အိုင်ကျူ ၂ အီးကျူ ၄(ပင်နယ်တီအဆုံးအဖြတ်)

က။ ။ မင်းတို့အထဲမှာ ဘယ်အကောင်က ငါနဲ့ အိုင်ကျူပြိုင်ရဲလို့လဲ၊ ပြိုင်ရဲတဲ့ကောင် ထွက်ခဲ့လေ"

ခ။ ။ လုပ်မနေပါနဲ့ကွာ၊ မင်းနဲ့ အိုင်ကျူယှဉ်နိုင်တဲ့ကောင် တို့အထဲမှာ မရှိပါဘူး။ ဒါ့ကြောင့် အားလုံးငြိမ်နေကြတာပေါ့။

က။ ။ အေးလေကွာ၊ မယှဉ်ရဲရင်လည်း ငြိမ်ငြိမ်နေပေ့ါ။ မင်း မသိလို့။ ဟိုကောင်က တမှောင့်ရယ်၊ တောင်ပြောမြောက်ပြောနဲ့။

ခ။ ။ ထားလိုက်စမ်းပါကွာ။ ဒါနဲ့ ညက နယ်သာလန်နဲ့အာဂျင်တီးနား ဘောလုံးပွဲ ကြည့်နေလို့ ဆရာမ အိမ်စာပေးလိုက်တဲ့သင်္ချာတွေ မတွက်ရသေးဘူးကွာ။ မင်း တွက်ပြီးရင် ငါ့ပြစမ်းပါ။

က။ ။ ငါလည်း မတွက်ရသေးဘူး။

ခ။ ။ မတွက်ရသေးလဲ မင်းအိုင်ကျူနဲ့က မခက်ပါဘူးကွာ၊ လုပ်ပါဟ၊ နို့မို့ ငါတို့နှစ်ယောက်စလုံး ကြိမ်ဒဏ်ထိနေဦးမယ်။ မင်းသာ နာရီဝက်အတွင်း ပြီးအောင်တွက်ထား။ ဟိုကောင်တွေ တစ်နာရီကျော်အောင်တွက်ယူရမယ့် ပုစ္ဆာတွေကို မင်း နာရီဝက်အတွင်း ပြီးအောင် တွက်နိုင်တယ်ဆိုတာ ငါ သွားပြောမယ်။

က။ ။ လုပ်မနေနဲ့ ဟေ့ကောင်၊ မိနစ် ၂၀၊ မိနစ် ၂၀ လို့ပြောလိုက်။

နောက် နှစ်ပေါင်း ၂၀ လောက်ကြာပြီး သူတို့လေးတွေ အရွယ်ရောက်တော့
အီးကျူသိပ်ကောင်းပြီး အိုင်ကျူလည်း (က)လောက်မမြင့်ပေမဲ့ အထိုက် အလျောက်မြင့်တဲ့ (ခ) လေးက ကုမ္ပဏီကြီးတစ်ခုမှာ ဘော့စ်ဖြစ်သွားတယ်။
အိုင်ကျူ သိပ်ကောင်းပြီး အီးကျူ နည်းရှာတဲ့ မစ္စတာ (က) ခမျာကတော့ မစ္စတာ (ခ) ရဲ့ ကုမ္ပဏီ၊ အရောင်းမြှင့်တင်ရေး လေ့လာမှု မဟာဗျူဟာဌာနမှာ အရာရှိ ကြီး ဖြစ်သွားသတဲ့။ သူက သချာင်္တော်တယ်မဟုတ်လား။ တွက်နိုင်တယ်လေ။

Sneijder has been very, very quiet thus far. We were at 5-0 this time last night.(Yahoo)

"Siete, siete!" chant the Argentina fans. That means "seven", in case you didn't know. (Euro Sport)

 Don't cry for me Argentina - Madonna

Read more

Máxima Dilemma

ရွှေခြံရေ....
ဒီည ဘယ်အသင်းကို အားပေးရမလဲနဲ့ပတ်သက်လို့ ဝေခွဲရအခက်ဆုံး ပုဂ္ဂိုလ် ကတော့ ဟော်လန်ရဲ့ တော်ဝင်မိဖုရား Máxima ပါပဲ။ ဒါကြောင့် ဟော်လန်နဲ့ အာဂျင်တီးနား ပရိသတ်တွေကြားမှာ ရေပန်းစားနေတာက Máxima Dilemma တဲ့။ သူမက ဟော်လန်ဘုရင်ရဲ့ တော်ဝင်မိဖုရားဖြစ်နေသလို သူမရဲ့ မွေးရပ်မြေ က မက်စီတို့ အာဂျင်တီးနားဖြစ်နေဆိုပဲ။
ဒီတော့ သူမကတော့ လင့်ဖက်လိုက်တော့ မောင်ကနာ၊ မောင့်ဖက်လိုက်တော့ လင်ကနာမို့ ကြားနေမယ့်သဘောပါပဲ။

ဒီ နှစ်သင်းရဲ့ အနေအထားကလည်း ကလီးယား ဖေးဘရိတ် မရှိလှပါဘူး။ ဟော် လန်က ကမ္ဘာ့ဖလားဇာတ်ခုံပေါ်ကို "ချန်ပီယံဆိုတာ ဘယ်အကောင်လဲကွ" ဆိုတဲ့ အချိုးနဲ့ မီးကုန်ယမ်းကုန်ကြမ်း ဝင်လာခဲ့ပြီး စပိန်ရဲ့ ရင်ဝကို ပစ်ထည့်လိုက်ပေမဲ့ တဖြည်းဖြည်းနဲ့ မီးတွေယမ်းတွေကုန် သွားသလိုလိုပဲ။ ဒါပေမဲ့ သူ့မှာ ရော်ဘင်နဲ့ ရှနိုင်ဒါရှိနေတယ်(ဗန်ပါစီကို သိပ်အမှတ် မပေးမိဘူး)။ အထူးသဖြင့် အကောင် ကြီးကြိုက် ရှနိုင်ဒါရဲ့ခြေက အခုမှ တက်ရိပ်သမ်းလာသလားလို့။

