နားဝင်မချိုတဲ့ အမှန်တရားတချို့ (၁)

လီကွမ်းယုရဲ့ Hard Truths (to keep Singapore going) ထဲက သင့်တော်မယ့် အပိုင်းတွေကို ရွေးပြီးဘာသာပြန်ထားတာပါ။ သူ့အတွေးအခေါ်၊ သူ့လုပ်ဆောင်ချက်တွေ အရင့်အရင် စာအုပ်တွေမှာ တချို့ပါခဲ့ပေမယ့် ဒီစာအုပ်ကတော့ လူငယ်ဂျာနယ်လစ်တွေနဲ့ တွေ့ဆုံမေးမြန်းထားတဲ့ အင်တာဗျူးဖြစ်ပြီး အမေးအဖြေပုံစံဆိုတော့ ပိုပြီးသွက်နေတယ်လို့ ခံစားရလို့ပါ။ တစ်စုံတစ်ရာ ရနိုင်ကောင်းပါရဲ့လို့ မျှော်လင့်မိပါတယ်။
ဇင်ဝေသော်

မေး။          ။ ခင်ဗျားမှန်တယ်ထင်တဲ့ ပုံရိပ်အတိုင်း စင်ကာပူကို ပုံဖော်ခဲ့တာလို့ တချို့ဝေဖန်သူတွေက ဆိုကြပါတယ်။ ဥပမာ အမြဲတမ်းစိုးရိမ်စိတ်နဲ့ နေရတာမျိုးပါ။ ဘာကြောင့်များ စင်ကာပူကျရှုံးသွားနိုင်တယ်လို့ အမြဲစိုးရိမ်ကြောင့်ကြနေရတာလဲ။

ဖြေ။           ။ ဖြစ်နိုင်မယ်ဆိုရင် စင်ကာပူကိုလည်း တခြားနိုင်ငံတွေဖြစ်တဲ့ ဒိန်းမတ်၊ နယူးဇီလန်၊ လက်ချင်စတိန်း၊ လူဇင်ဘတ်တို့လိုပဲ မြင်ကြည့်ချင်ပါတယ်။ ဒါပေမယ့် စင်ကာပူဟာ အန္တရာယ်ဇုန်ထဲမှာ ရှိနေပါတယ်။ တကယ်လို့ စင်ကာပူအစိုးရနဲ့ စင်ကာပူလူထုက အိမ်နီးချင်းတွေထက် လုံးဝပိုမသာဘူးဆိုရင်၊ ကိုယ့်ကိုကိုယ် မကာကွယ်နိုင်ဘူးဆိုရင် စင်ကာပူလည်း ပျောက်သွားပါလိမ့်မယ်။ ဒါက ငါတို့မျိုးဆက်ရဲ့ အမြင်သက်သက်မဟုတ်ပါဘူး။ နိုင်ငံတော်ကာကွယ်ရေးဌာနကို ရောက်လာသူတွေ၊
 နိုင်ငံခြားရေးဝန်ကြီးတွေ၊ စင်ကာပူရဲ့အခြေအနေကိုသိသူတွေ အားလုံးဒီလိုပဲ မြင်ကြပါတယ်။ ဒီအခြေအနေကို မျက်ကွယ်ပြုထားမိရင် အားလုံးဒုက္ခရောက်ကုန်မယ်။

