ကျနော့် အီးမေးထဲက ဓားပျိုတစ်လက် (သို့) ဗိုလ်ချုပ်

**သခင်ဘတင် ( ရဲဘော်ဂိုလ်ရှယ်) ၏ ဗိုလ်ချုပ်သို့လွမ်းချင်း**

* ကျနော် မမှီဘူး သူက သိပ်မြင့်လွန်းတယ်
* ကျနော် မရှာဘူး သူက ကျနော့ အရှေ့မှာ အမြဲတမ်းရှိတယ်
* ကျနော် မတွေးဘူး သူက အားလုံးတွေးသွားပေးတယ်
* ကျနော် ကြောက်စရာလို့ထင်တော့ သူက ကျနော့ကိုယ်စား ရင်ဆိုင်ရှင်းသွားတယ်
* ကျနော် မပြောဘူး သူက ကျနော့အရှေ့က အားလုံးပြောသွားတယ်
* ကျနော် လုပ်မလို့ သူက အားလုံးလုပ်သွားပေးတယ်
* ကျနော် မကြိုက်ဘူး သူက ကျနော့ထက်ပိုဆိုးတယ်
* ကျနော် မရဲဘူး သူက ကျနော့ထက် အသင်္ချေအန္တရဲစွမ်းတယ်
* ကျနော် မချစ်ဘူး သူက ကျနော့ကို ချစ်တယ်
* ကျနော် ရှေ့မတိုးဘူး သူက ကျနော့ရှေ့မှာ တိုးတိုးတက်သွားတယ်
* ကျနော်နောက်ဆုတ်မလို့ သူက ကျနော့ကို ထောက်ကူထားတယ်
* ကျနော် ငိုမလို့ သူက ကျနော့မျက်ရည်တွေကို ယူသိမ်းလိုက်တယ်
* ကျနော် တိုက်မလို့ သူက အားလုံးကို တိုက်ချပစ်လိုက်တယ်
* ကျနော်လိုက်မလို့ သူက တိုက်ဖို့ထွက်သွားတယ်
* ကျနော် လမ်းခွဲရှာတော့ သူက လမ်းဆုံမှာ ထိုင်ပြီးပြုံးနေတယ်
* ကျနော် ကွန်မြူနစ်အကြောင်းပြောတော့ သူက ကွန်ညိုညစ်ကို ကျောခိုင်း လိုက်တယ်
* ကျနော် ဆိုရှယ်လစ်ကို လှမ်းကြည့်တော့ သူက ဒီမိုကရက်တစ်ဖြစ်နေတယ်
*ကျနော် လစ်ဘရယ်အကြောင်းပြောရင် သူက(Liberty- လေပါတီ အကြောင်း ချပြတယ်
*ကျနော်က လေပါတီအကြောင်းလိုက်ဆွေးနွေးတော့ သူက(Responsibility ရီစပွန်စီဘယ်လတီအကြောင်း ပြောတယ်

သူနဲ့ကျနော် နောက်ဆုံးတွေ့ကြတော့ သူပြောတာက......
“သူနှင့် သူ၏ ယုံကြည်ချက်ဖြစ်သော လွတ်လပ်ခြင်း၊ တရားမျှတခြင်း နှင့် တန်းတူညီမျှခြင်းတို့၏ အကျဉ်းထောင်ထဲတွင် သူထာဝရ တသက်တကျွန်း ကျခံနေရသော အကျဉ်းသားဖြစ်၏” တဲ့….
ယခု ကျနော် ပြောသော သူက ရဲရင့်စွာပြောဆိုကာ ဇူလိုင်၁၉ တွင် နုတ် မဆက်ပဲ ကျနော်ချစ်သော သူက သူချစ်သော သန်းပေါင်းများစွာသော ပူရိသ များအား တမ်းတခြင်းများစွာဖြင့် ထားချန်ရစ်ကာ သူရဲကောင်းတို့ ထာဝရမှေးစက်တည်မှီသော ဘုံဗိမာန်တွင် လဲလျောင်းနေခဲ့လေသည်။

၁၉၅၀ (ပျဉ်းမနား ကျွဲအင်းကြီးစခန်း)
ရဲဘော်ဂိုလ်ရှယ် (သခင်ဘတင်) ကွန်မြူနစ်ပါတီ (မြန်မာပြည်)

Read more

အစ္စလမ်မစ် ဥပဒေ (မနက်က မအားလို့ အီးဗီးနင်း ပို့စ်)

နော်ဝေနိုင်ငံသူ Ms Marte Deborah Dalelv ဟာ သူမကို အဓမ္မ အကျင့် ခံရတာကို ရဲသွားတိုင်လိုက်မိလုိ့ ထောင်ဒဏ် ၁၆ လ အကျခံလိုက်ရတယ်။ အဓမ္မကျင့်သူကိုတော့ ၁၃ လ ဒူဘိုင်းတရားရုံးက ထောင်ဒဏ် ချမှတ်လိုက် ပါတယ် ။
Ms Marte Deborah Dalelv ဟာယူအေးအီးနိုင်ငံမှာ ဒီဇိုင်းနားအလုပ်နေသူ၊ ၂၄ နှစ်အရွယ်ရှိ အမျိုးသမီးတစ်ယောက် ဖြစ်ပြီး ဟော်တယ်တစ်ခုမှာ ပြုလုပ် တဲ့ အစည်းအဝေးကိုတက်ရင်း သူမရဲ့ လုပ်ဖော်ကိုင်ဖက်က အခုလို အဓမ္မ ကျင့်တာဖြစ်ပါတယ်။ လက်ထပ်ထားတဲ့ ခင်ပွန်းမဟုတ်သူနဲ့ ကာမ စပ်ယှက်မှု အပြစ်နဲ့ ထောင်ဒဏ် ၁၆ လ ချမှတ်တာပါ တဲ့။ အဓမ္မအကျင့်ခံရပါတယ်ဆို ခင်ပွန်းမဟုတ်သူနဲ့ ကာမစပ်ယှက်မှု တဲ့။
အခု သူမက အယူခံဝင်နေပြီး ဒီ မတရားမှုကို ကမ္ဘာသိအောင် ပြောရမယ် ဆိုပြီး မီဒီယာကတဆင့် ပြောနေလေရဲ့။ လူ့အခွင့်အရေးအုပ်စုတွေနဲ့ အနောက်က လစ်ဘရစ်တွေအတွက်တော့ မျက်လုံးပြူး မျက်ဆံပြာ ဖြစ်စ ရာပေါ့။
တရားတာ မတရားတာ အပထား အစ္စလမ်မစ် ဥပဒေအရ ယောက်ျားဖြစ်ရ တာ တော်တော်မိုက်တာပဲ။ အမျိုးသမီးဖြစ်ရပြီဆိုရင်လည်း မချောင်လှ။