အာဂျင်တီးနားက မက်စီ ရာနှုန်းပြည့်ရှိနေပေမဲ့ ဒီ မာရီးယား မရှိတဲ့ မက်စီဟာ ဂျရတ်နဲ့ဝေးသွားတဲ့ ဖနန်ဒို တောရက်စ်များ ဖြစ်နေမလား။ ဘယ်သူမှမရှိလည်းရတယ်ဆိုတဲ့ လဲဂျင့်ကြီး မာရာဒိုနာပဲ ဖြစ်လာမလား။ အဂွေးရိုး ပြန်ဝင်လာလို့ အချိန်ပြည့် မကစားနိုင်သေးဘူးဆိုရင်တောင် တစ်တပ် တစ်အားရှိမှာတော့ အမှန်ပဲ။ တကယ်က ဘရာဇီးထက် အာဂျင်တီးနား ကစား ဟန်ကို ပိုပြီး ခံတွင်းတွေမိတယ်။ ဒီအတိုင်းဆို အာဂျင်တီးနားက ထိုင်မယ် လို့ တွေးမိတုံးမှာ............

ပြိုကျလာမယ့် ဗုံသံစွဲပရိသတ်က ဟော်လန်ဖက်မှာ ရှိနေလိမ့်မယ်။ သူတို့ ထွက်ရ လို့ နားကြည်းခံခက်ဖြစ်ချိန် ခါးခါးတူးတူး အိမ်နီးချင်းကြီး ဖလားမသွားရင် ဆမ် ဘာတွေ ပိုပြီး ယူကြုံးမရ ဖြစ်နေကြမှာ။ ဒီတော့ ဒီညတော့ ဟော်လန်ကို ရင်ဖွင့် အားပေးကြလိမ့်မယ်။
"ဒီတစ်ညတော့ မင်းညဖြစ်ပါစေ" ပေါ့။
အဲသလိုတွေလေ။ ဒါ့ကြောင့် အမေရိကတိုက်မှာ သွားပြီးသောင်းကြမ်းတဲ့ ဥရောပဘူလီ ဗိုလ်လုပွဲများ ဖြစ်နေမလား????။

ဘာပဲဆိုဆို ကိုယ်တိုင်လည်း Máxima Dilemma ခံစားရပါတယ်။ မရွေးရဲ ဘူးလေ။ ကြားနေလိုက်မယ်။
ဒီလို မရဘူး။ မဖြစ်မနေ ရွေးကိုရွေးရမယ်လို့ ဓားမိုးပြီး အရွေးခိုင်းတာမျိုး ဆိုရင်တော့
ကဝေမကြီး မက်ဒေါနားရဲ့"Don't cry for me Argentina" သီချင်းကို ပဲ ကောက်ဆိုပြလိုက်မယ်။ ဘာမှ ပြောမနေတော့ဘူး။

Read more

ယနေ့ ဂျီဟတ်မှတ်စု

ပြင်သစ် ပြည်ထဲရေးဝန်ကြီးက အကြမ်းဖက်မှုနဲ့ ဆက်စပ်နေသူတွေကို ခရီး ထွက်ခွင့် ပိတ်ပင်နိုင်ဖို့ ဥပဒေမူကြမ်း တင်ပြ။

ဆီးရီးယား အကြမ်းဖက်မှုမှာ ပြင်သစ်နိုင်ငံသား၊ လူငယ် ရှစ်ရာခန့်ပါဝင်။
ဒီအထဲက ၆၀၀ ခန့်ဟာ ဆီးရီးယားမှာရှိနေ (သို့) ဆီးရီးယားကို သွားရောက် ဖို့ ပြင်ဆင်နေ၊
တစ်ရာခန့်က ဆီးရီးယားမှ ပြင်သစ်သို့ ပြန်လာနေကြ။

အကြမ်းဖက်သမားဦးရေ နှစ်သောင်းသုံးထောင်အနက် ခွန်နှစ်ထောင်ခန့်ဟာ အမေရိကန်နိုင်ငံသားများ အပါအဝင် နိုင်ငံခြားသား အကြမ်းဖက်စစ်သားတွေဖြစ်။

ဆီးရီးယားရှိ အကြမ်းဖက်သမားများအတွက် ထောက်ပံ့ရန် အမျိုးသမီး အတွင်း ခံဘောင်းဘီ(ကွန်ဒုံးထဲတွင်) ခိုးဝှက်ယူလာသည့် ယူရိုငွေ နှစ်သောင်း ကို အသက် ၂၇ နှစ်အရွယ်ရှိ Nawel Msaad ဆိုသည့် အမျိုးသမီးထံမှ အင်္ဂလန်၊ ဟီသရူးလေဆိပ်မှာ ဖမ်းဆီးမိ။
REUTERS, AGENCE FRANCE PRESS

Read more

ရောင်စဉ် ၇ သွယ် ဂျာမဏီ

ရွှေခြံရေ
ရက်ကော့တွေအားလုံး ကျိုးကုန်ပြီ။
အရက်စက်ဆုံး မိနစ် ၃၀၊ မရှိဘူးသေးတဲ့ ဆီမီး၊ အမြင့်ဆုံးတောင်ထိပ်ကို ရောက်သွားတဲ့ ကလိုဆေး။
ဂျာမဏီရဲ့ အင်ဂျင်ပါဝါက မာစီးဒီးနဲ့ ဘီအမ်ဒဘယ်လျူ တွဲလွှတ်လိုက်ဟန်ပါပဲ။ တားရဲရင် တား။
ဘရာဇီးက ဆီးရီးယားဆန်ဆန် ကစားပြီး ဂျာမဏီက တချိန်က ဘရာဇီးဆန်ဆန် ကစားသွားတယ်။

