အုန်းပင်လေးက ပြတဲ့တရားသံ

ဤအုန်းပင်လေးသည် ပုံပြင်ဟောင်းထဲက အဘိုးအို၏ သရက်ပင်လည်းဖြစ် ပါသည်။ သို့သော် ဤအုန်းပင်လေးကို ကျွန်ုပ်စိုက်ပျိုးစဉ် အုန်းပင်နှင့်ပတ် သက်ပြီး မေးခွန်းတွေလာမေးသည့်မင်းသာငယ်တော့ မရှိခဲ့ပါ။ ယနေ့ခေတ်မင်းသားများ အသုံးလုံး ကျေသွားပြီဖြစ်သောကြောင့် ဖြစ်ဟန်တူ ပါသည်။ ထို့ကြောင့် ကိုယ်တိုင်ပင် အဘိုးအို၊ ကိုယ်တိုင်ပင် မင်းသာငယ် လုပ်ခဲ့ ရပါသည်။ သင်နှင့်မဆိုင်လှသော်လည်း ကျွန်ုပ်ဘဝနှင့်ဆက်စပ်နေသဖြင့် ရေး ချင်ပါသည်၊ ရေးပါမည်။

စင်္ကာပူရောက်လာသော်လည်း မည်၍မည်မျှကြာအောင်နေမည်၊ နေခွင့် ရမည် ဆိုသည့်ကိစ္စက ထပ်တလဲလဲမေးမိသော မေးခွန်းတစ်ခုဖြစ်နေခဲ့သည်။ ပီနန် ဆရာတော်ကြီးကတော့
"နိုင်ငံခြားမှာ ဘုရားဝါနဲ့နေရတာမဟုတ်၊ အင်မီဂရေးရှင်းဝါ(သူတို့ခွင့်ပြုသည့် ရက်၊ လ၊ နှစ် အပိုင်းအခြား)နဲ့ နေရတာ"
ဟု ရှင်းကနဲဖြစ်အောင် မိန့်ကြားဖူးသည်။ ရှိစေ၊ ကျွန်ုပ်ဆိုချင်သည်က
"ငါ အကြာကြီးနေချင်မှနေမှာ၊ နေခွင့်လည်း သူတို့က ပေးချင်မှပေးမှာ ဆိုပြီး ရေရှည်စီမံကိန်းများ မရေးဆွဲခဲ့မိ"
ဆိုတာဖြစ်ပါသည်။

မှားခဲ့ပါသည်။ အမှန်တကယ် ရေရှည်စိတ်ကူးနဲ့အလုပ်လုပ်လာသောအခါ ကိုယ်တိုင်က ဤဝန်းကျင်မှာ ပျော်လာသလို သူတို့ကလည်းမိမိကို ဆက်ရှိနေစေ ချင်လာသည်။ ဥပမာ မိမိတစ်ဦးတည်း အလှူပြန်လုပ်မည်ဆိုတာကိုပင် လက်မခံ၊ သူတို့ပါလိုက်မည်ဆိုပြီး ဥက္ကဋ္ဌကစတင်လိုက်ရာ တစ်ပတ်အတွင်း လူပေါင်း ၃၄ ယောက်ဖြစ်သွားသည်။ အမှန်မူ အများစုမှာ ခွင့်ရက်မရှိ၊ ရှိသည့် ခွင့်ရက် များကိုလည်း ဘယ်သွားမည်၊ ဘာလုပ်မည် စသဖြင့် စီစဉ်ခဲ့ကြပြီးဖြစ်သည်။ သူတို့၏ တစ်စိတ်တစ်ဝမ်းသဘောထားကို ကျေးဇူးတင်ရပါသည်။
ဤအုန်းပင်လေးသည် ခပ်ညံ့ညံ့ကျွန်ုပ်စိတ်ကူးကိုတော်လှန်လိုက်နိုင်သည့် သင်္ကေတလေးမျှသာဖြစ်ပါသည်။

ယခု ဤအုန်းပင်လေး ၆ နှစ်သားရှိပါပြီ။ အသီးများလည်း ဝေဝေဆာဆာသီးနေပြီဖြစ်ပါသည်။ အကယ်၍များ ဒီမှာ ငါက ဘယ်လောက်အကြာကြီးနေမှာမို့လဲ ဆိုသည့် အတွေးဆိုးသာရှိနေလျှင် ဘယ်နည်းနဲ့မှ ဤအုန်းပင်လေးရှိလာစရာမရှိပါ။ အမှန်မူ လုပ်စရာရှိတာကို လုပ်လိုက်မိဖို့သာ အရေးကြီးပါသည်။
အကယ်၍ စင်္ကာပူမှာ ကျွန်ုပ်မရှိခဲ့သော် ကျွန်ုပ်နောက် ရောက်လာမည့်သူများ စားသုံးကြပါလိမ့်မည်။
သူတို့ မစာသုံးကြ၊ အလှထိုင်ကြည့်နေကြမည်ဆိုလျင် ကမ္ဘာ့အလှတရားထဲ ဤအုန်းပင်လေးပါသွားပါလိမ့်မည်။
အုန်းသီး၊ အုန်းလက်များကြွေကျသည်ဆိုရာ၌ပင် အုန်းသီး၊ အုန်းလက်များသည် ကမ္ဘာမြေကိုဖျက်ဆီးမည့် ပလပ်စတစ်၊ ရော်ဘာများမဟုတ်သဖြင့် မြေဩဇာဖြစ်နိုင်ပါသည်။

အကြာကြီးနေဖြစ်မှာ မဟုတ်ပါဘူးဆိုသည့် ကျွန်ုပ်အတွေးကို ဤအုန်းပင်လေးက သရော်နေသည်။
ထို့အတူ အများအတွက်တစ်ခုခု လုပ်တော့မှာဆိုရင် အခု စလိုက်ပါ၊ နောက် မကျသေးဘူးဟုလည်း တရာပြနေသလိုဖြစ်နေပါသည်။

ထို့အပြင် အခြားအုန်းပင်များနည်းတူ ဤအုန်းပင်လေးသည်လည်း ဖြောင့်မတ် မနေရှာပါ။
ဖြောင့်မတ်ဖို့လား၊ အုန်းသီးဖို့လား။
အကယ်၍ ဖြောင့်မတ်နေသောအုန်းပင်လေးတစ်ပင်ကို မျှော်လင့်ထားမိပါက ကျွန်ုပ်တောင်းဆိုမှုက အတန်ငယ်များသွားပြီထင်ပါသည်။
သဘာဝကိုနားလည်ဖို့ မနက်တိုင်း ဤအုန်းပင်လေးကတရာပြနေသည်။
မျက်မှောက်ပြုနိုင်၊ မပြုနိုင်က ကျွန်ုပ်ညံ့ဖျင်းမှု အထူအပါးနှင့်သာ ဆိုင်ပေလိမ့်မည်။

ဤအုန်းပင်လေးသည် ပုံပြင်ဟောင်းထဲက အဘိုးအို၏ သရက်ပင်လည်းဖြစ် ပါသည်။
သို့သော် ဤအုန်းပင်လေးသည် ပုံပြင်ထဲက အဘိုးအို၏သရက်ပင်လည်း မဟုတ်ပါ။

Read more

Dog တစ်ကောင်ရဲ့ God ထံပေးစာ

(New version for dog lovers)

"နောက်ဆုံး "အချစ်ဆုံးသတ္တဝါ ခွေး" လို့ လူသိရှင်ကြား စတေးတပ် တင်ကြ တဲ့ကောင်မလေးတွေနဲ့ပတ်သက်ပြီး သူတို့စတေးတပ် တကယ်မှန်၊ မမှန် စုံစမ်းထောက်လှမ်းဖို့ "Watch dog" တွေကို တာဝန်ပေးထားပါသလား၊ စတေးတပ်နဲ့ မညီညွတ်ခဲ့သော် သူတို့အပေါ် အရေးယူဒဏ်ခတ်မှုက ဘယ်လို မျိုးပါလဲ။ မမှန်ခဲ့ဘူးဆိုရင်တောင်...သူ့တို့အမေတွေက မုန့်ဖိုးလျှော့ပေးရုံ..."

