ထိုင်း - အောက်ခြေလူတန်းစား တစ်ခေတ်ဆန်းခြင်း (အမေးအဖြေ)

လူတစ်ယောက်ရဲ့ ကမ္ဘာ့ အမြင်
(အခန်း ၅၊ အရှေ့တောင်အာရှ)

"ထိုင်းလူမျိုးတွေရဲ့ သမိုင်းကို သိထားမှ ရမယ်။...ဘယ်သူက နိုင်ခြေ ရှိသ လဲ၊ ဘယ်သူက ပိုပြီးအားကောင်းသလဲ၊ ထိုင်း ကတော့အဲဒီလူနဲ့ ပေါင်းမှာပဲ" (လီကွမ်းယု)

မေး။ ။ သက်ဆင် နိုင်ငံရေးလောကထဲ ရောက်လာပြီးတဲ့နောက် ဖြစ်ပေါ် လာတဲ့ အပြောင်းအလဲတွေအပေါ် ဝေဖန်သုံးသပ်သူတချို့ကတော့ အေ ကာင်း မမြင်ကြဘူး။ ၁၉၉၀ ခုနှစ်တွေတုံးက ဆိုရင် ၀န်ကြီးချုပ်ဟာ ထိုင်းနိုင် ငံရဲ့ ရေရှည် စီးပွားရေး တိုးတက်လာအောင် ဘယ်လို လုပ်ဆောင်နိုင်ခဲ့ တယ်၊ ၂၀၀၁ခုနှစ် သက်ဆင် အာဏာရပြီးတဲ့နောက် သူ့ကို လူကြိုက်များေ အာင် ရေတို စီမံကိန်းတွေပဲလုပ်၊ ဆင်းရဲသား တွေကို အကူအညီပေး စတဲ့ ရေတို စီးပွားရေးပဲ ဖြစ်နေခဲ့တယ် တဲ့။
ဖြေ။ ။ မဟုတ်ပါဘူး။ ဒါက တစ်ဖက်သပ်အမြင်ပါ။ တကယ်က သူ့ကို ဝေ ဖန် နေသူတွေထက် ကောက်ချက်ချရာမှာ သက်ဆင်က ပိုတော်သလို အစွမ်း အစလည်း ပိုရှိတယ်။ ဒါကြောင့်လည်း သူက ထိုင်း အရှေ့ မြောက်ပိုင်း မှာ ခြေကုတ်ယူပြီး အတိုက်အခံတွေကို ကျော်လွှားခဲ့တာ။

မေး။ ။ ကျေးလက်လူထုရဲ့ ထောက်ခံမဲတွေ များနိုင်သမျှများအောင် အားပြိုင်မှုတစ်ခု ဖြစ်မယ်ဆိုတဲ့ စိုးရိမ်မှု လည်း ရှိနေတယ်။
ဖြေ။ ။ ဒါဆို ဆင်းရဲသားတွေကို ထောက်ပံ့ဖို့ ငွေ ဘယ်ကရမှာလဲ။

မေး။ ။ ဟုတ်တယ်။ အဲဒါက ပြဿနာပဲ။
ဖြေ။ ။ မင်းပြောတာ မဟုတ်ဘူး။ ဆင်းရဲသားတွေကို ထောက်ပံ့ဖို့ အရံသင့် ရံပုံငွေ ရှိနေပြီးသား ဖြစ်ရမယ်။ မရှိဘဲ သူတို့ကို ထပ်ပေးရင် ဘတ်ဂျက်က ကွက်တိ ဖြစ်သွားပြီ(အပို မရှိတော့ဘူး)။ ဒါဆိုရင် အခွန်ကို တိုးကောက် ရတယ်။

မေး။ ။ ဒါမှ မဟုတ် ချေးငှားပြီးတော့ရော။
ဖြေ။ ။ ပြန်ရနိုင်ခြေ မရှိဘဲနဲ့ ဘယ်သူက ချေးမှာလဲ။

မေး။ ။ လူကြိုက်များတဲ့ ပေါ်လစီကို ကျင့်သုံးရင်း ရေရှည်မှာ သက်ဆင် ရဲ့ ပေါ်လစီ အကျပ်တွေ့မယ်လို့ မစ္စတာလီက မထင်ဘူးပေါ့။
ဖြေ။ ။ မထင်ပါဘူး။ ၀င်လာနိုင်တဲ့ ဘတ်ဂျက်ထက် ပိုသုံးမယ်လို့ ငါ မထင် ဘူး။

မေး။ ။ သက်ဆင်အပေါ် မစ္စတာလီ ဘယ်လို မြင်ပါသလဲ။
ဖြေ။ ။ အကျိုးသက်ရောက်မှု မြန်မြန် ရရှိအောင် လက်တွေ့ကျ၊ အလုပ်ကြိုး စားတဲ့ ခေါင်းဆောင်တစ် ယောက်လို့ မြင်တယ်။ သူ့ စီးပွားရေးလောက အတွေ့အကြုံတွေကို သူ ယုံကြည်တယ်။ စီးပွားရေး သီအိုရီတွေထက် သူ့ ပင် ကိုယ် ဖြတ်ထိုးဉာဏ်ကို အားကိုးတယ်။ သူ ဘန်ကောက်ကနေ စင်္ကာပူကို ကားတွေနဲ့ လာတုံး ငါနဲ့တွေ့တော့ သူက စင်္ကာပူ ဘယ်နည်းနဲ့ အလုပ်ဖြစ်နေ တယ်ဆိုတာကို သဘောပေါက်တယ်။ အဲဒီ ခရီးစဉ်တုံးက ပညာရေး၊ အရည် အချင်း၊ လေ့ကျင့်သင်ကြားပေးခြင်း စတာတွေ အားလုံး လူတန်းစား အလွှာစုံ ခံစားခွင့်ရှိတယ် ဆိုတဲ့ စင်္ကာပူရဲ့ ပေါ်လစီကို သူ တွေ့သွား၊ မသွားတော့ ငါလည်း မသေချာဘူး။ ထိုင်း အရှေ့မြောက်ပိုင်း လူဦးရေမှာ ထိုင်းလူမျိုး ထက် လာအိုလူမျိုး တွေ ပိုများတယ်ဆိုတာ မေ့ထားလို့ မရဘူး။

မေး။ ။ လွန်ခဲ့တဲ့ ဆယ်စုနှစ်ကျော်လောက်တုံးက ထိုင်းဟာ စင်္ကာပူကို ခရီးလမ်းပို့ဆောင်ရေး၊ ကုန်ထုတ်လုပ်မှုနဲ့ နိုင်ငံခြားသားတွေရဲ့ ကျန်းမာရေး ကို စောင့်ရှောက်မှုတွေမှာ အားပြိုင်လာနိုင်စရာ ရှိတယ်လို့ ပြောဆိုခဲ့ကြဖူး တယ်။ အခုရော ဒီလို ထင်နေကြဆဲပဲလား။
ဖြေ။ ။ သူတို့ ပထ၀ီ အနေအထားကိုလည်း ကြည့်လေ။ သင်္ဘောနဲ့ ဘန်ကောက်ကို ကွင်းသွားလို့ရတယ်။ စင်္ကာပူကို ကွင်းသွားလို့ မရဘူး။

မေး။ ။ လေကြောင်းက ဆိုရင်ရော။
ဖြေ။ ။ သူတို့ အရည်အချင်းနဲ့ ပညာရေးက ဘယ်လောက် အဆင့်မြင့်နေ လို့လဲ။ တို့ထက် ပိုတော်နေမှ ရမှာ လေ။
မေး။ ။ သူတို့က ကျွန်တော်တို့ထက် ပိုသာလာစရာ ရှိသလား။
ဖြေ။ ။ တစ်-ငါတို့က အင်္ဂလိပ်စာ တစ်ပမ်းသာတယ်။ နှစ်-ပိုလီတို့၊ ITF တို့ လို အဆင့်မြှင့်တင် ပညာရေး အဆောက်အဦတွေ ရှိတယ်။ ဒီကျောင်းတွေက ထွက်ရင် လုံးဝ အရည်အချင်းမရှိတဲ့လူ မဖြစ်နိုင် တော့ဘူး။ ဒီလို စနစ်ကျတဲ့ ပညာရေးကို သန်း (၆၀) ရှိတဲ့ ကျေးလက်က လူတွေအထိ ပေးနိုင်လိမ့်မယ် လို့ ထင်လို့လား။

မေး။ ။ ပထ၀ီ နိုင်ငံရေးဘက်ကို လှည့်ကြဦးစို့လား။ ဗီယက်နမ် စစ်ပွဲအတွင်း မှာ ထိုင်းကို သူ့တို့ဌာနခွဲ အနေနဲ့ အမေရိကန်တွေက မဟာမိတ်ဖွဲ့ပြီး အသုံးပြု ခဲ့ကြတယ်။ သူတို့ နှစ်နိုင်ငံ မဟာမိတ်အဖြစ် ဆက်ရှိနေ ဦးမလား။
ဖြေ။ ။ ဒါကြောင့်တော့ ဘာမှ ထူးခြားလာမှာ မဟုတ်ပါဘူး။ ဒီမှာ မေးခွန်းက သူတို့ချင်း စိတ်ဝင်စားမှု တူညီသလား ဆိုတာပါ။ ဦးတည်ချက်ချင်း ကိုက်ညီနေမှ တစ်ဦးနဲ့ တစ်ဦး အကျိုးရှိ နိုင်တာပါ။ ဥပမာ နေတိုး (Nato) အဖွဲ့ လိုပေါ့။ ဆိုဗီယက်ကြီး မပျိုကွဲခင်က သူတို့အားလုံး ညီညွတ်နေကြ တာပဲ။ ဆိုဗီယက်ပြိုကွဲသွားတဲ့နောက် နေတိုးလည်း အကျိုးသက်ရောက်မှု သိပ်မရှိတော့ ဘူးလေ။

