ဗြိတိန်ဝန်ကြီးချုပ် နဲ့ ဘန်ကီမွန်း

ဘန်ကီမွန်းကလည်း ဘာမှန်းမသိ
ဆီးရီးယာနဲ့အီရတ်ကြောင့် အိုဗားမား၊ ကင်မရွန်းနဲ့ တစ်ကမ္ဘာလုံး ဝိုင်းပြီးစိတ်ပူနေရချိန်
သူက မြန်မာနဲ့ သီရိလင်္ကာကို လှမ်းပြီးစိတ်ပူနေတယ်၊ အချိန်မဟုတ် အခါမဟုတ်။
ထူးခြားတယ်၊ ဒါ့ကြောင့် ကုထွေချုပ်ဖြစ်နေတာ။

ဗြိတိန်ဝန်ကြီးချုပ်ကတော့ အစ္စလာမ်မစ်အကြမ်းဖက်မှုရဲ့ အန္တရာယ်အကြောင်းကို အသေအလဲ ပြောနေပြီ။
ဗြိတိန်ကို တိုက်ခိုက်လာနိုင်ခြေတောင် Highly likelyတဲ့။

Read more

မြန်မာနဲ့ နိုင်ငံခြားသား

နိုင်ငံခြားသားတစ်ယောက်ကို ခရီးထွက်မယ်လို့ပြောရင် သူ(မ)က
"Oh I see. When, how long will you be there?" လို့ မေးတယ်။
မြန်မာတစ်ယောက်ကို ခရီးထွက်မယ်လို့ပြောရင် သူ(မ)က
"ဟုတ်လားဘုရား၊ ဘယ်နေ့လဲ၊ ဘာတွေလိုအပ်သေးလဲ အမိန့်ရှိပါဘုရား၊ တပည်တော်(မ)တို့ စီမံလိုက်ပါမယ်ဘုရား" လို့ ပြောကြတယ်။

မတူကြဘူး။ အာ့ လာလျှောက်တာပါ ဘုရား။

Read more

ဆူဇန်၊ ပပ၊ သီဟနာဒနဲ့ လီကွမ်းယု

ဆူဇန်ဆိုတာက အသက် ၃၀ ကျော်အရွယ်ရှိ ခပ်ချောချော အမျိုးသမီး တစ်ယောက်။ အပျိုကြီး၊ အောင်မြင်ဟန်တူတဲ့ စီးပွားရေး ရှိသူ၊ အနက်ရောင် BMW ကိုမောင်းတယ်။ ဗုဒ္ဓဘာသာဝင်၊ ကျောင်းကို မကြာမကြာလာတတ်တယ်။ သွက်တယ်၊ မျက်နှာချိုတယ်၊ မာနကြီးဟန်တော့ရှိတယ်။

ပပဆိုတာက ဧရာဝတီတိုင်းသူ၊ အသက်ပြည့်ဟန်မတူသေးဘဲ အိမ်ဖော်လာ လုပ်နေတဲ့ ဖြူဖြူညှပ်ညှပ် မိန်းကလေးတစ်ယောက်။ သူ့အသက်မေးရင် ၂၂ နှစ်လို့ပြောတတ်ပြီး ငါ့ကို လာမလိမ်နဲ့ဆိုတော့မှ အမှန်ကိုပြောတတ်သူ။

အခြားအိမ်ဖော်မလေး တစ်ယောက်လည်းရှိသေးတယ်။ စိုးစိုးဆိုပါတော့။ သူမကတော့ ကံထူးသူ၊ ဗုဒ္ဓဘာသာ အပျိုကြီးကျောင်းဆရာမကြီးက သမီးလို၊ သူငယ်ချင်းလိုဆက်ဆံတယ်။ သေရင် အမွေတွေများ ရနေမလားလို့တောင် အချင်းချင်း စမိသေးတယ်။