စင်ကာပူတိုးတက်လာဖို့ အကူအညီပေးချင်တဲ့ အိမ်နီးချင်းနိုင်ငံမရှိဘူး။ အခုတိုးတက်လာခဲ့တာတောင်မှ တစ်ချိန်က သူတို့ရဲ့ သယံဇာတကိုမှီပြီး တိုးတက်လာတာလို့ ထင်ကြတယ်။ နိုင်ငံခြားရင်းနှီးမြှုပ်နှံမှုတွေကို ကြိုဆိုခဲ့တဲ့နောက်စီးပွါးရေးပေါ်လစီကို တွေ့မြင်သွားကြတဲ့အခါမှသာသူတို့အမြင်တွေ ပြောင်းသွားကြတာပါ။ ပြီးတော့ သူတို့လည်း ဒီအတိုင်းလိုက်လုပ်လာကြတယ်။ အခု ငါတို့က အချိန်အကြာကြီး မသေပဲ ရှင်ကျန်ခဲ့တော့ ဒေသတွင်းမှာ ရှေ့ကရောက်လာတယ်။ အပြည်ပြည်ဆိုင်ရာဆက်ဆံရေး၊ အခွင့်အရေးတွေကိုအမိအရရယူနိုင်တဲ့အားကောင်းမောင်းသန်မူဝါဒတွေလက်ကိုင်ထားမယ်ဆိုရင်
 နောင်နှစ်ပေါင်း ၅၀ နဲ့ တစ်ရာအထိ စင်ကာပူရှင်သန်သွားနိုင်တယ်လို့ ယုံကြည်မိပါတယ်။

မေး။          ။ Strong System (အားကောင်းမောင်းသန်မူဝါဒ) ဆိုတာ ဘာကိုဆိုလိုတာပါလဲ။ PAP ပါတီကပဲ အာဏာကို ဆုပ်ကိုင်ထားမယ်ဆိုတဲ့သဘောလား။

ဖြေ။          ။ PAP ပဲဖြစ်ဖြစ်၊ အခြားအစိုးရတစ်ခုပဲဖြစ်ဖြစ် ငါ့အနေနဲ့ စိတ်မဝင်စားပါဘူး။ လက်ရှိအစိုးရ ပီအေပီကို အကဲဖြတ်ဖို့ ဒီနေရာကိုရောက်လာတာ မဟုတ်ပါဘူး။ ခေါင်းဆောင်မှုစွမ်းရည်နဲ့ ပြည်သူလူထု၊ အဲဒီခေါင်းဆောင်ပိုင်းနဲ့ လူထုတစ်ခုလုံးရဲ့ ကိုယ်ကျင့်တရား၊ အတွေးအခေါ်နဲ့ ယုံကြည်မှုတွေ အထိရောက်အောင် တွေးစေချင်ပါတယ်။

မေး။          ။ စင်ကာပူဟာ ပုံမှန်နိုင်ငံ (a normal country) တစ်ခုမဟုတ်ဘူးဆိုတာကို လူတော်တော်များများက နားမလည်ကြဘူး။

ဖြေ။           ။ ဒိန်းမတ်တို့၊ နော်ဝေတို့မှာ အလယ်အလတ်အဆင့် အစိုးရလောက်နဲ့ ရပ်တည်နိုင်တယ်။ စင်ကာပူက မရပ်တည်နိုင်ဘူး။ လူထုယန္တရားကြီးတစ်ခုလုံး လျော့ကျသွားမယ်။ အရေးပါတဲ့ဌာနတွေ လျော့ကျသွားရင် အဖွဲ့အစည်းတိုင်းရဲ့ အရည်အသွေးတွေလည်း ကျသွားမယ်။ သူ့ထက်သာနေတဲ့ လူတစ်ယောက်ကို သူ့လောက်မှ အဆင့်မရှိတဲ့လူက အကဲခတ်ရင် မှန်ဖို့မလွယ်ဘူး။ ဒါ့ကြောင့် ကိုယ့်လောက်အဆင့်မရှိတဲ့ သူတွေဆီက သတ်မှတ်ချက်ကို မေးလည်းမေးမနေကြတော့ဘူး။ ကိုယ့်ထက်သာပေမယ့်လို့ “သူကတော့ ငါ့ထက်သာတယ်” လို့ မှတ်ချက်ပေးသူလည်း တွေ့ရခဲပါတယ်။ ခပ်ညံ့ညံ့လူတစ်ယောက် ထိပ်တန်းရောက်သွားပြီဆိုရင်တော့ စစ်စတန်တစ်ခုလုံး ပုံကျတော့တာပဲ။ ရှောင်လွဲလို့မရဘူး။

