ထောက်ခံပါတယ် အလုပ်သမားဝန်ကြီး

အနိုင်ကျင့်နှိပ်စက်မှုတွေကို စိုးရိမ်လို့ မြန်မာအိမ်ဖော်တွေ စင်္ကာပူလာခွင့် ငါးလ ရပ်ဆိုင်းထားမယ်လို့ သိရပါတယ်။ အနည်းဆုံးတော့ အလုပ်သမားတွေရဲ့ ဒုက္ခ နဲ့လူထုရဲ့ စိုးရိမ်မှုကို အသိအမှတ်ပြုရာ ရောက်ပါတယ်။

၁။ အိမ်ဖော်လာလုပ်ခြင်းဟာ (နိုင်ငံတော်အတွက်၊ တစ်ဦးချင်းစီအတွက်) ရေ ရှည်ပြသနာဖြေရှင်းခြင်း မဟုတ်နိုင်ဘူး။
၂။ အမျိုးသားရေး သိက္ခာအရ မစွံလှဘူး(စိတ်မကောင်းပါ။ ဒီနေရာမှာ "အလုပ် ဟူသမျှ ဂုဏ်ရှိစွ" ကို ကိုင်မထားချင်ပါဘူး။ သဘောတူသူ၊ မတူသူ အများအပြား ရှိနိုင်၊ ပိုက်ဆံတစ်ပြားမှ မရှိလည်း သိက္ခာရှိချင်သေးသတဲ့)
၃။ စင်္ကာပူဟာ အိမ်ဖော်မရှိရင် ပြသနာပေါင်း သောင်းခြောက်ထောင် တက်သွားနိုင်လို့ လျှော့ မပေးသင့်။

၁ နဲ့ ၂ က ရှင်းလွန်းလှပါတယ်။ ၃ ကိုတော့ ရေးချင်ပါတယ်။
လူဦးရေပြသနာကြောင့် သူ့လူတွေကို အိမ်ထောင်ပြုစေချင်၊ ကလေးယူစေချင် တဲ့အစိုးရဟာ သူ့လူမျိုးတွေရဲ့ ဝန်ထုပ်ကို (နော်ဝေတို့လို) လျှော့ချဖို့လည်း လုပ် မပေးနိုင်သေးဘူး။ လင် မယား နှစ်ယောက်စလုံး အလုပ်လုပ်မှ ရပ်တည်လို့ ရတယ်။
ဒါဆို ကလေးတွေကို ဘယ်လို စောင့်ရှောက်မလဲ။
နောက်ပြီးတိုးပွားလာတဲ့ သက်ကြီးရွယ်အိုကိစ္စ ရှိသေးတယ်။ ဒါ့ကြောင့် အိမ်ဖော်မရှိရင် ပြသနာပေါင်း သောင်းခြောက်ထောင် တက်သွားမယ်။ ဒါကိုသိတဲ့ အစိုးရဟာ အိမ်ဖော်ကိစ္စကို တတ်နိုင်သမျှ အဆင်ပြေအောင် ဆောင်ရွက်ပေးနိုင်ဖို့ HOME ဆိုတဲ့ လူမှုရေးအဖွဲ့ ဖွဲ့ပေး ထားတယ်(အခြားအဖွဲ့တွေ ရှိသေးတယ်၊ နယ်ပယ်အသီးသီးမှာ၊ အစိုးရရဲ့ တိုက်ရိုက်စီမံခန့်ခွဲမှု)။
ဒီပလိုမေစီစကားအရ စင်္ကာပူကို အလုပ်လာလုပ်သူတိုင်း အလုပ်သမား အခွင့် အရေး ရ,ရမယ်။ အရပ်စကားနဲ့ပြောတော့ ခပ်ညံ့ညံ့ အင်ဒို၊ ဖိလစ်ပိုင်နဲ့မြန် မာနိုင် ငံတွေဆီက အိမ်ဖော်တွေမရှိရင် သူ့ရဲ့ လူမှုရေး၊ စီးပွားရေးတွေ ကမောက် ကမဖြစ်သွားနိုင်လို့ သူ့ကိုယ်သူ ကာကွယ်တာပါပဲ။ လာချင် လွှတ်ချင်အောင် လုပ်ထားတာ။ သိပ် အဆိုးမြင်သွားသလား။ မတတ်နိုင်ဘူး၊ ဖြစ်နိုင်ခြေကိုတော့ စဉ်းစားသုံးသပ်ရမှာပဲ။ အူကြောင်ကြောင် အကောင်းမြင်သမား မလုပ်ချင်ဘူး။

ဒီတော့ စင်္ကာပူရှိမြန်မာသံအမတ်က စင်္ကာပူက အေးဂျင့်တွေနဲ့ သဘောတူညီမှု ရဖို့ ညှိနှိုင်းသလို အင်ဒို၊ ဖိလစ်ပိုင်သံအမတ်တွေနဲ့လည်း ဒီကိစ္စ စကားပြောသင့် တယ်။ ဆွေးနွေးသင့်တယ်။ အိမ်ဖော်တွေ အခွင့်အရေးပိုရအောင် လုပ်သင့် တယ်။ ပြောခဲ့ပြီ၊ သူတို့ရှိနေလို့ စင်္ကာပူ အဆင်ပြေနေတာ။ နို့မို့ ကလေး၊ အိုမင်း မစွမ်းမိဘ၊ ဝင်ငွေ၊ ဖိအားများတဲ့ လိုက်ဖ်စတိုင်လ်၊ ဈေးကြီးလှတဲ့ လူနေမှုစနစ်။ ဒီပြသနာက သေးသေးလေး မဟုတ်ဘူး။