ကျနော်က ခွေးတစ်ကောင်ပါ။ မရှင်းမလင်းတာလေးတွေ မေးချင်လို့ ခွင့်ပြုပါ။ ဒီမိုကရက်တစ်ကျကျ ဖြေဆိုပေးလိမ့်မယ်လို့ ယုံကြည်ပါတယ်။

၁။ ထာဝရဘုရားရှင်ရဲ့ လက်ရှိရာထူးက ပါတီစုံစနစ်နဲ့ ရွေးကောက်တင်မြှောက် ထားတဲ့ရာထူး မှန်ပါသလား။ Please don't mind နော်ဖျာ့။

၂။ မကြည့်ချင် မမြင်ချင်လို့ မျက်စိမှိတ်ပြီး လူရဲ့ ခြေသလုံးကိုဆွဲလိုက်မိတာ ဟာ ခွေးအခွင့်အရေး ချိုးဖောက်ရာ ရောက်ပါသလား။

၃။ ဘာရယ်မဟုတ် မည်းမည်းမြင်ရာ ဟောင်လိုက်မိတာကို နောက် က ခွေးတွေ ကလည်း (ဘာရယ်မဟုတ်) တအုံကြီးလိုက်ဟောင်ကြတယ်။ ဒါဆို သူတို့က ကျနော့်ကို "Like" လုပ်တာလား "Share" လုပ်တာလား။

၎။ အဲသလို ဖြစ်လာရင် ကျနော်ဟာ စည်းရုံးရေးကောင်းသူ ဖြစ်ပါပြီလား။ နိုင် ငံရေး လုပ်လို့ရပြီလား။

၅။ နိုင်ငံရေးပါတီတွေထဲမှာ ခွေးသားမစားတဲ့ ပါတီမရှိသေးပါ။ ခွေးသား မ စားတဲ့ ပါတီကိုပဲ မဲပေးလိုခြင်းဟာ အမြင်ကျဉ်းမြောင်းခြင်း ဟုတ်ပါသလား။ ဒါမှမဟုတ် ဒီမိုကရေစီကို နားမလည်ခြင်းလား။

၆။ "လူမှာအဝတ်၊ တောင်းမှာအကွတ်" တဲ့။ ဖြစ်သင့်တာက "ခွေးမှာအဝတ်၊ တောင်းမှာအကွပ်" ပါ။ လူတွေကအဝတ်အစား ပြောင်းဝတ်ပြီး ထင်ရာတွေလုပ်နေနိုင်တယ်။ တကယ်က "လူမှာကျင့်ဝတ်၊ တောင်းမှာအကွပ်" မဟုတ်ဘူးလား ဖျာ့။

၇။ စစ်ဗိုလ်ချုပ်လူထွက်တွေအချင်းချင်း ဦးသူကထောင်ချနေတာကို ဘာလို့ "Dog eats dog" လို့ ခေါ်ကြပါသလဲ။ "General eats general" ဖြစ်သင့်တယ် မဟုတ် ဘူးလား။

၈။ ကျနော်နဲ့ ဟိုဘက်အိမ်က ခွေးမလေး (ကိုးကွယ်မှု မတူပါ) ရပြီး ခွေးလေး ငါးကောင်မွေးလာပါတယ်။ သူတို့ဟာ ဗုဒ္ဓဘာသာဖြစ်သင့်သလား၊ မွတ်စ လင်ဖြစ်သင့်သလား၊ ခရစ္စယန်ဖြစ်သင့်သလား။ မျက်နှာမလိုက်ကြေးနော် ဖျာ့။

၉။ ကောင်းကင်ဘုံမှာဆိုရင် ကျနော်တို့နေရာဟာ ဆိုဖာလား၊ တံခါးပေါက် လား၊ အမှိုက်ပုံလား။

၁၀။ ကောင်းကင်ဘုံရောက်ဖို့ တွေ့တဲ့လူတိုင်းကို "အဘ" ခေါ်စရာ လိုသလား။

၁၁။ "ခွေးတောင် ကျွေးတဲ့လက်ကို မကိုက်ဘူး" ဆိုတဲ့ စကားပုံဟာ ကျနော် တို့ကို နှိမ့်ချဆက်ဆံရာ (ဒစ်စ်ခရိုင်မီနေးရှင်း) မရောက်ဘူးလား။

၁၂။ ကျနော်တို့ ကစားနေကျ၊ အီးအီးပါနေကျ အဆောက်အဦကြီးဟာ အ ခု ဟော်တယ်ဖြစ်တော့မယ်လို့ ကြားရပါတယ်။ ဒါကိုပဲ ပြုပြင်ပြောင်းလဲခြင်း (Reform) လို့ ခေါ်ပါသလား။

၁၃။ ဟော်တယ်ဖြစ်သွားရင် ကစားလို့၊ အီးအီးပါလို့ မရတော့ပါ။ ဒီ အတွက် ကျနော်တို့က နစ်နာကြေးတောင်းဆိုရင် ရနိုင်ပါသလား။ တည်ဆဲ၊ တည် ဖို့ကြိုးစားဆဲ ဥပဒေတွေနဲ့ ညီညွတ်ပါသလား။

၁၄။ မျက်စိနောက်လောက်အောင် ဝတ်စားထားတဲ့လူတွေကို ဟောင် မိတဲ့ အတွက် တောင်ပန်စကားပြောဖို့ (အပေါ်လောဂျိုက်ဇ်) လိုအပ်ပါသလား။ ဒါမှမဟုတ် ဒါဟာ ကိုယ်ပိုင် လွတ်လပ်ခွင့်လား။

၁၅။ နောက်ဆုံး "အချစ်ဆုံးသတ္တဝါ ခွေး" လို့ လူသိရှင်ကြား စတေးတပ် တင်ကြတဲ့ကောင်မလေးတွေနဲ့ပတ်သက်ပြီး သူတို့စတေးတပ် တကယ်မှန် မမှန် စုံစမ်းထောက်လှမ်းဖို့ Watch dog တွေကို တာဝန်ပေးထားပါသလား၊ စတေးတပ်နဲ့ မညီညွတ်ခဲ့သော် သူတို့အပေါ် အရေးယူဒဏ်ခတ်မှုက ဘယ်လိုမျိုးပါလဲ။ မမှန်ခဲ့ဘူးဆိုရင်တောင် အများကြီးတော့ အရေးမယူစေချင်ပါ။ သူ့တို့အမေတွေက မုန့်ဖိုးလျှော့ပေးရုံ၊ ဟန်းဖုန်းကို ဆိုင်းလင့်လုပ်၊ လက်ကိုင်အိပ်ထဲထည့်ထားပြီး ပျောက်လို့ဆို ဒေါင်ချာစိုင်းအောင် လိုက်ရှာနေတာလောက်တော့ လုပ်သင့်တယ်ဖျာ့။ ဒါမှ မှတ်သွားကြမှာ။