မေး။          ။ လူကြီးမင်းပြောသလို စင်ကာပူကတကယ်ပဲ အန္တရာယ်ရှိတဲ့ အနေအထားမှာ ဟုတ်ပါသလား။ တခြားနိုင်ငံသေးသေးလေးတွေမှာလည်း နိုင်ငံရေးပါတီ အားပြိုင်မှုတွေ ရှိနေပြီး စင်ကာပူမှာ ဘာဖြစ်လို့ ဒီလိုအားပြိုင်မှုအားမကောင်းရတာလဲ။ လူကြီးမင်းက ပုံကြီးချဲ့နေရာများ မရောက်ဘူးလား။

ဖြေ။           ။ နိုင်ငံရေးအားပြိုင်မှုကို မတားမြစ်ပါဘူး။ ငါတို့တားမြစ်တာက ပါလီမန်နဲ့ အစိုးရထဲမှာ မစွံတဲ့လူတွေ ပါဝင်လာမှာကို တားဆီးတာပါ။ အရည်အသွေးရှိတဲ့လူတိုင်းကို ကြိုဆိုပါတယ်။ အမှန်တကယ် အလေးအနက်ထားရမယ့် ခေါင်းဆောင် တစ်ယောက်ယောက်ကထပြီး စင်ပြိုင်အစိုးရထောင်မယ်ဆိုရင် သိပ်ကောင်းတာပေါ့။ စင်ကာပူမှာ ရွေးစရာရှိသွားတာပေါ့။ ဒါပေမယ့် သူရှေ့တန်းတင်လိုက်တဲ့ သူ့လူတွေကိုတော့ ကြည့်ကြရပါလိမ့်ဦးမယ်။ စင်ကာပူဟာ အန္တရာယ်မရှိဘူးလား။ ဒါဆို ဒီအစိုးရက ဘာကြောင့် ဂျီဒီပီရဲ့ ငါးရာခိုင်နှုံးကနေ ခြောက်ရာခိုင်နှုံးအထိ ကာကွယ်ရေးအတွက် သုံးနေရတာလဲ။ ငါတို့က အရူးတွေလား။ မင်းတို့ သိပါတယ်။ ဒီအစိုးရက ကပ်စေးနဲတဲ့အစိုးရပါ။

NEWater ဆိုတဲ့ ရေရရှိရေးအတွက် ရေဆက်သွယ်ဖို့ မြေအောက်ရေပိုက်လိုင်းတွေမှာ ဒေါ်လာ ၃.၆၅ ဘီလီယံ ကုန်ကျခံခဲ့ကြတယ်။ ရေနဲ့ပတ်သက်လို့ ဘယ်သူ့ကိုမှ အားကိုးစရာ မလိုအောင်လို့ပဲ။

စင်ကာပူအန္တရာယ်မရှိဘူးလား။ ဒါကို သူတို့ အခွင့်အရေးယူလိုက်ရင် အားလုံးသေပြီ။ ပင်လယ်ရေကြောင်းလိုင်းတွေ ဖြတ်တောက်လိုက်မယ်ဆိုရင် စီးပွါးရေးလည်း ရပ်သွားမယ်။ ဒီအတွက် ကျွန်တော်တို့အဖြေက ဘာလဲ။ ကုလသမဂ္ဂ လုံခြုံရေးကောင်စီ၊ ပြီးတော့ ကိုယ်ပိုင်ကာကွယ်ရေးစွမ်းရည်၊ ပြီးတော့ အမေရိကန်နဲ့ သဘောတူလက်မှတ်ထိုးထားတဲ့ လုံခြုံရေးအခြေခံမူဝါဒ (Security Framework)။

ဘာ့ကြောင့် ကာကွယ်ရေးမှာ ထိပ်တန်းဝန်ကြီးကို ခန့်ထားရသလဲ။ အရေးမကြီးလှဘူးဆို။ သူဟာ ကက်ဘိနက်ထဲမှာ ဝန်ကြီးပြီးရင် သူပါပဲ။ အမာဆုံး၊ စွမ်းရည်အရှိဆုံး ဝန်ကြီးပဲ။ ငါတို့ဟာ လူလားမြောက်လာတဲ့ ကမ္ဘာထဲနေနေကြရတာပါ။ ဘာ့ကြောင့် စင်ကာပူငြိမ်းချမ်းတာလဲ။ စင်ကာပူကိုလာထိရင် ပြန်ပေးရမှာလည်းရှိတယ်ဆိုတာ သိကြလို့ပဲ။ တစ်ယောက်ယောက်က ငါတို့ကိုလာတိုက်ရင် ပြန်ပေးရမယ့်လျော်ကြေးက ပိုများသွားနိုင်တယ်ဆိုတာ သဘောပေါက်ထားကြလို့ပဲ။

