စပယ်ရှယ် ဝန်ဆောင်ခ

စပယ်ရှယ် ဝန်ဆောင်ခ
တရုတ်ပြည်ကမူလတန်းကျောင်း တစ်ကျောင်းမှာ ထူးခြားတဲ့ ဝန်ဆောင်မှု တစ်ခုပေးတယ်။ ကျောင်းဆင်း ကျောင်းတက်တိုင်း ဆရာ၊ ဆရာမက ကလေးကို တယုတယ ပွေ့ဖက်ပေးတယ်။ ဒီအတွက် ဝန်ဆောင်ခ ယွမ် ၈၀ (US$12.80) လစဉ် အပိုဆောင်ရတယ်။ နံစော်နေတဲ့ ဆင်းရဲသား ကလေး ဆိုရင် ဝန်ဆောင်ခပိုပေးရမလား မသိဘူး။ ကံကောင်းတယ် မြန်မာမိဘတွေဆီ ဒီ ဝန်ဆောင်ခ မျိုး မရောက်လာသေး ဘူး။ အခြားပုံစံနဲ့ပဲ ရှိတယ်။
Kindergarten charges fee for teachers’ hugs :)


သစ်ပင်ရဲ့ အရေးပါမှု
အိန္ဒိယနိုင်ငံ၊Mumbai မြို့ Sanjay ဆိုတဲ့လူက အိမ်ထောင်ရေး ဖောက်ပြန်တဲ့ သူ့ဇနီးက တောင်းပန်စကား မပြောလို့ ဆိုပြီး ဆန္ဒပြတဲ့အနေနဲ့ သစ်ပင်ပေါ် တက်နေတာ ၉ လ ကြာတယ်။ စားလည်း သစ်ပင်ပေါ်၊ အိပ်လည်း သစ် ပင်ပေါ် မှာပဲ။
သစ်ပင်တွေက အာရှမှာ ပိုပြီးအသုံးဝင်တယ်။ မြန်မာပြည် မှာ နှစ်သိန်းတန် ဖုန်းတွေ ဖုန်းပြောရင်း လိုင်းမကြည်ရင် သစ်ပင်မြင့်မြင့်ပေါ်တက်ပြောလိုက်၊ ကြည်သွားရော၊ လွယ်လွယ်လေး။

 ဇင်ဝေသော်

Read more

လူထုကြားက ဓာတ်ကြီးလေးပါး

ရေ။ ယိုစီးခြင်းသဘော ( စာပေသိ )

ရေ။ ရှားပါး၊ မလုံလောက်၊ နောက်ကျိ လာတဲ့သဘော။ မြို့တော်မှာ တိုက်အထပ်မြင့်လေလေ ရေဘေးဒုက္ခ ပိုကြီးလေလေသဘော။

မြေ။ ခက်မာခြင်းသဘော။( စာပေသိ )

မြေ။ အသိမ်းခံရခြင်း၊ လျော်ကြေး ဟုတ်တိပတ်တိပြန်မရခြင်းသဘော၊ ပိုင်ဆိုင်ဖို့ ခက်ခဲလာခြင်းသဘော၊ ရန်ကုန်မြေဈေးကနယူးယောက် မြေေ ဈးကို စိန်ခေါ်နေတဲ့သဘော။

လေ။ ရွေ့လျားခြင်းသဘော ( စာပေသိ )

လေ။ မသန့်ရှင်းသော ပတ်ဝန်းကျင်ကြောင့် ပို၍ပို၍ နံစော်လာခြင်း၊ အဆင့်မ မီသော အဆောက်အအုံတို့ကြောင့် တစ်ခုခုဆို ပို၍ပို၍ ပျက်စီးစေသော သဘော။

မီး။ လောင်ကြွမ်း ရင့်ကျက်စေသောသဘော( စာပေသိ )

မီး။ ပုံမှန်ပျက်တတ်သေးသော၊ သူမရှိရင် ဘာမှဆက်လုပ်လို့ မရတတ်သော သဘော။ အချိန်ပြည့်မရသဖြင့် လူထုကို ဒုက္ခ အကြီးအကျယ်ပေးနေသော သဘော။ ( ဂက်စ်များ မြေကြီးထဲမှာ ရှိနေပါလျက် ) ထင်း၊ မီးသွေးတို့ကို အစားမထိုးနိုင်သဖြင့် နွေရောက်တိုင်း ကျီးလန့် စာစား နေကြရသည့် သဘော။

ဘယ်သူတွေ ဘာတွေပြောပြော အဲ့ဒါ လူထုကြားက တကယ် ဓာတ်ကြီးလေးပါး အစစ်။

 ဇင်ဝေသော်

Read more

မြို့တော်ရဲ့ ပြကွက် တစ်ကွက်

အကောင်းစား ကားတစ်စီးနဲ့ စက်ဘီးစီးလာတဲ့ ကောင်လေး၊ ကောင်မလေး အတွဲ နည်းနည်း ဝင်ငြိသွားတယ်။
လမ်းစည်းကမ်း ဆိုတာ " ချို " နဲ့လား။ အနည်းနဲ့ အများ နှစ်ဖက်မှားပဲ ဖြစ် မှာပေါ့။
ကားပေါ်က မျက်စေ့ တွေ အမြင်မှာတော့ လဲကျသွားတဲ့ စက်ဘီးနဲ့ ကောင် ကလေး လည်း ဘာမှကြးကြီးကျယ်ကျယ် မဖြစ်နိုင်ဘူး။
ဒါပေမဲ့ အဲဒီ့ ကောင်ကလေးက မထနိုင်ဘူး။
" ညီလေး၊ ဘာဖြစ်သွားသေးသလဲ၊ ထ ထ၊ အကိုတို့ ဆေးခန်းလိုက်ပို့ပေး မယ် "
" ကျနော် ထ လို့ မရဘူး၊ ညာဖက် ခြေထောက် ကျိုးသွားတယ် ထင်တယ် ၊ ဆေးခန်းလိုက်မပို့ပါနဲ့၊ ဆေးဖိုးပဲ ပေးထားခဲ့ပါ "
" ဆေးဖိုး ဘယ်လောက်ပေးရမလဲ "
" ၁၅ သိန်း "
" ဒါဆိုရင်တော့ နောက်ထပ် ခြေတစ်ချောင်းပါ တကယ်ကျိုးအောင် ဝင်တိုက် ပြီး သိန်း ၃၀ အလျော်ပေးမယ်၊ လာခဲ့ ကားရှေ့ကို "
ဆိုပြီး အဲဒီကား ဝူးကနဲ မောင်းထွက်သွားတော့တယ်။

မြို့တော်ရဲ့ ဒီ ပြကွက်လေးကိုကြည့်ပြီး တချို့က ရီ ( ရယ် ) ကြတယ်။ တချို့က တည်ကြတယ်။
ဒါကတော့ ခံစားသူ အကြိုက်ပေါ့လေ။ ကျနော်တော့ ရီပြီးမှ တည်လိုက်မိ တယ်။ မြို့တော်ရဲ့ ပါဖောင်းမင့် အာ့တ် လေလား။