(စထရိတ်တိုင်း)

Read more

မက္ကာသီနှင့် မာရိုး အတ္တမျက်နှာဖုံးကိုဆွဲခွာခြင်း (ရေးသားသူ- ရဲမိုး)

အီးမေးထဲ ရောက်လာတဲ့ဆောင်းပါးပါ၊ အချက်အလက် အားကောင်း တာ ရယ်၊ စဉ်းစားစရာ ပေးထားခဲ့နိုင်တာရယ်ကြောင့် တင်လိုက်ပါတယ်။

(ကမ်းလက်)

လူထုကြားမှာ အကြောက်တရားကို ပါးနပ်စွာနှိုးဆွကိုင်တွယ်နိုင်လျှင် ပုဂ္ဂိုလ်ေ ရးသြဇာအာဏာကို အလွယ်တကူတည်ထောင်နိုင်သည်ဆို သည့် သီအိုရီကို ယခုမှတွေ့ရှိသည်မဟုတ်ပါ။ သမိုင်းအဆက်ဆက်မှာနာမည်ဆိုးဖြင့် ကျော် ကြား သည့် ခေါင်းဆောင်များက လက်တွေ့ပြပြီး ဖြစ်ပါသည်။ စစ်အေးတိုက်
ပွဲ ကာလအစ အမေရိကန်ပြည်ထောင်စုမှာ “ကွန်မြူနစ်ချေမှုန်းရေး” ကို ကြွေးကြော်ခဲ့ပြီး ပုဂ္ဂိုလ်ရေးသြဇာအာဏာ ထူထောင်ခဲ့သည်။ ဆီနိတ်တာ ဂျိုးဇက်မက္ကာသီနဲ့ သူ့မျက်နှာဖုံးကို ရဲရဲဝံ့ဝံ့ဆွဲခွာခဲ့သည့် သတင်းစာဆရာ အက်ဒ၀ပ်အာရ်မာရိုးတို့အကြောင်းကို ဒီကနေ့ဆွေးနွေးကြပါစို့။

ဒုတိယကမ္ဘာစစ်ပြီးခါစ ကမ္ဘာ့နိုင်ငံရေးမှာ အမေရိကန်ဦးဆောင်သည့် အနောက်အုပ်စုနှင့် ဆိုဗီယက်ရုရှားဦးဆောင်သည့် ကွန်မြူနစ် ဘလော့ခ်တို့ အကြား စစ်အေးတိုက်ပွဲစတင်လာခဲ့သည်။ အမေရိကန် ပြည်သူများကြားမှာ “ကွန်မြူနစ် အကြောက်တရား”ကို နှိုးဆွခဲ့ပြီး ပုဂ္ဂိုလ်ရေးသြဇာကို တည်ေ ထာင်ခဲ့သူကတော့ ၀စ္စကွန်ဆင်ပြည်နယ် ရီပတ် ဘလစ်ကန် ဆီနိတ်တာ ဂျိုးဇက် မက္ကာသီပါ။

၁၉၅၀ ပြည့်နှစ် ဖေဖော်ဝါရီလ ၉ ရက်မှာမက္ကာသီက “အမေရိကန် ပြည်ေ ထာင်စုကို ကွန်မြူနစ်တွေချုပ်ကိုင်ထားပြီ၊ နိုင်ငံခြားရေးဝန်ကြီးဌာနမှာလည်း ကွန်မြူနစ်တွေဝင်စီးထားပြီ၊ နိုင်ငံခြားရေးဌာနမှာ ၀င်ရောက်လုပ်ကိုင်နေ သည့် ကွန်မြူနစ် ၂၀၅ ယောက်စာရင်းကိုရထားပြီ” ဆိုသည့် ပြူးတူးပြဲတဲ မိန့်ခွန်းတစ်ခုကို သူစတင်ပြောခဲ့သည်။ သည့်နောက် ပိုင်းမှာတော့ “လူ့အ ဖွဲ့အစည်းအ တွင်းက ကွန်မြူနစ်တွေကို ဆွဲထုတ်ကြ” ဆိုသည့် ကြွေးကြော် သံကို ဦးဆောင်ပြီး အာဏာတစ်ခုကိုသူ ထူထောင်ခဲ့တော့သည်။

သာမန်ဘုမသိဘမသိပြည်သူများကြားမှာ အမေရိကန်နိုင်ငံကို နေချင်း ည ချင်း ကွန်မြူနစ်များက ထိန်းသိမ်းတော့မယောင် ထင်မြင်စေသည့် နည်း လမ်းဖြင့် မက္ကာသီတစ်ယောက် မျိုးချစ်တိုက်ပွဲကြီး၏ တပ်ဦးက သူရဲကောင်း အဖြစ် သူ့ကိုယ်သူ ခြယ်မှုန်းခဲ့သည်။

အလယ်ခေတ်က ဥရောပမှာ “စုန်း”ဟုစွပ်စွဲပြီး လူအများအပြားကို သတ်ဖြတ် ခဲ့သည့် “စုန်းစစ်ဆင်ရေး” Witch Hunt အတိုင်းကွန်မြူ နစ်စစ်ဆင်ရေး ကိုနိုင်ငံအ၀န်း ရွက်လွှင့်ခဲ့သည်။ မက္ကာသီခေတ်မှာ တက္ကသိုလ်ပါမောက္ခများ၊ စာရေး ဆရာများ၊ အနုပညာရှင်များ၊ နိုင်ငံ ၀န်ထမ်းအများအပြားရာထူးမှ ထုတ်ပယ်ခံရ၊ အရေးယူခံခဲ့ကြရသည်။ စာရင်းဇယားများအရ ထောင်နှင့် ချီသည့် အမေရိကန်များ အကြောင်းမဲ့အရေးယူခံကြရသည်ဟု ဆိုသည်။

မက္ကာသီကို ကျောထောက် နောက်ခံပေးထားသူကတော့ အက်ဖ်ဘီအိုင်ေ ထာက်လှမ်းရေးအဖွဲ့ကြီး၏ ညွှန်ကြားရေးမှူး ဂျေအက် ဒဂါဟူးဗား။ မက္ကာသီ ၏ ဆန္ဒကိုပုံ ဖော်ဖို့ ထောက်လှမ်းရေးတပ်ဖွဲ့ဝင်များက အကျိုးဆောင်ပေး ခဲ့ကြသည်။ အိမ်ဖြူတော်ကပင်ဝင်မစွက်ရဲ။ အခြားနိုင်ငံရေးသမားများနှင့် အစိုးရအရာရှိများကလည်း လူပြိန်းကြိုက်ကြွေးကြော်သံအောက်မှာ နေရာ တစ်နေရာရဖို့ မက္ကာသီကို ပူး ပေါင်းကြရသည်။