မြန်မာနိုင်ငံအနေနဲ့ကတော့ ရေရှည်မှာ ဒီအလုပ်ကို အပြီး ပိတ်နိုင်အောင် လုပ် ရမယ်။ ၂၀၀၃ ခုအထိ အိမ်ဖော်ဆိုတာ မရှိသလောက်ပဲ။
ဒါက ဖြေဆေး၊ ထွက်ပေါက် လုံးဝမဟုတ်ဘူး။
သဘောမတူရင် ဆောရီးပါ။

Read more

ပြန်ချင်တဲ့ ကွန်မင့်များ

Facebook Link
Ko Wun Tho (၁) သူကအလယ်အလတ်လူတန်းစား။ အုပ်ချုပ်သူလုတန်းစားနဲ့ ဝင်ထွက်ရင်းနှီးနိုင်ခဲ့ လို့  ပြန်လွမ်းတာဖြစ်မှာပါ။
ကျွန်တော်တို့  တိုင်းပြည်လိုပေါ့ ။ အလယ်လတ်တန်းစားတွေက ဒီတိုင်းလေးနေခြင်ကြတာပဲ ။ သူ မှမထိခိုက်တာကိုး။
ထိခိုက်တဲ့ အောက်ခြေလူတန်းစားတွေ ။ လူမဆန် ပြုမူခံရတာတွေ ကျကိုယ်ချင်းမစာနိုင်ခဲ့ဘူး။
(၂) ဥပမာတခုပြောရရင် နာဂစ်မှာ ရေငတ်အစာငတ်လို့  သေတဲ့ သူတွေက သန်းရွှေကြောင့် ။
ကယ်ဆယ်ရေးတွေ ပေးဝင်ရင်သေစရာအကြောင်းမရှိ။
သူတို့  ဂေါက်လို့ သေရ တာလေ။
ဒါမျိုး တွေနေမယ်ပေါ့ ။ဟဲဟဲ လျှာရှည်ကြည့်တာ။
Unlike · Reply · 5 · 2 hours ago

ကိုဝန်းသိုကွန်မင့်က နှစ်ပိုင်း၊ ပထမပိုင်းကို သဘောတူတယ်၊ ဦးဆက်ဒန်ဟူစိန်နဲ့ သန်းရွှေ နှိုင်းယှဉ်တာကိုတော့ သဘောမတူချင်ဘူး။ ဦးဟူစိန်ဘက်က နာတယ်။ အမျိုးသားရေးမှာ ဦးဆက်ဒန်ဟူစိန်နဲ့ နှိုင်းလို့ရမှာက အာဏာသိမ်းစ ဦးနေဝင်းပဲ၊ မျက်ကန်းမျိုးချစ်စိတ်လို့ ခေါ်ကြမယ်ထင်တယ်။ အမျိုးသားရေး အကျိုးစီးပွား အတွက်တွေပါတယ်။
သန်းရွှေလုပ်ရပ်က ဘာအတွက်မှကို မပါတာ။ ဦးဟူစိန်ကို သူ့မျိုးနွယ်စုတွေက တကယ်ချစ်တာ။ သန်းရွှေသာ ဦးဟူစိန်အဆင့်ရှိရင် တိုင်းရင်းသားတွေကသာ မုန်းပြီး မြန်မာတွေက ကြိတ်ပြီးချစ်နေစရာပဲ။ မြန်မာတွေ ချစ်ဖို့အသားထား သူ့ကို ကျောက်ဆယ်သားတွေကတောင် မချစ်ဘူး။ သူ့ကိုချစ်တာက မယ်ကြိုင်နဲ့ ဦးနှောက်ဆေးမင်္ဂလာအပြုခံလိုက်ရတဲ့ အခု ခေါင်းပေါင်းစထောင်ထောင် လက် တစ်ဆုပ်စာ မြေးလေးတွေပဲ ရှိတယ်။

ကျနော်နားလည်သလို ဘာသာပြန်ရရင်...
ဦးဆက်ဒန်ဟူစိန်က မျက်ကန်းမျိုးချစ်။
သန်းရွှေက မျက်မြင် အာဏာရူး အတ္တသမား။

အမှာ။ ။ ခင်ဗျား "ဦး"မတတ်လို့ ကျနော်လည်း "ဦး"မတတ်တော့ဘူး။ "ဦး"မတတ်လို့ "ဟေ့ကောင့် မင်း မိုက်ရိုက်းလှပါလား" လို့ ဆဲသံလည်း မကြာဘူးသေးဘူး လေ။ အဲသလောက် ချစ်ကြတာ။

Read more

**ချစ်တဲ့အီရတ် ငိုလိုက်စမ်း**

(အမေရိကန်ရောက် အီရတ်တစ်ယောက်ရဲ့ဆောင်းပါးပါ။ ရင်ကို ထိသွားလို့)

(အာဏာရှင်စနစ်ကျဆုံး
မနူးမနပ်နဲ့
အစွန်းရောက်ဘာသာရေးပေါ် ချော်လဲ
ဒီမိုကရေစီ သန္ဓေလည်း ပျက်ကျခဲ့ရော။ ။) ဇင်ဝေသော်။

လူတွေက ကျနော်ဘယ်လိုခံစားရသလဲ မေးကြတယ်၊ ဝမ်းနည်းတာပေါ့။ ၂၀၀၃ ခုကစလို့ သေလိုက်တဲ့ အမေရိကန်နဲ့အီရတ်တွေ။ အခု အစ္စလမ်လမ်နိုင်ငံတော် ဆိုတာကြီးပေါ်လာတော့ အီရတ်ဟာ မမှတ်မိနိုင်လောက်အောင် ပုံလဲ သွားခဲ့တော့တယ်။

