နိုင်ငံခြား ပို့ငွေနဲ့ အကောင်းအဆိုး ပြဿနာ

ဒီနေ့ထုတ် သတင်းစာတွေအရ နိုင်ငံခြားမှာ အလုပ်လုပ်နေရင်း မိခင်နိုင်ငံ ကို ငွေပြန်ပုိ့ကြတဲ့ နိုင်ငံတွေထဲမှာ အိန္ဒိယက နံပတ်တစ် လို့ ဆိုပါတယ်။
မနှစ်က စုစုပေါင်း အမေရိကန်ဒေါ်လာ ၅၅ ဘီလီယံ ရှိပြီး ဒီနှစ် အခုချိန်အထိ ၆၆ ဘီလီယံ ရှိနေပြီမို့ ၇၀ ဘီလီယံအထိ ရောက် သွားနိုင်ကြောင်း ခန့်မှန်း ထားကြပါတယ်။
အထူးသဖြင့် အရှေ့အလယ်ပိုင်းမှာ အလုပ်လုပ်နေသူတွေဆီက ပို့တဲ့ငွေ ပို များပါတယ်။ စီးပွားရေး အခက်ကြုံစဉ်မှာ ဒီလို နိုင်ငံခြား မှာ အလုပ်လုပ်နေ သူတွေရဲ့ ငွေနဲ့ နိုင်ငံ့ စီးပွားရေးကို ဟန်ချက် ထိန်းထားနိုင်ပါတယ်။

စောစောပိုင်းနှစ်တွေကိုပြန်ကြည့်ရင် နိုင်ငံခြားမှာ အိမ်ဖော်လုပ်ရင်း ငွေစု၊ အိမ်ပြန်ပို့ကြတဲ့ ဖိလစ်ပိုင် အမျိုးသမီးတွေအကြောင်း လည်း တွေ့ရပါတယ်။
သူတို့ဝင်ငွေ၊ အိမ်ပြန်ပို့ကြတဲ့ ငွေတွေကလည်း ဖိလစ်ပိုင်ရဲ့ စီးပွားရေးကို တစ်တပ်တစ်အား ဖြစ်စေတယ်လို့ ဆိုထားပါတယ်။
ဖိလစ်ပိုင်က ပညာရှင် အပြင်ထွက်သွားတာမျိုးမဟုတ်တော့ မသိသာပေမယ့် အိန္ဒိယကတော့ ပညာရှင်တွေ အပြင်ထွက်သွား တာဆိုတော့ ဘေးထွက်ဆိုး ကျိုးတွေ ရှိနေပါတယ်။
၁ ။ ပြည်တွင်း ကုန်ထုတ်လုပ်မှုမှာ လျော့သွားတာ။
၂ ။ ပြည်တွင်း ပြည်ပ ဝင်ငွေက ကွာဟ လွန်းတော့ နိုင်ငံခြားမှာ အလုပ် လုပ်ရင်း အပြီးနေသွားကြတာ။
၃ ။ ပြည်ပ အလုပ်လုပ်သူတွေဆီက ဝင်ငွေရှိသူနဲ့ မရှိသူတွေကြားက လူနေ မှုအဆင့်ဟာ ကွာဟလွန်းနေခြင်း စတာတွေ ဖြစ်ပါတယ်လို့ ဆိုပါတယ်။

အိန္ဒိယသတင်းလို့ဆိုပေမယ့်ဒီပြဿနာက မြန်မာတွေရင်ဆိုင်နေရတဲ့ ပြဿနာလည်း ဖြစ်နေပါတယ်။ ငါ့သားက၊ ငါ့သမီးက ဘယ်နိုင်ငံ မှာ၊ ဘာလုပ်နေ တာ စတာတွေဟာ ပြောလို့ကောင်းတဲ့ စကားဖက်ရှင်တွေ ဖြစ်နေ တာ တွေ့ ရသလို ပြည်ပ အလုပ် လုပ် သူတွေရှိတဲ့ မိသားစုတွေဟာ ( ဘိုးစဉ်ဘော်ဆက် ချမ်းသာလာတာမျိုး မဟုတ်ရင် သို့မဟုတ် စစ်ဗိုလ်ချုပ်ကြီးတွေနဲ့ အကပ် မရှိ ရင် ) အခြားမိသားစုတွေထက် ပိုပြီး အသက်ရှူချောင်တာတွေလည်း ရှိနေပါ တယ်။

ပြည်ပမှာ အခြေကျနေသူ တချို့ကို " မြန်မာပြည် ပြန်ဖို့ အစီအစဉ် ရှိသလား " လို့ မေးကြည့်မိတဲ့အခါ ဒီကဝင်ငွေ တစ်ဝက်လောက် မှ မရဘဲ ပြန်ဖို့ ခက် တယ် ဆိုသူတွေအများအားဖြင့် တွေ့ရပါတယ်။ မှန်ပါတယ်။
အိန္ဒိယလောက် ကမ္ဘာနဲ့ချီပြီး မများပေမယ့် ပြည်တွင်းကို ပုံစံ အမျိုးမျိုးနဲ့ ငွေ လွှဲနေကြတဲ့ မြန်မာတွေရဲ့ ငွေမာဏကလည်း မနည်းလှ ဘူး လို့ ထင်တယ်။
ကောင်းပေမယ့် စောစောက ပြဿနာတွေတော့ ဆက်ရှိနေဦးမှာပါ။ ဒါကလည်း ဖွံ့ဖြိုးဆဲ၊ကမ္ဘာနဲ့ ဝင်ငွေကွာဟဆဲ နိုင်ငံတိုင်း ရင်ဆိုင် ရမယ့် ပြဿ နာ ဖြစ်ပုံရပါတယ်။ ဘယ်အစိုးရ ပဲ တက်တက် ဒီဟန်ချက်ကို ထိန်းဖို့ တက်လာမယ့် အစိုးရ တာ ဝန်ကလည်း မသေး လှဘူး။

ဒါပေမယ့် အစိုးရဆိုတာကလည်း ဒီလို အရေးကြီးကိစ္စတွေကို ကိုင်တွယ် ဖို့ ပြည်သူက ရွေးကောက်တင်မြှောက်ထားတာ မဟုတ်ပါ လား။ အီအစဉ်တွေ ရှိနေရမှာပေါ့။ ရွေးကောက်ပွဲ မတိုင်မီ ပါတီတွေက တစ်ပါတီကို တစ်ပါတီ အပြစ်တွေ ပြောမနေကြပဲ နိုင်ငံတော် အတွက် အနာဂတ် စီမံ ကိန်းတွေ ပြည်သူကိုချပြ၊ ဆွေးနွေးကြရင်း မဲဆွယ်ကြရင် သိပ်ကောင်းမှာပဲ လို့ အိပ်မက် မက်နေမိတယ်။ ။

 ဇင်ဝေသော်

Read more

အနောက်ကလူတွေနဲ့ တို့ အစိုးရ

အနောက်ဘောလုံးပရိသတ်က မကျေနပ်လို့ နှစ်ပဲတန် ကြေးပြားနဲ့ ဖာဒီနန် ကို ထုတယ်။
တို့ အစိုးရက မကျေနပ်လို့ မျက်ရည်ယို ဗုံးလိုလို ( စုံစမ်းဆဲ၊ တိတိကျကျ မသိရသေး ) မျက်နှာ စုတ်ပြတ်ဗုံးနဲ့ ထုတယ်။

အနောက်က နှစ်ပဲတန် ကြေးပြားနဲ့ ထုသူကို စီစီတီဗွီ ကြည့်ပြီး တရားခံကို အသည်းအသန် လိုက်ရှာတယ်။
တို့ အစိုးရက မျက်နှာ စုတ်ပြတ်ဗုံးနဲ့ ထုသူကို နေရာပြောင်းပြီး ရာထူး တိုးပေးတယ်။

လူကြောက် မန်စီးတီးက ဘယ်သူမှ ဘာမှ မပြောရသေးပဲ ဖာဒီနန်ကို ( အ လုပ်မရှိ အလုပ်ရှာ ) တောင်းပန်တယ်။
တို့ အစိုးရက ကမ္ဘာက ဝိုင်းအော်တာတောင် တောင်းပန်ရမယ့်အစား ဩဝါဒ စကား ချီးမြှင့်တယ်။

အနောက်ဘောလုံးပရိသတ်က တရားမရှိလို့ တစ်ဂိုးရှုံးတာနဲ့ ကွင်းထဲရောက် တယ်။
တရားရှိတဲ့ တို့ ပရိသတ်က ဂိုး ဒါဇင်ဝက်ရှုံးဦး ခပ်ပြုံးပြုံးနေတတ်တယ်။