ဇင်ဝေသော်

Read more

အက်သစ်သဘောနဲ့ အူကြောင်ကြား အင်္ဂလိပ်တတ် မြန်မာများ

အက်သစ်ဟာလည်း လူလားမမြောက်သေးတဲ့ ကလေးတွေလက်ထဲ ရောက် သွားရင် မိဘတွေ အဖမ်းခံရတတ်ပါတယ်။
ဒါကို လူလားမြောက်သူ အမြင်နဲ့ ကျေးဇူးပြု ခဏကြည့်ပေးပါ။ ပြီးတော့ တစ် ခုခုကို ဆုံးဖြတ်ကြည့်ပါ။
အသေးစား ဥပဒေ တစ်ခုနဲ့ ငြိနေတဲ့ အမျိုးသမီး ( ကလေးအမေ ) တစ်ယောက်ကို ရဲက အလိုရှိတယ်။ လိုက်ရှာတယ်။
အိမ်ထဲမှာ သူမရှိသလားလို့ ရဲက မေးတော့ အမျိုးသား ( ကလေးအဖေ ) က မရှိဘူး လို့ လိမ်တယ်။
အဲဒီ အချိန် ကျောင်းမှာ အက်သစ်သဘောတရား နားထောင်ခဲ့ရတဲ့ ၄ နှစ် အရွယ် သမီးလေးက
" ဒယ်ဒီ လိမ်တာ၊ မာမီက ကုတင်အောက်မှာ ပုန်းနေတာ " လို့ ရဲကိုပြောလိုက်လို့ မယားရော လင်ပါ အဖမ်းခံရတယ်။ အဲဒါ အမေရိကမှာ။

နောက်ကလေး တစ်ယောက်ကလည်း အမေရိကမှာပဲ။ သူ့အဖေက တေးဂီ တပညာရှင်၊ မူးယစ်ဆေးဝါး ပပြောက်ရေး ကျောင်းကပွဲမှာ ဖျော်ဖြေခဲ့သူ။
အဲ့ဒါ ၅ နှစ်းသား သားငယ်က
" မူးယစ်ဆေးဝါး ပပြောက်ရေး ကျောင်းကပွဲမှာ ဖျော်ဖြေခဲ့ပေမယ့် အိမ် မှာတော့ ဒယ်ဒီက တရားမဝင် ဆေးဝါးတွေ သုံးစွဲပါတယ် " လို့ သူ့ဆရာတွေကို သွားပြောတယ်။
ဆရာတွေက တဆင့် ရဲဆီသတင်းရောက်သွားပြီ့း  ဒယ်ဒီလည်း အဖမ်းခံ လိုက်ရလေရော။
အဲ့ဒါ ၄ နှစ်အရွယ် သမီးလေးနဲ့ ၅ နှစ်းသား သားငယ်လေးတို့ရဲ့ အက်သစ်ပေါ့။ ကဲ ဘယ်လိုပြောကြမလဲ။ အက်သစ်တော့ အက်သစ်ပေါ့လေ။

ကျနော်တို့ ပြည်တွင်းပြည်ပမှာလည်း ၄ ၊ ၅ နှစ် ကလေး အက်သစ်နဲ့ နိုင်ငံ၊ အစိုးရနဲ့ လူထု ဒုက္ခရောက်အောင် အင်္ဂလိပ်လို လျှောက်ရေးတဲ့ မနူးမနပ် ပညာတတ်တွေရှိတယ်။
မာမီကုတင်အောက်မှာ ပုန်းနေတယ်၊ ဒယ်ဒီ ဆေးသုံးတယ် ဆိုတာမျိုးတွေ။

ကမ္ဘာကျော်အောင် အမေရိကန် သမ္မတကို သေနတ်နဲ့ ပစ်ရတယ်ဆိုသလို ပါပဲ မြန်မာလူမျိုး တစ်ယောက် ကမ္ဘာကျော်ချင်ရင်.........
၁ ။ ဒေါ်အောင်ဆန်းစုကြည်ကို ပြစ်ပြစ်နှစ်နှစ် အင်္ဂလိပ်လိုရေးပြီး ဝေဖန်
၂ ။ ရိုဟိန်ဂျာကို ထောက်ခံကြောင်း အင်္ဂလိပ်လိုရေး
၃ ။ မြန်မာအစိုးရ လူ့ အခွင့်အရေး ချိုးဖောက်ဆဲဆိုတာ သာဓကတချို့နဲ့ အင်္ဂလိပ်လိုရေး
၎ ။ လက်ရှိအစိုးရဟာ နောက်ကြောင်းပြန်လှည့်နိုင်တယ် ဆိုတာ ကောက် ချက်တချို့၊ အကိုးအကားတချို့နဲ့ လှလှပပရေး
၅ ။ ရေးတဲ့အခါ မြန်မာနာမည်စစ်စစ်နဲ့ရေး

ခင်ဗျားတို့လည်း အက်သစ်ရှိသူဖြစ်၊ နာမည်လည်းကြီး။ သေချာတယ် ကမ္ဘာ မှာ ခင်ဗျားတို့အတွက် တစ်နေရာစာရှိပါတယ် မနူးမနပ် ပညာတတ်ကြီး တို့ ...... ရေ။

ဇင်ဝေသော်

Read more

နာမည်သတိ၊ ပြောသတိ

တောင် အာဖရိက အထက်တန်းကျောင်းရဲ့ နာမည်က " Thighs of a Virgin High School " တဲ့။ ဒါကို တရားဝင်နာမည်ပြောင်းဖို့ အာဏာ ပိုင်တွေက ပြင်ဆင်တော့ တချို့က သဘောမတူကြဘူး။
တောင် အာဖရိကမှာ ရယ်စရာ နာမည်နဲ့ ကျောင်း အမည်တွေ တော်တော် များတယ်။
Pickpocket Primary School ( ခါးပိုက်နှိူက် မူလတန်းကျောင်း ),
Drink Primary School ( ယမကာ မူလတန်းကျောင်း ) and
Prison Primary School. ( အကျဉ်းထောင် မူလတန်းကျောင်း) စတာတွေ တဲ့။

Thighs of a Virgin High School ကတော့ အလွန် "Thighs " လှတဲ့ အမျိုး သားတစ်ယောက်ကို ဂုဏ်ပြု မှည့်ခေါ်ထားတာဖြစ်လို့ တချို့ကသဘော မတူ ကြတာ လို့ဆိုပါတယ်။