မျက်လုံးတွေ သိပ်မပွတ်ပါနဲ့ မိတ္ထီလာက ဇော်ကိုကိုလတ်ရာ
အဲဒါ တကယ့်အဖြစ်အမှန်ပါ၊ ဘရာဇီး ၁၊ ဂျာမဏီ ၇။ နိုး။ ပေါချောင်ကောင်း ပင်နယ်တီတွေ မပါပါဘူး။
မင်းက လာစိန်ခေါ်ပေမဲ့ ညက မလောင်းမိကြဘူးနော်၊ အနည်းဆုံး နားရွက်ကို တံတွေးဆွတ်ကြေးလောက်တော့ လောင်းလိုက်သင့်တယ်။ ဒါဆို မင်း နားရွက်လေးတွေကို အားနာစရာ။ ၇ ကြိမ်။
အိမ်ရှင်ဆိုတာတစ်ခုထဲနဲ့ ကလေးကလားဆန်ဆန် ကစားကွက်တွေ ခင်းကျင်းခဲ့ တယ်။ အထူးသဖြင့် အသင်းခေါင်းဆောင် လူဝစ်နဲ့ မာဆယ်လို။
ဂျာမဏီရဲ့ သိပ္ပံဆန်ဆန် တိကျမှု၊ အနုပညာမြောက်မြောက် အတို့အထိ။ မှော် ဆန်ဆန် ကန်သွင်းမှု။
လူတိုင်းပါးစပ်မှာ အိုး မိုင်း ဂေါ့ဒ်။

နေမာက ကံဆိုးလို့ ဒဏ်ရာရ၊ ကံကောင်းလို့ အရှက်မကွဲ။ ဝမ်းနည်းစရာ။ ဂျာမဏီအတွက် ဝမ်းသာပေးလိုက်တယ်။
နေမာစိတ်ဓာတ်နဲ့ ဘရာဇီးကို အားသစ်လောင်းကြမတဲ့။ ရနိုင်ပါ့မလား။ နေမာ၊ ဆစ်လ်ဗာပါလည်း မာစီးဒီးနဲ့ ဘီအမ်ဒဘယ်လျူ တွဲစပ်ပါဝါကို မထိမ်းနိုင်ပါဘူး။
ဒါနဲ့ စကားမစပ် စိတ်ဓာတ်တစ်ခုထဲနဲ့ နိုင်နိုင်ရင် တို့ မြန်မာတွေလည်း အနည်းဆုံး ဆီမီးအဆင့်တော့ ရောက်မှာပေါ့။
ချစ်သမှ ၃၂ ကောဋ္ဌာသစုံအောင်ချစ်ကြတယ်။

အောင်မင်းဇော်က ဂိုးရလာဒ်ကိုပဲကြည့်ရင် ဘရာဇီးပရိသတ်ရဲ့ လက်ခုပ်သံကို ကြားမှာမဟုတ်ဘူး။
ဘောလုံးနဲ့ ရူး၊ ဘောလုံးနဲ့ အသက်ရှူ၊
ဘောလုံးနဲ့ ကော်ဖီကြိတ်၊ ဘောလုံးအတွက် အသက်ပေးမယ့် နေးရှင်းလေ။
သုံးဂိုးလည်းကျော်ရော ဂျာမဏီကို ရိုကျိုး၊ လေးစား၊ လက်မြှောက်စွာ လက်ခုပ် လက်ဝါး ပေးကြတယ်။ သူတို့စိတ်ဓာတ်က ချစ်စရာ။
အိမ်ရှင် ပီတယ်၊ မြို့ကြီးသားဆန်တယ် ဆိုရမလား။ နိုး၊ ဒိုင်ကို မဆဲ၊ ခဲနဲ့မပေါက်သလို ခုံတွေလည်း ပိုနေမြဲ ကျားနေမမြဲပါ။ ကွင်းတွင်း ကွင်းပြင်မှာ မီးလျံတွေ မတွေ့ရဘူး။

တစ်ခု ဆုတောင်းချင်တာက
သမိုင်းဝင် အရှုံး၊
သမိုင်းဝင် ညံ့ဖျင်းမှု၊
သမိုင်းဝင် ခေါင်းမာမှု၊
သမိုင်းဝင် အလွဲ၊
သမိုင်းဝင် မပါးနပ်မှုတွေရဲ့နောက်မှာ ဆူးဆိုက်ဒ်စတဲ့ ဆိုးကျိုးတွေ ပါမလာပါစေနဲ့ ဆိုတာပါပဲ။
နိုး သင့်ခ်ပါ စကော်လာရီ။ လူကြီးမင်း ချဉ်းကပ်ပုံတွေ လွဲမှားနေချက်က လူငယ် စကားနဲ့ဆို ၉ ကျော်တယ်။
အသင်းဟာ ဂျာမဏီကို မမီပေမဲ့ ဒီ အဖြေအထိ ရောက်မလာသင့်ဘူး။
ဦးနှောက်နဲ့လူ ဘယ်သူ ခန့်မှန်းရဲမှာလဲ။ ခွန် တစ်။

Read more

တော်ကြဦးစို့ ရွှေခြံရေ ကမ္ဘာ့ဖလားဖက် လှည့်ဦးမယ်

မင်းတို့ ဖတ်မိမလား မသိဘူး။ ဟော်လန်ဂိုးသမား ကရူးလ်(Krul )က ပင်နယ်တီ ကန်မယ့် ကော့စတာရီကာ ဘောလုံးသမားတွေကို မကန်ခင် တိုးတိုးလေး သွားပြီး ကပ်ကပ်ပြောတာတဲ့။
"လုပ်မနေနဲ့ မင်းတို့ ဘယ်ဖက်ကန်မယ်ဆိုတာ ငါသိတယ်" ဆိုတာမျိုးပေါ့။ ဖီဖာဥပဒေက တားမြစ်တာ မရှိလို့နေမှာ။
စိတ်လှည့်စားတာလေ။ ဟိုကောင်တွေ ယောင်တောင်တောင်ဖြစ်ပြီး ရှုံးရော။
အီးကျူ မနိုင်တာလေ။ ပွဲကြီးကစားရင် အီးကျူ နိုင်မှရတယ်ဆိုတဲ့ သင်္ခန်းစာပဲ။ ထားပါတော့ မနက်ဖြန်မှ မက်စီရအောင်......

