"မနာပဒါယီ လကတေ မနာပံ"
မြတ်နိုးဖွယ်ကို ပေးသူသည် မြတ်နိုးဖွယ်ကို ပြန်ရ၏။
ကာလဒါနနှင့် အကျိုးပေးကာလ တေ့လွဲများ ကိုရေးပြီး မနာပဒါနနှင့် ရတာမလို လိုတာမရကိုလည်း ရေးချင်သည်။
မြတ်နိုးဖွယ်ကို ပေးသူသည် မြတ်နိုးဖွယ်ကို ပြန်ရ၏။
ကာလဒါနနှင့် အကျိုးပေးကာလ တေ့လွဲများ ကိုရေးပြီး မနာပဒါနနှင့် ရတာမလို လိုတာမရကိုလည်း ရေးချင်သည်။
အမှန်မူ မိမိတို့ဘဝ၌ မရှိ၊ မရဟုပြောရန် အတော်ခက်လှ၏။ ရှိကြ၊ ရကြ၏။ ပိုင်ဆိုင်မှုပစ္စည်းတို့ ရှိကြ၏။ သို့သော် အမှန်တကယ်လိုနေတာကို ရရှိလာသည့် အခိုက်အတန့်ကတော့ သိပ်မများလှပေ။ ဤသည်မှာ မနာပဒါန ချို့တဲ့ခြင်းကြောင့်လားဟု ဒေသနာကိုကိုးကား၍ စဉ်းစားမိသည်။
မနာပဒါနဟူသည် နှစ်သက်မြတ်နိုးဖွယ်ကို ပေးလှူခြင်းဟု ဆိုရပေမည်။ သို့ဆိုလျှင် ဆက်လက် မေးမြန်းရန်ရှိလာပြန်သည်။
၁။ မိမိမြတ်နိုးသောအရာကို ပေးလှူခြင်းလား၊
၂။ အလှူခံပုဂ္ဂိုလ် မြတ်နိုး (အလိုရှိ ) သောအရာကို ပေးလှူခြင်းလား။
၂။ အလှူခံပုဂ္ဂိုလ် မြတ်နိုး (အလိုရှိ ) သောအရာကို ပေးလှူခြင်းလား။
အဖြေနှစ်မျိုးလုံးကို “Yes” ဟု ဖြေလိုက ဖြေလို့ရ၏။ ပထမမေးခွန်းက စေတနာကို ရှေ့တန်းတင်၏။ ဒုတိယမေးခွန်းက အကျိုးသက်ရောက်မှုကို ရှေ့တန်းတင်၏။ ဗုဒ္ဓဘာသာစာပေနှင့် ပို၍နီးစပ်သူများအဖို့ ကမ္မနှင့် ကမ္မပထဟု မှတ်သားထားနိုင်ပါ၏။
ရှုပ်သွားပြီထင်၏။ ရှင်းဦးအံ့။
“စေတနာ ဟံ ဘိက္ခဝေ ကမ္မံ ဝဒါမိ” ဟူသော ဘုရားရှင်၏ ဗုဒ္ဓဘာသာ “အ” သုံးလုံးဖတ်စာအရ စေတနာသည် “ကံ” ဟု သိရ၏။ အဘိဓမ္မာကို ဆက်ကြည့်သောအခါ ထို“ကံ” ကမ္မပထမြောက်ဖို့ အကျိုးသက်ရောက်မှုလည်း လိုလာပြန်၏။ ဥပမာဆိုအံ့။ ကိုက်နေသော ခြင်တစ်ကောင်ကို သေစေလိုသောစေတနာဖြင့် ရိုက်လိုက်မိ၏။ ပါးနပ်သောခြင်က ထိုအန္တရာယ်ကို ရအောင်ရှောင်ထွက်သွား၏။ စေတနာက ဖြစ်ပြီးသွားပြီ။ “ကံ”ဟုဆိုက ရသွားပြီ။ ခြင်သေခြင်းအကျိုးသက်ရောက်မှုက မရှိ။ ထို့ကြောင့် ကမ္မပထ မမြောက်ဟု ဆုံးဖြတ်ရတော့၏။