ဦးကိုမောင်

Read more

စင်္ကာပူအမျိုးသားတက္ကသိုလ်ထဲက ဥပေက္ခာ

စင်္ကာပူအမျိုးသားတက္ကသိုလ် ( National University of Singapore ) ဗုဒ္ဓဘာသာ အဖွဲ့ချုပ် ( Buddhist Society ) ( NUSBS ) ကျောင်းသားများ၏ Dhamma camp ၌ စင်္ကာပူအမျိုးသား တက္ကသိုလ် ဗုဒ္ဓဘာသာ အဖွဲ့ချုပ်၏ Spiritual Adviser တစ်ပါးဖြစ်သည့် ဦးစိတ္တရ ( ယနေ့ နံနက် ၉ နာရီခွဲမှ ၁၁ နာရီ အထိ) တင်ပြ ဆွေးနွေးခဲသည့် ဥပေက္ခာ ဆိုင်ရာ တရား မှတ်စု အကျဉ်း ကို တင်ပေးလိုက်ပါသည်။ ( အောက်မှာ အင်္ဂလိပ်နုတ် ပေးထားပါသည်။ )

ဥပေက္ခာဟူသည်

ဥပေက္ခာဟူသည် ညီမျှသောခံစားမှု၊ ခမ်းနားသော ခံစားမှုမျိုးကို ဆိုလိုသည်။
ဥပေက္ခာ အမျိုးမျိုးရိုသော်လည်း နေ့စဉ် လူနေမှုနှင့် သက်ဆိုင်သော ဥပေက္ခာ နှစ်မျိုး တွေ့ရသည်။
ဗြဟ္မဝိဟာရုပေက္ခာ နှင့် သင်္ခါရုပေက္ခာ တို့ဖြစ်သည်။
ဗြဟ္မဝိဟာရုပေက္ခာ ဟူသည် မေတ္တာ၊ ကရုဏာ၊ မုဒိတာ၊ ဥပေက္ခာ ဟူသော ဗြဟ္မဝိဟာရ တရား လေးပါးမှ ဥပေက္ခာ ဖြစ်ပြီး ဝန်းကျင် သက်ရှိေ လာ က နှင့် ဆက်နွှယ်သည်။ လူမှုဆက်ဆံရေး၌ သက်တောင့် သက်သာ ဖြစ်ရန် လိုအပ်သည်။
သင်္ခါရုပေက္ခာက ဖြစ်ပျက် အစဉ် သဘာဝတရားတို့ နှင့် ဆက်နွှယ်ပြီး အနိမ့် အမြင့် လောကဓံတရားမှ အစ၊ အဖြစ် အပျက်၊ အိုနာသေ တရားတို့နှင့် ရင် ဆိုင်ရသော အခါ ရှိနေသည့် တည်ငြိမ် ခမ်းနားသော ခံစားမှုမျိုးဖြစ်သည်။ သဘာဝနှင့် ရင်ဆိုင်ရာ အရေးအကြီးဆုံး သဘောတရားဖြစ်သည်။

စရန္တိ ဝိသမေ သမံ၊ မညီညွတ်သော မြေပြင်၌ ဟန်ချက်ညီညီ လျှောက်ခြင်း ဟု ဘုရားရှင် မိန့်မှာသည်။

ဥပေက္ခာ ကျင့်စဉ်

ဤ၌ ဈာန်ကျင့်စဉ်၊ ဝိပဿနာကျင့်စဉ် နှင့် ဗြဟ္မစိုရ် ကျင့်စဉ်ဟု သုံးမျိုး ကွဲ သည်။
ဈာန်ကျင့်စဉ်၌ ဝိတက်၊ ဝိစာရ၊ ပီတိ၊ သုခ၊ ဧကဂ္ဂတာ၊ ဟု ဈာန်အင်္ဂါ ၅ မျိုး၊ ဈာန် ၅ ပါးရှိရာ စတုတ္ထဈာန်အရောက် သုခ အစား ဥပေက္ခာ ဝင်လာသည်။ သမာဓိဆိုင်ရာ ဥပေက္ခာ ရဖို့ စတုတ္ထဈာန်ရောက်အောင် ကျင့်သုံးရသည်။
ဝိပဿနာကျင့်စဉ်၌ အဖြစ် အပျက်စသော သဘာဝကို သိသော ဥဒယဗ္ဗယ စသည့် ဉာဏ်စဉ်တို့ကို အဆင့်ဆင့် ကျော် လွန်ပြီး နောက် ဆုံး တောင့် တ ကြောင့်ကြ ကင်းသည့် သင်္ခါရုပေက္ခာကို ရောက်သည်။
ဗြဟ္မစိုရ် ကျင့်စဉ်၌ မေတ္တာ၊ ကရုဏာ၊ မုဒိတာ၊ ဥပေက္ခာ တို့ကို တစ်ပေါင်း တည်း တွဲ၍ ကျင့်ရ ခက်သလို ခွဲ၍လည်းမရတတ်။ အခြေအနေ နှင့် အချိန် အခါကို လိုက်၍ ကျင့်နိုင်သည်။

ကျောင်းသားများနှင့် အကိုက်ညီဆုံး သာဓက ကို ပေးရလျှင်
How are you?
I'm OK. Thanks. ဆိုလျင် မေတ္တာ ပွားနိုင်သည်။
How is everything?
Not very good. I'm having a lot problems. ဆိုလျင် ကရုဏာ ပွားရ သည်။
How is everything?
Great! I didn't expect that much. Actually, the result was much better than I expected. ဆိုလျင် မုဒိတာ ပွားရသည်။
ဥပေက္ခာက အနည်းငယ်ကွဲသည်။ မေတ္တာ၊ ကရုဏာ၊ မုဒိတာထားပါလျက် အကျိုးဆက် ( သို့ ) တုန့်ပြန်မှုက အကြောင်း အမျိုးမျိုးကြောင့် ပုံစံ ကွဲနိုင် သည်။
ထိုအခါရောက်မှ ငါလည်းတတ်နိုင်သလောက် လုပ်ခဲ့ပြီးပြီ၊ ကျန်တာတော့ ကံစီမံရာပဲ ဟု စ်ိတ်သက်သာအောင် ပညာဖြင့် ထားခြင်းဖြစ်သည်။
ဤသည်က " မညီညွတ်သော မြေပြင်၌ ဟန်ချက် ညီညီ လျှောက်ခြင်း " ဖြစ်သည်။

ဥပေက္ခာအပေါ် လွဲမှားသော အမြင်နှင့် ဝေါဟာရ အချိ့

မျက်ကွယ်ပြု၊ ရက်စက်၊ စိမ်းကားခြင်း စသည်တို့နှ့င် ဥပေက္ခာ အထူး
မျက်ကွယ်ပြု၊ ရက်စက်၊ စိမ်းကားခြင်း စသော ရှေး တရားတို့ က လော ဘ၊ ဒေါသ၊ မောဟ တို့၏ ထုတ်ကုန်ဖြစ်ပြီး ဥပေက္ခာ က သမာဓိ ပညာ၏ ထုတ်ကုန်ဖြစ်သည်။ လုံးဝမတူပါ။
ဗိုက် အလွန်ဆာနေစဉ် စားကောင်းသောက်ဖွယ် အနံ့ရလျှင် ခံရခက်သလို နာလည်မှု မပါသော လောဘက ထိမ်းရခက်သည်။
စားကောင်းသောက်ဖွယ် အနံ့ရသော်လည်း မိမိက ဗိုက်ဝနေလျင် ထို အနံ့က သိပ်ဒုက္ခ မပေးနိုင်သလို ပညာပါက လောဘကို ထိမ်းထားလိူ့ရသည်။
အကျိုး အကြောင်း မသိရလျင် တစ်ခုခုကို ဒေါသ ဖြစ်ရသည်။ အကျိုး အကြောင်း သိလိုက်ရလျင် ဒေါသ ပြေသွားသည်။
ထို့အတူ မျက်ကွယ်ပြု၊ ရက်စက်၊ စိမ်းကားခြင်း စသည်တို့က အတ္တကို အခြေခံပြီး ကိုယ့်အလိုအတိုင်း တစ်ဖက်သားက မဖြစ်လာသဖြင့် ခံစား ရသော ခံစားမှုဖြစ်သည်။
ဥပေက္ခာက နားလည်မှုကို အခြေခံသည်။ အဇ္ဈတ္တ၌ ဖြစ်တတ်သော သောမနဿ၊ ဒေါမနဿ ဝေဒနာများမှ လွတ်သွား သည်။
စိတ်ငြစ်၍ စိတ်မတည်ငြိမ်သလို အပျော်လွန်လျင်လည်း စိတ်မတည်ငြိမ်။ ဥပေက္ခာက ဤ အစွန်း နှစ်ဖက်မှ လွတ်သွားပြီး တည်ငြိမ်သွားသည်။
ဤသည်က " မညီညွတ်သော မြေပြင်၌ ဟန်ချက် ညီညီ လျှောက်ခြင်း " ဖြစ်သည်။
ဥပေက္ခာ လည်း ခံစားမှုသာဖြစ်သည်။ သို့သော် ထို ခံစားမှုက ခမ်းနားသည်။ စိတ်ကို လုံခြုံမှု ရစေသည်။

Equanimity
Equanimity is a calm state of mind and attitude to life so that one does not lose one’s temper or get upset.
Equanimity: a state of mind that regards all beings and natural processes with impartiality, free from attachment and aversion.

