလေးကျောင်းကို တက်ခဲ့တာ။ အခု သူက ဘာသာရေး တော်တော်ကြီး လိုက်စားနေတာ။ Cross လည်း ဝတ်တယ်။ တနင်္ဂနွေနေ့တိုင်း ချာ့(ခ်ျ) ကျောင်း သွားတယ်။ ဘိုက်ဘယ်(လ်) ဖတ်တယ်။

မေး ။     ။ ခရစ်ယာန်တွေက လူတွေစုပြီး စင်ကာပူမှာ ကာစီနိုခွင့်ပြုတာဟာ ဘာသာရေးနဲ့ မညီညွတ်ဘူး ဘာညာပြောနေကြတယ်။

ဖြေ ။    ။ သူတို့ ဗုံးကိုခါးမှာပတ်ပြီး လူကြားထဲတော့ မဖောက်ခွဲကြပါဘူး။ ဒါမျိုး သူတို့စလုပ်ရင်တော့ တားမြစ်ရမှာပေါ့။ မစ်ရှင်နရီတွေကိုပါ တားမြစ်ရမယ်။ ဒါ ဥပဒေပဲ။

မေး ။     ။ ခရစ်ယာန်ဘာသာ မဟုတ်ကြတဲ့ လူတွေထဲမှာ စိုးရိမ်နေကြတာ တစ်ခုရှိတယ်။ ပါလီမန်အမတ်တွေထဲမှာ ခရစ်ယာန်အမတ်တွေက တော်တော်များတယ်။ ပြီးတော့ သူတို့နဲ့ ပညာရေးလိုင်းနဲ့ကလည်း ဆက်စပ်နေတဲ့ပုံရတယ်တဲ့။ ပညာတတ် စင်ကာပူးရီးယန်းတွေ ခရစ်ယာန်ဖြစ်တာ ပိုများလာကြတယ်။

ဖြေ ။    ။ ခရစ်ယာန်ဘာသာ ပြောင်းလဲခံယူမှု ကျယ်ပြန့်လာတာက ဗုဒ္ဓဘာသာ၊ တာအိုဘာသာနဲ့ ဘိုးစဉ်ဘောင်ဆက် ကိုးကွယ်တဲ့စနစ်တွေကြောင့် ဖြစ်လာရတာ။ အနောက်တိုင်း ပညာတတ်တွေက ဒါကို ဘာသာရေးလို့ မထင်ကြဘူး။ ကိုရီးယားမှာလည်း ဒီအတိုင်းဖြစ်နေတာပဲ။ ပညာတတ် ကိုရီးယန်းတွေက ဗုဒ္ဓဘာသာနဲ့ တာအိုဘာသာနဲ့ ဘိုးစဉ်ဘောင်ဆက် ကိုးကွယ်တဲ့စနစ်ကို စွန့်ပစ်ကြတယ်။ အဲဒါ အယူသည်းမှုတွေလို့ သူတို့က ပြောကြတယ်။ သူတို့ ယုံကြည်တာက ဒီစင်္ကြာဝဠာထဲမှာ ဖန်ဆင်းရှင်၊ တန်ခိုးရှင် ရှိတယ်ဆိုတာပဲ။

ထိုင်ဝမ်မှာလည်း တိုးတက်လာတာနဲ့အမျှ ဘာသာတရားအသစ်လည်း သူတို့ရလိုက်ကြတယ်။ ဒါတွေက စီးပွါးရေးနဲ့ လူမှုရေး အပြောင်းအလဲတွေရှိရင် ဖြစ်တတ်တာပဲ။ တိုးတက်မှုနှုန်းမြန်တဲ့ နိုင်ငံတွေမှာ ဘာသာရေးရွေ့လျားမှု ဘယ်လိုဖြစ်သလဲဆိုတာသိရအောင် တို့ဆီကလူတွေကို ကိုရီးယား၊ ထိုင်ဝမ်နဲ့ ဟောင်ကောင်တို့ကို လွှတ်ပေးကြတယ်။ ထိုင်ဝမ်မှာတော့ Temple အသစ်တွေ အများကြီး တိုးလာတယ်။

pic source

ခရစ်ယာန်ချာ့(ခ်ျ) ကျောင်းတွေက မင်္ဂလာဆောင်တဲ့အခါ၊ ကလေးမွေးတဲ့အခါ၊ ဈာပနတွေမှာ ဘာသာရေးဝတ်ပြုပွဲတွေ လုပ်ပေးကြတယ်။ ဒါတွေက လူ့ဘဝရဲ့ အရေးအကြီးဆုံး အချိန်သုံးချိန်ပဲလေ။ ဗုဒ္ဓဘာသာမှာက ဒါမျိုး Baptism မရှိဘူး။ တရုတ်လူမျိုးက မင်္ဂလာဆောင်တယ်ဆိုရင် လက်ဖက်ရည်အခမ်းအနားရှိမှာပေါ့။ အနောက်ယဉ်ကျေးမှုမှာ ဒါလောက်နဲ့ တရားမဝင်သေးဘူး။ တရားဝင် မှတ်ပုံတင်လုပ်ယူရတယ်။ ဒီအမျိုးသမီး၊ အမျိုးသားကို လက်ခံပါသလား။ တစ်ယောက်ယောက်က ကန့်ကွက်လိုပါလျှင် ထ၍ကန့်ကွက်နိုင်ပါသည်- စတာတွေ ချာ့(ခ်ျ) ကျောင်းက မေးတယ်။ အဲဒီနောက်မှ ကတိကဝတ်ပြုကြရတယ်။ မကျန်းမာသည်ဖြစ်စေ၊ ကျန်းမာသည်ဖြစ်စေ၊ ဆင်းရဲသည်ဖြစ်စေ၊ ချမ်းသာသည်ဖြစ်စေ သက်ဆုံးတိုင် ပေါင်းသင်းသွားပါမည်- စတာတွေ ရွတ်ဆိုရတယ်။ ဒါတွေက စိတ်ဓာတ်ခွန်အားတွေ အများကြီးရတယ်။

သေဆုံးသွားပြန်တော့လည်း တရားဟောဆရာက နောက်ဆုံးဘာသာရေးဝတ်ပြုပွဲ လာလုပ်ပေးတယ်။ Hon Swi Sen (ဘဏ္ဍာရေးဝန်ကြီးဟောင်း) က ကက်သလစ်စစ်စစ်ကြီး။ သူ့ဇနီးလည်း အတူတူပဲ။ သူ့ဇနီးက သူသေရင် သူ့အမျိုးသားနဲ့ ပေါင်းဆုံရမယ်ဆိုတာ ခိုင်ခိုင်မာမာကြီး ယုံကြည်တာ။ ယုံကြည်တော့ စိတ်ဓာတ်ခွန်အားရတာပေါ့။

ငါကတော့ ဒါတွေကို မယုံဘူး။ လက်တွေ့ကျတာတွေကိုပဲ ယုံယုံကြည်ကြည်လုပ်တယ်။ ငါကတော့ ပြင်သစ်စကားပုံလို ဘဝဆိုတာ ဒါပါပဲ။      “ C’ est la vie ” (Life is like that)။

ငါ့အမေဆုံးတယ်။ သူက ခရစ်ယာန်မဟုတ်တော့ ခရစ်ယာန်လိုလည်း မလိုက်ခဲ့။ ဗုဒ္ဓသာသာလိုလည်း မလိုက်ခဲ့ဘူး။ ရိုးရိုးဈာပနလေးပဲ ဖြစ်သွားတယ်။ ငါရော၊ ငါ့ညီအစ်ကိုတွေရော ယူလော်ဂျီ(သေသူ၏ ဂုဏ်ပုဒ်များ ထုတ်ဖော်၊ ချီးကျူးပြောကြားမှု) တော့ ပြောကြတာပေါ့။ ဒါပေမယ့် ခရစ်ယာန်တွေရဲ့ ဂီတဆန်တဲ့ တေးသွားတွေလို အပူတွေ ငြိမ်းမသွားဘူး။ ခရစ်ယာန်တွေက တေးဂီတသံတွေကိုပဲ ရာစုနှစ်တွေနဲ့အညီ လူတွေခံစားလို့ရအောင် ပြောင်းလဲလာကြတာ။ Hon Swi Sen ရဲ့ဈာပနမှာ ခရစ်ယာန်ဘုန်းတော်ကြီးက ဈာပနအခမ်းအနားလေး လုပ်ပေးတယ်။ လူတိုင်း သူ့ဆီက ဝေဖာလေးတွေ ယူကြတယ်။ ငါကတော့ ကိုယ့်ကိုကိုယ် ကက်သလစ်လို့မထင်တော့ မယူပဲနောက်ဆုတ်နေလိုက်တယ်။ ငါကလွဲရင် အားလုံးယူတယ်။ ဘာပဲပြောပြော ကျန်ရစ်သူမိသားစုကိုတော့ တော်တော်စိတ်သက်သာစေတာပဲ။

ငါ့ဇနီးဆုံးပြန်တယ်။ သူက ခရစ်ယာန်မဟုတ်တော့ ဒီပြဿနာက တက်လာပြန်ရော။ ငါကိုယ်တိုင်ရယ်၊ ငါ့သား၊ ငါ့မြေးတွေရယ် ရိုးရိုး ယူလော်ဂျီပဲ ပေးလိုက်ကြတယ်။

ငါ့ဇနီးနဲ့ငါက ကောင်းကင်ဘုံမှာရော၊ အခြားတစ်နေရာမှာပါ ပြန်လည်တွေ့ဆုံစရာ အကြောင်းမမြင်မိပါဘူး။ ခံစားချက်အနေနဲ့ကတော့ ငါတို့အရိုးပြာလေးတွေ တစ်ခုနဲ့တစ်ခု နီးနီးနားနားရှိနေစေချင်တယ်။ ဒါပါပဲ။

မေး ။     ။ ဒါဆို စိတ်ဓာတ်ပိုင်းဆိုင်ရာ ခွန်အားတွေ ဘယ်ကရသလဲ။

ဖြေ ။    ။ ဒါတော့ မသိဘူး။ လဲကျတိုင်းတော့ ကုန်းထလာနိုင်ခဲ့တာချည်းပဲ။ ဒီလို ပြန်ထနိုင်အောင် တစ်ခုခုက အကူအညီပေးနေတယ်လို့တော့ ထင်တယ်။ ဒါပေမယ့် တန်ခိုးရှင် တစ်ယောက်ယောက်က ကူညီနေတယ်ဆိုတာတော့ ငါ့မယုံဘူး။

လီကွမ်းယုနဲ့ ဘာသာရေးအစွန်းရောက်ဝါဒီများ

ဇင်ဝေသော်

Read more

တစ်ပတ်အတွင်း သတင်းများ

" မြန်မာသတင်း"
 