ထားတော့။ သူမကို လီကွမ်းယုစာအုပ်ပေးပြီး ဖတ်လို့ပြောတယ်။ အပျိုကြီးကျောင်းဆရာမကြီးကလည်းဖတ်ဖို့ တိုက်တွန်းပေးတယ်။ ဖတ်ဟန်တူပါတယ်။ အချက်တချို့ သူပြောပြနိုင်တယ်။
သူ့ပေးပြီး တစ်လလောက်အကြာမှာ ပပကိုလည်း ပေးဦးမှ၊ သူတို့ချင်း စကားစပ်မိ လို့ သိသွားရင် မကောင်းဘူး။ ပေးမယ်ဆိုတော့မှ အောက်မှာ စာအုပ်က ပြတ်နေ တယ်။
"နောက်တစ်ပတ်မှ ယူဟာ အောက်မှာ စာအုပ်မရှိဘူး၊ အပေါ်တက်ယူနေ ရမှာ"ဆိုတော့
"ဘုန်းဘုန်းကလည်း သမီးက သူခေါ်မှ လိုက်ရတာ၊ နောက်တစ်ပတ် သူက ခေါ်ချင်မှ ခေါ်မှာ၊ အခုပေးပါ" ဆိုလို့ ဟုတ်သားပဲလေဆိုပြီး တက်ယူပေး လိုက်တယ်။ သူမအနေနဲ့ စာအုပ်ထဲက အကြောင်းအရာတွေအားလုံးကို နားမလည်နိုင်လောက်ဘူးဆိုတာတော့ သိတာပေါ့။

နောက်တစ်ပတ်ရောက်တော့ ပပပြောသလိုပဲ၊ ပပ ပါမလာဘူး။ ဆူဇန်က
"ဘန္တေကသာ စာအုပ်ပေးတာ၊ ပပက မျက်နှာဖုံးကပုံတောင် ဘယ်သူ့ပုံမှန်း မသိဘူး" ပြောတယ်။
"မသိပဲဖတ်တော့ လောင်းရိပ်ကင်းပြီး ပိုတောင်ကောင်းသေးတယ်၊ ဖတ်နေ တာ တွေ့သလား၊ တစ်နေ့ တစ်နေ့ နာရီဝက်လောက် အချိန် ပေးပေး ပါ" ပြောတော့ ပေးပါမယ်လို့ ကတိပေးတယ်၊ သူလာရင် ဖတ်မဖတ် စစ်ဆေးကြည့်ပါလို့လည်းပြောတယ်။

ဒီတော့မှ
"ဆူဇန်ရယ်၊ လီကွမ်းယုလိုလူတစ်ယောက်ပြောထားတာတွေကို အိမ်ဖော် မိန်းကလေးတစ်ယောက်က ဘယ်လိုလုပ် လုံးစေ့ပတ်စေ့နားလည်နိုင်ပါ့မလဲ၊ ငါလည်း မမျှော်လင့်ပါဘူး။ ငါက စာရေးသူ၊ ဖတ် မဖတ် မသချာရင် ဘယ်လောက် ရင်းရင်း မပေးတတ်သူပါ၊ ဒါပေမဲ့ သူ့တို့ကိုကျ တစ်မျိုးဆက်ဆံရတယ်။ သူတို့ကို လည်း တူတူတန်တန်ဆက်ဆံတယ်ဆိုတာ ပြရတယ်၊ စိတ်ဓာတ်အားပေးရတယ်။ အနည်းဆုံး ဒီနယ်နမိတ်ထဲဝင်လာရင် သူ့ အနေနဲ့ ရဲတင်းနေရမယ်၊ ယုံကြည်မှု ရှိနေရမယ်၊ အိမ်ဖော်တစ်ယောက်ထက် ဗုဒ္ဓ ဘာသာတစ်ယောက်လို ခံစားရစေချင်တယ်၊ နောက်ပြီး ကံမလှတဲ့ ငါတို့ကလေးတွေအတွက် တတ်နိုင်သလောက် ဖေးမဖို့ ငါတို့မှာ တာဝန်ရှိနေယ်" လို့ ရှည်ရှည်ဝေးဝေး ရှင်းပြမိတယ်။ သူ နားလည်ဟန်ပါ။

