ညီမလေး…. ရေ
တစ်ခါကတဲ့ကွယ်။ ဘုရားရှင်ကိုယ်တော်မြတ်ကြီး
ဇေတဝန်ကျောင်းမှာ သီတင်းသုံးနေသတဲ့။ တစ်ခုသော ညနေချမ်းမှာတော့ ဆင်ရယ်၊ ထီးရယ်၊
အိမ်သာကြွေခွက်ရယ် ရောက်လာရတဲ့
အကြောင်းကတော့ ဘယ်လိုကံတွေ ၊ ဘယ်ဘဝက၊ ဘယ်လို ပြုလုပ်ခဲ့ကြလို့ ဒီလိုဖြစ်နေရတယ်
ဆိုတာ သိချင်ကြလို့တဲ့ကွယ့်။
ပထမဆုံးဆင်ကြီးက ဘာကြောင့် သူ့နှာခေါင်းကြီး
ဒါလောက်ရှည်နေရတာလည်းလို့ မေးလျှောက်သတဲ့။
ဂရိပုံပြင်ထဲက ကောင်လေးကို မယုံလို့တဲ့။
ဂရိပုံပြင်ထဲက ကောင်လေးခမျာမှာတော့ စကား အမှားတစ်ခွန်းပြောမိ တိုင်း နှာခေါင်းလေး
လက်တစ်သစ် ပိုရှည်တယ်တဲ့။ ဒါကြောင့် သူ့ခမျာ လေသံတောင် သိပ်မဟရဲတော့ဘူးပေါ့။ သင်က
ဒါကို မယုံကြည်ပဲ လိမ်ပြောလည်း ဘာမှ မဖြစ်ပါဘူးဆိုပြီး ဘဝ တစ်လျှောက်လုံး
လိမ်ညာလာခဲ့တာ။ အဲဒါကြောင့် ဒီဘဝမှာ ဆင်ကြီးဖြစ်လာတာတဲ့။ ဆင်ကြီးလည်း တော်တော်
သံဝေဂရသွားသတဲ့။
ဒါနဲ့ ထီးကလည်း သူဘယ်ကံကြောင့်ထီး ဖြစ်ရတယ်ဆိုတာ
မေးလျှောက်တာပေါ့။
ဒါနဲ့ ဘုရားရှင်က သင်ဟာ တစ်ခုသော ဘဝမှာ ပရဟိတ
အလုပ်လုပ်သူဖြစ်ခဲ့တယ်။ ဒါပေမယ့် ပရဟိတ လို့သာပြောပြီး အတ္တဟိတ အတွက်
လုပ်ခဲ့ကများနေတော့ ဒီဘဝမှာ ထီးဖြစ်ရတာတဲ့။ ထီးဆိုတော့ သူတစ်ပါး ကို နေအပူကနေ
ကာကွယ်၊ မိုးရေမိုးပေါက်တွေကနေ ကာကွယ်ပေးရပေမယ့် သင်ထီးခမျာတော့ နေပူနဲ့လောင်၊
မိုးရေတွေနဲ့ ရွှဲစိုနေရတယ်လို့ ဖြေသတဲ့။ ထီးခမျာလည်း သံဝေဂတော်တော်ရသွားရှာသတဲ့။
အိမ်သာကြွေခွက်ကြီးကလည်း မနေနိုင်မထိုင်နိုင်
သိချင်တော့တာပေါ့ကွာ။ ဒါနဲ့ သူ့အတိတ်ကံကိုမေးတာပေါ့။
ဒီတော့ ဘုရားရှင်က တစ်ခုသော ဘဝမှာ သင်ဟာ ရည်းစားပစ်တာကို
ခံခဲ့ရဖူးတယ်။ သင့်ရည်းစားယူသွားတဲ့ အမျိုးသမီးက သင့်ထက်ပိုပြီး အသားဖြူတော့ သင်က
အသားမည်းလို့ ရည်းစားပစ်တာ ခံရတယ်။ အသားဖြူရင်ဒီလိုဖြစ်မှာ မဟုတ်ဘူးဆိုပြီး
ကုသိုလ်ကောင်းမှုလုပ်သမျှ ဘယ်ဘဝရောက်ရောက် ဖြူဖြူဖွေးဖွေးလေး ဖြစ်ရပါလို၏
လို့ဆုတောင်းတယ်။ တကယ်တော့ သင့်ရည်းစားက သင့်ကို ပစ်ထားခဲ့တာဟာ အသားမည်းလို့
မဟုတ်ဘဲ စိတ်မည်းလို့တဲ့။
အဲ စိတ်ဖြူဖို့ထက် အသားဖြူဖို့ကိုပဲ ဆုတောင်းခဲ့လို့
အဲဒီကောင်းမှု၊ မကောင်းမှုရောနေတဲ့ ကံတွေကြောင့် ရုပ်ဝတ္ထုဘဝကို ရောက်တာတောင်
ဖြူစင်ပြီး ဘယ်သူမှ ငုံ့ပြီး မွှေးမွှေးမပေးချင်တဲ့ အိမ်သာကြွေခွက်ကြီးဖြစ်ရတာလို့
ဖြေသတဲ့။
ဒီအထဲမှာ နောင်တ အရဆုံးကတော့ ဖြူစင်တာတောင်
မွှေးမွှေးပေးတာ မခံရဖူးရှာတဲ့ အိမ်သာကြွေခွက်ကြီးတဲ့ကွယ်။
ဒေသနာလည်းဆုံးရော
ဆင်ရယ်၊ ထီးရယ်၊ အိမ်သာကြွေခွက်ကြီးရယ်ဟာ
အမှန်တွေပဲပြောဖို့၊ ပရဟိတသက်သက်လုပ်ဖို့
၊
စိတ်ဖြူဖို့သာ ပဓာန လို့အမြင်မှန်ကိုယ်စီရသွားကြသတဲ့ကွယ်။
နှစ်သိန်းလေးသောင်း သတ္တဝါတွေလည်း တရားထူးတွေရကြသတဲ့ ။
ဒါပါပဲ ညီမလေးရယ်။ ချစ်လို့ပြောတာမှတ်ထားရမယ်နော်။ ဟုတ်ဟုတ် … မဟုတ်ဟုတ်။
ဇင်ဝေသော်
Copyright © 2011 ကမ်းလက်. All rights reserved.
Post a Comment