ဒါနဲ့ ( "Thighs " ) နဲ့ ဆက်စပ်ပြီး အဖြူတွေနဲ့တွေ့၊ သူတို့ မသိဘူးဆို ပြီး မြန်မာစကား အရမ်းကာရော ပြောလိုက်မိလို့ ဒုက္ခရောက်ရပုံလေး ရှဲ ချင် လို့ပါ။
တက္ကသိုလ်ထဲ ရောက်လာတဲ့ အဖြူ ( ဂျာမန် ) အမျိုးသမီး တစ်ယောက် ကို နောက်ကနေကြည့်ပြီး ကျောင်းသားတစ်ယောက်က
" တိုးရစ်မကြီးက တောင့်တာ " လို့ အသံထွက် မှတ်ချက်ပြုတယ်။
အဲ့ဒီ တိုးရစ်မကြီးက နောက်လှည့်ပြီး

" ကျေးဇူးပါ၊ ဒါပေမဲ့ အဲသလိုပြောတာ သိပ်မကောင်းဘူးလေ၊ တိုးရစ်မကြီး က " ချော "  လိုက်တာလို့ ပြောရင် ပိုလို့ ပျော်စရာ ကောင်းတာပေါ့ " လို့ ပြန်ပြောတယ်။
သေလိုက်ပေါ့ ရွှေမြန်မာ ကျောင်းသား။ အဲ့ဒီ ဂျာမန် အမျိုးသမီးကြီး က မြူးနစ်တက္ကသိုလ်က မြန်မာစာ ပါမောက္ခကြီး။

 ဇင်ဝေသော်

Read more

ဆင်းဂဲလ် ဒိုင်မင်းရှင်း

ဟာရီကိန်း မုန်တိုင်းမကြာမီ ကျလာလိမ့်မယ်လို့ မိုးလေဝသ ဌာနက ခန့်မှန်း ထားပြီးတဲနောက် မိုးသက်လေပြင်း စ ကျလာတဲ့အချိန်မှာ ဆရာ့ဝန့်အိမ်က ဖုန်းမည်သံ ကြားရတယ်။

" ဒေါက်တာ၊ ကျနော့်ဇနီး အရေးပေါ် ဆေးကုသမှုလိုနေလို့ ကြွပေးပါလား "
" ကျနော် လာခဲ့ချင်ပါတယ်၊ ပြဿနာက ကျနော့် ကား ဝပ်ရှော့ ပို့ထားရ တယ်။ ခင်းဗျားကားမောင်းထွက်ခဲ့ပါလား၊ ကျနော် လိုက်ခဲ့မယ်လေ "

အဲဒီအချိန် ဟိုဖက်ကအသံ ခဏတိတ်သွားတယ်၊ ပြီးမှ ဒေါသတကြီးနဲ့...
" ဘာဗျ၊ ဒီလောက် ဆိုးရွားတဲ့ ရာသီဥတု အခြေအနေထဲမှာ ခင်ဗျားဆီ ကျုပ်က ကားမောင်းလာခဲ့ရမယ်၊ ဟုတ်လား " တဲ့။ ။

R.D, Dec, 1984

 ဇင်ဝေသော်

Read more

စကာား " စစ် " ပွဲ

၁ ။ မုသာဝါဒ။ စစ်ကြေငြာခြင်း။
 စေတနာဆိုး မုသာဝါဒဟာ လူမှုရေးပြဿနာ အားလုံးရဲ့ ရေသောက်မြစ်။

၂ ။ ဖရုသဝါစာ။ အသေခံ ဗုံးဖောက်ခွဲခြင်း။ 
တစ်ဖက်သား နာကျင်ဖို့ သူကိုယ်တိုင် အနာခံဖို့ အသင့်ပြင်ထားခြင်း။ ရှောင်ဖို့ သိပ်မလွယ်တဲ့ အကွာအဝေးရောက်မှ ဖရုသဝါစာကိုရော အသေခံ ဗုံးခွဲသူကိုပါ တွေ့မြင်ခွင့်ရ။ နှစ်ဦး နှစ်ဖက် ထိခိုက်၊ အနာတရ ဖြစ်ဖို့များ။

၃ ။ ပိသုဏဝါစာ။ စနိုက်ပါလို တိုက်ခိုက်ခြင်း။ 
ပိသုဏဝါစာပြောတတ်သူက ရှေ့မှာ မပြော၊ ကွယ်ရာကနေ ဆော်တယ်။  ဖရုသဝါစာလောက်ပင် လူမဆန်၊ သတ္တိမရှိ။ မုသာဝါဒ ပြောသူလောက်လည်း ( မဟုတ်တာတော့ မဟုတ်တာပေါ့ ) အရည်အချင်း မရှိ။ တစ်ယောက်နဲ့ တစ်ယောက်သာ နားလည်မှုလွဲ၊ ဘယ်သူ့လက်ချက်လည်းဆိုတာ ချက်ချင်း မသိရ။ ကျည်ဆံတွေသာ ရောက် ရောက်လာတယ် ဘယ်သူက ပစ်နေမှန်း မသိရတတ်။

၎ ။ သမ္မပ္ဖလာပ။ မစ်စ် ဖိုင်းယား၊ လွဲမှား ပစ်မိ၊ ဗုံးချမိခြင်း။ 
တစ်ဖက်သားကို နာကျင်စေဖို့ ဆန္ဒမရှိ။ ဒါပေမယ့် သူ့ကြောင့် တစ်ဖက်သားမှာတော့ မရှုမလှ။ စေတနာ မပါတော့ လက်တုန့်ပြန်လို့လည်းမရတတ်။ တချို့က စေတနာဆိုးမပါ၊ သူပြောချင်ရာ သူပြောတယ်၊ ဂရုမစိုက်တော့  ပြောတာတွေက တစ်ဖက်သားကို သွား သွားထိ။ သူကမသိ။ သိတော့မှ " ဆောရီး၊ အဲသလို မရည်ရွယ်ခဲ့မိ " တဲ့။

ခွေးက လူတွေ အိပ်ယာက နိုးစေလိုတဲ့ စေတနာ မပါ။ သူ ဟောင်ချင်လို့သာ ဟောင်တယ်။ ဘာ့ကြောင့်ပဲ ဟောင်ဟောင် လူ အိပ်ယာက နိုးတာကတော့ အတူတူပဲ။
( စောနေလတ်၊ လူလားမမြောက်သေးသော အတွေးများမှ )

 ကမ်းလက် 

Read more

ကုန်းဘောင် ငလျင် နဲ့ မှတ်စုတို

မန္တလေး၊ ရွှေဘို၊ မုံရွာ၊ မိုးကုတ် စတဲ့ မြန်မာပြည် အလယ်ပိုင်းမှာ လှုပ်သွားတဲ့ ငလျင်ကြောင့် အသက်ဆုံးပါးရရှာသူ၊ ပျက်စီးဆုံးရှုံးမှုများအတွက် မိသားစု များနဲ့ အတူ ဝမ်းနည်းပါတယ်။
( ကမ်းလက် )

ဒါနဲ့ ဆက်စပ်ပြီး သတင်းစာ ဆောင်းပါးတစ်ပုဒ်ထဲကနေ ရေးကူးထားမိတဲ့ မှတ်စု အတိုလေးကို မျှဝေချင်ပါတယ်။ ကြာပါပြီ၊ ခုနှစ် မှတ်မထားလိုက်မိပါ။