နောက် ပပနဲ့တွေ့လို့ မေးကြည့်တော့ သူ့အိမ်ရှင်ရဲ့ ဆက်ဆံမှုက ပိုနွေးထွေးလာတယ်လို့ သိလိုက်ရပါတယ်။
တကယ်တော့လည်း ဒီစာအုပ်ပေးလိုက်တယ်ဆိုတာက ပပနားလည်ဖို့ထက် ဆူဇန်နားလည်ဖို့မို့ ပေးရကျိုး နပ်တယ်၊ ပစ်မှတ်ကို ထိတယ်လို့ ပြောရမှာပါ။ စာအုပ် လက်ဆောင်ပေးခဲ့သမျှတွေထဲမှာ ပပကိုပေးလိုက်ရတဲ့ ကျေနပ်ကြည်နူး မှုက တစ်သီးတစ်ခြားဆန်ဆန် နူးညံ့နေသလိုလိုပဲ။

Read more

လူ့ အခွင့်အရေး

လူ့ အခွင့်အရေးနှင့် ပတ်သက်သော အယူအဆ၁၈ ရာစုကထဲက ဥရောပ၌ စတင်အခြေပျိုးပြီး တစစတိုးတက်ခဲ့သည်။ ၁၉၄၅ ခု ရောက်မှ ကုလသမဂ္ဂကြေ ညာချက်စာတမ်း၌ တရားဝင် ထုတ်ပြန်ခဲ့သည်။ လူ့ အခွင့်အရေး ဖြစ်ပေါ်လာ ရခြင်းမှာ အဓိကအခြေခံ အကြောင်းတရား သုံးချက်ကြောင့် ဖြစ်သည်။

၁။ လူ့ဖွဲ့စည်းပုံတရားဥပဒေသည် လူကပြဋ္ဌာန်းသော ဖွဲ့စည်းပုံတရားဥပဒေဖြစ် သည်၊ တစ်ယောက်သောတန်ခိုးရှင် ဖန်ဆင်းရှင်နှင့်မဆိုင်။
၂။ လူသားတိုင်း၌ တန်းတူ အခွင့်အရေးရှိသည် ။
၃။ လူသားတိုင်း ကိုယ့်ကြမ္မာကို ကိုယ်တိုင်ဖန်တည်းခွင့် ရှိသည်။

လူ့ အခွင့်အရေးက အနောက်မှာ အစပျိုးခဲ့သည်ကားမှန်၏...
သို့သော်......
ဗုဒ္ဓစာပေကို စောင်းငဲ့ကြည့်သောအခါ........
၁။ နံပါတ်တစ် အချက်ကို အဂ္ဂညသုတ်နှင့် ဇာတ်တော်အချို့တွင်တွေ့ရ၏၊
လူတန်းစား သတ်မှတ်ပြဋ္ဌာန်းခြင်းသည် မဟာဗြဟ္မာနှင့် မဆိုင်
လူ့အဖွဲ့အစည်း အဆင့်ဆင့်ပြောင်းလဲမှု၊တိုးတက်လာမှုတို့နှင့်သာဆိုင်သည်။( D.III.92)

၂။ နံပါတ်နှစ် အချက်ကို ဝါသေဋ္ဌသုတ်၌တွေ့ရသည်၊လူအချင်းချင်း အဆင့် အတန်း ခွဲခြားမူကို ယင်းသုတ်၌ ဘုရားရှင်က ပြင်းပြင်းထန်ထန် ကန့်ကွက် ခဲ့သည်။ (Sn.594-611)

၃။ နံပါတ်သုံး အချက်ကိုမူ တိုက်ရိုက်မတွေ့ရ၊ သို့သော် ဒေသနာအားဖြင့် ထင်ရှား ၏။ လူတိုင်း၊သတ္တဝါတိုင်း မိမိအသက်ကို ချစ်မြတ်နိုး၏၊ ဟောညွှန်သည့်အတိုင်း လိုက်နာလျှင် လူတိုင်း သံသရာမှ ထွက်မြောက်နိုင်၏။(ဤအချက်ကို မဟာသတိ ပဋ္ဌာန သုတ်၌ တွေ့ရ၏။)

သို့သော်......
ဗုဒ္ဓဘာသာနိုင်ငံများ၌ လူ့အခွင့်အရေးသမိုင်းနှင့်ပတ်သက်၍သိပ်မစွံလှကြောင်း မှတ်တမ်းများအရ သိရ၏။
ဝမ်းနည်းဖွယ် ကောင်လှသည်။ ။

Ref: A-Z. Buddhism.

