**ဒေသသုံးပါ၊ မရိုင်းပါ**

"စိတ်ဝင်စားစရာကောင်းတာက တရုတ်လူမျိုးတွေကို ခေါ်ရာမှာ တစ်နိုင်ငံနဲ့ တစ်နိုင်ငံ မတူကြဘူး"

ကုလားလို့ခေါ်တာ ရိုင်းတယ်၊ မရိုင်းဘူး စတဲ့အညင်းအခုံ အီးမေးတွေ၊ စာတွေ တော်တော်များများ ဖတ်နေရတယ်။ ဒါပေမဲ့ မြန်မာလို တရုပ်လို့ အခေါ်ခံရတဲ့ တရုပ်မျိုးဆက်တွေဆီက ဘယ်လို အသံမှ မကြားရဘူး။ မကြာရရုံတင်မကဘဲ ဒီလို ဒေသသုံးဝေါဟာရတွေကို တရားဝင်တောင် အသိအမှတ်ပြုထားသလိုပါပဲ။
ကိုလိုနီခေတ်နဲ့ ကိုလိုနီမတိုင်မီခတ်အထိ နိုင်ငံခြားသားတွေကို မြန်မာလိုခေါ်ရာမှာ ဒီ နာ မည်သုံးမျိုးက ပေါ်ပြူလာအဖြစ်ဆုံး ဖြစ်ပုံရပါတယ်။
ကုလား (မည်း)
ကုလားဖြူ
တရုတ် ဒါတွေပါ။
ဒီနေ့ သတင်းစာမှာ "Tracing the history of Chinese immigrants" ဆိုတဲ့ ဆောင်းပါး ပါလာတယ်။ ဒီ ဆောင်းပါးက စင်္ကာပူ ပြည်ထဲရေး ဝန်ကြီးဟောင်း Lee Khoon Choy ပြုစုတဲ့ Golden Dragon Purple Phoenix သမိုင်းစာအုပ်ကို ဖတ်ညွှန်းသဘော ရေးထားတာပါ။
စိတ်ဝင်စားစရာကောင်းတာက တရုတ်လူမျိုးတွေကို ခေါ်ရာမှာ တစ်နိုင်ငံနဲ့ တစ်နိုင်ငံ မတူကြဘူး။

သူတို့ကို
အင်ဒိုနီးရှား၊ မလေးရှားနဲ့ စင်္ကာပူမှာ Peranakans
ဖိလစ်ပိုင်မှာ Mestizos
ထိုင်းမှာ lokjins
မြန်မာမှာ တရုတ် ကပြား (Tayoke kabya)
ကမ္ဘောဒီးယားမှာ Konkat Cen
ဗီယက်နမ်မှာ Min Huong
လာလိုမှာ Sino-Lao လို့ခေါ်ပြီး
ဘရူးနိုင်းမှာတော့ သတ်သတ်မှတ်မှတ် မရှိဘူးလို့ ဆိုပါတယ်။

သူ့ဘာသာစကားနဲ့ သူ ဒီလို ခေါ်ဝေါ်ကြတာကို ရိုင်းတယ်လို့ မဆိုနိုင်တော့ ဘူးထင်ပါတယ်။
မြန်မာလို ကုလား ဆိုတဲ့ ဝေါဟာရဟာလည်း ဒီလိုပါပဲ။ ကုလား ဆိုတဲ့ ဝေါဟာရမှာ အင်ဒီးယန်း၊ ဘင်္ဂါလီ၊ အရှေ့အလယ်ပိုင်းသားတွေနဲ့ အာဖရိကန်တွေတောင် ပါဝင်ပါတယ်။
တရုတ်တွေကတော့ (Tayoke kabya) လို့ ခေါ်တာကို နာကြပုံမရပါဘူး။ အင်ဒိုနီးရှား၊ မလေးရှားနဲ့ စင်္ကာပူမှာဆိုရင် သူတို့ကိုသူတို့ ပရာနကန်းတွေလို့ ဂုဏ်ယူစွာနဲ့တောင် ပြောတတ်ကြသေးတယ်။

Read more

မေ့မရနိုင်တဲ့ အကြောင်း (ကမ်းလက် လပတ်လည်)

" ဟေ့ ခေါင်တိုင်နဲ့ ဝင်တိုက်မိမယ်၊ သတိထားကြ"

အမှတ်တမဲ့ ဒီစကားကိုပြောလိုက်မိပြီး ဘကြီးအေးက သူ့ပါးစပ်ကိုသူ အသံမဲ့ ကြိမ်ဆဲနေလိုက်မိတယ်။ စိတ်မလုံတာနဲ့ ပတ်ဝန်းကျင်ကို လှည့်ပတ်ကြည့် လိုက်တော့ ကံကောင်းတယ်လို့ ဆိုရမလား၊ ဘယ်သူမှတော့ သူ့စကား အ ဓိပ္ပါယ်ကို နားလည်ကြပုံ မရဘူး။ အေးလေ၊ ဒီ စကားကို အပြည့်အဝ နား လည်ဖို့ဆိုတာကလည်း အဖြစ်အပျက်တွေကိုလည်း သိထားအုံးမှကိုး။ ရွာထဲမှာ ရှေ့မှီနောက်မှီလူကြီးတွေလည်း သိပ်မှ မရှိတော့တာကလား။