မေး။ ။ ၁၉၉၇ ခု၊ အာရှမှာ စီးပွားရေး အကျပ်ရိုက်တော့ အပြောင်းအလဲ တစ်ခု ဖြစ်သွားခဲ့တယ်။ တော်တော် များများက ထိုင်းကို အမေရိကန်တွေက လာပြီး အကူအညီပေး (ကယ်ထုတ်) လိမ့်မယ်လို့ ထင်ထားခဲ့ တာ။ တကယ်တော့ အမေရိကန်က ရောက်မလာခဲ့ဘူး။ အဲဒီနောက် ထိုင်းက တရုတ်ကိုပိုပြီး အားကိုး ရမယ့်အနေအထား ရှိမယ်လို့ သုံးသပ်ခဲ့ကြတယ်။
ဖြေ။ ။ ဒါက ဒီလိုလေ၊ ဗီယက်နမ် စစ်ပွဲပြီးသွားတော့ အမေရိကန်တွေ အတွက် ထိုင်းရဲ့တန်ဖိုး (အသုံးဝင်မှု) ကလည်း ကျသွားပြီလေ။

မေး။ ။ ဒီ ဒေသတွင်းမှာ သြဇာလွှမ်းမိုးမှု ကြီးကြီးလာတဲ့ တရုတ်ကို ထိုင်းက ဘယ်လို တုန့်ပြန်မယ်လို့ ထင်မိပါသလဲ။
ဖြေ။ ။ ထိုင်းလူမျိုးတွေရဲ့ သမိုင်းကို သိထားမှ ရမယ်။ ဂျပန်တွေ အားကောင်းစဉ် အရှေ့တောင်အာရှကို ၀င်တိုက်မယ်လုပ်တော့ ဂျပန်စစ် သားတွေကို သူတို့ နိုင်ငံထဲ ၀င်ခွင့်ပြုခဲ့တယ်။ ဒါက ဂျပန်စစ် သားတွေအ တွက် မလေးရှားနဲ့ စင်္ကာပူထဲဝင်ဖို့ ပိုလွယ်ကူသွားစေတယ်။ ဒီတော့ ဘယ်သူ က နိုင်ခြေ ရှိသလဲ၊ ဘယ်သူက ပိုပြီး အားကောင်းသလဲ၊ ထိုင်းကတော့ အဲဒီလူနဲ့ ပေါင်းမှာပဲ။

ထိုင်း အမေး၊ အဖြေ ပြီး 

Read more

God

ထာဝရဘုရားသခင်က လူတိုင်းကို မတူအောင်ဖန်ဆင်းပေးခဲ့တယ်။
တရုတ်ပြည်ရောက်တော့မှ
ဘုရားသခင်လည်း ခြေကုန်လက်ပမ်းကျသွားတော့တယ်။
(ဒါ့ကြောင့် ခွဲလို့မရအောင်တူနေတာတွေ အများကြီးဖြစ်သွားရော)

Read more

ကျနော် ကြားရတာ စိတ်ကုန်နေပြီ (အဆက်)

အပိုင်း (၁)

Bill Cosby "I'm 83 and Tired" 
ကျနော် ကြားရတာ စိတ်ကုန်နေပြီ
ဆေးစွဲသူက ရောဂါရ၊ သူ့ကိုဆေးကုသဖို့ ကျနော်က ကူညီရမတဲ့
ပိုက်ခေါင်းထဲက အငွေ့တွေရှူ
အဖြူရောင်အမှုန့်တွေ နှာခေါင်းနဲ့ ရှိုက်
ဆေးထိုးအပ်နဲ့ လက်မောင်းထဲ ထိုး
ဖြတ်ဖို့ရော ကြိုးစားကြသလား။

ကျနော် ကြားရတာ စိတ်ကုန်နေပြီ
လူချမ်းသာ အကစားသမားတွေ၊ အနုပညာရှင်တွေနဲ့ နိုင်ငံရေးသမားတွေရဲ့
အပြစ်မရှိတဲ့ အမှား၊ ရူးနှမ်းတဲ့အမှား၊ ငယ်သူမို့ အမှားဆိုတာတွေ
ကျနော်တို့ သိတော့မှ
အမှားဆိုတာ လူမိမှသာ အမှားဖြစ်တာလို့ ခံယူကြ။
ဆင်းရဲချမ်းသာ လူတန်းစားခွဲခြားလိုစိတ်ကို ငြီးငွေ့တယ်။

ကျနော် ကြားရတာ တကယ် စိတ်ကုန်နေပြီ
သူ့ဘဝ၊ သူ့အပြုအမူကို တာဝန်မယူတဲ့လူတွေအကြောင်း
ပြီးရင် အစိုးရကို အပြစ်ဖွဲ့၊ လူတန်းစားခွဲခြားတယ်လို့ အပြစ်ဖွဲ့
သူတို့အမှားတွေအတွက် ကြီးကြီးကျယ်ကျယ်တွေ ရမယ်ရှာအပြစ်ဖွဲ့။

ကျနော်မြင်ရတာ စိတ်ကုန်နေပြီ
ဆက်ကျော်သက်နဲ့ နှစ်ဆယ်စွန်းစွန်း လူငယ်တွေ
ထိုးကွင်းမှင်ကြောင်တွေ ဟိုနေရာထိုး ဒီ နေရာထိုး
အလုပ်ရှာမရတော့
အစိုးရဆီက ထောက်ပံ့ကြေးယူကြ။

ကျနော် စိတ်ကုန်နေပြီ
ကံကောင်းတာက ကျနော့်အသက် ၈၃
ဒီလူတွေနဲ့ ဒီကမ္ဘာ အကြာကြီးမြင်ရမှာ မဟုတ်တော့ဘူး
မြေးမလေးနဲ့ မြစ်တွေအတွက်သာ စိတ်မကောင်းဖြစ်မိ
ကျေးဇူးပါ ဘုရားသခင်
ကျနော်က ထွက်သွားတော့မယ့်လူ
အသစ်ဝင်လာသူ မဟုတ်။

တစ်ယောက်ကိုတစ်ယောက် မမျှဝေရင်
ဒီစာမျိုးကိုကို ဘယ်သူကမှ ပုံနှိပ်ဖြန့်ဝေမှာ မဟုတ်
အပြောင်းအလဲ ဖြစ်လိုဖြစ်ငြား ကြိုးစားဖြန့်ဝေကြည့်ပါလား။

ပြီး

Read more

လူ့ယဉ်ကျေးမှုပဋိပက္ခနဲ့ ကမ္ဘာသစ်တစ်ခုကို ပုံဖော်ခြင်း (၄)

(ဆင်မြူယယ် ဖီးလစ် ဟန်တင်တန်)

အမှာ။ ။ တာဝန်ကြီးလှတဲ့စာအုပ်ဖြစ်သလို ဘာသာပြန်ဆိုပုံ၊ ကျမ်းညွှန်း၊ သူ့ အမှာ၊ ကိုယ့်အမှာတွေကိုလည်း အကြိမ်ကြိမ် စစ်ဆေးမှရမယ့်သဘော ရှိပါ တယ်။ ဒီစာမူတွေကို ဖတ်ရှုပြီးတစ်စုံတစ်ရာ အကြံပေးမှု၊ ဝေဖန်မှုတွေကို ကြိုဆိုပါတယ်။

ဒီ တစ်ကမ္ဘာလုံး ညီညွတ်ရေး မျှော်လင့်ချက်ကို အများစုက လက်ခံခဲ့ကြ ပါတယ်။ နိုင်ငံ ခေါင်းဆောင်တွေနဲ့ ပညာရှင်တွေဆီမှာလည်း ဒီအမြင် ရှိခဲ့ ကြပါတယ်။ ဘာလင်တံတိုင်းကြီး ပြိုကျခဲ့တယ်၊ ကွန်မြူနစ်အစိုးရတွေ ပြုတ် ကျခဲ့တယ်၊ စစ်အေးကာလအတွင်းက ရန်သူ တော်ကြီးတွေကို မိတ်ဆွေ ပါ တနာတွေဖြစ်လာအောင် ကုလသမဂ္ဂက ကြားဝင်ဆောင်ရွက်ေ ပးနိုင် ခဲ့ပြီး ငွေကုန်ကြေးကျ မများဘဲ ငြိမ်းချမ်းရေး တည်ဆောက်လာနိုင်တယ်။ ကမ္ဘာ့ဦးဆောင်နိုင်ငံ(အမေရိကန်)ရဲ့ သမ္မတက “ခေတ်သစ်ကမ္ဘာရဲ့ လား
ရာ” ကို ကြွေးကြော်ခဲ့သလို စစ်ပွဲတွေအကြောင်း သုတေသနပြုဖို့ ခန့် အပ်ခြင်းခံရတဲ့ ကမ္ဘာ့ဦးဆောင်တက္ကသိုလ်ရဲ့ ဥက္ကဌကလည်း သူ့လေ့လာ မှုတွေကို ရပ်တန့် လိုက်ပြီး သူလည်း ဘယ်ရောက်သွားမှန်း မသိရတော့ ပါဘူး။ အဲဒီ ပါမောက္ခ ပြောတာက “ဟေ့၊ စစ်ပွဲတွေ မရှိနိုင်တော့ဘူးဆိုတော့ စစ်ပွဲအကြောင်းလည်း လေ့လာစရာ မလိုတော့ဘူး” တဲ့။