မက္ကာသီကို မည်သူမျှမဝေဖန်ရဲ။ မက္ကာသီကိုမည်သူမျှစိန်မခေါ်ရဲ။ မက္ကာသီကို မည်သူမျှမဆန့်ကျင်ရဲခဲ့ပါ။ မက္ကာသီကိုဝေဖန်သူသည်မျိုး ချစ်စိတ်ဓာတ် မရှိ သူ၊ မက္ကာသီကို စိန်ခေါ်သူသည် ကွန်မြူနစ်၊ မက္ကာသီကို ဆန့်ကျင်သူသည် တိုင်းပြည်သစ္စာဖောက်ဟု မက္ကာသီနှင့် အဖွဲ့သားများက စည်းရုံးလှုံ့ဆော်ခဲ့ ကြသည်။

မက္ကာသီနှင့်အဖွဲ့က “အနီရောင်ချန်နယ်များ”Red Channels ဆိုသည့် လှုပ် ရှားမှုနှင့် သူတို့ အယူအဆနှင့် မကိုက်ညီသည့် ရေဒီယို အသံလွှင့်ဌာနများကို ကွန်မြူနစ်ဟု စွပ်စွဲခဲ့သည်။ သတင်းနှင့် ဖျော်ဖြေရေးသမား ၁၅၁ ဦးကို အ နက်ရောင်စာရင်း Black List သွင်းခဲ့သည်။ ဟောလိဝုဒ်အနက်ရောင် စာရင်း Hollywood Black List ဆိုသည့် လှုပ်ရှားမှုနှင့် ဟောလိဝုဒ် အနုပညာလော က က သရုပ်ဆောင်၊ ဒါရိုက်တာ၊ ဇာတ်ညွှန်းရေးဆရာနှင့် အနုပညာရှင် အများအပြားကိုလည်း စွပ်စွဲတိုက်ခိုက်ခဲ့ကြသည်။

လွတ်လပ်သည့် အတွေးအခေါ်ကို ကိုင်စွဲခဲ့သည့်အတွက် မက္ကာသီခေတ်က အနက်ရောင်စာရင်းအသွင်းခံကြရသူများမှာ ကမ္ဘာကျော် ရုပ်ရှင်ပညာရှင် ချာ လီချက်ပလင်၊ သိပ္ပံပညာရှင် အဲလ်ဘတ်အိုင်းစတိုင်း၊ နိုဗယ်ဆုရ စာရေးဆရာ သောမတ်စ်မန်း၊ အဏုမြူဗုံးတီထွင်သူ သိပ္ပံပညာရှင် ရောဘတ် အိုဗင်ဟိုင်းမား၊ စာရေးဆရာကြီး အာသာမစ်လာ၊ စာရေးဆရာမ ဒေါ်ရိုသီ ပါကား တို့အပါ အ၀င် နိုင်ငံအဖိုးတန်ပညာရှင်များစွာပါဝင်ခဲ့သည်။

အမေရိကန်ပြည်ထောင်စုသည် မက္ကာသီလှုပ်ရှားမှုအောက်တွင် စကားဟဟ မပြောရဲတော့ပါ။ မည်သူမျှ ဂျိုးဇက်မက္ကာသီကို စိန်မ ခေါ်ရဲတော့ပြီလား။

Columbia Broadcasting System ရေဒီယိုနှင့် ရုပ်သံသတင်း ဌာနကြီးမှာ သမိုင်းတွင်မည့် သတင်းစာဆရာတစ်ယောက်ရှိခဲ့သည်။ သူ့ နာမည်က အက် ဒ၀ပ်အာရ်မာရိုး။ ဒုတိယကမ္ဘာစစ်အတွင်းက နာဇီဂျာမန်များ ဗုံးတွေ တ၀ုန်း ၀ုန်းကြဲနေသည့်ကြားက လန်ဒန်မြို့ကနေ ရေဒီယိုဖြင့် Live သတင်းကြေညာ ခဲ့သည့်မာရိုးကို အမေရိကန်ပြည်သူများက လေးစားယုံကြည်ကြသည်။

မာရိုးနှင့် သူ့မိတ်ဆွေ ပရိုဂျူဆာ ဖရက်ဖရင်ဒလေတို့က မက္ကာသီ အောက် မှာ မျှော်လင့်ချက်မဲ့နေခဲ့သည့်အမေရိကန်ပြည်ထောင်စုကို ပြန်လည်ဆယ်ယူဖို့ကြိုးပမ်းကြသည်။ မည်သူမျှမထိတို့ရဲသည့် မက္ကာသီကို စုံစမ်းဖော်ထုတ်ဖို့ သူတို့ပြင်ဆင်သည်။ နောက်ဆုံးတော့ မာရိုး၏ ရုပ်သံအစီအစဉ် “See It Now” ကတစ်ဆင့် မက္ကာသီကို စုံစမ်းဖော်ထုတ်သွားဖို့သူတို့ဆုံးဖြတ်ခဲ့သည်။ ထိုဆုံးဖြတ်ချက်က CBS ၏ သတင်းခန်းအတွင်းမှာ ဗုံးတစ်လုံးလို ပေါက်ကွဲ သွားတော့သည်။ အိမ်ဖြူတော်ကပင်ဆင်ခြင်နေရသည့် မက္ကာသီကို စိန်ခေါ်ခြင်းသည် CBS အတွက် ကိုယ့်သေတွင်းကိုယ်တူး ခြင်းဟု ဦးဆောင် သူအချို့ကယူဆသည်။ တစ်ဖက်က တန်ပြန်ပြုလုပ် လာမည့် တိုက်စစ်ကို သူတို့ ရင်မဆိုင် ရဲပါ။ နောက်ဆုံးတော့ CBS ကိုယ် တိုင်က မာရိုးကို တားမြစ် လာတော့ သည်။ မာရိုးနောက်မှာတော့ သူနဲ့ တစ်သားတည်းခံယူထားသည့် ပရိုဂျူဆာဖရင်ဒလေ၊ မာရိုးနှင့် အမှန်တရားကို ချစ်မြတ်နိုး၍ တစ်ဘ၀လုံး ပုံချထိုးကြမည့် ကင်မရာနှင့် အသံဖမ်းသမားများသာ။ အပြန်ပြန်အလှန် လှန် ငြင်းခုံကြပြီး CBS က မာရိုးကို ထုတ်လုပ်မှုစရိတ်မပေးနိုင်၊ CBS လို ဂိုကိုပင် အသုံးပြုခွင့်မပေးနိုင်ဟုပြောသည်။ မာရိုးနှင့် ဖရင်ဒလေကလည်း သူတို့အစီအစဉ်ကို ကိုယ့်စရိတ်ကိုယ်စိုက် ကြော်ငြာခပေးပြီး လွှင့်ထုတ်ဖို့ ဆုံးဖြတ်ခဲ့ကြသည်။ သည်လိုနှင့် သတင်းစာပညာ၏ သမိုင်းဝင်တိုက်ပွဲကြီး စတင်ခဲ့ပါသည်။