အဘိဓမ္မာဆို၍ ရှုပ်သွားနိုင်၏။ နေ့စဉ်ဘဝ၌လည်း ဤကိစ္စမျိုး အများအပြားရှိ၏။ လူဆိုးတစ်ယောက်က သမ္မတတစ်ယောက်ကို ချောင်းမြောင်းလုပ်ကြံဖို့ ကြိုးစား၏။ ပြင်ဆင်၏။ အဝေးမှ ရိုင်ဖယ်ဖြင့်ပစ်၏။ ထိုကျည်ဆံက လွဲသွား၏။ မစ်(စ်) ဖိုင်းယား ဖြစ်သွား၏။ ထိုပုဂ္ဂိုလ်ကို ကြံစည်လုပ်ကြံမှုဖြင့်သာ တရားစွဲ၍ရ၏။ သမ္မတကို လုပ်ကြံသူဟု စွပ်စွဲ၍မရ။ သမ္မတက လွတ်မြောက်သွားသောကြောင့်ဖြစ်၏။
စာလာပေလာအရ-
၁။ သက်ရှိသတ္တဝါဖြစ်ခြင်း
၂။ သက်ရှိသတ္တဝါဟု သိခြင်း
၃။ သေစေလိုသော စေတနာပါခြင်း
၎။ စေတနာအားလျော်စွာ အားထုတ်ခြင်း
၅။ ထိုသတ္တဝါ သေဆုံးခြင်ဟု ငါးမျိုးပြထား၏။
၂။ သက်ရှိသတ္တဝါဟု သိခြင်း
၃။ သေစေလိုသော စေတနာပါခြင်း
၎။ စေတနာအားလျော်စွာ အားထုတ်ခြင်း
၅။ ထိုသတ္တဝါ သေဆုံးခြင်ဟု ငါးမျိုးပြထား၏။
ငါးမျိုးညီညွတ်လျှင် ကမ္မပထမြောက်တော့၏။ အတန်ငယ်ရှင်းပြီဟု ထင်၏။ မရှင်းလျှင်လည်း ထပ်မရှင်းတတ်တော့။ ယခင်စကားကို ဆက်ပါမည်။
၁။ မိမိမြတ်နိုးသောအရာကို ပေးခြင်း-
၂။ အလှူခံပုဂ္ဂိုလ် မြတ်နိုးသောအရာကို ပေးခြင်း။
၂။ အလှူခံပုဂ္ဂိုလ် မြတ်နိုးသောအရာကို ပေးခြင်း။
နံပါတ်တစ်သည် (အဟောင်း) ကိုယ်မလိုချင်သောအရာကို ပေးခြင်းမဟုတ်၊ မိမိအမြတ်တနိုးထားသောအရာကို ပေးခြင်းဖြစ်၏။ ခက်ခဲ၏။ ပထမတန်းစား စေတနာဖြစ်၏။ တနည်းဆိုရသော် ကိုယ်ပေးချင်တာကို ပေးလိုက်ခြင်းဖြစ်၏။
မိမိအမြတ်တနိုးထားသောပစ္စည်းကို ပေးတာမှန်ပါလျက် အလှူခံ၊ အပေးခံက ထိုပစ္စည်းကို မြတ်မြတ်နိုးနိုးရှိပါရဲ့လားဟူသော မေးခွန်းတက်လာပြန်သည်။ တစ်ချို့ မြတ်နိုး၏။ တစ်ချို့ မမြတ်နိုးလောက်ပေ။