ဘဂ္ဂဒက်မြို့က အလတ်တန်းစားမိသားစုမှာ ကျနော်မွေးဖွားခဲ့တယ်၊ အဖေက လေတပ်စစ်သား၊ အမေက သင်္ချာဆရာမ၊ ညီအကိုမောင်နှမတွေနဲ့အ တူ ကျောင်းသွား၊ စူပါမဲန်း၊ ဘက်တ်မန်း ဗွီဒီယိုတွေကြည့်၊ မိဘတွေနဲ့ ရေကူးကန် မှာ ရေကူးပေါ့။
၁၉၉၀ ပင်လယ်ကွေ့စစ်ပွဲကြီးဖြစ်တော့ ကျနော်က ၁၂ နှစ်သား။ ဗလီတွေက ဝတ်ပြု ဆုတောင်းဖို့ အော်ခေါ်သံတွေ တစ်ခါမှ မကြားခဲ့ရဘူး။ ဘယ်အမျိုးသမီးမှ ခေါင်းကို ပုဝါမခြုံ၊ ကျနော့်အမေ မိတ်ကပ်လူးတယ်၊ စကတ် ဝတ်တယ်၊ ဘလောက်(စ်)ဝတ်တယ်၊ တစ်ခါတစ်ခါ ဘာမြူဒါ ဘောင်းဘီတိုနဲ့။ ၂၀၀၉ ခု ကျနော် အမေရိကရောက်တော့ "အီရတ်ဟာ အနောက်ဆန်ခဲ့တယ်၊ ပညာရေးကောင်းခဲ့တယ်၊ ကျန်းမာရေး စောင့်ရှောက်မှုကောင်းခဲ့တယ်၊ ဘာသာရေး အစွန်းမရောက်ခဲ့ဘူး" စတာတွေ အမေရိကန်တွေ နားမလည်ကြ မှန်း သိခဲ့ရတယ်၊ အချမ်းသာကြီးမဟုတ်ပေမဲ့ အီရတ်ဟာ မဆင်းရဲဘူး။
ဒီနေ့ အီရတ်လား။ ဆီနဲ့ရေပေါ့ဗျာ။

လွန်ခဲ့တဲ့ ၂၄ နှစ်က အီရတ်က ကူဝိတ်ကို ကျူးကျော်၊ အမေရိကန်က အီရတ်ကို ဒဏ်ခတ်၊ တံတား၊ ပါဝါစတေးရှင်း၊ ရေမြောင်းနဲ့ ရေနံစက်ရုံတွေ ဖျက်ဆီးခဲ့ တယ်။ ရေပိုက်ကိုလှည့်ပေမယ့် ရေမလာတော့ဘူ။ မီးမရှိ ရေမလာ၊ သန်းခေါင်ယံ ပူအိုက်လို့ အိပ်ယာကနိုး။ စီးပွားရေး ဒဏ်ခတ်တော့ လူတွေရဲ့ဘဝတွေ၊ ကိုယ် ကျင့်တန်ဖိုးတွေ ချက်ချင်းပြောင်းသွားခဲ့တော့တယ်။
လုယက်မှုတွေ ထူပြော၊ ၃ မိနစ်ကြာအောင် ကားရပ်ထားလို့ မရ။
အမေရိကန်တွေမျှော်မှန်းထားသလို စစ်ပွဲက အီရတ်တွေရဲ့ဘဝကို ပြောင်း မပေးနိုင်ခဲ့ဘူး။ အီရတ်တွေက ဆက်ဒန်ကို ဖြုတ်ချဖို့ အမေရိကန်တွေက မျှော်လင့် ဟန်တူပါတယ်၊ ဒါက ဖြစ်လာမယ်မဟုတ်ဘူး။ ကျနော်တို့ဟာ မျိုးဆက်ပေါင်း မရေမတွက်နိုင်အောင် ကြီးသူရိုသေယဉ်ကျေးမှုနဲ့ နေလာခဲ့ကြတာ။

လွတ်လပ်သွားတဲ့ အီရတ်ဟာ အောက်ခြေလည်းလွတ်သွားတယ်၊ ဒီမိုကရေစီမဖြစ်တဲ့အပြင် ဘာသာရေးခေါင်းဆောင်တွေဆီ ခြေစုံပြေးဝင်သွား ကြတယ်။ ဒါဟာ ဒီမိုကရေစီ ကျရှုံးမှု၊ အမေရိကန် ကျရှုံးမှု။ စီပွားရေး ပိတ်ဆို့ လိုက်တော့ အီရတ်ကို ပြောင်းလဲပေးနိုင်မယ့် အီရတ်ပညာတတ်တွေ၊ အနုပညာ ရှင်တွေ၊ အလယ်အလတ်ဝါဒီတွေက နိုင်ငံရပ်ခြားကို ပြောင်းသွားကြတယ်။

၂၀၀၃ ခုအထိ အခြားဆရာဝန်တွေ၊ ဆေးဝါးပညာရှင်တွေနဲ့အတူတူ ခရီးထွက်ခွင့် ကျနော်မရခဲ့ဘူး။
သူငယ်ချင်း၊ မိဘ မိသားစုက ဆီးရီးယား၊ ဆီးရီးယားကနေ ဂျော်ဒန်ကို ဆက်ကူး သွားကြတယ်။
ကျနော်လည်းထွက်သွားခဲ့ချင်တာပဲ၊ ဒါပေမဲ့ အီရတ်ပတ်စပို့နဲ့ ဝင်လို့ရတဲ့နိုင်ငံက လက်ချိုးလို့ရတယ်။
၂၀၀၉ ခုရောက်မှ အမေရိကကို ထွက်လာနိုင်ခဲ့တယ်။ အီရတ်ကနေ ထွက်ခဲ့ ရတာကို ပျော်နေမိတယ်။ ဒါတောင် ဒီနေ့ အနေအထားလောက် မဆိုးဝါးလှဘူး။