" ၇.၆ စကေး ရှိတဲ့ ငလျင် ကာလီဖိုးနီးယားမှာ လှုပ်တော့ လူပေါင်း ၅၀ ကျော် သေဆုံးခဲ့ပါတယ်။

  ၇.၆ စကေးပဲ ရှိတဲ့ ငလျင် ကက်ရှမီးယားမှာ လှုပ်တော့ လူပေါင်း ၃,၀၀၀ ကျော် သေဆုံးခဲ့ပါတယ်။

ဒါတွေကိုကြည့်ရင် သဘာဝဘေးခြင်း တူနေရင်တောင်ဆင်းရဲတဲ့ နိုင်ငံတွေမှာ အဆပေါင်း များစွာ ပိုသေတယ် ဆိုတာ တွေ့ရှိရပါတယ် " တဲ့။
အဆောက်အဦတွေ အဆင့် မမီ ခြင်း ၊ လူဦးရေ ထူထပ်ခြင်း၊ သတင်း အချက် အလက် နောက်ကျခြင်း ( သုိ့ ) မှားယွင်းခြင်း၊ ကယ်ဆယ်ရေး မရှိ ( သို့ ) နှေးကွေးခြင်းတို့ကြောင့် ဖြစ်ပါတယ်။
ဒီတာဝန်က ကျန်ရစ်သူတွေရဲ့ တာဝန်သိ ပခုံးတွေပေါ်မှာ..............

စာနာစွာဖြင့်

ဇင်ဝေသော်

Read more

ပဟေဠိ

ပထမလူ ။       ။ ဘုရားရှင်ရဲ့ လူ့ဥပဒေတွေဖြစ်တဲ့ ငါးပါးသီလတို့ ရှစ်ပါးသီလတို့ဆို ရှင်းနေတာပဲနော်။ ဖတ်လိုက်ရင် တန်းပြီး နားလည်တယ်။ မင်္ဂလသုတ်တို့ သိင်္ဂါလောဝါဒသုတ်တို့ဆိုလည်း လိုက်နာရမယ့် ဝတ္တရားတွေက ရှင်းနေတာပဲ။

ဒုတိယလူ။       ။ ဟုတ်တယ်ဗျ။ လူ့ဥပဒေတွေဖြစ်တဲ့ ငါးပါးသီလတို့ ရှစ်ပါးသီလတို့ ရှင်းနေတာက ဘုရားလက်ထက်က အကြံပေး ပညာရှင် အဖွဲ့ဆိုတာတွေ မရှိသေးလုိ့နေမှာ၊ သုတ္ထန်တွေ အဓိပ္ပါယ်ရှင်းနေတာကတော့ စပိခ်ျ ရိုက်တာတွေ ( Speech writer ) မပေါ်သေးလို့ထင်ပါတယ်။ ထားပါဗျာ၊ ဒီကိစ္စတွေမှာ ဉာဏ်မမီပါဘူး။

ဇင်ဝေသော်

Read more

ဒုက္ခ

ပြည်ကြီးတရုတ်တွေက ယဉ်ကျေးတယ်။ အသက် ၂၇ နှစ် ကျော်တဲ့အထိ အိမ်ထောင် မပြုရသေးတဲ့ ပညာတတ် အမျိုသမီးတွေကို အကျန် အကြွင်း အမျိုးသမီးများ ( left over women ) လို့ ခေါ်ကြတယ်။
ဒါကို တရုတ်အမျိုသမီး အဖွဲ့ချုပ်က ထောက်ခံတယ်။ ပညာရေးနောက် လိုက်ရင်း၊ ချေးများခြင်း စတာတွေကြောင့် ဒီလိုဖြစ်ရတာ သနားစရာ မရှိ တဲ့။ ဒုက္ခ။

လက်ရှိ စစ်လူထွက်အစိုးရ ပါတီခေါင်းဆောင်ရွေးတော့ သမ္မတကြီးပဲ ထပ်ရသတဲ့။ ဒါကို တို့မီး ရှိူ့မီး မီဒီယာက စစ်တပ်ထဲမှာဆို သူရ ဦးရွှေမန်းက စီနီယာပိုကျတယ်၊ ဒါ့ကြောင့် သူ ရမယ်ထင်ထားတာ တဲ့။ စစ်လူထွက်ပါဆို ဘယ်က စစ်တပ် ဝါတွေ ရေတွက်နေကြမှန်း မသိဘူး။ ဒုက္ခ။

ကမ်းလက်

Read more

မြန်မာတွေ ချယ်လ်ဆီး သောက်ကြတယ်

ကိုလိုနီခေတ်တုန်းက ဗြိတိသျှတွေကို
အမြတ်ကြီးစားတွေလို့ ပြောကြတယ်
တံခါးဖွင့် စီးပွားရေး ခေတ်မှာ ဆင်းရဲသားတွေက
ကိုယ့်ဘာသာ ငွေစုပြီး လန်ဒန်က ဘောလုံးအသင်းကို ထောက်ပံ့တယ်။

မြန်မာတွေ ထိုင်းတွေက ထေရဝါဒလို့ အော်ကြတယ်
ကြုံတိုင်းလည်း ငါးပါးသီလတွေ နှုတ်တက် ရွတ်ဆိုကြတယ်
ဒါပေမယ့်
ဘီလျံနာ အေဘရာ မိုဘစ်ကို အခွန်ပေးနိုင်တာက
မြန်မာ နဲ့ ထိုင်း က ဘီယာ နဲ့ ဝီစကီ ကုမ္ပဏီ တွေ။

ဘာပဲ ဖြစ်ဖြစ်
မြန်မာတွေ ချယ်လ်ဆီး သောက် နိုင်ကြပြီ်။ ။

 ဇင်ဝေသော်

Read more

ပရီးမီးယား လိဂ် အစား သတင်းသုံးပုဒ်

၁ ။ အိုင်တီ သတင်း

ဝါရှင်တန် ပို့စ်က နောက်တောက်တောက် ဆောင်းပါးတစ်ပုဒ် ပါလာပါတယ်။
ဒိုင်နိုဆော၊ မျိုးတုန်း ပျောက်ကွယ်။ The Dinosaur. Extinct
မမ်မို့သ်၊ မျိုးတုန်း ပျောက်ကွယ်။ The Mammoth.Extinct
ဒိုဒို ၊ မျိုးတုန်း ပျောက်ကွယ်။ The Dodo. Extinct
မောက်စ်။ မျိုးတုန်း ပျောက်ကွယ်ရန် အကြီး အကျယ် အန္တရာယ် ရှိ။ The mouse. Endangered.
အိုင်ပက် ယဉ်ကျေးမှု ပညာရေးလောကမှာ ထွန်းကားလာတဲ့နောက် ၁၂ အောက် အမေရိက ကလေးတွေဟာ မောက်စ်ကို မသုံးကြရုံသာမက ဒါက ဘာလဲ လို့တောင် မေးကြပါသတဲ့။

