" တကယ်လို့ သစ္စာရှိမှု၊ မိသားစုအနှောင်အဖွဲ့၊ စစ်မှုထမ်းစဉ်က ရဲဘော် ရဲ ဘက်စိတ်၊ ကျောင်းတက်စဉ်က သူငယ်ချင်းစိတ် … တွေရောလို့ မေးရင် … မှန်ပါတယ်။ ဒါပေမဲ့ အလုပ်အကိုင်နဲ့ အခွင့်အရေးမရှိရင်တော့ အရည်အချင်း ရှိတဲ့ကောင်က ပြန်မလာပါဘူး" (လီကွမ်းယု)
မေး ။ ။ လူဝင်မှုကြီးကြပ်ရေးနဲ့ ပတ်သက်လို့ စိတ်ဝင်စားစရာကောင်းတာ က နိုင်ငံရပ်ခြားကို အပြီးထွက်သွားပြီး နေထိုင်ခြင်းပဲ။ ဒီပြဿနာက မစ္စတာ လီ ၀န်ကြီးချုပ်ဘ၀ကတည်းက ရင်ဆိုင်ခဲ့ရတာ။ အခုလည်း ရင်ဆိုင်နေကြရ တုန်းပဲ။ အခု ပိုပြီး ဂလိုဘယ်လိုက်ဇ်ဖြစ်လာတဲ့ ကမ္ဘာမှာ ဒီပြဿနာကို ဘယ် လို အဖြေရှာနိုင်မလဲ။
ဖြေ ။ ။ ဒါက ဂလိုဘယ်ဖြစ်နေတော့ ဒီရေစီးကို ငါတို့လည်း ရပ်တန့်နိုင်မယ် မထင်ဘူး။ ငါတို့ကျောင်းသားလေးတွေ နိုင်ငံရပ်ခြားကို ထွက်သွားတဲ့အခါ ဒီ မှာအမြစ်တွယ်ရစ်အောင် တို့ဘာလုပ်ကြမလဲ။ နိုင်ငံခြားမှာ သူတို့ရနိုင်တဲ့ အ လုပ်အကိုင်နဲ့ အခွင့်အရေးပဲ။ ဒါဆို သူတို့ပြန်လာကြမှာ။ ဘယ်အရာက သူ တို့ပြန်လာမှာကို တားမြစ်မလဲ။ အိမ်ဈေးလား၊ ကားဈေးလား။ အမေရိကမှာ အိမ်ဈေး၊ ကားဈေးက ချိုတယ်။ ဒါပေမဲ့ အဟန့်အတားက ရှိနေတယ်။ သူတို့ လူဖြူအုပ်စုတွေထဲ ဘယ်တော့မှ မရောက်သလို ဘယ်တော့မှလည်း အသိ အမှတ်ပြုခံရမှာ မဟုတ်ဘူး။
အဲဒါ လူဖြူတွေရဲ့နိုင်ငံပဲ။ သမ္မတ အိုဘားမားကတော့ ဒါကို ကျော်လွှားနိုင်ခဲ့ တယ်ပေါ့။ သူ့ကိုတော့ အခြေအနေ အကြောင်းကြောင်းကြောင့် ချွင်းချက် ထားရလိမ့်မယ်။ အများအားဖြင့်တော့ လူဖြူနဲ့လူမည်း ရောလို့မရကြပါဘူး။
တို့ဆီက တော်တဲ့ကျောင်းသားတွေဆိုရင် ဘွဲ့မရခင် အမေရိကမှာ အလုပ် ကမ်းလှမ်းတာကို ခံကြရတယ်။ တို့ကျောင်းသားတွေက
“အိုကေ … စင်္ကာပူမပြန်ခင် အတွေ့အကြုံလေးဘာလေး ယူလိုက်ဦးမယ်" လို့ ဆိုကြတယ်။
တကယ်လို့ ငါတို့ဆီမှာ ဆွဲဆောင်မှုရှိတဲ့ စီးပွားရေးအနေအထားမရှိရင် သူ တို့ပြန်လာကြပါ့မလား။ ငါတော့ မထင်ဘူး။ ငါတို့စီးပွားက ကောင်းတယ်ဆိုရင်တော့ သူတို့ကုမ္ပဏီက သူ့ကို ငါတို့ဆီ ထ ရန်စဖာ ချပေးလိုက်မှာပေါ့။ သူ့ကွန်ယက်က ဒီမှာ ပိုကောင်းတယ် မဟုတ် လား။
