ရေပေါ်ဆီ ( ၃ )

အိုင်ကျူမြင့်တာက ကောင်းပါတယ်။ လိုလည်းလိုအပ်ပါတယ်။ ဒါပေမယ့် အိုင်ကျူက လိုအပ်ချက်တွေထဲက တစ်ခုပဲ။ သူ့မှာ EQ လိုတယ်။ ခေါင်းဆောင်မှုစွမ်းရည်၊ သက်လုံ၊ ဆုံးဖြတ်ချက်ခိုင်မာမှု၊ ဖြတ်ထိုးဥာဏ်ရှိမှု စတာတွေလိုတယ်။ ကိုယ်လုပ်တဲ့အလုပ် အောင်မြင်သလား၊ မအောင်မြင်ဘူးလားဆိုတာ ဒီအချက်တွေက အဆုံးအဖြတ်ပေးတယ်။

မင်းမှာ အရည်အချင်းရှိသလား။ ဒါဆို မင်းမှာ အခွင့်အရေး (၅၀) ရာခိုင်နှုန်းကျော်တယ်။ သူတို့ အလုပ်လုပ်နေစဉ်မှာ တကယ်စွမ်းတဲ့လူတွေက သက်သေပြသွားကြတယ်။ ဒါကြောင့် ဒီနိုင်ငံရေးက အိုင်ကျူတင်မဟုတ်ဘူး။ မင်း အိုင်ကျူကို လက်တွေ့ဘယ်လောက် အသုံးချနိုင်သလဲ ဆိုတာပဲ။
(လီကွမ်းယု)

မေး။      ။ စိုးရိမ်စရာတစ်ခုက ဝန်ကြီးတွေကို လစာတွေ ဒီလောက်အများကြီး ပေးထားရင် သူတို့ဟာ ဝန်ကြီးချုပ်ရဲ့လက်ကိုင်တုတ်လိုဖြစ်သွားပြီး ဝန်ကြီးချုပ်ရဲ့သဘောထားကို ဆန့်ကျင်ရဲကြမှာ မဟုတ်တော့ဘူး။ ဆုံးရှုံးစရာတွေက အများသားမဟုတ်လား။

ဖြေ။       ။ Shanmugan ဆိုရင် သူ့ဥပဒေဘက်ကို ပြန်သွားဖို့ ကြောက်နေမယ်ထင်သလား။ အချိန်မရွေးပြန်သွားလို့ရတယ်။ သူ့ဂုဏ်သိက္ခာကို သူဥပဒေဘက်မှာ တည်ဆောက်ပြီးသား။ Ng Eng Hen ဆိုရင်လည်း ခွဲစိတ်ဖို့ လက်ဝေးနေတာတော့မှန်တယ်။ ဒါပေမယ့် သူဟာ ထိပ်တန်းခွဲစိတ်အထူးကုပဲ။ ဒီအတွေးကတော့ တကယ့်ကို ရီစရာပဲ။ ဒီလိုလူတွေက ဘယ်လိုလုပ် လက်ကိုင်တုတ်ဖြစ်နေမှာတုန်း။ မင်းအဆင့်ကို မင်းမြှင့်မထားနိုင်ဘူးဆိုရင် ကျသွားမှာပဲ။ မင်းက အမြဲတမ်းတိုးတက်လာနေတဲ့ လူဆိုရင် မင်းကိုအစားထိုးဖို့ ပိုပိုခက်သွားမှာပဲ။ ရှင်းရှင်းလေး၊ ဝန်ကြီးချုပ်က သူ့စကားနားထောင်မယ့် ဝန်ကြီးတွေချည်းသာ ခန့်ထားပါလား အူကြောင်ကြောင်ကက်ဘိနက်အဖွဲ့နဲ့အတူ သူလည်း ခွေးကျကျသွားမှာ။

မေး။      ။ သူတို့မှာ တခြားရွေးချယ်စရာလမ်းရှိနေတော့ ကက်ဘိနက်ထဲမှာ အမြဲတမ်းခေါင်းညိတ်တတ်တဲ့လူ မရှိဘူးလို့ပြောတယ်။ ဒီစကားက မစ္စတာလီထုတ်ပြတဲ့ Shanmugan တို့ Ng Eng Hen တို့လို လူတွေအတွက်တော့ မှန်တာပေါ့။ ဒါပေမယ့် ကက်ဘိနက်ထဲမှာ အောက်ခြေလူတန်းစားကနေတက်လာရတဲ့အမတ်တွေ၊ ပြည်သူ့ဝန်ထမ်းဘဝကလာခဲ့ရသူတွေ၊ ဝန်ကြီးအဆင့်ကို စကော်လာဘဝကနေ တိုက်ရိုက်ရောက်လာရသူတွေအဖို့တော့ ဒီစကားက သိပ်မမှန်နိုင်ဘူးထင်တယ်။

ဖြေ။       ။ အရည်အချင်းရှိတဲ့ လူတစ်ယောက်အတွက် ထွက်သွားရလို့လည်း ပြဿနာမရှိနိုင်ပါဘူး။ ဝန်ကြီးတစ်ယောက်အနေနဲ့ အောင်မြင်ခဲ့တဲ့လူတစ်ယောက်က ထွက်သွားရလည်း ပြဿနာလုံးဝ မရှိနိုင်ဘူး။ စင်ကာပူရဲ့ ထိပ်တန်းရာထူးတွေကို စာရင်းလုပ်ကြည့်၊ CEO တွေ၊ COO တွေ၊ CFO တွေ၊ Deputy Chairman တွေကို စာရင်းလုပ်။ လူပေါင်း သုံးထောင်လောက်ပဲရှိတယ်။

ဖုန်းကိုကောက်လှည့်ပြီး မေးသာကြည့်၊ “ ဒီလူကို သိသလား၊ သူ့အနေအထားက ဘယ်လိုရှိသလဲ” လို့။ ဦးနှောက်ကောင်းလိုက်ရှာနေတဲ့ကောင်တွေက လူသုံးထောင်လောက်ထဲက ဘယ်သူကဖြင့် ဘယ်လိုဆိုတာ ခရေစေ့တွင်းကျ ပြောပြလိမ့်မယ်။

ဒီလစာကိစ္စက ဘယ်တော့မှပြီးမှာမဟုတ်ဘူး။ စင်ကာပူရီးယန်းတော်တော်များများက ဝန်ကြီးတွေကို ဂုဏ်သိက္ခာရှိဖို့ပဲ အလုပ်လုပ်သင့်တယ်လို့ ထင်နေကြတာ။ ဒါဆို သက်တမ်းတစ်ခုထက်ကျော်အောင် ဘယ်သူအလုပ်လုပ်ပေးနိုင်မှာလဲ။ ငါတို့မျိုးဆက်တုန်းကတော့ လုပ်ခဲ့ကြတယ်။ တို့က နိုင်ငံအတွက် အားလုံးပေးဆပ်သွားဖို့ ပြင်ဆင်ထားကြတဲ့လူတွေမို့၊ တို့ယုံကြည်ရာတို့လုပ်ဖို့ တို့အသက်တွေကို လောင်းကြေးထပ်တင်ခဲ့ကြတဲ့ မျိုးဆက်မို့။ ရှင်းပြီလား။

ဒါမျိုးဆက်ခံလာမယ့်မျိုးဆက်က လုပ်နိုင်မတဲ့လား။ မလုပ်နိုင်ဘူး။ သူတို့မှာ ရွေးစရာတွေ အများကြီးရှိတယ်။ ငါသာ အခုအသက် (၃၀) အရွယ်ဆိုရင် နိုင်ငံရေးထဲဝင်လာမယ်ထင်သလား။ လုံးဝပဲ။ ဘာလို့ နိုင်ငံရေးလုပ်နေမှာလဲ။ ငါ့ကိုယ်ပိုင်အခွင့်အရေး ရှုံးတယ်။ ပြန်ရတာကဘာလဲ။ စွပ်စွဲခံရမှု၊ ဝေဖန်ခံရမှုတွေပဲ။

ငါ့ရှေ့နေအလုပ် ငါလုပ်နေလို့ရတယ်။ ငါ့ညီဆိုရင် ရှေ့နေတစ်ယောက်အနေနဲ့ ဒေါ်လာ သန်းတစ်ရာကျော်ရအောင် လုပ်နိုင်ခဲ့တယ်။ ဥပဒေဘက်ကနေတဆင့် အိမ်ခြံမြေနဲ့ သင်္ဘောလိုင်းဖက်ကို သူပြောင်းသွားတယ်။ ငါရော သူ့လိုမလုပ်သင့်ဘူးလား။

ပခုံးပေါ်မှာ ဝန်ထုပ်ကြီးငယ်နဲ့ ချွေးသံတရွဲရွဲ၊ ပထမနှစ် ရေရအောင်ပူရ၊ ဒုတိယနှစ်ကျတော့ စီးပွါးရေးအတွက်ပူရ၊ စတီးစက်ရုံတွေထောင်တဲ့ အိမ်နီးချင်းနိုင်ငံက လေထုညစ်ညမ်းမှုအတွက် စိုးရိပ်ရ၊ မုတ်သုန်ရာသီဝင်လာရင် လေနဲ့အတူပါလာမယ့် မီးခိုးတွေ၊ မြူတွေ၊ အားလုံးအတွက် ပူပန်နေရတယ်။

အခု လူငယ်တွေ စဉ်းစားတာက “နိုင်ငံရေးနဲ့ ဝေးဝေးနေမယ်။ အခြေအနေမကောင်းဘူးဆိုရင် ကိုယ်ပစ္စည်းကိုယ်သိမ်းပြီး အမေရိကားထွက်သွားမယ်။ ငါ့မှာ green card ရှိတယ်။ ” ဒါမျိုးတွေ။ ပညာတတ်စင်ကာပူးရီးယန်းတွေအတွက် ရွေးချယ်စရာတွေက အပြည့်ပဲ။

ငါတို့မျိုးဆက်မျိုးထပ်ပေါ်ပေါက်ဖို့ဆိုရင် တော်လှန်ရေးထပ်ဖြစ်မှရလိမ့်မယ်။ ငါတို့စီးပွါးရေးဆိုတာ နောက်ထား၊ အသက်ပါရင်းပြီး လုပ်ခဲ့ရတာ။ ငါရှုံးကြည့်ပါလား။ ကွန်မြူနစ်တွေက ငါ့ဦးနှောက်ကို စနစ်တကျ ဖျက်ဆီးပစ်ကြမှာ။ ငါတို့မျိုးဆက်က ထပ်မွေးယူလို့ မရနိုင်တော့ဘူး။