Mainly two types of Equanimity:
Equanimity towards beings and natural processes .

Three practices to acquire that.
1 ) Concentration: Initial application. Sustained application. Joy. Happiness/ equanimity. One pointedness.
2 ) Insights: Knowing things/processes the way they are, arising and falling away.
3 ) Loving-kindness, compassion, appreciation and equanimity.

Caranti visamam samam- walking evenly on the uneven.

Misunderstanding with:
Don't bother, don't care, give a cold shoulder and equanimity.
While one is the product of anger, ignorance and selfishness, the other is the product of proper understanding and maturity.

May you all be calm and peaceful!
Bhante Cittara

 ကမ်းလက် 

Read more

ဗုဒ္ဓဘာသာနှင့် စစ်တပ် ( ၂ )

“ စစ်သားတစ်ယောက်ဟာ (တိုင်းပြည်ရဲ့ စစ်သားအစစ်အမှန်လား၊ ကြေးစားစစ်သားလားဆိုတာတွေ ကွဲကွဲပြားပြား ဖော်ပြ မထား ပါဘူး။) တိုက်ပွဲမှာ ကျဆုံးခဲ့ရင် နတ်ပြည်ကိုရောက်နိုင်ပါသလား” တဲ့။
    ဘုရားရှင်ရဲ့အဖြေက တိတ်တိတ်နေလိုက်ခြင်းပါ။
    မေးတဲ့ပုဂ္ဂိုလ်က ဇွတ်အတင်းမေးလာတော့မှ-
    “သူတပါးကို သေစေလိုတဲ့ စေတနာဆိုးနဲ့ သေသွားသူအတွက် ဒုတိယဘဝက ငရဲနဲ့ တိရိစ္ဆာန်ပဲ ဖြစ်နိုင်တယ်” လို့ ဘုရားရှင် က ဖြေကြားခဲ့ပါတယ်။

Buddhism and the Role of the Armed Services.
By: Peter Harvey.
ဗုဒ္ဓဘာသာရဟန်းတော်တွေဆိုရင် ၂၂၇ - သိက္ခာပုဒ်တွေကို စောင့်ထိန်းထားကြရပါတယ်။ အဓိကက သတ္တဝါ၊ အခြေအနေတွေကို စိတ်ရှည်သည်းခံဖို့ လမ်းညွှန်ထားတဲ့ သဘောတရားပါ။ ဗုဒ္ဓဘာသာရဟန်းတော်တွေမှ မဟုတ်ပါဘူး။ သေနတ်ကိုင်ထားတဲ့ စစ် သားတွေ ဟာလည်း စိတ်ရှည်သည်းခံဖို့  လိုပါတယ်။ လောကီအာရုံတွေနဲ့့ဖျားယောင်းတာကို ရဟန်းတွေခံနေရသလိုမျိုး စစ်သားေ တွ ဟာလည်း စစ်ပွဲ၊ ရန်သူတွေရဲ့ဖျားယောင်းမှုကို ခံနေကြရတာပါ။
     “မြတ်စွာဘုရားက စစ်သူကြီးကောင်း၊ စစ်သားကောင်းတစ်ယောက်ရဲ့ဂုဏ်ရည်နဲ့ ပတ်သတ်လို့  ပသေနဒီကောသလမင်းကြီးကို မိန့် ဆိုခဲ့ဖူးပါတယ်။
ကောင်းကောင်းလေ့ကျင့်ပေးထားသူဖြစ်ရမယ်။
အတွေ့ အကြုံရင့်ကျက်ရမယ်
သတ္တိရှိသူဖြစ်ရမယ်။
အထူးသဖြင့် လေးစားထိုက်သူဆိုရင် လေးစားမှုရှိနေရမယ် - တဲ့။ ”
(S-N-1 98, 99, Samyutta Nikaya (Th) Physe Davids.)
ဒါကိုကြည့်ရင် ဒီနေ့ ကျနော်တို့ ဒီခေတ်စစ်တပ်ရဲ့ ဥပေဒေတစ်ချို့ ဟာ ဗုဒ္ဓဥပဒေတွေနဲ့  ဆက်စပ်နေတယ် ဆိုတာ ကို တွေ့ မြင်ရပါ တယ်။

ငါးပါးသီလနဲ့ သမ္မာအာဇီဝ-

    ဗုဒ္ဓဘာသာရဲ့ ကိုယ်ကျင့်နဲ့ပတ်သက်လို့ ငါးပါးသီလက အချုပ်ပါပဲ။

    ၁။ ပါဏာတိပါတ - လူ၊ တိရိစ္ဆာန် သက်ရှိမှန်သမျှကို တိုက်ရိုက်အားဖြင့်ဖြစ်စေ၊ သွယ်ဝိုက်သောအားဖြင့်ဖြစ်စေ၊ တစ်ယောက်ယောက်ကို စေခိုင်း၍ဖြစ်စေ သတ်ဖြတ်ခြင်း
    ၂။ မပေးတဲ့ သူတပါးပစ္စည်းကို ခိုးယူခြင်း၊ လိမ်ယူခြင်း၊ နိုင့်ထက်စီးနင်းယူခြင်း
    ၃။ ကာမေသု မိစ္ဆာစာရ
    ၄။ မုသာဝါဒ
    ၅။ သုရာမေရယ - လူရဲ့သတိမှတ်ဥာဏ်ကို ချွတ်ယွင်းစေနိုင်တဲ့ အရက်ဆေးဝါးစတာတွေ သုံးစွဲခြင်း။
    ငါးပါးသီလဆိုတာ တကယ်တော့ ရွှေစည်းမျဉ်း၊ ရွှေဥပဒေတော်ပါ။ ဘယ်သူမှ ဒုက္ခမရောက်ချင်ဘူး။
လူတိုင်းပျော်ရွှင်ချင်တယ်။ ဒီတော့ သူများဒုက္ခရောက်အောင် မလုပ်နဲ့။ သူများစိတ်ချမ်းသာပါစေ။ ဒါပါပဲ။ နောက်ပြီး ငါးပါးသီလနဲ့ ဆက်စပ်ပြီး သတိပေးထားတာက မှားယွင်းတဲ့ အသက်မွေးဝမ်းကြောင်းမှုဆီကို ရောက်မသွားစေဖို့ပါ။ မှားယွင်းတဲ့ အသက်မွေးမှုနဲ့ ပတ်သက်လို့ ဗုဒ္ဓဘာသာက စာရင်းပြုစုပေးထားတာတွေက လက်နက်ရောင်းဝယ်မှု၊ တိရိစ္ဆာန်ရဲ့ အသားရောင်းဝယ်မှု၊ အဆိပ်ရောင်းဝယ်မှု၊ လူရောင်းဝယ်မှုနဲ့ မူးယစ်သေစာရောင်းဝယ်မှုတွေပါ။

စစ်သားတစ်ယောက်နဲ့ ဗုဒ္ဓဘာသာရဲ့တန်ဖိုးများ

လက်နက်အရောင်းအဝယ်လုပ်တယ်ဆိုတာ စစ်သားနဲ့ မဆိုင်ပါဘူး။ အရောင်းအဝယ်လုပ်တဲ့ လက်နက်ပွဲစားတွေနဲ့ပဲ ဆိုင်တယ်။ ဒါပေမယ့် စစ်သား(သို့) စစ်တပ်နဲ့ တစ်နည်းနည်းဆက်စပ်နေရင် ဗုဒ္ဓဘာသာတစ်ယောက်အနေနဲ့ စဉ်းစားစရာတွေ အများကြီး ရှိနေမှာ အသေအချာပါပဲ။ ဗုဒ္ဓဘာသာက ဘာမှမပြောခဲ့ပါဘူး။ ဟိန္ဒူဘာသာရဲ့ ကျမ်းစာတစ်ခုဖြစ်တဲ့ ဘဂဝါဂီတမှာတော့ " လူတစ်ေ ယာက်ဟာ မွေးဖွားစဉ်ကတည်းက တိုင်းပြည်တာဝန်ကို ထမ်းဆောင်ဖို့ ခတ္တိယမျိုးမှာ မွေးဖွားလာတယ်။ ဒီလို စစ်တပ် တာဝန်ကို ထမ်းဆောင်နေရခြင်းကပင် ဘာသာရေးတာဝန်တစ်ခုကို ထမ်းဆောင်နေသလိုပါ။ စစ်တပ်က လိုအပ်လာတဲ့အခါ ရှေ့တန်းစစ်မျ က်နှာကို ထွက်တယ်။ စစ်တိုက်ရင်း အသက်ဆုံးရှုံးခဲ့ရတယ်ဆိုရင်တောင်မှ သေရင်နတ်ပြည်ရောက်တယ်” လို့ ဘဂဝါဂီတမှာ ဖော်ပြထားပါတယ်။ လူတွေအမှတ်မှားနေတဲ့ကိစ္စက ဒီစကားကို ဗုဒ္ဓဘာသာကပဲ ပြောခဲ့သလိုလို ထင်နေခြင်းပါ။ (ရဲသော် မသေ၊ သေသော် ငရဲမလား- ဟာ ဘဂဝါဂီတ ဟိန္ဒူအယူအဆဆိုတာ ဆရာကြီးတို့ သိနိုင်ပါစေ- ဘာသာပြန်သူ)