ကျေးဇူးပြုပြီး ဒီမိုကရက်တစ်ကျကျ ဖြေဆိုပေးပါ။ ဒါဟာ လူတွေလို ကွန်ပ လိန်းတက်နေခြင်း၊ အခွင့်အရေးတွေ တောင်းဆိုနေခြင်းမဟုတ်ဘဲ အင်တယ် လက်ကျူယယ်မေးခွန်းသက်သက်တွေမို့ ဖြေဆိုပေးမယ်လို့လည်း ယုံကြည် ထားပါတယ်။

(ဝေါင်း ဝေါင်း ဝေါင်း)
လေးစားစွာဖြင့်
ခရစ္စတိုဖာ စတီဗင် အောင်နက်
မြန်မာပြည် 

Read more

မြင်ချင်တယ် ဒီမာရီယားနဲ့ဒေါ်စု

ပုံရိပ်တစ်

ထုံးဖြူဖြူစည်းကြောင်းလေး မကျော်ခင်၊ အနက်ရောင်ဝတ်စုံနဲလူကြီးရဲ့ တံပိုး ခရာသံ မညံခင်အထိ ဇာဘာလက်တာနဲ့ဒီမာရီယား၊ အဂွေးရိုးနဲ့ ရိုဂျို (ရိုဟို)တို့ဟာ ပခုံးတွေဖက်ကြမယ်၊ ခေါင်းတွေပုတ်ကြမယ်။ ဂျာမဏီရဲ့လက်ချက်နဲ့ ဘာသာဗေ ဒတူမျက်ရည်တွေ အတူတူကျခဲ့တာမဟုတ်လား။ အဲ ဒါပေမဲ့ ထုံးဖြူဖြူစည်းကြောင်းလေးကို ကျော်လိုက်တာနဲ့ လက်သီးတွေကျစ်ကျစ်ဆုတ်၊ ခရာမှုတ်လိုက်တာနဲ့ အပြန်အလှန် သတ်ကြပုတ်ကြတော့မယ်။ သူတို့ မုန်းလို့ မဟုတ်ကြဘူး။ မုန်းလည်းမမုန်းမိကြပါစေနဲ့။ အနီရောင်ကောင်းကင်ကို ဒီ မာရီယားကဦးဆောင်လာမှာဖြစ်သလို အပြာရောင်ပင်လယ်မှာ အဂွေးရိုးက ပဲ့ကိုင်ရွက်လွှင့်လာလိမ့်မယ်။ ဒီပွဲမျိုးမှာ ဘာအကြောင်းနဲ့မှ ဒီမာရီယားတစ်ယောက် အရန်ခုံပေါ်ရောက်မနေအပ်ဘူး။

ပုံရိပ်နှစ်

စီနီယာဘုရ်ှကို ကလင်တန်က အလဲထိုးတယ်၊ ကလင်တန်ကိုတော ဂျူနီယာ ဘုရ်ှက လက်စားချေတယ်။ မပြေနိုင်တော့မယ့် ရန်ညိုးတွေနဲ့ ရန်သူတော် ကြီးတွေလိုပဲ။ လူကြီးလူကောင်းဆန်ဆန်(ကလေးကလားတွေ မပါခဲ့ဘူး) ဆော်ကြ၊ ကလော်ကြတွေကလည်း သတင်းစာစောင်ရေတွေ တဟုန်ထိုးတက်သည်အထိ။ နိယာမနဲ့အကျဉ်းချုပ်တော့ ရှူံးလိုက် နိုင်လိုက်။ ဒါပေမဲ့ အမျိုးသားရေးကိစ္စနဲ့ကြုံလာတော့ ကလင်တန်က ဘုရ်ှနှစ်ယောက်နောက်မှာ၊ ဘုရ်ှနှစ်ယောက်က ကလင်တန်နောက်မှာ။ သရော်တော်တော်၊ ခနဲ့တဲ့တဲ့အပြုံးတွေက အေးချမ်းလို့။ အဲ ပြိုင်တူတောင် အမျိုးသားရေးအတွက် အံတွေကြိတ်လို့။
ဦးသိန်းစိန်လား၊ ဦးရွှေမန်းလား၊ ဘယ်သူပဲဖြစ်ဖြစ် ၂၀၁၅ ပွဲမှာ ဒေါ်စုဟာ အရံထိုင်ခုံပေါ် ရှိမနေသင့်ဘူး။ ရှိမနေရဘူး။ စွမ်းရင် ရအောင်တား။

ဟုတ်တယ် ရွှေခြံရေ.....
လူမုန်းများကာမှများရော ဒီနေ့ မြင်ချင်တာက ဒီမာရီယားရဲ့ လက်ညှိုးလက်မ ကွင်းပြတဲ့ ဝိုင်းဝိုင်းလေး၊ လာမယ့်နှစ်မှာတော့ လေဒီရဲ့ အပြုံးသန့်သန့် လက်မြှောက်ပြမှုလေးပဲ။
သူတို့ယှဉ်ပြိုင်ခွင့်ရပြီး မျှမျှတတရှူံးသွားမယ်ဆိုရင် နိုင်သူကို ဂုဏ်ပြုဖို့၊ ရှူံးသူကို စာနာဖို့ သွေးကြောင်နေမိမယ် မဟုတ်ပါဘူး။ ဘာလို့လဲဆိုရင် လေဒီကြောင့် တစ်နိုင်ငံလုးံ အစ္စလာမ်မိုက်ဇ်သွားမယ်ဆိုတဲ့ လူပြောများရောင်းကုန်တစ်ခုကို မဝယ်လိုက်မိလို့ပါ။

Read more

တောင်ရောက် မြောက်ရောက်

တောင်။ ။ "ဂျပန်မှာနေတဲ့ ကျမတို့အသိမိတ်ဆွေတွေ မြန်မာပြည်ပြန်ပြီး စီးပွားရေး လုပ်ကြတယ်။ သူတို့ရဲ့လက်ရှိအလုပ်ကလည်း စားသောက်ဆိုင်တွေနဲ့ ဆက်နွယ်နေတော့ သူတို့ပြန်လုပ်တဲ့စီးပွားရေးကလည်း စားသောက်ဆိုင်တွေ ပဲပေါ့။ သူတို့အုပ်စုဖွဲ့ပြီး ဂျပန်အတွေ့အကြုံကိုအခြေခံပြီး အလုပ်လုပ်ကြည့်ကြတာ ပါ။ ဆိုင်တွေမှာ သန့်ရှင်းအောင်ထား၊ လေအေးစက်တွေ တပ်ဆင် စတာတွေပေါ့။ ဈေးကိုလည်း သာမန်လူထု လက်လှမ်းမှီအောင် အများကြီး တင်မထားဘူး ပေါ့။ အလုပ်ဖြစ်တယ်သိရလို့ ဝမ်းသာစရာပဲ။ လူထုအများစုက လိုက်နိုင်ပါတယ်"
ထိုင်ဝမ်က အမျိုးသမီးတစ်ယောက်ရဲ့ စကားပါ။

မြောက်။ ။ အုပ်စုဖွဲ့ပြီးကိုယ်နိုင်တဲ့နယ်ပယ်တွေမှာ ပြန်ပြီးအလုပ်လုပ်ကြရင်တော့ တစ်ဦးချင်းစီနဲ့ စာရင် ပိုအားကောင်းမယ်ဆိုတာကတော့ အမှန်ပဲ။ ဒါဆို သည်းခံ ဖို့၊ အနစ်နာခံဖို့လည်းလိုမယ်။ သည်းခံ၊ အနစ်နာခံဆိုပြန်တော့ ဘယ်အတိုင်း အတာအထိ သည်းခံ၊ အနစ်နာခံရမှာလဲဆိုတဲ့ မေးခွန်းတက်လာမှာလည်း အမှန်ပဲ။ ဘယ်လိုပဲဆိုဆို သဘောတူရာအုပ်စုတွေဖွဲ့ပြီး ကော်ပိုရေးရှင်းပုံစံနဲ့ ဆိုရင် စီးပွားရေးအမြတ်အစွန်းမရရင်တောင် လမ်းပြသလိုတော့ ဖြစ်သွားနိုင် တယ်။ ဖြစ်နိုင်မှန်းသိရင် စွမ်းနိုင်သူတွေပါ လိုက်လာနိုင်တယ်။