ဝမ်းနည်းစရာအကောင်းဆုံးက အီရတ်လိုနိုင်ငံထဲမှာ ISIS ကို ထောက်ခံမှု ရှိနေသေးခြင်းပါ။ ပြောရတာ စိတ်မကောင်းပါဘူး။ အဲဒါ ဆက်ဒန်ဟူစိန်မရှိလို့ပါ။
ကျနော်လည်း ဆက်ဒန်ဟူစိန်ကို မုန်းပါတယ်၊ ဒါပေမဲ့ သူရှိနေရင် ဒီအနေအထား မျိုး ရောက်မလာနိုင်ပါဘူး။ ဆက်ဒန်ဟူစိန်မရှိလို့ သေရတဲ့ လူအရေအတွက်ဟာ ဆက်ဒန်ဟူစိန် သတ်လို့သေရတဲ့ လူအရေအတွက်ထက် အများကြီး ပိုများတယ်။

အစတော့ တီဗွီကြည့်၊ သတင်းနားထောင်၊ နောက်ပိုင်းစိတ်ညစ်လို့ အားလုံးဖြတ် ပစ်လိုက်တယ်။

တစ်ခါတစ်ခါ အရင်က ရွှေရောင် အီရတ်ရဲ့ ဗွီဒီယိုလေးတွေကိုပဲ ပြန်ကြည့်နေ မိတယ်။
အီရတ် ပြောင်းလဲလာဦးမှာလား။ ဒီပုံစံနဲ့ ကျနော့်တစ်သက်တော့ မထင်မိဘူး။

Read more

တရုတ်ခေါင်းဆောင်တွေကို လူထုက မမှတ်မိလို့ ဖဲချပ်ပေါ် ပုံတင်ပေးရသတဲ့။

တရုတ်ခေါင်းဆောင်တွေကို လူထုက မမှတ်မိလို့ ဖဲချပ်ပေါ် ပုံတင်ပေးရသတဲ့။
သရော်တာမဟုတ် အော်ဖစ်ရှယ်ပါ။ ထိရောက်မှု ရှိသလောက် ရှိဆိုပဲ။
ကဲ မြန်မာ့ခေါင်းဆောင်တွေဆိုရင် ဘယ်သူ့ကို ဘယ်နေရာထားကြမလဲ။
လူတွေက တုတ်တုတ်ခိုင်ခိုင်တွေပေမဲ့ စကားပြောလိုက်ရင် လေသံက ဂျိုကာလိုတွေချည်းပဲ။ ရယ်ရတယ်။

Read more

သာသနာပိုင်

မဟာဂန္ဓာရုံဆရာတော်ကြီးကတော့ ရွှေကျင်သာသနာပိုင် မလုပ်ချင်ဘူး၊ တစ်သာ သနာလုံးကိုပိုင်တဲ့ သာသနာပိုင်ဆိုရင်တော့ လုပ်ချင်တယ်။ သာသနာတစ်ခုလုံး ကို ပြုပြင်ချင်လို့ တဲ့။ ဆရာတော်ကြီး သာသနာပိုင်ဖြစ်မသွားခဲ့ရှာဘူး။
ပြောမကောင်းလို့ အကျယ်မပြောတော့ဘူး။ တောင်ထိမြောက် ထိတွေဖြစ်ကုန် မယ်။ ဒါပေမဲ့ မဟာဂန္ဓာရုံကျောင်းတိုက်ကတော့မန္တလေးရောက်တဲ့ နိုင်ငံခြားသား တိုင်းလိုလို (ဒီနေ့အထိ) ရောက်အောင်သွားကြတယ်။

Read more

ဦးသိန်းစိန် အီးယားဖုန်းတပ်တတ်သွားရင်

လက်ရှိအစိုးရက ခပ်ချာချာ။ ဘာမှမသိတော့ ခရိုနီအားကိုး၊ ခရိုနီစကား အဟုတ် ထင်နေရ၊ ခရိုနီနဲ့တရုတ်က ဒေါ်စုကိုမလိုချင်၊ အနောက်ကလည်း ဒီမိုကရေစီဖြစ် သွားတဲ့နောက် အစွန်းခပ်ရောက်ရောက် အမျိုးသားရေးဝါဒဆီ ခြေဦး လှည့်သွား တတ်တဲ့ အာရှ သမိုင်းကြောင့် ခပ်တွန့်တွန့်။ ဦးသိန်းစိန်အနေနဲ့ သက်ဆင်ကို အတုယူသင့်တယ်။

ဟုတ်သလားတော့မသိဘူး၊ ဖေ့စ်ဘုတ်မှာ ပြောကြတာကတော့ ဦးသိန်းစိန်က ကမ္ဘာပတ်ပြီး ပိုက်ဆံချေးနေသတဲ့။
ရကြပါ့မလား။ ရပ်ကွက်ထဲ၊ ရွာထဲမှာတော့ အသုံးမကျလို့မွဲတာမျိုးဆိုရင် ပတ်ဝန်း ကျင်က စေတနာမရှိလှဘူး။
ဦးသိန်းစိန်အရင်ဆုံးလုပ်ရမှာက အိပ်ပေါက်ဖာရမှာ။
အကျင့်ပျက်ဆဲ ဗိုလ်ချုပ်လူထွက်ကြီးတွေအကြောင်း ကမ္ဘာက မသိမှာမဟုတ်ဘူး။