~ မြန်မာ လူမျိုး အယဉ်ကျေးဆုံး ( ဂူဂဲလ် သုတေသန အဖွဲ့ ) ~
ဖြစ်ပုံက ဤသို့တည်း။ ဂူဂဲလ် သုတေသန အဖွဲ့က ကမ္ဘာပေါ်တွင် စာအုပ်ရေ မည်မျှရှိသနည်းဟု သုတေသနပြုရာ ၁၂၉ သန်းရှိကြောင်း တွေ့ရသည်ဟုဆိုသည်။ အတိအကျ ဆိုရမူ ၁၂၉, ၈၆၄, ၈၈၀ ဖြစ်၏။ ထို့အတူ   ဂူဂဲလ် သုတေသန အဖွဲ့က စကားလုံး တစ်လုံးထဲ ထပ်တလဲလဲ သုံးစွဲသော ပို့စ် ကို ဆက်လက် သုတေသနပြုရာ မြန်မာလူမျိုးမျာနှင့် ပတ်သက်သော စာမူ တစ်ခု ဖြစ်နေသည်ကို တွေ့ရသည် ။ ( ထိုစာမူသည် နိုင်ငံရေးသမား တစ်ယောက်၊ ကဗျာဆရာ တစ်ယောက်နှင့် ပတ်သက်သည်ဟု ဆို၏ )
ထို ပို့စ် နှင့် ဆက်စပ်၍ လူ အများဆုံး သုံးစွဲသော ဝေါဟာရမှာ "  -ီး " ဖြစ်သည်။ စုစုပေါင်း ၎င်း  ဝေါဟာရ သုံးစွဲသော အရေအတွက် ၈ သိန်း ကျော်ပြီဟု ဆို၏။ ၎င်း  ဝေါဟာရ၏ အဓိပ္ပါယ်ကို မသိသော ဂူဂဲလ် သုတေသန အဖွဲ့က မြန်မာစာ ပညာရှင်များထံ ချဉ်းကပ် မေးမြန်းရာ ယဉ်ကျေးမှုကို ညွှန်းဆိုသော ( ယဉ်ယဉ်ကျေး ကျေး သုံးစွဲထားသော ) ဝေါဟာရ ဖြစ်ကြောင်း ပညာရှင်တို့က ဖြေဆိုသည်။ ထို့ကြောင့် ပို့စ် တစ်ခုတည်း၌ ထပ်တလဲလဲ သုံးစွဲခြင်းခံရသော ဝေါဟာရသည် ဂူဂဲလ် သုတေသန အရ  " -ီး " ဖြစ်လေသည်။ ထို့အတူ မြန်မာ လူမျိုးများလည်း ဂူဂဲလ် သုတေသန အဖွဲ့ အဆိုအရ အယဉ်ကျေးဆုံး လူသားများ ဖြစ်ကြလေသည်။


" အရှေ့တောင် အာရှသတင်း "
မလေးရှာနိုင်ငံ ပညာရေးဝန်ကြီး Mohd Puad Zarkashi က သိပ္ပံ ပညာရှင်များ တွေဝေသွားနိုင်သည့် သတင်းတစ်ပုဒ် ထုတ်ပြန်လိုကသည်။ သူ့ အဆိုအရ အခြောက်စိတ်ပေါက်ခြင်းသည် ဗီဇနှင့်လည်း မဆိုင် ပတ်ဝန်ကျင် လိုက်ဖ် စတိုင် နှင့်လည်း မဆိုင် စွပ်ကျယ် ခေါင်းစွတ် ပုံစံနှင့်သာဆိုင်သည်။ V -shape ပုံ  စွပ်ကျယ် ခေါင်းစွတ် ဝတ်သူများသည် အချောက်များ ဖြစ်ကြသည်၊ ထို့ကြောင့် ကျောင်းသားလူငယ်များ ထို ပုဂ္ဂိုလ်တို့ကို ဝေးဝေးက ရှောင်ရမည် ဟု ပညာသားပါပါ မှာကြားခဲ့သည်။ အမှန်မူ ယနေ့အထိ အခြောက်စိတ်ပေါက်ခြင်း၏ အကြောင်းကို  သိပ္ပံ ပညာရှင်များ တိတိကျကျ မပြောနိုင်သေး။ ယခုမှ ရှင်းသွားတော့သည်။

" အာရှ သတင်း "
ကမ္ဘာပေါ် ဖြစ်ဖြစ်သမျှသော စစ်ပြင်ဆင်ခြင်း၊ အငြင်းပွားခြင်းတို့တွင် တရုတ်နှင့် ဂျပန်တို့က စံချိန်တင်နိုင်ခဲ့သည်။ အခြား အငြင်းပွားတို့က ကိုလိုနီ နယ်လုခြင်း၊ စီးပွားရေး ဈေးကွက်လုခြင်း၊ ဘာသာရေး ယုံကြည်မှု မသင့်မြတ်ခြင်း စသည်တို့ ဖြစ်သည်။ ယခု တရုတ်နှင့် ဂျပန် အငြင်းပွားမှုကား ၎င်းတို့နှင့် မဆိုင်၊ ပင်လယ်ထဲမှာရှိသော အရုပ်ဆိုးဆိုး ကျောက်တုံးကြီး တစ်တုံးအတွက် စစ်ပြင်နေကြခြင်းဖြစ်သည်။ ထို့ကြောင့် သမိုင်းပညာရှင်တို့ အဆိုဖြစ်သော  " ဘာသာရေးအခြေခံသော စစ်ပွဲ " လည်း မှားလေတော့သည်။ ကျောက်တုံးအခြေခံသော စစ်ပွဲ ဖြစ်၏။

" ကမ္ဘာ့သတင်း "
၁ ။ အမေရိကန် နိုင်ငံ State of Tennessee က ကလေးအမေ အမျိုးသမီးတစ်ယောက်ဟာ အသက် ၁၁ နှစ် အရွယ်ရှိ သူ့ကလေး ပစ်လိုက်တဲ့ ကျည်ဆန်နဲ့ သူမခေါင်းကို ရှပ်မှန်သွားတဲ့အတွက် ( အဲဒီ အမျိုးသမီး) အဖမ်းခံခဲ့ရပါတယ်။ ဖမ်းတဲ့ အမှုကတော့ " child neglect -ကလေးကို ဂရုစိုက် မထိမ်းသိမ်းခြင်း "  ဖြစ်ပါတယ်။

၂။ နာမည်နဲ့ ပတ်သက်လို့ အလေးထာသူတွေ ရှိသလို လုံးဝ အလေးမထားသူတွေလည်းရှိတယ် ဆိုတာ အမေရိကန်တွေကပဲ ဦးဆောင် ပြသခဲ့တယ်လို့ ဆိုပါတယ်။ မယုံရင် သူတိုအချို့ မြို့တွေရဲ့အမည်ကို ကြည့်ပါ။
    Bland မြို့ ( Missouri )
    Flat မြို့  ( Alaska )
    Ordinary  မြို့ ( Virginia )
    Dowdy မြို့ ( Arizona )
    Pitts မြို့( Georgia )
    Mount Misery မြို့ ( New Jersey )
    Dull မြို့ ( Ohio )
    Plain မြို့( Wisconsin )
    Mousie မြို့( Kentucky )
    Low Point မြို့ ( Arizona )
   Swastika မြို့( New York )
မကျေနပ်သေးရင် Michigan ကို သွားပါ၊ Hell  မြို့ ကို တွေ့ရပါလိမ့်မယ်။

ဇင်ဝေသော် ( ဦးကိုမောင် ကိုယ်စား အပြုံးတစ်ပွင့် :)

Read more

စင်ကာပူကိုလာသင့် မလာသင့်နဲ့ သူ့အမြင် ကိုယ့်အမြင်များ

Daw Myaing Myaing စလုံးအတင်းနဲနဲဝင်ပြောခွင့်ပြုပါ..(တကယ်တော့မနဲဘူးနော်..)

-------------------------------------------------------
စင်္ကာပူရဲ့ အဓိကပစ်မှတ်တွေက တရုတ်ပြည်မကြီးက
တရုတ်တွေ၊ ဆိုတာအစိုးရရဲ့သဘောထားဘဲဖြစ်ပါလိမ့်မယ်..
အရင်တုန်းကတော့ဟုတ်လိမ့်မယ်..

အခုအချိန်မှာတော့..စလုံးတရုတ်တွေက..ပြည်ကြီးတရုတ်တွေကို
မုန်းတယ်..ပြည်ကြီးတရုတ်တွေကရိုင်းတယ်လို့
စလုံးတရုတ်အများစုက..ယူဆကြတယ်..
internet ပေါ်မှာ..ပြည်ကြီးတရုတ်တွေနဲ့ခဏခဏ ဖိုက်ကြတယ်.
ပြည်ကြီးတရုတ်တွေကို PRC တွေလို့စလုံးအချင်းချင်းပြောကြတယ်..
သူတို့စလုံးရဲ့ website တွေမှာရှာကြည့်ရင်တွေ့လိမ့်မယ်..
ဘယ်လောက်တောင်မုန်းလဲဆိုတော့..ဒီမှာ Hougang လို့ခေါ်
တဲ့နေရာမှာ..သူတို့စလုံးမိသားစု၂စု ကား ထားဘို့အချင်းချင်း
လမ်းမပေါ်မှာရန်ဖြစ်ကြတယ်..အဲဒါကို website မှာတင်တော့
သူတို့စလုံးတွေကတဲ့..foreigner( အထူးသဖြင့် PRC တွေပေါ့)
တွေများလာတဲ့အတွက်...စိတ်ဖိစီးမှု့များပြီးဒီလိုဖြစ်ရတာပါလို့..
comment ပေးကြတယ်..(foreigner တွေနဲ့နေရာတကာလိုက်ပြီး
(အလုပ်တို့..အိမ်ခန်းတို့.စသဖြင့်)
ပြိုင်နေရတဲ့အတွက်.စိတ်ဖိစိးမှု့များတယ်ပေါ့)..
နောက်ပြီး ခုဒီတနှစ်မှာ စလုံးမှာရထားပျက်တာတွေ..Bus တွေရုံးချိန်မှာ
လူကျပ်တာတွေ..ဒါတွေဟာလည်း..သူတို့ဆီမှာ..foreigner တွေများများ
လာလို့ပါတဲ့.. (မြန်မာပြည်ကိုခေါ်လာပြီး..bus ကားခဏလောက်
စီးကြည့်ခိုင်းလိုက်ချင်တယ်)
တကယ်လည်း Bus တို့ MRT တို့ပေါ်မှာ..၇န်ဖြစ်ကြရင်လည်း..
ပြည်ကြီးတရုတ်တွေနဲ့ဖြစ်တာများတယ်..PRCတွေကလည်းစွာတယ်
နော်..မြန်မာတွေလိုသူများနိုင်ငံမှာမို့ဆိုတဲ့အတွေးနဲ့ငုံနေလိမ်မထင်နဲ့..
( bus နဲ့ MRT မှာ..elderly တွေထိုင်ဘို့အတွက်ခုံသတ်မှတ်ပေးထားတယ်..
ခုနောက်ပိုင်းတော်တော်များများက..elderly ခုံမှာထိုင်ပြီး
အသက်ကြီးသူတွေလာရင်..မမြင်ချင်ယောင်ဆောင်နေကြတယ်..
ဒီလိုလုပ်တဲ့အများစုက foreigner တွေဖြစ်နေတတ်တယ်..)
ferrair car accident ဖြစ်သွားတော့.. စလုံးတွေက..
PRC တွေကိုတော်တော်အပြစ်တင်တယ်..ဒီအကြောင်းက..၂နိုင်ငံ
အစိုးရတွေတောင်ဝင်ပြောရတဲ့အထိဘဲ..ဒါကြောင့်
လီရှန်လွန်းရဲ့ national day speech မှာ..သူ့နိုင်ငံသားတွေ..
Xenophobia ဖြစ်တယ်လို့အများစုက၀ိုင်းပြောနေပါတယ်လို့ပြောပြသွား
တယ်..လွတ်တော်အမတ် Grace Fu က တလောက..PR criteria
ကို more information လုပ်သင့်တယ်လို့ ပြောလို့စလုံးတွေဝိုင်းဆဲကြ
တယ်..အခုတောင်သူတို့စလုံးမှာ..ဒီအစိုးရဲ့ ပေါ်လစီကြောင့်
foreigner များနေတာ(အထူးသဖြင့် PRC တွေများနေတာ)ပေါ့ဆိုပြီး
တယောက်မှမထောက်ခံဘူး..
(တကယ်တွေးကြည့်ရင် ဒို့မြန်မာမှာလည်း PRC တွေအများကြီး
ဘဲနော်..စလုံးမှာ..PRC များတယ်သာပြောတာ..မြန်မာလောက်
မများသေးဘူး..)