(၁)

ဖြစ်ပုံက ဒီလိုပါ။ လွန်ခဲ့တဲ့ နှစ် ၂၀ ကျော်က ရွာသူကြီး ဦးယဉ်ကျေးသေဆုံးပြီ လို့ သတင်းတစ်ခါထွက်ခဲ့ဖူးတယ်။ ဦးယဉ်ကျေးဆိုပေမဲ့ လူကတော့ ယဉ်ေ ကျးလှပုံမရပါဘူး။ သူတို့ခေတ် မိဘတွေက နာမည်လှလှ အဓိပ္ပါယ်လှလှေ လးတွေ ရွေးပေးတတ်ကြလို့သာ ဒီနာမည်နဲ့ ရှိနေပုံရပါတယ်၊ တကယ်တော့ တစ်ရွာလုံးက သူ့ဆို ရွံကြောက်ကြီးပါ။
သူကြီးဖြစ်စမှာ ဟုတ်မလိုမလိုပေမဲ့ တဖြည်းဖြည်းနဲ့ သူ့အကြောင်းကို တစစ သိလာကြရတာ။ အဲဒီအချိန်တုန်းက ဘကြီးအေး အသက် လေးဆယ်ကျော်ကျော်လောက် ရှိဦးမှာပေါ့။ ဖြစ်ပျက်ခဲ့တာတွေကို ကောင်းကောင်းကြီး မှတ် မိနေသေးတယ်။ နောက်တက်လာမယ့် သူကြီးက ဘယ်လိုနေမယ်ဆိုတာ မသိပေမဲ့ ဦးယဉ်ကျေးသေဆုံးပြီဆိုတော့ ရွာသားတွေကတော့ ပျော်နေကြ တယ်။ သူ့ အသုဘမှာ ဖဲရိုက်၊ သုံးပုံရိုက်ကြဖို့အားလုံး ဟန်ပြင်နေကြလေရဲ့။

ပြဿနာက ( ပြဿနာလို့ပြောရင် ကောင်းမှ ကောင်းပါ့မလား မသိဘူး) သူ့ အခေါင်းကို အိမ်ထဲကနေ အိမ်ပြင် ယာယီထန်းလက်တဲထဲကို အထုတ်မှာ စတာ။ သူ့အခေါင်းကို အထုတ်မှာ အခေါင်းနဲ့ ခေါင်တိုင် ဝင်တိုက်မိ ပါလေရော။ အဲဒီအချိန်မှာပဲ ညီးသံလိုလိုကြားလို့ အခေါင်းကို ဖွင့်ကြည့်တော့ ဦးယဉ်ကျေးက တကယ်သေဆုံးတာမဟုတ်သေးပဲ မြောနေတာဖြစ်တယ် ဆို တာ ရွာသားတွေ သိလိုက်ရတယ်။ ဦးယဉ်ကျေးက အသက်ရှူနေတုံး ပဲ။ ပျော်နေကြတဲ့ ရွာသားတွေ၊ ဖဲရိုက်၊ သုံးပုံရိုက်ဖို့ပြင်နေတဲ့ ရွာသားတွေ ဇက် တငန့်ငန့်ဖြစ်ကုန်တယ်။

ဒါတင် ဘယ်ကမလဲ သေရွာပြန် ရွာသူကြီး ဦးယဉ်ကျေးက ကျန်းမာရေးတွေ တဖြည်းဖြည်းပြန်ကောင်းလာပြီး ရွာကို ဆက်အုပ်ချုပ်လာလိုက် တာ နှစ်ေ ပါင်း ဘယ်နည်းတော့မလဲ။ ပယောဂတွေ ဘာတွေကို ယုံကြည်ကြတဲ့ ရွာသားတွေကတော့ အဲဒါ ဖုတ် ဝင်နေတာ၊ ဦးယဉ်ကျေးအစစ်မဟုတ်ဘူးလို့ဆိုကြတယ်။ သူတို့ပြော လည်း ပြောစရာပဲ သေရွာပြန်ဦးယဉ်ကျေးက သူတော်ကောင်းဖြစ်လာရမယ့် အစား ပိုပြီးတောင် လောဘမောဟတွေ အားကြီးလာသေးတယ်။ တချို့ ကတော့ အလောင်းသယ်တဲ့အဖွဲ့နဲ့ သူ့အိမ်က ခေါင်တိုင်ကို ထိုင်ဆဲနေတတ် ကြတယ်။ ဒင်းတို့သာ ဂရုတစိုက်သယ်ယူခဲ့ရင် ဦးယဉ်ကျေးသေနေပြီပေါ့။