၂ ။ အခွန်ရှောင်တဲ့ သူဌေးပေါက်စ

အမေရိကမှာ ဒီအပတ် ပြောစမှတ်ဖြစ်နေတာက ဘီလျံနာ သူဌေးလေး Eduardo Saverin က အခွန် မပေးချင်လို့ အမေရိကန် နိုင်ငံသား အဖြစ်ကို စွန့်လွှတ်ပြီး စင်္ကာပူ နိုင်ငံသား အဖြစ် ခံယူလိုက်ခြင်းပါ။ သူဟာ နှယ်နှယ် ရရ သူဌေး မဟုတ်ပါဘူး၊ Facebook စီအီးအို Mark Zuckerberg အလုပ် စတင်နိုင်အောင် ငွေ အရင်းအနှီး ထုတ်ပေးခဲ့သူလေးပါ။ သူ စင်္ကာပူ နိုင်ငံသား အဖြစ် ခံယူလိုက်ခြင်းက အခွန်နဲ့ မဆိုင်ပါဘူး လို့ သူက ဆိုပေမယ့် ဘယ်သူကမှတော့ မယုံကြည် ကြပါဘူး တဲ့။

၃ ။ သမ္မတကြီး ပေးလိုက်ရင် ပြီးရော

ငြိမ်းချမ်းရေး နိုဘယ်ဆု ပြောပါတယ်။ အီးယူကို ပေးလိုက်တော့ အငြင်းပွားစရာတွေ ဖြစ်ကုန်ရော။
ဆုယူတော့ရော ဘယ်သူတက်ယူမှာတုန်း။အီးယူ ဥက္ကဋ္ဌ Herman Van Rompuy လား ယူရိုပီယံ ကော်မရှင် ဥက္ကဋ္ဌ Jose Manuel Barroso လား။ ငြိမ်းချမ်းရေး နိုဘယ်ဆု တက်ယူဖို့ ( မြန်မာ တချို့လို ) ရန်ဖြစ်နေကြမှ ဒုက္ခ။
ဘာကြောင့် ငြိမ်းချမ်းရေး နိုဘယ်ဆု ပေးရတာလည်းဆိုတော့ ၁၉၅၀ ခု တွေကစလို့ ပြင်သစ် နဲ့ ဂျာမနီ၊ ပြီးတော့ ဥရောပ သမဂ္ဂကို ညီညွတ်အောင် ပေါင်းစည်းပေးနိုင်ခဲ့ လို့ တဲ့။

လှတယ်။ အမေရိကန် သမ္မတ အိုဘားမားသာ နိုဘယ်ဆု ရစဉ်က ဘာမှ မပြောခဲ့ဘူးဆိုရင်။

လွန်ခဲ့တဲ့ သုံးနှစ် သူ နိုဘယ်ဆု ရစဉ် သူပြောခဲ့တာက သူ တကယ် မလုပ်ရသေးတာတွေ အတွက် ရတဲ့ ဆု တဲ့။
ဒီတစ်ခါ ပြောင်းသွားပြီ။ လုပ်ခဲ့ဖူးတာတွေ အတွက် ပေးတဲ့ နိုဘယ်ဆု ဖြစ်သွားပြီ။ အနာဂတ်၊ အတိတ် အတွက် ပေးတဲ့ နိုဘယ်ဆုတွေ။ ပစ္စုပ္ပန်မပါဘူးလို့ ပြောစရာ ဖြစ်နေတာပါ။

ဒါကြောင့် ကျနော်တို့ သမ္မတကြီးကို ပေးလိုက်ရင် ဘာမှ ဝေဖန်စရာ မရှိတော့ဘူး။ ၂၀၁၅ ရွေးကောက်ပွဲ ရောက်ရင်လည်း " ဝိတ် " ညီသွားမယ်။ ဟိုဖက်ကလည်း နိုဘယ် ဆုကြီးနဲ့ ဒီဖက်ကလည်း နိုဘယ် ဆုကြီးနဲ့။
အဲသလို ရွေးကောက်ပွဲမျိုး ဘယ်နိုင်ငံမှ မရှိလောက်သေးဘူး။ နာတာမှ တကယ် နာ။

ဇင်ဝေသော်

Read more

ဝတ္ထုတို နှစ်ပုဒ်

ကြည်ညိုဖွယ် မင်းကွန်းဆရာတော်ကြီး
မန္တလေးမှာ ဒကာတစ်ယောက်က ဆွမ်းလောင်းနေရင်း ကိုရင်လေးကို အားပေးစကားများ လျှောက်ထားနေသည်။
" ကိုရင်လေး ကြီးလာရင် မင်းကွန်းဆရာတော်ကြီးလို ဖြစ်အောင် အခုကတည်း စာတွေ ကြိုးစားပြီး လိုက်ထား ဘုရား၊ မင်းကွန်းဆရာတော်ကြီးက ကြည်ညိုဖို့ သိပ် ကောင်းတာပဲ "

" ဟုတ်တယ် ဒကာကြီး မင်းကွန်းဆရာတော်ကြီးက ကြည်ညိုဖို့ သိပ် ကောင်းတာ "

" ကိုရင်  မင်းကွန်းဆရာတော်ကြီး အတ္ထုပ္ပတ္တိကို သိသလား၊ ဘာဖြစ်လို့ ကြည်ညိုဖို့ သိပ် ကောင်းတာပဲ လို့ ပြောတာလဲ ဘုရား "

"  မင်းကွန်းဆရာတော်ကြီးက ကိုရင်လေးတွေ ဘောလုံးပွဲ ကြည့်ချင်ရင် ကြည့်ပါစေ။ ဘုန်းကြီးတို့ အရွယ်ရောက်ရင် သူတို့ မကြည့်တော့ပါဘူး တဲ့။ ဆရာတော်ကြီး ကြောင့် ကိုရင်တိူ့ အခု ဘောလုံးပွဲ ကြည့်နေရတာပါ "
လို့ မိန့်ရင်း သပိတ်ကိုပိုက် ကြွသွားလေတော့သည်။

ယင်း ဒကာကား အော် ကိုရင်လေး မင်းကွန်းဆရာတော်ကြီးကို ကြည်ညိုတာက သူ့ အကြောင်း နဲ့ သူပေကိုး ဟုသာ မှတ်ချက်ချလိုက်ရလေတော့သည်။

( သီဟနာဒ )


ကိုရွှေဘ ချထားဗျ
ရွာသားတွေ ရွှေဘရဲ့ ရုပ်ရှင်ကား ကြည့်နေကြတယ်၊ ရွှေဘလည်း လူဆိုးတွေနဲ့ ဖိုက်တဲ့အခန်းရောက်ရော ရှေ့က ရွာသားက အားပါးတရ အားပေးနေတယ်
" ရွှေဘတဲ့ကွ၊ ချထား၊ လူဆိုးနှစ်ယောက်ပဲ ကျန်တော့တယ်။ ဟေး ဒါမှ  ရွှေဘကွ "