အကူအညီပေးတော့ ဗိုလ်ချုပ်ကြီးအိပ်ထဲရောက်။
အလုပ်ပေးနိုင်ဖို့ စီးပွားရေးနဲ့ဝင်မယ်ဆိုတော့ ခရိုနီတွေနဲ့ တပ်လန်ပြန်ကြရ။
ဂျပန်ကဆိုရင် မစ်စူဘီရှီအပါအဝင် ခရိုနီနဲ့ကို ရှင်းမပြီးနိုင်လို့ တော်တော် စိတ်ညစ် ကြသတဲ့။
လက်ရှိမြန်မာ့အကြီးစားစီးပွားရေးက ခရိုနီလက်ထဲမှာမို့ သူတို့ကို အမြစ်ဖြတ် လို့တော့ မရဘူး။
ဒါပေမဲ့ သူတို့ကို တင်းကြပ်မှရမယ်။
သူတို့နဲ့ဗိုလ်ချုပ်ကြီးလူထွက်တွေရဲ့ အာဏာကိုကန့်သတ်ရဲမှရမယ်။
လက်ရှိ ဦးသိန်းစိန်အနေနဲ့ အထိုက်အလျောက် အတုခိုးရမှာက ထိုင်းဝန်ကြီး ချုပ်ဟောင်း သက်ဆင်ဖြစ်မယ်။
ဘန်ကောက်ခရိုနီတွေကို သက်ဆင်ကိုင်တွယ်ခဲ့ပုံ ကောင်းတယ်။ လူထုအကျိုးရှိတယ်။
ခက်တာက အကဲခတ်လို့ရသလောက် ဦးသိန်းစိန်က သက်ဆင်လောက် စီးပွားရေးအမြင်ရှိဟန်မတူဘူး။
စီးပွားရေးအမြင်ရှိတဲ့သမ္မတမဟုတ်ရင် မြန်မာခရိုနီကလည်း ကြောက်မှာမဟုတ်ဘူး။
ဒီအချက်က ဒေါ်စုကို ပိုပြီးအခက်တွေ့စေတယ်။
အာဏာရှိပြီး စီးပွားရေး ဘာမှနားမလည်တဲ့ဗိုလ်ချုပ်ကြီးတွေက ခရိုနီစကားကို နားထောင်နေရတယ်။ လုံးဝမကောင်းတဲ့အချက်။

ထိုင်းသမိုင်းကိုကြည့်ရင် ဒေါ်စုလိုပုဂ္ဂိုလ်သမ္မတဖြစ်မှာကို ဗိုလ်ချုပ်ကြီးတွေထက် ခရိုနီတွေကတောင် ပိုလန့်ကောင်းလန့်နေနိုင်တယ်။ တရုတ်ကလည်း ဒေါ်စု ဆိုရင် လက်ရှိလူကြီးတွေနဲ့ဆက်ဆံရတာလောက် စားပေါက်ချောင်မှာ မဟုတ်တော့ လိုလိုချင်ချင်ရှိလှမယ်မဟုတ်ဘူး။
ချုပ်ကြည့်ရင် လက်ရှိအစိုးရက ခပ်ချာချာ။ ဘာမှမသိတော့ ခရိုနီအားကိုး၊ ခရိုနီစကားအဟုတ်ထင်နေရ၊ ခရိုနီနဲ့တရုတ်က ဒေါ်စုကိုမလိုချင်၊ အနောက်ကလည်း ဒီမိုကရေစီဖြစ်သွားတဲ့နောက် အစွန်းခပ်ရောက်ရောက် အမျိုးသားရေးဝါဒဆီ ခြေဦးလှည့်သွားတတ်တဲ့ အာရှသမိုင်းကြောင့် ခပ်တွန့်တွန့်။ ဦးသိန်းစိန်အနေနဲ့ သက်ဆင်ကို အတုယူသင့်တယ်။
ဦးသိန်းစိန် အီးယားဖုန်းတပ်တတ်သွားရင်တော့ အသံတွေ ပိုကြည်ကြည် လင်လင် ကြားနိုင်သွားကောင်းပါရဲ့။
ဂျာမန်အဓိပတိမကြီးကို အားကိုးရတော့မှာပဲ။

Read more

လူတစ်ယောက်ရဲ့ ကမ္ဘာ့အမြင်

ပဋိပက္ခအရင်ကိုင်နေလို့ ပစ်ထားရတဲ့ လူတစ်ယောက်ရဲ့ ကမ္ဘာ့အမြင်ကို ဒီနေ့ ညနေ ငါးနာရီခွဲမှာပဲ ဘာသာပြန်အဆုံးသတ်နိုင်ခဲ့ပါတယ်။
ကမ္ဘာ့စီးပွားရေး၊ စင်္ကာပူစီးပွားရေးအခန်းက ပူပူနွေးနွေးရှိချိန်နဲ့ မြန်မာပြည်က ဦးဌေးဦး တောင်ပြောမြောက်ပြော ပြောချိန် သွားပြီးတိုက်ဆိုင်နေတယ်။
စာဖတ်သူတွေ ကံဆိုးသွားတာတော့ မဟုတ်လောက်ဘူးထင်ပါရဲ့။
လေးစားစွာ

Read more

နည်းနည်းလေးတော့ လွဲနေတယ် ဦးဌေးဦး (၃)

ဒီနေ့ ပထမဆုံးနေ့က အကျဉ်းချုပ်တာများသွားတဲ့ အချက်(၃)ကို ပြန်ကြည့်ရအောင်
၃။ စင်္ကာပူ၊ အကန့်အသတ်နဲ့ ဒီမိုကရေစီ၊ ကက်ပီတယ်လစ်ဇင် ရာနှုန်းအပြည့်။
စင်္ကာပူကတော့ မနေ့ကတင်ပြခဲ့တဲ့ ငွေကြေးအဝင်အထွက်နဲ့ လူအဝင်အထွက် ကို နိုင်နင်းတော့ ကက်ပီတယ်လစ်ဇင် ရာနှုန်းအပြည့်ကျင့်သုံးလို့ရတာပေါ့။
ဒီမှာ လီကွမ်းယုရဲ့အဖြေ
"ငွေကြေးစနစ်နဲ့ဘဏ်စနစ်မနိုင်နင်းတဲ့နိုင်ငံတွေအတွက် ပြသနာတွေ တက်နိုင်ပေမဲ့ တို့အတွက်ကတော့ ရာနှုန်းပြည့် ကက်ပီတယ်လစ်ဇင်က အကျိုး အမြတ်ရှိဖို့ပဲ များတယ်လေ" တဲ့။ ဆိုလိုတာက ပိုက်ဆံရှိရင် နိုင်ငံခြားသားလည်း စင်္ကာပူမှာ အိမ်ဝယ်လို့ရတယ်။ ဒါကိုတော့ ဦးဌေးဦးအဘတွေ သိပါတယ်။