အတွေးချော်သွားသည်ဟုထင်လျှင် တောင်းပန်ပါ၏။ သာသနာဖျက်၊ မိစ္ဆာဒိဋ္ဌိစသော စကားလုံးကြမ်းကြမ်းကြီးများ သုံးစွဲဖို့မလိုပါ။ ဆိုချင်၏။ ကိုယ်ပေးချင်တာကို ပေးလှူခြင်းအကြောင်းကြောင့် တစ်ခုခုပြန်ရသောအကျိုးကို မမျှော်ကိုးသော်လည်း ရှိလာပေမည်။ ခက်သည်က ထိုရလာသော အကျိုးတရားကို ကိုယ်တကယ်မြတ်မြတ်နိုးနိုး ရှိပါ့မလားဟု စဉ်းစားစရာရှိ၏။ ကိုယ်က သူလိုတာပေးတာမဟုတ်ခဲ့ပဲ ကိုယ်မြတ်နိုးတာကို ပေးလိုက်မိခြင်းကို သဘောပေါက်ရမည်။ ကမ္မပထ အနည်းငယ် ချော်သွားနိုင်သည်။
ကိုယ်လည်းမြတ်နိုး၊ ကိုယ်ပေးတာကိုရပြီး တဖက်သားလည်း ပျော်ရွှင်မည်ဆိုလျှင်တော့ အကောင်းဆုံးဟု ဆိုရပေမည်။ ထိုသို့သောကံတို့က အကျိုးပေးသောအခါ ကိုယ်လည်းတစ်ခုခုရ၊ ထိုရတာကိုလည်း ကိုယ်ကအမြတ်တနိုးရှိ ဖြစ်လာပေမည်။
ထို့ကြောင့် “ရတာမလို၊ လိုတာမရ” ကိစ္စတို့သည် မနာပဒါန ချို့တဲ့ရာမှဖြစ်လာသော အကျိုးတရားတို့ဖြစ်နိုင်သည်ဟု စဉ်းစားမိခြင်းဖြစ်သည်။
“မြတ်နိုး” ဟူသော စကားအောက်၌ ပြောရန်ရှိလာပြန်သည်။ ပစ္စည်းကောင်းတိုင်း၊ တန်ဖိုးကြီးတိုင်းလည်း မြတ်နိုးမှုမဖြစ်တတ်ပေ။ ကိုယ်မြတ်နိုးတိုင်း သူများမမြတ်နိုးတတ်။ အိုင်ပက်ဝယ်ပြီး လက်ဆောင်ပေးလိုက်သဖြင့် ပျော်သွားသူရှိနိုင်၏။ ဒါကြီး မလိုချင်ပါဘူး။ ဈေးကြီးမှန်းသိပါတယ်။ ဒီပြင်ဟာလေးလုပ်ပါဆိုသူလည်း ရှိနိုင်၏။ ထို့ကြောင့် “မြတ်နိုး” ဟူသော အဖြေသည် ပုဂ္ဂိုလ်တစ်ဦးချင်းနှင့်သာ ဆိုင်ပေတော့သည်။
ရဟန်းတော်များကျင့်ဝတ်၌ အတော်ကောင်းသော ဝေါဟာရတစ်ခုတွေ့ရသည်။ “ဥာတိ၊ ပဝါရိတ” ဖြစ်၏။ ဆွေမျိုးနှင့် ပစ္စည်းလေးပါးဖြင့် ဖိတ်ကြားထားသော ဒကာ၊ ဒကာမတို့ကို ဆိုလိုသည်။ မနာပဒါနကို ပေးလှူသူများဟု သေချာပေါက်တွေးလို့ရသည်။ သူတို့သဘောအရ မလှူ၊ ရဟန်းက " ဒါတော့လိုအပ်နေပါတယ်” ဟု ဆိုမှသာ ထိုရဟန်းလိုအပ်သောပစ္စည်းကို ပေးလှူကြသူများဖြစ်၏။ ထိုပုဂ္ဂိုလ်များ “ရတာမလို၊ လိုတာမရ” တော်တော်နည်းပါးကြလိမ့်မည်ဟု သုံးသပ်စရာရှိသည်။