ယာဟူးက ဘောလုံးသံတမန် မစ္စတာ မော်ရင်ညိုက အိမ်ရှင်နဲ့အတူ ဘရာဇီး ချန်ပီယံဖြစ်မယ် ဆိုလိုက်လို့ ခပ်ငေါက်ငေါက် ကွန်မင့်တွေ တော်တော်တက်လာ တယ်။ အထူးသဖြင့် ဥရောပနဲ့ အာဂျင်တီးနားကဖြစ်မယ်။ အခြားဆရာကြီးတွေအများစုကတော့ နေမာနဲ့ ဆစ်လ်ဗာမပါလို့ ဂျာမဏီ ကို တောင် အပေါ်ကြေးကထားနေကြတယ်။ တကယ်က နေမာပါရင်တောင် အိမ်ရှင်အားသာချက်ကလွဲရင် ဂျာမန်တွေထက် သာတယ်မထင်မိဘူး။
ခါတိုင်း ဘရာဇီး မနိုင်တာက ဂိုးပေါက်လွဲတာတွေကြောင့်လေ။ အခုဟာက ဂိုးရှူး ခွင့်ကို မဖန်တီးနိုင်လို့ အဝေးက ဆော်နေရတာ။ ဒီနည်းနဲ့တော့ အရပ်အရှည် ဆုံးဂျာမန်တွေကို နိုင်ဖို့ခက်မယ်။
ကြပ်မယ်၊ သရေထင်တယ်။ မဖြစ်မနေ ရွေးရရင် ဂျာမန်ကိုရွေးမယ်။
၁-၀ သို့ ၂-၁။

Read more

@@@ အချစ်များစွာနဲ့ လက်သီးသုံးချက်@@@

မန္တလေး၊ သာသနာ့တက္ကသိုလ်ဘဝက နောင်တော်ကြီး ဦးခေမာဝံသကို မှတ်မိ ပါသေးသည်။ သူက ဝေါသား၊ မစိုးရိမ်ထွက်၊ အရပ်ပုပု၊ သီဟနာဒက မြင်းမူသား၊ မိုးကောင်းထွက်၊ အရပ်ပိန်ရှည်ရှည်။ ရုပ်ရည်၊ မွေးရပ်မြေ အချိုးအစားဝေးကွာစွာ စိတ်ချင်း နီးစပ်ခဲ့ကြရသည့် ငါးနှစ်တာကာလ။ နှစ်ယောက်စလုံး တစ်နှစ်စီ စာမေး ပွဲ ကျသည်အထိ။

သူနဲ့စတင်ပေါင်းမိသည့် ဇာတ်ကြောင်းက မလှမပ။ အပုတ်ချတာမဟုတ်၊ လိုအပ် လို့ ပြောရဦးမည်။ သူ့ဒကာတစ်ယောက်က ချဲပေါက်ပြီး အလျော်မရ၊ ချဲထိုင်က မလျော်လို့ဆိုပြီး ကျောင်းရောက်လာသည်။ မင်းလည်း ငါနဲ့လိုက်ခဲ့ကွာဆိုလို့ လိုက်သွားသည်။ ချဲဒိုင်က အခြားသူမဟုတ်၊ ကုသိုလ်တော်ဘေး၊ အမှတ် ၆(ထင်တာပဲ၊ ၄ လားမမှတ်မိ) ကားဂိတ်က ထမင်းဆိုင်လင်မယားဖြစ်နေသည်။ အမျိုသမီးက ကလေးနို့တိုက်ရင်း ငိုပြီးတောင်းပန်သည်၊ ယောက်ျားက အတွေ့ မခံ။ ဖြစ်ပုံက လူလည်ကျပြီးမလျော်တာတော့မဟုတ်၊ အစားမှားပြီး ဒိုင်ပွင့်တာဖြစ် သည်။ နောက်ကလိုက်ရသူဆိုတော့ ကိုယ့်ဆရာမီးစဉ်ကိုကြည့် ပြီး ကရမည်ဟု စဉ်းစားနေလိုက်သည်။
အများအားဖြင့် မဟုတ်မခံဝေါသားက တကယ်မလျော်နိုင်တာမှန်းလည်းသိရော ဒါဆိုလည်း တစ်ဝက်လျော်၊ ကျန်တာ ထားလိုက်တော့ဟုဆိုကာ သူ့ဒကာကို တရားချ ပြန်လွှတ်လိုက်သည်။
"အခု မရှိသေးပါ၊ ဖြည်းဖြည်းတော့ ပေးပါမည်"ဟု သူမက ကတိပြုသည်။