တောင်။ ။ ကြာပါပြီ၊ ရွာကရေရဖို့ မိုးထိုင်စောင့်ရတဲ့အချိန်။ ရေတွင်းတူးဖို့က လည်း ပေ ၃၀၀ ကနေ ၆၀၀ လောက်တူးမှရမယ်ဆိုတော့ အစိုးရတူးပေးတဲ့ တွင်းကြီးတစ်တွင်းပဲရှိတယ်။ ဒါက သုံးဖို့သောက်ဖို့ပဲ။ စိုက်ပျိုးဖို့ မရဘူး။ ဒီ ရေတွင်းမျိုးကလည်း အစိုးရနဲ့ကုလသမဂ္ဂလူသားချင်စာနာမှုအဖွဲ့တွေတူးမှ ရနိုင် တယ်လို့ လက်ခံထားကြတာ။ ဘယ်သူမှ စမ်းမတူးဘူး၊ အရင်းအနှီးနဲ့ အထူးသဖြင့် အရဲစွန့်မှုလိုတယ်မဟုတ်လား။ တူဖြစ်သူက ကျိုးစားပြီး ရေတွင်း တူးကြည့်ချင်တယ်ဆိုတော့ အားပေးလိုက်တယ်၊ ဒါကိုပဲ ဥစ္စာစောင့်က သဘော မတူလို့ တူးသူတွေရော၊ တွင်းပိုင်ရှင်ကိုပါသေအောင်လုပ်မှာဆိုတဲ့ နာမည် ကြီး(တကယ် အကြီးစားကြီး၊ နိုင်ငံသိ) ဂိုဏ်းဘုန်းကြီးစကားကြောင့် ကပျက် ယပျက်တွေရှိသေးတယ်။ ဒီကြားထဲ တွင်းပိုင်ရှင်က အကြီးအကျယ်နေ မကောင်းဖြစ်တော့ နာမည်ကြီး ဂိုဏ်းဘုန်းကြီးကိုပဲ ပသရတော့မလို၊ ဥစ္စာစောင့်ကိုပဲ ပသရတော့မလို။
တူဖြစ်သူက အမာစားမို့တော်ပါသေးရဲ့။ ဓာတ်ကြီးလေးပါးနဲ့လူက ဖျားမှာ နာမှာ ပဲ၊ သေတောင်သေဦးမှာ။ ရေမထွက် ထွက်အောင်တူးမယ်ဆိုတော့ နောက် ဆုံး ရေထွက်လာရော။ သူ့တွင်းလည်း ရေအောင်သွားရော သူ့စောင့် ကြည့်နေ တဲ့ရွာသားတွေ သွေးရဲသွားပြီးလိုက်တူးကြတာ အခု ရေတွင်းတွေ ရွာမှာ အများကြီးပဲ။ ဆီရှိရင် ရေရှိပြီ။

photo from internet

မြောက်။ ။ မြန်မာပြည်မှာ နာမည်ကြီး ဂိုဏ်းဘုန်းကြီးလို ကပျက်ယပျက် သမားတွေကလည်း ပေါမှပေါ့။
မြန်မာပြည်ဟာ ပြည်ပအတွေ့အကြုံလိုနေတာတော့ အမှန်ပဲ။ အဲဒီ အတွေ့ အကြုံ က လူမျိုးခြားဆီက(လိုပါတယ်) ထက် မြန်မာတွေဆီကရရင် ပိုမြန်နိုင်မယ်။

တောင်။ ။ဥပမာ အနည်းဆုံး ကိုယ့်ကြောင့် လူဆယ်ဦးအလုပ်ရသွားမယ်ဆိုရင်ပဲ ဝမ်းသာစရာ မဟုတ်လား။
လက်ရှိအစိုးက Job creation လုပ်ပေးနိုင်ဖို့ အဝေးကြီး။ အနေအထားမရှိသေးသလို တာဝန်အဲသလောက်ကြီးတယ်ဆိုတာတောင် မသိသေးတဲ့ လူကြီးတွေအများကြီး။
(မယုံ မရှိနဲ့၊ ငမှုံတို့ကိုယ်တွေ့)

Read more

မောနင်း ပို့စ်

မလေး တက္ကသိုလ်ကျောင်းသူတစ်ယောက် အကြမ်းဖက်သမားနဲ့ လက်ထပ်ဖို့ ဆီးရီးယားကို ထွက်ခွာတယ်ဆိုတဲ့ သတင်းပါလာသလို မလေးတစ်ယောက်ရေး ထားတဲ့ အကြမ်းဖက်မှု နှိမ်နှင်းရေးဆောင်းပါးကိုလည်း တွေ့ရပါတယ်။
နောက်ဆုံးဝါကျကလွဲရင် အများစုသဘောကျမယ့် ဆောင်းပါးကောင်းပါပဲ။
သူ့ဦးတည်ချက်က....
အကြမ်းဖက်မှု နှိမ်နှင်းရေးမှာ အစ္စလာမ်ဘာသာရေးခေါင်းဆောင်တွေရဲ့ အခန်းကဏ္ဍ အရေးပါ။
အကြမ်းဖက်မှုတွေနဲ့ ရှာရီးယားဥပဒေဆီသွားလို့မရကြောင်း ဘာသာရေးခေါင်းဆောင်တွေ သိသင့်။
မွတ်စလင်အကြမ်းဖက်မှုက ဖြေရှင်းချက်မဟုတ်သလို အနောက်ရဲ့ စစ်ရေးအရ တုန့်ပြန်မှုကလည်း ဖြေရှင်းချက်မဟုတ်။
ဂေါ့ဒ်၊ အလ္လာတို့ အဆုံးအမအတိုင်းမှ ရမယ်၊
ဘာသာရေးခေါင်းဆောင်တွေရဲ့ အခန်းကဏ္ဍမပါဘဲ အကြမ်းဖက်မှုကို နှိမ်နှင်းလို့ မရနိုင်(မဟာသီယာရဲ့ စကားကို ကိုးကား)
ဒါပေမဲ့ အကြမ်းဖက်မှုက မဟာသီယာလက်ထက်ကတည်းက အစပျိုးနေခဲ့။ အစ္စလာမ်ဘာသာရေးခေါင်းဆောင်အချို့မှာ တိုက်ရိုက် တာဝန်ရှိ။
ဘာသာရေးကို နိုင်ငံရေးအတွက် အသုံးချမှုက မှားယွင်း။
အကြမ်းဖက်မှုဆိုတာ အပြစ်မဲ့သူကို သတ်ဖြတ်ခြင်း၊ အနောက်တိုင်းသား ကို ခေါင်းဖြတ်ခြင်းသာ မဟုတ်၊ သူတစ်ပါးရဲ့ အခွင့်ရေးကို တားမြစ်တာလည်း အကြမ်းဖက်မှု.......စသည် သုံးသပ်ခဲ့ပြီး.....
နောက်ဆုံးမှာ ရှာရီးယားဥပဒေ တရားဝင်ဖြစ်စေဖို့ စစ်မှန်တဲ့ ကရုဏာ၊ မေတ္တာ တရားကသာ ဆောင်ကျဉ်းပေးနိုင်မယ်လို့ အဆုံးသတ်ထားပါတယ်။