စစ်အေးကာလအပြီး ပျော်ရွှင်ခဲ့ရတဲ့ အခိုက်အတန့်ကလေးကစည်းလုံး ညီညွ တ်ခြင်းတံလျပ်တစ်ခုကို မွေးထုတ် ပေးခဲ့ပါတယ်။ ၁၉၉၀ ခုရောက်တော့ ကမ္ဘာဟာ တစ်မျိုးတစ်ဖုံ ပြောင်းလဲလာခဲ့ပါတော့တယ်။ ပြောင်းလဲလာ ပေ
မယ့် ငြိမ်းချမ်းရေးအသွင်တော့ မဆောင်ခဲ့ပါဘူး။ ပြောင်းလဲမှုက မလွဲ မသွေ ဖြစ်လာတတ်ပေမဲ့ တိုးတက်မှုဖြစ်ဖို့ကတော့ မရေရာလှပါဘူး။ ၂၀ ရာစု အဆုံးမှာ ဖြစ်ပေါ်ခဲ့တဲ့ အဓိကပဋိပက္ခကြီးတွေ ပြီးဆုံးသွားတဲ့ နောက်
မှာလည်း ဒီလို တံလျပ်ရေထင် ပျော်ရွှင်မှုမျိုး ဖြစ်စေခဲ့ဖူးတာပါပဲ။

ပထမကမ္ဘာစစ်ကတော့ စစ်ပွဲတွေကို အဆုံးသပ်ဖို့၊ တစ်ကမ္ဘာလုံး လုံခြုံအေး ချမ်းပြီး ဒီမိုကရေစီ ဖြစ်သွားအောင်လို့ လို့ဆိုခဲ့ကြပါတယ်။ ဒုတိယကမ္ဘာစစ်ကတော့ ဖရန်ကလင် စု(ဖ်)လဲ့ (Franklin Roosevelt) ပြော သလို ပြောရရင် “ဒုတိယကမ္ဘာစစ်ဟာ အရောင်အသွေးစုံ လှုပ်ရှားမှု၊ မဟာ မိတ်ပေါင်းစည်းမှု၊ ပါဝါချိန်ခွင်လျှာညီမျှစေမှု စတဲ့ ကြိုးစားတိုင်း အရာမထင် ခဲ့တဲ့ စနစ်တွေကို အဆုံးသတ်ပေးပြီး မေတ္တာကရုဏာနဲ့ ပြည့်စုံတဲ့ နိုင်ငံေ တွ ပေါင်းစုထားတဲ့ တစ်ကမ္ဘာလုံးဆိုင်ရာ လူ့အဖွဲ့အစည်းကြီးကို မွေး ထုတ်ပေးနိုင်ပါလိမ့်မယ်။ နောက်ပြီး ဒါဟာ (ဒုတိယကမ္ဘာစစ်ပြီးဆုံးခြင်းဟာ) ထာဝရငြိမ်းချမ်းရေးရဲ့ အခြေခံ အဆောက်အဦလည်း ဖြစ်ပါတယ်” ပါပဲ။ (7)

ဒါပေမဲ့ ပထမကမ္ဘာစစ်က ကွန်မြူနစ်ဝါဒ၊ ဖက်ဆစ်ဝါဒကို မွေးထုတ်ပေး လိုက်ပြီး ဒီမိုကရေစီ ရဲ့ဆန့်ကျင်ဖက် လမ်းကြောင်းပေါ်ကို တွန်းပို့ပေးလိုက် ပါတယ်။ ဒုတိယကမ္ဘာစစ်ကတော့ (တကယ့်ကို) တစ်ကမ္ဘာလုံးဆိုင်ရာ စစ်အေးတိုက်ပွဲကြီးကို မွေးထုတ်ပေးခဲ့ပါတယ်။ ဒုတိယကမ္ဘာစစ်အပြီးမှာ ရတော့မလိုလို ထင်ရတဲ့ တံလျပ်ရေထင် ဟာမိုနီတွေဟာ လူမျိုးစုတိုက် ပွဲတွေ၊ အချင်းချင်းသတ်ဖြတ်မှုတွေ၊ ဥပဒေချိုး ဖောက်မှုတွေ၊ နိုင်ငံတွေ ကြားက အသစ်ဖြစ်ပေါ်လာတဲ့ပဋိပက္ခတွေ၊ ကွန်မြူနစ်လက်သစ်၊ ဖက်ဆစ် လက်သစ် ၀ါဒီတွေရဲ့ လှုပ်ရှားမှုတွေ၊ ဘာသာရေးအယူသည်းသူတွေရဲ့ အားပြိုင်မှုတွေ၊ အနောက်နိုင်ငံတွေနဲ့ ရုရှား တို့ကြားက “သံတမန်ဆန်တဲ့ အပြုံး” “နိုင်ငံရေးဆန်တဲ့ မျက်လုံး” ဆက်ဆံရေး ပျောက်ဆုံးသွားမှုေ တွ၊ သွေးထွက်သံယို ပဋိပက္ခတွေကို ကုလသမ္မဂနဲ့ အမေရိကန်တို့ကြားဝင် မဖြေရှင်းနိုင်မှုတွေ၊ တက်သစ်စ တရုတ်ပြည်ရဲ့ အားပြိုင်လာမှုတွေကြားမှာ (တံလျပ်ရေထင် ဟာမိုနီတွေဟာ) ပျောက်ဆုံးသွားခဲ့ရပါတော့တယ်။

ဘာလင်တံတိုင်းကြီး ပြိုကျပြီးတဲ့နောက် ငါးနှစ်အကြာမှာ အရင်ကထက် ပိုများလာတဲ့ လူမျိုးတုန်း သတ်ပွဲတွေ အကြောင်းတွေ ကြားသိလာခဲ့ရပါ တယ်။
“တစ်ကမ္ဘာလုံး ညီညွတ်ရေး” ပါရာဒိုင်းဟာ စစ်အေးကာလ နောက်ပိုင်းမှာ အမှန်တကယ် ဖြစ်ပျက်နေတာတွေနဲ့ ညှိုနှိုင်းအသုံးပြုနိုင်ဖို့ အလှမ်းဝေး ကွာလွန်းနေပါ တော့တယ်။

နှစ်ခြမ်းသောကမ္ဘာ။ ။ ကျွန်တော်တို့နဲ့ သူတို့။

“တစ်ကမ္ဘာထဲ” မျှော်လင့်ချက်က ပဋိပက္ခတွေကြားမှာ အဆုံးသတ်သွားတော့ လူ့သမိုင်းတလျှောက်လုံး မှာ ရှိခဲ့တဲ့ “နှစ်ခြမ်းကမ္ဘာ” အယူအဆက ခေါင်းေ ထာင်လာခဲ့ပြန်ပါတယ်။ လူတွေဟာ အမြဲတမ်း နှစ်ပိုင်း ပိုင်းထားတတ်ကြပါ တယ်။ ငါတို့နဲ့ မင်းတို့၊ အတွင်းအုပ်စုနဲ့ အပြင်အုပ်စု၊ ငါတို့ ယဉ်ကျေးမှုနဲ့ မင်း တို့လူရိုင်းယဉ်ကျေးမှု စသဖြင့်ပါ။ ပညာရှင်တွေကတော့ အရှေ့တိုင်း (Orient) နဲ့ အနောက်တိုင်း (Occident)၊ မြောက်နဲ့ တောင်၊ စင်တာနဲ့ (ဗဟို) အစွန်အဖျား စသဖြင့် ခွဲခြားလေ့လာတတ်ကြပါတယ်။ မွတ်စလင်တွေကလည်း ကမ္ဘာကို Dar al-lslan နဲ့ Dar-al-Harb၊ ( ငြိမ်း ချမ်းသောဘုံ-The abode of peaceနဲ့ စစ်မြေပြင်ဘုံ-The abode of war လို့ နှစ်ပိုင်း ပိုင်းထားကြပါတယ်။ စစ်အေးကာလပြီးဆုံးသွားတဲ့နောက် အမေရိကန် ပညာရှင်တွေကလည်း ကမ္ဘာကို “ငြိမ်းချမ်းရေးဇုံ (zones of peace)” နဲ့ “ပြဿနာဇုံ( Zones of turmoil) လို့ ခွဲခြားလာကြပါတယ်။ အဓိပ္ပါယ်အားဖြင့်တော့ မွတ်စလင်တွေ သတ်မှတ်တာနဲ့ မတူပါဘူး။ ငြိမ်းချမ်းရေးဇုံ ဆိုတာ ကမ္ဘာ့လူဦးရေရဲ့ (၁၅)ရာခိုင်နှုန်း ပဲရှိတဲ့ အမေရိကန်နဲ့ ဂျပန်ကို ညွှန်းဆိုပြီး ပြဿနာဇုံ ဆိုတာကတော့ ကျန်တဲ့နေရာ အားလုံးလို့ သတ်မှတ်ကြပါတယ်။ (Note-8)