ဒါပေမဲ့ တိုက်ခန်းဝယ်ယူမှုနဲ့ မြေစိုက်အိမ်ဝယ်ယူမှုမှာ ဈေးမတူသလို စည်းကမ်း လည်းမတူဘူး။ ဒီမှာ လီကွမ်းယုက
" နိုင်ငံခြားသားတွေအနေနဲ့ မြေစိုက်အိမ်ဝယ်ချင်ရင် စည်းကမ်းတွေ မတူသ လို ဈေးကလည်း တံဆိပ်ခေါင်းဖိုးကအစ တင်ထားတယ်။ စင်္ကပူရီယန်းတွေ အနေနဲ့ အိမ်ဝယ်ချင်ရင် စံချိန်စံညွှန်းနဲ့ကိုက်ညီမယ်လည်းဆိုရင် အစိုးရရဲ့ ချေးငွေ နဲ့ ဝယ်ထားလို့ရတာပဲ"

ကဲမေးပြီ။ တရုတ်ကိုမြေတွေရောင်းချရအောင် မြန်မာလူမျိုးတွေအတွက် ပေးထားတဲ့အခွင့်အရေးက ဘာတွေပါလဲ။ မြန်မာတွေ အိုးပိုင်အိမ်ပိုင်ဖြစ်စေဖို့ အစိုးရရဲ့ ကူညီမှု၊ ကူညီဖို့ စီမံကိန်းက ဘာလဲ။ ရှိရင်ပြောပါအုံး။ တကယ် အလုပ်ဖြစ် မဖြစ် သုံးသပ်ကြည့်ရအောင်။ သုညမဟုတ်လား။ တရုတ်လောက် ငွေမပေးနိုင်ရင် မဝယ်နဲ့၊ အဲသလိုမဟုတ်လား။ ချာလွန်းတယ် လူကြီးမင်ရယ်။

ဒီမှာ ဆရာကြီးလီတို့ သုံးလိုက်တဲ့ဈေးကွက်စီးပွားရေးပညာက
"ငါတို့ကိုယုံကြည်လို့ ငါတို့အိမ်တွေကို ရင်းနှီမြှုပ်နှံတဲ့အနေနဲ့ လာဝယ်တာကို တားလို့မရဘူး။ ဒါပေမဲ့ အိမ်ကို နေဖို့မဟုတ်ဘဲ ရင်းနှီးမှုသက်သက်အနေနဲ့ ဝယ် သူတွေများသွားရင် အိမ်ဈေးက ကျသွားမှာ၊ ဒါဆို သူတို့အရှုံးပေါ်သွားမယ်။ ငါတို့ စနစ်က သူတို့ကို မတားဘူး။ သူ့အမြီးနဲ့ သူ့ပြန်ချည်တဲ့စနစ်၊ အဝယ်များရင် ဈေး ကျသွားအောင် လုပ်ထားတာ" တဲ့။
လှတယ်မဟုတ်လား။ အခု စင်္ကာပူမှာ အိမ်ဈေးတွေ ဆက်တိုက်ကျနေတော့ ပြည် ကြီးသား ကိုရွှေတရုတ် မရွှေတရုတ်တို့ ဒုက္ခတွေ့သွားတယ်။ သိပ်မဝယ်ရဲတော့ ဘူး။ အဲဒါ စီးပွားရေးပညာလို့ ခေါ်ပါတယ်။

"ဟေ့ ဟုတ်ပြီ။ ငါတို့လည်း လီကွမ်းယုနောက်လိုက်မယ်" ဆိုပြီး မလိုက်လိုက် ပါနဲ့။ အားလုံး ဒုက္ခရောက်သွားပါလိမ့်မယ်။ လူကြီးမင်းတို့ အစိုးရအဖွဲ့ထဲမှာ ကိန်းဘရေ့ဂ်ျ တက္ကသိုလ်တစ်ခုလုံး လှုပ်သွားအောင်တော်တဲ့ ရှေ့နေမပါဘူး။
ဘောလုံးစကားနဲ့ပြောရင် ဘာစီလိုနာ ကစားကွက်ကောင်းပေမဲ့ ရှဗီ၊ အက်နီ ယက်စတာနဲ့ မက်စီတို့မရှိဘဲ သူတို့လို လိုက်ကစားရင် ကိုယ့်သေတွင်း ကိုယ်တူး လိုက်တာပဲ။ ပေးလိုက်ရလိမ့်မယ်၊ တစ်ဂိုးပြီးတစ်ဂိုး။
ဒီစကားပြောလိုက်ရလို့ လူကြီးမင်းတို့အတွက်ရော နိုင်ငံတော်အတွက်ပါ ဆောရီးပါ။ လီကွမ်းယု အိုင်ကျူ ကိုမီဖို့ လူကြီးမင်းတို့ ဗိုလ်ချုပ်ကြီးတွေ တော်တော်များများပေါင်း ယူရမယ်ထင် တယ်။