ဒီမှာ မေးစရာရှိလာတာက.....
ငြိမ်းချမ်းရေးအတွက် ရှာရီးယား ဥပဒေက မရှိမဖြစ်လား၊
ရှာရီးယားဥပဒေကို ကမ္ဘာထဲ မိတ်ဆက်နေချင်သရွေ့ ငြိမ်းချမ်းရေးဆိုတာ ရကောရနိုင်ဦးမှာလား ဆိုတာပါပဲ။
ဒီလို မျှမျှတတဆောင်းပါးရေးနိုင်သူတစ်ယောက်က ဒီမေးခွန်းမျိုးတွေ မေးမသွား ခဲ့ဘူး။

Read more

ဒီနေ့မနက် "ငွေနဲ့ အရင်းအမြစ်" နဲ့ပတ်သက်တဲ့ မေးခွန်းတချို့ မေးကြည့်ရအောင်။

၁။ မြန်မာပြည်မှာ တာဝန်သိဂျာမန်အမျိုးသမီးကြီးလို ပုဂ္ဂိုလ်တွေ ရှိနိုင်မလား။
(ရှိမယ်၊ ရှိတယ်၊ အနည်းဆုံး အစိုးရကပညာပေးနိုင်ရင်၊ ဥပဒေကလည်း အသက်ဝင်ရင် ရှိလာနိုင်တယ်၊ ဒါက လူထုကိစ္စ)

၂။ အဲသလို ထိရောက်တဲ့စနစ်နဲ့ မှန်ကန်တဲ့အရာရှိတွေ ရှိနိုင်မလား။
(စနစ်ကတော့ စက္ကူ ပေါ်မှာသာရှိပြီး ဘာမှအလုပ်မဖြစ်သေးဘူး၊ အရာရှိက သူ့စားဝတ်နေရေး ပြေလည်မှု၊ လုထုနဲ့အစိုးရဆီကဖိအားပေးမှုတွေရှိလာရင် မှန်ကန်လာနိုင်တယ်။)

၃။ အရာရှိဒဏ်ရိုက်လိုက်တဲ့ ငွေ ၅၀ က ဘယ်ရောက်သွားမှာလဲ။
(လက်ရှိအနေအထားအရကတော့ အရာရှိအိပ်ကပ်ထဲရောက်ဖို့ပဲ များတယ်။ ဘီယာဖိုးတောင် ဖြစ်ကောင်းဖြစ်သွားနိုင်တယ်၊ ဒီအဖြေအတွက် ရွှေလိုရှားတဲ့ သူတော်ကောင်းအရာရှိတွေကို တောင်းပန်ပါတယ်)

၎။ စနစ်တကျပညာပေးမှုကို ဝမ်းမြောက်ဝမ်းသာခံယူ၊ ဒဏ်ငွေကို ကျေကျေ နပ်နပ်ပေး၊ ကျေးဇူးစကားအထပ်ထပ်ဆိုတဲ့ ပြည်သူ ရှိမလား။
(ကျားကျားမီးယပ် လူဂျစ်ကပ်အနည်းစုကလွဲရင် လူထုရဲ့ လက်ရှိလေ့လာလိုမှု၊ လူကြီးလူကောင်းဆန်လိုမှုဟာ မသေးလှဘူးထင်တယ်၊ အများစုက ကမ္ဘာ့ မိသားစုထဲက ကိုယ့်နေရာကို သိကြတယ်။ ကျိုးစားပြီး လိုက်နေကြတယ်)

၅။ အရင်းအမြစ်တန်ဖိုးကို အစိုးရဆိုသူတွေက သိသလား။
(ဖြေဖို့ဝမ်းနည်းစရာအကောင်းဆုံးက ဒီမေးခွန်း၊ စားကြွင်းစားကျန်လောက်ကို အသာထား မြေ၊ ရေ၊ ဂက်စ်၊ မြစ်၊ သဘာဝ ဝန်းကျင် ဆိုတာကြီးတွေရဲ့ တန်ဖိုးကို မသိကြတာ။ တရုတ်နဲ့အပေါင်းများရင် သိလာစရာလည်း သိပ်မရှိသေးဘူး။

လက်ရှိအစိုးရထဲမှာ အရင်းအမြစ်တန်ဖိုးကို
(က) လုံးဝမသိသူ
(ခ) သိလျက်မိုက်သူ၊ အတ္တကြီးသူနဲ့
(ဂ) သိပေမဲ့ အထက်က နှစ်ယောက်ကို မလွနဆန်နိုင်လို့ ငုံ့ခံနေရသူတွေပဲ ရှိလို့
သာလွန်မင်းတြားကြီးရဲ့ စစ်ကိုင်းက မုဆိုးမထမင်းရေကလည်း ပါးစပ် အရသာခံပြောတာကလွဲလို့ ဘာမှအသုံးမကျနိုင်သေးဘူး။

Read more

ငတက်ပြား ဝင်စားသူ မပါသေးဘူးလား..... (မောနင်း ပို့စ်)

နာလန္ဒာ ပြန်လာပြီ..........
နှစ်ပေါင်းရှစ်ရာကြာ ပိတ်ထားခဲ့ရတဲ့ (မြန်မာ့အူကြောင်ကြား စစ်အုပ်စု ပိတ်တာ က အဲသလောက်မှ မကြာဘဲလို့ ယောနိသော မနသိကာရ ပွားခွင့်ရ)
တက္ကသိုလ်ကြီး ပြန်ဖွင့်ပြီဆိုလို့ ပညာရေးဘက်၊ ဘာသာရေးဘက်ကကြည့်ရင်း ဝမ်းသာမိပါတယ်။ နိုင်ငံပေါင်း တစ်ရာကျော်က ကျောင်းသားတွေ ဝင်ခွင့်လျှောက် တယ်ဆိုတော့ နာလန္ဒာရဲ့ အရှိန်အဝါက မသေးလှဘူးပေါ့။ ပထမနှစ်တော့ ကျောင်းသားက ၁၅ ယောက်ပဲ တဲ့။ ဘူတန် တစ်၊ ဂျပန် တစ်၊ ကျန်တာ အိန္ဒိယ(ဦးကုသလတို့နိုင်ငံကများ ပါမလားလို့ ရှာကြည့်၊ မတွေ့) ဘာပဲဖြစ်ဖြစ် ဒါက ကောင်းသတင်းပဲ(ခေါင်းလောင်းသံ တညံညံပေးဟေးဟေးဟေးတဲ့)။ ပုံတစ်ကို ရှု။

ငတက်ပြား ဝင်စားသူ မပါသေးဘူးလား.....
စင်္ကာပူပင်လယ် သန့်လှ သန့်လှနဲ့၊ ပုံ နှစ်ကိုကြည့်ပါ။ ဗိုတထောင် ဆိပ်ကမ်း နဲ့ နှိုင်းယှဉ်ပါ။
ပင်လယ်ပြင်ထဲမှာတောင် မလေးရှား ရေပိုင်နက်နဲ့ စင်္ကာပူ ရေပိုင်နက်က မတူပါ။ စင်္ကာပူ ရေပိုင်နက်ထဲမှာ ရေသန့်ဗူးခွံတွေ၊ အမှိုက်သရိုက်တွေ ရှိမနေဘူး၊ အဲသလို လိုက်ပြီးသန့်ရှင်းထားလို့။