Read more

Yuz Asaf

အေဒီ လေးရာစုက Sogdian ဘာသာစကားနဲ့ရေးထားတဲ့ ရှေးဟောင်းခရစ်ဝင် ကျမ်းစာအရ Yuz Asaf ဟာ အိန္ဒိယဘုရင် Abenner ရဲ့ တစ်ဦးတည်းသော သားဖြစ်တယ်။
ပုရောဟိတ် ၅၀ က ကလေးရဲ့ အနာဂတ်ကို ဖတ်ကြ။ အထင်ရှားဆုံး ဆရာကြီး ကတော့ မင်းသားလေးဟာ ခရစ်ယန်သာသနာပြုဖြစ်မယ်လို့ ဟောကိန်းထုတ်။ ဒါကို ကာကွယ်တဲ့အနေနဲ့ ခရစ်တော်ဆိုတဲ့အသံကိုတောင် မကြားရအောင် ဘုရင်ကြီးက သားတော်ကို နန်းတွင်းထဲမှာပဲထား။ တစ်နေ့ သူ့ကို ဘာကြောင့် နန်းတွင်းထောင်ကျနေရတယ်ဆိုတာ သူ့ဆရာဆီကနေ သိခွင့်ရ။ ခမည်းတော်ဆီကနေ အပြင်ထွက်ခွင့် မရမကတောင်းပြီး အပြင်ထွက်။ ကျိုးနေသူ နဲ့ကန်းနေသူ နှစ်ယောက်ကိုမြင်၊ စိတ်ညစ်၊ ကောင်းကင်ဘုံကို ရောက်လို။
တစ်နေ့ မင်းသားလေးဟာ Barlaam ဆိုတဲ့ တရားဟေဆရာဆီကနေ ခရစ်တော်ရဲ့သေဆုံးခြင်းနဲ့ရှင်သန်ထမြောက်ခြင်းကို လေ့လာခဲ့ရ။ ဒီနောက် အိန္ဒိယ တစ်ပြည်လုံးကို ခရစ်ယန်ဘာသာတရားများ ဆက်လက်ဟောကြား။
နောက်ဆုံး Yuz Asaf ဟာ သူ့ရဲ့ အယုံကြည်ရဆုံး တပည့်နဲ့အတူ ခရီးထွက်ရင်း ကက်ရ်ှမီးယားမှာ သေဆုံး။ (ဗုဒ္ဓဝင် နယူးဗားရှင်းပေါ့)

ဘက်ဂဒက်မှာရှိ၊ အေဒီ ၁၀ ရာစုက မွတ်စလင်ကျမ်းစာထဲမှာလည်း ဒီဇာတ်လမ်း ပါဝင်။ ဒါပေမဲ့ Yuz Asaf ကို မိစ္ဆာဒိဋ္ဌိအနေနဲ့ ရှုံ့ချထား။

ကျမ်းပြုသူအဆိုအရ Yuz Asaf ဟာ ပါးစပ်ရာဇဝင်နဲ့ စက္ကူပေါ်ကလွဲရင် ဘယ်တုံး ကမှ တကယ် မရှိခဲ့။ ယေရှုရဲ့ အဖြစ်မှန်ကို ဖုံးကွယ်ဖို့ တမင်ဆင်ထားတဲ့ ဇာတ် ကွက်သာဖြစ် တဲ့။
ပညာရှင်တို့ သုံးသပ်ကြပါ။

Ref:The King of Jews? p 227-228
Vide: The Wisdom of Balahvar. A Christian legend of the Buddha, D,M. Lang, London, 1957.

Read more

လူထုကြားက ဓာတ်ကြီးလေးပါး

ရေ။ ယိုစီးခြင်းသဘော ( စာပေသိ )
ရေ။ ရှားပါး၊ မလုံလောက်၊ နောက်ကျိ၊ သောက်သုံးရန်မသင့်ဖြစ်လာတဲ့သဘော။ မြို့တော်မှာ တိုက်အထပ်မြင့်လေလေ ရေဘေးဒုက္ခ ပိုကြီးလေလေသဘော။ မလိုရာ ရေကြီးပြီး လိုရာ ရေမရှိသောသဘော။ (လက်တွေ့သိ)