သူ တကြော့ပြန် အုပ်ချုပ်တဲ့နှစ်တွေမှာပဲ ဘုရားပွဲတွေလည်း စည်စည် ကား ကား မကျင်းပနိုင်၊ ရွာဦးက ကန်ရေဆိုလည်း မိုးမကျခင် ရေတွေခန်း၊ ရာသီ ဥတုက မမှန်ရတဲ့အထဲ သူကြီးမွေးထားတဲ့ လူရမ်းကားတွေက စပါးမပေါ်ခင် စပါးလာသိမ်း၊ တစ်ရွာလုံး ဒုက္ခပင်လယ်ဝေရတဲ့ နှစ်တွေပေါ့။ ရွာမှာ အကြီး အကျယ် ချမ်းသာနေကြတာကတော့ ဦးယဉ်ကျေး မိသားစုနဲ့ သူ့တပည့်တွေ အုပ်စုပဲ။ မကျေနပ်ပေမဲ့ ဘယ်သူမှ ဘာမှ လုပ်လို့ မရဘူး။ ဒါတွေကို ဘကြီးအေးက ကောင်းကောင်းကြီး သိမီနေတော့ စိတ်မကောင်းဘူးပေါ့။ စိတ်မကောင်းလည်း သူလည်း ဘာမှ တတ်နိုင်တာမဟုတ်းလေ။

(၂)

အသက်အရွယ်လေးရလာတော့ ရွာထဲက နေ့စဉ်ဒုက္ခတွေကို မမြင်ချင်၊ မကြားချင်တော့ဘူး။ ဒါနဲ့ပဲ ကံဦးကျောင်းနဲ့နီးတဲ့ သရက်ခြံထဲမှာ တဲထိုးပြီးနေလိုက်တော့တယ်။ ဆရာတော်ကြီးတွေ ဟောထားတဲ့အတိုင်း "မမြင်ရရာ ကိလေသာ သူ့ဟာသူ ငြိမ်းသည်၊ မကြားရရာ ကိလေသာ သူ့ဟာသူ ငြိမ်းသည်" ပဲ လုပ်နေလိုက်တော့တယ်။ သရက်ခြံထဲတဲထိုးပြီးနေလိုက်ပေမဲ့ မြေးကလေး ငတွတ်လာတိုင်း ရွာသ တင်း၊ ရပ်သတင်းက ပါပါလာတတ်ပြန်ရော။

ဦးယဉ်ကျေး သူကြီးမဖြစ်ခင် ကဆို ဒီနယ်မှာ ဒီရွာက ထိတ်ထိတ်ကျဲပဲ ဥစ္စာ။ ဘယ်ရွာသားကမှ ဒီရွာသား ကို ထိရဲတာမဟုတ်ဘူး။ အခုများလား တစ်ခု ခုဖြစ်ပြီဆို ခံလိုက်ရပြီ ဒီရွာသား။ ရွာထဲက ကောင်လေး၊ ကောင်မလေးတွေ ဆို သူများရွာသွားပြီး စာရင်းငှား လုပ်နေရသတဲ့။ ကြားမှ မကြား ဖူးတာ။ ဟိုရွာ၊ ဒီရွာတွေက ပြန်ပြန်လာကြပြီး သူများသူကြီးနဲ့ တို့ သူကြီးကတော့ ကွာပကွာ ဆိုပြီးပြောပြောနေကြတော့ ရွာမှာ ကျန်ရစ်ခဲ့သူတွေက ပိုပြီး ရင် ထုမနာ ဖြစ်ကြရတာပေါ့။

(၃)

တမနက်မှာတော့ မြေးကလေး ငတွတ် အမောတကော ရောက်လာပြီး
"ဘကြီးအေး၊ သူကြီး ဦးယဉ်ကျေး ဆုံးပြီတဲ့"
"ဟေ ဟုတ်လား၊ မင်း ဘယ်လို သိခဲ့တာလဲ"
"သူ့တစ်အိမ်လုံး ငိုနေကြတယ်။ အသုဘကိစ္စ ၊ သက်ပျောက်ဆွမ်းအတွက် ဆရာတော်ပင့်ဖိုကိစ္စ စတာတွေစီစဉ်ရအောင် ဘကြီးအေးကို အခေါ်ခိုင်းလို့ ကျုပ် ပြေးလာခဲ့တာ"
"အေးလေ၊ ဒါဆိုသွားကြမယ်" ဆိုပြီး မြေးလေးနဲ့ အတူ သူကြီးအိမ်ကို သူတို့ တန်းပြီးသွားကြတယ်။ ဘကြီးအေးတို့ သူကြီးအိမ်ရောက်တော့ အလောင်းေ ကာင်ကို ရေချိုး၊ အခေါင်းထဲထည့်၊ အခေါင်းကို သူသေဆုံးတဲ့ ကုဋင်ကနေ အပြင်ထုတ်ဖို့ လုပ်နေကြချိန်ပေါ့။ ဒါကိုလည်းမြင်ရော ဘကြီးအေးပါးစပ်က ထိန်းချိန်တောင် မရလိုက်ဘဲ