၂၀၁၁ကစပြီး..၂၀၁၂မှာ EP , S pass, Dependent pass ရဲ့ criteria ကိုမြင့်တယ်..PR တို့ Citizenship တို့ကိုလည်းသူတို့လိုချင်
တဲ့လူဘဲပေးတော့တယ်.တကယ်ကတော့.ဒီလိုအစိုးရက..ကျပ်လာတဲ့အထဲမှာ..သူတို့နိုင်ငံသားတွေ ထစ်ခနဲ့ရှိ foreigner တွေ ကြောင့် ဆိုပြီး complain တွေသိပ့်များလာတာရယ်..ဒီ foreigner တွေကိုလက်ခံတဲ့လက်ရှိ
အာဏာရပါတီ (PAP) ကိုအပြစ်တွေအရမ်းပြောလာတာလည်း
အကြောင်းတချက်ပါဘဲ...နောက်လာမဲ့ရွေးကောက်ပွဲမှာမဲမထည့်တော့ဘူး
လို့ပြောနေတာတွေများလာတော့အစိုးရလည်းသူ့လူတွေကိုကြောက်လာရတယ်..

အလုပ်ခွင်မှာတော့..ဘာမှပြသနာမရှိပါဘူး..(သူတို့ကခိုင်းနေရလို့လည်း
ပါတာပေါ့)..နေရေးထိုင်ရေးလည်းပြသနာမရှိပါဘူး.(သူတို့နဲ့ပြောတာနော်)
.မြန်မာအများစုကလည်းသူတို့နဲ့ပြသနာမဖြစ်အောင်နေကြပါတယ်..
တသက်လုံးနေမယ်ဆိုရင်တော့..တော်တော်စဉ်းစားရလိမ့်မယ်..
23 minutes ago · Edited · Like
-------------------------------------------------------

၁။ ပထမဆုံး ဒေါ်မြိုင်မြိုင် ရဲ့ ကွန်မင့်အတွက် ကျေးဇူးတင်ကြောင်း ပြောပါရစေ။ စာဖတ်သူတွေ ဗဟုသုတ ရလို့ပါ။

စ လုံး တရုတ်တွေ ( တကယ်တော့ ဘယ်နိုင်ငံမှာနေတဲ့ တရုတ်တွေ မဆိုပါ၊ ) ပြည်မကြီးက  တရုတ်တွေကို ကြည့်မရတာက အခုမှ ထလာတဲ့ ၂၁ ရာစုရောဂါ မဟုတ်ပါဘူး။ အဲဒါက  ပြည်မကြီး  တရုတ်တွေက ပြည်ပရောက်တရုတ်တွေကို တစ်ဆင့်နိမ့်တဲ့   တရုတ်တွေဆိုပြီး ခွဲခွဲခြားခြား ဆက်ဆံလို့ပါ။ တရုတ် ပြည် ပြန်သွားရင်လည်း   ပြည်မကြီးက တရုတ်တွေနဲ့ တန်းတူမထားပါဘူး။
ဒီ အချက်ကို ဖွင့်ချသူက ဆရာကြီး လီကွမ်းယုပါ။ သူ့ လူမျိုးတွေ ပိုကြိုးစားအောင် လှုံ့ဆော်လိုက်တဲ့ သဘောလည်း ပါ ပါလိမ့်မယ်။ အဲဒီ အကျိုးဆက်ပါ။ အခု  ပြည်မကြီး  တရုတ်တွေများလာတော့ ရောဂါ ပြန်ထတဲ့ သဘောလောက်ပါ။

၂။  ပြည်မကြီး တရုတ်တွေက မြန်မာတွေလို သည်းမခံဘူး ဆိုတာကလည်း အထက်က အချက်နဲ့ ဆိုင်ပါတယ်။ ပြည်မကြီး တရုတ်တွေက ဒီကိုသာလာတယ် ဒီက တရုတ်တွေထက် သူတို့က စူပီးရီးယား (ပို မြတ်တယ်၊သာတယ် ) ဖြစ်တယ် လို့ ခံယူထားကြလို့ပါ။ ကျနော်တုိ့ကတော့ အပြင်လည်း ထွက်လာရော ကိုယ်က ဘယ်သူ့ထက်သာမှန်းကို မသိတော့ပါဘူး။

၃။ ခရိုက်တီးရီးယား တွေက

(၁) ပညာအရည်အချင်း
(၂) လစာ
(၃) စင်္ကာပူ အတွက် အကျိုးသယ်ဆောင်နိုင်မူ။
(၄) လုပ်သက် တို့ပါ။

နံပါတ် ၃ ကို ကြည့်ရင် ပြည်ကြီးတရုတ်က အားသာချက် အများကြီ ရှိပါတယ်။ ဥပမာ တင်းနစ်နဲ့ ရေကူးမယ်တွေ။

အခု ဒေါ်မြိုင်မြိုင်တင်ပြခဲ့တာတွေဟာ ဒီနေ့ မီဒီယာမှာ ဟိုးလေးတကြော် ပြောကြ၊ရေးကြတဲ့ အချက်တွေပါ။
ဒါပေမယ့်
၎။ ဒီမျိုးဆက်ကို အသာထား၊ ဒုတိယမျိုးဆက် စ လုံး စစ်စစ် ဖြစ်ဖို့ တရုတ်မိဘတွေက မွေးတဲ့ ကလေးက မြန်မာမိဘတွေက မွေးတဲ့ ကလေးထက် အခွင့်အလမ်း ပိုများပါတယ်။ ဒါကြောင့်  မြန်မာတွေထဲမှာကိုပဲ တရုတ်နွယ်တဲ့၊ တရုတ်အဖေနာမည်ပါတဲ့သူတွေက ( အရည်အချင်း အားလုံးတူနေရင် ) နှာတဖျား သာပါတယ်။

၅ ။ ပီကင်းတက္ကသိုလ်မှာ ဝင်ခွင့်မရတဲ့ ကျောင်းသားက NUS, NTU  မှာ တော့ ( ပ် ) ဖြစ်နေနိုင်ပါတယ်။

လူထုနဲ့ အစိုးရဆိုတာ တစ်သားတည်း ကျ၊ တမြင်တည်းမြင်လို့ မရပါဘူး။ သာမန်လူထုလောက် မြင်ရုံနဲ့တော့ ထိပ်တန်းအစိုးရလည်း မဖြစ်နိုင်သေးပါဘူး။ လူထုကို တိုက်ရိုက်ကြီး ဆန့်ကျင်လို့ မရသလို အားလုံးကို နားထောင်လို့လည်း မရပြန်ပါဘူး။ ဒါကိုပင် နိုင်ငံရေး သိပ္ပံ လို့ ခေါ်တယ်မဟုတ်လား။ ဒါကြောင့် ( ဒီ အချက် ၅ ချက် ကြောင့် ) လူသိပ်မသိတဲ့
( မီဒီယာပေါ် မရောက်တဲ့ ) အစိုးရ ပေါ်လစီမှာတော့
" စင်္ကာပူရဲ့ အဓိကပစ်မှတ်တွေက တရုတ်ပြည်မကြီးကတရုတ်တွေ၊ ဆိုတာအစိုးရရဲ့သဘောထားဘဲဖြစ်ပါလိမ့်မယ်.."
မှန်ပါတယ်။ အစိုးရရဲ့သဘောထားပဲဖြစ်ပါ။
ဆုံးဖြတ်တာကလည်း တကယ်တော့ အစိုးရ ပဲ မဟုတ်လား။

( ကျနော်က ပြည်တွင်းက လူငယ်တွေ ကောက်ချက်ဆွဲ လို့ရအောင် တစ်ဦးချင်းအမြင်၊ခံစားချက်တွေကို အင်တာဗြူးမလို့ကို စဉ်းစားနေတာပါ။ တကယ်  ကျေးဇူးပါ။ )

ဇင်ဝေသော်

Read more

သူ့ကမ်း ကိုယ့်ကမ်း

တစ်ခါက ဇင် ဆရာနဲ့ တပည့်တို့ မြစ်ကမ်းဘေးမှာ တရားရှုမှတ်နေကြတယ်။
အတန်ကြာတော့ ဆရာက တစ်ယောက်ပဲ စီးလုိ့ရတဲ့ လှေကလေးကို လှော်ပြီး ဟိုဖက်ကမ်းကို ကူးသွားတယ်။
ခဏနေတော့ တပည့်ကလည်း တဖက်ကမ်းကို ကူးချင်လို့
" ဆရာ၊ ကျနော့်ဆီကို လှေပြန်ပုိ့ပေးပါ၊ ကျနော်လည်း တဖက်ကမ်း ရောက်ချင်လို့ပါ " လှမ်းပြောတယ်။
ဒီတော့ သူ့ဆရာက
" ငါ့တပည့်၊ ကိုယ့်တရားကိုသာ စူးစိုက်ရှုမှတ်နေပါ၊ ငါ့ဖက်က ကြည့်တော့ မင်းလည်း တဖက်ကမ်း ရောက်နေတာပဲ၊ ဘာ လှေနဲ့မှ ကူးနေစရာတောင် မလိုဘူး " တဲ့။
ဒီတော့မှ တပည့်က သဘောကျသွားပြီး သူ့ ကမ္မဌာန်း နဲ့သူ ပျော်မွေ့သွားနိုင်တော့တယ်။


~ သူ ငါ မရှိ ~
ဇင်ဆရာကြီး တစ်ယောက်က သူ့ ဂျူနီယာကို ဩဝါဒပေးနေတယ်

" မာစတာ တစ်ယောက်ဖြစ်ဖို့ အရင်ဆုံး သူ ငါ အစွဲတွေ ပြုတ်ပြီး သူ မရှိ ငါ မရှိ နေနိုင်ရတယ်။
ငါ ပြောတာ သဘောပေါက်သလား "