နောက်ဆုံး သူတို့ ပြန်လာ၊ မလာက ဘယ်အပေါ်မှာ မူတည်နေသေးတုန်း။ အားကောင်းတဲ့ စီးပွားရေးနဲ့ အလုပ်အကိုင် အခွင့်အရေးပါပဲ။
တကယ်လို့ သစ္စာရှိမှု၊ မိသားစုအနှောင်အဖွဲ့၊ စစ်မှုထမ်းစဉ်က ရဲဘော်ရဲဘက် စိတ်၊ ကျောင်းတက်စဉ်က သူငယ်ချင်းစိတ် … တွေရောလို့ မေးရင် … မှန်ပါ တယ်။ ဒါပေမဲ့ အလုပ်အကိုင်နဲ့ အခွင့်အရေးမရှိရင်တော့ အရည်အချင်းရှိ တဲ့ကောင်က ပြန်မလာပါဘူး။
မေး ။ ။ အခုမှ အခြေချ နေထိုင်လာတဲ့လူတွေကြောင့် စင်္ကာပူမှာ ရှိပြီးသား လူမျိုးစုများ စုပေါင်းနေထိုင်ရေးမူဝါဒကို အဟန့်အဟား မဖြစ်စေနိုင်ဘူးလား။ ဥပမာ … အိန္ဒိယန်းတွေက သူတို့ ဟိုမှာ ကျင့်သုံးခဲ့တဲ့ ဇာတ်ခွဲခြားမှုစနစ်တွေ ဒီကို ယူလာတာမျိုး၊ တရုတ်တွေမှာလည်း အသားပိုညိုတဲ့ တရုတ်တွေကို ဖြူ တဲ့တရုတ်တွေက အထင်သေး၊ မနှစ်မြို့တာမျိုးတွေ။
ဖြေ ။ ။ မထင်မိပါဘူး။ ဒီကိုရောက်လာတဲ့ လူသစ်တိုင်း သူတို့က လူနည်းစု ဆိုတာ သဘောပေါက်ပါတယ်။ အိန္ဒိယန်းတွေ ဟိန္ဒီစကားကောင်းနေလို့ စင်္ကာပူမှာ ဘာမှလုပ်လို့ မရဘူး။ အင်္ဂလိပ်လိုကောင်းမှ ရမယ်။
အမျိုးသားရေးစိတ်ဓာတ်နဲ့ သူတို့ဟိန္ဒီ ဘာသာကို တော့ သင်ချင်သင်နိုင် တာပေါ့။ အိန္ဒိယပြန်ပြီး စီးပွားရေးလုပ်မယ်ဆိုရင်လည်း လုပ်နိုင်တာပေါ့။ ဒါပေမဲ့အိန္ဒိယ မှာ အင်္ဂလိပ်လို ပြောလို့ရေးလို့လည်း ရနေတာပဲ။ သူတို့ သဘောပေါက်ထား ရမှာက သူတို့ကလေးတွေ ဒီက ပတ်ဝန်းကျင်နဲ့ အံဝင်ခွင်ကျ ဖြစ်နေရမယ် ဆိုတာပဲ။ နို့မို့တော့ သူတို့ ဘယ်မှရောက်မှာ မဟုတ်ဘူး။
ဇာတ်စနစ်ကတော့ ပျောက်ဖို့ အချိန် အတော်ကြာပါလိမ့်ဦးမယ်။ ဝင်လာတဲ့ လူတွေရဲ့ စိတ်ထဲမှာလည်း ဒီဇာတ်စနစ်အစွဲက ပါလာတယ်။ ဒီမှာ ကျောင်း တက်တဲ့ ဒုတိယမျိုးဆက်တွေလည်း သူတို့ လက်ထပ်တဲ့အခါမှာ မိဘတွေဆီ က ဖိအားတော့ ခံနေကြရဦးမှာပဲ။ “မင်းအတွက် ဇနီးကို အိန္ဒိယပြန် ရှာပေးမ ယ်” ဆိုတာမျိုးတွေပေါ့။