မေး။      ။ ၁၉၉၄- ခုက မစ္စတာလီ ပြောခဲ့တဲ့မိန့်ခွန်းနှစ်ခုထဲမှာ ဝန်ကြီးလစာပေါ်လစီကြောင့် Private Sector အတွေ့အကြုံရှိတဲ့ဝန်ကြီးတွေ မရှိဖြစ်မှာ စိုးရိမ်ရတယ်လို့ပြောခဲ့တယ်။ အခု အလွှာစုံကဝန်ကြီးတွေနဲ့ စုစည်းထားတဲ့ ကက်ဘိနက်အပေါ်မှာ အားရမှုရှိပါသလား။

ဖြေ။       ။ ဒီနေ့ Lim Kim San က နိုင်ငံရေးထဲကို ဝင်လာမှာမဟုတ်ဘူး။ လင်ကင်ဆန်းမ် ဝင်လာတယ်ဆိုတာက ငါအကျပ်အတည်းထဲရောက်နေတယ်ဆိုတာ သူသိလို့။ သူနဲ့ Goh Keng Swee က မိတ်ဆွေတွေ။ သူ့လိုလူတွေ အစိုးရထဲဝင်မလာရင် အဲဒီအချိန်က စင်ကာပူလည်း ပြိုကွဲသွားမယ်ဆိုတာ သူကောင်းကောင်းသဘောပေါက်တယ်။

ဒါဆို သူ့ရဲ့ကိုယ်ပိုင်စီးပွါးရေးက ဘယ်လိုနေမလဲ။

ဒီနေ့ Lim Kim San က “မလုပ်ပါနဲ့။ ကျွန်တော့ကို ချန်ထားခဲ့ပါ။ ကျွန်တော်က အပြောသမားမဟုတ်ပါဘူး။ အိမ်တကာ လျှောက်လည်ပြီး သူများကလေးတွေကို နမ်းနေရတာလည်း မကြိုက်ပါဘူး” လို့ပြောမှာ။ အဲဒါ အဲဒီတုန်းက။ အခု ပြောင်းကုန်ပြီ။ တို့လူ့အဖွဲ့အစည်းက ပြောင်းသွားပြီ။ နိုင်ငံရေးထဲတိုးဝင်ဖို့ ဆန္ဒတွေနည်းကုန်ပြီ။ ဘာကြောင့် ငါ့အနစ်နာခံနေရမှာလဲလို့ တွေးလာကြပြီ။

Eddie Barker ကို လော(Law) ကနေ အနားယူအောင် ငါပြောယူခဲ့ရတယ်။ “အက်ဒီ၊ တကယ်လို့ ငါသာရှုံးသွားရင် မင်းရော ဥပဒေရေးရာမှာ အလုပ်ဆက်လုပ်လို့ရမယ် ထင်သလား။ ကွန်မြူနစ်တွေသာ အာဏာရသွားရင် တရားဥပဒေဆိုတာရဲ့ အဓိပ္ပါယ်ကရော ဘာလဲ” လို့ မေးလိုက်တယ်။

ငါပြောတာကို သူအထပ်ထပ်စဉ်းစားတယ်။ ပြီးမှ ငါမှန်တယ်ဆိုပြီး နိုင်ငံရေးထဲ သူဝင်လာတာ။ စင်ကာပူရဲ့ နိုင်ငံရေးအခြေအနေလည်း တည်ငြိမ်ကောင်းမွန်လာပြီလဲဆိုရော သူကပြောတယ် “ ကဲ ကြည့်၊ ငါအိမ်ဝယ်ထားတဲ့အကြွေးတွေ မပေးရသေးဘူး” တဲ့။

ဒါကြောင့် လစာအပြောင်းအလဲကိစ္စကို ငါလုပ်ခဲ့ရတာ။ သက်တမ်းပေါင်းများစွာ အတူလက်တွဲ အလုပ်လုပ်ခဲ့ကြပြီး အနားယူတဲ့အချိန်ရောက်တော့ ဥပဒေဘက်ကို ပြန်သွားဖို့ သူ့မှာ ခွန်အားမရှိတော့ဘူး။

အနာဂတ်မှာ အခုပစ္စုပ္ပန်အခြေအနေအတိုင်းပဲ ရှိနေလိမ့်မယ်လို့ တွက်ထားလို့မရဘူး။ စထရိတ်တိုင်း(မ်) ကိုပဲကြည့်။ သူတို့က SPH (Singapore Press Holdings) စကောလားဆုတွေ ပေးကြတယ်။ အဲဒီအထဲက ဘယ်နှစ်ယောက် သူတို့အလုပ်ထဲမှာ ဆက်ရှိနေသလဲ။ ပြဿနာက အတူတူပဲမဟုတ်လား။ ကော်ပိုရေးရှင်းတစ်ခုခုမှာ လူထုဆက်သွယ်ရေး ဒါရိုက်တာတစ်ယောက်ဖြစ်နေနိုင်ပါလျက် ဘာကြောင့် အချိန်စားရ အိပ်ရတဲ့ ဂျာနယ်လစ်လုပ်နေမှာတုန်း။

ငါ့ဒုတိယသားတောင်မှ SAF က ရာထူးကို မလိုချင်တော့ဘူး။ သူများတွေက ပြောတယ်။ “ သူသာဆက်နေမယ်ဆိုရင် ကာကွယ်ရေးဌာနမှာ အကြီးအကဲဖြစ်နိုင်တဲ့ အရည်အချင်းတွေရှိတယ်” တဲ့။ သူက “ နိုး၊ ဆင်းတဲလ်(SingTel_ Singapore Telecom) ကိုပဲသွားမယ်” တဲ့။ SingTel ကနေထွက်ပြီး Fraser & Neave  ကို ဆက်ပြောင်းပြန်တယ်။

မျိုးဆက်က မတူတော့ဘူး။ စင်ကာပူမှာ ဖြစ်ခဲ့တာတွေ၊ ၁၉၆၄- ခုနှစ်က ကာဖျူးအမိန့် ထုတ်ခဲ့ရတာတွေကို သူကောင်းကောင်း မမှတ်မိဘူး။ ငယ်လွန်းသေးတာကိုး။ ငါ့သားအကြီးကျတော့ တစ်မျိုးဖြစ်သွားတယ်။ သူက မဲဆန္ဒနယ်တွေသွားပြီး စည်းရုံးရေးဆင်းတာ၊ မိန့်ခွန်းပြောရာတွေမှာ ငါနဲ့အတူ လိုက်လာတတ်တယ်။ ငါ တိုက်နေရတဲ့ စစ်ပွဲအခြေအနေကို သူသိတယ်။ ဒါကြောင့်လည်း သူကပြောတာ “ ကျွန်တော် နိုင်ငံရေးထဲဝင်မယ်” တဲ့။ နောက်မျိုးဆက်တွေဆီက ဒီလိုစိတ်ဓာတ်မျိုး မျှော်လင့်လို့ မရတော့ဘူး။ အခြေအနေတွေက တူမှမတူတာ။

မေး။      ။ ပညာတတ်တွေပဲ အစိုးရထဲမှာ ရာထူးကြီးကြီးရတယ်ဆိုတဲ့ ဝေဖန်သံတွေအပေါ် မစ္စတာလီ ဘာပြောချင်ပါသလဲ။

ဖြေ။      ။ ဒါဆို ၁၉၆၈- ခုဆီ ပြန်ကြည့်ရအောင်။ အဲဒီတုန်းက တို့မှာ Chaing Hai Ding ရှိတယ်။ Wong Lin Ken ရှိတယ်။ သူတို့က Ph. D ဘွဲ့တွေနဲ့။ အလုပ်မဖြစ်ဘူး။ Tan Eng Liang ဆိုရင်လည်း Rhodes စကော်လာပဲ။

(Dr Chaing Hai Ding ဟာ ၁၉၇၀- မှာ နိုင်ငံရေးလောကထဲရောက်ပြီး ပါလီမန်အမတ်ဖြစ်ခဲ့၊ နိုင်ငံရေးထဲမှထွက်ပြီး နိုင်ငံပေါင်း (၁၀) နိုင်ငံအထိ စင်ကာပူသံအမတ်အနေနဲ့ (၁၀) နှစ်ကျော် ထမ်းဆောင်ခဲ့။

Dr Wong Lin Ken က ၁၉၆၈- ခုမှာ ပါလီမန်အမတ်ဖြစ်၊ ၁၉၇၀- မှ ၁၉၇၂ အထိ ပြည်ထဲရေးဝန်ကြီး၊ ၁၉၈၃- မှာ အနိစ္စရောက်။

Dr Tan Eng Liang က ၁၉၇၂- မှ ၁၉၈၀ အထိ ပါလီမန်အမတ်၊ အမျိုးသားဖွံ့ဖြိုးတိုးတက်ရေး ဝန်ကြီးဌာနမှာ စီနီယာ မီနီစတာအနေနဲ့ ၁၉၇၅- ကနေ ၁၉၇၈- အထိ တာဝန်ထမ်းဆောင်ခဲ့၊ ၁၉၇၉- မှာ ဘဏ္ဍာရေးဝန်ကြီးဌာနကို ပြောင်း၊ အဲဒီနောက် ၁၉၉၁- ခုအထိ Singapore Sports Council မှာ ဥက္ကဋ္ဌအနေနဲ့ ၁၉- နှစ်ကြာအောင်ထမ်းဆောင်၊ ထို့နောက် Singapore National Olympics Council ရဲ့ ဒုတိယဥက္ကဋ္ဌအဖြစ် ထမ်းဆောင်။ )

ဒီနောက် တို့ပိုပြီး လေးလေးနက်နက် စဉ်းစားကြတယ်။ အောင်မြင်တဲ့ ခေါင်းဆောင်ကောင်း၊ အောင်မြင်တဲ့ ဝန်ကြီးတစ်ယောက်ဖြစ်ဖို့ ဘာတွေလိုအပ်သလဲလို့ ထပ်တလဲလဲ ဆွေးနွေးအကြံထုတ်ကြရတယ်။ တဖြေးဖြေးနဲ့ မူဝါဒကိုပြင်၊ တခြားအဖွဲ့အစည်းတွေက ခေါင်းဆောင်ကို ဘယ်လိုရွေးချယ်ကြသလဲဆိုတာ လေ့လာပေ့ါ။ အဖွဲ့အစည်းတိုင်းမှာ ပညာရေးနဲ့ဆိုင်တာ၊ ဆက်ဆံရေးနဲ့ဆိုင်တာ စတဲ့နယ်ပယ်အသီးက ခေါင်းဆောင်တွေလိုတယ်။

ဥပမာအားဖြင့် အခုဖြစ်နေတဲ့ ဝန်ကြီးတွေရဲ့ နောက်ကြောင်းကို လိုက်ကြည့်ပေါ့။ သမ္မတ စကောလားရတဲ့လူ ဘယ်နှစ်ယောက်ဝန်ကြီးဖြစ်လို့၊ ဘယ်နှစ်ယောက် အောင်အောင်မြင်မြင် အလုပ်လုပ်ပြနိုင်သလဲ။ ပြီးတော့ SAF စကောလားတွေ၊ နိုင်ငံက ထောက်ပံ့ထားတဲ့ စကောလားတွေ၊ နိုင်ငံခြားက ထောက်ပံ့ထားတဲ့ စကောလားတွေ အကုန်ကြည့်လိုက်၊ ဘယ်နှစ်ယောက် အောင်မြင်သလဲ။

