ယနေ့ အသက် ၁၀၃ နှစ် ရှိပြီဖြစ်သော တရုတ်ဒကာမကြီးတစ်ယောက် အိမ် ကို ဒကာ၊ ဒကာမသုံးယောက်နှင့်အတူ ရောက်ဖြစ်သည်။ ဒေါ် ကွမ် ဟု သိရ သည်။ ပြောသံသာ ကြားဖူးသော်လည်း အသက် ရာကျော်ရှည်သူများနှင့် လူ ချင်း မတွေ့ဖူးပါ။ ကိုးဆယ်ကျော်များနှင့်ကား မကြာမကြာ တွေ့ဖူးသည်။ အသက် ၈၆ နှစ်ရှိ ဒကာမကြီး နယ်လီ တန် ဆိုလျှင်လည်း ကျောင်းကို သူမ ဘာသာ ဘတ်စ်ကားစီးပြီး လာတတ်သည်။ အသက် ၈၀ နှင့် ၉၀ ဆယ် အ တွင်း တက်တက်ကြွကြွရှိသည့် ဒကာ၊ ဒကာမကြီးများ ကျောင်းဝန်းကျင် မှာ တော်တော်တွေ့ရသည်။ စလုံးများ သက်တန်းပိုရှည်လာသည့် သာဓက ဟု ဆိုရမည်။
ယနေ့ သွားသာ သ္ပားခဲ့ရသည် ၁၀၃ နှစ် ရှိပြီဆိုမှတော့ ဘုန်းကြီးမှန်းမသိ၊ ဘာမှန်းမသိသာဖြစ်လိမ့်မည်ဟု ထင်မှတ်ထားသမျှ လုံးဝ လွဲမှားသွားသည်။
သူမအတွက် ကဿပဗောဇ္ဈင်္ဂသုတ်ကို စုပေါင်း ရွတ်ဖတ်သရဇ္ဈာယ်ပေးကြ သည်။ ဤသို့ ခေါင်းဆောင် ရဟန်းတစ်ပါး၊ နောက်လိုက် ဒကာ၊ ဒကာမ နှ စ်ယောက် သုံးယောက်နှင့်အတူ သက်ကြီးရွယ်အိုများထံ သွားရောက်ပြီး ပရိတ်ရွတ်၊ မေတ္တာပို့ပေးခြင်းကို ဤမှာ "ဓမ္မဓူတ" ခရီး ဟုခေါ်သည်။ လူနာ က ဗုဒ္ဓဘာသာမဟုတ်လျင်တော့ ရဟန်း ပါစရာ မလိုအပ်ပေ ၊ ဆေးကြော င့် ဘေးပင် ဖြစ်တန်ရာ၏။
(ဤ၌ ကဿပဗောဇ္ဈင်္ဂသုတ် ဟူသည် မြန်မာ ပရိတ်ကြီး ၁၁ သုတ် စာအုပ် မှာ ပါသည့် ဆင်ဆာဖြတ်ခံထားရသည့် တိုတိတိ သုတ် မဟုတ်၊ ဘုရား မုခ ပတ်တော်အစစ်၊ ဆင်ဆာဖြတ် မခံရသည့် ပထမ ဂိလာနသုတ်ဟုခေါ်သည့် သုတ် ဖြစ်သည်)
ဘုန်းကြီးကို မတွေ့ မမြင်ရတာ ဆယ်နှစ်ကျော်ပြီဟု သူမက မျက်ရည်ဖြင့် ဆိုလေသည်။ သားသမီးတို့က ဗုဒ္ဓဘာသာမဟုတ်ကြလေသောကြောင့်လား စဉ်းစားစရာ ရှိသည်၊ သူတို့ ကိစ္စမို့ မမေးဖြစ်။
မိမိနှင့်အတူ ပါလာသည့် ဒကာ၊ ဒကာမတို့ မိခင်နှင့် အလွန်ရင်းနှီးပြီး သူတို့ ကို လည်း ကောင်းကောင်း မှတ်မိနေသည်။ အသံကလည်း အတော် "မာ" လေ သည်။
ထို အကြောင်း အပြန် ကားပေါ်မှာ ပြောခိုက် ဒကာက ကားမောင်းရင်း ဒီလ က ၇ လ မြောက် (သရဲကြီးလကို ဆိုလိုသည်) လ ဖြစ်သဖြင့် အတွင်းမှာ "အပ" ဝင်နေသဖြင့် ဤမျှ သန်မာဟန်တူကြောင်း အဆိုပြုသည်။
ထိုစဉ် တနင်္ဂနွေ ဓမ္မကျောင်းဆရာမ၊ သူ့ဇနီးက ဘယ်ကလာ အပ ဝင်နေရ မှာလဲ၊ ဝင်နေရင်တောင် ဒီလို ဘုရား မုခပတ်တော်များ ရွတ်ဖတ်ရာမှာဘယ် လို ပူးကပ်နေနိုင်မှာလဲ ဟု ယုတ္တိရှိရှိ ဆိုလေသည်။
မည်သို့ဖြစ်စေ အသက်ကလည်း ရာကျော်၊ သတိလည်း မလွတ်သည်ကေ တာ့ အံ့ဖွယ်တစ်ခု ဖြစ်သလို သူမထံ မကြာမကြာ သွားရောက်ပြီး ဗောဇ္ဈင်္ဂ သုတ် ရွတ်ဖတ်ပေးဖို့လည်း ဆုံးဖြတ်လိုက်မိသည်။
စာကြွင်း။ ။မြန်မာ ဒကာ၊ ဒကာမအချို့က သူတို့ ဗောဇ္ဈင်္ဂသုတ် က မြန် မာ ဗောဇ္ဈင်္ဂသုတ်နဲ့လည်း မတူဘူး ဆိုတတ်ကြသေး၏။
မတူဆို မြန်မာတို့က ဘုရားဟောကို ဖြုတ်၊ ဖြတ်၊ ကပ် (Cut and paste) ကတ် အင် ပေ့စ် လုပ်ထားသည်ကိုးဟုသာ.......။
အကြောင်း ညီညွတ်မှ ရေးပြီးသား " ပျောက်ဆုံးနေသည့် ဘုရားရှင်၏ ဆေး ဝါးများ" ဆောင်းပါး တင်ပါဦးမည်။