ဒါပေမဲ့ တဖြည်းဖြည်းတော့ ဒီယဉ်ကျေးမှုက ပျောက်သွားမှာပါ။ ဒီယဉ်ကျေးမှုက စင်္ကာပူနဲ့မှ အံမဝင်တာပဲ။ ကလေးတွေက ကျောင်းတက်ရင်း ဒီမှာ ချစ်သူတွေ ဖြစ်ကြ၊ ဒါဆို သူတို့ ငြင်းမှာပဲ။ ဒီမှာ အိန္ဒိယန်းဒေါက်တာတွေ နဲ့ တရုတ်ဒေါက်တာတွေ လက်ထပ်ထားတာ အများကြီးရှိတယ်။
တရုတ်တွေနဲ့ ပတ်သက်လို့တော့ ဒီလောက် ပြဿနာမရှိပါဘူး။ သူတို့မှာ ဇာတ်စနစ်မရှိဘူး။ တရုတ်စကားကို လေယူလေသိမ်းတစ်မျိုးနဲ့ ပြောကြတယ်။ ဒါပေမဲ့ ငါတို့ စာသင်ကျောင်း တွေရဲ့ ကောင်းမူကြောင့် သူတို့ကလေးတွေကတော့ စင်္ကာပူရီးယန်းတွေ ပြောသလိုပဲ ပြောလာကြမှာပါ။ တကယ်ဆိုရင် သူတို့ရဲ့ မူရင်းတရုတ်လေသံကြောင့် ငါတို့ တရုတ်စကားတောင် ပိုကောင်းလာနိုင် တယ်လို့ မျှော်လင့်မိတယ်။
မေး ။ ။ လူထုရဲ့ သဟဇာတဖြစ်မှုကို နောက်ထက် ခြိမ်းခြောက်လာ တဲ့ ပြဿ နာက အသစ်ရောက်လာတဲ့ နိုင်ငံခြားသားသူဋ္ဌေးတွေက လက် ဝတ် ရတနာတွေ ဝတ်ဆင်ပြီး သူတို့ ဘယ်လောက် ချမ်းသာကြောင်း ပြတတ် တဲ့ သဘာဝပဲ။ ဒီယဉ်ကျေးမှုကလည်း စင်္ကာပူးရီးယန်းတွေနဲ့ သိပ်ပြီး အစပ် အဟပ် မတည့်လှဘူး။
ဖြေ ။ ။ လက်ဝတ်ရတနာတွေ ဝတ်တာက အများအားဖြင့် အိန္ဒိယန်း အမျိုး သမီးတွေပါ။ သူ့ရှိလို့ သူဝတ်တာပဲ။ အဲဒါ သူ့ကိစ္စလေ။ တို့လူမျိုးတွေက ဒါကို မနာလို ဖြစ်နေကြလို့လား။ ရတနာတွေ ညွှတ်နေအောင် ဝတ်ပြထားတာတွေ Tatler မဂ္ဂဇင်းထဲမှာလည်း တွေ့နေရတာမဟုတ်၊ မဟုတ်ဘူးလား။ အဲသလို လူကုံထံဝါဒကို ငါ အားမပေးပေမဲ့ ရှိပါစေဆိုပြီး ထားလိုက်တာပဲ။ လူ့အဖွဲ့ အ စည်းတိုင်းရဲ့ အထက်တန်းလွှာမှာ ဒါမျိုးတွေ ရှိတတ်တယ်။ ဖက်ရှင်ကိုသူများ ထက်ဦးအောင် ဝတ်တာတို့၊ ပါတီပွဲတွေ တက်တာတို့ပေါ့ကွာ။ နေကြစမ်း ပါစေ။ လူနည်းစုကလေးပါ။ သူတို့ကြောင့် စင်္ကာပူရဲ့ “စံ” မပြောင်းပါဘူး။ စင်္ကာပူရဲ့ “စံ” ကို သက်မှတ်တာက ဝန်ကြီးတွေ၊ ပါလီမန်အမတ်တွေနဲ့ စီအီး အိုတွေပါ။