၁၉၅၄ ခုနှစ် မတ်လ ၉ ရက်မှာ “ဆီးနိတ်တာ မက္ကာသီနှင့်ပတ်သက်၍ အစီရင်ခံစာ” A Report on Senator Joseph McCarthy ကို “ See It Now ” အစီအစဉ်မှာ ထုတ်လွှင့်ခဲ့သည်။သန်းနှင့်ချီသည့် အမေရိကန် ပြည်သူ များ ကို သူတို့ကြောက်ရွံ့သည့် မက္ကာသီကို စုံစမ်းဖော်ထုတ်ပြသည့် မာရိုး၏ မျက်နှာကို ရုပ်သံမှတစ်ဆင့် ကြည့်ရှုခဲ့ကြသည်။ စီးကရက်ကိုလက် ကြားညှပ် ထားပြီး တည်ငြိမ်စွာပြောဆို သွားသည့် မာရိုးက မက္ကာသီ၏ ရှေ့နောက်မညီ သည့် စကားများနှင့် အမှားများကို ရဲရဲဝံ့ဝံ့ဖွင့်ချခဲ့သည်။ အမေရိကန်ပြည်ထောင်စုတစ်ခုလုံး တိတ်ဆိတ်ငြိမ်သက်စွာဖြင့် ရုပ်မြင် သံကြားအစီအစဉ်ကို စောင့်စား ကြည့်ရှုခဲ့ကြသည်။ အစီအစဉ်အပြီး မှာတော့ မာရိုးက ပရိသတ်ကို သူနှုတ်ဆက်နေကြအတိုင်း “Good Night and Good Luck ” ဟု နှုတ်ဆက်စကားဆိုခဲ့သည်။ တင်ဆက်မှုပြီးသည်နှင့် သတင်းခန်း ထဲကို ဖုန်း များဆက်တိုက်ဝင်လာသည်။ မာရိုး ကို ထောက်ခံသည့် ပြည်သူ များ၏ တယ်လီဖုန်းများခေါ်သံများ။

မာရိုး၏ ထက်မြက်ရဲရင့်သည့် စုံစမ်းဖော်ထုတ်မှုက ပြည်သူများကို သတ္တိ ရှိရှိ ထုတ်ဖော်ပြောဆိုရဲဖို့ အားပေးခဲ့သည်။ မျှော်လင့်ထားခဲ့သည့် အတိုင်း မက္ကာ သီ ကလည်း မာရိုးနှင့် အဖွဲ့ကို “ကွန်မြူနစ်များ”ပြန်လည် စွပ်စွဲတိုက်ခိုက်ခဲ့ သည်။ သို့သော် ဒီ တစ်ခါတော့ မက္ကာသီ၏လူပြိန်းကြိုက်စွပ်စွဲမှုများ အလုပ် မဖြစ်တော့ပါ။ နောက်ပိုင်းမှာ ဆီးနိတ်လွှတ်တော်ကပါ မက္ကာသီကို စုံစမ်း စစ်ဆေးဖို့ စတင်အရေးယူ ဆောင်ရွက်လာခဲ့သည်။ ထိုအချိန်ကစပြီး မက္ကာသီ ၏ ကျဆုံးမှုစတင်ခဲ့ပါသည်။ နောက်ဆုံး အသည်းရောဂါဖြင့် သူ ကွယ်လွန်သည့်အခါ သူ့ဘေးမှာ ထောက်ခံသူများများစားစား မရှိတော့ပါ။

အက်ဒ၀ပ်အာရ်မာရိုး၏ မက္ကာ သီသတင်းပေးပို့ချက်သည် ရုပ်သံ သတင်း ဌာနခေတ်ဦးအတွက် ရှေ့ ဆောင်လမ်းပြဖြစ်ခဲ့သလို သတင်း စာဆရာ အား လုံးကို အမှန်တရား ကို ဖော်ထုတ်ရဲဖို့ပြသခဲ့သည့် သင် ခန်းစာလည်းဖြစ် သည်။ နောင်အခါ သြစတြေးလျနိုင်ငံသား ကမ္ဘာကျော် သတင်းစာဆရာမ ဂျွန်ပေလ်ဂျာရေးသည့် “ကမ္ဘာကိုပြောင်းလဲစေသည့် သတင်းစုံစမ်းထောက် လှမ်းမှုပညာ”” စာအုပ်မှာ မာရိုး၏ မက္ကာသီစုံစမ်းမှု ကို အခန်း တစ်ခန်ြး ဖင့် ပြန်လည်ရေးသားခဲ့သည်။

နောင်အခါ အမေရိကန်ပြည် ထောင်စုသမိုင်းမှာ “မက္ကာသီဝါဒ” ဆိုသည့် စကားလုံးကို “အကြောက် တရားကို မွေးဖွားခြင်း”နှင့် “ကျိုးကြောင်းမဲ့စွပ်စွဲခြင်း”တို့ကို ညွှန်းဆိုဖို့ အသုံးပြုလာခဲ့ပါသည်။

အက်ဒ၀ပ်အာရ်မာရိုးဆိုသည့် အမည်ကတော့ “အမှန်တရားကို ဖော်ထုတ်ခြင်း”နှင့် “အမှားကို စိန်ခေါ်ရဲသည့် သတ္တိ”အဖြစ် သမိုင်းမှာ တွင်ကျန်ခဲ့ပါသည်။

လူ့အဖွဲ့အစည်းအတွင်း မက္ကာသီများရှိနေသရွေ့ မာရိုးများရှိနေ ဖို့လိုပါလိမ့် မည်။ သင့်ကို မာရိုး အဖြစ် မြန်မာနိုင်ငံတော်က အလိုရှိ နေပါသည်။