မေး။          ။ ဒီအဖြေက ပုံမှန်နိုင်ငံတစ်ခုမဟုတ်ဘူးဆိုတာရဲ့ အဖြေမဟုတ်သေးဘူးလားလို့။

ဖြေ။           ။ ဒါတွေကို ပြောလိုက်မိတဲ့အတွက် ခွင့်လွှတ်ပါ။ မင်းနဲ့ငါ ဥာဏ်ရည်ချင်း တူတယ်ဆိုရင်တောင် ငါကလောကကြီးထဲမှာ ၈၅- နှစ်နေခဲ့ပြီး အတက်အကျတွေ အားလုံးကို ကျော်ဖြတ်ခဲ့ရပြီးပြီ။ အသက် ၃၂- နှစ်ကစလို့ ဒီနိုင်ငံအလုပ်ဖြစ်သွားအောင် ဘယ်လိုများလုပ်ရပါ့မလဲလို့ တစ်သက်လုံးစဉ်းစားနေခဲ့ရတာပါ။

အစပထမတုန်းကတော့ ငါတို့ရှင်သန်ဖို့အတွက် မလေးရှားနဲ့ပေါင်းရမယ်။ နို့မို့ မရှင်သန်နိုင်ဘူးလို့ ယုံကြည်ခဲ့တယ်။ ငါတို့ ရေ၊ ငါတို့ ကုန်ကြမ်းပစ္စည်း၊ ငါတို့ ပို့ကုန်၊ ပြီးတော့ စင်ကာပူအတွက် သွင်းကုန်တွေဟာ အများအားဖြင့် မလေးရှားကပဲ။ အဲဒါက အဲဒီအချိန်တုန်းက။ ဒီကိစ္စ မအောင်မြင်ခဲ့ဘူး။ တန်ကုက တရုတ်လူမျိုးတွေကို မနှစ်မြို့လို့။ ဒီနောက် နည်းလမ်းရှာကြတယ်။ နောက်ဆုံး မလေးရှားထဲကို ပေါင်းဝင်လိုက်ကြတယ်။ နောက်မှ ငါတို့သိလိုက်ရတာက မလေးအသာစီးယူတဲ့ မလေးရှားနိုင်ငံထဲမှာ စင်ကာပူ ခြေချုပ်လက်ချုပ်မိလိုက်ရပြီဆိုတာပဲ။ မလေးရှားပြောင်းလဲလာခဲ့သလား။ သူတို့ ဘယ်လိုပြောင်းလဲခဲ့ကြသလဲ။

သြဂုတ်လ ကိုးရက်နေ့ မလေးရှားကနေ ခွဲထွက်ခဲ့တော့ ဘာ့ကြောင့် ငါငိုခဲ့ရသလဲဆိုတာ သိသလား။ ငါတို့ ချီတက်ပွဲမှာ ပါဝင်ခဲ့ကြတဲ့ ထောင်သောင်းမကတဲ့ လူထုကြီးကို ချန်ထားခဲ့ရလို့။ သူတို့ ဒုက္ခရောက်နေရစ်မှာကို ခံစားရလို့၊ ပြီးတော့ ခေါင်းဆောင်မဲ့သွားတဲ့ လူနည်းစုလူမျိုးကွဲတွေ။ စင်ကာပူမှာ ခေါင်းဆောင်မှုစွမ်းရည် ထပ်အားဖြည့်ခဲ့ရတယ်။ ဒီကြားထဲ စင်ကာပူမှာ အန္တရာယ်မရှိပါဘူးလို့ မင်းကပြောတော့ ငါ့မှာ ပြောစရာကတော့ “ဘုရား၊ ဘုရား” ဆိုတာပဲ ရှိပါတော့တယ်။

