ကမျးလကျ | “ကန်ရေကလဲ့လွန်းတော့ လရောင်ကို ငုံ့နမ်းမိကြပေါ့ ...”

ကမ်းလက်မှ နကမ္မ၀တ္ထု ကျပ်ငါးသိန်းလှူဒါန်းသွား

in ပြန်လည်မျှဝေခြင်း, အမှတ်တရ - on 1/15/2015 - No comments

-----------xxxxxx--------------
သူငယ်ချင်းများဖြစ်ကြသော ကမ်းလက် (ဦးစိတ္တရ၊ စင်္ကာပူ) နှင့်
ဓမ္မဂင်္ဂါ (ဦးဝိစိတ္တ၊ ဓမ္မဂင်္ဂါ ပါဠိကောလိပ်ဖောင်းဒါ) တို့
Dhamma Garden Centre သို့ အလည်အပတ်လာ၊
နေ့ဆွမ်းဘုဉ်းပေးသွား။

Dhamma Garden Centre Posted on 01/15/2015

သရဲလား၊ ကီးမားလား

in ဇင်ဝေသော်, ပေါ့ပေါ့ပါးပါး - on 1/15/2015 - No comments

အကြောင်းမသိရင် နည်းနည်းမျက်စေ့လည်တယ်။
မန်းလေးက သရဲပလာတာလို့ခေါ်ပြီး ဒါကိုပဲ ရန်ကုန်က ကီးမားပလာတာလို့ခေါ်တယ်။
ကီးမားပလာတာ မစားဖူးသေးလို့ စားကြည့်မယ်ဆို မှာလိုက်တာ၊ရောက်လာတာက သရဲပလာတာကြီး။

လမ်းတ၀က်က နေပြည်တော်မှာ ဘယ်လိုများ ခေါ်မလဲ မသိဘူး။ သရဲလား၊ ကီးမားလား၊ အခြားနာမည်တစ်မျိုးလား။

ဘယ်လိုပဲခေါ်ခေါ် ပလာတာက ပလာတာအတိုင်းပဲ ရှိနေသေးတယ်။
ဟမ်ဘာဂါ မဖြစ်သေးဘူး။

ကျနော်ရွေးမိတဲ့ စကားလုံးလေးများ (၁)

in ဇင်ဝေသော်, ဘာသာပြန်အကြောင်း - on 1/15/2015 - No comments

အမှန်တော့ ဘာသာပြန်ဆိုမှုနဲ့ပတ်သက်လို့ စကားကြီးစကားကျယ်ပြောရမယ့် အနေအထား ကျနော့်မှာ မရှိပါဘူး။ ပါဠိစာ နည်းနည်း အင်္ဂလိပ်စာ နည်းနည်း မြန်မာစာ အထိုက်အလျောက် ရေးတတ်ဖတ်တတ်။ ဒါလေးသုံးခု စုပေါင်းမိသွားတော့ ဘာသာပြန်ဖြစ်သွားတယ်။ ဒါပါပဲ။
ဒါပေမဲ့ ဘာသာစကားနှစ်ခု အပြန်အလှန်ဖလှယ်လိုက်ရုံနဲ့ မူရင်းကနေ ဘယ်လောက်သွေဖီသွားတယ်ဆိုတာတော့ ပြုံးချင်စရာကောင်းလောက်အောင် ကြုံတွေ့ရတတ်ပါတယ်။

၁။ ကကြိုးလေးထွေနဲ့ အောင်ဆန်းစုကြည်

ရိုးရိုးရှင်းရှင်း four lives ဆိုတာလေးကို မြန်မာ့ယဉ်ကျေးမှု၊ ကိုးကွယ်မှုတွေနဲ့ ဆက်စပ်ပြီး ကကြိုးလေးထွေ လို့ ပြန်ဆိုခဲ့တာပါ။ ဘ၀ဆိုတာ ကံ ဇာတ်ဆရာရဲ့ အလိုကျ၊ မဖြစ်မနေ ကပြနေရတတ်တယ်။ ဘ၀ဇာတ်ဆရာ ကြိုးဆွဲသလို ကပြအသုံးတော်ခံရတယ် ဆိုတဲ့သဘေမျိုးအထိပါဝင်သွားအောင် Four Lives ကို ကကြိုးလေးထွေ လို့ ပြန်ဆိုခဲ့ခြင်းဖြစ်ပါတယ်။

ပြသနာက ဒီမှာ ကြုံရတာပါ။ ကကြိုးလေးထွေရဲ့ မူရင်းဟာ Four Lives ဖြစ်တယ်ဆိုတာကို သတိမထားမိဘဲ မြန်မာဘာသာကနေ အင်္ဂလိပ်လို ဘာသာပြန်လိုက်တဲ့အခါမှာ Four different types of dance စတဲ့ ဘာသာပြန်မှုတွေ ရှိလာပါတော့တယ်။

ရိုးရိုးသားသားဝန်ခံရရင် Four Lives ဆိုတဲ့ ဝေါဟာရလေးအတွက် (မြန်မာ့ယဉ်ကျေးမှုတွေ စီးဝင်နေတဲ့) ကကြိုးလေးထွေ ဆိုတာလေး ရလိုက်တဲ့အပေါ် ကျေနပ်မိသလို တော်တော်နှစ်ခြိုက်မိတဲ့ စကားလုံးလေး တစ်လုံးလည်းဖြစ်ပါတယ်။

ညီငယ် ညီမငယ်တချို့က ဘာသာပြန်ပုံ၊ ချဉ်းကပ်ပုံကို မေးတတ်ကြလို့ အတွေ့အကြုံကို မျှဝေမှုသဘောမျှသာပါ။ ဒီခေါင်းစဉ်အောက်မှာ ရေးလာမယ့် စတေးတပ်တွေဟာ ကျနော့်ထက်အစစအရာရာ သာလွန်တဲ့ ပညာရှင်တွေအတွက် မဟုတ်ဘူး ဆိုတာလေးတော့ မလိုအပ်ပေမဲ့ ပြောခဲ့ချင်ပါတယ်။

ထောက်ခံလေမလား ကန့်ကွက်လေမလား

in ကဗျာ, ဇင်ဝေသော် - on 1/14/2015 - No comments

ထောက်ခံလေမလား
ကန့်ကွက်လေမလား
ဝေခွဲမရရာက အစပြုသည့် ယောင်ဝါးဝါး အစွန်းတစ်ခု။
ထောက်ခံချင်ခံ
ကန့်ကွက်ချင်ကွက်
ဘာကိုမှ ဂရုမစိုက်တော့သည့် ပေတေတေ အစွန်းတစ်ခု။

သိကြား သာသနာ နှစ်ငါးထောင်
ဖေ့စ်ဘုတ်ဖရင့် လူငါးထောင်
အင်း
ကံ ကံ၏အကျိုးတရားက
အစိုးရ မစွံလေလေ
မျက်မှောက်ပြုဖို့ လွယ်ကူလေလေ။ ။