" နေပါဦး၊ ဘယ်သူက ဘယ်သူ့ကို ပြောနေတာ လဲ "


~ သက်သေပြမယ် ~
ဇင်နဲ့ ပတ်သက်တဲ့ ရှေးဟောင်း ပုံတို ပတ်စတွေက အာရှတိုက်မှာ အစပြုခဲ့ပေမယ့် အနောက်၊ အထူးသဖြင့်အမေရိကမှာ သွားပြီး ရေပန်းစားနေပါ သတဲ့။ ဒါကြောင့် အာရှသားတွေဟာ သင်္ချာမှာ တော်သလောက် ဟာသဉာဏ် မှာတော့ ချားတူးလန်လို့ ပြေတာခံကြရတယ်။

အနောက်တိုင်းသားက
" မင်းတို့ အာရှသားတွေ သင်္ချာမှာ တော်သလောက် ဟာသဉာဏ် မှာတော့ ချားတူးလန် ပဲ "

ဒါနဲ့ အာရှသားက
" အဲဒါ မမှန်ပါဘူး၊ စာ နှစ်မျက်နှာလောက်နဲ့ ( သိပ္ပံနည်းကျ သင်္ချာအခြေခံသဘောတရားတွေ ကိုးကားပြီး ) မမှန်ကြောင်း ဒါကို သက်သေပြပါမယ် " လို့ ပြန်ပြောလိုက်တယ်။

ဇင်ဝေသော်

Read more

လီကွမ်းယုနဲ့ ဘာသာရေးအစွန်းရောက်ဝါဒီများ ( ၆း ၃ )

မေး ။     ။ စက်တင်ဘာ ၁၁- ရက် အရေးအခင်းကို အခြေခံပြီး မစ္စတာလီရဲ့ အစ္စလာမ်အပေါ်ထားတဲ့အမြင်တွေ ပြောင်းသွားတာလား။

(ရှေ့ပိုင်းအဖြေများကို "လီကွမ်းယုနဲ့ အစ္စလာမ်ဘာသာတရား" တွင်ဖတ်ရှုနိုင်ပါသည်။)

ဖြေ ။    ။ ၁၉၇၃ ခုနဲ့ ဒီထက်နည်းနည်းစောစောက ရေနံပြဿနာဖြစ်ပြီး ရေနံဈေးတွေ ထိုးတက်သွားတော့ လစ်ဗျားက ဖိလစ်ပိုင်တောင်ပိုင်းမှာ ပြဿနာတက်နေတဲ့ Moros နဲ့ ဖိလစ်ပီးနိုးတွေအကြား သူတို့လူတွေလွှတ်ပြီး ဝင်ရှုပ်ခဲ့ဖူးတယ်။ ရေနံကရတဲ့ ငွေတွေနဲ့ပေါ့။ ဒါဟာ သူများအိမ်တွင်းရေးကို စွက်ဖက်တာ။ သူတို့ အစ္စလာမ်ဝါဒဖြန့်တာပဲ။

ဆော်ဒီက ဝါဟာဘီတွေ ဒီထဲဝင်လာမယ်လုပ်တော့ ငါတို့က လက်မခံဘဲထားခဲ့တယ်။ ကံကောင်းတော့ တို့မှာဗလီတွေရှိတယ်။ သူတို့ငွေ၊ သူတို့တရားဟောဆရာတွေကို မလိုအပ်ခဲ့ဘူး။ ငါတို့ဆီမှာရှိတဲ့ အစ္စလာမ်ဘာသာပုံစံက မလေးရှားကလို ရှေးဟောင်းအစ္စလာမ်ဘာသာပုံစံ မဟုတ်ဘူး။

မေး ။     ။ မလေးရှားနဲ့ အင်ဒိုနီးရှားမှာဖြစ်နေတာကိုမြင်ပြီး စိုးရိမ်စိတ် မဖြစ်မိဘူးလား။

ဖြေ ။    ။ ဖြစ်တာပေါ့။ ဒီပြဿနာက တို့ဆီလာရိုက်ခတ်နိုင်တာပဲ။ ဟိုကို သွားလိုက်လာလိုက် လူတွေကိုအသာထား၊ ဒီမှာရှိနေတဲ့လူတွေကတောင် တီဗွီမှာကြည့်လို့ရနေတာပဲ။ ဟိုမှာ ဆွေမျိုးတွေရှိနေတဲ့ လူတွေအပြင် ငါတို့ဆီက အနားယူထားတဲ့ လူတွေကလည်း ဂျိုဟိုးမှာအိမ်တွေဆောက်၊ အိမ်တွေဝယ်ပြီး ဟိုမှာနေကြတာ။ ကျန်းမာရေးကိစ္စအတွက်သာ ဒီဖက်ကိုပြန်ပြန်လာတတ်ကြတာ။ အဲဒီ အဆက်အစပ်က ဟန့်တားလို့မရဘူး။ မလေးတွေပိုများတဲ့နေရာမှာ မလေးတွေရဲ့ လွှမ်းမိုးမှုခံနေရမှာပဲ။ ဒါကို အရှိအတိုင်းပဲ လက်ခံထားကြရမှာ။ နောက်ဆုံးအချိန်က အပြောင်းအလဲတစ်ခုဆီ တွန်းပို့မပေးခင်အထိပေါ့။ ငါယုံကြည်တာကတော့ ခေတ်သစ်လူနေမှုစရိုက်ကို ငြင်းပယ်ရင်တော့ နောက်ကျကျန်ခဲ့တဲ့ လူ့အဖွဲ့အစည်းပဲ ဖြစ်နေခဲ့မှာပဲ။ ဒီသဘာဝက ငြင်းလို့ကိုမရဘူး။

အီရန်တွေကတော့ မွတ်ဆလင်နဲ့ မော်ဒန်လူနေမှုစနစ်နှစ်မျိုးလုံး ညီညွတ်အောင် ကြိုးစားနေကြတယ်။ သူတို့က သိပ္ပံနဲ့ နည်းပညာကို လိုချင်တာကိုး။ အခု သူတို့ပြဿနာတွေ တက်နေတယ်။ နိုင်ငံတော်မူဝါဒကို ချမှတ်ဖို့ လွတ်လပ်မှုတွေ၊ လစ်ဘရယ်တွေ၊ အမျိုးသမီး အခွင့်အရေးတွေ ပါဝင်နေတာကိုး။

အီရန်ကို ငါတော့ မရောက်ဖူးဘူး။ ဂိုချောက်တောင် ရောက်ဖူးတယ်။ သူက ပြောတယ်။ အီရန်က အမျိုးသမီးတွေ မျက်နှာဖုံးတယ်ဆိုတာ ဖက်ရှင်သဘောပိုဆန်တယ်။ အစ္စလာမ်စည်းကမ်း ဘာညာဆိုပြီး ပါးစပ်ကနေပဲ ပြောနေကြတာ။ အပြင်ထွက်ရင် သူတို့ chador ကိုဝတ်ကြတယ်။ အိမ်လည်းပြန်ရောက်ရော သူတို့ chador ကိုချွတ်ပြီး ပဲရစ်ကလာတဲ့ ဖက်ရှင်အတိုင်း ဝတ်ပြီးနေကြတာ။ သူတို့ လိုက်(ဖ်) စတိုင်က နှစ်မျိုးဖြစ်နေတယ်။ လူရှေ့မှာတစ်မျိုး၊ အိမ်ထဲမှာ တစ်မျိုးတဲ့။ အမျိုးသမီးတွေကို ပညာသင်ပေးလိုက်ရင် သူတို့နိုင်ငံသားတွေ ပိုပြီးမော်ဒန်ဆန်လာချင်မှာကို တားမြစ်ထားလို့ မရဘူးဆိုတာ ပြနေတာပဲ။

ပါးစပ်ကတော့ အစ္စလာမ်မစ်မော်ဒန်လို့ပြောရင် ရတာပေါ့။ ဒါပေမယ့် (၇) ရာစုက အုပ်ချုပ်တဲ့အစိုးရပုံစံနဲ့ ဘယ်လိုလုပ်မော်ဒန်ချင်လို့ ရမှာလဲ။ အယာတိုလာတို့တွေ ကြိုးစားပြီးထိန်းနေကြတာ အဲဒါပဲ။ ဘယ်လောက်ကြာကြာ ခံနိုင်မလဲကွာ။

မေး ။     ။ စင်ကာပူဖက်ကို ပြန်လှည့်ကြရအောင်။

ဖြေ ။    ။ ဒီအမြင်တွေ ငါဘယ်လိုရခဲ့တယ်ဆိုတာ မင်းတို့သိချင်တာ မဟုတ်လား။ ၉/၁၁ က ဘာမှမဆိုင်ဘူး။ ရေနံဈေးတွေထိုးတက်ပြီး အပြည်ပြည်ဆိုင်ရာ ကွန်ဖရင့်တွေမှာ အာရပ်ရေနံသူဌေးနိုင်ငံတွေက အကုန်အကျတွေခံကတည်းက စခဲ့တာ။ တို့ဆီက မွတ်ဆလင်ခေါင်းဆောင်တွေ ဆော်ဒီကိုရော၊ အီရန်ကိုပါ ရောက်ဖူးသူတွေချည်းပဲ။ သူတို့ ကွန်ဖရင့်တက်တဲ့ ကုန်ကျစရိတ်ကို ဟိုဘက်ကခံတာ။ သူတို့က သူတို့အစ္စလာမ်ကမှ အစ္စလာမ်အစစ်တဲ့။ မင်းတို့ အစ္စလာမ်က အရောရော အနှောနှောတွေနဲ့မို့ မစစ်ဘူးတဲ့။ အစ္စလာမ်တွေက အရှေ့အာရှနဲ့ ဒီဒေသကို သင်္ဘောတွေနဲ့ ရောက်လာကြတာ။ ရာသီဥတုအနေအထားအရ ခရီးက လပေါင်းများစွာ ကြာသွားနိုင်တယ်။ ဒီလုိုနဲ့ အစ္စလာမ်ဟာ အရင်လိုမဟုတ်၊ မစစ်မှန်တော့တဲ့ အစ္စလာမ်အနေနဲ့ပဲ ရှိနေတော့တာတဲ့။

မေး ။     ။ စင်ကာပူးရီးယန်း မွတ်ဆလင်တွေက အခြားဘာသာခြားတွေနဲ့ အပြန်အလှန် လက်ထပ်တာမျိုးတော့ ရှိချင်ရှိမယ်ပေါ့။ မစ္စတာလီဆိုလိုတာက ဒါကြောင့် သူတို့ဟာ အခြားလူမျိုးတွေနဲ့ ညီညွတ်စွာ နေထိုင်လို့မရသူတွေ၊ အခြားဘာသာဝင်တွေလို စင်ကာပူးရီးယန်းတစ်ယောက်အဖြစ် ပီပီပြင်ပြင်မရှိသူတွေလို့ ဆိုလိုချင်တာလား။