Read more

အမျိုးသားတွေရဲ့ အသံ

မေး။ ။ အိမ်နောက်ဖေးမှာ ခွေးက သူ့ကို အပြင်မှာထားပြီး တံခါးပိတ်မိ လို့ ဟောင်နေမယ်၊ အိမ်ရှေ့မှာလည်း အပြင်ကပြန်လာတဲ့ဇနီးက တံခါး ဖွင့်ပေးဖို့ ခေါ်နေမယ်ဆိုရင် ဘယ်ကို အရင်သွားမလဲ။
ဖြေ။ ။ ခွေးဆီ အရင်သွားရမှာပေါ့။
မေး။ ။ ဘာလို့ပါလဲ။
ဖြေ။ ။ ခွေးက အထဲရောက်ရင် ငြိမ်သွားမှာလေ။

မေး။ လက်ထပ်ခြင်းကို ဘယ်လို သဘောပေါက်ပါသလဲ
ဖြေ။ လက်ထပ်ခြင်းဆိုတာ "ring" သုံး "ring" နဲ့ ဖွဲ့စပ်ထားတဲ့ လူမှု ဆက်ဆံရေး တစ်မျိုးပါ။
မေး။ စိတ်ဝင်စားစရာပါပဲ၊ "ring" သုံး "ring" က ဘာတွေပါလဲ၊ ပြောပြပေး ပါလား။
ဖြေ။ "ring" သုံး "ring" ဆိုတာက engagement ring, wedding ring နဲ့ suffer ring တွေပါ။

မေး။ အန္ဒိယနဲ့ အာဖရိကမှာဆို အမျိုးသားတွေဟာ သူတို့ လက်ထပ်ရမယ့် ဇနီးအကြောင်း လက်မထပ်ခင်အထိ ဘာမှ မသိကြရဘူးလို့ သိရပါတယ်။
ဖြေ။ အင်း ဒါက အန္ဒိယနဲ့ အာဖရိကမှာတင်မဟုတ်ပါဘူး။ နိုင်ငံတိုင်းက အမျိုးသားတိုင်း မှာ ဒီပြဿနာရှိပါတယ်။
မေး။ တကယ်လား။
ဖြေ။ တကယ်ပေါ့။ ကျနော်ဆို ကလေးသုံးယောက်ရတာတောင် ကျနော့် ဇနီးအကြောင်း မသိသေးဘူး။

မေး။ ညပိုင်း အိမ်မှာမရှိတဲ့ ယောက်ျား ဘယ်မှာရောက်နေတယ်ဆိုတာကို တိတိကျကျ ပြောနိုင်တဲ့ ဇနီး ရှိနိုင်ပါသလား။
ဖြေ။ ရှိနိုင်တာပေါ့။
မေး။ စိတ်ဝင်စားစရာပါပဲ၊ ဘယ်သူလဲ၊ ပြောပြပေးပါလား။
ဖြေ။ ဒါက အိမ်ထောင်ထပ်မပြုသေးတဲ့ ဘယ် မုဆိုးမ မဆို သိနိုင်တဲ့ ကိစ္စပါ။

Read more

လူနောက်တွေနဲ့ သုတေသန

၂၀၁၁ ခုနှစ်မှာ ယူကေအစိုးရ က ဘာသာတွေနဲ့ ဘာသာဝင် အရေအတွက် ကို စာရင်းဇယားနဲ့ ထုတ်ပြန်ပေးခဲ့တယ်။
ဟုတ်မလိုလိုပါပဲ။ ကိုးကွယ်တဲ့ဘာသာ ဆိုပြီး ကွက်လပ်ထားပေးတယ်၊ ဖြည့် ရ တယ်ပေါ့။
တချို့ ခပ်နောက်နောက်လူတွေက (Jedi) လို့ ဖြည့်တယ်။
ဒီ ဘာသာကို တစ်ခါမှလည်းမကြားဖူးပါဘူးလို့ ထင်ကောင်း ထင်စရာပါ၊ ဒါဆို the Star Wars (ကြယ်တာရာစစ်ပွဲ) ရုပ်ရှင်ကား မကြည့်ဖူးသေးလို့ပဲဖြစ်ပါ တယ်။
ဂျေဒီ (Jedi) ရီလေးဂျင်းက အပြင်မှာတကယ်မရှိဘဲ ကြယ်တာရာစစ်ပွဲ ရုပ်ရှင်ကားထဲမှာပဲ ရှိတာပါ။ ယူကေက လူတွေ အစိုးရကို နောက်တယ်၊။


Ref: The Middle Way Journal, July, 2013

Read more

***အနိစ္စ ပွင့်သီ***

ဘယ်အချိန်မှာ စ၍ ရွာခဲ့မှန်းမသိသည့် မိုးက ရွာနေဆဲပင် ဖြစ်လေသည်။ သိပ်ပြီးမဆိုင်လှသော်လည်း ပြောင်းလဲသွားတတ်သည့် သဘောတချို့ဆီ ယနေ့မနက် မိုးအေးအေးထဲမှာ စိတ်လွင့်သွားခဲ့မိသည်။
ကန့်ကော်ပင် အသွင်ပြောင်းခဲ့ပြီ။ သပြေပင်လည်း အသွင်ပြောင်းနေပြီ။

ကန့်ကော်ပင်ကို မြန်မာပြည်မှ သယ်ယူလာသူက ထားဝယ်သူ၊ မွန် တရုတ် စပ် အန်တီချန်ဟုခေါ်သည့် ဒကာမကြီးဖြစ်သည်။ သူမ၏ စင်္ကာပူ သက်တန်း က ၆၀ ကျော်ပြီထင်သည်။ သူမ သမီးက ပြင်သစ်လူမျိုးနှင့် အိမ်ထောင်ကျပြီး သူမမြေးများက ပြင်သစ် စစ်စစ်ကလေးတွေ ဖြစ်နေကြပြီ။