မြေ။ ခက်မာခြင်းသဘော။( စာပေသိ )
မြေ။ အသိမ်းခံရခြင်း၊ လျော်ကြေး ဟုတ်တိပတ်တိပြန်မရခြင်းသဘော၊ ပိုင်ဆိုင်ဖို့ ခက်ခဲလာခြင်းသဘော၊ ရန်ကုန်မြေဈေးကနယူးယောက် မြေေ ဈးကို စိန်ခေါ်နေ တဲ့သဘော။ ကုန်းမြေအကျယ်ပြန့်ဆုံး အရှေ့တောင်အာရှနိုင်ငံသားတွေ သမ္မာအာဇီဝနဲ့ မြေမဝယ်နိုင်တဲ့သဘော။(လက်တွေ့သိ)

လေ။ ရွေ့လျားခြင်းသဘော ( စာပေသိ )
လေ။ မသန့်ရှင်းသော ပတ်ဝန်းကျင်ကြောင့် ပို၍ပို၍ နံစော်လာခြင်း၊ အဆင့်မ မီသော အဆောက်အအုံတို့ကြောင့် တစ်ခုခုဆို ပို၍ပို၍ ပျက်စီးစေသော သဘော။ တောင်ပြောမြောက်ပြော ဝါယောဓာတ်တွေ ဈေးကောင်းတဲ့ သဘော။ (လက်တွေ့သိ)

မီး။ လောင်ကြွမ်း ရင့်ကျက်စေသောသဘော( စာပေသိ )
မီး။ ပုံမှန်ပျက်တတ်သေးသော၊ သူမရှိရင် ဘာမှဆက်လုပ်လို့ မရတတ်သော သဘော။ အချိန်ပြည့်မရသဖြင့် လူထုကို ဒုက္ခ အကြီးအကျယ်ပေးနေသော သဘော။ ( ဂက်စ်များ မြေကြီးထဲမှာ ရှိနေပါလျက် ) ထင်း၊ မီးသွေးတို့ကို အစားမထိုးနိုင်သဖြင့် နွေရောက်တိုင်း ကျီးလန့် စာစား နေကြရသည့် သဘော။(လက်တွေ့သိ)

ဘယ်သူတွေ ဘာတွေပြောပြော အဲ့ဒါ လူထုကြားက တကယ် ဓာတ်ကြီးလေးပါး အစစ်။

Read more

Learn very fast

နုပျိုတဲ့နိုင်ငံဆီ နုပျိုတဲ့လူတွေ သွားကြတယ်။
ရင့်ရော်တဲ့ နိုင်ငံဆီ ရင့်ရော်တဲ့လူတွေသွားကြတယ်။
ကိုရီးယားဗီဇာယူနေသူတွေနဲ့အိန္ဒိယဗီဇာယူနေသူတွေရဲ့ အသက်ဟာ ခေါက်ချိုးလောက်ကွာမယ်။
မြန်မာတွေက" Learn very fast. At least, they are willing to learn." ဆိုတဲ့ ကွန်မင့်ကြားခဲ့ရလို့ ဘာဖြစ်ဖြစ် ကျေနပ်တဲ့အပြုံး (အကြီးစားကြီး) ပြုံးခဲ့ရပါတယ်။ ဟုတ်ပါစေ။

Read more

ဒီမိုကရေစီလူ့အခွင့်အရေးနဲ့ နွားချေး (Bull s..t)

နာရီပေါင်းများစွာ လေယာဉ်စီးရမှာဆိုတော့ မျက်မှန်ပါဝါထူထူနဲ့ အန်ကယ် ကြီး တစ်ယောက်က စာအုပ်ထူထူကို ဖွင့်ဖတ်ပြီး ခရီးဆက်နေလိုက်သတဲ့။ သူ့ထိုင်ခုံဘေးက လူကတော့ နည်းနည်းပါးပါး ဆွေးနွေး ဝေဖန်ရတာကို သဘောတွေ့ဟန် တူပါတယ်။ ဒါနဲ့ မရ အရ မိတ်ဆက်စကားဆိုရင်း အကြောင်းအရာ တစ်ခုခုအကြောင်း ဆွေးနွေးရအောင်လို့ သူကပဲ စပြီး အကြံပြုတယ်။
ဒါကို အန်ကယ်ကြီးက (အင်တင်တင်နဲ့) သဘောတူပါတယ်။ စာအုပ်ပိတ်၊ စာကြည့်မျက်မှန်ချွတ်ရင်း ဘာအကြောင်း ဆွေးနွေးကြမလဲ လို့ ပြန်မေးေ တာ့ ဒီမိုကရေစီနဲ့ လူ့အခွင့်အရေးအကြောင်း ဆွေးနွေးရအောင်လားလို့ အဲဒီလူက အကြံထပ်ပြုတယ်။