ငါဆိုရင် စကောလားမဟုတ်ဘူး။ ဂျယကုမာလည်း စကောလားမဟုတ်ဘူး။ Wong Kan Seng ကတော့ ထောက်ပံ့ကြေးရတယ်။ ပြီးတော့ သာမန်ရှန်မူဂရက်တနန် ။ သူလည်း စကောလားမဟုတ်ဘူး။ သူ့ကို ဘာကြောင့် ငါတို့ရွေးခဲ့တာလဲ။ သူက LSE ပထမအဆင့် မအောင်ဘူး။ အလယ်တန်းပညာရေးပဲရှိတယ်။ ဒါပေမယ့် သူက လက်တွေ့အလုပ်လုပ်ပြနိုင်တယ်။

အစိုးရအတွင်းသတင်းတွေ သူ့ကြောင့်ပေါက်ကြားသွားတာတောင်မှ သူ့ကို အလုပ်ထုတ်မပစ်နဲ့၊ သတိပဲခေါ်ပေးထားလို့ ငါပြောခဲ့သေးတယ်။ နောက်ဆုံး သူအလုပ်လုပ်နိုင်တယ်ဆိုတာသိတော့ သူ့ကိုနိုင်ငံရေးထဲသွင်းပြီး ပုံချပေးလိုက်တယ်။ သူဆိုရင် ဘဏ္ဍာရေးဝန်ကြီးကောင်း၊ ပညာရေးဝန်ကြီးကောင်းတစ်ယောက် ဖြစ်ခဲ့တယ်။ သူက စကောလားမဟုတ်ဘူး။

ဒါကို ဘယ်လိုအဖြေရှာကြည့်ခဲ့ရသလဲ။ ဆင်ခြင်သုံးသပ်ကြည့်လိုက်၊ အတွေ့အကြုံယူလိုက်နဲ့ပဲ ခရီးဆက်ခဲ့ရတယ်။

အစကတော့ ပညာရေးကို အခြေခံပြီး ငါတို့ရွေးခဲ့ကြတယ်။ ဒါပေမယ့် သိပ်အလုပ်မဖြစ်တာတွေများတယ်။ ပညာတတ်ကြပေမယ့် အရည်အသွေးတွေ မရှိကြဘူး။ ကဲ ဒီပြဿနာကို ဘယ်လိုဖြေရှင်းကြမလဲ။

နှစ်တွေကြာလာတာနှင့်အမျှ ငါတို့သိလာတာက General Electric ပဲဖြစ်စေ၊ IBM ၊ Microsoft ပဲဖြစ်စေ ခေါင်းဆောင်တဲ့လူက အခြေခံအရည်အချင်းတွေအားလုံး ရှိနေတယ်ဆိုတာပဲ။ တို့လည်း ဒီအတိုင်း ခေါင်းဆောင်ရွေးဖို့ ဆုံးဖြတ်လိုက်ကြတယ်။

အိုင်ကျူမြင့်တာက ကောင်းပါတယ်။ လိုလည်းလိုအပ်ပါတယ်။ ဒါပေမယ့် အိုင်ကျူက လိုအပ်ချက်တွေထဲက တစ်ခုပဲ။ သူ့မှာ EQ လိုတယ်။ ခေါင်းဆောင်မှုစွမ်းရည်၊ သက်လုံ၊ ဆုံးဖြတ်ချက်ခိုင်မာမှု၊ ဖြတ်ထိုးဥာဏ်ရှိမှု စတာတွေလိုတယ်။ ကိုယ်လုပ်တဲ့အလုပ် အောင်မြင်သလား၊ မအောင်မြင်ဘူးလားဆိုတာ ဒီအချက်တွေက အဆုံးအဖြတ်ပေးတယ်။

ငါနိုင်ငံရေးထဲစရောက်တော့ ကက်ဘိနက်ထဲမှာ ထိပ်တန်းအဆင့် ငါးယောက်ပါတယ်။ ကျန်တာတွေက သူလိုကိုယ်လိုပဲ။ ဒီတော့ အဲဒီထိပ်တန်းငါးယောက်ရဲ့ ပခုံးပေါ်မှာ တာဝန်တွေ ပုံကျနေတော့တာပဲ။ Goh Keng Swee ၊ Hon Sui Sen ၊ Lin Kin San ၊ ရာဇရတနန်တို့ကိုကြည့်။ သူတို့က ထိပ်သီးအဆင့်တွေ။ ကျန်တာတွေကတော့ သာမန်ပဲ။ Toh Chin Chye ဆိုရင် Ph.D ဘွဲ့ကြီးနဲ့။ သုတေသနလုပ်ရာမှာ သိပ်တော်တယ်။ ဒါပေမယ့် အလုပ်မဖြစ်ဘူး။ ဒါနဲ့သူ့ကို ဒုတိယဝန်ကြီးချုပ်ရာထူးကနေ ဖယ်လိုက်ရတယ်။ တကယ်တော့ သူကပါတီရဲ့ခေါင်းဆောင်ပဲ။ ဒါပေမယ့် ပြဿနာဖြစ်ရင် အကြောင်းအကျိုးညီညီ မရှင်းနိုင်ဘူး။ သူလုပ်တာတွေက အမှားတွေချည်းပဲ။

၁၉၆၄- ခု စက်တင်ဘာလမှာ ဒုတိယအကြိမ် အရေးအခင်းဖြစ်တော့ ငါက စင်ကာပူမှာမရှိဘူး။ ငါပြန်ရောက်တော့ အက်ဒီ ဘာကာ(Eddie Barker) ကပြောတယ်။ “သူသာ လူကြီးဆိုရင် ကျွန်တော် အစိုးရအဖွဲ့ထဲက ထွက်မယ်” တဲ့။

ဒါနဲ့ပဲ သူလည်းမျက်နှာမပျက်ရအောင် သူ့နေရာကို ဂိုကင်ဆွီးကို လွှဲပေးလိုက်ရတယ်။ ဂိုကင်ဆွီးက ဒီလိုပြဿနာမျိုးတွေကို ကောင်းကောင်းကိုင်တွယ်နိုင်တယ်။

ဒါကို ငါလူသိခံခဲ့သလား။ နိုးပဲ။

သူ့အားနည်းချက်တွေကို ငါတေးမှတ်ခဲ့သလား။ ရက်(စ်)။

ဒီလိုမှမလုပ်ရင် ငါတို့အားလုံး ဒုက္ခရောက်မှာ။ သူ့ကို ငါဆက်ဆံခဲ့တာကို အခြေခံပြီး ငါဘာလုပ်တယ်ဆိုတာ မင်းတို့ သဘောပေါက်နိုင်တယ်။ သူလုပ်ဆောင်ခဲ့တာတွေကို တန်ဖိုးမရှိအောင် ငါလျှောက်ပြောနေတာ မဟုတ်ပါဘူး။ ငါဆိုလိုတာက သူတော်တဲ့အပိုင်းမှာပဲ သူတော်တယ်ဆိုတာပဲ။

ဝန်ကန်စိန်က စကောလားမဟုတ်ဘူး။ ဂျယကုမာရက စကောလားမဟုတ်ဘူး။ ဒါပေမယ့် သူတို့က ကောက်ချက်ချတာပိုင်တယ်။ လူထုနဲ့ ဆက်ဆံတတ်တယ်။ ကဲ ဒါဆို ဘာကြောင့် ဝန်ကန်စိန်ကို ငါရွေးခဲ့သလဲ။

ဗီယက်နမ်ကလူတွေ လှေတွေနဲ့ ဒီကိုရောက်လာတော့ ကာကွယ်ရေးဝန်ကြီး ဂိုကင်ဆွီးကပြောတယ် “ဒီကောင်တွေကို ပြန်ပို့” တဲ့။ အဲဒီတုန်းကဆိုရင် ဝန်ကန်စိန်က အရူးတစ်ယောက်လို အလုပ်လုပ်တာ။ သူတို့စက်လှေတွေကို ပြင်ပေးတယ်။ သူတို့ကို ရေနဲ့ အစားအစာတွေ ဝေပေးတယ်။ သူတို့ကို ပြန်လွှတ်မှ ရမယ်။ နို့မဟုတ်ရင် စင်ကာပူနိုင်ငံ သူတို့နဲ့ပြည့်သွားမယ်။ သူက အလုပ်နဲ့ သက်သေပြတဲ့လူ။ သူ့မှာ အဲသလိုအရည်အချင်းရှိတယ်။ အမှန်ကို မြင်နိုင်တယ်။ စဉ်းစားတတ်တယ်။ လက်တွေ့အလုပ်လုပ်တယ်။

မေး။      ။ နိုင်ငံရေးမှာ ဒီလိုစွမ်းဆောင်နိုင်တဲ့ပုဂ္ဂိုလ်တွေကို ဘယ်လိုသိအောင်လုပ်၊ ဘယ်လို ရှာဖွေထုတ်တယ်ဆိုတာကို သိချင်တဲ့သာမန် စင်ကာပူလူငယ်တွေကို မစ္စတာလီ ဘယ်လိုပြောမလဲ။
ဖြေ။      ။ လူတော်လူစွမ်းတွေအားလုံး ငါတို့တွေ့ခဲ့တယ်လို့ ငါမပြောပါဘူး။ ငါပြောတာက အရည်အချင်းရှိသူတွေကို ရှာဖွေပြီး သူတို့ဆီရှိနေတဲ့ အရည်အချင်းတွေကို ရအောင်ထုတ်ယူတယ်လို့ ပြောတာပါ။ Chaing Hai Ding ဆိုရင် တကယ့်သမိုင်းပညာရှင်၊ နောက်ဆုံးသူ့ကို သံအမတ်ပဲခန့်လိုက်ရတယ်။ ဝန်ကြီးကောင်းဖြစ်မလာဘူး။ Tan Eng Liang ဆိုရင်လည်း ငါတို့ ပယ်ပစ်ရတယ်။ နောက်ဆုံးတော့ ကိုယ့်စွမ်းရည်နဲ့ လုပ်ဆောင်ချက်သာ အဓိကကျတာပါ။ ပညာရေးအဆင့်အတန်းနဲ့ ဘာမှမဆိုင်ဘူး။