Artist Aung Kyaw Htet

တကယ့်အရေးကျတော့ သူက သွေးအေးသားပဲဆိုပြီး သူနဲ့ပဲအများဆုံး တွဲဖြစ်သည်။
နောက်ပြီး သီဟနာဒက အညာသားမို့ ဆင်းရဲသည်။ သူက အောက်သားမို့ သုံးနိုင် စွဲနိုင်သည်။ မနက်ပိုင်းလဘက်ရည်ဆိုင်သွားလျင် သူကပဲ ရှင်းနေရတတ် သည်။ ကျေူးဇူးကြီးပါသည်။ ဒါတင်မက၊ သူ့အခန်းက ဧည့်သည်လည်း အဝင် အထွက်များသည်။
သူ့မှာ တစ်ခု အားနည်းတာက(ကိုယ့် သတ်မှတ်ချက် သက်သက်သာဖြစ်သည်) သူ့အခန်းမှာ ကြက်မွှေးမရှိ၊ ဈေးမကြီးဘဲ မဝယ်ခြင်းဖြစ်သည်။ နှမြောတာမဟုတ် ပါ၊ ဘာမှန်းလည်းမသိပါ။ ကြက်မွှေးဘိုးက လဘက်ရည် တစ်မနက်သောက် စာပင် မရှိ။
သူ့မှာ မရှိလို့ ကိုယ့်မှာရှိသလားဆိုတော့ ရှိသည်။ ဒကာမတစ်ယောက်က ညစ်ပတ်လွန်းသော အခန်းကိုကြည့်ပြီး ပညာပေးသည့်သဘောဖြင့် လှူထားခြင်းကြောင့် ရှိနေခြင်းဖြစ်သည်။ မည်သို့ဖြစ်စေ၊ သီဟနာဒအခန်းမှာ ကြက်မွှေးရှိသည်။ သူ့မှာ မရှိ။ နန်းရှေ့ဈေးရောက်တော့ သူ့ကိုအဝယ်ခိုင်းသည်။ မသယ်ချင်ရင် တပည့်တော်သယ်ခဲ့ပါမယ်လို့ ဆိုသော်လည်း ဆရာက မဝယ်ပါ။

သူ့နေစဉ်အလုပ်က မနက် ၉ နာရီခွဲမှာ ရေမချိုးခင် အခန်း သန့်ရှင်းရေး လုပ်ခြင်းဖြစ်သည်။ သန့်ရှင်းရေးမလုပ်မီ တံခါးလာခေါက်ပြီး ကြက်မွှေး လာယူ သည်။ ဒါက ပုံသေ။ မဖောက်လွဲတဲ့ အမှန်တရား။
တစ်မနက်မှာတော့ အခြားသူငယ်ချင်းတွေနဲ့စကားပြောစဉ် အပြင်မှ တံခါးခေါက် သည်။ ဒါ့ကြောင့် သူဝင်မလာမီ သူငယ်ချင်းရဟန်းတွေကို
"ဒါ ဦးခေမာဝံသ၊ သူ ကြက်မွှေးလာယူတာ"လို့ ပြောတော့
"မင်းဟာက သေချာလှချည်လား"
"သေချာတယ်၊ မယုံရင်ကြည့်၊ ပရမတ္ထသစ္စာလိုပဲ"
ပြောအပြီး တံခါးဖွင့်ပေးလိုက်တော့ ပြောတဲ့အတိုင်းဖြစ်နေလို့ အားလုံး ရယ်ကြရ သည်။ ဆရာသမားကတော့ ဘာကို ရယ်မှန်းမသိ၊ ကြောင်အမ်းအမ်းဖြစ်နေသည်။
နောက် အကြောင်းစုံ ရှင်းပြတော့မှ
"ခွေးမသား၊ ငါ့ကိုအပုတ်ချတာပေါ့လေ" ဆိုပြီး ပြုံးပြုံးကြီး လက်သီးနဲ့ သုံးချက် တိတိ လက်မောင်းကို ထိုးပါသည်။ သီဟနာဒလည်း မရှောင်ပါ။ ရယ်ပြီး အထိုးခံလိုက်ပါသည်။ မုန်းလို့မှ မဟုတ်ဘဲ။

သို့သော်
ဧည့်သည်အလာများတဲ့ သူ့အခန်းမှာ ဧည့်သည်တွေလာပြီး ပြန်ရင် သူတို့ အမှိုက် ကို သူတို့ဘာသာပြန်ရှင်းသွားနိုင်ဖို့ ကြက်မွှေးလေးတစ်ချောင်း အခန်းထောင့်မှာ ရှိနေရင်တော့ ကောင်းမယ်ဆိုပြီး ကြုံတိုင်းလည်း လက်သီးနဲ့အထိုးခံပြီး ရယ်စရာ လိုလို အတည်လိုလို ပြောနေဖြစ်တာပါပဲ။

ဘာပဲဖြစ်ဖြစ် ကြက်မွှေးတစ်ချောင်း ရှိခြင်း၊ မရှိခြင်းက ရဟန်းနှစ်ပါးရဲ့ ဆက်ဆံရေးကို ဘာမှထိခိုက်အောင် မလုပ်နိုင်ခဲ့ပါဘူး။
ဦးခေမာဝံသသည်လည်းကောင်း
သီဟနာဒသည်လည်းကောင်း
ကြက်မွှေးတစ်ချောင်းသည်လည်းကောင်း
၁၉၉၆ ခုနှစ်တွေက မန္တလေး၊ သာသနာ့တက္ကသိုလ်ကြီးထဲမှာ တကယ် ရှိခဲ့ကြပါ၏။

Read more

ဘာမှမရှိသော ပန်းတိုင်များ

ပန်းတိုင်တိုင်း ဘာမှမရှိခြင်းလား၊ ကိုယ်က မတွေ့ခြင်းလား၊ တွေ့တာကိုပဲ မတွယ်ငင်မိခြင်း၊ တန်ဖိုးသတ်မှတ်ချက် မှားယွင်းခြင်းလား မေးခွန်းများ စွာ ယောက်ယက်ခတ်နေနိုင်ပါသည်။