တစ်စုံတစ်ယောက်က အမှန်တကယ်လိုနေတာ မိမိထံမှာ တွေ့ရသဖြင့် ငါ့ကိုပေးလို့ရရင် ပေးစမ်းပါဟု တောင်းသောအခါတို့၌လည်း မနာပဒါန သေချာပေါက်ဖြစ်၏။ သဘာဝဘေးဒဏ် ကြုံတွေ့နေရသော ဒုက္ခသည်တို့ကို အစားအစာ၊ ဆေးဝါးစသည် ကူညီလှူဒါန်းသူတို့လည်း မနာပဒါယီများ ဖြစ်ကြ၏။
“လိုတာ မရ” ဟူသောစကား၌ ရှုပ်နေတာရှိလာပြန်သည်။ လူ့အလိုကား အဆုံးမသတ်။ ထို့ကြောင့် တဏှာ “လို” ထက် လိုအပ်ချက် “လို” ဟု ပြောရမည်ထင်သည်။ လိုအပ်ချက်က ဖြည့်လို့ရ၏။ တဏှာ“ လို” က ဖြည့်လို့မရ။ “ကံ” ကဖြည့်ဆည်းပေးနိုင်သည်မှာ လိုအပ်ချက်ကိုသာ ဖြစ်၏။ တဏှာ“လို” ကို ဘယ်ကံမှ မဖြည့်နိုင်။ အခြေခံလိုအပ်ချက်ကလေးတွေမှ မရှိသောဘဝသည် “ လိုတာမရ ” ဖြစ်၏။ ဇိမ်ခံ ပစ္စည်းများ အလျှံပယ် မရှိခြင်းသည် “လိုတာမရ” မဟုတ်၊ “ မရတာ လို ” ဖြစ်သွား၏။ ပိုဆိုးသွားတော့သည်။
တောင်းရမ်းရာ၌လည်း မတော်တရော် တောင်းရမ်းတာမျိုးလည်း ဖြစ်နိုင်ပြန်သည်။ ဝေဿန္တရာမှလွဲ၍ မည်သူမျှမဖြည့်ဆည်းနိုင်သော တောင်းရမ်းခြင်းမျိုးဖြစ်၏။
ထိုဇာတ်တော်ထဲ၌ ပုဏ္ဏားက မဒ္ဒီဒေဝီကို လာတောင်း၏။
ဝေဿန္တရာမင်းကြီးက ပါရမီဖြည့်ဖက်ဒေဝီကို လွန်စွာမြတ်နိုး၏။ အလှူခံပုဏ္ဏားကလည်း ဤမျှလိမ္မာချောမောသော အမျိုးသမီးကို (ဇာတ်တော်ထဲမှာ မဟုတ်လျှင်ပင်) မြတ်နိုးလောက်ပေသည်။ ထို့ကြောင့် ထိုအလှူပေးမှုက မနာပဒါနဖြစ်သွားတော့၏။ ဇာတ်တော်ထဲ၌ မင်းကြီးကို ပါရမီဖြည့်ရန် သိကြားမင်းက ပုဏ္ဏားယောင်ဆောင်၍ လာအလှူခံသဖြင့် ပြီးသွား၏။ ပြဿနာမရှိလိုက်။
အမှန်လက်တွေ့ဘဝတွင်မူ လူမှုရေးပြဿနာ သောင်းခြောက်ထောင်ဖြစ်သွားနိုင်၏။ ပုဏ္ဏားမှာ ဇနီးရှိနေခဲ့သော်၊ မဒ္ဒီက အပြစ်မရှိတဲ့သူမကို ပေးလှူလိုက်သဖြင့် တရားတွေ့သော်……။ …….သော်။
မြတ်နိုးရာကို လှူရခြင်းသည်လည်း လွယ်ကူသောကိစ္စမဟုတ်ပေ။
ဤကိစ္စမျိုး ဤလောက၌ မဖြစ်ဟုအတတ်ဆိုရန်ကား ခက်၏။ ဇနီးကိုပေါင်၍ ကမ္ဘာ့ဖလားဘောလုံးပွဲလောင်းသော အမျိုးသားတစ်ယောက်အကြောင်း ဖတ်ရဖူး၏။ သူ့ဇနီးကို မချစ်၍မဟုတ်ဟု သူကဆိုသေး၏။ စဉ်းစားရတော့ ခက်၏။
မည်သို့ဖြစ်စေ….