မင်းမှာ အရည်အချင်းရှိသလား။ ဒါဆို မင်းမှာ အခွင့်အရေး (၅၀) ရာခိုင်နှုန်းကျော်တယ်။ သူတို့ အလုပ်လုပ်နေစဉ်မှာ တကယ်စွမ်းတဲ့လူတွေက သက်သေပြသွားကြတယ်။ ဒါကြောင့် ဒီနိုင်ငံရေးက အိုင်ကျူတင်မဟုတ်ဘူး။ မင်း အိုင်ကျူကို လက်တွေ့ဘယ်လောက် အသုံးချနိုင်သလဲ ဆိုတာပဲ။

ရေပေါ်ဆီ ( ၂း ၂ )

 ဇင်ဝေသော်

Read more

ရေပေါ်ဆီ ( ၂း ၂ )

စင်္ကာပူမှာ ဒီလိုင်စင်လေးရအောင် လုပ်ပေးရင် ခင်ဗျားတို့နိုင်ငံထဲမှာ ဒီလို လိုင်စင်ရအောင်လည်း ကျွန်တော့်ကို ကူညီပါ။ ဒါမျိုးပေါ့။ ဒါတွေက လာဘ်ပေးလာဘ်ယူမှုအနေနဲ့ သက်သေပြလို့ မရဘူး။ မင်းကို ငါက ဦးစားပေးလို့ မင်းက ငါ့ကို ဦးစားပေးတယ်။ ဒါပဲ။
တို့ပတ်ဝန်းကျင်တစ်ခုလုံးက ဒီအတိုင်းဖြစ်နေတာ။ကူးစက်ရောဂါရှိတဲ့ နေရာမှာကျန်းမာရေးကောင်းဖို့သန့်သန့်ရှင်းရှင်း နေသလိုမျိုး ငါတို့လည်း သန့်ရှင်းအောင် နေကြရတာ။ မလွယ်ဘူးနော်။ ကိုယ်ကျင့်တရားဒဏ်ကို ကောင်းကောင်း ခံနိုင်တဲ့လူတွေ ရှိမှ ရမယ်။

မေး ။         ။ ဝန်ကြီးတွေရဲ့လစာနဲ့ ပတ်သက်ပြီး လူထုထဲမှာ တော်တော်ကြီး မကျေမနပ် ဖြစ်နေကြတယ်ဆိုတာရော ရိပ်စားမိရဲ့လား။
ဖြေ ။         ။ ဒါက လူထုရဲ့ မျှော်လင့်ချက် ... ရုံးအလုပ်ဆိုတာ ဂုဏ်ရှိဖို့တဲ့။ မဟုတ်ဘူး။ အဖွဲ့တစ်ဖွဲ့မှာ ပါဝင်နေရတာမှ ဂုဏ်ရှိတာ။ ဒါက Bob Rubin (အမေရိကန်ဘဏ္ဍာရေးဝန်ကြီးဟောင်း) လိုပဲ။ သူက သက်တမ်းတစ်ခုခွဲ အလုပ်လုပ်တယ်။ အနားယူလိုက်တယ်။ ပြီးတော့ Citigroup ထဲ ရောက်သွားပြီး အမေရိကန်ဒေါ်လာ တစ်ရာဘီလီယံအထိ ရသွားတယ်။ ပြီးတော့ အလန်ဂရိန်းစပင်း (Alan Greenspan - Former Federal Reserve Chairman) (အမေရိကန်ဗဟိုဘဏ်ဥက္ကဋ္ဌ) ဥက္ကဋ္ဌဘဝအတွေ့အကြုံ၊ အဆက်အသွယ်တွေကို အခြေခံပြီး အလုပ်ကထွက်၊ အပြင်မှာ အလုပ်လုပ်နေတယ်။

Hank Paulson (အမေရိကန်ဘဏ္ဍာရေးဝန်ကြီးဟောင်း) လည်း ဒီအတိုင်းပဲ။ ဒီမတိုင်ခင် သူက Goldman Sachs ရဲ့ စီအီးအို။ သူ ရှယ်ယာတွေကို ရောင်းပြီး အရဲစွန့်လိုက်တယ်။ ဒီရှယ်ယာတွေရဲ့ အတက်အကျက ဘဏ္ဍာရေးဝန်ကြီးအနေနဲ့ လုပ်ဆောင်မှုအပေါ်မှာ မူတည်နေတယ်။ အလားတူပဲ၊ Larry Summers နဲ့ Tim Geithner တို့လည်း အလားတူပဲ။ (အမေရိကန်စီးပွားရေးပညာရှင် Larry Summers ဟာ ၁၉၉၉ - ကနေ ၂၀၀၁ - ခုအထိ ဘဏ္ဍာရေးဝန်ကြီးလုပ်ခဲ့ပြီး ယခု National Economic Council ရဲ့ ဒါရိုက်တာ လုပ်နေပါတယ်။ Tim Geithner ကတော့ ၂၀၀၃ - ခုကနေ ၂၀၀၉ - ခုအထိ နယူးယောက် Federal Reserve Bank ဥက္ကဋ္ဌဖြစ်ပြီး ယခု ဘဏ္ဍာရေးဝန်ကြီး လုပ်နေပါတယ်။)

ပေါ(လ်)ဗော်(လ်)ကာ (Paul Vokker) ကတော့ ရှားမှရှားတဲ့ လူတစ်ယောက်ပဲ။ (၁၉၇၉ - ကနေ ၁၉၈၇ အထိ Federal Reserve ဥက္ကဋ္ဌ။ အိုဗားမားအစိုးရလက်ထက်မှာ Economic Recovery Advisory Board ရဲ့ ဥက္ကဋ္ဌ)။ သူ့လစာက နည်းနည်းလေး။ သူ့ကို "ဘာလို့ ဒီအလုပ် လုပ်နေတာတုန်း" လို့ မေးဖူးတယ်။ "Princeton မှာ လူ့အဖွဲ့အစည်းရဲ့ တန်းဖိုးရှိတဲ့ လူတစ်ယောက်ဖြစ်ရေးဝါဒနဲ့ တို့ကို လေ့ကျင့်ပေးခဲ့တာ" လို့ သူက ဖြေတယ်။သူ အနားယူပြီးတဲ့နောက်မှာလည်း ဒါနဲ့ ပိုက်ဆံရှာဖို့ မလုပ်ခဲ့ဘူး။ သူက ငါ့ရဲ့ လီကွမ်းယုကျောင်း (LKY School) မှာ ဘာမှ မပေးရတဲ့ အဖွဲ့ဝင်ပဲ။ အိုဗားမားအတွက် အင်ဒိုနီးရှားမှာလည်း လုပ်ပေးရတယ်။ လစာအနေနဲ့ အသိအမှတ်ပြုရုံ နည်းနည်းလေးပဲ။ သူကတော့ တကယ့်ကို ထူးဆန်းတဲ့လူ။ သူက သူ့ရှိတာနဲ့ လုံလောက်ပြီလို့ ထင်တဲ့လူ။

သူလုပ်ခဲ့သမျှ အလုပ်တွေထဲမှာ ပိုက်ဆံကောင်းကောင်း ရနိုင်တာဆိုလို့ စတိုးဆိုင်တွေမှာ အရင်းအနှီးလုပ်တဲ့ James Wolfensohn တုန်းကပဲလို့ ထင်တယ်။ သူက သူပဲ။ အမေရိကမှာ ပေါ(လ်) ဗော်(လ်)ကာလိုလူ ဘယ်နှစ်ယောက် ရှိလို့တုန်း။ အမေရိကန်တွေက သူတို့ ဘာတွေ လုပ်နိုင်သလဲဆိုတာ သိကြတယ်။ မိန့်ခွန်းရေးပေးသူလား၊ နက်(တ်)ဝါ့(စ်) မှာလားစသည်ပေါ့။

မေး ။         ။ မစ္စတာလီ ပြောခဲ့သလို စင်္ကာပူအောင်မြင်ဖို့ ဝန်ကြီးတွေရဲ့လစာက အဓိကပဲလို့ဆိုရင် ဘာ့ကြောင့် စင်္ကာပူးရီးယန်းအများစုက ဒါကို လက်မခံနိုင်ကြတာလဲ။
ဖြေ ။         ။ ဘယ်အချက်တွေ ကွဲပြားနေတယ်ဆိုတာ သဘောပေါက်အောင် နိုင်ငံမျိုးစုံကိုလည်း ရောက်ဖူး၊ လေ့လာဖူးရတယ်။ ငါတို့နေတဲ့နေရာက ငွေယဉ်ကျေးမှု ထွန်းကားတဲ့နေရာ။ တို့က ဥရောပမဟုတ်၊ ဩစတေးလျမဟုတ်၊ မတူညီတဲ့ နိုင်ငံရေးကျင့်သုံးတဲ့ အခြားနေရာတွေ၊ လူနေမှုအဆင့်မတူ၊ လူသားအရင်းအမြစ်အတွက် လူဦးရေမတူတဲ့ ဒေသတွေမှာ မဟုတ်ဘူး။

ဒီစနစ်ကို ငါတို့ ဆက်ထိမ်းထားနိုင်မလား။

မင့်ရဲ့ ပြိုင်ဘက်တွေကိုကြည့်။ သူတို့ဇနီးတွေက လက်ဝတ်ရတနာတွေ ညွှတ်နေအောင် ဆင်ထား၊ မင်းဇနီးကရော ဘယ်လိုလဲ။
ဆိုပါတော့၊ မင်းက ဒါမျိုးတွေမှာ ပြိုင်နေမယ့် လူမျိုးမဟုတ်ဘူး။ငါ့ဇနီးဆိုရင် လက်ဝတ်ရတနာ မဝတ်တတ်ဘူး။ ရွှေရောင်နာရီနဲ့ ပုလဲလည်ဆွဲ ဝတ်ကောင်းဝတ်မယ်။ ဝန်ကြီးအားလုံး ဒီအတိုင်းပဲ ကျင့်ရမယ်။ ဒီမူကို ငါတို့ ဆက်ထိန်းနိုင်မလား။ ရည်ရွယ်ချက် ကြီးကြီးနဲ့ တကယ် ရိုးသား၊ ကြိုးစားတဲ့ လူတော်တွေ ရှိရင်တော့ ရမယ်။

တစ်နှစ် နှစ်နှစ်အတွင်းမှာ အစိုးရအသစ် အမြဲပြောင်းနေမယ်ဆိုရင် ဒီမူကို ဆက်ထိန်းလို့ ရပါဦးမလား။ မရဘူး။ ဒီလိုဆို အခြားပြဿနာတွေ တက်လာတယ်။

စင်္ကာပူမှာ ဒီလိုင်စင်လေးရအောင် လုပ်ပေးရင် ခင်ဗျားတို့နိုင်ငံထဲမှာ ဒီလို လိုင်စင်ရအောင်လည်း ကျွန်တော့်ကို ကူညီပါ။ ဒါမျိုးပေါ့။ ဒါတွေက လာဘ်ပေးလာဘ်ယူမှုအနေနဲ့ သက်သေပြလို့ မရဘူး။ မင်းကို ငါက ဦးစားပေးလို့ မင်းက ငါ့ကို ဦးစားပေးတယ်။ ဒါပဲ။