ဘယ်လိုပဲနှစ်ခြမ်းခွဲပြီးကြည့်ကြည့် ကမ္ဘာ့နှစ်ခြမ်းအယူအဆက (တစ်ခု တည်းသော ကမ္ဘာ အယူအဆထက်) တကယ့်အဖြစ်အမှန်နဲ့ ပိုမိုနီးကပ်ပါ တယ်။ ပိုပြီးအတွေ့များတဲ့ ခွဲခြားပုံကတော့ ချမ်းသာတဲ့နိုင်ငံတွေနဲ့ (ခေတ်မှီ ဖွံ့ဖြိုးပြီး) ဆင်းရဲတဲ့နိုင်ငံတွေ (ရှေးရိုးစွဲ၊ မဖွံ့ဖြိုးသေး၊ ဖွံ့ဖြိုးဆဲ) ဆိုတာ ဖြစ်ပါ တယ်။ အရှေ့နဲ့ အနောက်ကြားမှာ စီးပွားရေးနဲ့ နှစ်ပိုင်းခွဲခြားမှု၊ ယဉ်ကျေးမှု နဲ့ နှစ်ပိုင်းခွဲခြားမှု လို့ နှစ်မျိုးကွဲနိုင်ပေမဲ့ စီးပွားရေးအရ ကွဲပြားမှုက နည်းနည်း သာဖြစ်ပြီး ဒဿန၊ ကိုယ်ကျင့်တန်ဖိုး သတ်မှတ်ချက်နဲ့ ဘ၀နေထိုင်ပုံက ပိုပြီး ခြားနားနေပါတယ်(စီးပွားရေးအရ ကွဲပြားတာထက် ယဉ်ကျေးမှုအရက ပိုကွဲပြားတယ်)။ ခေတ်မှီ ချမ်းသာတဲ့ နိုင်ငံတွေက သူတို့စရိုက်လက္ခဏာခြင်း နီးစပ်သလို ခေတ်နောက်ကျ ဆင်းရဲတဲ့ နိုင်ငံတွေကလည်း စရိုက် လက္ခ ဏာခြင်း ဆက်စပ်လို့ နေပါတယ်။ ချမ်းသာတဲ့ နိုင်ငံတွေကြားက ကွဲပြားမှု ဟာ သူတို့ လူ့အဖွဲ့အစည်းတွေ အချင်းချင်းကြား မှာ ပဋိပက္ခတွေ ရှိလာနို င်ပေမဲ့ အထောက်အထားတွေက ပြောပြနေတာကတော့ ချမ်းသာပြီး ပါဝါပို ရှိတဲ့ နိုင်ငံတွေက ဆင်းရဲပြီး ရေးရိုးစွဲဆန်တဲ့ နိုင်ငံတွေကို သိမ်းပိုက်ဖို့ ကြိုး စားနေကြတယ်ဆိုတာပဲ ဖြစ်ပါတယ်။ အနောက်နိုင်ငံတွေဟာ ဒီကိုလိုနီ ချဲ့ထွင်ခြင်းအလုပ်ကို နှစ်ပေါင်းလေးရာကြာအောင် ပြုလုပ်လာခဲ့ကြတာပါ။ ဒီနောက် ကိုလိုနီနိုင်ငံထဲရှိလူတွေက လွတ်လပ်ရေးအတွက် တိုက်ပွဲဝင် ခဲ့ကြတယ်။ ဒီလိုနဲ့ နယ်ချဲ့ကိုလိုနီတွေလည်း အင်ပါယာကြီး ထူထောင်လို စိတ် ပါးလျလာခဲ့ပါတယ်။

လက်ရှိကမ္ဘာမှာတော့ ကိုလိုနီနယ်ချဲ့တွေနဲ့ ဒေသခံတွေရဲ့ တိုက်ပွဲတွေနေ ရာမှာ လွတ်လပ်ရေးရပြီးသူတွေအချင်းချင်း တိုက်ခိုက်မှုတွေက အစားထိုး လာနေပါတော့တယ်။

နည်းနည်းထပ်ပြီး စဉ်းစားကြည့်မယ်ဆိုရင် ဒီခေတ်မှာ ဆင်းရဲ၊ ချမ်းသာ လူတန်းစားနှစ်ရပ်ကြားမှာ ပဋိပက္ခဖြစ်ပွါးနိုင်ခြေက တစ်ချို့အခြေအနေတွေ ကလွဲရင် နည်းပါးလှပါတယ်။ အကြောင်းကတော့ ချမ်းသာတဲ့ နိုင်ငံတွေကို စိန်ခေါ်ဖို့ ဆင်းရဲတဲ့နိုင်ငံတွေမှာ နိုင်ငံရေးစည်းလုံးမှု၊ စီးပွါးရေးအင်အားေ တာင့်တင်းမှု၊ စစ်တပ်စွမ်းဆောင်ရည်တွေ မရှိလို့ပါ။ အာရှနဲ့ လက်တင် အမေရိကရဲ့ စီးပွါးရေးက တိုးတက်လာနေတော့ ရှိသူနဲ့ မရှိသူ(ချမ်းသာ- ဆင်းရဲ) လူတန်းစားကို ခွဲခြားလေ့လာမှုကလည်း ယောင်ဝါးဝါးဖြစ်သွား ပါတော့တယ်။ ချမ်းသာတဲ့နိုင်ငံတွေက စီးပွါးရေးအားပြိုင်မှုတွေ ဆင်နွှဲနေနိုင် ပြီး ဆင်းရဲတဲ့နိုင်ငံတွေက အချင်းချင်း အကြမ်းဖက်စစ်ပွဲတွေ တိုက်ခိုက်ေ နနိုင်ပြန်ပါတယ်။ ဒါပေမယ့်လို့ ဆင်းရဲတဲ့ကမ္ဘာတောင်ပိုင်းနဲ့ ချမ်းသာတဲ့ ကမ္ဘာ့မြောက်ပိုင်းကြား စစ်မက်ဖြစ်ပွါးဖို့ဆိုတာကလည်း တကယ် အဖြစ် အမှန်နဲ့ ဝေးကွာလွန်းလှပါတယ်။

ယဉ်ကျေးမှုကို အခြေခံပြီး ကမ္ဘာကိုနှစ်ခြမ်းခွဲကြည့်ခြင်းကလည်း သိပ်ပြီး အသုံးမတည့်လှပြန်ပါဘူး။ အတိုင်းအတာတစ်ခုအထိ အနောက်ယဉ်ကျေးမှုက အရှေ့နဲ့ မတူညီနေကြောင်း သိသာလှပါတယ်။ ဒါပေမယ့် အနောက်မဟုတ်တဲ့ နိုင်ငံတွေကရော သူတို့ခြင်း ယဉ်ကျေးမှုတွေ တူညီနေကြပါသလား(ဘုံ ယဉ်ကျေးမှုတွေ ရှိနေကြပါသလား)။ ဂျပန်၊ တ ရုတ်၊ ဟိန္ဒူ၊ မွတ်ဆလင်နဲ့ အာဖရိက စီဗီလိုက်ဇေးရှင်းတွေကြားမှာ တူညီတဲ့ ယဉ်ကျေးမှုဆိုလို့ မရှိသလောက် နည်းပါတယ်။ ကိုးကွယ်တဲ့ဘာသာ၊ လူ မှုရေးအခြေခံ အဆောက်အဦ၊ စည်းကမ်းဥပဒေ၊ ကိုယ်ကျင့်တရား တန်ဖိုး သတ်မှတ်မှုတွေမှာ မတူညီကြပါဘူး။ အနောက်မဟုတ်တဲ့ နိုင်ငံများအဖွဲ့အစည်း (The Unity of the Non-West) နဲ့ အရှေ့အနောက် (East- West) ခွဲခြားမှုဟာ အနောက်က ဖန်တည်းပေး လိုက်တဲ့ ပုံပြင်တစ်ပုဒ်သာဖြစ်ပါတယ်။
အက်(ဒ်)ဝါ့(ထ်) ပြောသလို ပြောရရင် “ ဒီလို ခွဲခြားပြောဆိုလိုက်တော့ အရှေ့တိုင်းဝါဒ (Orientalism) ဆိုတာဖြစ်လာခဲ့ပါတော့တယ်။ ဒါကလည်း ရင်းနှီးကျွမ်းဝင်တဲ့ (ဥရောပ၊ အနောက်၊ ကျွန်တော်တို့) အဖွဲ့နဲ့ တစ်စိမ်း ( အရှေ့တိုင်း၊ သူတို့ )အကြား ခြားနားမှုကိုပြပြီး “ကျွန်တော်တို့က သာလွန် တယ်။ “သူတို့က မစွံဘူး" ဆိုတဲ့ဝါဒကို ကြွေးကျော်ခြင်လို့ သက်သက် သာဖြစ်ပါတယ်။ ” (Note -10)

“စစ်အေးကာလတစ်လျှောက်လုံးမှာ အိုင်ဒီယိုလိုဂျီကို အခြေခံပြီး အချင်းချင်း ပါဝါလုနေခဲ့ကြပေမဲ့ ယဉ်ကျေးမှုနဲ့ပတ်သက်တဲ့ ပါဝါလုနေမှုမျိုး မရှိခဲ့ပါဘူး။ အရှေ့၊ အနောက် မဏ္ဍိုင်နှစ်ခု ကွဲပြားသွားတာကလည်း တစ်ကမ္ဘာလုံး ဆိုင် ရာ အယူအဆကိုပဲ ဥရောပစီဗီလိုက်ဇေးရှင်း၊ အနောက်စီဗီလိုက်ဇေးရှင်းလို့ ကျင့်သုံးခေါ်ဝေါ်လိုက်မိခြင်းရဲ့ အကျိုးဆက်တစ်ခုပါ။ အရှေ့နဲ့ အနောက်လို့ (East and West) လို့ ခေါ်ဝေါ်သုံးစွဲနေမယ့်အစား အနောက်နဲ့ အခြားနိုင်ငံ များ (West and the rest) လို့ ခွဲခြားသတ်မှတ်တာက ပိုပြီးအဆင်ပြေပါ တယ်။ ဒါဆိုရင် အနောက်မဟုတ်တဲ့ နိုင်ငံတွေအားလုံးပါဝင်သွားပါတယ်။