ဒီ အကြောင်းဆိုရင်တော့ မင်းကို တစ်ခုမေးရဦးမယ်။ နွားတွေရော၊ ဆိတ်တွေရော၊ မြင်းတွေပါ အားလုံး မြက်ပဲ စားကြတယ်။ ဒါပေမဲ့ နွားချေးက ခပ်စိုစိုနဲ့ အပုံလိုက်ဖြစ်နေပြီး ဆိတ်ချေးက ခပ်မာမာနဲ့ အတုံး အလုံးလေးေ တွ ဖြစ်နေတယ်၊ မြင်းချေးကျတော့ စားထားတဲ့အတိုင်း ဘာမှ သိပ်မပြောင်း လဲဘဲ မျက်ခြောက်တွေအတိုင်းပဲ ဖြစ်နေတယ်။ အဲဒါ ဘာကြောင့်လို့ မင်း ထင်သလဲ လို့မေးတော့....
ဟာဗျာ.... ဒါတော့ ကျနော်လည်း မသိဘူးလို့ ပြန်ဖြေရတော့တာပေါ့။

ဒီတော့ အန်ကယ်ကြီးက မင်းနှယ်ကွာ နွားချေး (Bull s..t) အကြောင်းတောင် မသိသေးဘဲနဲ့ ဒီမိုကရေစီနဲ့ လူ့အခွင့်အရေး အကြောင်း ဆွေးနွေးချင်ရတယ်လို့ဆိုပြီး စာကြည့်မျက်မှန် ပြန်တတ်ပြီး သူ့စာအုပ်သူ ဆက်ဖတ်နေတော့သတဲ့။

ဒီ ပုံပြင်ရဲ့ မော်ရယ်က ဘာလဲဆိုတာ ကျနော်တော့ ဉာဏ် မမီ။

20/06/2013

Read more

နွေရာသီ အပန်းဖြေခရီးတဲ့လား

ဒီနေ့ စထရိတ်တိုင်းမ်းပါ ဆောင်းပါပါ။
*အနောက် လူငယ်ဂျီဟတ်တွေက လက်ပ်တော့တွေ၊ အွန်လိုင်းတွေနဲ့ ငြီးငွေ့လာလို့ အီရတ်နဲ့ဆီးရီးယားဆီ နွေရာသီ အပန်းဖြေခရီး ထွက်လာတာတဲ့။ အောက်မှာ အချုပ်တင်ပြထားပါတယ်။

*ဗြိတိသျှလူသတ်သမားကို အနှေးနဲ့အမြန်သိလာမှာပဲ။
*အမေရိကန်ထောက်လှမ်းရေးအရ အနောက်နိုင်ငံပေါင်း ၅၀ က အကြမ်းဖက်သမားပေါင်း တစ်သောင်းနှစ်ထောင်ခန့်ပါဝင်။
*အနောက်ကိုရောက်လာတဲ့ မွတ်စလင်တွေက အာရပ်ကမ္ဘာကမဟုတ်။ တောင်အာဖရိက၊ အိန္ဒိယနဲ့တူရကီကဖြစ်။

*အခု လူငယ်တွေက အစ္စလာမ်လိုကျင့်တာလည်းမဟုတ်၊ အာရပ်လိုလည်းမတတ်။
*ဘာသာရေးခေါင်းဆောင်တွေစည်းရုံးမှူကြောင့်ထက် လက်သိပ်ထိုးဝေတဲ့ စာအုပ်တွေကြောင့်။
*အစ္စလာမ်ပညာရှင်တွေက ကမ္ဘာနဲ့အဝှမ်း မွတ်စလင်တွေကို နှိမ့်ချဆက်ဆံလို့ လူငယ်တွေ မခံချင်စိတ်ဖြစ်တာလို့ဆိုကြ။
*ဒါပေမဲ့ ဒီလူငယ်တွေဟာ အိမ်မှာလည်း မိဘစကားနားထောင်သူတွေ မဟုတ်ကြ။
*အနောက်ကျင့်သုံးတဲ့ ယဉ်ကျေးမှုပေါင်းစုံစနစ်ဟာ မွတ်စလင်တွေသာမက အခြားလူမျိုးတွေကိုလည်း အိုင်ဒင်တတီပြသနာ ရှိနေတာပဲ။