ကမ်းခြေအိမ်တွေ၊ F1 ပြိုင်ပွဲတွေ ရှိနေတော့ ဒီလိုလူမျိုးတွေလည်း ဝင်လာကြ မှာပဲ။ သူတို့ကို ဆွဲဆောင်နိုင်ဖို့လည်း တို့ကြိုးစားနေကြတယ်။ Ong Beng Seng ဆိုရင် အဲသလိုလူမျိုးတွေ ဖော်မြူလာဝမ်း ကားပြိုင်ပွဲမှာ ပိုများလာေ အာင် ကြိုးစားနေတယ်။
ကာစီနိုတွေ ရှိနေပြီဆိုတော့ အခမ်းအနားတွေ၊ ပြပွဲကြီးတွေ ရှိနေမှာပဲ။ ဒီတော့ တရုတ်၊ ကုလားသူဋ္ဌေးတွေလည်း ရောက်လာကြမှာပဲ။
ပိုပြီး ချမ်းသာတဲ့လူတွေ ဒီကို ရောက်လာတာ ပြဿနာ မရှိပါဘူး။ ဒါမျိုးတွေ တီဗွီမှာ ကြည့်ခဲ့ရတယ်။ အခု အပြင်မှာ ဒါမျိုးတွေ တကယ် တွေ့မြင်နေရ တယ်။ ဒီတော့ မင်း ဘယ်လိုခံစားရမလဲ။ ပို ပိုပြီး ကြိုးစားပေါ့။ လက်ဝတ် ရတနာက ပိုက်ဆံရှိရင် မင်းလည်း ဝယ်လို့ရတာပဲ။
ဒါပေမဲ့ သူတို့ချမ်းသာတာကို ထုတ်ပြဖို့ စင်္ကာပူရီးယန်းတွေက ရတနာတွေ ညွှတ်နေအောင် ဝတ်ကြမယ် မထင်ပါဘူး။ ဒါမျိုးကို သူတို့ ခံတွင်း မတွေ့ကြ လှဘူး။
မေး ။ ။ စင်္ကာပူဟာ “နေးရှင်း” တစ်ခုဖြစ်ဖို့ ကူးပြောင်းဆဲကာလလို့ ပြော ခဲ့တယ်။ နိုင်ငံရဲ့ သမိုင်းသက်က တိုတိုနဲ့ ဘုံဆိုင်ဘာသာစကား၊ ယဉ်ကျေးမှု နဲ့ ဘူမိဗေဒသဘောတရားတွေက ဘယ်က ရလာမှာလဲ။
ဖြေ ။ ။ အဖြေက ဇာတိမာန် ဖြစ်နေရမယ်။ နိုင်ငံတော်အတွက် အသက် ပင်သေသေဆိုတဲ့ စိတ်ဓာတ်မျိုးနဲ့ တစ်ယောက်ကိုတစ်ယောက် အသက်ပေး ကာကွယ်မယ်ဆိုတဲ့ စိတ်ဓာတ်မျိုးတွေပဲ။ တရုတ်ပြည်ကိုပဲ ကြည့်။ သူတို့ လည်း ပြည်ပကျူးကျော်တာတွေ ခံခဲ့ရတာပဲ။ ဒါပေမဲ့ ကျူးကျော်သူတွေ အား နည်းလာတာနဲ့ တပြိုက်နက် ပြန်လည်တော်လှန်နိုင်ခဲ့တာချည်းပဲ။ အဲဒါ တညီ တညွှတ်တည်းရှိလို့။ ဘာသာစကားတူတယ်။ ယဉ်ကျေးမှုတူတယ်။ လူမျိုး အနေနဲ့ကလည်း ဟန်လူမျိုးဆိုတာ တူကြတယ်။
တို့က ဘာသာစကား တူသလား၊ ယဉ်ကျေးမှု တူသလား၊ မတူဘူး။အနောက် ပိုင်း အိန္ဒိယလို (သို့) အာဖရိကနိုင်ငံတွေလို နိုင်ငံခြားဘာသာစကားဖြစ်တဲ့ အင်္ဂလိပ်ကို တို့က ကောက်ယူမွေးစားခဲ့ကြတယ်။ အာဖရိကန်နိုင်ငံတွေလည်း “နေးရှင်း” မဟုတ်ဘူး။
တကယ်လို့သာ ဒုတိယဘာသာစကား ပျောက်သွားရင် (တရုတ်၊ မလေး၊ အိန္ဒိယန်းစကား … တစ်ခုခုကို ဆိုလိုပါတယ်) စင်္ကာပူတင်မကဘူး၊ ငါတို့ရဲ့ဇာတိစိတ်လည်း ပျောက်ထွက်သွားမှာပဲ။ “နေးရှင်း” တစ်ခုဟာ (၄၅) နှစ်နဲ့ တည်ဆောက်ယူလို့ မရပါဘူး။