ဖြေ ။    ။ ငါဆိုလိုတာက အဲဒါမဟုတ်ဘူး။ သူတို့ဟာ ငြိမ်းချမ်းရေးမရှိတဲ့လူတွေ၊ နိုင်ငံသားကောင်းတွေ မဟုတ်ဘူးလို့ ဆိုလိုတာမဟုတ်ဘူး။ သူတို့ဟာ ကျန်တဲ့လူမျိုး၊ ဘာသာရေးတွေကနေ တစ်သီးတစ်သန့်ဖြစ်နေလိမ့်မယ်လို့ပဲ ပြောတာ။ တို့လက်ရှိလူ့အဖွဲ့အစည်းနဲ့ တစ်သားတည်းမကျသေးတဲ့ တရုတ်လူမျိုး၊ အိန္ဒိယလူမျိုးတွေရှိတယ်။ ဒါပေမယ့် သူတို့ကမွေးလာတဲ့ ကလေးတွေကျတော့ အားလုံးနဲ့ တစ်သားတည်းဖြစ်သွားမယ်။ စင်ကာပူက ရေကူးမယ် Tao Li ကို ဒီမှာမွေးတဲ့ စင်ကာပူးရီးယန်းတွေနဲ့ ဘယ်လိုခွဲခြားမလဲ။ သူ ဒီကို အသက်လေးငါးနှစ်လောက်မှာ ရောက်တယ်။ စင်ကာပူးရီးယန်းတွေပြောတဲ့ မန်ဒရင်းကို ပြောတယ်။ စင်ကာပူအင်္ဂလိပ်ပြောတယ်။ သူဆိုရင် စင်ကာပူရဲ့ အစိတ်အပိုင်းဖြစ်သွားပြီ။

ငါ့စိတ်ထဲမှာ စွဲနစ်နေတာတစ်ခုက ငါတို့ဆီက ပါကစ္စတန်နွယ် မွတ်ဆလင်တစ်ယောက်က ၉/၁၁ မှာ အမေရိကန်တွေကို တိုက်ခိုက်ဖို့ တာလီဘန်တွေနဲ့ ကရာချီမှာ သွားပေါင်းကြတယ်ဆိုတဲ့အချက်ပဲ။ သူ့ကို မြောက်ပိုင်းမဟာမိတ်တပ်ဖွဲ့က ဖမ်းမိသွားတယ်။ အမေရိကန်တွေက သူဟာ ငါတို့လူမျိုးလားလို့ လှမ်းမေးတယ်။ တစ်ချိန်တည်းမှာပဲ ဘာမင်ဂန်မှာမွေးပြီး ဘာမင်ဂန်မှာကြီးတဲ့ သူနဲ့ရွယ်တူ တစ်ယောက်ကလည်း တာလီဘန်တွေအတွက် တိုက်ပွဲဝင်ပေးတယ်။

အိန္ဒိယနဲ့ ပါကစ္စတန်အကြမ်းဖက်သမားတွေကြား ငြိမ်းချမ်းရေးမရတာ အဲဒါပဲ။ သမ္မတ မူရှာရက်ဖ်က ကက်ရှမီးယားကိစ္စကို ကျေအေးချင်တယ်။ အစွန်းရောက် မွတ်ဆလင်တွေကြောင့် သူဘာမှလုပ်လို့မရဘူး။ သူတို့မှာ အသေခံတပ်သား ငါးသောင်းကျော်ရှိတယ်။ ကက်ရှမီးယားဒေသအတွက် အသေခံဖို့ သူတို့ကအဆင်သင့်ပဲ။ အိန္ဒိယန်းအထူးတပ်ဖွဲ့အတွက် အဲဒီအချက်က မညီမမျှ ဒုက္ခပေးနေတာ။ အိန္ဒိယ စစ်သားတွေက အိမ်မှာမိသားစုတွေနဲ့ အသက်ဆက်ရှင်ချင်တဲ့လူတွေ။

အိန္ဒိယက အထူးလေ့ကျင့်ပေးထားပြီး တကယ်လည်း အရည်အသွေးရှိတဲ့ စစ်တပ်ကိုလွှတ်တယ်။ ဒါပေမယ့် သူတို့အပေါ်မှီခိုနေရတဲ့ မိသားစုတွေက နောက်မှာ။ ကွန်မန်ဒါတစ်ယောက် ကျရှုံးသွားပြီဆိုရင် မိသားစုတစ်ခုလုံး ဒုက္ခရောက်ရော။ ပါကစ္စတန်တွေကတစ်မျိုး။ သူတို့က သေလည်းကောင်းကင်ဘုံမှာ အပျိုစင်နတ်သမီး (၇၂) ယောက်က ဟိုမှာစောင့်နေတာ။

မေး ။     ။ ဒါက လူနည်းစုလေးပဲ မဟုတ်လား။

ဖြေ ။    ။ MRT ထဲ ဗုံးတစ်လုံးပေါက်ကွဲတယ်ဆိုရင် နောက်ဆက်တွဲပြဿနာတွေ အများကြီးပါလာတယ်။ လူသေရုံတင် မပြီးဘူး။ မွတ်ဆလင်နဲ့ မွတ်ဆလင်မဟုတ် သူတွေကြားမှာ သံသယစိတ်တွေ ကြီးထွားလာမယ်။ လန်ဒန်မှာလည်း ဒီအတိုင်းပဲ။ ဘတ်(စ်) ကားပေါ်မှာတောင် မွတ်ဆလင် တစ်ယောက်ယောက်ကိုမြင်ရင် ကျန်တဲ့လူတွေက ဘေးရှောင်ထွက်သွားကြတာ။ သူဗုံးပါချင်ပါလာမှာဆိုတဲ့ သံသယက ရှိနေတာ။ ဗုံးပေါက်လို့ကတော့ သေပြီလို့တွေးတတ်ကြတယ်။ ဒါက လူ့သဘာဝပဲ။

မေး ။     ။ မွတ်ဆလင်နဲ့ မွတ်ဆလင်မဟုတ်သူတွေကြားက အတားအဆီးအကြောင်း မစ္စတာလီပြောခဲ့တယ်။ ကျွန်တော်သိတဲ့ မွတ်ဆလင်တွေကတော့ စင်ကာပူးရီးယန်း စစ်စစ်ဖြစ်အောင်၊ မွတ်ဆလင်စစ်စစ်တစ်ယောက် လည်းဖြစ်နေအောင် ကြိုးစားနေထိုင် တတ်ကြပါတယ်။ စင်ကာပူက သူ့နိုင်ငံသားတွေကို ဘယ်လိုပုံစံဖြစ်စေချင်တယ်ဆိုတာတောင် သူတို့စိတ်ကူးထဲမှာ လက်ခံထားကြပါတယ်။ ကျွန်တော်မေးချင်တဲ့ မေးခွန်းက ဒီလိုပြောလိုက်လို့ မွတ်ဆလင်တွေက သူတို့ကို နိုင်ငံတော်က လက်မှ ခံပါ့မလားဆိုတဲ့ အတွေးတွေနဲ့ ဝေဝါးဝါးဖြစ်မကုန်လောက်ဘူးလား။

ဖြေ ။    ။ မွတ်ဆလင်အချင်းချင်းပေမယ့် မတူကြဘူး။ မွတ်ဆလင် အတတ်ပညာရှင်များအဖွဲ့ စတင်ဖွဲ့စည်းကြတော့ သူတို့အဖွဲ့က Muis (စင်ကာပူ မွတ်ဆလင်အဖွဲ့ချုပ်) နဲ့ကို သဘောမတူခဲ့ကြဘူး။ ငါတို့ PAP ပါတီက မလေးခေါင်းဆောင်ကိုလည်း လက်မခံခဲ့ကြဘူး။ မလေးလူမျိုးတွေအတွက် သူတို့က ပိုကောင်းအောင်လုပ်ပေးနိုင်တယ်လို့ သူတို့က ထင်နေကြတာ။ ဒါနဲ့ ငါတို့က သူတို့ကို ငွေကြေးထောက်ပံ့ပေးတယ်။ ဒီတော့မှ သူတို့ သဘောပေါက်လာတာ။ သူတို့က Mendaki တို့ Muis တို့လောက် ကောင်းအောင်မလုပ်နိုင်ခဲ့ဘူး။ ဒီလိုနဲ့ တဖြည်းဖြည်းချင်း Mendaki နဲ့ Muis ဖက်ကို ခြေဦးလှည့်လာခဲ့ကြတာ။

လက်ရှိအခြေအနေဟာ မျှော်လင့်ချက်မရှိဘူးလို့ ပြောတာမဟုတ်ပါဘူး။ ဒါပေမယ့် အာရပ်က ဂျီးဟတ်တွေရဲ့ လောင်းရိပ်မိနေတဲ့ လူအနည်းငယ်တော့ရှိတယ်။ တစ်ယောက်၊ နှစ်ယောက်ပဲရှိတယ်ဆိုရင်တောင် ဆက်ဆံရေးတွေ အကုန်ကမောက်ကမ ဖြစ်သွားနိုင်တယ်။ ဗုံးတစ်လုံးသာပေါက်ကြည့်။ ဒီအနေအထားကို ငါတို့ တားဆီးလို့ကို ရမှာမဟုတ်ဘူး။ ဆိုလိုတာက ဥပမာ ဗုံးတစ်လုံးပေါက်မယ်။ Ang Mo Kio မှာ Tanjong Pagar မှာ ဆိုပါတော့။ အဲဒီမှာ မွတ်ဆလင်တွေ တော်တော်များတယ်။ ရပ်ဖဲလ်(စ်) လိုနေရာမှာတောင် မွတ်ဆလင်တွေရှိတယ်။ ဒါဆိုရင် မွတ်ဆလင်နဲ့ မွတ်ဆလင်မဟုတ်သူတွေရဲ့ ဆက်ဆံရေးဟာ ချက်ချင်းကြီး ပြောင်းသွားမှာပဲ။ ဗြိတိန်မှာလည်း အဲသလိုပဲလို့ ပြောကြတယ်။

ဗြိတိသျှတွေမှာ ယုံကြည်မှုတည်ဆောက်ရေးကောင်စီဆိုတာ ရှိတယ်။ ဒါပေသည့် ဗြိတိသျှထောက်လှမ်းရေးက ဗြိတိသျှမှာ ဂျီးဟတ်လို့ယုံကြည်ရသူပေါင်း နှစ်သောင်းလောက်ရှိပြီး သူတို့ကို စောင့်ကြည့်နေရတယ်လို့ ကြေငြာခဲ့တယ်။ ဒီလောက်များတဲ့ လုံခြုံရေးအရာရှိတွေ သူတို့ ဘယ်ကရသလဲ။ ကွန်ပြူတာ အင်တာနက်ကနေတဆင့် သူတို့ ထောက်လှမ်းတာ။