ကန့်ကော်ပင်က ဘာသာရေးနှင့် ဆက်စပ်မှုရှိနေသည်။ ပွင်လတံ့သော ဘု ရားရှင်သည် ကန့်ကော်ပင်ခြေရင်းမှာ သစ္စာအလင်း ပွင့်မည်ဟု ဆိုထား သည်မဟုတ်ပါလား။ ဤက အတန်ကွာဝေးသော ကိစ္စဖြစ်သည်။ ကျွနုပ် သိနိုင်သည့် ကိစ္စမဟုတ်။ သေချာသည်က စင်္ကာပူကို ရောက်လာပြီး ကန့်ကော်၏ အရွက်တို့ ထွားကြိုင်းလာသည်။ မသိလျှင် ကန့်ကော်ပင်မှ ဟုတ်ပါလေစဟု ထင်စရာ ဖြစ်နေသည်။
လွန်ခဲ့သည့်နှစ်တွေက ကန့်ကော်တွေ ပွင့်တော့မှ အရွက်သာမဟုတ် အပွင့်တွေကလည်း နှစ်ဆခန့် ကြီးနေသည်ကို တွေ့ခဲ့ရပြန်သည်။ မြန်မာ တ ချို့က စင်္ကာပူ ကန့်ကော်က မြန်မာကန့်ကော်လောက် မမွှေးဟု ဆိုကြသည်။ အခြား ကန့်ကော်ပင်များကိုတော့ မဆိုလိုပါ၊ ကျောင်းထဲမှာ ကြီးပြင်းလာ သည့် ကန့်ကော်ပင်ကတော့ မြန်မာပြည်မှ သယ်ယူလာသည့် ကန့်ကော်ပင် ငယ်လေးမှ ကြီးထွားလာခြင်းဖြစ်ကြောင်း သေချာသည်။
သို့သော် မြန် မာပြည်မှ သယ်ယူလာသည့် ကန့်ကော်ပင်ငယ်လေးသည် လည်း ဒီက ရေ မြေ တောတောင်သဘာဝအတိုင်း ရှင်သန်နေရကား ဒီမှာ ရှိသည့် ကန့်ကော်တို့အတိုင်း တစ်သွင်တည်း ဖြစ်သွားလေတော့သည်။
စင်္ကာပူမှာ ကြီးသည့်ကန့်ကော်ကို မြန်မာပြည်က ကန့်ကော်နှင့် ဘာကြောင့် အသွင်မတူ ကွဲပြားနေရသနည်းဟု အပြစ်တင်လျှင် မိမိ၏ အတ္တကြီးမားမှု၊ သဘာဝဓမ္မကို သွေဖီမှုကိုသာ အပြစ်ဆိုဖွယ် ရှိပေတော့မည်။

ထို့အတူ လွန်ခဲ့သော နှစ်နှစ်ခန့်က ကျောင်းဝင်းထဲမှာ မရှိသေးသဖြင့် သပြေ ပင် ကိုယ်တိုင်ပင်စိုက်ထားလိုက်သည်။ ယခု နှစ်နှစ်သား သပြေပင်က အနံ ကြီးကွင်းကျယ်စတိုင် ဖမ်းနေပြီဖြစ်သည်။ မသိလျှင် သပြေပင်ဟု မထင်ရေ တာ့။ သူ့အရွက်တို့က သရက်ရွက် အငယ်စား အနုစားလေးများလောက် ရှိနေသည်၊ စိုက်စဉ်ကလို ရှည်မျောမျော အရွက်ငယ်လေးများ သူ့ပင်စည်မှာ မရှိတော့။

စဉ်းစားမိသည်။
ပမာဏ ကြီးထွားလာသည့် ထို သပြေခက်တို့ကို ဘုရားတင်ရန် သင့် မသင့်။
သင်က တင်သည် ဆိုပါစို့၊ ပတ်ဝန်းကျင်က သင့်ကို ဘာကြောင့် သရက် ရွက်တွေကို ဘုရားတင်ထားတာလဲဟု အပြစ်တင်ကောင်း တင်ပေလိမ့်မည်။
အကယ်၍ သူတို့က အပြစ်တင်သော် အဓိက တရားခံက ဘယ်သူဖြစ်နိုင်ပါ သလဲ။
ရေ မြေ တောတောင်သဘာဝလား
အသွင်ပြောင်း သပြေခက်လား
သင် ကိုယ်တိုင်လား
အပြစ်တင်သည့် ပတ်ဝန်းကျင်လား။
အန်တီ ချန်၏ မြေးနှစ်ယောက်သည် ဗုဒ္ဓဘာသာခံယူထားသည်မှ အပ မြန် မာစကား တစ်လုံးမှ မသိတော့၊ အသွင်အားဖြင့်လည်း ယူရိုပီယံ စစ်စစ်။

သို့ဖြစ်လျှင် ယခု စာရေးနေသည့် ရဟန်းကိုယ်တိုင်ကရော????
မထင် မမြင်သာသည့် အတွေး အခေါ်တို့ကို ဘေးဖယ်ထား မည်ဆိုလျင် ပင် ပေါင် ၁၂၀ ဖြင့် ရောက်လာခဲ့သည့် ရဟန်း ယခု ပေါင် ၁၆၀ ရှိနေတာ ကိုတော့ ဖုံးဖိထားလို့ ရအံ့မထင်။
၁၀ နှစ်ကျော်အတွင်း ပေါင်ချိန် ၄၀ ခန့် တက်လာခြင်းမှာ ယခု ရွာနေသော မိုးနှင့် ဆိုင် မဆိုင်တော့ မပြောတတ်တော့ပေ။ ဆိုင်ကောင်း ဆိုင်နိုင်၏။
လူ၊ သဘာဝ၊ အညမည၊ သဟဇာတ နှင့် အဒက်ပတေဘယ်လ်တီ (Adaptability) ။
အနိစ္စ။ မိုးကတော့ အပြင်မှာ ရွာနေဆဲ ဖြစ်၏။

Read more

ပေါက်တတ်ကရ အင်္ဂလိပ်စာ

အင်တာဗျူး တစ်ခုထဲမှာ မြန်မာသမ္မတ ဦးသိန်းစိန်က "ပီအာ" (PR) ကောင်း တယ်လို့ ဖြေထားတာ တွေ့ရတယ်။ ခက်တာက ကျနော်တို့ သိထားတဲ့ "ပီအာ" (PR) က အနည်းဆုံး အဓိပ္ပါယ်သုံးမျိုး ဖြစ်နေတယ်။
လူထုကြားထဲမှာတော့ (PR) က Public Relations လူထုဆက်ဆံရေး။
နိုင်ငံရေးလောကမှာတော့ (PR) က Politically Correct ဖြစ်သွားရော။ နိုင် ငံရေး သဘောတရားအရ မှန်တယ်။
နိုင်ငံခြားရောက်နေတဲ့ လူတွေအသုံးများတာကတော့ (PR) ဆိုတာ Permanent Resident (နိုင်ငံခြားမှာ အမြဲနေထိုင်ခွင့် ရရှိသူ) ဖြစ်တယ်။
(PR:proportional representation ကိုတော့ မဆိုင်လို့ ချန်ထားခဲ့ရတယ်။)

ဒါဆို ဦးသိန်းစိန်ဟာ
၁။ လူထုဆက်ဆံရေးကောင်းသူလား
၂။ နိုင်ငံရေးသဘောတရားအရ မှန်နေသူလား
၃။ နိုင်ငံခြားမှာ အမြဲနေထိုင်ခွင့် ရရှိသူလား။