စိတ်ဝင်စားမည်ဆိုလျင် ဟျွန်ဂျူး (သို့) မဓမ္မဒဿီအကြောင်း ပြောပြချင်ပါသည်။ သူမသည် ပန်းတိုင်အများကြီးဆီကို ရောက်ခဲ့ပြီး သူမ ရောက်ခဲ့ဖူးသည့် ပန်းတိုင်များမှာလည်း ဘာမှရှိမနေကြောင်း ရှာဖွေတွေ့ရှိခဲ့သူဖြစ်ပါသည်။
သူမနဲ့ရင်းနှီးသိကြွမ်းစဉ် သူမက ဟွန်ဂျူးဘဝမှ မဓမ္မဒဿီအဖြစ် ကူးပြောင်းချိန်ဖြစ် ပါသည်။
သူမက ပူဆန်မြို့သူ၊ အိပ်မက်ကြီးသူ၊ အရဲစွန့်ရဲသူမိန်းကလေးဖြစ်ပါသည်။ သူမရဲ့ ဆယ်ကျော်သက်အိပ်မက်က ဆိုးလ်တက္ကသိုလ်ရောက်ရှိရေးဖြစ်ခဲ့သည်။ ထက်မြက်သည့်မိန်းကလေးဖြစ်သည်အားလျော်စွာ သူမအိပ်မက်ကလည်း တကယ်ဖြစ်လာခဲ့ပါသည်။ သို့သာ် သူမ တကယ်တန်း ဆိုးလ်တက္ကသိုလ်ကို ရောက်ရှိသည့်အခါ ထို ဆိုးလ်တက္ကသိုလ်ထဲမှာ သူမ အိပ်မက်ထဲကအရာတွေကို ရှာမတွေ့ခဲ့ဟု ဆိုပါသည်။ သူမ အိပ်မက်ထဲကအရာတွေသည် ဘာတွေလဲဆိုတာတော့ မသိပါ။ သိစရာလည်း မလိုပါ။
သူမ ဆိုးလ်တက္ကသိုလ်က ပေးအပ်သည့်ဘွဲ့ မရမီအချိန်လေးမှာပင် သူမရဲ့အိပ်မက်ကလည်း တဆင့် နယ်ချဲ့လာခဲ့ပြန်ပါသည်။ ထိုအိပ်မက်က ပညာသင်ဆုဖြင့် အမေရိက တက္ကသိုလ်ကို သွားရောက်ရေး ဖြစ်လာခဲ့သည်။ သူမ အိပ်မက်ထဲကအရာတွေ အမေရိကမှာ ရှိနေမလားလို့ ယူဆနေခြင်းကြောင့် ဖြစ်သည်ဟု သူမကဆိုပါသည်။
အမှန်လည်း အမေရိကကို ပညာတော်သင် သွားရောက်ခွင့် သူမ ရရှိခဲ့ပြန်ပါသည်။ အောင်မြင်မှုအသီးအပွင့်ကို အချိန်အတော်ကြာအောင် သူမ သာယာနေမိခဲ့သည်။ သို့သော် ထို သာယာမှုကလည်း တာရှည်ခံခဲ့ဟန်မတူပါ။

အတန်ငယ် အရွယ်ရလာတဲ့ ဟွန်ဂျူးဟာ ဘဝအဓိပ္ပါယ်နဲ့ဆက်စပ်
တဲ့ မေးခွန်းတွေ မေးလာနေပြီဖြစ်ပါသည်။
ဘဝကဘာလဲ။ ပျော်ရွှင်မှုက ဘာလဲ။
ထိုအခါ အမေရိကမှာလည်း သူမ အိပ်မက်ထဲကအရာတွေ မရှိပြန်တော့ပါ။ မရှိတော့သည့်အခါ သူမရဲ့ အိပ်မက်အသစ်နောက်ဆီ လိုက်လာပြန်တော့သည်၊ လိုက်ရင်းဖြင့် သူမတွေ့သိလိုက်ရသည်က တိဘက်တန်ဘာသာရေး အဆုံးအမ များ ဖြစ်တော့သည်။ တိဗက်တန် အဆုံးအမများအောက်မှာ ကြည်နူး ကျေနပ်မှု ရရှိခဲ့သည်ဟုဆိုပါသည်။ သို့သော် အချိန်အတန်ကြာလာသောအခါ သူမသည် ကျေနပ်မှုထက် ဘဝပြတ်မှုကို တောင့်တရင်း ဝိပသနာအခြေခံ တရားကို စတင်ကျင့်သုံးလာခဲ့သည်။ အတန်ငယ် သမာဓိရလာသောအခါ ဆရာပီသသော တိဗက်ဘုန်းတော်ကြီးက ဝိပသနာဆက်လက်အားထုတ် ဖို့ မြန်မာပြည်ကို သွားရောက်ရန် လမ်းညွှန်လာခဲ့သည်။

Artist Aung Kyaw Htet

ထို့ကြောင့် သူမရဲ့ ဘွဲလွန်သင်တန်အပြီးမှာ အမေရိကမှတဆင့် ကိုရီယားနဲ့ မဝေးလှသည့် မြန်မာနိုင်ငံသို့ ပြန်လည်ရောက်ရှိလာပါတော့သည်။
ရောက်ရှိလာပြီး နာမည်ကြီး ရိပ်သာတစ်ခုမှာ သုံးလခန့်တရားအားထုတ်အပြီးမှာ သီလရှင်ဝတ်ရန်၊ မြန်မာစာသင်ရန် ဆုံးဖြတ်ချက်ချလိုက်သည်။ သီလရှင်ဝတ်ခြင်းက မဆိုင်လှသော်လည်း မြန်မာစာသင်ရန် ဆုံးဖြတ်ချက် ကတော့ သူမနှင့် သိကြွမ်းရင်းနှီးဖို့ အကြောင်းရင်းဖြစ်လာခဲ့ပါသည်။ သူမက အသက်နှစ်နှစ်ခန့်ငယ်သော်လည်း အတွေ့အကြုံက အများကြီးသာနေသဖြင့် သူမဆီက လေ့လာစရာများလည်း အများအပြားရှိနေခဲ့ပါသည်။ မိမိသည် သီအိုရီများဖြင့် နှောင်ရစ်နေသည့် ရဟန်းငယ်တစ်ပါးမျှသာဖြစ်ပါသည်။