တို့ဆီမှာ ဒီအခြေအနေထိ မရောက်သေးဘူး။ ဒါပေမယ့် ဘာတန်ကနေ ဗုံးသယ်လာတဲ့ ဂျီးဟတ်တစ်ယောက် ဒီဖက်ကို ကူးလာမယ်ဆိုရင် ကူးလာလို့ရတယ်။ အများကြီး ဂရုစိုက်ရတယ်။ အသေခံ ဗုံးခွဲသမားတစ်ယောက်က မြေအောက်ရထား ဘူတာရုံထဲဝင်၊ အသေခံ ဗုံးဖောက်၊ ပိုဆိုးတာက လှိုဏ်ခေါင်းထဲဝင်ပြီး သူ့ကိုယ်သူ အသေခံ ဗုံးဖောက်ခွဲလိုက်မှာပဲ။ ဒါမျိုး မဖြစ်ရပါဘူးလို့ ဘယ်သူမှ အာမ မခံနိုင်ဘူး။ လှိုဏ်ခေါင်းထဲမှာသာ ပေါက်လို့ကတော့ ကယ်ဆယ်ရေးကိစ္စက အတော်ကြီးကို ခက်ခက်ခဲခဲ လုပ်ယူရမှာ။ ဘူတာရုံထဲမှာဆို မီးသတ်ရေပိုက်တွေရှိလို့ တော်ဦးမယ်။

ဒါကြောင့် ငါတို့ ပြည်ထဲရေးအဖွဲ့က ဒါမျိုးတွေ ကြုံလာရင် ဘယ်လိုလုပ်ရမလဲဆိုတာ လေ့ကျင့်နေကြရတာ။ ဒါမျိုးက ဖြစ်နိုင်ခြေတော့ နည်းတာပေါ့။ ဒါပေမယ့် လူတစ်ထောင်ကျော် ပါလာတဲ့ ရထားပေါ်မှာ ဒါမျိုးဖြစ်လာခဲ့ရင် သူတို့အလောင်းတွေ ပြာဖြစ်တာ ထိုင်ကြည့်လို့မရဘူး။ ရနိုင်သ၍ရအောင် ကယ်ဆယ်ကြရမှာ။

ဒါက ရယ်စရာမဟုတ်ဘူး။ လူ့ယဉ်ကျေးမှုသမိုင်းမှာ တစ်ခါမှ ရင်မဆိုင်ဘူးတဲ့ အခြေအနေမျိုးကို ငါတို့ရင်ဆိုင်နေရတာ။ ကမ္ဘာပေါ်မှာ သူတစ်ပါးတွေ သေကြေပျက်စီးဖို့ ကိုယ့်ကိုယ်ကို မီးလောင်တိုက်သွင်းရဲတဲ့လူစုတွေ ရှိနေတယ်။ သူတို့မပေါ်ခင်တုန်းက တမီး(လ်) တိုက်ဂါးတွေ။ ဒါပေမယ့် သူတို့ တိုက်ခိုက်နေကြတာက သီရိလင်္ကာထဲက သူတို့နယ်မြေကို ရဖို့ဆိုပြီး တိုက်နေကြတာ။ အခု တိုက်နေကြတာက အစ္စလာမ်အတွက်၊ ဘာသာရေး ယုံကြည်မှုကနေပေါ်လာတဲ့ ပြဿနာ။

သူတို့အမြင်အရ အစ္စလာမ်အယူကို မယုံကြည်တဲ့အစိုးရနဲ့ ဆက်ဆံတဲ့မွတ်ဆလင်က မွတ်ဆလင်ကောင်းတစ်ယောက် မဟုတ်ဘူးတဲ့။ ဖူး(လ်) စတော့(ပ်)။ ဒီအတိုင်းသာဆိုရင်တော့ ငါတို့အစိုးရထဲ၊ ပြည်သူ့ဝန်ထမ်းတွေထဲမှာ မလေးလူမျိုး ရှိလို့ကိုမရတော့ဘူး။ ဒါတွေကို တိတိကျကျ သတ်မှတ်ထားမှရမယ်။ ငါတို့မှာက မတူညီတဲ့ လူမျိုးစုတွေရှိနေတာ။ လူရမ်းကား အုပ်စုလေးတစ်စုက လူမျိုးခြင်းဆက်ဆံရေး၊ ဘာသာယုံကြည်မှုခြင်း ညီညွတ်နားလည်မှုရှိရေးတွေ အားလုံးဖျက်ဆီးပစ်နိုင်တယ်။

လန်ဒန်မှာ ဘယ်လိုလုပ်နေကြသလဲဆိုတာ လေ့လာဖို့ တို့လူတွေ လွှတ်ပေးထားတယ်။ သူတို့မှာ စုစည်းလို့မရတဲ့ မွတ်ဆလင်တွေရှိတယ်။ အဲဒါ သူတို့ရဲ့ လွတ်လပ်စွာ ပြောဆိုခွင့်ကိစ္စကြောင့် သူတို့က ဗြိတိန်က ဗလီတွေထဲမှာ အကြီးအကျယ် သွေးထိုးလှုံ့ဆော်တဲ့ မိန့်ခွန်းတွေ ပြောကြားခွင့်ပေးထားတယ်။ အခုမှ တစ်ချို့တရားဟောဆရာတွေကို တားမြစ်နေကြတာ။ သူတို့မှာ မွတ်ဆလင်ကောင်စီဆိုတာ ရှိတယ်။ လူ့အခွင့်အရေးတွေ၊ လွတ်လပ်စွာ ပြောရေးဆိုခွင့်တွေ၊ အဲဒီကိုသွားပြီး တောင်းဆိုကြတယ်။ နောက်ဆုံးမှ တရားသူကြီးတွေက သူတို့ကို နှိမ်နင်းဖို့ အစိုးရကို ခွင့်ပြုခဲ့ကြတာ။ ဆော်ဒီက ထောက်ပံ့တဲ့ငွေတွေကိုယူခဲ့ရင် ငါတို့လည်း ဆော်ဒီတရားဟောဆရာတွေကို လက်ခံထားရမှာပဲ။ ကံကောင်းလို့ ငါတို့က သူတို့အထောက်အပံ့ကို မလိုခဲ့၊ မယူခဲ့ကြတာ။

ဇင်ဝေသော်

Read more

မြန်မာ ဆမ်ဆောင်း

"ဇနီး နဲ့ ကလေးတွေက လွဲရင် အားလုံးကို ပြောင်းလဲပစ် "
( Lee Kun Hee,70, Samsung Electronic Chairman )

တောင်ကိုရီးယား နိုင်ငံ၊ ဆမ်ဆောင်း အီလက်ထရောနစ် ပစ္စည်းတွေဟာ ၁၉၉၃ ခု အထိ ခပ်ညံ့ညံ့ ဒုတိယတန်းစားတွေ အနေနဲ့ပဲ ရှိခဲ့ပါတယ်။ ဆမ်ဆောင်း အီလက်ထရောနစ် ကုမ္ပဏီ ရဲ့ ပြောင်းလဲမှုက ဆမ်ဆောင်းကုမ္ပဏီ ဥက္ကဋ္ဌ Mr. Lee Kun Hee ၁၉၉၃ ခု အမေရိက ခရီးစဉ်ကနေ အစပြုခဲ့ပါတယ်။

ဆမ်ဆောင်း တီဗွီနဲ့ အခြား အီလက်ထရောနစ် ပစ္စည်းတွေဟာ အမေရိကရှိ လျှပ်စစ်ပစ္စည်း အရောင်းဆိုင်တွေမှာ ဈေးအပေါဆုံး၊အောက်ဆုံးမှာ ရှိနေတာကို ဥက္ကဋ္ဌကြီး ရင်နာစွာ တွေ့ခဲ့ရတယ်။ ကိုရီးယား ကိုလည်း ပြန်ရောက်ရော မန်နေဂျာတွေကို သူခေါ်ပြောလိုက်တာက " ဇနီး နဲ့ ကလေးတွေက လွဲရင် အားလုံး ပြောင်းလဲပစ်ရမယ်-change everything but your wife and kids " တဲ့။

အဲဒီနောက်မှာတော့ ဆမ်ဆောင်း ရဲ့ စမာ့တ်ဖုန်း၊ တီဗွီနဲ့ မီမိုရီ ချစ် ( ပ် ) လျှပ်စစ်ပစ္စည်း ရောင်းအားဟာ ကမ္ဘာမှာ တစ် ဖြစ်သွားတော့တယ်။ ဆမ်ဆောင်း ရီဗော်လူးရှင်းက ရိုးရိုးလေး။ ဇနီး နဲ့ ကလေးတွေက လွဲရင် အားလုံး ပြောင်းလဲပစ် တဲ့။

နိုင်ငံ ခေါင်ဆောင်ကြီးသုံးယောက်မှာ နှစ်ယောက်က အမေရိက ကနေ၊ တစ်ယောက်က စင်္ကာပူနဲ့ သြစတေးလျ ကနေ.......................

Ref: " The hermit behind the giant " by Andrew Salmon.
ST, Saturday,Sept 15,2012

ဇင်ဝေသော်

Read more

“စင်ကာပူကိုလာသင့် မလာသင့်နဲ့ လွင့်မျောပြာစများ” (ကမ်းလက် ၁၁ လပြည့် အမှတ်တရ)

ကမ်းလက် ( ၁၁ ) လမြောက်မှာ အမှတ်တရလေး တစ်ခုခု တင်ဖို့ရှိပေမယ့် ပြောင်းလိုက်ပါတယ်။ ဒါလည်းပဲ အမှတ် တရ လို့တွေးမိလို့ပါ။ ကျနော်တို့ ဖေ့စ်ဘွတ် နဲ့ ဘလော့ဂ် မှာ လီကွမ်းယုရဲ့ စာအုပ် ဘာသာပြန် တင်ရာက စလုိ့ စာဖတ်သူ အရေအတွက်ဟာ သိသိသာသာ တက်လာခဲ့ပြီး " စင်္ကာပူကို လာသင့် မလာသင့် " လည်းတင်လိုက်ရောစာဖတ်သူ အရေအတွက် မယုံနိုင်လောက်အောင် တက်လာတာ တွေ့ရပါတယ်။ ဆိုလိုတာကတော့ ဒီစာမူတွေဟာ ကမ်းလက်အပေါ် တာဝန်တွေ ပိုပေးလိုက်သလို ဖြစ်နေပါတော့တယ်။ ကျယ်ဝန်းတဲ့ လူမှုရေး၊နိုင်ငံရေး ဒိုင်မင်းရှင်းတွေဟာ ဆောင်းပါးတို တစ်ပုဒ်နဲ့ လုံးဝ မကာမိနိုင်ပါဘူး။ ဒီ " စင်္ကာပူကို လာသင့် မလာသင့် "စာမူ ရေးဖြစ်ဖို့ ကျနော်တို့ ပေ့ဂ်ျ အပေါ်မှာ ကွန်မင့် ရေသွားတဲ့ ညီမငယ် တစ်ယောက်ကို ကျေးဇူးစကား ဆိုပါတယ်။ အခု " လွင့်မျော ပြာစ " များအတွက်လည်း နောက်ထပ် ညီမငယ် တစ်ယောက်ကို ကျေးဇူးစကား ဆိုပါရစေ။
ဇင်ဝေသော်