" ဟေ့ ခေါင်တိုင်နဲ့ ဝင်တိုက်မိမယ်၊ သတိထားကြ" လို့

အလောတကြီး အော်လိုက်မိတယ်။ ဒီတခါ ခေါင်တိုင်နဲ့ ဝင်တိုက်မိလို့ အ သက်ပြန်လည်လာလိုကတော့ ရွာသွားတွေအတွက် မလွယ်တော့ဘူးဆိုတာ ဘကြီးအေးက အသိဆုံး နေမှာပေါ့။
ဒါပေမဲ့ ဘယ်လောက်ဆိုးသွမ်းတဲ့ လူအတွက်ပဲဖြစ်ပါစေ ဗုဒ္ဓဘာသာ တစ်ယောက်အနေနဲ့ သေပါစေလို့တော့ ဆုမတောင်းအပ်ဘူး မဟုတ်လား။
" ဟေ့ ခေါင်တိုင်နဲ့ ဝင်တိုက်မိမယ်၊ သတိထားကြ" ဆိုတော့ ဘာလိုလိုကြီး။

***************************************************
ဖတ်ဖူးတဲ့ အင်္ဂလိပ်လိုစာလေးတစ်ပုဒ်ကို ခံစားပြီး ရေးထားတာပါ။
ကမ်းလက် လပတ်လည်မှာ ဝတ္ထုတို မတင်ဘူးသေးလို့ ရေးလိုက်မိပါတယ်။

Read more

၁၁၁ နှစ် သမိုင်း

လွန်ခဲ့တဲ့ နှစ် (၁၁၁) နှစ်က အမေရိက.... တဲ့

၁။ ပျမ်းမျှလူ့သက်တန်း ၄၇ နှစ်
၂။ ၈ ရာခိုင်နှုံးသောမိသားစုအိမ်မှာသာ တယ်လီဖုန်း ရှိ၊ ဒန်ဗာကနေ နယူးယောက်ခေါ်ရင် သုံးမိနစ် ၁၁ ဒေါ်လာကျ။
၃။ တစ်နိုင်ငံလုံး ကားစီးရေ ၈,၀၀၀ သာရှိပြီး ကားလမ်းကလည်း ၂၃၀ ကီလိုမီတာသာရှိ။
၎။ အမြန်နှုန်းက တစ်နာရီမှာ ၁၆ ကီလိုမီတာသာ မောင်းခွင့်ရှိ။
၅။ သာမန်လူတစ်ယောက်ရဲ့ တစ်နှစ် လုပ်အားခက ဒေါ်လာ ၂၀၀ ကနေ ၄၀၀။
၆။ အရည်အချင်းမီ အကောင်တင့် တစ်ယောက်ရဲ့ တစ်နှစ် လုပ်အားခ က ဒေါ်လာ ၂,၀၀၀၊ သွားဆရာဝန်က ဒေါ်လာ ၂,၅၀၀၊ တိရစ္ဆာန်ဆေးကု ဆရာဝန်က ၁,၅၀၀ ကနေ ၄၀၀၀၊ စက်မှုအင်ဂျင်နီယာက ၅,၀၀၀။
၇။ ၉၅ ရာခိုင်နှုံးမိခင်တွေ ကလေးမီးဖွားကြတာက အိမ်မှာပဲ။ ၉၀ ရာခိုင်နှုံး ဆရာဝန်တွေက တက္ကသိုလ်ဘွဲ့ရတွေ မဟုတ်ကြ။
၈။ သကြားတစ်ပေါင် ၄ ဆင့်၊ ကြက်ဥတစ်ဒါဇင် ၁၄ ဆင့်၊ ကော်ဖီတစ်ပေါင် ၁၅ ဆင့်။
၉။ အမျိုးသမီးအများစုက တစ်လ တစ်ခါသာ ခေါင်းလျှော်။
၁၀။ လူ အသေအပျောက် အများဆုံးရောဂါတွေက နမိုးနီးယား၊ တုပ်ကွေး၊ တီဘီ၊ ဝမ်းလျှောဝမ်းပျက်၊ နှလုံးရောဂါနဲ့ လေဖြတ်ရောဂါ။
၁၁။ Las Vegas ရဲ့ လူဦးရေက ၃၀။
၁၂။ ဆယ်ယောက်မှာ တစ်ယောက်က စာ မရေးတတ် မဖတ်တတ်။
၁၃။ ၆ ရာခိုင်နှုံးသာ အထက်တန်းကျောင်း ပညာရေးရှိ။
၁၄။ တစ်နိုင်ငံလုံး လူသတ်မှု ၂၃၀ သာရှိခဲ့။

ယနေ့ အမေရိက???????