တဖက်သားလိုနေတာ၊ မြတ်နိုးနေတာလေးတွေကို ပေးရလျှင် ကိုယ့်အလှည့်မှာလည်း လိုနေတာ၊ မြတ်နိုးတာတွေပြန်ရနိုင်၏ဟု ကမ္မဝါဒ၏ အခြေခံကောက်ချက် ဆွဲလိုက်နိုင်၏။
သို့သော် တဖက်သားလိုနေတာက ပေးဖို့ခက်နေတာလည်း ဖြစ်ရတတ်၏။
တစ်ခါက ရွာတစ်ရွာက လူတစ်ယောက်သည် ဘုရားဆုပန်ဖြစ်ကြောင်း ဖွင့်ပြော၏။
ထိုအခါ ကြည့်မရသောလူတစ်ယောက်က “ဘုရားဆုပန်ရိုးမှန်ရင် ဝေဿန္တရာမင်းကြီးလို မင်းဇနီး ငါ့ပေး” ဟု အလှူခံ၏။
တစ်ခါက ရွာတစ်ရွာက လူတစ်ယောက်သည် ဘုရားဆုပန်ဖြစ်ကြောင်း ဖွင့်ပြော၏။
ထိုအခါ ကြည့်မရသောလူတစ်ယောက်က “ဘုရားဆုပန်ရိုးမှန်ရင် ဝေဿန္တရာမင်းကြီးလို မင်းဇနီး ငါ့ပေး” ဟု အလှူခံ၏။
ဘုရားဆုပန် မင်းယောက်ျားက ဓားဆွဲ၍လိုက်၏။ သူက ဆို၏ “ငါက ဘုရားဆုပန်ထားပေမယ့် ဒါနပါရမီကို ဖြည့်တဲ့ဘဝမဟုတ်ဘူး။ ဝီရိယပါရမီကိုဖြည့်တဲ့ဘဝ။ မဟုတ်မဟတ် နင့်လိုကောင်တွေကို အားကြိုးမာန်တက် ရှင်းပစ်ရမယ့်ဘဝ” ဟု ဖြစ်၏။
ဘာပါရမီမှမဖြည့်သော ဇနီးတောင်းသည့်ယောက်ျား ထွက်ပြေးခဲ့ရ၏။
လိုအပ်ချက် “လို”နှင့် တဏှာ “လို” ကွဲပြားပြီး ပေးသူ၊ ယူသူများ မနာပဒါယီ၊ မနာပလာဘီများ ဖြစ်နိုင်ကြပါစေဟု…….။
မနာပဒါယီ= မြတ်နိုးဖွယ်ကို ပေးသူ၊ လှူသူ။
မနာပလာဘီ= မြတ်နိုးဖွယ်ကို ရသူ၊ အလှူခံသူ။
မနာပဒါန= မြတ်နိုးဖွယ်ကို ပေးလှူခြင်း။
( “ဘုရားဖြစ်ရေးပင် အေးဂျင့်ကပါလာ၏” ဆက်ရေးပါမည်။)
မနာပလာဘီ= မြတ်နိုးဖွယ်ကို ရသူ၊ အလှူခံသူ။
မနာပဒါန= မြတ်နိုးဖွယ်ကို ပေးလှူခြင်း။
( “ဘုရားဖြစ်ရေးပင် အေးဂျင့်ကပါလာ၏” ဆက်ရေးပါမည်။)
မေတ္တာဖြင့်
သီဟနာဒ
သီဟနာဒ