တို့ပတ်ဝန်းကျင်တစ်ခုလုံးက ဒီအတိုင်းဖြစ်နေတာ။ကူးစက်ရောဂါရှိတဲ့ နေရာမှာကျန်းမာရေးကောင်းဖို့သန့်သန့်ရှင်းရှင်း နေသလိုမျိုး ငါတို့လည်း သန့်ရှင်းအောင် နေကြရတာ။ မလွယ်ဘူးနော်။ ကိုယ်ကျင့်တရားဒဏ်ကို ကောင်းကောင်း ခံနိုင်တဲ့လူတွေ ရှိမှ ရမယ်။ ငါတို့ ခေါင်းဆောင်အရည်အသွေးတွေ ကျပြီဆိုတာနဲ့ အစိုးရရဲ့ အရည်အသွေးလည်းကျ၊ ပီအေပီလည်း ပြုတ်ပဲ။

မေး ။         ။ အစိုးရဝန်ကြီးတွေရဲ့လစာကို ထိပ်တန်း ပုဂ္ဂလိကဝင်ငွေနဲ့ တိုင်းတာပြီးပေးဖို့ ပြင်ဆင်ခဲ့တဲ့ လက်ရှိအစိုးရရဲ့ (၁၄) နှစ်ကာလကို ပြန်ကြည့်ရင် သူတို့ လုပ်ဆောင်မှုတွေအပေါ်မှာ ကျေနပ်အားရမှု ရှိပါသလား။
ဖြေ ။         ။ အခုဆိုရင် ရွေးကောက်ပွဲ သုံးကြိမ်တိုင်သွားပြီ။ ရွေးကောက်ပွဲရောက်တိုင်း ဝန်ကြီးလစာကိစ္စက ပေါ်ပေါ်လာတာပဲ။ ဒီကိစ္စကတကယ်လည်းအရေးကြီးတယ်ဆိုရင်၊အစိုးရကလည်းလစာနဲ့တန်အောင်လုပ်မပေးနိုင်ဘူးဆိုရင် ရွေးကောက်ပွဲရလဒ် ပြောင်းရမှာပေါ့။ ပီအေပီလည်း ပြုတ်ပြီပေါ့။ အခု တို့က အကျိုးအမြတ်ရအောင် လုပ်ဆောင်ပေးနိုင်တယ်။ ဒီမူက အလုပ်ဖြစ်နေတယ်။
ဒီမူဆက်ပြီး အလုပ်ဖြစ်နေဦးမလား။ မျှော်လင့်ရတာပဲ။

ဒါကို ပြန်ပြီး ချိန်ဆကြည့်ဖို့ရော လိုမလား။ အေး ... လိုမယ်။ စီးပွားရေးအခြေအနေနဲ့ တစ်ဦးချင်းဝင်ငွေ ဘယ်လိုရှိမယ်ဆိုတာ ငါတို့ မသိဘူး။ တချို့ပုဂ္ဂလိကစီးပွားရေးက တိုးတက်တာမြန်ပြီး တချို့က နှေးတယ်။ ဒီဖော်မြူလာကိုတော့ ညှိယူရမယ်။
ကွန်မြူနစ်တွေ ကျင့်သုံးခဲ့တာကို မင်းကြည့်ပါလား။ မင်းကတော့ ဒီဟာကို ထိုက်တန်တယ်ဆိုပြီး ငါက မင်းကို အဆင့်တစ်၊ နှစ်၊ သုံး၊ လေးဆိုပြီး သတ်မှတ်ပေးတယ်။ မင်းက အဆင့်တစ်ဆိုရင် အကောင်းဆုံးဆေးရုံမှာ တက်၊ အကောင်းဆုံးဆိုင်မှာဝယ် စသဖြင့်ပေါ့။

ဆိုင်တွေက ပစ္စည်းကောင်းတွေချည်းပဲတင်၊ ဝယ်စရာ ပိုက်ဆံမရှိတော့ အဲ့ဒီစနစ်လည်း ပျက်ကရော။ မင်းလိုချင်တဲ့ ပစ္စည်း ရ၊ မရ၊ ရှိ၊ မရှိဆိုတာကို ငွေက အဓိက ဆုံးဖြတ်ပေးနေတယ်။ တစ်ယောက်က ပြောမယ် "ဒီလိုင်စင် မင်းကို ချပေးမယ်။ ဒီလိုင်စင်နဲ့ ဒေါ်လာမီလီယံချီပြီး ရှာလို့ရတယ်။ ရရင် ငါ့ကို ဒီလောက်ပေးရမယ်" တဲ့။ အဲ့ဒီမှာ ကိုယ်ကျင့်တရားက စပျက်နေပြီ။ ရုရှားအရာရှိတွေ၊ တရုတ်အရာရှိကြီးတွေ၊ ဗီယက်နမ်အရာရှိကြီးတွေ တရားပျက်တာဟာ ဒီက စတာ။

တို့က ကိုယ့်ကျင့်တရား မပျက်သေးဘူး။ ပျက်တာနဲ့ ပြီးရောပဲ။ စီးပွားရေးအကျပ်ရိုက်နေစဉ်မှာတောင် ရင်းနှီးမြှုပ်နှံသူတွေက ငါတို့ဆီ လာနေကြတုန်းပဲ။ "အိုကေ ... ပစ္စည်းတွေ ဈေးကျနေတုန်း စင်္ကာပူမှာ လာပြီး စီးပွားရေးလုပ်ထားမယ်။ ငါ့စီးပွားရေးလည်း အဆင်ပြေလာရော စီပွားရေးအကျပ်ရိုက်မှုကနေလည်း နလန်ထူလာမယ်။ ပြီးရင် ကိုယ့်ဒေသကို ပြန်ပြီး စီးပွားရေးလုပ်မယ်" လို့ သူတို့က ပြောတယ်။

ဘာ့ကြောင့်လဲ။ ငါတို့က တိကျတယ်။ ရိုးသားတယ်။ ယုံကြည်လို့ရတယ်။ ဒါ့ကြောင့်။ ပေါ်လစီကို ငါတို့က ခုတစ်မျိုး တော်ကြာတစ်မျိုး မလုပ်ဘူး။

ရေပေါ်ဆီ ( ၂ )

 ဇင်ဝေသော်

Read more

ရေပေါ်ဆီ ( ၂ )

ကိုယ်သွားတဲ့လမ်းကတကယ်မှားနေတယ်ဆိုတာ သေချာနေပြီဆိုရင်အဲ့ဒီလမ်းကြောင်းကနေ သွေဖီရဲအောင်လည်း ပြင်ဆင်ထားရတယ်။ "ဟေ့ ... တို့တော့ မှားနေပြီ။ လမ်းကြောင်း ပြောင်းမှရမယ်" ဆိုတာမျိုးပေါ့။

မေး ။    ။ ကက်ဘိနိတ်မတိုင်မီ မစ္စတာလီမပါဘဲ သူတို့အချင်းချင်း အရင်ဆွေးနွေးရတယ် ဆိုတာကကို မစ္စတာလီရဲ့ လောင်းရိပ် ဘယ်လောက်ကြီးတယ်၊ ဒီလောင်းရိပ်က လွတ်အောင် ဒီလို လုပ်ရတယ်ဆိုတဲ့ သဘောမျိုးရော ရောက်မနေဘူးလား။
ဖြေ ။    ။ ငါ့ကိုယ်ငါ ပြောင်းလို့ မရသေးဘူးလေကွာ။ အဲ့ဒါ လီကွမ်းယုပဲ။ ငါ တစ်ခုခုပြောတိုင်း ငါ့ပါးစပ်ဖျားကတင် ထွက်လာတာ မဟုတ်ဘူး။ အကြိမ်ကြိမ် စဉ်းစားပြီးမှ ပြောတယ်။ စဉ်းစားရာမှာလည်း ငါ့အတွေ့အကြုံတွေရဲ့လောင်းရိပ် ငါ့မှာကို ရှိနေတာ။

        ငါ့အတွက် အချိန်တန်နေပါပြီလို့ ဘယ်သူ ပြောရဲသလဲ။ ငါက JP - Morgan ဘုတ်အဖွဲ့ဝင်၊ ပြင်သစ်က တိုတယ်ရေနံကုမ္ပဏီ ဘုတ်အဖွဲ့ဝင်၊ တစ်ခြားဟာတွေ ရှိသေးတယ်။ သူတို့က ငါ့ကို ထပ်ပြီး ရွေးချယ်တော့ ငါ ပြောခဲ့သေးတယ် "ကြည့်လုပ်ကြပါဦးကွာ။ ငါ ဘယ်တော့ လွတ်မလဲ။ ငါ့အသက် ရှစ်ဆယ်ကျော်နေပြီ" လို့။

        ကလင်တန် ဟောင်ကောင်လာတုန်းက ဘာဖြစ်လို့ ငါနဲ့ စကားပြောချင်တာလဲ သိလား။ သူ့ရန်ပုံငွေအတွက် အာရှက စေတနာရှင်တွေကို မျက်နှာပြလို့ ကောင်းအောင်လို့။ သူက ခေါ်တယ်။ ငါက သူနဲ့ ဆန့်ကျင်ဘက်။ သူက လူလည်၊ ငါလည်း အရူးမဟုတ်ဘူး။ အတွေ့အကြုံတွေ ရှိပြီးသား။ ငါက ဒီလို ပြောဖို့ ပြင်ပြီးသား "ကျွန်တော် သဘောမတူပါဘူး။ ဒါဟာ မဆွေးနွေးလိုခြင်းရဲ့ အကြောင်းပါပဲ" လို့။

         နှလုံးခွဲစိတ်ပြီး တစ်ရက်ပဲ ရှိသေးပေမယ့် ငါ သွားခဲ့ပါတယ်။ သူ့ဇနီး နိုင်ငံခြားရေးဝန်ကြီးမဖြစ်ခင် ငါ လာတွေ့မယ်လို့ ကတိပေးခဲ့ဖူးလို့။ နောက်ဆုံး သူက ပြောတယ် "မစ္စတာလီကို ပေးဖို့ ကျနော့်မှာ အကြွေးတစ်ခု တင်နေပြီ" တဲ့။
    "ဥပဒေနဲ့ညီတာပဲ တောင်းမှာပါ" လို့ ငါ ပြန်ပြောခဲ့တယ်။

        ဒါလေး အလုပ်လုပ်နေသေးသရွေ့ (သူ့ခေါင်းကို လက်ညှိုးထိုးပြတယ်) ငါလည်း အိုကေပဲ။ အဲ ... ဒါလေးက အရင်ရပ်လိမ့်မယ် (သူ့နှလုံးသားကို လက်ထောက်ပြတယ်)။ ဘာ တတ်နိုင်မှာလဲကွာ။ ဒါ ဘဝပဲ။ ဘယ်တော့ သေရမယ် မသိဘူး။ ငါ့မှာ တန်ဖိုးတချို့ရှိတယ်ဆိုရင် အဲ့ဒါလေးတွေနဲ့ စင်္ကာပူကို ဒီထက် အားကောင်းအောင်၊ ဒီထက် တိုးတက်အောင် ကြိုးစားနေဖို့ပါပဲ။