ထို့အပြင် ကိုယ်တိုင်လည်း ဘာမှမရှိသည့်ပန်းတိုင်များအကြောင်းကို လမ်းခုလပ် မှာရပ်ရင်း တွေးတောမိစအချိန်ဖြစ်နေသဖြင့် ဘဝအပေါ် လက်ခံမှု အမြင်များ
လည်း တူညီနေသည်။ ဤအချက်ကြောင့်ပင် အပြန်အလှန် နားလည်မှုလည်း ပိုရှိလာခဲ့ကြသည်။
(ဆွမ်းစားချိန်ရောက်လာသဖြင့် နောက်မှဆက်ရန်)

Read more

ဆရာကြီး ဟဲမင်ဝေးရဲ့ "The Sun also rises"

စိတ်ဝင်စားစရာ ဆရာကြီး ဟဲမင်ဝေးရဲ့ "The Sun also rises" စာအုပ်ကြော်ငြာပါ။ အရင့်အရင် ပုံနှိပ်စဉ်က အကြောင်းကြောင်းကြောင့် မပါဝင်ခဲ့ အခန်း တစ်နဲ့ အခြား အပိုင်းတွေပါ ဖြည့်စွက်ထားတယ်လို့ သိရပါတယ်။ အနုပညာမြောက်မြောက်ပြန်နိုင်တဲ့ ဆရာတစ်ယောက်ယောက်က ဘာသာပြန်ရင် သိပ်ကောင်းမယ်။

Read more

မဟာမြတ်မုနိသို့ အိပ်ဖွင့်ပေးစာ

မဟာမြတ်မုနိ ရုပ်ရှင်တော်မြတ်ကြီး ဘုရား.....
တပည့်တော်တို့ ခေတ်လူတွေကို ခွင့်လွှတ်ပေးသနားတော်မူပါဘုရား။ တပည့်တော်တို့ခေတ်ရောက်မှ အရှင်ဘုရားလည်း လောကဓမ်ရှစ်ပါးမှာ ဘယ်အထဲ ထည့်ရမှန်းမသိတဲ့ လောကဓမ်နဲ့ကြုံတွေ့နေတော်မူရလို့ စိတ် မကောင်းပါဘုရား။ ဒါတွေတွေ့နေရတာက အရှင်ဘုရား သားတော်ကြီး တစ်ပါးရဲ့ ဖေ့စ်ဘုတ်ဝေါလ်ပေါ်မှာပါဘုရား။ ဒီ ဖေ့စ်ဘုတ်ဟာ အရှင်ဘုရား သားတော်ကြီးအစစ်လား၊ အတုလားဆိုတာ တပည့်တော် မသိပါဘုရား။ အစစ်ဆိုရင် ဒါတွေကို ဘာလို့ဖျက်မပစ်တာလဲ၊ အတုဆိုရင် ဘာဖြစ်လို့ ငြိမ်နေတာလဲ နားမလည်ပါဘုရား။
ဘာပဲဖြစ်ဖြစ် အရှင်ဘုရားအတွက် စိတ်မကောင်းပါဘုရား။

ဒါပေမဲ့ အရှင်ဘုရားက ကံနည်းနည်းကောင်းတယ်လို့လည်း ဆိုရင် ရပါတယ်ဘုရား။ မြန်မာဘုရင်တွေပင့်လို့ မန္တလေးကိုမကြွခဲ့ဘဲ အရင်နေရာမှာဆိုရင် ကံ ပိုဆိုးသွားနိုင်ပါတယ်ဘုရား။ အာဖဂန်မှာရှိတဲ့ အရှင်ဘုရားရဲ့ နောင်တော်၊ ညီတော်တွေဆိုရင် အရိုးတစ်ခြား အသား တစ်ခြားဖြစ်တော်မူကြရပါတယ်ဘုရား။
အရှင်ဘုရားမှရယ်လည်း မဟုတ်ပါဘုရား။ အရှင်ဘုရားရဲ့ ကောင်တာပါ့တ် မိုဟာမက်ခမျာလည်း အရှင်ဘုရားနဲ့ အလားတူ လောကဓမ်နဲ့ကြုံတွေ့နေရပါ တယ်ဘုရား။
အရှင်ဘုရားက သည်းခံမယ်ဆိုတာတော့ သိတာပေါ့ဘုရား။ ဒါပေမဲ့ ဒါမျိုးကြီးကတော့ ဘယ်ကောင်းမလဲဘုရား။

မေးလျောက်ပါရစေ ဘုရား.....
ဝဋ်မှာအမြဲ ငရဲမှာအပဆိုတာ အမှန်ပဲလား ဘုရား။ ဒါမှမဟုတ် ပြုသူအသစ် ဖြစ်သူအဟောင်းလား ဘုရား။
အရှင်ဘုရားရဲ့ နောက်ဆုံးဝဋ်ကြွေးက ဝမ်းတော်လားခြင်းဆိုရင် အခု ဝဋ်ကြွေးက ဘယ်က ဘယ်လိုရောက်လာတာလဲဘုရား။
နောင်လာနောက်သားတွေအတွက် မျက်နှာညိုတာမျိုး၊ မျက်ရည် လည်တာမျိုးရော ဖြစ်မိပါသလား ဘုရား။
လျှောက်လို့သာလျှောက်ရတာပါ ဒေါသပယ်ပြီးတဲ့အရှင်မြတ်မှာ ဒါတွေ ဘယ်ရှိနိုင်ပါတော့မလဲဘုရား။

ဘာရယ်မဟုတ်ပါဘူးဘုရား။
ဘယ်သူ့ကိုမှ ဘာမှ မပြောလိုပါဘုရား။
ဝမ်းနည်းလွန်းလို့ အရှင်ဘုရားကို တိုင်တည်ရင်ဖွင့်မိတာပါဘုရား။
ပထဝီသမစိတ်တော်နဲ့ သည်းခံတော်မူတတ်တဲ့ အရှင်ဘုရားကိုကြည့်ပြီး အငြိမ်မနေနိုင်တဲ့ မောဃပုရိသ သီဟနာဒအား ခွင့်လွှတ်ပေးတော်မူပါ မဟာမြတ်မုနိ ရုပ်ရှင်တော်မြတ်ကြီး ဘုရား