လွန်ခဲ့တဲ့ နှစ် (၁၁၁) နှစ်ကမြန်မာ၊ ကိုလိုနီလက်အောက်။
ယနေ့ မြန်မာ၊ စင်္ကာပူမီကိုဖို့ နှစ် နှစ်သာလို။ လျပ်စစ်မီး ရှိရှိ၊ မ ရှိရှိ၊ ကလေးတွေ ထင်းခွေရင်း မွေးမွေး မမွေးမွေး၊ ၂၀၁၅ ဆို စင်္ကာပူကိုမီပြီ။ ဒါပဲ။

Read more

အလုပ်လျှောက်လွှာ

မက်ဒေါ်နယ်ရဲ့ အလုပ်လျှောက်လွှာဖောင်ကို ၁၇ နှစ်သား Greg ဖြည့်ထား ပုံလို့ ဆိုပါတယ်၊ အချိန်ရရင် ဖတ်ကြည့်ပါ။ ပညာလည်းရ ပြုံးလည်းပြုံးရပါ တယ်။

PART 1

1) NAME: Greg Bulmash
2) SEX: Not yet. Still waiting for the right person.
3) EDUCATION: Yes
4) LAST SALARY: Less than I'm worth.
5) MAY WE CONTACT YOUR CURRENT EMPLOYER: If I had one, would I be here?
6) DO YOU HAVE ANY PHYSICAL CONDITION THAT WOULD PROHIBIT YOU FROM LIFTING UP TO 20 kg? Of what?
7) DO YOU HAVE A CAR? I think the most appropriate question here would be, 'Do you have a car that runs?'

PART 2
DESIRED POSITION: Company's president or vice president. But seriously, whatever is available. If I were in a position to be picky, I wouldn't be applying here in the first place.
9) DESIRED SALARY: $185,000 a year, plus stock options and Jodee Rich-style bonus. If that's not possible, make an offer and we can haggle.
10) DO YOU CERTIFY THAT THE ABOVE IS TRUE AND COMPLETE TO THE BEST OF YOUR KNOWLEDGE? Yes, Absolutely.

Read more

ကံဆိုးသည့်ရဟန်း သွားလေရာ မီးခိုးလိုက်လို့လာ

ရေးသင့်သည့်ကိစ္စ ဟုတ်သလားတောင် မသိတော့၊ သို့သော် အလှည့် အပြောင်းက ထူးဆန်းလွန်းနေသဖြင့် ရေးလိုက်မိသည်။
သီတင်းသုံးဖော် ရဟန်းတစ်ပါးနှင့် နောက်ပါ တပည့်တချို့ သုံးလလောက်က ကြိုတင်ပြီး ခရီးစဉ်ဆွဲခဲ့ကြသည်။
၂၂ ရက်နေ့ နံနက်စောစော မလေးရှားသွားရန်၊ ထိုမှတဆင့် ၂၄ ရက်နေ့၌ ထိုင်း သို့ ခရီးဆက်ရန်၊ ၂၆ ရက်နေ့ စင်္ကာပူပြန်လာရန်ဖြစ်သည်။
ကံ အလွန်ဆိုးသော ခရီးစဉ်တစ်ခု ဖြစ်ချေ၏။ ကြည့်ပါလေ။

စင်္ကာပူကို အကြီးအကျယ် ဒုက္ခပေးသွားသည့် ဟေ့ဇ် များ ၂၂ ရက်က စ အခြေအနေ ကောင်းမွန်လာပြီး လေနှင်ရာလိုက်ပါကာ မလေးရှားကို အကြီး အကျယ် ဒုက္ခသွားပေးတော့သည်။
ထို ရဟန်းက ထိုနေ့မှာပင် မလေးရှားကြွလေ၏။

၂၃၊ ၂၄ ရက်နေ့တို့၌ မြူတို့က လေနှင့်အတူ ထိုင်းဖက်သို့ ခရီးဆက်ကူးချိန် ထို ရဟန်းနှင့် နောက်ပါ တပည့်တို့လည်း ထိုင်းသို့ သွားကြလေသည်။

မြူများလည်း အနည်ထိုင်စပြုပြီ၊ ယနေ့ သူတိုအားလုံးလည်း ပြန်ရောက် လာကြပေတော့မည်။
သူတို့ခရီးစဉ်အကြောင်းပြောကြရင်း စိတ်မကောင်းသည့်ကြားက ပြုံးမိကြ ရသေး၏။ မတတ်နိုင်ပြီ။

Read more

တစ်ကျောင်း တစ်ဂါထာ ဟူသတတ်

"တစ်ကျောင်း တစ်ဂါထာ တစ်ရွာ တစ်ပုဒ်ဆန်း" က ဆိုရိုးစကားဖြစ်ချေ သည်။ ယနေ့ ခေတ်စကားဖြင့် လစ်ဘရယ်ဖြစ်သည်ကို ဆိုခြင်းလား၊ ညှိနှိုင်း လို့ မရသည်ကိုဆိုခြင်းလား ကွဲကွဲပြားပြားတော့ မသိပေ။ တစ်ရွာ တစ်ပုဒ် ဆန်းကို မဆိုလိုချင်သော်လည်း တစ်ကျောင်း တစ်ဂါထာကိုတော့ဖြင့် တို့ ထိ ကြည့်ချင်သည်။
ဘာသာရေး ပွဲလမ်းများ စတင်ရာ၍ ဩကာသ ကန်တော့ချိုးက စ၍ ညှိနှိုင်း လို့ မရတော့။ ဩကာသကန်တော့ချိုး အမျိုးမျိုး ဖြစ်နေကြ၏။ သူ့ဟာနဲ့သူ မှန်ကြသည်ချည်းသာ၊ ပြဿနာက နှစ်သံ သုံးသံ ကွဲနေခြင်းသာ ဖြစ်၏။ သာသနာကွယ်မည့် ကိစ္စတော့ မဟုတ်။