ဒီပြဿနာမျိုးပဲ ဘုရားရှင်ကို မေးလျှောက်ခဲ့ဖူးပါတယ်။
 “ စစ်သားတစ်ယောက်ဟာ (တိုင်းပြည်ရဲ့ စစ်သားအစစ်အမှန်လား၊ ကြေးစားစစ်သားလားဆိုတာတွေ ကွဲကွဲပြားပြား ဖော်ပြမထားပါဘူး။) တိုက်ပွဲမှာ ကျဆုံးခဲ့ရင် နတ်ပြည်ကိုရောက်နိုင်ပါသလား” တဲ့။
    ဘုရားရှင်ရဲ့အဖြေက တိတ်တိတ်နေလိုက်ခြင်းပါ။
    မေးတဲ့ပုဂ္ဂိုလ်က ဇွတ်အတင်းမေးလာတော့မှ-
    “သူတပါးကို သေစေလိုတဲ့ စေတနာဆိုးနဲ့ သေသွားသူအတွက် ဒုတိယဘဝက ငရဲနဲ့ တိရိစ္ဆာန်ပဲ ဖြစ်နိုင်တယ်” လို့ ဘုရားရှင် က ဖြေကြားခဲ့ပါတယ်။ တကယ်တော့ စစ်သားတစ်ယောက်ရဲ့ တာဝန်တွေဟာ များပြားလှပါတယ်။ ငြိမ်းချမ်းရေးအတွက် ကြားဝင်ဖြေရှင်းပေးရတာ၊ ပြည်တွင်းမငြိမ်မသက်ကိစ္စတွေရှိလို့ အရေးပေါ် ထိန်းသိမ်းရတာ၊ အကူအညီပေးရတာ၊ ကိုယ့်နိုင်ငံ ကိုယ့်လူမျိုးကို ကာကွယ်ရတာ၊ စုံလို့ပါပဲ။
    ဒါပေမယ့် အနှေးနဲ့အမြန်ပါပဲ။ ပုံစံတစ်မျိုးမျိုးနဲ့ သတ်ဖြတ်မှုတွေ ပါလာတတ်ပါတယ်။ ဗုဒ္ဓဘာသာအရ စေတနာနဲ့သာ သတ်လို့ကတော့ ဘယ်လိုသတ်ဖြတ်ခြင်းကိုမှ ကောင်းသောသတ်ဖြတ်ခြင်းလို့ ဆိုမထားပါဘူး။ ဒါပေမယ့် နေရာနဲ့ အခြေအနေတွေကိုတော့ ထည့်သွင်းစဉ်းစားရပါလိမ့်မယ်။ အပြစ်မဲ့တဲ့ ပြည်သူတွေကို သက်သက်မဲ့ သတ်ဖြတ်လာနိုင်တဲ့ အနေအထားတွေမှာဆိုရင်တော့ မလွဲသာမရှောင်သာ ပြည်သူကိုကာကွယ်ရင်း တစ်ဖက်သားကို ပစ်သတ်လိုက်ရတာမျိုးတွေ ရှိလာမှာပါပဲ။ ဒါဆိုရင်လည်း သေစေတဲ့စေတနာကို ကာကွယ်လိုတဲ့ ကရုဏာနဲ့အစားထိုးပြီး သုံးသပ်လိုက်ရတော့မှာပါ။ ဒီလိုအနေအထားမျိုးကို ကျွန်တော်တို့ ဘာသာစကားနဲ့ “necessary evils” လို့ ခေါ်ပါတယ်။



( ဆက်ရန် )

 ကမ်းလက် 

Read more

ကိုယ့် ငါးချဉ်နဲ့ ကိုယ်

ဒီလမှာ ရီဒါး ဒိုင်ဂျက်က နှစ် ၉၀ ပြည့်ပြီလို့ ဆိုပါတယ်။ နှစ် ၉၀ အတွင်း သူတို့ အကြိုက်ဆုံးစာလေးတွေကို ပြန်ဖော်ပြထားပါတယ်။ ဒီနေ့ အလုပ် နည်းနည်း ရှုပ်နေလို့ သူတို့လည်းကြိုက်၊ ကိုယ်လည်းကြိုက်၊ ပြုံးစရာ လည်းကောင်းတဲ့ စကားလေးနှစ်ခွန်းကိုပဲ ဘာသာပြန်ပေးလိုက်ပါတယ်။

ပြုံးစရာကောင်း သလို ကြည်နူးစရာလည်း ကောင်းပါတယ်။ ဇနီးကို ဘယ်လောက်ချစ်ကြောင်း ညွှန်းဆိုကြသမျှတွေထဲမှာ အလှဆုံး စကားလို့တောင် ရီဒါး ဒိုင်ဂျက်ကတော့ ဆိုချင်ပါတယ်။
မစ္စတာ Joseph H. Choate ကို လူတစ်ယောက်က မေးတယ်
" ဒီဘဝမှာ Joseph H. Choate သာ ဖြစ်ခွင့် မရခဲ့ဘူးဆိုရင် မစ္စတာ Choate ဖြစ်ချင်တဲ့လူက ဘယ်လိုလူမျိုး ဖြစ်နိုင်ပါသလဲ "
သူက စဉ်းစားတောင် မနေဘဲ ချက်ချင်း
" မစ်စက်စ် Choate ရဲ့ ဒုတိယ ခင်ပွန်း ဖြစ်ချင်ပါတယ် " တဲ့။ သူ့ ဇနီး ဟတ်ထိနိုင်တာပေါ့။
By: Williom I Jones. RD Feb, 1930

Mrs Agatha Christine က စုံထောက် ဝတ္ထုတွေရေးတဲ့ စာရေးဆရာမပါ။ သူမ အမျိုးသားက ရှေးဟောင်း သုတေသနဆရာဖြစ် ပြီး အရေးကြီး ရှာဖွေ တူးဖော်စရာတွေရှိလို့ ဘဂ္ဂဒက် မှာ အနေများတာယ်၊ ဒီတော့ သူမဘဝက လည်း ဘဂ္ဂဒက်က ခွာမရ ဖြစ်နေခဲ့ရ တာပေါ့။ သူမ အမျိုးသားရဲ့ ဝါသနာနဲ့ သူ့ အလုပ်အပေါ်မှာ စိတ်မပျက်ဘူးလား မေးတော့ Mrs Agatha Christine က
" ရှေးဟောင်း သုတေသန ပညာရှင် ခင်ပွန်းဆိုတာ အမျိုးသမီးတစ်ယောက် ရနိုင်တဲ့ ခင်ပွန်းတွေထဲမှာ အကောင်း ဆုံးေ ယာက်ျားတွေပဲ၊ သူတို့က ရှေးကျလေလေ စိတ်ဝင်စားလေလေ၊ ကျမ အရွယ် ရလာလေလေ သူက စိတ်ဝင်စားလေလေပဲ " တဲ့။
RD, Mar, 1952.

ဇင်ဝေသော်

Read more

စကာား " စစ် " ပွဲ

၁ ။ မုသာဝါဒ။ စစ်ကြေငြာခြင်း။
 စေတနာဆိုး မုသာဝါဒဟာ လူမှုရေးပြဿနာ အားလုံးရဲ့ ရေသောက်မြစ်။

၂ ။ ဖရုသဝါစာ။ အသေခံ ဗုံးဖောက်ခွဲခြင်း။ 
တစ်ဖက်သား နာကျင်ဖို့ သူကိုယ်တိုင် အနာခံဖို့ အသင့်ပြင်ထားခြင်း။ ရှောင်ဖို့ သိပ်မလွယ်တဲ့ အကွာအဝေးရောက်မှ ဖရုသဝါစာကိုရော အသေခံ ဗုံးခွဲသူကိုပါ တွေ့မြင်ခွင့်ရ။ နှစ်ဦး နှစ်ဖက် ထိခိုက်၊ အနာတရ ဖြစ်ဖို့များ။

၃ ။ ပိသုဏဝါစာ။ စနိုက်ပါလို တိုက်ခိုက်ခြင်း။ 
ပိသုဏဝါစာပြောတတ်သူက ရှေ့မှာ မပြော၊ ကွယ်ရာကနေ ဆော်တယ်။  ဖရုသဝါစာလောက်ပင် လူမဆန်၊ သတ္တိမရှိ။ မုသာဝါဒ ပြောသူလောက်လည်း ( မဟုတ်တာတော့ မဟုတ်တာပေါ့ ) အရည်အချင်း မရှိ။ တစ်ယောက်နဲ့ တစ်ယောက်သာ နားလည်မှုလွဲ၊ ဘယ်သူ့လက်ချက်လည်းဆိုတာ ချက်ချင်း မသိရ။ ကျည်ဆံတွေသာ ရောက် ရောက်လာတယ် ဘယ်သူက ပစ်နေမှန်း မသိရတတ်။