  နောက်ကလူ သည်းမခံနိုင်တောဘူး၊၊ ဒါနဲ့
" ဟေ့လူ၊ မိုက်ရိုင်းလှပါလား။ မင်း ဘယ်ရွာသားလဲ။ ကိုရွှေဘ လို့ ခေါ်ပါကွ "

ဒီတော့မှ
" ကိုရွှေဘတဲ့ ချထားဗျ "

^ ဇင်ဝေသော်  ^

ကမ်းလက်

Read more

တောင် မြန်မာ မြောက် မြန်မာ ( South Myanmar and North Myanmar )

နိုင်ငံ တစ်ခြမ်းပဲ့....................
ဆော့ နေချက်၊ ဟော့တ် နေချက်၊ ပေ့ါပ် နေချက်၊ တော့ပ် နေချက် က
တရုတ် အန္ဒိယ ခဏ..... မကြွားကြပါနဲ့ဦး။

နိုင်ငံ တစ်ခြမ်းပဲ့ ဟူသည် တောင်ကိုရီးယား။
ဆော့ နေချက် ဟူသည် အိုလံပစ်မှာ အမေရိက၊ တရုတ်၊ အိမ်ရှင်၊ ရုရှား တို့နောက်က နံပါတ် ငါး ချိတ်နေပြီး ဆု ၂၇ ခု မှာ ရွှေက ၁၃ ခု။ ငွေ ၄၊ ကြေး ၄။

ဟော့တ် နေချက်ဟူသည် ကိုရီးယား ဒရားမား ဇာတ်ကားများကိုဆိုလိုသည်။ မြန်မာ ဘိုးဘိုး ဖွားဖွား တို့ ရှက်နေစရာမလို၊ တစ်ကမ္ဘာလုံး အနည်းဆုံးအာရှတစ်တိုက်လုံး က ဘိုးဘိုး ဖွားဖွားလည်းထိုင်ကြည့်နေကြရသည်။ မဇ္ဈိမဒေသ အပါအဝင်။

ပေ့ါပ် နေချက် ဟူသည် ကေ ပေါ့ပ် ( K-Pop )ကိုဆိုလိုသည်။ ဂျပန်တွေ အပါအဝင် လက်မြှောက်ထားရသည်။

တော့ပ် နေချက် ဟူသည် ဆမ်ဆောင်း ဂလက်စီ တက်စ် တည်း၊ သူ လုပ်လို့ နိုကီယာ ဗုန်းဗုန်းလဲကျသွားပြီ၊
အခု ပန်းသီးနဲ့ သူတင်ကိုယ်တင်။ ဟန်းဖုန်းမှာ ကမ္ဘာ့တစ်။

တကယ်ဆို တရုတ် အန္ဒိယ မီလျံနာတွေဆိုတာ ၁၉ ရာစုက အမေရိကန် မီလျံနာတွေလိုပါဘဲ။
ပြည်တွင်း ဆင်းရဲသားတွေကို ဈေးချိုချိုနဲ့ ခိုင်းပြီးဖြစ်လာတာ များတယ်။
အင်္ဂလိပ် ရုံးသုံးစကားဖြစ်မှ ကမ္ဘာမှာ "တစ်" ဆိုတဲ့ လီကွမ်းယုတို့လည်း ဆင်ခြင်စရာ။

၂၁ ရာစု အာရှကျားက တရုတ် အန္ဒိယမဟုတ်၊ ဂျပန်ပြုတ်၊ နိုင်ငံ တစ်ခြမ်းပဲ့ ဗိုလ်လုပ်နေတယ်။
Well-rounded အဖြစ်ဆုံး။ အရည်အသွေး တစ်ခြမ်းမပဲ့။

မြန်မာပြည်ကိုတောင်မှ တောင် မြန်မာ မြောက် မြန်မာ ( South Myanmar and North Myanmar )
ခွဲပစ်လိုက်ရတော့ မလိုလို။
ဟျွန်ဂျူးတို့ နိုင်ငံမို့ အမွှမ်းတင်နေတာ မဟုတ်ရပါ။

ကမ်းလက်

Copyright © 2012 ကမ်းလက်. All rights reserved.

Read more

စိတ်ဝင်စားတဲ့ သတင်းသုံးပုဒ်

၁။ ရှစ်လေးလုံး ၂၄ နှစ်မြောက် နှစ်ပတ်လည် လူထုစုဝေးပွဲကို အစိုးရက ခွင့်ပြုရုံသာ မက ကျပ်ငွေ ဆယ်သိန်းတောင် ($$ 1400) ရံပုံငွေ အဖြစ် ထည့်ဝင်ပေးသတဲ့။ တော်တော်ကြီးကို ပြောင်းလဲလာတာလို့ ဆိုရမှာပါ !! ဒါနဲ့ စင်ကာပူက နေရှင်နယ်ဒေး နဲ့ မြန်မာတို့ ရှစ်လေးလုံး နေ့ တိုက်ဆိုင်နေတာ တွေ့ရတယ်။ မြန်မာတွေက သူတို့ နေရှင်နယ်ဒေး ကို စိတ်မဝင်စားအားသလို သူတို့လည်း ရှစ်လေးလုံး အကြောင်း မသိကြဘူး။ လူတိုင်းသိတဲ့ စင်ကာပူက သတင်းတစ်ပုဒ်တော့ မပြောတော့ဘူး။

၂။ "Oops' it's Sikh, not Sheikh, Mr Romney." ရီပတ်ဘလစ်ကန် သမ္မတလောင်းက ဆစ်ခ် ဘုရားကျောင်းမှာ သေဆုံးသွားခဲ့ရတဲ့ ဆစ်ခ်ဘာသာဝင်တွေအတွက် ဝမ်းနည်းသဝဏ် ပြောရာမှာ ဆစ်ခ် ( Sikh ) လို့ အသံမထွက်ဘဲ ရှေးခ် ( Sheikh ) လို့ အသံမှားထွက် သတဲ့။ ရှေးခ် က အာရပ်လို ဂုဏ်ပြု၊အရိုအသေပေး တာပါတဲ့။ ဘာမှ မဆိုင်ရှာဘူး။ ဒါပေမယ့် သမ္မတလောင်းတွေ အသံထွက်မှား တာနဲ့ ပတ်သက်လို့တော့ အထူးအဆန်းမဟုတ်ပါဘူး။ ဂျော့ဂ်ျ ဘုရ်ှဆိုလည်း နျူးကလီးယားကို နူးကလား လို့ပဲ အသံထွက်ပါတယ်။ ဂျာနယ်တွေက ရှက်လို့ဆိုပြီး ဆောင်းပါးတွေ ရေးကြတယ်။ ရှက်လည်း သေရုံပဲရှိမယ်။ ဂျော့ဂ်ျ ဘုရ်ှကတော့ နူးကလား ကနေ တစ်ပြားမှ မလျှော့ခဲ့ဘူး။ အင်္ဂလိပ်စာသင်စ ဂျော့ဂ်ျ ဘုရ်ှရဲ့ မိန့်ခွန်းတွေ နားထောင် ဖတ် ကျက် ရင်း ဒီ သတင်းကြောင့် စိတ်ညစ်ခဲ့ရဖူးတယ်။ ဆရာက စ မှားရတယ်လို့။ အသံထွက် မှားသွားရင် ငါ့ဆရာကကို မမှန်တာလို့ ပြောစရာတော့ ရသွားတယ်။ ဒါကို အမေရိကန်တွေ၊ အင်္ဂလိပ်တွေက သဘောကျ ကြတယ်။