တစ်ခုရှိတာက Resident (Re-sident) နဲ့ President (Pre-sident) ကိုမှားပြီး မဖတ်ဖို့ပဲ။
ရီ (Re) နဲ့ ပရီ (Pre) က အင်္ဂလိပ်မှာလည်း အဓိပ္ပါယ် မတူဘူး မဟုတ်လား။ သမ္မတကြီးကို အားနာစရာ။
'ရီ' က လပ်ဖ်၊ စမိုင်းဖြစ်ပြီး 'ပရီ' က ဘာကြီးမှန်း မသိဘူး။

Read more

ဗေဒင်ဆရာ၊ မှန်ဘောင်

တိုက်ဆိုင်မှုလား၊ နောက်နေတာလားတော့ မသိဘူး။ ဦးသိန်းစိန်က ယူကေ ရောက်နေတုံး ဒီနှစ်အကုန်မှာ နိုင်ငံရေး အကျဉ်းသားတွေအားလုံး လွှတ်ပေးမယ်၊ ၂၀၁၄ ခု နှစ်စမှာ စတော့ အိတ်စ်ချိန်း မြန်မာပြည်မှာ စတော့ မယ် ဆိုတဲ့သတင်းကို ကိုးကားဖော်ပြပြီး နောက် တစ်မျက်နှာ ဆက်ဖတ် လိုက်တော့...
တရုတ်ပြတိုက်တစ်ခုထဲမှာ ပြထားတဲ့ ရှေးဟောင်း ပစ္စည်းပေါင်း လေးေ သာင်းကျော်က အတုတွေဆိုတာ ဖော်ပြထားတာ တွေ့ရတယ်။ ဆိုင်တော့မဆိုင်လှဘူး ထင်တာပါပဲ၊ ဒါပေမဲ့ သတင်းနှစ်ပုဒ်ကို ဆက်ကြည့် လိုက်ရင်တော့ "ဗေဒင်ဆရာ၊ မှန်ဘောင်" လို ဖြစ်နေတယ်။
ဦးသိန်းစိန်ကတော့ သူကတိပေးထားတဲ့ ဂုံးကျော်တံတားကြီးတွေ ပြီးအောင် အရင်ဆောက်ရဦးမယ်ထင်တယ်။ အချိန်မှီ မပြီးဘူးဖြစ်နေတယ်။

ဘာသာရေးနဲ့ နိုင်ငံရေး 1,2, 3

၁။ မလေးရှားပညာရေးဝန်ကြီးဌာနက (မိဘတစ်ယောက် သဘောတူရင် ကလေးမွတ်စလင်ဖြစ်စေ ဥပဒေပြီးတော့) ပုဂ္ဂလိက တက္ကသိုလ်တွေမှာ အစ္စလာမ်ဘာသာနဲ့ အာရှယဉ်ကျေးမှု မသင်မနေရ ဥပဒေမူကြမ်း ထပ် တင် သွင်းတော့ ပွစိ ပွစိဖြစ်နေကြပြန်ပြီ။ ကျန်တဲ့ ဘာသာဝင်တွေက ဘယ် သဘောတူပါ့မလဲ၊
လစ်ဘရယ်ဖြစ်တဲ့ မွတ်စလင်တွေကလည်း ဒီဥပဒေမူကြမ်းက မဟန်လှဘူး ဆိုတာသိပေမဲ့ ဖွင့်ပြော (ရဲ) ကြမှာတော့ မဟုတ်ဘူး။ ဘာပဲပြောပြော အစ္စလာမ်နိုင်ငံတွေထဲမှတော့ မလေးရှားက အပျော့ပြောင်းဆုံးလို့ဆိုရမှာပါ။

၂။ စင်္ကာပူက လီကွမ်းယုကြီး သူကိုယ်တိုင် တရားထိုင်၊ အကျိုးရှိမှန်းလည်း သိပြီးတဲ့နောက် စာသင်ကျောင်းတွေမှာတောင် ကလေးတွေကို တရာထိုင် ခိုင်း သင့်တယ်လို့ လူသိရှင်ကြားပြောပြီး အသံပြန်တိတ်သွားခဲ့တယ်။ မတိတ်လို့မရဘူး၊ ဒီမိုကရေစီနိုင်ငံမှာ ဘယ်လောက်ကောင်းတယ်ပြောပြော ဘာသာတစ်ခုရဲ့ အဆုံးအမကို ဘာသာမျိုးစုံ ကျောင်းသားတွေကို သင်ပေး လို့ မရနိုင်ဘူး။ ကျန်တဲ့ဘာသာဝင်တွေက သဘောမတူဘူး။ ကိုယ်ကြိုက်ရင် ကိုယ်ဘာသာ တခြားနေရာ သွားလုပ်လို့ပဲရမယ်၊ ပတ်ဘလစ်ကျောင်းမှာတော့ မရဘူး။

၃။ အမေရိကမှာလည်း ဒီလိုအသံ ထွက်လာသေးတယ်။ ယောဂအကျင့်ကို ပတ်ဘလစ်ကျောင်းတွေမှာ သင်သင့် မသင်သင့်ပေါ့။ တကယ်တော့ ယောဂဆိုတာ ဟိန္ဒူဘာသာရေးပိုင် ကျင့်စဉ်တစ်ခုပဲ။ ဒါပေမဲ့ တချို့ကတော့ ယောဂအကျင့်ကို အမေရိကန်လူထုက မွေးစားလိုက်ပြီမို့ ဟိန္ဒူဘာသာရေး ကျင့်စဉ်တစ်ခု မဟုတ်တော့ဘဲ ကျန်းမာရေးအတွက် လေ့ ကျင့်ခန်းမျှသာ ဖြစ်တော့တယ်၊ ဒါကြောင့် ဘာပြဿနာမှ မရှိနိုင်ဘူးလို့ ဆို ကြလေရဲ့။

လူ့အဖွဲ့အစည်းသာ ကွန်ပြူတာ တစ်လုံးဆိုရင်
နိုင်ငံရေးနဲ့ စီးပွားရေးက ဟာ့ဒ် ဝဲယားတွေဖြစ်ပြီး
ပညာရေးနဲ့ ဘာသာရေးက ဆော့ဖ် ဝဲယားတွေ ဖြစ်နေလိမ့်မယ်။
ဆင်ခြင်မိသင့်တာတွေ အများကြီးပဲ ထင်တယ်။

Read more

poverty and education

RD: Beyond AIDS, what is the single greatest problem facing the world right now?