သုံးသပ်စရာတွေ ပါနေတော တစ်နေ့တစ်နေ့ နည်းနည်းစီပေါ့ ဗျာ။
စာဖတ်သူတစ်ယောက် ကွန်မင့်ပေးထားသလို
"ဖြည်းဖြည်း...ဖြည်းဖြည်း။ မကြားဖူး၊ မဖတ်ဖူးတာတွေကြည့်ပြီး ရူးသွားဦးမယ်" တဲ့။
တကယ်က လူကြီးမင်းတို့ကို ပြည်သူက ချစ်ရှာပါတယ်။ မဖြစ်သင့်တာတွေ မဖြစ်ဖို့ ကျနော့်ကို သတိပေးသွားတယ်။ လူကြီးမင်းတို့ အိုင်ကျူပမာဏကို သတိထားမိသလို ပြည်သူရဲ့ဆန္ဒကိုလည်း လေးစားရပါတယ်။ ဒါ့ကြောင့် နည်းနည်းစီပဲ။

အမှာ။ နံပါတ်(၄)က ဒီထက် နည်းနည်းပိုခက်မယ်နော်။
Ref: One Man's View of The world.

Read more

နည်းနည်းလေးတော့ လွဲနေတယ် ဦးဌေးဦး (၂)

တံခါးဖွင့်စီးပွားရေးမှာ အနည်းဆုံး သေတွင်းနှစ်ခုရှိပါတယ်။
၁။ ငွေကြေးအဝင်အထွက် မနိုင်နင်းမှူ(စနစ်ကျ၊ အဆင့်မြင့်တဲ့ ဘဏ်စနစ်မရှိခြင်း)
၂။ လူအဝင်အထွက် မနိုင်နင်းမှူ(တိကျ၊ တင်းကြပ်တဲ့ လူဝင်မှု ကြီးကြပ်ရေး မရှိခြင်း)
အဲဒီနှစ်ခု မနိုင်နင်းရင် ကိုယ့်သေတွင်းကိုယ်တူးတာပါ။ ကဲ ကျနော်တို့ နိုင်ငံရဲ့ အထက်ပါ စနစ်နှစ်ခုက ဘယ်မှာလဲ။ စစ်အရာရှိတွေရဲ့ လက်ချက်ကြောင့် ဖွတ်ဖွတ်ညက်ညက်ကြေနေပြီးသား။ ဒီတော့ ပြည်သူက အလွယ်လေး ကောက်ချက်ချနိုင်တယ်။ ဒီကွန်မင့်နှစ်ခုကို ဖတ်ကြည့်ပါ။

"San Thar Htun
ဟေ့ လူ တရုတ် ဆို တာ ကျုပ် တို့ ပြောတာ ပြည်ကြီး တရုတ် မြန်မာစကားမတက် ဘဲ ကို ခင် ရီ လူ တွေ ကို ငွေ ပေးပြီး ID ကိုင် တာ ကို ပြောတာ ၁၉လမး က အော် ကွေ့ကြည် ဒုတ် ထိုး ရောင်း တဲ့ တရုတ် က တော့ မြို့သစ်စီမံ ကိန်းနား ဘယ် ကပ်နိုင် မှာ လဲ"

Lin Aung Thet 
"(၁) ငွေဖြူ ဟုတ်မဟုတ် မစစ်ဆေးတော့ဘူးလား
(၂) နိုင်ငံသား ဟုတ်မဟုတ် မစစ်ဆေးတော့ဘူးလား
(၃) လက်ရှိပိုင်ရှင်တွေကို စီမံကိန်းအကြောင်း နားလည်အောင် ရှင်းပြတာကို ပိတ်ပင်သင့်သလား။"

"ကိုယ်ကလည်း ဈေးကောင်းမပေးနိုင်ဘဲနဲ့ ဈေးကောင်းပေးမယ့်သူကျတော့ နှင်ထုတ်သလို ဖြစ်နေတယ်" ဒါက ဦးဌေးဦးစကား။
ကဲ လက်ရှိ ဈေးကွက်မှာ တရုတ်ကိုယှဉ်နိုင်တာဘယ်သူလဲ။ ဦးဌေးဦးတို့ ဘိုးအေ အမေရိကနဲ့ ဥရောပတောင် ယှဉ်လို့ မရဘူး။ ပေါက်ပြဲလူဝင်မှု ကြီးကြပ်ရေးကနေ ယိုစိမ့်ဝင်လာတဲ့ တရုတ်နဲ့ ဈေးပြိုင် မြန်မာတွေက ဘယ်လိုလုပ်ပေးနိုင်မှာလဲ။ ဒီစကားက လက်လွတ်စပယ်နိုင်ပြီး တာဝန် မဲ့ရာလည်းရောက်တယ်။ တစ်စက်မှ အမှတ်ပေးလိုက်စရာမရှိဘူး။ တရုတ်က တံခါးဖွင့်လာတာ နှစ်ပေါင်းလေးဆယ်၊ မြန်မာက ခရမ်းပျိုးဆဲ။ အစိုးရအသုံးမကျရင် ကလေးနဲ့လူကြီးရန်ဖြစ်သလိုနေမှာ။ ဘယ်သူနိုင်မလဲ။ ပွဲအဖြေကို ဦးဌေးဦး မတွက်နိုင်ရင်တောင် လူထုက တွက်နိုင်တယ်။