၃။ ကမ္ဘာ့အမြန်ဆုံးလူသား ဂျမေကာသား ဦးစိန်ဗိုလ်က ( U Sain Bolt ) အပြေးသမားဘဝကနားပြီး မန်ချက်စတာ ယူနိုက်တက်မှာ ဘောလုံးကစားချင်သတဲ့။ ဒါကို ဖာဒီနန်က စွတ်ထောက်ခံနေတယ်။ သူ့ ဘော့စ် ဖာဂူဆန်ကို ပြောပေးမယ် တဲ့။ နောက်တန်းသမားတွေရှေ့မှာ ပေါလ်စခိုးလ် နဲ့ တွဲကစား တဲ့။ သူတို့ အချင်းချင်း တွစ်နေကြတာ။ ရွန်နီက သဘောမတူလို့ ပြန်တွစ်တယ်။ ကိုယ့် နေရာကို နေပါ၊ အားကစားခြင်း မတူပါဘူး တဲ။ မတူတဲ့ အကစားတွေ ပြောင်းကစားပေမယ့် အောင်မြင်တဲ့ သာဓကတွေ ရှိဆိုပဲ။ စိတ်ဝင်စားစရာ။ ဖာဂူဆန်က အိုကေဆိုရင် ဦးစိန်ဗိုလ်က အိုးထရက်စဖို့ကို ပြေးလာမှာ တဲ့။ ဒါဆို ရော်နာဒိုက အမြန်ဆုံး ဘောလုံးသမား မဖြစ်နိုင်တော့ဘူး။ ဦးစိန်ဗိုလ်က ရော်နာဒို ဆရာ ကိုး။ ဘောလုံးကျန်နေရစ်ခဲ့ရင်သာ ရှိမယ် လူကတော့ အမြဲရှေ့က ရောက်နေမှာ သေချာတယ်။ ဂိုးမဝင်တောင် လူဝင်လို့ ရတာပေါ့။

ကမ်းလက်

Copyright © 2012 ကမ်းလက်. All rights reserved.

Read more

သာရေး နာရေး၊ လွမ်းတာနဲ့ ဝမ်းစာ

မနေ့က အဖွားကြီးတစ်ယောက်ရဲ့ ဈာပန ကို သွားခဲ့ရတယ်၊ ရေစက်ချလို့အပြီး ယူလော်ဂျီတွေ ပြောကြတဲ့ အထဲမှာ သွားလေသူရဲ့ မြေးမကလေးနဲ့ သူမကို အနီးကပ် စောင့်ရှောက်ခဲ့ရတဲ့ အိမ်ဖော်မလေးလည်း ပါဝင်ခဲ့တယ်။

ထူးဆန်းတာက မြေးမလေးက မျက်ရည်လည်း မကျ ဘာမှလည်း ထူးထူးခြားခြား မခံစားရသလို ပြောသွားခဲ့ပေမယ့် အိမ်ဖော်မလေးကတော့ ဝမ်းနဲ တကြီးငိုနေတာနဲ့ ယူလော်ဂျီတောင် ကောင်းကောင်း အဆုံးမသပ်နိုင်ဘူး။

ဘာမှမဟုတ်ပေမယ့် စဉ်းစားစရာတွေတော့ အများကြီးပဲ။ မြေးမလေးက အမှန်တကယ် တည်ငြိမ်တာလား၊ အိမ်ဖော်မလေးက အဖြစ်သည်းတာလား။ မဆုံးခင်မှာ သွားလေသူနဲ့ အနီးဆုံးမှာ ရှိနေခဲ့တာ၊ သူ့ ဒုက္ခကို နားလည်နိုင်တာက မြေးမလေးလား၊ အိမ်ဖော်မလေး လား။

လူနာဆုံးသွားရင် ကျမလဲ အလုပ်ပြုတ်သွားပြန်ပြီလို့ တစ်ခါက အိမ်ဖော်မလေးတစ်ယောက် ပြောခဲ့တာက မဆီမဆိုင် ခေါင်းထဲ ဝင်လာသေးတယ်။

အရင်က ရှုပ်ပြီးသား ဘဝထဲ ခေတ်သစ် လူနေမှုစနစ်ဖြစ်တဲ့ အချိန်ပါးလျမှု၊ မနေမနား ရုန်းကန်နေရမှု ( ကြွက်ပြိုင်ပွဲ-rat-race ) ထည့်လိုက်တော့ သံယောဇဉ် အထူ အပါး နဲ့ နေရာ အထားအသိုတွေလည်း လွဲသွားနိုင်တာဘဲ မဟုတ်လား။

ရေးတတ်ရင် ဝတ္ထု တစ်ပုဒ်ပါဘဲ။ နေရေး သေရေး။ သာရေး နာရေး။ လွမ်းတာနဲ့ ဝမ်းစာ။ ဘဝ ထိုထိုတို့သည် .....................

သီဟနာဒ

Copyright © 2012 ကမ်းလက်. All rights reserved.

Read more

ဝါဆို မှတ်စုတို

ဝါဆို ကို အင်္ဂလိပ်လို ပြောရာမှာလည်း ပါဠိလို " Vassa " ဗတ်စ လို့ပဲ ပြောကြပါတယ်။
မြန်မာက ဝါဆို၊ သီဟိုဠ်က ဝတ်စ် ( Vas ) လို့ပဲ အတိုခေါ်ပါတယ်။
ဝါကပ် ဝါဆိုတာကို " Vassa observation " လို့ အသုံး များပါတယ်။
ဝါတွင်း သုံးလ ကိုတော့ "Rainy or raining retreat" လို့ အသုံး များပါတယ်။
နှစ်ဝါထပ်တဲ့ အခါ မြန်မာရဟန်းတော်တွေက ဒုတိယ ဝါဆိုလမှာသာ ဝါကပ်ကြပြီး
သီဟိုဠ် ရဟန်းတော်တွေကတော့ ပထမဝါ ( သို့ ) ဒုတိယဝါ
မိမိတို့ ကျောင်းတိုက် သဘောအရ ဝါကပ်တော် မူကြကြောင်း သိရပါတယ်။

ကမ်းလက်

Copyright © 2012 ကမ်းလက်. All rights reserved.