တကယ်တော့ ကမ္ဘာ့နိုင်ငံရေးဟာ အလွန်ရှုပ်ထွေးလှပြီး စီးပွါးရေး အရ တောင်နှင့်မြောက် ခွဲခြားကြည့်ရုံ၊ ယဉ်ကျေးမှုအရ အရှေ့နဲ့အနောက် ခွဲခြားကြည့်ရုံနဲ့ ရှင်းရှင်းလင်းလင်း မသိမြင်နိုင်ပါဘူး။

ဆက်ရန်

Read more

ထိုင်း - အောက်ခြေလူတန်းစား တစ်ခေတ်ဆန်းခြင်း

လူတစ်ယောက်ရဲ့ ကမ္ဘာ့ အမြင်
(အခန်း ၅၊ အရှေ့တောင်အာရှ)

သက်ဆင် ရှီန၀ါတရာ နိုင်ငံရေးထဲရောက်လာခြင်းဟာ ထိုင်းနိုင်ငံရေးရဲ့ အပြောင်းအလဲပါပဲ။ သူ နိုင်ငံရေး ဆင်မြင့်ပေါ် မရောက်ခင်က ဘန်ကောက် အခြေစိုက် လူတွေကပဲ နိုင်ငံရေးကို အုပ်စီးထားပြီး နိုင်ငံရဲ့ အရင်းအမြစ် မှန် သမျှကလည်း သူတို့ အကျိုးစီးပွားအတွက်ပဲ ဖြစ်နေခဲ့ပါတယ်။ ဘန်ကောက် အခြေစိုက် ထိပ်သီးတွေကြားမှာ သဘောထားကွဲလွဲမှု ရှိတယ်ဆိုရင်တောင် ဘယ်သူ့ကြောင့်မှ အပြင်ကို မပေါက်ကြား ခဲ့သလို သက်ဆင်အာဏာ ရှိစဉ်နဲ့ သက်ဆင်ရဲ့နှောင်းပိုင်းမှာ ရှိတတ်တဲ့ အငြင်းပွားမှုမျိုးလည်း သူတို့ကြားမှာ မ ရှိခဲ့ဖူးပါဘူး။ သက်ဆင် လုပ်ဆောင်ခဲ့တာတွေက သမားရိုးကျ ထိုင်းနိုင်ငံရေး ရဲ့ ထိပ်သီးအုပ်စုကို ကသိကအောက် ဖြစ်စေခဲ့တယ်။ ယခင်က ဘန်ကောက် မြို့ပေါ်ရှိ အထက်တန်းစားနဲ့ လူလတ်တန်းစားတွေက ခံစားခွင့်ရခဲ့တဲ့ နိုင်ငံရဲ့ အရင်းအမြစ်တွေကို ဆင်းရဲသားတွေပါ ခံစားခွင့်ရအောင် သူက ပြောင်း လဲေ ပးခဲ့တယ်။ နိုင်ငံရဲ့ ဖွံ့ဖြိုးတိုးတက်မှုတွေကို မြောက်ပိုင်း၊ အရှေ့မြောက်ပိုင်းမှာ ရှိတဲ့ လယ်သမား လူတန်းစားတွေဆီ မျှဝေပေးနိုင်ခဲ့ခြင်းအားဖြင့် သက်ဆင် ရဲ့ နိုင်ငံရေးသမားဘ၀ဟာ ထင်ရှားလာခဲ့ပါတယ်။ သူ့ရှေ့ အာဏာရှိ နေ ခဲ့ကြတဲ့ ဘန်ကောက် ဗဟိုပြု လူတစ်စုရဲ့ လက်ထက်ကတည်းက လူတန်း စားကွာဟမှုက ရှိနေခဲ့ပြီးသားပါ။ သူ လုပ်ခဲ့တာက ဒီ မတရားမှု လူထု သိရှိ လာစေရန်ဖြစ်ပြီး မတရားမှုကို ဖြေရှင်းပေးနိုင်မယ့် နည်းလမ်းကို ပေးခဲ့ခြင်း ပါပဲ။
တကယ်လို့ သူမလုပ်ခဲ့ဘူးဆိုရင်တောင် အခြားတစ်ယောက်တက်လာပြီး ဒါကို လုပ်ပါလိမ့်မယ်။

၂၀၀၁ ခု၊ အာဏာရတဲ့အချိန်မှာ သူဟာ အောင်မြင်တဲ့ စီးပွားရေးသမား ဘီ လီယံနာ ဖြစ်နေခဲ့ပြီး ဖြစ်ပါတယ်။ တချို့ လူချမ်းသာ ထိုင်းလူမျိုးတွေက သက်ဆင်ဟာ သူတို့နဲ့ တစ်စိတ်တစ်ဝမ်းထဲ ရှိနေမယ်လို့ မျှော်လင့်ထား ကြတော့ အမှန်တကယ်ထင်သလိုဖြစ်မလာတဲ့အခါ သက်ဆင်အပေါ် စိတ် ပျက်ခဲ့ကြရပါတယ်။ သူ တကယ်ကျင့်သုံးတဲ့ ပေါ်လစီဟာ ဆင်းရဲသား လူ တန်းစားကို လုံးဝ ဦးစားပေးတဲ့စနစ် ဖြစ်နေခဲ့ပါတယ်။ လယ်သမားတွေအတွက် ချေးငွေတွေ ပိုတိုးပေးခဲ့တယ်။ မပြည့်မစုံ မိသား စုတွေထဲက ကလေးတွေကို နိုင်ငံခြား ပညာသင်လွှတ်ခဲ့တယ်။ မြို့ပေါ်နေ ဆင်းရဲသားတွေအတွက် အိမ်ဝယ်ဖို့ အစိုးရက ငွေတွေ ထုတ်ပေး တယ် ။ ကျေးလက်နေ လူထု တော်တော်များများဟာ ဆင်ခြေဖုံးမှာပဲ နေရနေရ မြို့ပေါ်တက်ပြီး အလုပ်ရှာ လာကြ တယ်။ ကျန်းမာရေး စောင့်ရှောက်မှု အနေနဲ့ ကျန်းမာရေးအတွက် အာမခံမရှိတဲ့ ဆင်းရဲသား တွေကို ဆေး ရုံဆေးခန်း တစ်ခါသွားတိုင်း အစိုးရက ဘတ်ငွေ (၃၀) ပေးတယ်။

သက်ဆင်ရဲ့ အတိုက်အခံတွေ အတွက်ကတော့ သူဟာ နိုင်ငံကို ကမောက် ကမဖြစ်အောင် လုပ်နေ ခြင်းဖြစ်ပြီး သူ့ကို လက်ပိုက်ကြည့်မနေနိုင်ကြတော့ ပါဘူး။ အတိုက်အခံတွေက သူ့ကို လူကြိုက်များ အောင် လုပ်ဆောင်နေသူ၊ သူ့ရဲ့ ပေါ်လစီကလည်း ရေရှည်မှာ နိုင်ငံတော် ပျိုလဲစေမယ့် ပေါ်လစီလို့ စွပ်စွဲ လာကြတယ်။ (အံ့သြစရာကောင်းတာက သူတို့ အဲသလိုတွေ ပြောခဲ့ ကြပေမဲ့ သူတို့ အာဏာရစဉ် ဒီဇင်ဘာ ၂၀၀၈ ကနေ သြဂုတ် ၂၀၁၁ အထိ သက်ဆင်နဲ့ ဆင်ဆင်တူ ပေါ်လစီတွေကို သူတို့ကိုယ်တိုင် ကျင့်သုံးနေ ကြခြင်းပါပဲ။) သူ့ကို ကိုယ်ကျင့်တရားပျက်သူ၊ မိသားစုပိုင် စီးပွားရေးကို ဦး စားပေးသူလို့လည်း စွပ်စွဲခဲ့ကြတယ်။ ဒါကို သက်ဆင်က ညင်းတယ်။ သက်ဆင်ရဲ့ စီးပွားရေး ကုမ္ပဏီနဲ့ ပတ်သက်လို့လည်း တချို့က သဘော မတွေ့ ကြဘူး။ မီဒီယာကို ကိုင်တွယ်ရာမှာ အာဏာရှင်ဆန်တယ်။ ထိုင်းနိုင် ငံတောင်ပိုင်း မူးယစ်ဆေးဝါး တိုက်ဖျက်ရေး စစ်ပွဲဟာလည်း အငြင်းပွားဖွယ် ရာတွေ ဖြစ်တယ်။ ဒီ စစ်ပွဲအတွင်း အတွင်းမှာ လူ့အခွင့်အရေးတချို့ ကို ချိုးဖောက်ကောင်း ချိုးဖောက်ခဲ့လို့ ဖြစ်ပါလိမ့်မယ်။ ဒါပေမဲ့ အရေအတွက် အားဖြင့် အများကြီး ပိုနေတဲ့ ဆင်းရဲသား လယ်သမား လူတန်းစားတွေ ကတော့ ဒီလို ဝေဖန်သံတွေကို နားထောင်မနေကြဘဲ ၂၀၀၅ ခုနှစ်မှာ သက်ဆင်ကိုပဲ ပြန်ပြီး ရွေးကောက်တင်မြှောက်ကြပြန်ပါတယ်။ ဘန်ကောက်က ထိပ်သီးအုပ်စုကတော့ သူ့ကို လုံးဝကြည့်လို့မရတော့ ဘူး ဖြစ်သွားပါတယ်။ ဒါနဲ့ ၂၀၀၆ ခုမှာ စစ်တပ်က အာဏာသိမ်းပြီး သူ့ကို
လည်း ဖြုတ်ချ လိုက်ကြတော့တယ်။