*အနောက်က အစ္စလာမ်ကို အကာအကွယ် မပေးလို့ လို့လည်း အစ္စလာမ်ပညာရှင်တွေကဆိုကြ။
*ဒါပေမဲ့ အမေရိကန် မကာကွယ်ရင် ဘော့စနီးယားနဲ့ကိုဆိုဘို နှစ်နိုင်ငံလုံး လူမျိုးတုံးသတ်ဖြတ်ခံလိုက်ရပြီး ဖြစ်နေမယ်။
*အီရတ်ကိစ္စမှာ အမေရိကန်နဲ့မဟာမိတ်တပ်ဖွဲ့ ဝင်လို့ အာရပ်ကမ္ဘာ မငြိမ်းချမ်းတာလို့ ဆိုကြပြန်။
ဆီရီးယားမှာ အမေရိကန်မဝင်ဘဲ အချင်းချင်းသတ်နေကြတာ တစ်သိန်းရှစ်သောင်းကျော်နေပြီ။
*အခု အမေရိကန် ကြားမဝင်လို့ အကြမ်းဖက်မှုတွေဆက်ဖြစ်တာလို့ ဆိုကြပြန်။
အနောက်အတွက် ခေါင်းခြောက်စရာ။

(အနောက်မှမဟုတ်ပါ။ တရုတ်ကြီးလည်း ခေါင်းခြောက်နေလို့ အကြမ်းဖက်သမား ရှစ်ယောက် ကွပ်မျက်လိုက်ရကြောင်း ဒီနေ့သတင်းစာမှာပဲ ဖတ်လိုက်ရပါတယ်။ လူတွေလား၊ ဘာသာရေးအဆုံးအမလား။ မွတ်လင်အစိုးရတွေရဲ့ တာဝန်မယူမှုကြောင့်လား။ မွတ်စလင်တွေဟာ ကမ္ဘာ့ ပြသနာ၊ ကမ္ဘာ့ ချဉ်ဖတ်ဖြစ်နေတာကတော့ အမှန်ပဲ။)

Read more

ဦးရာကြီး ကိုမေးပါ

မွတ်စလင်ဟောင်းမိသားစု လှူခဲ့တဲ့ကျောင်း

နောက်ဆက်တွဲများ


"ငါသိသလောက် ဗုဒ္ဓဘာသာတွေလှူထားတာပါ ငါ့မိတ်ဆွေ ဘိုးဘွားတွေလှူထားတာပါ"

နှစ်ပေါင်းတစ်ရာက မကြာလှသေးပါ။ ကြားဖူးတယ်ဆိုရုံနဲ့ မရပါ။ အသေးစိတ်သိချင်ရင် မန္တလေးသားတွေအတွက် မခက်လှပါဘူး။
မိုးကောင်းတိုက်၊ ညောင်ရမ်းအုပ်စုဆိုတာ
ဆဋ္ဌသင်္ဂါယနာ ဥက္ကဋ္ဌဆရာတော်(ပထမညောင်ရမ်းဆရာတော် ဦးရေဝတ)
တိပိဋကဓရ ရွေးချယ်ရေးဥက္ကဋ္ဌဆရာတော် (ဒေးဝန်းဆရာတော် ဦးဇောတိကာဘိဝံသ) တို့ကို မွေးထုတ်လိုက်တဲ့နေရာပါ။
ဒီဆရာတော်ကြီးတွေရဲ့ နှုတ်မြွက်ရှိတယ်၊ အထောက်အထားရှိတယ်၊ သမိုင်းခိုင်တယ်၊ သိက္ခာရှိတယ်။