Read more

တန်ပြန် အကျိုးသက်ရောက်မှု

ကျောင်းမှာ ဥပဒေအသစ် ထုတ်လိုက်ကြသည်။
ဖူးလ် မွန်း၊ နယူး မွန်း နှင့် တနင်္ဂနွေ ဘုရားရှိခိုးချိန်တွင် သံဃာတော်များကို
လေးစားသောအားဖြင့် သံဃာတော်များ ခုံပေါ်တွင် သီတင်းသုံးပြီးမှ
လူပုဂ္ဂိုလ်များ ကြမ်းပြင်တွင် ထိုင်ရန်၊ ထို မတိုင်မီ လက်အုပ်ချီ မတ်တပ်ရပ် နေကြရန်ဖြစ်သည်။

ယင်း ဥပဒေအသစ် ၏ တန်ပြန် အကျိုးသက်ရောက်မှုက
ရဟန်းတော်များကိုယ်တိုင် အရင်နှင့် မတူ (လူ ပုဂ္ဂိုလ်များ အကြာကြီး ရပ်စောင့် မနေရရန်)
အမြန် ထိုင်ပေးနေရခြင်းပင်ဖြစ်သည်။

ကိုယ့်ရှူး ကိုယ်ပတ်သော ဥပဒေဖြစ်ကြောင်း သိလိုက်ရ၏။

သီဟနာဒ

Copyright © 2012 ကမ်းလက်. All rights reserved.

Read more

သိပ္ပံနဲ့ ကျနော်တို့အမြင်

၁။ တာရာမင်းဝေ

တာရာမင်းဝေကတော့ လူငယ်ဆန်ဆန် လူငယ်ကြိုက်ပဲ ပြောခဲ့တယ်။
"သိပ္ပံပညာတွေ ဘယ်လောက်ပဲ တိုးတက် တိုးတက် ကွဲနေတဲ့ အသည်းကိုတော့ ပြန်ဆက်အောင် မစွမ်းနိုင်သေးပါဘူး" တဲ့။

၂။ စတန်နီ

သူကတော့ သိပ္ပံပညာကို သရော်သံ စွက်စွက်နဲ့ ကြည့်တယ်။
"သိပ္ပံပညာတွေ ဘယ်လောက်ပဲ တိုးတက် တိုးတက် ရိုးရိုးလှေကားထက် စက်လှေကားက ပျက်တာ ပိုများတယ်" တဲ့။

၃။ ဂျော့ ဘားနတ်ရှော

သူကတော့ ပိုပြီးတောင် သရော်သံ စွက်နေပါသေးတယ်၊ သိပ္ပံပညာကို လူနဲ့ရောပြီးတောင် သရော်လိုက်သေးတယ်။
နွားနို့ညှစ်စက် တီထွင်နိုင်တဲ့ သူ့တပည့်တွေက သူ့ကို လာကြွားကြတယ်။
"ဆရာကြီး ဒီနေ့ကစလို့ လူကိုယ်တိုင် နွားနို့ညှစ်စရာမလိုတော့ဘူး၊ ကျနော်တို့ နွားနို့ညှစ်စက်ကို တီထွင်နိုင်ပြီ။"

"ဒါနဲ့ မင်းတို့စက်ကလူကို အစားထိုးတာလား၊ နွားမကို အစားထိုးတာလား"
"လူကိုပေါ့ ဆရာကြီးကလည်း"
"နွားမကိုရော အစားထိုးလို့ မရဘူးလား"
"ဘယ်ရမလဲ ဆရာကြီးကလည်း"

"ဟင် လူကိုတော့ စက်နဲ့အစားထိုးလို့ရတယ်၊ နွားမကိုတော့ မရဘူး၊ ဒါဆို လူက နွားမလောက်တောင် အသုံးမကျ၊ မရှိမဖြစ် မဟုတ်လို့ပေါ့ ကွာ" တဲ့။

၎။ ဇင်ဝေသော်

ဆိုပါတော့ သိပ္ပံပညာက ကွဲနေတဲ့ အသည်းကို ပြန်ဆက်ပေးနိုင်တယ်၊ နွားမကိုလည်း စက်နဲ့ အစားထိုးပေးနိုင်တယ်။
ဒါဆိုရင် အသည်း နဲ့ နွားမက စက်လှေကားလို ခဏ ခဏ ပျက်သွားနိုင်တာပေါ့။

(ဇင်ဝေသော် ၊ ကမ်းလက်)

Copyright © 2012 ကမ်းလက်. All rights reserved.

Read more

အပြေးမြန်တဲ့ သောတာပန်

မိတ်ဆွေရဟန်းတစ်ပါးနှင့်အတူ သူ၏ရဟန်းဒကာ၊ဒကာမများနေထိုင်ရာ တာမွေကို အလည်လိုက်ခဲ့ဖူးသည်။ အတန်ကြာ စကားပြောပြီးတဲ့နောက် ယင်း ရဟန်းဒကာသည် သောတာပန်ဖြစ်နေပြီဖြစ်ကြောင်း(သူ့ပြောစကားများအရ)သိလိုက်ရသည်။

ဘုရားရှင်လက်ထက်တော်က ပရစိတ္တဝိဇာနန ဉာဏ် ရနေပြီးသော ဒကာမကြီးကျောင်း၌ သီတင်းသုံးနေရရှာသော ရဟန်းများကဲ့သို့ဖြစ်ချိမ့်မည် ဟုတွေးမိကာ မိတ်ဆွေ ပုထုဇဉ်ရဟန်းအတွက် ( မလွယ်ကြောပဲ ) ဟုတွေးမိသည်။

ဆွမ်းစားပြီး မြို့ပတ်ရထားစီးပြန်ရန် ထွက်ခဲ့ကြသည်။ ထိုဒကာကြီးက ဘူတာကို လိုက်ပို့သည်။ ထိုစဉ် မြို့ပတ်ရထားကလည်း အလျင်အမြန်ရောက်လာသည်။

ဒကာကြီးက ရထားလွတ်မှာ စိုးရိမ်သည့်အတွက် ရဟန်းနှစ်ပါးကိုဖြည်းဖြည်းသာကြွလာခဲ့ကြရန် မှာထားခဲ့ပြီး လက်မှတ်ဖြတ်ရန် အမြန်ပြေးလေတော့သည်။ သူ့ရဟန်းက ခပ်နောက်နောက် တိုးတိုးလေးပြောသည်။

"သောတာပန် ဒကာက အပြေးတော့သန်သားဘဲ"
သူပြောသည့်စကားကိုပြုံးမိပြီး
"အင်းလေ ရထားလွတ်မှာ စိုးရိမ်ရရင်တော့ သောတာပန်လည်း ခြေသွက်ရတော့တာပေါ့။
သူက အာပတ်သင့်စရာမှ မရှိတာပေပဲ"။

(ကမ်းလက်၊ သီဟနာဒ)

Copyright © 2012 ကမ်းလက်. All rights reserved.

Read more