"ကြားကနေ အကုသိုလ်ဝင်မယူကြစမ်းပါနဲ့၊ ဘယ့်နှယ်ဗျာမုဒိတာ ပွားကြစမ်းပါဗျ"
ဒါဆိုရင်တော့ လက်ရှိကမ္ဘာ့အရေးအခင်းစာတွေ ဆက်လေ့လာဖို့ တိုက်တွန်း ရတော့မှာပဲ။
ကာလီဖိုးနီးယားက အမေရိကန်တွေအကြောင်း၊ ပဲရစ်က ပြင်သစ်တွေအကြောင်း။
အမေရိကန်တွေက လှိမ့််ဝင်လာတဲ့ မက္ကစီကန်တွေနဲ့လက်တင်တွေကို မုဒိတာ ထိုင်ပွားနေကြပါသလား၊ ပဲရစ်က ပြင်သစ်တွေကရော လှိမ့််ဝင်လာတဲ့ မွတ်စလင်တွေကို မုဒိတာ ထိုင်ပွားနေကြပါသလား၊
ဒါဆို ကျနော်တို့ကရော မြန်မာအကျင့်ပျက်အရာရှိအကြီးစားတွေကို ငွေပေးဝင် လာတဲ့ ပြည်ကြီးသား ကိုရွှေတရုတ် မရွှေတရုတ်တို့ ချမ်းသာကြပါစေ၊ မြေတွေ ဒီထက်ပိုင်ဆိုင်ကြပါစေဆိုပြီး မုဒိတာ ထိုင်ပွားနေကြရမှာလား။ ယုတ္တိနဲ့ စကားပြောပါ။ လူကြီးတစ်ယောက်လို စကားပြောပါ။

တရုတ်က သရက်သီးတွေအကုန်ဝယ်၊ ပဲမျိုးစုံအကုန်ဝယ်။ ကျနော် ဝမ်းမနည်းမိ ပါဘူး။ သရက်သီးက နောက်နှစ်ထပ်သီးဦးမှာ၊ ပဲက နောက်နှစ်ထပ်ပေါ်မှာ။ အခုဟာက မြေကြီး နော်။ မြေကြီးမရှိရင် ပဲမရှိ၊ သရက်မရှိ၊ ဆန်စပါး မရှိ၊ အနာဂတ်မရှိ။
ဒီမယ် ဒါတွေရဖို့ တရုတ်က ဘရာဇီးအထိ ခြေဆန့်နေရတာ။ ခင်ဗျားတို့ အမြီးနံ့ပြနေပုံနဲ့ကတော့ ရင်လေးတယ်။ အဲဒါ အဓိပ္ပါယ်ကျကျနနမသိဘဲ သမ္မတကအစ လူကြီးမင်းတို့ ရွတ်နေတဲ့ ပွတ်တိုက်မှုလေ။ လူကြီးမင်းတို့ဘေးမှာ ကမ္ဘ့ာစီးပွားရေး ဘီလူးကြီး တရုတ်၊ ကမ္ဘ့ာလူဦးရေ ဘီလူးကြီး အစ္စလာမ်ရှိနေတယ်။ ကျေးဇူးပြုပြီး ကမ္ဘာ့အခြေအနေကို လေ့လာပေးပါ။ တက်လမ်းရှိပါတယ်။
(ဆက်ရန်)

နည်းနည်းလေးတော့ လွဲနေတယ် ဦးဌေးဦး

Read more

အခုမှ ဖတ်မိတဲ့ ကွန်မင့်ဗျာ။ အတွေးအခေါ်၊ တင်ပြပုံနဲ့ ဇာတ်အိမ်ပါ ခိုင်လွန်းလို့ ရွေးလိုက်ပါတယ်။

Ichiban Chris မစ္စ္စတာရွှေ ရဲ့ နေပြည်တော်မှာတမ်း…
တကယ်လို့ အသက်ပြန်ရှင်နိုင်ဖို့လမ်းစ မရှိတော့ဘူးဆိုရင် ကောင်းပေ့ဆိုတဲ့ အသက်ကယ်ပစ္စ္စည်းတွေနဲ့ ငါ့အသက်ကို အတတ်နိုင်ဆုံး ဆွဲဆန့်ပေးကြပါ ကွာ ။ကျွန်တော်သာ ဒီလိုမမှာခဲ့ရင် ဒေါင်းဇားတွေက ချီးထုပ်ကြီးတော့ လစ်ပြီဆိုပြီး မြန်မြန် အသုဘချလိုက်မှာ။ ကျွန်တော့်ဘဝရဲ့ အမှတ်ရစရာ အကောင်းဆုံးတွေက မြန်မာနိုင်ငံကို အဆင်းရဲဆုံးနိုင်ငံ ၊ လမ်းဘေး သောက်ရေခွက်တောင် သော့ခတ်ထားရတဲ့နိုင်ငံ၊ခရိုနီ အခွင့်ထူးခံတွေဆိုပြီး ဖြစ်လာအောင် ကျုပ်လုပ်ရတာပါဗျာ …ဒါတွေက ကျွန်တော်သေသွားရင်တောင် ကျန်နေမယ့် အကျိုးဆက်တွေပါ ။ဒီလိုအခြေနေတွေ အတိုင်းဆို ကျွန့်တော့် သားသမီး မြေးတွေ အရှိန်နဲ့ဆက်လိမ့်နေနိုင်မှာဖြစ်ပါတယ် ဒါဟာ ကျွန်တော့်ရဲ့ အကြီးမားဆုံး မျှော်လင့်ချက်ပါ ။ လုပ်နိုင်သလောက် လုပ်ပြီးတဲ့နောက် ဒီစည်းစိမ်လေးတွေ မခံစားသင့်ဘူးလားဗျာ…သူများတွေပြောသလို ဒယ်အိုးရောက်မယ်ဆိုတာလဲ မယုံကြည်ပါဘူး. ။ ဒါပေမယ့် ကျွန်တော်သေရင်တော့ ဆီလေးများများ သုတ်ပေးလိုက်ပါ ဒါမှ ဒယ်အိုးမှာ ဂျိုးကပ်မနေမှာလေ ဟုတ်ဘူးလားလို့…

မစ္စတာလီရဲ့ နေညိုချိန်မှာတန်း  မှ

Read more