        ဘယ်ခေါင်းဆောင်၊ ဘာမူဝါဒကိုမှ အားသစ်လောင်းနေတာ မဟုတ်ဘူး။ စင်္ကာပူအတွက် သက်သက်ပဲ။ ဒီနေရာလေး တိုးတက်လာတာကို မြင်ရပြီး ဒီနေရာလေး ကျရှုံးသွားမှာကို မမြင်ချင်ဘူး။ ဒါပါပဲ။ ရှင်းရှင်းလေးပါ။

မေး ။    ။ စင်္ကာပူရဲ့ သမိုင်းတတစ်လျှောက်မှာ မစ္စတာလီဟာ အကြီးကျယ်ဆုံး ပြုပြင် တည်ထောင်နိုင်သူပါပဲ။ ပြီးတော့ မစ္စတာလီ ကျင်လည်ခဲ့ရတာက အပြင်းအထန် နိုင်ငံရေးအားပြိုင်မှုတွေ ကြားထဲမှာ။ အခု လက်ရှိအခြေအနေအရ အဲ့သလိုပုဂ္ဂိုလ် ပေါ်ပေါက်လာဖို့ဆိုတာ မလွယ်ကူလှဘူးလို့ ထင်စရာပဲ။
ဖြေ ။    ။ ဝန်ထုပ်ဝန်ပိုးခြင်းတော့ မတူနိုင်ဘူးပေါ့။ သူတို့ အခြေအနေက သေရေးရှင်ရေးထဲမှာ မဟုတ်ဘူး။ ဒါပေမယ့် ဒီခေတ်ရဲ့ အပြောင်းအလဲတွေကလည်း စိတ်ဖိအား မနည်းလှဘူးနော်။ လတ်တလော ငွေကြေးအကျပ်ရိုက်နေမှု့ကိုပဲကြည့်။ ငါသာ ဝန်ကြီးချုပ်ဖြစ်ဆဲဆိုရင် "ငါတို့ ရင်ဆိုင်နိုင်ကြပါ့မလား" ဒါမှမဟုတ် "ဒီပြဿနာက သုံးလေးနှစ်အထိများ ကြာနေရင် ဘာတွေ ဖြစ်လာနိုင်သလဲ" "ငါတို့တော့ အသေးစိတ် ပြန်လေ့လာမှ ရတော့မယ်" ဆိုတာမျိုးတွေ ဖြစ်နေမှာပဲ။ လတ်တလောပြဿနာက အရင်နဲ့တော့ မတူဘူးပေါ့။

        NEwater မတွေ့ခင်အထိ ငါဖြင့် ရေပြဿနာနဲ့ ခေါင်းခြောက်နေရတာ။ ဝန်ကြီးချုပ် မဟုတ်တော့ဘူး ဆိုတာတောင် ရေပြဿနာနဲ့ငါက ရေစက်မကုန်သေးဘူး။ လတိုင်းလတိုင်း ရေနဲ့ပတ်သက်တဲ့ အစီအရင်ခံစာတွေ ထိုင်ကြည့်နေရတာ။ ရေနဲ့ပတ်သက်လို့ ဘယ်သူမှ ငါ့လောက်မသိဘူး။

        ပညာရပ်ပိုင်းအနေနဲ့ကြည့်ရင် လက်ရှိအစိုးရအဖွဲ့က ငါတုန်းက အစိုးရအဖွဲ့အောက် ညံ့တယ်လို့ မထင်ဘူး။ တစ်ခုရှိတာက သူတို့မှာ အဲ့သလောက် ပြဿနာကြီးတွေ မရှိတော့ အတွေ့အကြုံနဲ့ အားစိုက်မှုတော့ လျော့ကောင်းလျော့နိုင်တာပေါ့။

မေး ။    ။ အဲ့ဒါက ပြဿနာ မဟုတ်ဘူးလား။
ဖြေ ။    ။ ဒါတော့ ငါ မပြောတတ်ဘူး။ သူတို့အားလုံး စီးပွားရေးတက္ကသိုလ်တွေတက်၊ လူထုဆက်ဆံရေးကို သင်ကြားလာခဲ့ကြတဲ့သူတွေပဲ။ သူတို့ မလေ့လာဘူးတဲ့စနစ်ဆိုလို့ မရှိသလောက်ပဲ။ ဒါပေမယ့် ငါ့မှာတုန်းကတော့ လမ်းပေါ်မှာပဲ ဒါတွေ သင်ခဲ့ရတာလေ။ ဒါဟာ မတူညီတဲ့ မျိုးဆက်ပဲ။ ဂေါ်ဒင်ဘရောင်းဟာ ဘယ်တော့မှ Clement Attlee မဖြစ်နိုင်သလို Hugh Gaitskell မဖြစ်နိုင်ဘူး။ သူက ခြားနားတဲ့အခြေအနေ၊ နောက်ခံဘက်ဂရောင်းကောင်းနဲ့လူပဲ။ Winston Churchill ရဲ့သား၊ မြေးဟာ ဝင်စတန်ချာချီနဲ့ တိုင်းထွာလို့ မရနိုင်ဘူး။

မေး ။    ။ နိုင်ငံရေးသမိုင်းမှာ သမားရိုးကျကနေ ဖောက်ထွက်တတ်တဲ့ ခေါင်းဆောင်တချို့ ရှိတတ်တယ်။ ဥပမာ ... မာဂရက်သက်ချာလိုပေါ့။ မစ္စတာလီ ရွေးထားတဲ့ အစိုးရထဲမှာ အဲ့သလို ဖောက်ထွက်ရေးသမား ပေါ်လာနိုင်လာစရာ ရှိလား။
ဖြေ ။    ။ ကိုယ်သွားတဲ့လမ်းက တကယ်မှားနေတယ်ဆိုတာ သေချာနေပြီဆိုရင် အဲ့ဒီလမ်းကြောင်းကနေ သွေဖီရဲအောင်လည်း ပြင်ဆင်ထားရတယ်။ "ဟေ့ ... တို့တော့ မှားနေပြီ။ လမ်းကြောင်း ပြောင်းမှရမယ်" ဆိုတာမျိုးပေါ့။ အခုအထိ အခြေခံမူ မှားနေတာကို ငါတော့ မမြင်မိသေးဘူး။ ငါတို့ ရွေးခဲ့သမျှ လမ်းတွေဟာ အတွင်းအားဖြင့် ဖြစ်စေ၊ ဒေသဆိုင်ရာအားဖြင့် ဖြစ်စေ၊ အပြည်အပြည်ဆိုင်ရာအမြင်အားဖြင့် ဖြစ်စေ စနစ်တကျ စမ်းသပ်ခဲ့တဲ့ မူဝါဒတွေချည်းပါပဲ။ ဒီအထဲမှာ ဖြစ်နိုင်တာကတော့ ဒေသတွင်းဆိုင်ရာ၊ အပြည်အပြည်ဆိုင်ရာ ပြောင်းလဲမှုလောက်ပဲ ဖြစ်နိုင်စရာ ရှိပါတယ်။

မေး ။    ။ ဘာ့ကြောင့် ဝန်ကြီးတွေရဲ့လစာနဲ့ ပတ်သက်ပြီး အငြင်းပွားစရာတွေ ဖြစ်နေရတာလဲ။
ဖြေ ။    ။ ဒီလစာနဲ့ ပတ်သက်တဲ့မေးခွန်းကြောင့် စိတ်ကသိကအောက် ဖြစ်စရာ ငါ့မှာ မရှိပါဘူး။ သူတို့ ဘာဆက်လုပ်ကြမလဲဆိုတာနဲ့ ပတ်သက်လို့ လက်ရှိခေါင်းဆောင်တွေပဲ ဆုံးဖြတ်ကြရမှာပါ။ ငါသာ သူတို့နေရာမှာဆိုရင် ဒီမူအတိုင်းပဲ ဆက်သွားမယ်။ ဒီမူကို နည်းနည်း ထပ်ကောင်းအောင် ပြင်ပေးရမယ်။ လူထုက ငါတို့မူကို သိတယ်။ မင်းက တော်တယ်ဆိုရင် မင်းကို ဆက်လုပ်ဖို့ တောင်းဆိုမှာပဲ။ အလုပ် ဆက်လုပ်ရာမှာလည်း သက်တမ်းအရ သုံးသက်တမ်း၊ လေးသက်တမ်း၊ ငါးသက်တမ်းအထိ ဖြစ်သွားနိုင်တာပဲ။ ဒါဆို အဲ့ဒီလူက တကယ်တော်တဲ့ ဝန်ကြီးတစ်ယောက် ဖြစ်သွားတယ်၊ အတွေ့အကြုံတွေကလည်း တထောကြီး။ တန်ဖိုးသက်မှတ်ရာမှာလည်း တကယ် သမာသမတ်ကျတဲ့ လူတစ်ယောက် ဖြစ်သွားရော။

        သူ့ရဲ့ ပထမသက်တမ်းမှာ သူဟာ ဝန်ကြီးကောင်းတစ်ယောက် ဖြစ်သွားမယ်လို့ မင်း ထင်သလား။ ဒီလို မဟုတ်ဘူး။ သက်တမ်းနှစ်ခုကျော်သွားမှ တကယ်တော်တဲ့ဝန်ကြီး ဖြစ်သွားတာ။ အဲ့ဒီတော့မှ စင်္ကာပူအကြောင်း သိသွားတယ်။ စင်္ကာပူလူထုအကြောင်း၊ အစိုးရရဲ့ လုပ်ဆောင်ပုံ၊ စင်္ကာပူအတွက် ဖြစ်နိုင်တဲ့ နည်းလမ်းတွေကို သဘောပေါက်သွားတယ်။ ဘာ့ကြောင့် သူတို့ကို လစာတွေ အများကြီး ပေးထားရတာလဲ။ မပေးရင် "ကျွန်းတော်တော့ ထွက်ပြီ" ဆိုတာမျိုးတွေ ဖြစ်လာမှာစိုးလို့။