ဒီဆောင်းပါးကို လူစိတ်ဝင်စားတဲ့ပမာဏက ကျွန်တော်ခန့်မှန်းတာထက် အများကြီးပိုသွားတယ်။ လူပိုဖတ်ပြီဆိုတာနဲ့ အန္တရာယ်လည်း ပိုရှိလာပါတယ်။ ဒီတော့ ဆောင်းပါးတစ်ပုဒ်တည်းမှာ ချုပ်ပြီးရေးလိုက်တော့ တစ်ချို့ရှင်းရှင်းလင်းလင်း မရှိတာတွေ ပါကောင်းပါသွားနိုင်ပါတယ်။ ဒါကြောင့် လွင့်မျောပြာစ အနည်းငယ်လည်း ရှိလာခဲ့ပါတယ်။ ဒါကြောင့် ထပ်ပြီးရေးလိုပါသေးတယ်။

ကျွန်တော်ဆွဲခဲ့တဲ့ ကောက်ချက်တွေဟာ အများအားဖြင့် လီကွမ်းယုရေးတဲ့ ကိုယ်ရေးမှတ်တမ်းတွေရယ်၊ အခု ကျွန်တော်ဘာသာပြန်နေတဲ့ “ နားဝင်မချိုတဲ့ အမှန်တရားတချို့( Hard Truth : To Keep Singapore Going) ရယ်၊ သူပုံမှန် သတင်းစာမှာရေးတတ်တဲ့ ဆောင်းပါးတွေရယ်၊ ကြုံတွေ့ရတာတွေကို အခြေခံပြီးဆွဲခဲ့တဲ့ ကောက်ချက်တွေပါ။ ဘာလို့ လီကွမ်းယုလဲ…။ ဒီအဖိုးကြီး ဒိတ်အောက်နေပါပြီ။ ဒီလိုပြောသူတွေ ရှိနိုင်ပါတယ်။ ဒါပေမယ့် ကျွန်တော်က လီကွမ်းယုကို နှစ်ခြမ်းခွဲပစ်လိုက်ပါတယ်။

၁။ ပစ္စုပ္ပန်ကနေ အတိတ်ကို လှမ်းကြည့်တဲ့ လီကွမ်းယု နဲ့
၂။ ပစ္စုပ္ပန်ကနေ အနာဂတ်ကို လှမ်းကြည့်တဲ့ လီကွမ်းယုပါ။

ပစ္စုပ္ပန်ကနေ အတိတ်ကိုကြည့်ရင်း ချမှတ်တဲ့ သူ့သုံးသပ်ချက်တွေက ရက်စက်တယ်။ ဒီခေတ်လူတွေနဲ့ သဟဇာတသိပ်မဖြစ်တော့ဘူး။ မှားပါတယ်လို့လည်း ငြင်းဖို့တော့အခက်။ ဘာပဲဖြစ်ဖြစ် ဒီလီကွမ်းယုကိုတော့ ကျွန်တော် လက်ရှောင်ပါတယ်။

ပစ္စုပ္ပန်ကနေ အနာဂတ်ကိုလှမ်းကြည့်တဲ့ လီကွမ်းယုကို မျက်ကွယ်ပြုရင်တော့ မှားတာပါပဲ။ အသက်ရှစ်ဆယ်ကျော်၊ နေ့တိုင်းပုံမှန် ရေကူးဆဲ၊ အိုင်ကျူအဆင့် တစ်ရာကျော်တဲ့ လီကွမ်းယုရဲ့ အနာဂတ်ကောက်ချက်တွေက သွေးထွက်အောင် မှန်နေတုန်းပဲ။ ဒါကြောင့်လည်း ပြင်သစ်က တိုတယ်(ရေနံ) ကုမ္ပဏီ၊ ဂျာမဏီက မာဆီးဒီး (ကား) ကုမ္ပဏီတွေမှာ အကြံပေးအဖွဲ့ဝင်ဖြစ်နေတာ မဟုတ်လား။

ဒါတွေအထဲက သုံးချက်လောက် ကျွန်တော်ထုတ်ပြပါ့မယ်။

၁။ အရှေ့အလယ်ပိုင်းကနေ ကူးစက်လာနိုင်တဲ့ ဘာသာရေးပြဿနာတွေ။
၂။ လူမှုရေးထဲမှာ ပြောစရာတွေဖြစ်လာနိုင်တဲ့ လိင်တူဆက်ဆံမှု၊ လိင်တူအိမ်ထောင်ပြုမှုတွေ။
၃။ စီးပွါးရေးမှာ နိုကီယာ(ဆဲလ်ဖုန်း) ကုမ္ပဏီကို ဂျပန် (သို့) ကိုရီးယားကုမ္ပဏီတစ်ခုခုကဖြုတ်ချလိမ့်မယ်ဆိုတာတွေဟာ သွေးထွက်အောင်မှန်နေတဲ့ အနာဂတ်ဟောစာတမ်းတွေပါ။

ဟုတ်ပြီ။ ဒါဆိုရင် ကျွန်တော်တို့ မြန်မာတွေနဲ့ဆိုင်တာက ဘာလဲ။

ဒီမှာ ကျောင်းသားတွေနဲ့ပတ်သက်လို့ ကျွန်တော်ထပ်ရှင်းပါမယ်။

ပထမဆုံး စင်ကာပူအားကိုးတဲ့ အာဆီယံနိုင်ငံတွေထဲက ကျောင်းသားတွေဟာ ဗီယက်နမ်တွေပါ။ ယေဘုယျကိုကြည့်ရင် ဗီယက်နမ်ကျောင်းသားတွေဟာ မြန်မာတွေထက် ပိုတော်ပါတယ်။ (မကြိုက်လည်း မတတ်နိုင်ဘူး။ ဒါက စင်ကာပူနဲ့ အမေရိကတို့က လက်ခံထားတဲ့ အချက်ပဲ။ ကျွန်တော့် အယူအဆမဟုတ်။) ဒါပေမယ့် နိုင်ငံရေးပြေလည်သွားကြတဲ့နောက် ဗီယက်နမ်တွေကလည်း ကျောင်းပြီးရင် အမေရိကကူးဖို့နဲ့ ဗီယက်နမ်ပြန်ဖို့ တော်တော်များများ စဉ်းစားလာကြတယ်။ ဒါကို စင်ကာပူအစိုးရ (အဓိက) လီကွမ်းယုက သိတယ်။ တတ်နိုင်သလောက်ထိန်းတယ်။ ထိန်းလို့မရရင် ဘယ်လိုလုပ်မလဲဆိုတဲ့အဖြေကို ထုတ်တယ်။

ဒီမှာ လီကွမ်းယုရဲ့ ဆိုလူးရှင်းက - “ ဈေးချိုချိုနဲ့ထုတ်မယ့်ပစ္စည်းတွေမှာ ငါတို့ သူတို့ကို မယှဉ်နိုင်ဘူး။ ဒီတော့ ပစ္စည်းအရည်အသွေးကိုမြှင့်ပြီး ဈေးကြီးကြီးပစ္စည်းတွေ သူတို့နဲ့မတူအောင်ထုတ်နိုင်မှ အဆင်ပြေမယ်” လို့ ပြောခဲ့တယ်။ ရိုးရိုးခေါင်းကလေးပဲ သုံးပါ။ နိုင်ငံခြားသားအများစုဟာ ဘာကြောင့် သူများနိုင်ငံကို လာချင်ကြတာလဲ။

၁။ ပညာရေး အဆင့်မမှီသေးလို့ -
၂။ နိုင်ငံရေး မလွတ်လပ်လို့ -
၃။ စီးပွါးရေး၊ ကျန်းမာရေးစတာတွေ အားနည်းလို့ - ။

ဒါပါပဲ။ (တစ်ချို့ (လူနည်းစု) ကတော့ ပင်ကိုယ်ကကိုပဲ နယ်ခြားမြေခြားသွားရ၊ ပညာရှာရ၊ အလုပ်လုပ်ရတာကို သဘောကျတတ်ပါတယ်။ ဒါက လူနည်းစုပါ။)

၈၈- အရေးအခင်းကြီးဖြစ်ပြီးတဲ့နောက် စင်ကာပူအာရုံကျလာတာက မြန်မာအင်ဂျင်နီယာကျောင်းသားတွေ၊ ကျောင်းပြီးပြီးသား ဘွဲ့ရတွေပါ။ ဘာကြောင့်လဲ။ နိုင်ငံရေးကြောင့်။ အဲဒီ အင်ဂျင်နီယာတွေကို အများဆုံးရလိုက်တာက စင်ကာပူပဲ။ ကျွန်တော်ရောက်သွားတဲ့ အိမ်တစ်အိမ်မှာ အညာက အင်ဂျင်နီယာတွေနှစ်ဆယ်ကျော် တပြိုင်နက်တွေ့ခဲ့ရတယ်။ တချို့က မာစတာ တက်၊ တစ်ချို့က အချိန်ပိုင်း မာစတာ တက်၊ အချိန်ပိုင်း အလုပ်လုပ်၊ တစ်ချို့က ဒေါက်တာဘွဲ့ယူဖို့ သုတေသနလုပ်နေကြတယ်။

အခုပြောမှာက ကျွန်တော့်ကောက်ချက်ပါ။ မှန်နိုင်၊ မှားနိုင်ပါတယ်။

ဗီယက်နမ်တွေအပြီး စင်ကာပူရဲ့ပစ်မှတ်က မြန်မာအင်ဂျင်နီယာကျောင်းသားတွေပဲ။ နိုင်ငံထဲမှာ ဝင်ငွေမရှိ။ အလုပ်မရှိ။ အဖမ်းအဆီးက များ။ ဒီတော့ စင်ကာပူက ရက်ရက်ရောရော တံခါးဖွင့်ပေးလိုက်တယ်။ (စင်ကာပူက စက်မှုတက္ကသိုလ်အဖွဲ့ကြီးခင်ဗျား။ ၈၈- နောက်ရောက်လာတဲ့ အင်ဂျင်နီယာဦးရေ ဘယ်လောက်ရှိပါသလဲ။ စာသင်ခန်းလိုက် ရောက်လာကြတယ် ကြားမိသလားလို့ပါ။) ၈၈- နောက်ပိုင်း ဘာလို့ အင်ဂျင်နီယာတွေ ထွက်ပြေးလာကြတာလဲ။ ထပ်ပြောပါရစေ။

နိုင်…………ငံ…………..ရေး……….ကြောင့်။

ဒီနေ့ နိုင်ငံရေးပြောင်းလဲလာနေတယ်။

စင်ကာပူအစိုးရ မရူးဘူး။ ဗီယက်နမ်တွေပေးတဲ့သင်ခန်းစာ သူတို့ ယူထားပြီးပြီ။ ညီမလေးရေ။ စင်ကာပူအစိုးရက မရူးဘူးကွဲ့။

စင်ကာပူမှာ လူမျိုး၊ နိုင်ငံအပေါ်မူတည်ပြီး ချမှတ်တဲ့သီးသန့်ပေါ်လစီ မရှိဘူး။ ဟုတ်တယ်။ မရှိဘူး။ မဲရစ်တိုခရေစီ။ မင်းစွမ်းရင် မင်းရမယ်။ ဒါက ယေဘုယျ “စံ”။ ရာနှုန်းပြည့်တော့ မမှန်သေးဘူး။