၎ ။ သမ္မပ္ဖလာပ။ မစ်စ် ဖိုင်းယား၊ လွဲမှား ပစ်မိ၊ ဗုံးချမိခြင်း။ 
တစ်ဖက်သားကို နာကျင်စေဖို့ ဆန္ဒမရှိ။ ဒါပေမယ့် သူ့ကြောင့် တစ်ဖက်သားမှာတော့ မရှုမလှ။ စေတနာ မပါတော့ လက်တုန့်ပြန်လို့လည်းမရတတ်။ တချို့က စေတနာဆိုးမပါ၊ သူပြောချင်ရာ သူပြောတယ်၊ ဂရုမစိုက်တော့  ပြောတာတွေက တစ်ဖက်သားကို သွား သွားထိ။ သူကမသိ။ သိတော့မှ " ဆောရီး၊ အဲသလို မရည်ရွယ်ခဲ့မိ " တဲ့။

ခွေးက လူတွေ အိပ်ယာက နိုးစေလိုတဲ့ စေတနာ မပါ။ သူ ဟောင်ချင်လို့သာ ဟောင်တယ်။ ဘာ့ကြောင့်ပဲ ဟောင်ဟောင် လူ အိပ်ယာက နိုးတာကတော့ အတူတူပဲ။
( စောနေလတ်၊ လူလားမမြောက်သေးသော အတွေးများမှ )

 ကမ်းလက် 

Read more

ယောက်ျားနဲ့ ဘစ်ဂါး အင်းမေ့ဂ်ျ

ယောက်ျားဆိုတာက မိန်းမ မွေးနေ့၊ မင်္ဂလာ နှစ်ပတ်လည်နေ့ စတာတွေကို သိပ် သတိရတတ်တာမျိုး မဟုတ်ဘူး။
သူတို့ကို ဂရုမစိုက်ရလား လို့ သွားမပြောနဲ့ ပိုပြီးအရေးကြီးတာတွေ အာရုံစိုက်နေရလို့ လို့ ပြောတတ်ကြတယ်။
အင်္ဂလိပ်လို နည်းနည်းပါးပါး တီးမိ ခေါက်မိ မြန်မာတွေဆိုရင် ဘစ်ဂါး အင်းမေ့ဂ်ျ ( Bigger image ) ကို ဖော့ကပ်စ် ( focus ) လုပ်နေရတာ ဘယ် သတိရနိုင်မလဲ လို့တောင်  ပြောဦးမယ်။
ယောက်ျားတစ်ယောက်က ဒီနှစ်တော့ ရန်လုပ်မခံရအောင် ဆိုပြီး ဘယ်လင်တိုင်း ဒေး ကို သတိရတာနဲ့ ချစ်သူများနေ့ ကတ် လှလှလေး တစ်ခု ဝယ်ပြီး သူ့မိန်းမကို လက်ဆောင်ပေးတယ်။
ပျော်သွားတဲ့ သူ့မိန်းမရဲ့ အပျော်က ခဏပဲ ခံ တယ်။ နောက်တောက်တောက် ကတ်ထဲမှာ ရေးထားတာက
" With Deepest Sympathy ” တဲ့။
ဒီတော့ မှ ကတ်ထဲမှာ ရေးထားတာကို မဖတ်ခဲ့မိကြောင်း သတိရတယ် တဲ့။
ယောက်ျားဆိုတာ ဘစ်ဂါး အင်းမေ့ဂ်ျကိုပဲ ဖော့ကပ်စ် တယ်ဆိုတာ ( သို့ ) တခါတခါ အူလည်လည် ဆိုတာ ရှင်းနေတာပဲ။

လူမှားဗျူးတဲ့ ဘီဘီစီ

အပြစ်ကင်းတဲ့ အမှားတွေကို ပြန်ကြည့်ရင် ဘီဘီစီ တို့ လုပ်ချလိုက်တဲ့ အမှားက ပိုပြီး ပေါ်ပြူလာဖြစ်တယ်။
တကယ်တမ်း အင်တာဗျူးရမှာက Kewney ဆိုတဲ့ ပုဂ္ဂိုလ်၊ သူက Newswireless.net ရဲ့ အယ်ဒီတာ။ ဗျူးလိုတဲ့ အကြောင်းက " Apple vs Apple court case " ပါ။
သူ့ အစား ကမ္ဘာကို ရုပ်သံလွှင့်နေတဲ့ အခန်းထဲခေါ်ပြီး  ဘီဘီစီ အင်တာဗျူးလိုက်တာက ကွန်ဂို နိုင်ငံသား  ဂိုးမား ( Goma ) ဆိုတဲ့လူဖြစ်နေတယ်။
ဂိုးမားကလည်း ဒေတာနဲ့ ပတ်သက်တဲ့ အလုပ်တစ်ခုရဖို့ လျှောက်လွှာ တင်ထားသူပါ။ သူက ပြောတယ်။
" ခေါင်း တော်တော်စားသွားတယ်ဗျာ၊ အင်တာဗျူးမှာ မေးတာတွေကလည်း ကျနော် လျှောက်ထားတဲ့ အလုပ်နဲ့ ဘာမှလည်း မဆိုင်ဘူး "
"  ဘီဘီစီ မှားခဲ့တာနဲ့ ပတ်သက်လို့ လူတွေကို ပြန်ပြောပြဖို့ စိတ် ကသိကအောက် မဖြစ်မိပါဘူး " တဲ့။ ( သူက တကယ်လည်း လျှောက်ပြောတယ် )
သူမပြောရင်တောင် ဘီဘီစီ ကိုယ်တိုင်က ဒီ အင်တာဗျူးကို ကမ္ဘာလွှင့်လိုက်ပြီးပြီပဲ။
တော်တော် အူလည်လည်နိုင်တဲ့ အင်တာဗျူးဆိုပဲ။ ဒါမျိုး အမှားက ဘယ်သူ့ကိုမှ မထိခိုက်တဲ့အပြင် ရယ်တောင်ရယ်ရသေးတယ်။ ကောင်းတယ်။
ဘီဘီစီ တို့  ကမ္ဘာကျော်တယ်ဆိုတာ ဒါမျိုးလည်း အင်တာတိန်း လုပ်တတ်လို့။

( BBC News 'wrong Guy' is revealed
    Guy Goma
Guy Goma faced questions about the Apple vs Apple court case
The true identity of a man who was mistakenly interviewed on BBC News 24 has been revealed. )

ပေါ့ပေါ့ ပါးပါးလေးပါ

ဇင်ဝေသော်

Read more

မသိမ်မွေ့နိုင်ခဲ့တဲ့ အမျိုးသားရေး ချစ်စိတ် ( ၂ )

တို့က ဘာပေးသလဲဆိုတော့ အိမ်ပေးတယ်။ အိမ်ဝယ်ဖို့ ပိုက်ဆံ မလုံလောက်ဘူးလား။ ဒေါ်လာ ရှစ်သောင်းအထိ တို့က စိုက်ပေးတယ်။ သူတို့ရဲ့ CPF (Central Provided Fund) ကို တိုးပေးတယ်။ နိုင်ငံတော်မှာ ပိုလျှံငွေ ထွက်လာရင် ဘော့နပ်(ခ်) ပေးတယ်။ ဘက်(စ်) အလကား စီးချင်တာလား။ ဒါတော့ မရဘူး။ မင်းမှာ ပြဿနာ ဖြစ်နေသလား။ မင်းကို ငွေ (သို့မဟုတ်) တစ်ခုခု ချပေးမယ်။ မင်း ဘာလုပ်မယ်ဆိုတာတော့ ကိုယ့်ဘာသာ ဆုံးဖြတ်။
(လီကွမ်းယု)

မေး ။    ။ လူတန်းစား မတူညီမှုတွေ ရှိနေတဲ့ကြားကနေ အစိုးရကသာ ပိုပြီး ကြိုးစားပေးမယ်ဆိုရင် အောက်ခြေက (၂၀) ရာခိုင်နှုန်း ဆင်းရဲသားတွေရဲ့ဘဝ အနည်းငယ်တော့ တက်လာနိုင်မယ် မဟုတ်ဘူးလား။