        ဒီလိုမဟုတ်ရင် ဒီအစိုးရထဲကို ဗီဗီယံ ဗလကရစ်ရှနန်တို့၊ Ng Eng Hen တို့ ဝင်လာမယ်လို့ ထင်သလား။ Ng Eng Hen ဆိုရင် တစ်နှစ်ကို သုံးမီလီယံ ဝင်ငွေရှိတဲ့ ကင်ဆာခွဲစိတ်အထူးကု၊ Shamugam ဆိုရင် အဆင်ပြေတဲ့နှစ်တွေမှာ ငါးမီလီယံအထိ ဝင်တယ်။ သူ့ကို မင်း လစာ သုံးသောင်းပေးမှာလား၊ မင်း သူ့ကို တစ်နှစ် တစ်မီလီယံကျော် ပေးတယ်။ သူက ငွေ သိပ်မမက်တဲ့လူမို့ ကျေနပ်တယ်။ သူက အလုပ် ကောင်းကောင်း လုပ်ခွင့်ရရင် ပြီးရောဆိုတဲ့လူမျိုး။ သူက သူလုပ်ခဲ့တာ လုံလောက်နေပြီလို့ ထင်တယ်။ တို့က သူ့ကို ဆက်ရှိစေချင်တယ်။ ဝန်ကြီးသက်တမ်းနှစ်ခု၊ သုံးခု၊ လေးခုအထိ။ ဒါမှ တကယ် အတွေ့အကြုံရှိတဲ့ ဝန်ကြီးတစ်ယောက် ဖြစ်လာမှာ။

        မင်းတို့ သတိထားမိမယ်လို့ ထင်တယ်။ ဝန်ကြီးချုပ်က ဝန်ကြီးတစ်ယောက်ကို သူ့ကိုယ်ပိုင်ဝင်ငွေရဲ့ (၉၀) ရာခိုင်နှုန်း ပေးလို့ရအောင် ဥပဒေ ပြင်ဆင်ထားတာလေ။ ဒါက အခု ကျင့်သုံးလို့ မရသေးဘူး။ ဒါက ဝန်ကြီးတွေ အချင်ချင်း လစာ မတူမညီ ဖြစ်သွားနိုင်လို့။ ဝန်ကြီးမဖြစ်ခင် သူတို့ ဘာလုပ်ခဲ့သလဲ။ သူတို့ရဲ့ တစ်နှစ်ဝင်ငွေက ဘယ်လောက် ရှိခဲ့သလဲစတာတွေ မတူကြဘူးလေ။ သူတို့ လုပ်ဆောင်မှုစွမ်းရည်က မတူတော့ လစာလည်း တူလို့မရဘူး။ ငါမြင်တာကတော့ ဝန်ကြီးချုပ်ဟာ စီအီးအိုနဲ့တူတယ်။ ဒီအဖွဲ့တစ်ဖွဲ့လုံး အလုပ်လုပ်နေဖို့ သူ့မှာ တာဝန်ရှိတယ်။ အစိုးရတစ်ဖွဲ့လုံးရဲ့ လစာက ဂျီဒီပီရဲ့ 0.02 ရာခိုင်နှုန်းထက် လျော့ရဦးမှာလား။ ဒါမှမဟုတ် F - 15 တိုက်လေယာဉ်တစ်စီးထက် လျှော့ပေးရဦးမှာလား။

မေး ။    ။ ဝန်ကြီးတွေရဲ့လစာနဲ့ ပတ်သက်ပြီး လူထုထဲမှာ တော်တော်ကြီး မကျေမနပ် ဖြစ်နေကြတယ်ဆိုတာရော ရိပ်စားမိရဲ့လား။

ဆက်ရန် -

ရေပေါ်ဆီ ( ၁း ၂ )

 ကမ်းလက် 

Read more

ရေပေါ်ဆီ ( ၁း ၂ )

မေး။          ။ အရည်အချင်းအကြောင်း ပြောနေပေမယ့် စင်္ကာပူက တစ်ပါတီထဲကပဲ အုပ်ချုပ်နေတော့ ပီအေပီ တစ်ပါတီက သက်မှတ်တဲ့ အရည်အချင်းပဲ ဖြစ်နေတော့မှာပေါ့။
ဖြေ။          ။ ဒါဆိုလည်း အရည်အချင်း ရှိသူတွေ ရအောင် ရှာလုပ်ကြလေ။ စိန်ခေါ်ပါတယ်။ ပီအေပီအမတ်တွေကလွဲပြီး ဦးနှောက်ရှိတာဆိုလို့ ပါလီမန်က လျာထားထားတဲ့ အမတ်လောင်းတွေပဲ ရှိတယ်။ သူတို့ကို ငါတို့ထဲ ဝင်ခိုင်းဖို့ စဉ်းစားသေးတယ်။ နောက်မှ လက်လျှော့လိုက်ရတာ။ သူတို့ လူထုနဲ့ ခံစားချက် တူ၊ မတူ မသေချာလို့။

မေး။          ။ ထိပ်တန်းရာထူးတွေအတွက် ယှည်ပြိုင်မှု ပိုပြီး ပြင်းထန်တဲ့ နိုင်ငံတွေမှာ နိုင်ငံရေး ယှည်ပြိုင်မှုလည်း စင်္ကာပူထက် ပိုပြီး ပြင်းထန်တယ်လို့ ဆိုနိုင်မလား။
ဖြေ။          ။ တို့မှာ လူဦးရေ သုံးသန်းရှိတယ်။ ရာထူးကြီးကြီးခုံတွေပေါ်မှာ ထိုင်ဖို့ လူတော်တွေ ဘယ်သွားပြီ ရှာကြမှာလဲ။ တီမာဆက် အမှုဆောင်ဒါရိုက်တာ ဟိုချင်း (Ho Ching) က ပြောတယ်။ သူ အနားယူဖို့ အချိန်သင့်ပြီတဲ့။ အဲ့ဒီရာထူးကို ဘယ်သူ ဆက်ခံမလဲ။ အဲ့သလောက် စီမံခန့်ခွဲစရာများတဲ့ ကုမ္ပဏီကြီးကို ဝင်ပြီး နေရာယူနိုင်တဲ့လူ အဲ့ဒီအဖွဲ့ထဲမှာ အဆင်သင့် မရှိဘူး။ အဲ့ဒီတော့ ဒီရာထူးကို ဆက်ခံဖို့ တီမားဆက်နဲ့ မဆိုင်တဲ့ အပြင်ဘက်ကို ထွက်ရှာယူရတယ်။

       Singtel ကိုလည်းကြည့်။ ငါ့သား (စီးအီးအိုဟောင်း Lee Hsien Yang) က ပြောတယ်။ သူ ထွက်တော့မယ်တဲ့။ ကံကောင်းလို့ သူ့နေရာ ဆက်ခံမယ့် ချွာဆောက်ကုန်း (Chua Sock Koong) က မဆိုးလှဘူး ဖြစ်နေတယ်။ တကယ်တော့ အရည်အချင်းမီတဲ့ ခေါင်းဆောင်က ရှားတယ်။

       တရုတ်ပြည်အတွက် သံအမတ် ချင်ဆက်ရုန်း (Chin Siat Yoon) ကို အစားထိုးဖို့ တို့မှာ လူ မရှိသေးဘူး။ သူက "သူ့အတွက် လုံလောက်ပြီ" လို့ ပြောတယ်။ တရုတ်ဘာသာနဲ့ ဘွဲ့ရပြီး တရုတ်၊ အင်္ဂလိပ် နှစ်ဘာသာ ကျွမ်းကျွမ်းကျင်ကျင် ပြောနိုင်တဲ့လူ၊ လူတွေနဲ့ ဘယ်လိုဆက်ဆံရမယ်ဆိုတာ သိတဲ့လူ အင်ဆာ မျင်လာ (Ng Ser Miang)။ အိုလံပစ်ကော်မတီအတွက် သူ့ကို ပေးလိုက်ရပြန်ရော။

       တရုတ်ပြည်မှာ တစ်ယောက်ယောက်ကို နိုင်ငံခြားရေးဝန်ကြီး ခန့်တော့မယ်ဆိုရင် အဲ့ဒီရာထူးအတွက် သုံးလေးယောက် လျာထားလို့ ရတယ်။ အားလုံးဟာ သူမသာ ကိုယ်မသာတွေချည်းပဲ။ သူတို့ လူဦးရေက 1. 3 ဘီလီယံလေ။ ပီကင်းတက္ကသိုလ်က ပယ်ချလိုက်တဲ့ ကျောင်းသားက တို့တက္ကသိုလ်မှာ ပထမကလပ်မှာ (ပထမတန်းစားအဆင့်မှာ) ရှိတယ်။

မေး။          ။ အဲ့သလိုဆိုရင် မေးစရာရှိလာတာက ခေါင်းဆောင်ရွေးချယ်တဲ့နေရာမှာ တရုတ်က ယှဉ်ပြိုင်မှုတွေနဲ့ ရွေးချယ်ပြီး စင်္ကာပူက အဲ့သလို မဟုတ်ဘူး။ ဒါဟာ နိုင်ငံရေးပါတီ အားပြိုင်မှု မရှိလို့ကော ပြောလို့ မရနိုင်ဘူးလား။
ဖြေ။          ။ သိပ်ပြီး ထူးခြားတယ်လို့ မထင်ဘူး။ ငါတို့နဲ့ယှဉ်ရင် မဲရစ်တိုကရက်တစ် (Meritocratic) ကိစ္စမှာ တရုတ်ပြည်က ငါတို့ထက် ပိုပြီး ရွေးသေးတယ်။ သူတို့က ရွေးကောက်ပွဲ ဝင်ပြိုင်စရာမလိုဘူး မဟုတ်လား။ ဒီတော့ သူတို့က အီးကျူကိစ္စကို အလေးမထားဘူး။ တို့က ရွေးကောက်ပွဲဝင်ပြိုင်၊ နိုင်အောင်လည်း လုပ်နိုင်တဲ့ လူတွေကို ရွေးယူရတယ်။ ခေါင်းဆောင်ဖို့ (အိုင်ကျူနဲ့ အီးကျူ) ဒီအရည်အချင်းနှစ်ရပ်စလုံး လိုအပ်တယ်။ ပထမ ဝင်ပြိုင်တယ်။ မနိုင်ဘူး။ နောက်တစ်ကြိမ်မှာ မဲဆန္ဒနယ်နဲ့ ပိုပြီး နီးစပ်အောင်အောင်၊ ဝင်ပြိုင်တယ်၊ နိုင်လိုက်တယ်။ ဒါဆိုရင် တန်ဖိုးက ကျသွားတယ်။ ကိုယ်က အရင် လက်ဦးမှုယူပြီး လူထုနဲ့ ဘယ်လို ဆက်ဆံရရတယ်ဆိုတာ ကြိုသိထား၊ လေ့လာထားမှ ကောင်းတာ။

       ထို့စနစ်က ထို့ရွေးထားတဲ့လူကို ရွေးကောက်ပွဲထဲ ထိုးထည့်ပေးလိုက်တာပဲ။ သူတို့ နိုင်အောင် မစည်းရုံးနိုင်ဘူးဆိုရင် ဘေးဖယ်ထားလိုက်တာပဲ။ ကိုယ်ပိုင်အလုပ်တွေမှာက ရွေးကောက်ပွဲဝင်စရာ မလိုဘူး။ အထက်လူကြီးက သဘောကျတယ်ဆိုရင် ပြီးပြီ။ တရုတ်ပြည်မှာက အဲ့ဒီအတိုင်း။