“အိမ်ပြန်မယ့် ကျောင်းသားမှန်း ၇၅ ရာနှုံးသေချာရင် ပိုက်ဆံတွေအကုန်ခံပြီး ဘာလို့ သူ့ကို ပညာတွေသင်ပေးနေမှာလဲ” ဒါက လော့ဂျစ်။ သေချာတယ်။ ၈၈- အပြီး အင်ဂျင်နီယာကျောင်းသားလောက် ဒီနေ့ အင်ဂျင်နီယာကျောင်းသား အခွင့်အရေးမရဘူး။ ဒီတော့ လက်ရှိဒီမှာ ကျောင်းတက်နေတဲ့ ကျောင်းသားတွေအတွက် ဘာမှ ထူးထူးခြားခြား မဖြစ်ဘူး။ စွမ်းရင် ရ၊ မစွမ်းရင် ကျ။

ဒါပေမယ့် အခုလာတက်မယ့် ကျောင်းသားတွေကိုတော့ စင်ကာပူက “ဒီကောင်တွေ သူတို့နိုင်ငံက ပညာရေးမစွံလို့လာတာ။ စိတ်ထဲက အိမ်ပြန်ဖို့ပဲတွေးနေတဲ့ကောင်တွေ” ဆိုပြီး သံသယစိတ်နဲ့ကြည့်ပြီး စကောလားပေးဖို့ တော်တော်စိစစ်လိမ့်မယ်။ ရလောက်ပြီ။ မရလည်း ရှိစေတော့။

ပိုကျယ်တဲ့နယ်ပယ်ကို ထပ်ပြောကြည့်မယ်။

မလေးရှားကနေ စင်ကာပူလာပြီး အလုပ်လုပ်ကြတယ်။ ဘယ်လိုလူတွေလဲ။ မလေးတရုတ်တွေ။အင်ဒိုနီးရှားကနေ စင်ကာပူကိုလာပြီး အလုပ်လုပ်ကြတယ်။ အင်ဒိုတရုတ်တွေ။ မလေးစစ်စစ်၊ အင်ဒိုစစ်စစ်က ခဏပဲလာမယ်။ ရေရှည်မနေဘူး။ ဘာကြောင့်လဲ။ ဘာသာရေးနဲ့ ပတ်သက်ပြီး အခွင့်ထူးခံခွင့် စင်ကာပူမှာ မရှိလို့။

မြန်မာပြည်ကနေ့  စင်္ကာပူကို လာပြီး အလုပ်လုပ်နေသူတွေထဲမှာ မြန်မာပြည်ဖွား တရုတ် စစ်စစ်တွေ ပါတယ်။ ၅၀၊၅၀ တွေ ပါတယ်၊ အညာဒေသ ကုန်း ခေါင်ခေါင်က အသားညိုညို မြန်မာတွေ၊ အသား လတ်လတ် မြန်မာပြည်အောက်ပိုင်းက မြန်မာတွေ၊ တိုင်းရင်းသားတွေ ပါတယ်။ ရာနှုန်းပြည့် မြန်မာစစ်၊ တိုင်းရင်းသားစစ်တွေ။ နိုင်ငံရေး ပြောင်းလဲလာတဲ့နောက် မြန်မာတွေ၊ တိုင်းရင်းသားတွေ အိမ်ပြန်ချင်စိတ် မပေါက်လောက် ဘူးလား။ မလေးစစ်၊ အင်ဒိုစစ်တွေလို။ မြန်မာတွေ၊ တိုင်းရင်းသားတွေက ဘာကြောင့် အိမ်ပြန်ချင်စိတ်ပေါက်ရတာလဲ။

ဘာသာတရားနဲ့ ယဉ်ကျေးမှုကြောင့်။

ဒီတော့ ကျနော် မေးမယ်။
၁ ။ဒီနှစ် ပီအာ တင်တဲ့ မြန်မာတွေ၊ တိုင်းရင်းသားတွေထဲမှာ ဘယ်နှယောက် ပီအာ ရပြီး ဘယ်နှယောက် ရီဂျက် ထိသလဲ။ ( ကျနော့် ဝန်ကျင်မှာတော့ ရီဂျက် ထိသူတွေပဲ များနေတယ် )
၂။ စီတီဇင် လျှောက်လွှာ တင်တဲ့ မြန်မာတွေ၊ တိုင်းရင်းသားတွေထဲမှာ ဘယ်နှယောက် စီတီဇင် ရပြီး ဘယ်နှယောက် ရီဂျက် ထိသလဲ။ ( အတွင်း သတင်း သဲ့သဲ့ ကြားရတာကတော့ မြန်မာတွေ အတွက် ကိုယ်တာ ကုန်ပြီ တဲ့။ ဘယ်လောက် မှန်မလဲတော့ မသိဘူး ။ ရီဂျက် ထိတယ် ဆိုတဲ့ အသံတွေပဲ ကြား ကြားနေရတယ် )

ဒါပေမယ့် ..ဒါပေမယ့် ..... ဒါပေမယ့် ... ဒါပေမယ့်......

ကျနော်သိတဲ့ မန္တလေးက ကျောင်းသား ( ကြီး ) ကိုတော့ စီတီဇင် ဘာလို့ မယူသေးတာလဲ၊ စီတီဇင်ဖြစ်သွားရင် ဘယ်လို အခွင့်အရေးတွေ ရမယ် စသဖြင့် ပြောနေပါသတဲ့။ ပြောမှပေါ့။ အိုင်တီနဲ့ ပီအိတ် ( ခ်ျ ) ဒီ ကြီးကိုး။ စင်္ကာပူကြိုက်။ သူ့ကျပြန်တော့ " စင်္ကာပူ " က ရင်မခုန်လောက်ပါဘူး တဲ့။ သူ့ကို လိုချင်တာ၊ ပြန်သွားမှာ စိုးတာပေါ့။ နောက်ပြီး အနောက်ကုမ္ပဏီကြီးတစ်ခု မှာ မန်နေဂျာ ဖြစ်နေတဲ့ မြန်မာ မလေး တစ်ယောက်။ စင်္ကာပူရဲ့ ထိပ်သီး ( တက်သစ်စ )မိန်းကလေး ဆယ်ယောက်ထဲမှာ ပါတယ်။ သူ့ကိုလည်း ပြန်သွားမှာ စိုးတာပေါ့။ ( ဒါကြောင့် ယေဘုယျ " စံ " ရာနှုန်းပြည့် မမှန်ဘူးပြောတာ။ ) အဲသလို အောက်စတန်းဒင်း မဟုတ်ရင်တော့ ...... အားနာတယ်။

original photo

ဒီလို ပီအာတွေ စီတီဇင်တွေ ရီဂျက်ထိတာရဲ့ အကြောင်းက ဘာတွေ ဖြစ်မလဲ။
၁ ။ စင်္ကာပူကိုယ်တိုင် ခြေလွန် လက်လွန် တရုတ်၊ အိန္ဒီယန်းတွေကို လက်ခံမိတာ။ အခုမှ လူပြန်ရွေးပြီး လက်ခံချင်တာ။ ဒါက ယေဘုယျ " စံ "။ ( ငါတို့တော့ လက်လွန်သွားပြီ၊ မစွံတဲ့ကောင်တွေ ပြန်လွှတ်မယ် လို့ အစိုးရက ပြောနေပါ့မလား။ ဒါထက် အ တဲ့လူတွေ ယုံ၊ ကြားလို့လည်းကောင်း စင်္ကာပူက မဲရစ်တို ခရက်တစ် ဆိုဆိုက်တီ လို့ပဲ ပြောမှာပေါ့။ မတရားဘူးတွေ ဘာတွေ လုပ်မနေနဲ့ ၊အဲဒါ နိုင်ငံရေး ။)
၂။ မြန်မာတွေကို ထိတာကျတော့ တစ် အချက်ကြောင့် ရော ပြောင်းလဲလာတဲ့ ကျနော်တို့ နိုင်ငံရေးကြောင့် ရော ပဲ။

ဒါတွေဟာ ပြောင်းလဲလာတဲ့ ကျနော်တို့ နိုင်ငံရေးကြောင့် ကျနော်တို့ ပြန်ပေးရတဲ့ လျော်ကြေးတွေလို့ ခံယူပါတယ်။ ဒီ လျော်ကြေးမျိုးကိုတော့ ရက်ရက် ရောရော ပေးပါရဲ့။ ပေးရတာ တန်တယ်။

ကျနော်တို့ ဒုက္ခရောက်စဉ် အလုပ်ပေး၊ ထမင်းကျွေခဲ့တဲ့ စင်္ကာပူကို မုန်းလို့၊ နာကျည်းလို့ ဒီဆောင်းပါးကို ရေးနေတာ မဟုတ်ပါဘူး။ လူငယ်တွေ သုံးသပ်နိုင်ဖို့ပါ။ ကျနော့်ထက် ပညာကြီး၊ အသက်ကြီး၊ ဆရာကြီး ၊ ဆရာမကြီးတွေ ဖတ်ဖို့ မဟုတ်ပါဘူး။ မြန်မာပြည် ပြီးရင် စင်္ကာပူကို အချစ်ဆုံး၊ ကျေးဇူး အတင်ဆုံးပါ။ ဒါပေမယ့် ရေးစရာ ရှိလာရင်တော့ ( သူတို့ကို ပုတ်ခတ်တာ မပါဘဲ ) ရေးရမှာပါ။ ဘောလုံးပွဲ တစ်ပွဲမှာ မြန်မာက ရှုံးထွက်၊ နိုင်လည်းထွက်။ စင်္ကာပူက မြန်မာကို နိုင်ရင် တက် ဆိုရင် အဆဲခံပြီး စင်္ကာပူကို အားပေးရဲပါတယ်။ ဒါပေမယ့် စင်္ကာပူ နဲ့ မြန်မာ နိုင်သူတက် ဆိုရင်တော့ " ဆောရီးပဲ စင်္ကာပူ " ပါ။ နှလုံးသား နဲ့ ထမင်းခွက် တန်းတူတော့ မထားနိုင်ပါဘူး။

ဒီဆောင်းပါး ရေးရလို့ တန်ခိုးရှင် တစ်ယောက်ယောက်ကများ အလိုချင်ဆုံး ဆု နှစ်ဆုတောင်းပါ ဆိုခဲ့ရင် ( နှစ်ဆုထက်လည်း ပိုလို့ မရဘူး ဆိုခဲ့ရင် ) နိုင်ငံတော်အတွက် တောင်းချင်ပါရဲ့

╰⊰⊹✿ သမ္မတကြီး ကျန်းမာပါစေ ✿⊹⊱╮
╰⊰⊹✿ ဒေါ်စု (အန်တီစု ၊ အမေစု ) ကျန်းမာပါစေ ✿⊹⊱╮

စင်္ကာပူကို လာသင့် မလာသင့်

ဇင်ဝေသော်

Read more