အဲဒီအချိန်ကတည်းက ထိုင်းနေပြည်တော်ဟာ ပြဿနာ အကြီးအကျယ် ကြုံတွေ့ကြရတော့တာပါပဲ။ ၂၀၀၈ ခုနှစ်က စပြီး ဘန်ကောက်လမ်းမတွေပေါ် မှာ ရုတ်ရုတ်သဲသဲ မြင်ကွင်းတွေ တွေ့ကြရတော့တယ်။ ဆန္ဒပြမှုတွေထဲမှာ သက်ဆင်ကို ဆန့်ကျင်တဲ့ အင်္ကြီအ၀ါရောင် အုပ်စု ဖြစ်ချင်ဖြစ်မယ်။ သူတို့ က တော်ဝင် မိသားစုကို ကာကွယ်ရမယ် ဆိုတဲ့ အမြင်နဲ့ပေါ့။ နောက်ပြီး သက်ဆင်ကို ထောက်ခံတဲ့ အနီရောင်အင်္ကြီနဲ့ အဖွဲ့လည်း ဖြစ်ချင်ဖြစ်မယ်။ ဒါပေမဲ့ နောက်ဆုံးရွေးကောက်ပွဲ ဖြစ်တဲ့ ၂၀၁၁ ခု ရွေးကောက်ပွဲမှာ သက် ဆင်ရဲ့ ညီမဖြစ်သူ ယင်လပ်ကို ထောက်ခံမဲပေးလိုက်ကြတာဟာ ထိုင်းနိုင် ငံအတွက် သက်ဆင် ရွေးခဲ့တဲ့လမ်းကို လူထုက ထောက်ခံနေတယ် ဆို တာ ပြသလိုက်ခြင်းပါပဲ။
ထိုင်းမြို့တော် ဘန်ကောက်ထိ တက်ပြီး အောင်မြင်မှု အရသာကို တွေ့ သွားပြီဖြစ်တဲ့ မြောက်ပိုင်း၊ အရှေ့မြောက်ပိုင်းမှာ ရှိတဲ့ လယ်သမား၊ အလုပ် သမား လူတန်းစား ကလည်း လက်လျှော့မှာ မဟုတ်တော့ဘူး။ သက်ဆင်နဲ့ သူ့အုပ်စုဟာ အခုဆိုရင် ရွေးကောက်ပွဲ ငါးပွဲဆက် တိုက် နိုင်ခဲ့ပြီးပါပြီ။ ၂၀၀၁ ခု၊ ၂၀၀၅၊ ၂၀၀၆၊ ၂၀၀၇ နဲ့ ၂၀၁၁ တို့ပါ။ အရင်လို ပြန်ဖြစ်ဖို့ ကြိုးစားနေ ကြတဲ့ သက်ဆင်ရဲ့ အတိုက်အခံတွေ အောင်မြင်မှု မရခဲ့ကြပါဘူး။

ထိုင်းနိုင်ငံရေးမှာ လတ်တလော မငြိမ်မသက်မှုတွေ ရှိနေပေမဲ့ ရေရှည် အ တွက် ကြည့်ရင်တော့ အကောင်းမြင်စရာတွေ တွေ့ရပါတယ်။ အနီရောင် အုပ်စုက အ၀ါရောင်အုပ်စုထက် ပိုပြီးအားကောင်းလာမှာ သေချာပါတယ်။ လူငယ်ထုရဲ့ တော်ဝင်မိသားစုအပေါ် ထားတဲ့ လေးစားမှုဟာ လျော့ပါး လာနေပါတယ်။ ဒါ့အပြင် လက်ရှိဘုရင် ဘူမိဘောကို အားလုံးက လေးစား ကြပေမဲ့ သူမရှိတော့ဘူးဆိုရင် သူ့ကို ဆက်ခံသူဟာ လူထုက သူ့ အပေါ်ထား ရှိတဲ့ လေးစားမှုမျိုး ဘယ်နည်းနဲ့မှ မရနိုင်တော့ပါဘူး။

ထိုင်းနိုင်ငံရဲ့ နိုင်ငံရေးမှာ စစ်တပ်ကလည်း အဓိက အရေးပါနေပါတယ်။ ဘုရင်စနစ် ဆန့်ကျင်မှုတိုင်းကို သူတို့က ကာကွယ်ပေးနေရပါတယ်။ ဒါက လည်း ရေရှည်မှာ မနိုင်ဝန် ထမ်းနေရသလို ဖြစ်လာပါတယ်။ နောက် ဆုံးတော့ စစ်တပ်ကိုယ်တိုင်လည်း ရွေးစရာမရှိ၊ လက်ရှိအပြောင်းအလဲနဲ့ အညီ နေထိုင် ဆောင်ရွက်သွား ဖို့ပဲ ရှိပါလိမ့်မယ်။ အချိန်ကြာလာတာနဲ့အမျှ စစ်တပ်ရာထူးတွေမှာလည်း လူငယ်တွေက အစားထိုးလာကြမှာပါ။ တက် လာတဲ့ လူငယ်တွေက ဘုရင်စနစ်ကို အရင်က အရာရှိတွေလောက် လေးေ လးနက်နက်ကြီး ရှိနေမယ် မဟုတ်ပါဘူး။ စစ်တပ်ခေါင်းဆောင်တွေကလည်း တော်ဝင်တပ်မတော် ဆိုတဲ့ အမည်ကနေ သာမန် တပ်မတော် အဆင့် မရောက်ဖို့တော့ ကြိုးစားနေကြမှာပါပဲ။ ဒါပေမဲ့ တော်ဝင်တပ်မတော် ကိုယ်တိုင်ကပဲ သက်ဆင်နဲ့ အပေါင်းအပါတွေရဲ့ အုပ်ချုပ်ပုံမူနဲ့ လိုက်လျောညီထွေ ရှိနေဖို့ လိုအပ်ပါတယ်။ သက်ဆင်ကလည်း သူတို့နဲ့ အတူတကွ ဆောင်ရွက်သွားဖို့ ကတိပြု မယ် ဆိုရင် နောက်ဆုံး သက်ဆင် ပြန်ဝင်လာတာကိုပဲ လက်ခံရမယ့် သဘောအထိရှိပါတယ်။

သက်ဆင်မတိုင်မှီ ဘန်ကောက် အခြေစိုက် လူတစ်စုကပဲ အာဏာကို ကိုင် ထားတဲ့ ရှေးဟောင်း ပေါ်လစီ ဆီ ပြန်ရောက်ဖို့တော့ လမ်းမမြင်တော့ပါဘူး။ သက်ဆင်ပြခဲ့တဲ့ လမ်းကြောင်းအတိုင်း ထိုင်းနိုင်ငံဟာ ရှေ့ခရီးဆက်နေပါ လိမ့်မယ်။ နိုင်ငံအလိုက် လူနေမှု အဆင့်အတန်း ကွာဟမှု ကျဉ်းလာမယ်။ လယ်သမား အများစုဟာ လူလတ်တန်းစားတွေ ဖြစ်လာပြီး နိုင်ငံတွင်း ၀ယ် ယူစားသုံးမှုအားလည်း တိုးလာလိမ့်မယ်။
ဒါဆိုရင် ထိုင်း နိုင်ငံရဲ့ ရှေ့ရေး ကောင်းလာပါလိမ့်မယ်။

ဆက်ရန်

Read more

ပီတာနဲ့ ဂန္ဒီ(အွန်လိုင်း ဂျုတ်)

ဂန္ဒီကြီး University College of London မှာ ဥပဒေပညာသင်ယူနေ စဉ် ခေါင်းညွတ်အလေးမပြုတဲ့အတွက် သူ့ကို ကြည့်မရတဲ့ ပါမောက္ခတစ်ေ ယာက်ရှိခဲ့တယ်။ ပါမောက္ခရဲ့ နောက်ဆုံးအမည်က ပီတာပါ။
ဒါက သူတို့ကြားက စကားစစ်ထိုးပွဲ။

တစ်နေ့ ပါမောက္ခကြီးက တက္ကသိုလ်ထမင်းစားခန်းမထဲ ညနေစာစားနေချိန် ဂန္ဒီကလည်း သူ့ထမင်းပုဂံပြားကိုယူလာပြီး ပါမောက္ခကြီးဘေးမှာ ဝင်ထိုင် လိုက်တယ်။ ပါမောက္ခက မောက်မာတဲ့လေသံနဲ့
"မစ္စတာဂန္ဒီ၊ ဝက်နဲ့ငှက် အတူတူမထိုင်ဘူးဆိုတာ ခင်ဗျား နားမလည်ဘူး လား" တဲ့။ ဒီတော့ ဂန္ဒီက
"မစိုရိမ်ပါနဲ့ ပရော်ဖက်ဆာ၊ ကျနော် အဝေးကို "ပျံ"ထွက်သွားပါ့မယ်" ဆိုပြီး အခြားစားပွဲသွားပြီး ထိုင်စားနေလိုက်တယ်။