SAF (Singapore Armed Forces) က ကွန်မန်ဒါတွေကို သွားမေးကြည့်။ လူငယ်တိုင်း ဘာ့ကြောင့် နှစ်နှစ် စစ်တာဝန်ထမ်းနေရသလဲ။ ကပ်စေးနဲတဲ့အစိုးရက ဘာ့ကြောင့် ဂျီဒီပီရဲ့ ၅/၆ ရာခိုင်နှုံး ကာကွယ်ရေးအတွက် သုံးနေရတာလဲ။ ဂယောင်ချောက်ချားနဲ့ ကြောက်နေ ကြတာလား။ ဒါမှမဟုတ် ဒါဟာရှင်သန်ဖွံ့ဖြိုးဖို့ တစ်ခုတည်းသော ရွေးချယ်စရာ ဖြစ်နေလို့လားလို့ မေးကြည့်ပါ။

ဒီလို စိုးရိမ်မှုအပေါ်မှာ လျှော့မတွက်သင့်ဘူး။ ဒါတွေဟာ တကယ့်ပြဿနာတွေပဲ။ ကုိုယ့်ခြေထောက်ပေါ် ကိုယ်ရပ်နိုင်ခဲ့လို့ ဒီနေ့ ဒီလိုဖြစ်နေတာ။ ဒီလိုမဟုတ်ရင် ခံသွားရမယ်။

ငါတို့ ရေပြဿနာနဲ့ပတ်သက်လို့ နောက်ဆုံး ရေနဲ့ပတ်သက်ပြီး စပယ်ရှယ်လစ် မဖြစ်ခင်အထိ ဘာ့ကြောင့်များ ငွေတွေဒါလောက်သုံးနေရတာလဲလို့ မစဉ်းစားမိဘူးလား။ ငါတို့ ဂျိုဟိုးကရေကို လိုတယ်ဆိုတာ မဟာသီယာက သိတယ်။ ၂၀၁၁- နှစ်မှာ ရေအရောင်းအဝယ် စာချုပ်သက်တမ်း ကုန်ဆုံးတော့မှာဆိုတော့ ရေနဲ့ပတ်သက်ပြီး အခက်အခဲတွေ့တော့မှာ ဆိုတာကိုလည်း ငါတို့သဘောပေါက်ထားတယ်။ ဒီနောက် ငါတို့က NEWater ကို ရှာတွေ့ခဲ့တာပဲ။ သူက ငါတို့ နောက်နေတယ်တောင်ထင်တာ။ ကဲ- စင်ကာပူမှာ အန္တရာယ်မရှိဘူးလား။

ဒီလို စိုးရိမ်မှုတွေကို လျှော့မတွက်သင့်ဘူး။ တကယ့်ပြဿနာကြီးတွေ။ ကိုယ့်ခြေထောက်ပေါ်မှာ ကိုယ်ရပ်တည်နိုင်ခဲ့လို့ ဒီနေ့ ဒီလိုနေနိုင်တာ။ မဟုတ်လို့ကတော့ ခံသွားရမယ်။ လုံခြုံရေးကောင်စီက ဝန်ခံကတိကဝတ်တွေ ချပေးခဲ့တယ်။ ကဲ ဒီတော့ ဘာဖြစ်လဲ။ ကူဝိတ်ကိုကယ်တင်ဖို့ ဘယ်သူတွေသွားခဲ့သလဲ။ အမေရိကန်တွေ။ ဘာ့ကြောင့်လဲ။ ရေနံကြောင့်။ ပြီးတော့ ကူဝိတ်ဘေးက ဆော်ဒီအာရေးဗျ။ ငါတို့ ရေငတ်နေရင် ဘယ်သူလာ ရေတိုက်မှာလဲ။ အမေရိကန်တွေလား။ နိုး။ ငါတို့ရေ ငါတို့ရအောင် ရှာသောက်တယ်။ ငါတို့ဘာသာ ငါတို့ကယ်တင်တယ်။

ဇင်ဝေသော်

Copyright © 2012 ကမ်းလက်. All rights reserved.