ထို့နောက် သံဃာတော်များ ပရိတ်ရွတ်ရာ၌ ဤ ဇာတိရုပ်က တဖန် ပေါ် လာပြန်၏။ သီရိလင်္ကာ၊ ထိုင်းသံဃာတော်များ ပရိတ်ရွတ်ဖတ်ရာ၌ မည်မျှ သံဃာများများ တညီတညွတ်ရှိလှသည်။ အထူးသဖြင့် ထိုင်းသံဃာတို့က အညီညွတ်ဆုံး ဖြစ်သည်၊ တစ်သောင်းရွတ်လည်း တစ်သံထဲ ထွက်၏။ တောင်ပိုင်းထိုင်း၊ မြောက်ပိုင်းထိုင်း အတူတူဖြစ်သည်။ မေတ္တာစိတ်သာ ပဓာနဟု ဆိုရန်တော့ရှိသည်၊ သို့သော် သံဃာအများကြီး အဖြတ် အရပ် ညီညီ ရွတ်ဖတ်တော်မူကြလျှင် ပို၍ ကြည်ညို ကြည်နူးဖွယ်ကောင်းသည်ကို ဇွတ်မငြင်းကြသင့်။ အသံထွက်မှစ၍ ကျွန်ုပ်တို့က တစ်ကျောင်း တစ်ဂါထာ ဆန်လွန်းလှ၏။

ထို့နောက် ရေစက်ချကြ၏။ အားလုံး ကိုယ့်မူနဲ့ကိုယ် ချကြသည်။ ထို့ကြောင့် ရေစက်ချ အမျိုးမျိုးဟူသည့် စာအုပ်တွေလည်း ရှိလာရတော့ သည်။ သီရိလင်္ကာတို့က တိုသည်၊ ရှင်းသည်၊ ထိမိသည်၊ ရစက်ချ အမျိုးမျိုး စာအုပ်တွေမလို။ တို၊ ရှင်း၊ ထိမိပေမပေါ့၊ မူရင်းကို ကိုင်လိုက်သည်ကိုး။ မူရင်းဘုရားဟောဖြစ်သည့် တိရောကုဋ္ဋသုတ်လာ "ဣဒံ နော ဉာတီနံ ဟော တု၊ သုခိတာ ဟောန္တု ဉာတယော" ကို ရွတ်လိုက်ကြသည်။

မဟာဂန္ဓာရုံဆရာတော်ကြီး မွေးရပ်ရွာရောက်ခိုက် မိဘနှစ်ပါးနှင့် ဆွေမျိုးများ ကို ရေစက်ချအမျှဝေရာ၌
"ဣဒံ နော ဉာတီနံ ဟောတု၊ သုခိတာ ဟောန္တု ဉာတယော" ကိုသာ တူဖြစ် သူကို ရွတ်ဆိုစေကြောင်း ရှားရှားပါးပါး မှတ်သားလိုက်ရသည်။ ဆရာတော် ကြီး၏ ကြည်ညိုဖွယ်များတွင် ဤသို့ ဘုရားဟောကို နံပါတ်တစ်ထားခြင်းများ ပါဝင်သည်။

ရွတ်ဖတ်သရစ္ဇျာယ်လျှင် အကျိုးများစွာရနိုင်သည့် ဘုရားဟော ဂါထာတော် များ ပိဋကတ်တော်မှာ အလွန်များပြားလှပါလျက် သမ္ဗုဒ္ဓေ ဂါထာများ ပေါ်ပြူ လာဖြစ်နေခြင်းက "တစ်ကျောင်း တစ်ဂါထာ" ၏ အစွမ်းကို ပြသလျက် ရှိ သည်။
ထိုထိုသော အကြောင်းတို့ကြောင့် ပရိတ်ရွတ်ရာ၌ပင် အခြားသံဃာများလို ညီညွတ်အောင် ကျွန်ုပ်တို့ မရွတ်တတ်ကြတော့။ ဖြတ်ချင်ရာ ဖြတ်၊ ရပ်ချင်ရာ ရပ်၏။ မှန် မမှန်က ရွတ်ဖတ်နည်း (စည်းကမ်း) ထက် မိုက်ကရိုဖုန်းနှင့် အနီး ဆုံးဆရာတော်နှင့်သာ ဆိုင်လေတော့သတည်း။
"တစ်ကျောင်း တစ်ဂါထာ တစ်ရွာ တစ်ပုဒ်ဆန်း" ဟူသတတ်။ ။

Read more

မှင်စာလေးနဲ့ တတိယလူရဲ့ဆုတောင်း

အနောက်တိုင်း ဂျုတ်တွေထဲမှာ မှင်စာက နေရာတော်တော်ရတယ်။ စပ်မိလို့ တစ်ပုဒ်လောက် ပြောခွင့်ပြုပါ။ လူ သုံးယောက် ရေပတ်လည် ဝိုင်းနေတဲ့ ကျွန်းလေးပေါ်မှာ ပိတ်မိနေတယ်။ မလွတ်မလပ်၊ စားချင်ရာ မစားရ၊ သွားချင် ရာ မသွားရ၊ တွေ့ချင်သူနဲ့ မတွေ့ရပေါ့။ သိကြတဲ့ အတိုင်း ပုလင်းလေးတစ် လုံး မျောပါလာ၊ တစ်ယောက် ပွတ်လိုက်တော့ မှင်စာထွက်လာ။ လိုရာဆုေ တာင်း လို့ပြော ပေါ့။