စိတ်ဆိုးသွားတဲ့ မစ္စတာ ပီတာက ကလဲ့စားချေခွင့်ကို စောင့်နေခဲ့တယ်။ ဒါပေမဲ့ ဂန္ဒီရဲ့အဖြေက သိပ်ပညာသားပါနေပြန်တယ်။
"လမ်းပေါ်မှာ အိပ်နှစ်လုံးတွေ့တယ်ဆိုပါတော့၊ တစ်လုံးထဲမှာ ပညာေ တွ၊ နောက်တစ်လုံးထဲမှာ ငွေတွေပါမယ်၊ ဒါဆို ခင်ဗျား ဘယ်အိပ်ကိုရွေး မှာလဲ" မစ္စတာပီတာကမေးတယ်။
"ငွေပါတဲ့ အိပ်ကိုပဲ ယူမှာပေါ့ဗျ"
"ကျနော်သာ ခင်များနေရာမှာဆို ပညာတွေပါတဲ့ အိပ်ကို ယူလိုက်မိမှာပဲ" လို့ အနိုင်ရလိုက်တဲ့အပြုံးမျိုးနဲ့ ပြောတယ်။
ဂန္ဒီရဲ့ နောက်ဆုံးအဖြေက
"လူတွေက ကိုယ့်မှာမရှိတာကို ကိုယ်ယူတတ်ကြတာပဲဆရာ"

Mr. Petersက လုံးဝစိတ်ဓာတ်ကျသွားပြီး စာမေးပွဲအဖြေလွှာပေါ် "idiot" လို့ရေးပြီး ဂန္ဒီကိုသွားပေးတယ်။ ဂန္ဒီက အဖြေလွှာစာရွက်ကို လက်ခံယူပြီး ထိုင်နေလိုက်တယ်၊ ခဏနေတော့မှ professor ဆီသွားပြီး
"မစ္စတာ ပီတာ၊ ခင်ဗျားက လက်မှတ်သာထိုးပေးထားပြီး ကျနော့် ရမှတ် အဆင့်ကိုတော့ ပေးမထားဘူး" တဲ့။

Read more

21 century a highly destabilizing impact

Related but different causes lie between these challenges. Asian assertiveness is rooted in economic growth; Muslim assertiveness stems in considerable measure from social mobilization and population growth. Each of these challenges is having and will have into the twenty-first century a highly destabilizing impact on global politics......
Economic growth strengthens Asian governments; demographic growth threatens Muslim governments and non-Muslim societies.

The Clash of Civilizations. p. 102-103.

Read more

ဆေးဝါးနှင့် အကြံဉာဏ်

ဆေးဝါးပေးမူနှင့် အကြံဉာဏ်ပေးမှုကြားမှာ တူညီချက်များရှိသည်။
၁။ တစ်ဖက်သားကို ရောဂါပျောက်စေလိုသော စေတနာ(ဆေးဝါး)၊ တစ်ဖက် သားကို လမ်းကြောင်းမှန်ပေါ် ရောက်စေလိုသော စေတနာ (အကြံဉာဏ်ပေး မှု) တူကြသည်။
၂။ ပေးလာသည့်ဆေးတိုင်းကို သောက်လို့မရ၊ ပေးလာသည့် အကြံဉာဏ် တိုင်းကို ယူမရသည်လည်း တူကြသည်။

မိမိရောဂါဖြစ်စဉ် ဤဆေးဖြင့်ပျောက်ခဲ့သည်ဆိုလျင် မိမိ၏မိတ်ဆွေ တစ်ေ ယာက်ယောက် ထိုရောဂါမျိုးဖြစ်လာလျင်လည်း ထိုဆေးဝါးကို ညွှန်း တတ်၊ ပေးတတ်ကြသည်။
အထူးသဖြင့် လူအများနှင့် ဆက်ဆံရသောရဟန်းဘဝဆိုလျင် တစ်ခုခုဖြစ် တိုင်း ပေးလာကြသည့်ဆေးဝါးတွေ အများကြီးဖြစ်နေတတ်သည်။ သီဟနာဒ မှာ ယခုတလော လေနာ ထချင်သလိုလိုဖြစ်နေသည်။ ဒါကို အကဲခတ်မိ သူ တို့က ဆေးဝါးများလှူဒါန်းကြသည်။ တရုတ်ဆေး၊ အင်္ဂလိပ်ဆေး၊ မြန်မာဆေး အစုံဖြစ်၏။ အချို့ဆေးများက လေကိုဖြစ်စေပြီး ဖြစ်လာသောလေကို အပြင် ထုတ်မပေးနိုင်။ ထိုအခါ ပိုဆိုးသွားတတ်သည်။ သေချသည်ကတော့ ပေးလာ သမျှ ဆေး အကုန်သောက်လျင် ဒုက္ခရောက်မည်။

သို့ဆိုလျင် အကြံဉာဏ်ဆိုသည်ကရော ဘာထူးပါသနည်း။ ဝန်းကျင်မတူ၊ ဖြေ ရှင်းရသည့်ပြဿနာမတူ၊ အတွေ့အကြုံမတူလျင် ကျေးဇူးတင်ရုံမှလွဲပြီး လက် ခံကျင့်သုံးဖိုခက်ပေမည်။(တချို့ကတော့ လက်ခံကျင့်သုံးလို့ ရနိုင်ပါသည်)

မည်သို့ဖြစ်စေ တည့်လျင်သုံး မတည့်လျင်ပယ်
၃။ ဆေးဝါးကောင်းများနဲ့ အကြံဉာဏ်ကောင်းများကို စိတ်ကောင်းရှိသူတို့က ဆက်လက်ပေးနေကြဦးမည်သာဖြစ်ပါသည်။
((ဗိုလ်ကြီးမမ)ဟု ခေါ်ကြသည့် ဒေါ်ခင်စန်းယု(ဝိသာခါ)ပေးလှူသည့်ဆေး
ကတော့ အလုပ်ဖြစ်နေသည်)
ပန်းသည် ကြွေရခြင်းသဘောရှိသလို ရဟန်းသည်လည်း လေနာရခြင်း သဘောရှိတတ်ပါသည်။ လိုက်ဖ်စတိုင်လ်ကကို ဗိုက်ထဲအစာမရှိချိန် (၆:၄၅ ပီအမ် မှ ၉:၃၀ ပီအမ် အထိ) အလုပ် ပိုလုပ်နေရသည့် ဘဝပေကိုး။

Read more

ထွက်ပေါက်ရှိတဲ့ ဥပဒေ

ထွက်ပေါက်မရှိတဲ့ ဥပဒေက ဖိနှိပ်မှုဖြစ်ပြီး
(ဥပမာ ဤနေရာ၌ အပေါ့အပါး မသွားရ၊ သို့သော် အပေါ့အပါး သွားလို့ရ သည့်နေရာကို စီစဉ်ပေးမထား၊ လမ်းညွှန်မထား၊ အပေါ့အပါးသွားလို့ အရေး ယူလျင် မတရား)

ထွက်ပေါက်ရှိတဲ့ ဥပဒေက ဒီမိုကရေစီဥပဒေဖြစ်သည်။
(ဥပမာ ဤနေရာ၌ဆေးလိပ်မသောက်ရ၊ ဆေးလိပ်သာက်လို့ရသည့် သီးသန့် အခန်း စီစဉ်ပေးထားသည်၊ လမ်းညွှန်ထားသည်။ ထိုတားမြစ်ထားသော နေ ရာ၌ဆေးလိပ်သောက်သဖြင့် အရေးယူက တရား၏)

ပထမဥပဒေက အစိုးရ၏အကြမ်းဖက်အုပ်ချုပ်မှုမပါဘဲ မတည်နိုင် (ကြောက်တည်)၊
ဒုတိယဥပဒေက လူထု၏ အသိဉာဏ်မပါဘဲ မတည်နိုင်(နားလည်တည်)။

Read more

ညစာ ပြန်မစားသောအိပ်မက်များ (New Version)

အလည်လွန်သော အိပ်မက်များ ညစာပြန်မစားခြင်းနှင့်ပတ်သက်၍ ကြေကွဲ မည်ဆိုက ကြေကွဲနိုင်၏။
သို့သော်…….
ကျေးလက်ညနေချမ်းလေးတစ်ခု၌ သူ့မိတ်ဆွေ ကဗျာဆရာက ကဗျာလေး တစ်ပုဒ် သူ့အတွက် ရေးစပ်ရွတ်ဆိုပေးခဲ့ ဖူးတယ်။ ခေါင်းပေါင်းစနှင့် ကျေး လက်သားကြီးများက မိတ်ဆွေရဲ့ စပ်ရှရှစကားလုံး (တချို့က မော်ဒန်၊ တချို့ က ပို့စ်မော်ဒန် စသဖြင့် သုံးကြပါတယ်။ ဟုတ် မဟုတ်တော့ မသိပါ) တွေကို နားလည်ကြသလားတော့ မသိပါဘူး။ လူငယ်တွေကတော့ ခံစားလို့ရတယ် လို့ ဆိုပါတယ်။ ဘာကို၊ ဘယ်လိုခံစားလို့ရတာလဲ ဆိုတာဟာ မမေးအပ် တဲ့ မေးခွန်းပါပဲ။ ဘာပဲဖြစ်ဖြစ် ကိုယ်လုပ်ချင်တာတော့ လုပ်ဖြစ်လိုက်ကြပါ တယ်။