Mandela: The question of poverty and lack of education, those two combined. It's important for us to ensure that education reaches everybody.
Without education your children can never really meet the challenges they will face. So it's very important to give children education and explain that they should play a role for their country.
(RD, July, 2013)

Read more

မီးလောင်နေတဲ့ အိမ်

ဤပုံပြင်က အသစ်မဟုတ်။ Silk Road ပုံပြင်ဟု လူသိများပြီး အိန္ဒိယနှင့် တရုတ်ယဉ်ကျေးမှုစာပေမှာ ပုံစံကွဲများနှင့်လည်း ရှိနေတတ်သည်။
ကုန်သည်ဖခင်သူဌေးကြီး ခရီးထွက်ရာမှ ပြန်အလာ သူ့အိမ် မီးလောင်နေ သည်ကို တွေ့ရသည်။ သူ့ကလေးများက အိမ်ထဲမှာရှိနေပြီး မီးလောင်နေ သည်ကို သိပင် မသိကြ။ ထိုအခါ စိတ်ပူတကြီးနှင့် သူ့ကလေးတွေကို အပြင်ထွက်လာခဲ့ကြဖို့ အော်ခေါ်သည်။ ကလေးတို့က မီးကို မမြင်ရသဖြင့် သူတို့ဖခင်ကြီးပြောတာကို မယုံကြည်ကြ။ မီးစလောင်သည့်နေရာကလည်း သူတို့ မမြင်ရသေးသည့် နေရာမှာဖြစ်နေသည်။ ထိုကြောင့် ကြောက်စိတ် မ ဝင်၊ ဘေးကင်းရာ ထွက်ပြေးလာဖို့လည်း စိတ်မကူးကြ။

ဝင်ပေါက်ထွက်ပေါက်ကလည်း နှစ်ပေါက်သာ ရှိသည်ဟုဆို၏။ မယုံကြည် လျှင် အားလုံး ဒုက္ခရောက်ကြရတော့မည်။ ထိုအခါ ဖခင်က နည်းဗျူဟြာေ ပာင်းလိုက်သည်။ မီးလောင်နေသည်ဟု ပြောပြီး ခေါ်နေမည့်အစား သူတို့ အတွက် ခရီးပြန်လက်ဆောင်တွေပါသည်၊ ထွက်လာခဲ့ကြ ဟု အော်ခေါ် သည်။
ထိုအခါရောက်မှ ကလေးတွေအားလုံးထွက်လာပြီး ဘေးရန်ကင်းတော့သည်။ သူတိုကိုယ်တိုင် အိမ်အပြင်ရောက်တော့မှ သူတို့နေသည့် အိမ်ကြီး၏ အခြား တစ်ဖက်ခြမ်းမှာ အမှန်တကယ် မီးလောင်နေခြင်းဖြစ်ကြောင်း သိလာကြရ သည်။
ပုံပြင်အချုပ်က ဤမျှသာဖြစ်သည်။

မဟာယာန ယဉ်ကျေးမှုမှာတော့ သတ္တဝါတွေကို ကလေးတွေနှင့်တင်စားပြီး ဘုရားရှင်ကို ကုန်သည်ဖခင်သူဌေးကြီးနှင့် တင်စားသည်။
ဤ၌..

၁။ ဖခင်သူဌေးကြီးပြောသောစကားသည် မုသာဝါဒ ဟုတ် မဟုတ် ( မဟုတ် ဟူလို) နှင့်
၂။ ကလေးကို ခြောက်လို့မရလျှင် ချော့ရသည်ဆိုသည့် မော်ရယ်ကို ပေးလို ရင်း ဖြစ်ပေသည်။

အကယ်၍ အရွယ်ရောက်ပြီးကလေးများဆိုလျှင်တော့ ကလေးတို့၏ ခေါင်းမာ တတ်သည့်သဘော၊ မျက်စေ့ဖြင့် မြင်ရမှ ယုံကြည်မည်ဆိုသည့် သဘောကို လည်း ထည့်သွင်း စဉ်းစားနိုင်ပေမည်။ တကယ့်ဘေးရန်ကို မြင်နိုင်သည့် စွမ်း ရည်၊ မြင်နိုင်သည့် နေရာ စသည်လည်း သူတိုမှာ မရှိရှာ။
ဤသဘောကိုပင် သံလရာ ဘေးဒုက္ခတို့နှင့် နှိုင်းယှဉ်ပြသည်ဟုလည်း ပညာ ရှင်တို့ ယူဆကြသည်။ ဖခင် (သို့) ဘုရားရှင်ကသာ ဤ ဘေးဒုက္ခတို့ ကို တွေ့နေရသည်ဟု ဆိုလိုသည်။

မီးလောင်မှုနှင့်ပတ်သက်သည့် ဥပမာတချို့ ထေရဝါဒစာပေမှာ တွေ့ရသည်။ အများအားဖြင့်တော့ ခန္ဓာငါးပါး 'အိမ်' ကို မီးလောင်မှုနှင့် နှိုင်းယှဉ်ပြသည်။ မီးဆိုရာမှာ လောဘ၊ ဒေါသ၊ မောဟဟု ညွှန်းဆိုသလို ဒုက္ခသစ္စာကို တစ်ပါး စီရေတွက်ပြီး မီးဆယ့်တစ်တန်ဟုလည်းဆိုသည်။ ထို့အပြင် ကိလေသာ ၁၀ ပါးကိုလည်း မီးဟု ဆိုတတ်သည်။
မည်သို့ဖြစ်စေ ဤက လေးနက်လှသည့် ဒေသနာဖြစ်သွားပေပြီ။

သာမန်အရပ်စကားနှင့်ဆိုရလျှင် နေရာပြောင်းလဲမကြည့်မိသေးသရွေ့
မီးလောင် မှုကိုလည်း မမြင်နိုင်သေးဟု ဆိုရမည်ထင်သည်။
အတွေးအခေါ်၊ ယုံကြည်မှုစသည်အားဖြင့်လည်း အခြား တစ်ယောက်၏နေ ရာမှ မကြည့်မိသေးသရွေ့ လောင်နေသည့် မီးကို မတွေ့ရနိုင်။ မိမိစွဲမြဲစွာယူထားသည့် အယူကိုခွာပြီး ရှုဒေါင့်ပြောင်းကြည့်နိုင်မှ အနည်းဆုံး မီးလောင်နေသည်ကိုလက်ခံလာနိုင်ပေမည်။

ဖခင်နေရာကကြည့်တော့ ကလေးတို့လည်း မီးတောက်ကြီးများကို တွေ့ရ သည် မဟုတ်ပါလား။
ဘုရားဟောမဟုတ်သော်လည်း ဤပုံပြင်က စဉ်းစားဖွယ် များစွာဖြင့် ခန့်ငြားလေးနက်လှ၏။

Read more