ပထမလူက "မိသားစုတွေနဲ့ ပျော်ပျော်ပါးပါး လွတ်လွတ်လပ်လပ် မနေရ တာကြာနေလို့ အိမ်ကိုပြန်ရောက်ပြီး ဇနီး၊ သား သမီးတွေနဲ့အတူ ဒင်းနား စားပွဲမှာ ရောက်နေရပါလို၏" တဲ့။
မှင်စာလေးက ပြည့်စေ ဆိုတော့ သူ ကျွန်းလေးထောင်ကနေ လွတ်သွား တယ်။

ဒုတိယလူက ငယ်သူငယ်ချင်းတွေကို မက်တာဆိုတော့ အိမ်ကိုပြန်ရောက်ပြီး သူငယ်ချင်းတွေနဲ့အတူ ပျော်ပျော်ပါးပါး သောက်စားနေရပါလို၏ တဲ့။ ပြည့် စေ ဆိုတော့ သူလည်း ကျွန်းလေးထောင်ကနေ လွတ်ပြီး အိမ်ပြန်ရောက် သွားတယ်။
သူတို့ နှစ်ယောက်စလုံး လွတ်လပ်မှု အရသာကို ကျကျနနခံစားနေချိန် မှာပေါ့........

မှင်စာလေးက တတိယလူကို
"မင်းရောဘာဆုတောင်းမလဲ" ဆိုတော့
" ငါ တစ်ယောက်တည်း ကျွန်းလေးပေါ်နေရတာ ပျင်းတယ်။ အဖော်ရေ အာင် စောစောက ထွက်သွားတဲ့ လူနှစ်ယောက် ဒီကျွန်းပေါ် ပြန်ရောက်စေ" တဲ့။
မှင်စာလေးကလည်း " ပြည့်စေ" တဲ့။ သွားကရော။

ဘာမှ မကြာလိုက်ဘူး၊ တတိယ ငနဲ လက်ချက်ကြောင့် ဟိုလူနှစ်ယောက် ကျွန်းပေါ်ပြန်ရောက်လာရပြီ။

ကျနော်တို့ အခြေအနေနဲ့ တတိယ ငနဲရဲ့ ဆုတောင်း။
လူကြီးမင်းတို့ ဘယ်လို ထင်ပါသလဲ။
ဒီလိုသာဆို အားလုံး ကျွန်းလေးပေါ် ပျော်ပျော်ကြီး ပြန်သွား ကြရတော့ မလိုလို။ 

Read more

Diploma In Buddhism 2013/2014 (21st Intake)

*** Successful Candidates: Eligible to enroll for 2014 BA degree  ***

ဓမ္မမိတ်ဆွေအပေါင်းတို့...
စင်္ကာပူနိုင်ငံ မင်္ဂလ၀ိဟာရဘုန်းတော်ကြီးကျောင်းတွင် ဖွင့်လှစ်မည့် သီရိလင်္ကာနိုင်ငံရှိ Buddhist & Pali University  အသိအမှတ်ပြု Diploma In Buddhism ၀င်ခွင့်အတွက် လျှောက်လွှာများခေါ်ယူတော့မည်ဖြစ်ကြောင်း သတင်းကောင်း ပါးအပ်ပါသည်။

Course preview : July 6 & 13 (3pm-4pm), 2013 (Saturdays)

Registration period : July 14 to August 16, 2013
Registration Fee : US$52 with Buddhist & Pali University, Sri Lanka
Maintenance fee : S$240 ($20x12 months)

Date commencement: 6th Oct 2013
Duration : One Year
Venue: Mangala Vihara Temple(MV) 30 Jln Eunos, S419495
Class :  Tuesdays (7:30pm-9:30pm) , Sundays (2:00pm-5:15pm)
Media : English
Classes are conducted by qualified graduates of the Buddhist and Pali College of Singapore.

Contact for further enquirers:
Maureen Hui : 96282069 , mayaahui@hotmail.com
Vasana Chua : 98347318, vasana_cpn@yahoo.com.sg
Edwin Tan : 96179850, edwinkwant@mirage.sg
Mangala Vihara Temple (Tel: 6744-4285)

e-flyer for more information (PDF)

Read more

အာရှခေါင်းဆောင်ကြီးများ Facebook နဲ့ Facebook ဖြစ်သွားတဲ့မဂ္ဂဇင်း

အာရှခေါင်းဆောင်ကြီးတွေရဲ့ ဖေ့စ်ဘုတ်၊ တွစ်တာတွေကြည့်တော့ ဦးသိန်း စိန် ဖေ့စ်ဘုတ်မှာ လိုက် နည်းနေတယ်။ မြန်မာတွေက လိုက် လုပ်ရာမှာ စတင်းဂျီး (stingy) ဖြစ်ဟန်တူပါရဲ့။ ဒီနေ့ စထရိတ်တိုင်း သတင်းပါ။