မေး ။ ။ နိုင်ငံခြားသားတွေ အလုံးအရင်းနဲ့ ဝင်လာတော့ ကျွန်တော်တို့ ကြိုး စား တည်ဆောက်နေတဲ့ လူမျိုးရေးစိတ်ဓာတ် ပျောက်ဆုံးသွားမှာ မစိုးရိမ်မိ ဘူးလား။
ဖြေ ။ ။ စိုးရိမ်စရာ ရှိကောင်း ရှိမှာပေါ့။ ဒါဖြင့် တို့မှာ တခြားရွေးစရာကော ရှိလို့လား။ စင်္ကာပူးရီးယန်းတွေကို ကလေးနှစ်ယောက် အနည်းဆုံး ယူကြပါ ၊ ဖြစ်နိုင်ရင် သုံးယောက်ယူကြပါလို့ ငါ အမြဲတမ်း ပြောတယ်။ ဘယ်သူမှ အရေး မစိုက်ဘူး။ ကဲ … မင်း ဘာလုပ်မလဲ။
မေး ။ ။ စင်္ကာပူးရီးယန်းတွေက “စင်္ကာပူစိတ်” ရှိကြသလား။
ဖြေ ။ ။ ဩစတေးလျက Perth မြို့ကို ရောက်တော့ အဲ့ဒီမှာရှိတဲ့ စင်္ကာပူး ရီးယန်းတွေနဲ့ တွေ့ခဲ့တယ်။ သူတို့က အဲ့ဒီမှာ အခြေကျနေကြပေမဲ့ စင်္ကာပူ ကို ကောင်းကောင်းကြီး သတိရကြတယ်။ ငါတို့ တွေ့ဆုံပွဲကို ဦးဆောင်စည်း ရုံးတဲ့လူဆိုရင် သူ့သားရဲ့ စင်္ကာပူပတ်(စ်)ပို့ဒ်ကို အာမခံပစ္စည်းတစ်ခုလိုကို သိမ်းထားတာ။ သူ့သားက ပါ့(သ်)တက္ကသိုလ်ကနေ ဘွဲ့ရပြီး ဩစတေးလျမှာ ရှိတဲ့ ကုမ္ပဏီအကြီးအကြီးတစ်ခုမှာ စာရင်းစစ် လုပ်နေတယ်။
ငါက
“ဘာဖြစ်လို့ စင်္ကာပူပက်စ်ပို့ဒ်ကို ဆက်ကိုင်ထားတာလဲ” လို့ မေးတယ်။
သူက
"စင်္ကာပူပြန်ပြီး စစ်မှုလည်း ထမ်းခဲ့ပြီးပြီ။ သူ့သဘောက ဩစတေးလျ ရဲ့ စီး ပွားရေးများ ကျဆင်းသွားမယ်ဆိုရင် စင်္ကာပူ ပြန်ချင်ရင် ပြန် လို့ရအောင် ” လို့ သူက ပြောတယ်။
သူက ဒီကို ပြန်လာပြီး စစ်မှုထမ်းတယ်။ သူ့မိသားစုတွေကတော့ ဟိုမှာ။ တကယ်လို့ သူက ဩစတေးလျန်း မိန်းကလေးကို လက်ထပ်လိုက်မယ်၊ အဲဒီ မှာလည်း အလုပ်အကိုင်က ရှာဖွေလို့ မရဘူးဆိုရင် သူ့ဇနီးကို ဒီကို ခေါ် လာပြီး နေကြမှာ။
ဥပမာ … ရာသီဥတု အပြောင်းအလဲကြောင့် Perth က ခြောက်သွေ့သွားမယ် ဆိုရင် ဒီကို ပြန်လာကြမှာ။ ပြောင်းလဲနေတဲ့ ကမ္ဘာကြီးထဲမှာ နေကြရတာ ဆိုတော့ ပုံသေမူဝါဒကြီး ဆွဲထားလို့ မရတော့ဘူးပေါ့။
*****
ကမ်းလက်