 ဖြေ ။    ။ လူထုကို ပွင့်ပွင့်လင်းလင်းပဲ ငါပြောခဲ့တယ်။ အဲ့ဒါ ခင်ဗျားတို့ဘုရားရှင် ဖန်ဆင်းထားတဲ့ အတိုင်းပဲ၊ ကျွန်တော်က ဘုရားရှင်မဟုတ်တော့ ပြင်ပြီး ဖန်ဆင်းပေးလို့လည်း မရတော့ဘူး။ ကျွန်တော် ပေးနိုင်တာက အပိုကျူရှင်တွေ ကလေးတွေအတွက် လုပ်ပေးမယ်။ ပိုကောင်းတဲ့ ပတ်ဝန်းကျင်တွေ ဖန်တီးပေးမယ်။ ဒါပဲ။ဒါပေမဲ့ ရလာတဲ့ အကျိုးအမြတ်က သိပ်မဟန်လှဘူး ... လို့။
 ဘာလို့လဲဆိုတော့ အထက်တန်းက ကလေးတွေကလည်း ပိုပြီး ကြိုးစားအားတွေ ရှိနေတော့ ဒီလူတန်းစား ခြားနားချက်က ဘယ်တော့ မှ ကျဉ်းသွားမှာ မဟုတ်ဘူး။
    ငါတို့ ကြိုးစားနေပါတယ်။ တကယ်ပါ။ အပိုကျူရှင်တွေပေး၊ ဂရုစိုက်မှုတွေ ပိုပေးတယ်။ အားပေးတယ်။ မိန့်ခွန်းတွေဘာတွေ သွားပြောရလို့ ဂုဏ်ပြုကြတဲ့ငွေတွေရရင် စကောလားရှစ်တွေအတွက် လှူလိုက်တယ်။ အောက်ခြေက ကလေးတွေကို အားပေးဖို့ ဆုတွေဘာတွေ ချတယ်။ ITE (Institute of Technical Education) ကနေ ပိုလီကျောင်းကို တက်နိုင်အောင် ... စသဖြင့်ပေါ့။
    သူတို့ လိုရာခရီးကိုရောက်ဖို့ ငါတို့က အပိုဆောင်းပေးတဲ့ အကူအညီတွေ အမြဲပေးနေမှာပဲ။ ဒီသဲသောင်ပေါ်က ကျောက် တစ်လုံး ကဖြင့် သွေးပေးလိုက်ရင် တစ်ခြားကျောက်တွေထက် သာသွားမှာပဲလို့ ဘယ်သူက ရွေးချယ်သတ်မှတ်ပေးနိုင်မှာလဲ။ ခင်ဗျားတို့ ကလေးတွေက အိမ်နီးချင်းက ကလေးတွေလောက် ဉာဏ်မကောင်းဘူးလို့ ပြောရင် မိဘတွေက သိပ်မကြိုက်ကြဘူး။
    မဲဆန္ဒနယ်ဟောင်းတွေ ဖြစ်ကြတဲ့ တန်ဂျွန်းပါဂါနဲ့ ကရိတအေရာကို ငါ စောင့်ကြည့်တယ်။ ကွန်မြူနတီစင်တာ (လူထုစုဝေးရာဌာ န) မှာ တက်တက်ကြွကြွ ပါဝင်တဲ့ ကလေးတွေကို ငါ လေ့လာတယ်။ တချို့ကလေးတွေက တော်တော် တော်ကြတယ်။ တစ်ယောက် ဆိုရင် မောင့်(တ်)အလစ်ဇဘက်ဆေးရုံမှာ မျက်စိအထူးကုဆရာဝန်၊ တချို့လည်း ကိုယ်ပိုင်ကွန်ဒို၊ ကိုယ်ပိုင် အိမ်တွေနဲ့ နေနိုင် ကြတဲ့ ပရော်ဖက်ရှင်နယ်တွေ။ မစွံတဲ့ကလေးတွေ မွေးထားမိတဲ့ မိဘတွေကတော့ လေးခန်း၊ ငါးခန်း HDB (Housing and Development Board) မှာ နေကြရတယ်။ သူတို့က မကျေနပ်လို့ ပြောကြသေးတယ်။ အိမ်နီးချင်း ကလေးတွေက ဘာဖြစ်လို့ ပိုသာနေတာလဲတဲ့။ သူတို့ကလေးတွေကမှ မစွံတာ။ ဒါပဲလေ။ ဘယ်သူကမှ သူတို့ကလေးတွေရဲ့ တက်လမ်းကိုဟန့်တား မထားပါဘူး။
  
 မေး ။    ။ ဟိုတုန်းက ခေတ်ကို မဆိုလိုပါဘူး။ ဒီနေ့ခေတ်မှာပေါ့။ တက္ကစီသမားတစ်ယောက်ရဲ့သားက Lim Chee Onn (လင်ချီအုန်း ) လို အစိုးရ ထိပ်သီးအဖွဲ့ဝင်အထိ ဖြစ်နိုင်အောင် အခွင့်အရေး ရှိနိုင်ပါ့မလား။
    ဖြေ ။    ။ ကလေးက ဉာဏ်ကောင်းပြီး ကျောင်းလည်းတက်ရင် ဖြစ်နိုင်တာပေါ့။ သူ့အရည်အချင်း ဖွံ့ဖြိုးဖို့ တားမြစ်ထားတာ မရှိပါဘူး။ အိမ်နားက စာသင်ကျောင်းတွေမှာလည်း နာမည်ကြီးကျောင်းတွေနဲ့ မခြား သင်ထောက်ကူပစ္စည်းတွေ ပေးထားတာပဲ။ ကျောင်းပရိဘောဂတွေကိုကြည့်၊ ကွန်ပျူတာကအစ ကျောင်းအုပ်၊ ကျောင်းဆရာတွေအားလုံး အတူတူပဲ။

    မေး ။    ။ မိသားစု နောက်ခံသမိုင်းကရော ဘယ်လိုလဲ။ တက္ကစီသမားရဲ့သားက ကျူရှင်ကစလို့ လူချမ်းသာကလေးတွေကို မီအောင် မယူနိုင်ဘူး။ ဒေါက်တာရဲ့သားနဲ့ ယှည်လိုက်ရင် သူ့ ဘဝဖွံ့ဖြိုးဖို့ ဒါတွေက အဟန့်အဟားလို ဖြစ်မနေဘူးလား။
    ဖြေ ။    ။ ဒေါက်တာရဲ့သားတွေက ဒေါက်တာရဲ့သမီးတွေကို လက်ထပ်တာ အများကြီးရှိတယ်။ ကိုယ့်လောက် အဆင့်မရှိသူကို လက်ထပ်မိတဲ့လူကတော့ ခေါင်းခြောက်နေမှာပဲ။ သူ့ကလေးက မိဘအစုံ ဒေါက်တာတွေရဲ့ ကလေးကို မီမှာ မဟုတ်ဘူး။ ဒါတွေကို သဘောပေါက်ဖို့ လူ့ဘဝထဲနေခဲ့တာ အတော်ကြီး ကြာပါပြီကွာ။
    အရွယ်ရောက်လာတဲ့ ငါ့ကလေးတွေကို ပြောလေ့ပြောထရှိတာ မင်းကို ပြောပြမယ် "မင်းတို့ အိမ်ထောင်ဖက် ရွေးတော့မယ်ဆိုရင် ဂျော့(ဂ်ျ) ဘားနတ်ရှော ပြောတာကို သတိရ ... လို့။ သူက ပြောတယ်။ မိန်းကလေး ချောချောကို လက်ထပ်ရင် သမီးလေးက မအေတူ အချောလေးဖြစ်ပြီး သားလေးက ဖအေတူ ဉာဏ်ကောင်းလေး ဖြစ်မယ်လို့ထင်ရင် အမှားပဲ။ မွေးလာတဲ့သားက သူ့အမေလောက် ဉာဏ်ရှိတယ်ဆိုရင်ပဲ ကျေနပ်လိုက်တော့.. တဲ့။ အဲ့ဒါကို သေသေချာချာ စဉ်းစားထားကြလို့"။
    အဲ့ဒီအဆုံးအမက သူတို့နားထဲ စွဲသွားတယ်။
    ငါ့ရဲ့ ဒုတိယအငယ်ဆုံးမြေးက အခု စစ်မှုထမ်းနေတယ်။ ပညာသင်ဆု ယူချင်တယ်ဆိုရင် သူ့အနေနဲ့ အလွယ်တကူ ရနိုင်တယ်။ သူက မယူဘူး။ သူက အိုင်တီသမား ဖြစ်ချင်တယ်လို့ ဆိုတယ်။ သူ ဘွဲ့ရရင် အဲ့ဒီမှာ သွားပြီး အတွေ့အကြုံရှာရင်း အလုပ်လုပ်ချင်တယ်။ ပြီးမှ ပြန်လာ၊ နောက်ထပ်ဘွဲ့တစ်ခု ထပ်ယူချင် ယူမယ်ပေါ့။
    ပညာသင်ဆုယူရင်းနဲ့လည်း မင်းလုပ်ချင်တာ လုပ်လို့ရတာပဲလို့ ငါကပြောတော့ သူက မလိုချင်ဘူး။ ကိုယ့်ခြေထောက်ပေါ်မှာပဲ ကိုယ်ရပ်ချင်တယ်တဲ့။
    သူ့အဖေကများ အလုပ်လုပ်ခိုင်းနေလို့လား။ မဟုတ်ဘူး။ သူ့မိဘတွေက ဘာမှ မပြောကြဘူး။ သူက စာ အတော်ဖတ်တယ်။ သူ စိတ်ဝင်စားတာက ကမ္ဘာဦးတိရစ္ဆာန်တွေ၊ ဒိုင်နိုဆောတွေ အကြောင်းရယ်။ သူ့စာအုပ်စင်မှာ အဲ့သလို စာအုပ်တွေ အများကြီးပဲ။ နောက်ဆုံးလည်းရောက်ရော သူ စိတ်ဝင်စားတာက အိုင်တီတဲ့။
    ငါ့သမီး ဦးနှောက်အထူးကုဆရာဝန်က သူ့အိုင်ကျူကို စစ်တယ်။ သူ့အိုင်ကျူအဆင့်က ၁၄၀ ကျော်တယ်။ သူ့မိဘတွေက သူ့အတွက် ပူစရာ မလိုတော့ဘူး။ အဲ့ဒါ ဘဝပဲ။
    ဘွဲ့ရပညာတတ်တစ်ယောက်က ဘွဲ့ရပညာတတ်တစ်ယောက်ကို လက်မထပ်ဘူးဆိုရင် ငါကတော့ သူ့ကို အရူးလို့ ခေါ်မှာပဲ။ ဘွဲ့မရတဲ့ မိန်းကလေးကို လက်ထပ်လိုက်လို့ကတော့ ရလာတဲ့ ကလေးတွေထဲမှာ တချို့က ဉာဏ်ကောင်း၊ တချို့က ဉာဏ်ထိုင်း၊ သူတော့ ဒုက္ခ ကောင်းကောင်း တွေ့မှာပဲ။