India
Prime Minister: Manmohan Singh
Over 600,000 followers on Twitters.
Population: 1,2 billion

Indonesia
President: Susilo Bambang Yudhoyono
Nearly 2.5 million followers on Twitter.
Population: 237 million

Japan
Prime Minister: Shin Zo Abe
About 368,000 "likes" on Facebook, over 137,000 followers on Twitter.
Population: 127 million

Malaysia
Prime Minister: Najib Razak
Over 1.7 million Facebook "likes" and 1.6 million followers on Twitter.
Population:29 million

Myanmar
President: Thein Sein
About 6400 "likes" on Facebook and 300 followers on Twitter.
Population: 53 million

Philippine
President: Beningno Aquino
Over 2.8 million "likes" on Facebook, while his Twitter account has nearly 1.56 million followers
Population: 92 million

Singapore
Prime Minister: Lee Hsien Loong
Over 137,000 followers on Facebook and more than 32,000 followers on Twitter.
Population: 5.3 million

Taiwan
President: Ma Ying-Jeou
Over 1.4 million followers on Facebook
Population: 23 million

Thailand
Prime Minister: Yingluck Shinawatra
Over 800,000 "likes" on Facebook, 134,000, followers on Twitter.
Population: 65 million

အိန္ဒိယဝန်ကြီးချုပ်နဲ့ အင်ဒိုသမ္မတက Facebook မသုံးကြဘူး။

ထိုင်ဝမ်မှာ အမျိုးသား စာရးဆရာတွေကို ပေးတဲ့ဆု အမျိုးသမီးရသွားတာက ဘာထူးသေးလို့လဲ ဒီအပတ်ထဲမှာ မဂ္ဂဇင်းဖြစ်ပြီး "Face" book ဂုဏ်ထူး ရ သွားတဲ့ တိုင်းမ်မဂ္ဂဇင်းကမှ ထူးတာ။ မဂ္ဂဇင်းက "Face" book ဖြစ်ရတယ် လို့။

Read more

ဘာသာရေး ဘက်မျှမှု

အင်္ဂလိပ်တို့ ကိုလိုနီချဲ့စဉ် ဗုဒ္ဓဘာသာ နိုင်ငံများ အနေနှင့် အနည်းနဲ့ အများ ဘာသာရေးအားနည်းသွားမှုတွေ ရှိခဲ့နိုင်ပါသည်။ သို့သော် ကျွန်ုပ်တို့ ပြန်ရ လိုက်သည့် အချက်ကိုလည်း မမေ့သင့်ပါ။
ကျွန်ုပ်တို့ ဘာ ပြန်ရလိုက်သလဲဆိုလျင် ဆာ အက်ဒွင် အာနိုးဟု ဆိုရပါလိမ့် မည်။ သူသည် အန္ဒိယကိုလိုနီနယ်သို့ တာဝန်ဖြင့် ရောက်လာရသူ ဖြစ်သည်။
ထို့နောက် ယဉ်ကျေးမှုကို ထိတွေ့၊ လေ့လာ၊ ခံစားမိရင်း ဂန္တဝင် ကဗျာရှည် ကြီးကို မွေးဖွား ရေးသားနိုင်ခဲ့သည်။

အနောက်ကမ္ဘာသို့ ဗုဒ္ဓဘာသာရောက်သွားရာတွင် ဆာ အက်ဒွင် အာနိုး၏ "အာရှတိုက် အလင်းရောင်" က အကြီးမားဆုံး အင်အားတစ်ခုဖြစ်ခဲ့ပါသည်။
ဗုဒ္ဓဘာသာ နိုင်ငံတိုင်းက အားနည်းသွားသည့် ပြည်တွင်း ဘာသာရေး အား တို့ကို ပြန်လည် ထိမ်းမတ်နိုင်သည်ဆိုလျင် အာရှတိုက် အလင်းရောင် က ဗုဒ္ဓဘာသာအတွက် အသားတင် အမြတ်ဖြစ်ပါသည်။

ဘာသာရေး ရှုဒေါင့်ကကြည့်လျင် ကျွန်ုပ်တို့ မရှုံးလှပါ။ အရှုံးရှိသလို အမြတ် လည်း ရလိုက်ပါသည်။ အာရှတိုက် အလင်းရောင် ကို အင်္ဂလိပ်တို့ ဖျက်ဆီး လို့မရတော့ပါ။
ပုဂ္ဂလိက အမြင်အားဖြင့် ဤသည်မှာ သဘာဝ ဘက်မျှမှုအားတစ်ခု ဖြစ် သည်။

ဗုဒ္ဓဘာသာကို ဖြူစင်သည်ဟု ယုံကြည်ကြလျင် ဖြူလျှင် ညစ်ထေး လွယ် သည်ဟုလည်း ကျွန်ုပ်တို့ နားလည်ထားကြသင့်သည်။

Read more