Read more

အက်ဒမင်

ဖေ့စ်ဘုတ်၊ ဘလော့ဂ်၊ ဝက်ဘ်ဆိုက် တစ်ခုရဲ့ အက်ဒမင်တာဝန်ကဘာလဲ။
တချို့ကလည်း(တော်တော်နည်းပါတယ်၊ နိုင်ငံတကာ စံ မဟုတ်) ကိုယ့်စာမျက်နှာပေါ် ကိုယ်လည်း ရေးချင်ရာ ရေး၊ သူများလည်း ရေးချင်ရာ ရေး၊ တင်ချင်ရာတင် ပစ်ထားလိုက်တာပဲ၊ မဖျက်ဘူး။ သူ့ကွန်မင့်ကို သူကိုယ်တိုင်ပြန်ဖတ်ရင်း ရှက်သွားလိမ့်မယ်ဆိုတဲ့ အယူရှိကြတယ်။ သူတို့အယူအဆအရဆိုရင်တော့ ဘာမှ ဆွေးနွေးစရာ မလိုတော့ပါဘူး။ ကိုယ်လည်း တင်ချင်ရာတင်၊ သူလည်း ရေးချင်ရာ ဝင်ရေး။ ဖြစ်ချင်ရာဖြစ် အွန်လိုင်း ပေ့ဂ်ျပေါ့။

ဒါပေမဲ့ ဒါဟာ တာဝန်မဲ့ရာ ရောက်မနေဘူလား။
လွတ်လပ်စွာသဘောထားကွဲလွဲခွင့် ပြုထားတဲ့ ဂူးဂဲလ်၊ ယာဟူးလို ဝက်ဗ်ဆိုက်တွေတောင် အက်ဒမင်တွေက ဖြစ်ချင်ရာဖြစ် လွှတ်မထားဘူး။ မယုံရင် နာမည်တုနဲ့ သူများကို စော်ကားတဲ့ကွန်မင့် ရေးကြည့်ပါ။ မိမွေးတိုင်း ဖမွေးတိုင်းပုံ တင်ကြည့်ပါ။ သတိပေးပြီး ဘန်းလိုက်တယ်။ သူတို့ဆိုရင် ကမ္ဘာနဲ့ချီပြီး ကိုင်တွယ်နေရတော့ စောင့်ကြည့်နေရတဲ့ ကွန်မင့်တွေကလည်း သန်းပေါင်းများစွာ ရှိတယ်။ ရှိလည်း လုပ်ကိုလုပ်ရတယ်။
အက်ဒမင်ဆိုတာကပင် စီမံခန့်ခွဲသူလို့ ဆိုတယ်မဟုတ်လား။ သူ့မှာ တာဝန်ကိုရှိနေတယ်။ သူဘယ်လို စီမံခန့်ခွဲတယ်ဆိုတာကတော့ မတူညီတဲ့ မူတွေအတိုင်း ကွဲလွနေနိုင်ပါတယ်။ ဘယ်လိုပဲဖြစ်ဖြစ် လက်လွတ်စပယ်တော့ ဖြစ်မနေသင့်ဘူး။

ရိုင်းပျမှုကို လက်ခံခြင်းဟာ ရိုင်းပျမှုကို အားပေးမှုတစ်ခုပါပဲ။ ဒါကိုပဲ နားလည်မှု၊ သည်းခံမှု၊ မေတ္တာ ဘာညာတွေနဲ့ ရောနှောထားမယ်ဆိုရင် စဉ်းစားကြည့်သင့် တယ်။
ရိုင်းပျမှုတွေက ထောင်သောင်းရှိနေပေမဲ့ တရားဝင် ရိုင်းပျသူတွေက ဆယ်ဂဏန်း၊ ရာဂဏန်းပဲရှိတယ်။(ဆဲသံအထူဆုံး သတင်းဆယ်ပုဒ်ထဲက ဆဲသူတွေကို ရေ တွက်လိုက်ပါ၊ တစ်ရာ မပြည့်တတ်ဘူး)
လူမျိုးရဲ့ သိက္ခာ၊ ပါဝါဟာ ယဉ်ကျေးမှုအပေါ်မှာလည်းတည်တယ်။ သူများလည်း ဆဲတာပဲ၊ ငါတို့လည်းဆဲမှာပဲဆိုတဲ့ စိတ်ဓာတ် လူငယ်တွေဆီ အမွေပေးသင့် မပေးသင့် (မိမိက လူမျိုးနဲ့ ယဉ်ကျေးမှုကို ထိန်းသိမ်းရမယ်လို့ ယုကြည်ရင် (သို့) ကြွေးကြော်နေရင်) စဉ်းစားသင့်တယ်။

ဒါက ကျယ်လွန်းသွားတယ်။
အနည်းဆုံး အက်ဒမင်က အက်ဒမင်အလုပ်ကိုတော့ လုပ်ကိုလုပ်ရပါတယ်။ ကိုယ့် ပို့စ်ကိုလည်း စစ်၊ သူများ ကွန်မင့်ကိုလည်း စစ်။ ကိုယ်က မှားရင်တောင်းပန်၊ သူမှားတယ်ထင်ရင်လည်း လှမ်းပြီး လူမသိစေဘဲ မေတ္တရပ်။ မရရင် တား၊ လူထု သိသင့်ရင်(အကျိုးရှိမယ်ထင်ရင်) ပြန်စာရေး။
ကွန်မင့်တိုင်း မိမွေးတိုင်း ဖမွေးတိုင်း ရှိနေစရာ မလိုပါဘူး။
စာဖတ်သူတွေကို တလေးတစား ဆက်ဆံပေးပါ။ မခက်ပါဘူး ဗျာ၊ ဆဲသံတွေ ရပ်ပါတယ်။ ဆဲသူ ရှက်ပါတယ်၊ လုပ်ကြည့်ပါ ဗျာ။

Read more