    မေး ။    ။ အခုထိ မရှင်းသေးတဲ့ကိစ္စက (ဒီလူတန်းစား ကွာခြားမှုအတွက်) အစိုးရက ဘာလုပ်ပေးနိုင်မလဲ။ ဘယ်အခန်းကဏ္ဍက ပါဝင်သင့်သလဲဆိုတာပါ။
    ဖြေ ။    ။ အစိုးရ လုပ်ရမယ့်ကိစ္စက ဒီလူ့အဖွဲ့အစည်းကို ညီညွှတ်အောင် ထိန်းပေးထားဖို့ပဲ။ အောက်ခြေလူတန်းစားတွေက မကျေမနပ်ဖြစ်ပြီး အမေရိကမှာလို အုံကြွလာတာမျိုး မဖြစ်အောင် ထိမ်းထားဖို့ပဲ။ ဒီပြဿနာအတွက် ဗြိတိန်နဲ့ ဥရောပရဲ့အဖြေက မပြည့်စုံသူတွေကို အစိုးရက ကူညီတာပဲ။ ငါတို့က အဲ့ဒီမူကို လိုက်လို့မရဘူး။
    ငါတို့ လုပ်နေတာက သူတို့ကို Welfare မပေးဘူး။ ပညာရေးပေးတယ်။ အမြတ်ငွေ ခွဲပေးတယ်။ ဒီငွေကို သုံပစ်မလား၊ ရင်းနှီးထားမလားဆိုတာကတော့ ကိုယ့်ဘာသာကိုယ်ပဲ ဆုံးဖြတ်ကြပေါ့။ မင်းက ပေးတာကို သုံးပစ်လိုက်တယ်။ အဲ့ဒါက မင်းကိစ္စ။ တစ်ခုခုမှာ ရင်းနှီးထားတယ်။ ဒါဆို တစ်ခုခုတော့ အဖတ်တင်နေမှာပေါ့။
    တို့က ဘာပေးသလဲဆိုတော့ အိမ်ပေးတယ်။ အိမ်ဝယ်ဖို့ ပိုက်ဆံ မလုံလောက်ဘူးလား။ ဒေါ်လာ ရှစ်သောင်းအထိ တို့က စိုက်ပေးတယ်။ သူတို့ရဲ့ CPF (Central Provided Fund) ကို တိုးပေးတယ်။ နိုင်ငံတော်မှာ ပိုလျှံငွေ ထွက်လာရင် ဘော့နပ်(ခ်) ပေးတယ်။ ဘက်(စ်) အလကား စီးချင်တာလား။ ဒါတော့ မရဘူး။ မင်းမှာ ပြဿနာ ဖြစ်နေသလား။ မင်းကို ငွေ (သို့မဟုတ်) တစ်ခုခု ချပေးမယ်။ မင်း ဘာလုပ်မယ်ဆိုတာတော့ ကိုယ့်ဘာသာ ဆုံးဖြတ်။ အလုပ်လုပ်ချင် လုပ်၊ သုံးပစ်ချင်ရင် သုံးပစ်။ ခေါင်း သိပ်မကောင်းတဲ့ လူတွေက ပေးထားတဲ့ရှယ်ယာကို ရောင်းပြီး သုံးပစ်ကြတယ်။ အများစုကတော့ စုထားကြတယ်။ ဒီတော့ တို့မှာ ပစ္စည်းပိုင်ဆိုင်မှု ဒီမိုကရေစီ (Property-owning Democracy) ရှိတယ်။ သူ ဘယ်လောက် ပိုက်ဆိုင်တယ်ဆိုတာ သူ ဘယ်လောက် စွမ်းနိုင်သလဲဆိုတဲ့အပေါ် မူတည်တယ်။
    တို့က ပစ္စည်းပိုင်ဆိုင်မှုဒီမိုကရေစီကို တီထွင်ထားခဲ့လို့ စင်္ကာပူ အေးချမ်းငြိမ်သက်တာ။ သူတို့နိုင်ငံကို ကာကွယ်စေချင်ရင် သူတို့ကိုလည်း ပိုင်ဆိုင်မှုတစ်ခုခု ပေးထားရမယ်။ Far East Properties တွေအတွက်၊ Hong Leong အတွက် နိုင်ငံတော်ကို ကာကွယ်နေမှာ မဟုတ်ဘူး။ သူ့မှာ အိမ်ပိုင်ရှိနေတယ်ဆိုရင် သူ့အတွက်၊ သူ့မိသားစုအတွက် ကာကွယ်တော့မှာပဲ။
    ဒီစနစ်က အလုပ်ဖြစ်တယ်။ ဘာ့ကြောင့်လဲ။ အဲ့ဒါက လူ့သဘာဝမို့။ တို့ စင်္ကာပူးရီးယန်းတွေ ကြားမှာ ဂျီးဇက်ရဲ့အပေါင်းပါ တရားဟောဆရာ ဘယ်နှစ်ယောက်ပါလို့လဲ။ သူတို့ကသာ သူများတွေအတွက် သူတို့ဘဝကို စတေးတာ။ ဒီလိုလူတွေ ရှိတော့ရှိပါတယ်။ ဘယ်လောက် ရှိလို့လဲ။ ခရစ်ယန်ချပ်(ခ်ျ)ကျောင်းထဲမှာရော အဲ့ဒီလို တရားဟောဆရာတွေ ဘယ်နှစ်ယောက် ရှိလို့လဲ။ လူ့သဘာဝကို ငါတို့က လက်ခံတယ်။ အဲ့ဒီသဘာဝကို အခြေခံပြီးတော့ ပေါ်လစီချမှတ်တယ်။ ပြီးတော့ လူတွေဆီက အကောင်းဆုံး အရည်အသွေးတွေ ထွက်လာအောင် ထုတ်ယူရတယ်။
    သူတို့ရှာထားတဲ့ စီးပွားရေးထဲကနေ အစိုးရက အခွန်တွေ နင်းကန်ပြီး ကောက်ယူကြည့်၊ ထိပ်သီးသူဋ္ဌေးတွေက တခြားနိုင်ငံကို ထွက်သွားကြမှာပဲ။

( Hard Truths. Chap 5. Tough Love.)
 ဆက်ရန်

မသိမ်မွေ့နိုင်ခဲ့တဲ့ အမျိုးသားရေး ချစ်စိတ် ( ၁ )

ဇင်ဝေသော်

Read more

စနေ ဘောလုံး

" စနေ ဘောလုံးဆိုတာ " ဘောလုံး သဘောတရားတွေထက် ဒီလောကထဲ က လူတွေရဲ့ အကြောင်း၊ ပြုံးစရာသတင်းတွေ အကြောင်း ကို ခံစား ရသ လို ရေး မိတာပါ။ ဘောလုံးကို လုံးဝ စိတ်မဝင်စားရင်တောင် တစ်ခုခုတော့ စဉ်းစားစရာ ရမ လား၊ ပြုံးရ မလားလို့ပါ။

မာရီယို မိုနာလီဇာ

အီတလီ ဘောလုံးသမား၊ မန် စီးတီးက မာရီယို ဘာလိုတယ်လီရဲ့ အေးဂျင့် က ဘာလိုတယ်လီ ဟာ မိုနာလီဇာ ပန်းချီကားလိုပဲ တန်ဖိုးသတ်မှတ်လို့ မရ ဘူးလို့ မဆိုင်ရာ ဝင်နှိုင်းနေပါတယ်။
" အီတလီမှာ သူ့ကိုဝယ်နိုင်လောက်အောင် ချမ်းသာတဲ့ ကလပ်အသင်း မရှိ၊ ဈေးကလည်း သတ်မှတ်ထားတာ မရှိ၊ ဝယ်မယ့် က လပ်အပေါ် အခြေ ခံပြီး အပြောင်းအလဲ ရှိမယ်။ အခုထိတော့ ဘယ်သူကမှ လာမဝယ်သေးလို့ တန်ဖိုးလည်း မသိသေး၊ မရှိသေး ဘူး " လို့ ဆိုပါတယ်။
သူဟာက ရယ်စရာလိုလို အဟုတ်လိုလိုနဲ့။