မြန်မာပြည်က အဲသလို(အဓိပ္ပါယ်ရှိရှိ) ကိစ္စတွေကို လူဝင်စားလို့ပဲဖြစ်ဖြစ်၊ အိပ်မက်အရပဲဖြစ်ဖြစ် လုပ်မယ့် တိုက်ကွန်းမပေါ်သေးဘူး။ ဘုရားလောင်း အလုပ်တွေ၊ လောကတ္ထစရိယ။
သိရသလောက်က အနော်ရထာဝင်စားသူလည်း ရှိ၊ ဓမ္မစေတီ (အနော်ရထာကျော်ပြီး ဝင်စားလိုက်ရင် ဒုက္ခရောက်သွားမှာပေါ့) ဝင်စားသူလည်း ရှိ။
ဒါဆို ငတက်ပြား ဝင်စားသူ မပါသေးဘူးလား။ စရိုက်တော်တော်ဆင်တယ်၊ အထူးသဖြင့် ကျွမ်းကျင်မှုမှာ။
ပြောမယ့်သာပြောရတာ ငတက်ပြားက ငါးပါးသီလသာမလုံတာ၊ အက်သစ် အပြည့်ရှိတယ်။
ချစ်ဦးညိုကိုအရေးခိုင်းလိုက်ရင် ငတက်ပြားက လူစွမ်းကောင်းဖြစ်သွားမှာ။
ဒီ လက်ရှိအုပ်စုကတော့ ချစ်ဦးညို အဖေလည်း မကယ်နိုင်။

Read more

Learn very fast

နုပျိုတဲ့နိုင်ငံဆီ နုပျိုတဲ့လူတွေ သွားကြတယ်။
ရင့်ရော်တဲ့ နိုင်ငံဆီ ရင့်ရော်တဲ့လူတွေသွားကြတယ်။
ကိုရီးယားဗီဇာယူနေသူတွေနဲ့အိန္ဒိယဗီဇာယူနေသူတွေရဲ့ အသက်ဟာ ခေါက်ချိုးလောက်ကွာမယ်။
မြန်မာတွေက" Learn very fast. At least, they are willing to learn." ဆိုတဲ့ ကွန်မင့်ကြားခဲ့ရလို့ ဘာဖြစ်ဖြစ် ကျေနပ်တဲ့အပြုံး (အကြီးစားကြီး) ပြုံးခဲ့ရပါတယ်။ ဟုတ်ပါစေ။

Read more

အတ္တဟိတ၊ ပရဟိတ

လူတချို့က အောင်မြင်မှုဆီ အရင်ရောက်အောင်သွားတယ်။ ပြီးတော့မှ ပရဟိတဘက်ကို ခြေဦးလှည့်တယ်။ (ဥပမာ အမေရိကန်က ဘီးလ်ဂိတ်၊ ဝါရင့် ဘူဖေး၊ ပြည်တွင်းမှာ ကျော်သူ)
လူတချို့က မအောင်မြင်ခင် ပရဟိတလုပ်ဖို့ အရင်စဉ်းစားတယ်။ ပရဟိတလုပ် ရင်း သူ့ရဲ့ပုဂ္ဂလိက အောင်မြင်ကြော်ကြားမှုလည်း ပါသွားတယ်။ ကောင်းတာပါပဲ။
အတ္တဟိတ၊ ပရဟိတဆိုတဲ့စကားတော်တွေက ရွတ်ကောင်းအောင် အက္ခရာရှေ့နောက်စဉ်ရုံတော့ ဟုတ်ဟန်မတူဘူး။
ဘာရယ်မဟုတ်ပါဘူး၊ သူဋ္ဌေးကြီး Warren Buffett ဟာသူ့ရဲ့ ပိုင်ဆိုင်မှုတွေထဲ က ဒေါ်လာ (၃၁) ဘီလီယံကို လှူတယ်ဆိုတာလေး(ကြီး) တွေ့လိုက်မိလို့ ဝမ်းသာလို့ပါ။

image source

Read more

နှိုးဆော်အပ်ပါသည် ~~~

ယနေ့ ဝါတွင်းဥပုတ်နေ့မဟုတ်ပါ။ ဘာနေ့ထူးနေ့မြတ်မှလည်း မဟုတ်ပါ။
ထို့ကြောင့် ကိုယ် နှုတ် နှလုံး သုံးပါးလုံးကို တတ်နိုင်သရွေ့ စောင့်ထိန်းနိုင်ကြရန်
ဗုဒ္ဓဘာသာရော မဟုတ်သူများကိုပါ သတိပေးနှိုးဆော်အပ်ပါသည်။

Read more

အုတ်ခဲတစ်လုံးရဲ့ သိပ်သည်းဆ

ကိုယ့်ခေါင်းပေါ် ကျလာတာမဟုတ်ဘူးဆိုရင်
အဲဒီ အုတ်ခဲတစ်လုံးရဲ့ သိပ်သည်းဆကို
လူတွေက အမြဲ လျှော့တွက်တတ်ကြတယ်။

အမှာ။ ။ ဘာမှ မဟုတ်ပါ။ မနက်စောစော ခေါင်းကို တစ်ခုခုနဲ့ ဝင်တိုက်မိလို့ ရေး လိုက်တာပါ။

Read more

ရေးဟန်လားမသိ

ဒီခေတ်မှာ ဒီလို ရေးဟန်တွေ တွေ့ရပါတယ်။
"တာမွေတရားရုံး အမှုရင်ဆိုင်တဲ့နေ့ မှာ "ရွှေည၀ါ၊ ၀ီရသူနဲ့  ပါမောက္ခတို့ " အစီအမံနဲ့  သန္တိသုခအရေး အဓိက တရားခံဖြစ်သူဟု သူတို့  စွပ်စွဲကြတဲ့ "အံ့မောင်" ကို အပြစ်ပေးရန် ကြွေးကြော်သံများ အော်ဟစ်၊ ဗီနိုင်းချပ် ပိုစတာများ ထောင်ပြတာတွေကို ထုတ်ဖော်ပြုလုပ်ကြပါတယ်။"

ရွှေညဝါက(ဆရာတော်)၊ ဝီရသူက ကလောင်နာမည်(သို့)လှုပ်ရှားမှုနာမည်၊ ပါမောက္ခက ဦး(သို့)မကွေးဆရာတော် ဖြစ်ပါလိမ့်မယ်။

"ကာယကံရှင်ဖြစ်တဲ့ (ပီနန်ဘုန်းကြီး)ကလည်း ကျောင်းချိတ်ပိတ်ပြီး ဘုန်းကြီးများ အဖမ်းခံရတဲ့ကိစ္စရဲ့ လက်သည်ဟာ အံ့မောင်လို့ သာ"
(ဆရာတော်တွေကိုယ်တိုင်က "ဘုန်းကြီး"လို့ သူတို့ကိုသူတို့ သုံးတတ်ပေမဲ့ ဘေး လူက ရေးရင်၊ ပြောရင်တော့ ဘုန်းကြီးလုိ့သုံးတာ သိပ်မတွေ့ရတတ်ပါဘူး။ ဥပမာ တိပိဋကမြင်းခြံဆရာတော်၊ ယောဆရာတော်၊ပီနန်ဆရာတော်၊ သီတဂူဆရာတော်)
သာသနာရေးဝန်ကြီး "ဗိုလ်ဆန်းဆင့်"ကို သမ္မတအမိန့် နဲ့  တာဝန်က ဖယ်ရှားပြီးနောက်ပိုင်းမှ ဆက်တိုက် ပေါ်လာတာပါ။
ဒီသတင်း ပြန့် နှံ့ သွားစေချင်တာမှာ သမ္မတ "ဗိုလ်သိန်းစိန်" တယောက် ထိပ်ဆုံးက ပါနေပါတယ်။
ဗကပ ၀က်ဘ်ဆိုက်ကနေ ပေတလွှာစာတရွက် ရေးဖွဲ့ ရတဲ့အထိ "ဗိုလ်အောင်မင်း" တောင်းပန်စာဟာ ရိုးပုံရရဲ့ လားလို့ သံသယ၀င်မိတယ်။