“မိုးပေါ်ပျံတက်သွားတဲ့ မိုးပျံပူပေါင်းတစ်လုံးကို မြင်ဖူးကြပါသလား။ ကျွန်တော့် မိတ်ဆွေဟာ အဲဒီ မိုးပျံပူပေါင်းတစ်လုံးပါ” လို့ သူစတင်ရွတ်ဆိုလိုက်တယ်။

ဟုတ်ပါတယ်။ အလည်လွန်တဲ့ အိပ်မက်တစ်ချို့ ညစာပြန်မစားဖြစ်ကြတာဟာ အဲဒီမိုးပျံပူပေါင်းဆီကို ရောက်နေကြလို့ပါ။
သူ့ဆီကို ရောက်ရောက်လာတဲ့ အိမ်ခြံမြေရောင်းဝယ်ရေး ကြော်ငြာတွေဟာ မိုးပျံပူပေါင်းလေးနဲ့ ဘာမှမဆိုင်ပါဘူး။ သူနဲ့ဆိုင်တာက သူ့ရဲ့ အရေခွံပါးပါးေ လးတစ်ခုထဲသာပါ။ အဲဒီ အရေခွံဟာ အိမ်တစ်လုံး ဆိုရင်တော့ သူ့မှာလည်း အိမ်ရှိပါတယ်။ ဒါပေမယ့် ဒီအိမ်မှာ ဈေးကွက်သဘောတရားတွေ ဘာတွေေ တာ့ မရှိပါဘူး။ အဲ- မိုးပျံပူပေါင်းတစ်လုံးမှာ အကြောင်းညီညွတ်ရင် ကြိုး တစ်ချောင်းလည်း ရှိနေနိုင် တာပေါ့။ ဒီကြိုးကရော အိမ်၊ခြံ၊မြေလား။ မဟုတ်နိုင်ပါဘူး။

ရှုမှတ်ပွါးများတတ်တဲ့ ယောဂီတစ်ယောက်အတွက်ဆိုရင်တော့ အဲဒီ မိုးပျံ ပူပေါင်း လေးကိုကြည့်ပြီး အနိစ္စတရားတွေ ထပ်တလဲလဲ စီးဖြန်းလို့ရနိုင်မယ်။ သူ့ဘဝနဲ့ လေဟာပြင်ကို စည်းခြားထားတာ ဆိုလို့ အဲဒီ အရေခွံပါးပါးလေးပဲ ရှိတာမဟုတ်လား။ ဒီထက် အနတ္တဆန်တဲ့ သဘောတရား ဘယ်မှာ ရှာကြဦး မှာလဲ။

ဘာမှမရှိခြင်းတွေနဲ့ ဖောင်းကားနေတဲ့ သူ့ရင်ဘတ်ကရော ဘာတွေသိမ်း ဆည်းလို့ ထားနိုင်မလဲ။ ဒါတွေကို သူမသိနိုင်ဘူး။ ဒါတွေကိုမသိရင် ဘာတွေ ကို သိရမှာလဲ။ မသိဘူး။ သိရမှာတွေကရော တကယ်သိရမှာတွေဟုတ်သ လား၊ သူမသိနိုင်ဘူး။ ဒီလိုပါပဲ။ ဘာမှမသိခြင်းတွေဖောင်းကားလာတာနှင့် အမျှ သူဟာ ပိုလို့ပေါ့ပါး လာပါတယ်။ ပေါ့ပါးခြင်း ဆိုတာ အမြင့်ကိုရောက်ြ ခင်းရဲ့ အကြောင်းတရားလား။ ဟုတ်ကောင်း ဟုတ်နိုင်ပါတယ်။ ဒါပေမဲ့ ဖောင်းကားလာတာနဲ့အမျှ လွင့်စင်ပေါက်ကွဲဖို့လည်း နီးစပ်လာပါ တယ်။

တစ်နေ့ မိတ်ဆွေတွေနဲ့ ပြန်တွေ့တော့-
“အခု “ ” နဲ့ အတူနေတာလား” လို့ မေးကြတယ်။
“ဘယ်သူမှ မရှိတော့လည်း သူ့ကိုပဲလူလုပ်ပြီး ပေါင်းနေရတာပေါ့” လို့ပြောတော့ ကဗျာဆရာက တဟားဟားရယ်တယ်။ သူငယ်ချင်းတွေက လက်ဆောင်တွေ ထုတ်ပေးတော့-
“ကိုယ့်ထက်နွမ်းပါးတဲ့ သူ့ကိုပဲ ပေးထားခဲ့ပါ” လို့ ပြောမိတော့ သူစိတ်မ ထိန်းနိုင်တော့ပဲ လက်သီးနဲ့ ထိုးပြန်တယ်။ ဒါပေမယ့် မိုးပျံပူပေါင်းပေါက်မှာ စိုးလို့နေမှာပေါ့ ကဗျာဆရာရဲ့လက်သီးက သိပ်မပြင်းပါဘူး။ ကဗျာဆရာဆို တာ ကောက်နေတာကိုသာ ဖြောင့်ပေးတတ်ပြီး လက်သီး ပြင်းပြင်းေ တွ မွေးမြူမထားတတ်ပါဘူး။

“ကိုယ့်လူ ကျူရှင်ထဲက ဟိုကောင်မလေးကို ကြိုက်တယ်” တဲ့။ “ ချစ်” ဆိုတဲ့စကား ပြောရမှာရှက်တဲ့ ကဗျာဆရာကိုကြည့်ရင်း ရယ်မိပြန်ရော။ ခပ်လှလှစကားလုံးတွေ တမင်ရှာသုံးတတ်တဲ့ ကဗျာဆရာက “ချစ်” ကိုတော့လျှာမရဲဘူးတဲ့။ သဘာဝတရားတစ်ခုခုကိုမဟုတ်ဘဲ မိန်းကလေး တစ်ယောက်ကို ရည်ညွှန်းနေလို့တဲ့။

မှတ်မှတ်ရရ သူရွေးပေးတဲ့ ကလောင်နဲ့ စာတော်တော် ရေးဖြစ်ခဲ့ သေးတယ်။ သူ ဒီတစ်ခါ ပေးတဲ့နာမည်က မိုးပျံပူပေါင်းတော့ မဟုတ်တော့ဘူး။ ဒါပေမယ့် စိတ်ထဲမှာစွဲနေတာကတော့ အဲဒီ မိုးပျံ ပူပေါင်းလေးပါပဲ။ အမြင့်တက်ခြင်းတွေ ဘာတွေနဲ့ မဆိုင်ပါဘူး။ ထိရှပေါက်ကွဲလွယ်တဲ့အဓိပ္ပါယ် ဆောင်နေ တာ လေးကိုသတိရတာပါ။

ဒါ့ကြောင့် အိပ်မက်တွေဟာ အိမ်ပြန်နောက်ကျခဲ့ရတာပါ။ အထီးကျန် လွင့်မျောနေတဲ့ ပေါ့ပေါ့ပါးပါးဝမ်းဗိုက်တစ်ခုဟာ တစ်ခါတစ်ခါတော့ တစ်ခုခု၊ တစ်စုံတစ်ရာ၊ တစ်ယောက်ယောက်၊ တစ်နေရာရာကို သတိရတာမျိုးတော့ ရှိနေနိုင်တာပေါ့။ ဒါကလည်း လေးလေးလံလံ တော့ မဟုတ်နိုင်ပါဘူး။
ဒီထက်ကြီးလေးတဲ့ ကိစ္စက အနတ္တလွင်ပြင်မှာ ပေါက်ကွဲလွင့်စင်လာဦးမယ့် သူ့အရေခွံ ပါးပါးလေး အကြောင်းပါ။ ဒါက သေခြင်းတရားလား၊ ရှင်ခြင်း အဆုံးလား၊ ရှင်ခြင်းအစလား။ ဒါတွေကို သူမသိနိုင်ဘူး။ ဒါတွေကိုမသိပေမဲ့ လွင့်စင်ပေါက်ကွဲခြင်းကို ရှောင်လို့မရဘူးဆိုတာ သိနေတယ်။ လွင့်စင်သွားေ တာ့လည်း မိုးပျံပူပေါင်းလေးက လေဟာပြင်နဲ့တသား တည်း ဖြစ်သွားပြီး သူ့အရေခွံဟောင်းလေးဟာ လေးကန်တဲ့ ခြေလှမ်းတွေနဲ့ မြေပြင်ကိုပြန်ဆင်း သွားလိမ့်မယ်။ အဲဒီအချိန်မှာ အရေခွံဟောင်းနဲ့ ဗလာဟောင်းလောင်း ရင် ဘတ်လည်း မရှိနိုင်တော့ဘူး။ ဒါကိုပဲ သံသရာလို့ ခေါ်ကြတာလား။ သူ ဉာဏ်မမီဘူး။
သေချာတာကတော့ အဲဒီအခါမှာ မိုးပျံပူပေါင်းဆိုတာ ဘယ်ဟာလဲလို့ ပြော လို့မရတော့ဘူး။ ဘယ်မှာလဲလို့ လည်းရှာမရ တော့ဘူး။

အဲဒီကဗျာဆရာကိုယ်တိုင် တွေဝေသွားမယ့် အိမ်မက်ရှည်ဆီ ခြေဆန့်နေ မိတယ်။
ဒါနဲ့ပဲ အလည်လွန်တဲ့ အိပ်မက်တွေ ညနေစာနဲ့ လွဲခဲ့ရပြန်ပေါ့။

ဇင်ဝေသော်

Read more