" no story "

ရီယယ် မက်ဒရစ် နည်းပြ မော်ရင်ညိုတို့ စကားပြော ကောင်းချက်က နိုး စတို ရီ လို့ပြောတာကပင် စတိုရီ ဖြစ်သွားတယ်။

သတင်းထောက်။ ။ ............?
မော်ရင်ညို       ။ ။ There is no story.
သတင်းထောက်။။ ............?
မော်ရင်ညို       ။ ။ No more story to add.
သတင်းထောက်။  ။ ............?
မော်ရင်ညို        ။ ။ Absolutely no story anymore.
ရွာက လူတွေက အင်္ဂလိပ်စာ မဖတ်တတ်တော့ ကြားရတဲ့အသံကို လိုက်ပြီး သူ့နာမည်ကို မြန်မာမှု ပြုကြတယ်။" မောင်တင်ညို " တဲ့။ လှတယ်။ ရွာနံ့လည်းရတယ်။
" ဂယ်ရီ နဗီး " ကို " ဂါရီ နာဗယ်လီ " လို့ အသံထွက်တဲ့ ဂျာနယ်လစ် တချို့ ထက် အများကြီးသာတယ်။

This is Chelsea. Nothing makes sense.
၁ ။ မနှစ်က FA ချန်ပီယံ၊ ဥရောပ ချန်ပီယံလိဂ် ချန်ပီယံ။ ပီရီးမီးယာလိဂ် ဇယားမှာ ၁၀ နှစ်အတွင်း အဆိုးဆုံး။
၂ ။ နှစ်စတော့ ၇ ပွဲနိုင် ၁ ပွဲ သရေ။ အဲဒီ မန်နေဂျာကိုဖြုတ်။ ၇ ပွဲဆက် တိုက် နိုင်ပွဲ မရှိ။
၃ ။ ချန်ပီယံလိဂ် အုပ်စုအဆင့်မှာ ၁၆ ဂိုးသွင်းပြီး ဂိုး အများဆုံးသွင်းတဲ့ အ သင်းဖြစ်ခဲ့။ ဒါပေမယ့် အုပ်စုက ထွက်ခဲ့ရ။
၎ ။ အခု ဥရောပသရဖူပြုတ်တော့ ကမ္ဘာ့ကလပ် ချန်ပီယံဖြစ်ဖို့ ကြိုးစားနေပြန်။
This is Chelsea. Nothing makes sense.
THE TIME, LONDON.

မန် စီးတီး၊ မန်ယူ

မနက်ဖြန် ကန်မယ့် ဒီပွဲမှာ နိုင်ငံပေါင်း ၂၀၀ ကျော်က စောင့်ကြည့်မယ်လို့ သိ ရပါတယ်။ မန် စီးတီး ဆိုတာ ဥရောပ ချန်ပီယံလိဂ်မှာ ၃ ပွဲ သရေ၊ ၃ ပွဲ ရှုံး၊ နိုင်ပွဲ ဇီးရိုးနဲ့ အညံ့ဆုံး အင်္ဂလိပ် ဘောလုံးအသင်း သရဖူ ပူပူနွေးနွေး ရ ထားတဲ့ အသင်းပေါ့။ အရှေ့အလယ်ပိုင်းရေနံတွေ ဥရောပမှာ အလုပ်မဖြစ်ဘူး ထင်ပါရဲ့။ ဂျာမဏီ က ဒေါ့မွန်က အိမ်ရော၊ အဝေးရော ပညာပေးလိုက် တယ်။ မှတ်ကရော အရပ် သူဌေး။
မနက်ဖြန်လား။ ဘာသာရေး အစွန်းရောက်တယ် ပြောပြော အာရပ် ရေနံနဲ့ အသက်ရှူနေတဲ့ အသင်းဘက်ကတော့ အားမပေးနိုင် ပါ ဘူး။ ပွဲအဖြေ ဘယ်လိုပဲဖြစ်ဖြစ် ဖာဂီ မှ ဖာဂီ၊ တစ်ပြားသားမှ မလျှော့လို။ ။

 ဇင်ဝေသော်

Read more

" ဝ " တာက ကောင်းပါတယ်

ကလေးတုန်းက သိခဲ့ရတာက နွားတွေ မြွေကိုက်ရင် အဆီမရှိလို့ ချက်ချင်း အဆိပ်သင့်တယ်။ ဝက်တွေကျ မြွေကို မကြောက်ဘူး။ ကိုက်လည်း အဆီေ တွများတော့ အဆိပ်မတိုးဘူး။
ဒီ အချက်က အခု သိပ္ပံနည်းကျကို မှန်နေတယ်။ ( တခါတခါ သိပ္ပံလည်း အူ တူတူတော့ နိုင်တာပေါ့။ )
မက္ကစီကို နိုင်ငံသား Stephen ဆိုသူက " a man who survived a being shot when his pot belly caught " ဆိုတဲ့ သူ့ကိုယ်တိုင်ရဲ့ အတွေ့အကြုံ သတင်းကိုြေ
ပာပြခဲ့တယ်။ ဝမ်းဗိုက်ကို ကျည်ဆံ ထိတာတောင် အဆီတွေ ကြားမှာ ကျည်မတိုးနိုင်တော့ သူ မသေခဲ့ဘူး။
ဆရာဝန်တွေကလည်း ထောက်ခံပါတယ်။ " အဆီမရှိတဲ့ ဝမ်းဗိုက်ဆိုရင် အခုနေ သေနေလောက်ပြီ " တဲ့။
နောက်ထပ် ဆရာဝန်ပြောတာက ပို မှတ်သားထိုက်တယ်။
" ကျည်ဆံရယ်တောင် မဟုတ်ဘူး၊ ဓါး စတာတွေနဲ့ ဝမ်းဗိုက်ကို အထိုးခံ ရ ရင်လည်း အဆီများများ ဝမ်းဗိုက်နဲ့ လူက သေဆုံးဖို့ ရာခိုင်နှုန်း ပိုနည်းတယ်၊
ဒါပေမယ့် ကျည်ဆံ၊ ဓါး စတာတွေရဲ့ အန္တရာယ်ကို ကာကွယ်ရုံ သက် သက် အတွက်တော့ ( ဒါကိုထောက်ရင် တခြား ကောင်းကွက်တွေ ရှိနိုင်သေးတယ် ) ဝလွန်းတာကို အားမပေးပါဘူး " တဲ့။

အမေရိကန်တွေက လူလည်တွေ၊ ဒါ့ကြောင့် သူတို့ လူဦးရေရဲ့ သုံးပုံ နှစ်ပုံက အိုဗာဝိတ်တွေ ဖြစ်နေတာ။ " ဝ " ခြင်းရဲ့ အားသာချက်တွေကို သိထား ကြ လို့ နေမှာ။ ဒါကို အာရှက မသိကြဘူး။
အထူးသဖြင့် မိန်းကလေးတွေ။ ဆောင်းပါတစ်ပုဒ်ထဲမှာ ဖတ်လိုက်ရတယ်။ မိန်းကလေးတွေက မသိလို့ ပိန်ချင်တာ၊ ဖက်ရှင် ရှိုး၊ မော်ဒယ် ရှိုး တွေ ကို ယောက်ျားစစ်စစ် ၈၅ ရာခိုင်နှုန်းက မကြည့်ဘူး။
ယောက်ျားစစ်စစ်တွေ ကြည့်တာက " မယ် " ပြိုင်ပွဲတွေ တဲ့။ ဒါကြောင့် မော်ဒယ် စတိုင် ပိန်ပိန်လေးတွေက ယောက်ျားကောင်း ( စစ်စစ် ) ရဖို့ ရာနှုန်း အတော်နည်း တယ်တဲ့။

အာရှလည်း ပြောင်းလဲ စတော့ ပြုလာနေပြီ။ ဖက်တီး Psy က ဂန်းနန် စတိုင် နဲ့ ပိန်တာရိုးတွေကို ကျော်တက်သွားတယ်။
မြောက်ကိုရီးယား ဖက်တီး ခေါင်းဆောင်သစ် ကင်ဂျုံအွန်း ကို မြောက်ကိုရီး ယား သားတွေက ( ကြောက်လို့ပဲ ဖြစ်ဖြစ် ) " The sexiest man a live in the world " တဲ့။
ဒီ အထောက်အထားတွေ ရှိလို့ ပြောတာပါ " ဝ " တာက ကောင်းပါတယ်။ ။

ပေါ့ပေါ့ ပါးပါးလေးပါ

ဇင်ဝေသော်

Read more