အင်္ဂလိပ်စာ သိပ်ကောင်းပုံရတဲ့ ဒေါက်တာရဲ့ အင်္ဂလိပ်ရေးဟန် သိပ်လွှမ်း တဲ့ မြန်မာစာရေးထုံးလို့ပဲ ယူဆလိုက်ရပါတယ်။
"ရွှေည၀ါ၊ ၀ီရသူနဲ့  ပါမောက္ခတို့ " တဲ့။

Read more

(Estadio Maracana မှ သတင်းပေးပို့သည်)

မိဘပြည်သူများ ခင်ဗျား..
သမ္မတကြီးကို အားပေးနေရတာဟာ မန်ယူနဲ့ စပိန်ကို အားပေးနေရသလိုပဲ ဆိုတာ ဒီနေ့မနက်ဆိုရင် အားလုံးသိကြပြီးဖြစ်ပါလိမ့်မယ်။
ဟော်လန်က အာရှဆိုလို့သာ ရှလိုက်ရတဲ့ အာရှမျက်နှာနဲ့ တစ်စက်မှ မတူ၊ (လီကွမ်းယုစကားနဲ့) အမှိုက်ဖြူ အော်ဇီကို ကံကောင်းပြီး နိုင်လိုက်တဲ့နောက် ငရုပ်သီး(ချီလီ)ကိုနိုင်ရင် အမှိုက်ဖြူကိုတော့ အေးဆေးဆိုပြီး အိပ်ယာဝင်လိုက်တာ မနက်ရောက်တော့ ငရုပ်သီးကို နှစ်ဂိုး ဂိုးမရှိနဲ့ ရှုံးသွားကြောင်း သိလိုက်ရပါတယ်။ သမိုင်းဝင်၊ နှစ်ပွဲ၊ ၇ ဂိုး ၁ ဂိုး၊ ရမှတ်မရှိ၊ ပထမအုပ်စုထွက် နွားရိုင်းသတ် သမားတွေရဲ့ အခန်းကဏ္ဍက ၁၉ ရက် မနက်မှာ ဆုံးသွားခဲ့ပါပြီ။ လက်ရှိခြေနဲ့ဆိုရင် သိက္ခာဆယ် အမှိုက်ဖြူ အော်ဇီကိုတောင် နိုင်ဖို့ မလွယ်တော့ ပါဘူး။
မိဘပြည်သူများ သိပြီးသားမို့ အကျယ်မပြောတော့ပါဘူး။ ဒီနှစ်ကတော့ စပိန်၊ မန်ယူနဲ့ ဦးသိန်းစိန်ပရိသတ်တွေ ကံမကောင်းတဲ့ နှစ်ပါခင်ဗျား။

Read more

အလုပ်သမားနေ့

မြန်မာတွေ စင်္ကာပူမှာ လုပ်အားညှိနေပုံ။ Work-force balance လို့ ခေါ်လေမလား။
ပညာရှင်တွေအရဲစွန့်ပြန်ကြတာကတော့ ကောင်းတဲ့လက္ခဏာ တစ်ရပ်ပါ။

Read more

The Straits Times launches Myanmar edition

စထရိတ်တိုင်းမ် မြန်မာလိုသတင်းစာ ဒီနေ့ စဖြန့်တယ်ဆိုပဲ။ မနှစ်ကတည်းက ထွက်မယ်ပြောနေကြတာပါ။
စောင်ရေငါးထောင်၊ ရောင်းဈေးတော့မပါ။ ပြည်တွင်းသတင်းစာတွေ တော်တော် ဖိုက်ရလိမ့်မယ်။

Original story >> http://www.sph.com.sg/media_releases/2040

Read more

အရှေ့နဲ့အနောက် မတူကြဘူး (၂)

ဘော့စ်က "ခုန်၊ ခုန် (Jump.jump)" လို့ ခိုင်းရင်
၁။ အနောက်တိုင်းသားက "Why?" လို့ပြောတယ်။
၂။ ဂျပန်နဲ့ တရုတ်က "How high?" လို့ သေချာအောင် ထပ်မေးတယ်။
၃။ အိန္ဒိယန်းနဲ့ မလေးကတော့ "အချိန်မရှိတော့ဘူး၊ နောက်နေ့မှ"တဲ့။
၎။ ထိုင်းက"တီရှပ်အနီနဲ့ကောင်ကို သွားခိုင်း"လို့ ဘောလီဘောကစားတယ်။
၅။ မြန်မာက "ဟုတ်ကဲ့ အဘ" တဲ့၊
ခဏနေတော့မှ"ဘာကွ၊ ဒါ ဒီမိုကရေစီခေတ် ကွ" တဲ့။
(၃၊ ၄၊ ၅ က ကျနော်ပွားထားတာပါ)

Read more

အဓိက စိတ် မသက်မသာဖြစ်ရတာက

ပဋိပက္ခဖြစ်ပြီဆိုရင်တော့ အနည်းနဲ့အများ နှစ်ဖက်လုံး အမှား (အလွန်) ရှိကြ လို့ လို့ ယေဘုယျ ကောက်ချက်ဆွဲနိုင်ပါတယ်။
ပြသနာဖြစ်တဲ့နေရာတွေကိုကြည့်ရင် အစ္စလမ်ကမ္ဘာမှာ (သို့) အဝေးရောက် အစ္စလမ် ဘာသာဝင်တွေနဲ့ ဆက်စပ်နေတာ တွေ့ရတယ်။
ကမ္ဘာနဲ့ချီနေတော့ စဉ်းစားစရာပဲ။ မွတ်စလင်တိုင်း လူဆိုးတွေ မဟုတ်ကြပါ ဘူး။ အများအားဖြင့် လမ်းပေါ်ထွက်လိုက်ရင် သူလို ကိုယ်လိုတွေပါ။
ဒီနှစ်တွေမှာ အခြားဘာသာဝင်တွေ အဓိက စိတ် မသက်မသာဖြစ်ရတာက လူဦးရေ တိုးပွားနေမှုပဲ။
ဟိုဖက်ကတွေးတော့လည်း "ငါ့ ဘာသာမွေးတာ နင်နဲ့ ဘာဆိုင်လို့လဲ၊ နင် တို့လည်း မွေးကြပါလား" ပြောမှာပဲ။
အဲဒီ နှစ်ဖက်မှန် ကြောက်ခမန်းလိလိ ကလေးမွေးနှုန်းက အကြမ်းဖက်၊ ဗုံးခွဲ မှုတွေထက် ပိုပြီး စဉ်းစားစရာကောင်းတယ်လို့ ဖတ်မိတဲ့ စာအုပ်တိုင်း လို လို ပြော တယ်။
ဒီလိုနဲ့ ထေရဝါဒ သုံးနိုင်ငံလည်း ဘာသာရေး အကြမ်းဖက်မှု သမိုင်းမှာ အာဖဂန်တို့ ဆီးရီးယားတို့နဲ့ ရင်ဘောင်သွားတန်းနေကြတော့တယ်။

Read more

ခမ်းနားတဲ့ နာရေးကြော်ငြာ

ဒီလ၊ ယူကေမှာထုတ်တဲ့ (လေးလတစ်ကြိမ်) မဇ္ဈိမ ပဋိပဒါဂျာနယ်မှာ ဖော်ပြ ထားတဲ့ ဆရာကြီး ဦးဂိုအင်ကာရဲ့ နာရေးပါ။