---------------------------------------

ဦးရာကြီးက "မန္တလေးမြို့ မိုးကောင်းတိုက် အလည်တိုက်ကြီး" ရဲ့ သတင်းအသေး စိတ်သိလိုသူများကို ကမ်းလှမ်းထားပါတယ်။ ဖုန်းဆက်မေးနိုင်ပါတယ် (09256159324) တဲ့။ ဒီနေ့ ပြိတ္တာနဲ့အမျှပေးဝေမှုကတော့ ပြီးသွားပါပြီ။
၁။ ဒေါ်မိန်းကလေးက "ဗုဒ္ဓဘာသာ" ဖြစ်လျက်နဲ့ "တပည့်ဗုဒ္ဓဘာသာဝင် တစ်ယောက်ရဲ့ အကြံပေးမှု" ကို စောင့်နေရတာက ရေစက်ချ အစဉ်အလာကို မသိလို့လား။
၂။ မသိရအောင်ကလည်း "ရွှေကျင်တတိယသာသနာပိုင် ဒီပဲယင်းဆရာတော် ဘုရားကြီးနှင့် မောင်နှမ တစ်ဝမ်းကွဲ" ဖြစ်နေပြန်တယ်။
၃။ သိလျက်နဲ့ ဦးယွန်းကို မပြောရဲရှာလို့လား။
မေးခွန်းသုံးခုတော့ ထွက်လာပါတယ်။ ဘာပဲဆိုဆို မူရင်းကြောရိုး ပိုခိုင်သွား ပါတယ်။

ဦးရာကြီး။ ။ "မန္တလေးမြို့ မိုးကောင်းတိုက် အလည်တိုက်ကြီး ကျောင်းအလှူရှင်တွေဟာ ကျောင်းဒကာကြီး ဦးယွန်းနှင် မိသားစုဝင်အားလုံးက မွတ်စလင်ဘာသာဝင်တွေဖြစ်ကြပါတယ်။ ကျောင်းအမကြီး ဒေါ်မိန်းကလေးက ဗုဒ္ဓဘာသာဝင်ပါ။ ရွှေကျင်တတိယသာသနာပိုင် ဒီပဲယင်းဆရာတော်ဘုရားကြီးနှင့် မောင်နှမ တစ်ဝမ်းကွဲတော်စပ်ပါတယ်။ အင်းဝမြို့မှာ နေစဉ်ကပင် ဆရာတော် ဦးသီရိကို အမြဲကိုယ်းကွယ်ပါတယ်။ ဆရာတော် ဦးသီရိကိုအကြောင်းပြုပြီး မိသားစုလိုက် မန္တလေးမြို့ ပြောင်းလာကြတယ်။ ပြောင်းပြီး နှစ်များစွာမကြာမီ အဖေအချစ်ဆုံးသမီး ဆုံးပါး ပြိတ္တာဘဝရောက် အိပ်မက်တွေဆက်တိုက်ပေး ပရလောကမှ အသံအနံ့စသည်တို့ဖြင့် ဖခင်ထံဆက်သွယ် စားရမဲ့ ဝတ်ရမဲ့ နေရာမဲ့ဘဝ အစ္စလ္လာမ်ရဲ့ ဘာသာရေးထုံးတမ်းစဉ်လာတွေ လုပ်ပေမဲ့ အကျိုးသက်ရောက်မှူမရှိခဲ့ တပည့်ဗုဒ္ဓဘာသာဝင်တစ်ယောက်ရဲ့ အကြံပေးမှုနဲ့ ပထမရက် သံဃာ ၁၅ ပါးဆွမ်းကပ် အမျှဝေ လိုက်မှညအခါ အစားရတဲ့အကြောင်း ဖခင်ထံဆက်သွယ် နောက်တစ်ရက်အကျော်မှာ ဒီ သံဃာ ၁၅ ပါးပင့်ဆောင်ပီး ဆွမ်းကပ် သင်္ကန်းအတွက်ပိတ်အုပ်လှူ ကျောင်း.ဇရပ်အတွက် ရွှေငွေလှူ အမျှဝေလိုက်မှ ညအခါ ဖခင်ကို ကိုယ်ထင်ရှားပြ ဒီနောက် မိသားစုလိုက် ဗုဒ္ဓဘာသာပြောင်း ကျောင်းတော်ကြီများ ဇရပ်စသည်များ ဆောက်လုပ်လှူဒါန်း အကျယ်သိလိုလျင် 09256159324 သို့ဆက်သွယ်ပါ"

Read more