ကမ္ဘာအနှံ့ ရိပ်သာပေါင်း ၁၅၀ ကျော်၊ ယောဂီပေါင်း တစ်သိန်းဝန်ကျင်
နှစ်စဉ် ဆရာကြီးရဲ့ လမ်းညွှန်မှုအောက်မှာ တရားထိုင်ခွင့်၊ အအေးဓာတ် ရှာခွင့် ရခဲ့ကြပါသတဲ့။

Read more

လော့ဂျစ်များ (New Version)

တစ်မိနစ်
ပထမလူ။ ။ တစ်မိနစ်ဆိုတဲ့ ဆိုတဲ့ အချိန်က ဘယ်လောက်ကြာပါသလဲ။
ဒုတိယလူ။ ။ ဒါက ခင်ဗျားက အိမ်သာထဲမှာလား ၊ အိမ်သာအပြင် က စောင့်နေတာလား ဆိုတာအပေါ် မူတည်ပါတယ်။

အထီး အမ
ပထမလူ။ ။ ယင်ကောင်ကို အထီး အမ ဘယ်လိုခွဲပါသလဲ။
ဒုတိယလူ။ ။ လွယ်ပါတယ်။ ဘီယာဘူးပေါ်မှာ နားနေတာက အထီး။ တယ်လီဖုန်းပေါ်မှာ နားနေတာက အမ။

အသား နဲ့ အစာ
ပထမလူ။ ။ တိရစ္ဆာန်တွေကို ချစ်ရင် အသား မစားသင့်ဘူး ဆိုတာ လက်ခံပါသလား။
ဒုတိယလူ။ ။ လက်ခံပါတယ်။ ဒါပေမယ့် တိရစ္ဆာန်တွေရဲ့ အစားအစာဖြစ် တဲ့ အသီး အရွက်တွေကိုပါ ရှောင်လိုက်ရင် ဘယ်လိုလဲ။

ခေတ်
ရှေးလူကြီး။ ။ မင်းတို့လူငယ်တွေ လှေနံ နှစ်ဖက်နင်း မလုပ်ရဘူးကွ။
ခေတ်လူငယ်။ ။ ကျနော်တို့က ဒါကို ဒိုင်ဗာစီဖိုင်း (Diversify) လုပ်တယ် လို့ ခေါ်ပါတယ်ခင်ဗျား။ ဘစ်စနစ်မှာ အရေးကြီးတဲ့ မဟာဗျူဟာ တစ်ခုပါ။

ကြွက် နဲ့ လူ
ပထမလူ။ ။ ဂျာမန်ပညာရှင် တစ်ယောက်က ပြောတယ် " အံ့ ရောဗျာ။ ကြွက်တွေ ကြွက်ထောင်ချောက် တီထွင်တယ် မကြားဖူးပါဘူး၊ လူတွေက အဏုမြူ ဗုံး တီထွင်ကြ သတဲ့ "
ဒုတိယလူ။ ။ ကျနော်လည်း ကြွက်တွေ စိတ်ဆိုး စိတ်တိုနေတုန်း ကွန်မင့်ရေးတယ်၊ အီးမေးပြန်ကြတယ် လို့ မကြားဖူးဘူး ။

Read more

ဖေ့စ်ဘုတ်နဲ့ နွားနို့အကြောင်း

အမေရိကမှာ ဖေ့စ်ဘုတ်သုံးတဲ့ လူကြီးတွေ အရေအတွက်တိုးလာပေမဲ့ လူ ငယ်တွေကတော့ ၂၀၁၃ မှာ လျော့သွားတယ်လို့ သိရပါတယ်။ အကြောင်း ကတော့ (လူကြီးများအတွက်) သူတို့ သား၊ သမီးတွေ၊ မြေးတွေ ဘာတွေ လုပ်နေကြသလဲဆိုတာ ခြေရာခံကြည့်ချင်ရင် ရနိုင်လို့ပါတဲ့။ ဒါကို သိသွားတဲ့ လူငယ်တွေကျပြန်တော့ မိဘ၊ အဖိုး၊ အဘွားတွေက သူတို့အကြောင်း အ ကုန် သိနေနိုင်တော့ လွတ်လပ်ခွင့် ဘယ်ရှိတော့မလဲဆိုပြီး မသုံးကြတာလို့ ဆိုပါတယ်။
ဒါက အမေရိကမှာပါ။ အာရှမှာတော့ ဖေ့စ်ဘုတ်က ပန်းပန်ဆဲပါ။

အိန္ဒိယက အမျိုးသမီးတစ်ယောက်ဟာ ကလေးနှစ်ယောက်ကို နို့တိုက် ဖို့ နွားမကြီးတစ်ကောင် မွေးထားခဲ့တယ်။ တစ်ညမှာတော့ အဲဒီနွားမကြီးကို ကျားတစ်ကောင်က ဝင်ဆွဲတယ်။ ခါတိုင်းဆိုရင်တော့ ရွာသားတွေက တုတ် ဆွဲ၊ ဓားဆွဲနဲ့ ကျားကြီးကို ဝိုင်းသမကြမှာပေါ့။ အခုတော့ ဖေ့စ်ဘုတ်နဲ့ စမတ် ဖုန်းတွေလက်ချက်ကြောင့် တုတ်ဆွဲ၊ ဓားဆွဲရမယ့်အစား စမတ်ဖုန်းပဲဆွဲပြီး ဓာတ်ပုံရိုက်၊ သူ့ထက်ငါ အရင်ဦးအောင် ဖေ့စ်ဘုတ်ပေါ်တင်ဖို့ပဲ လုပ်နေ ကြတော့ (လိုက်ခ် ရဖို့က အရေးကြီးတယ် မဟုတ်လား) ကျားကြီးက လွတ် သွားပြီး နွားမကြီးကတော့ သေသွားရှာရော။ ဖေ့စ်ဘုတ်မပေါ်ခင်ကဆိုရင် ကျားသေပြီး နွားချမ်းသာမယ့် အနေအထားပေါ့။
ဖေ့စ်ဘုတ်က အားလုံးပြောင်းလဲပေးလိုက်တယ်။ ဒါတင်မကဘူး။ ဖေ့စ်ဘုတ် ကနေ အဲဒီ လိုက်ဗ်ရှိုး ယူကျုကနေတင်ပြီး အလှူခံလိုက်တော့ နွားမ တစ်ေ ကာင်ဖိုး ချက်ချင်းပြည့်သွားရောတဲ့။

ဒါနဲ့ စကားမစပ်။ ဒါကတော့ မဆီမဆိုင် အိန္ဒိယနဲ့ နွားနို့ ဇာတ်လမ်းပါ။
အိန္ဒိယမှာ ဓနသဟာယ အားကစားပွဲတော်ကျင်းပတော့ အားကစား သမားတွေက အားကစားကျေးရွာထဲ နွားမတွေကိုဆွဲလာကြတယ် တဲ့။
"နွားမတွေက ဘာကိစ္စပါလာရတာလဲ" အရာရှိကမေးတော့
"အားကစားပွဲတော်အတွင်း နွားနို့သောက်ရဦးမယ်၊ နွားနို့က နွားမဆီမှာရှိနေတယ်"
"မရဘူး၊ နွားမတွေကို အပြင်မှာပဲ ထားခဲ့ရမယ်၊ နွားနို့သောက်ချင်ရင် ဗူးနဲ့အသင့်ထည့်ထားတာပဲ သောက်ရမယ်" လို့ အရာရှိက အမိန့်ထုတ်လို့ အားလုံး ဒုက္ခရောက်ကြရတယ်။

Read more