Suzhou မှာ ငါတို့နဲ့ အတူတူ အလုပ်လုပ်ပြီး အောင်မြင်သွားတဲ့ လူတွေဆိုရင် ပြည်နယ်အစိုးရတွေမှာ ရာထူးကြီးကြီးတွေ ရနေကြပြီ။ ရွေးကောက်ပွဲ မရှိဘူး။ မင်းစွမ်းရင် မင်းရပြီပဲ။

မေး။          ။ သာမန်အရပ်သား စင်္ကာပူရီးယန်းတွေဆိုရင် ပီအေပီရဲ့ စွမ်းဆောင်နိုင်မှုကို အမြတ်တနိုး ရှိနေကြပါလျက်နဲ့ကို ပီအေပီရဲ့ ခေါင်းဆောင်တွေ ရွေးချယ်တဲ့ပုံစံက ထိပ်သီးရေပေါ်ဆီလေးထဲကပဲ ရွေးကောက်ခေါ်သွားတယ်လို့ ခံစားကြရတယ်။ အရွေးခံရတဲ့ လူတွေဟာ နောက်ခံဘက်ဂဒေါင်း ကောင်းကောင်း ရှိရမယ်၊ ထိပ်တန်းကျောင်းတွေမှာ စာသင်၊ စကောလားဆုတွေရ၊ နာမည်ကြီး တက္ကသိုလ်ကြီးတွေက ဘွဲ့ရ၊ ဒါမျိုးတွေပဲ ဖြစ်နေတယ်။
ဖြေ။          ။ အဲ့ဒီအတွေးကတော့ လုံးဝ အူကြောင်ကြောင် အတွေးပါကွာ။ သူတို့ နားမလည်ကြဘူး။ ခေါင်းဆောင်မှုစွမ်းရည်ဆိုတာ အရည်အချင်းစုံ ရှိနေရမယ်။ ခေါင်းဆောင်သူဟာ ဗိုလ်ချုပ်ကြီးပဲ ဖြစ်ဖြစ်၊ နိုင်ငံရေးသမား၊ စီအီးအို၊ အယ်ဒီတာချုပ်ပဲ ဖြစ်ဖြစ် ဘက်စုံကနေ အရည်အချင်း ရှိနေရမယ်ဆိုတာ တို့ အတွေ့အကြုံတွေက တဖြည်းဖြည်း သင်ပေးခဲ့ပြီးသားပါ။

       တကယ်တမ်းကတော့ကွာ ... ဘယ်လိုပဲ စစ လုပ်အားတန်ဖိုး မဲရစ်တိုကရက်တစ် ဘယ်လိုပဲ ကျင့်သုံးကျင့်သုံး တဖြည်းဖြည်းနဲ့ လူတန်းစားအလွှာက အမျိုးစုံဖြစ်ပြီး ကွဲပြားသွားတာပါပဲ။

       ပညာတတ်သွားတဲ့သူက တတ်သွားတယ်။ ပြီးတော့ သူလို ပညာတတ်နဲ့ပဲ လက်ထပ်လိုက်တယ်။ ကလေးတွေ ရလာပြန်တော့ သူတို့ကလေးတွေက မြက်ရိတ်သမား ကလေးတွေထက် ပိုတော်ဖို့ များတာပေါ့။ အလုပ်ကြမ်းသမားတွေရဲ့ ကလေးတိုင်း ထူတူတူလေးတွေလို့ ငါပြောနေတာ မဟုတ်ဘူးနော်။ မွဲခြောက်ခြောက်အရောင် မြင်းနှစ်ကောင်က မြင်းဖြူလေးမွေးဖို့ဆိုတာ တော်တော် ခက်ခဲပါတယ်။ အထီးရော အမရော မြင်းဖြူတွေဆိုရင် မင်းမှာ မြင်းဖြူလေးရဖို့ ရာခိုင်နှုန်း ပိုများတာပေါ့။

       လူတွေကြားမှာ ဒီစကားမျိုး သိပ်ပြောလို့ မကောင်းဘူးကွ။ မြင်းဖြူမဟုတ်သူတွေက သူတို့ကို သိက္ခာချတယ်လို့ ထင်ကြတယ်။ ဒါပေမယ့် ဒါက အမှန်တရားပဲ။

မေး။          ။ ရေပေါ်ဆီကိစ္စ၊ မျိုးရိုးဗီဇကိစ္စတွေ ဘေးထားပြီး အခုလက်ရှိ ဒီဂရီတွေဘာတွေကို ကြည့်ပြီး ရွေးချယ်ခဲ့ကြပေမယ့် တစ်ချိန်ချိန်မှာ ဒီလို ရွေးချယ်ခဲ့တဲ့ပုဂ္ဂိုလ်တွေကလည်း တစ်ခြားပုဂ္ဂိုလ်တွေနဲ့ နောက်ခံဘက်ဂရောင်းတွေ တူနေတာ ဖြစ်နေမှာမျိုး မစဉ်းစားမိဘူးလား။
ဖြေ။          ။ စင်္ကာပူအကြောင်း ပြောကြစတမ်းဆိုရင် ကလေးအားလုံး ပညာရေးမူအတိုင်း သင်ကြားကြရတယ်။ ခြားနားချက်က သူတို့ ဘယ်တက္ကသိုလ်ကို သွားကြသလဲ၊ စင်္ကာပူမှာပဲလား။ နိုင်ငံခြားတက္ကသိုလ်ကိုလား။ ဘယ် ဘာသာရပ်ကို ရွေးချယ်ကြသလဲ၊ ဘယ်လို ပတ်ဝန်းကျင်မှာ နေထိုင်ခဲ့ကြသလဲ၊ ဘယ်လိုအတွေ့အကြံတွေ ရခဲ့ကြသလား ဆိုတာပဲ။

       ပြင်သစ်က အထက်တန်းလွှာတွေဆိုရင်လည်း ပညာသင်တဲ့ကျောင်း အတူတူပဲ။ အားလုံး နိုင်ငံတော်က စစ်တဲ့ စာမေးပွဲ ဖြေကြရတယ်။ အဲ့ဒီအထဲက အတော်ဆုံးကျောင်းသားတွေပဲ 'The grandes e'coles' ကို တက်ခွင့်ရတယ်။ (ထိပ်တန်းပညာရှင်၊ အလုပ်မား၊ သိပ္ပံပညာရှင်တွေ မွေးထုတ်ပေးရာ တက္ကသိုလ်)

       ဂျာမန်တွေဆိုရင်လည်း အတူတူပဲ။ 'The German General Staff' ကို တက်ကြတယ်။ သူတို့က ဂျင်နရယ်ဂျာမန်စတပ်ဖ်ကို ဘယ်လောက် ယုံကြည်ထားသလဲဆိုရင် အဲ့ဒီက ဆင်းလာတဲ့ လူတိုင်းဟာ တစ်ယောက်ချင်း ဘယ်သူ့ကိုမဆို အစားထိုးလို့ ရတယ်တဲ့။

    ဂျပန်မှာလည်း တိုကျိုတက္ကသိုလ်ဟာ ထိပ်သီးပဲ။ တရုတ်ပြည်မှာဆိုရင်လည်း အတော်ဆုံး ကျောင်းသားတွေက ပီကင်းတက္ကသိုလ် (သို့) ကျင်ဝှါတက္ကသိုလ်ကို ရအောင် ကြိုးစားကြတာပဲ။ အဲ့ဒီတက္ကသိုလ် နှစ်ခုမှာ မမီတော့မှ ဖူဒန် (Fudan) ကို သွားကြတယ်။

       အားလုံးနဲ့ မတူတာကတော့ အမေရိကပဲ။ သူတို့မှာက West Cost ရှိတယ်။ Midwest ရှိတယ်။ South, North, East Cost ရှိတယ်။ ရှေးတုန်းကတော့ East Cost ကို သွားတာများတယ်။ အခု သူတို့မှာ Stanford ရှိတယ်။ Texas ရှိတယ်။ Northwestern စတာတွေ ရှိတယ်။ သူတို့မှာ မတူတဲ့ တက္ကသိုလ်တွေ အများကြီးပဲ။ ရှီကာဂိုမှာ Milton Friendman ဆိုရင် ဟိုတုန်းက အထင်ကရ စီးပွားရေးတက္ကသိုလ်ပဲ။ ပြီးတော့ ဟားဗက် ရှိတယ်။ တက္ကသိုလ်တွေက နိုင်ငံအနှံ့အပြားမှာ ရှိတယ်။ ငါထင်တာကတော့ အတွေးအခေါ်တွေ မတူအောင် တမင်တကာကို ခွဲပစ်လိုက်တာလို့ ထင်တာပဲ။

မေး။          ။ "ငါတော့ နိုင်ငံရေးထဲ မဝင်ချင်ဘူး။ နိုင်ငံရေးထဲ ဝင်ပြီး ပီအေပီထဲ ပါသွားရင် သူတို့ တွေးခေါ်သလို ငါလည်း လိုက်ပြီး တွေးခေါ်နေရမယ်။ သူတို့နဲ့ ဆန့်ကျင်ပြန်ရင်လည်း သက်တမ်းရှည်ဖို့ မလွယ်ဘူး" လို့ ပြောပြီး နိုင်ငံရေးထဲလည်း ဝင်ပြီးရော တကယ် အောင်မြင်သွားတဲ့ ဝန်ကြီးတစ်ယောက် ဖြစ်သွားတဲ့ လူတော်တွေရော ရှိပါသလား။
ဖြေ။          ။ ဒါကတော့ အမှားကြီးပါ။ ရေမွန်လင်းဆိုရင်  ဘာမှ ကန့်သက်တာ မခံရပါဘူး။ မယုံရင် သူ့ကို မေးကြည့်ပါ။ တို့က ဖိအားပေးလို့ သူ့အမြင်တွေ ပြောင်းသွားသလားလို့။ ပြီးတော့ ဗီဗီယံ ဗလဘရစ်ရှနန်။ သူ့ကို တာဝန်တစ်ခု ပေးလိုက်တယ်ဆိုရင် သူယုံကြည်သလို သူ့နည်းသူ့ဟန်နဲ့သူ ဖြေရှင်းသွားတာပဲ။

မေး။          ။ နိုင်ငံရေးထဲ ဝင်လာဖို့ တချို့ကို ပထမဆုံး ပြောတဲ့အခါ ဒါမျိုးတွေ ဖြစ်လာနိုင်တယ်လို့ စိုးရိမ်စိတ် မဖြစ်မိဘူးလား။
ဖြေ။          ။ မဖြစ်ပါဘူး။ သူတို့စိတ်ထဲမှာ ရှိနေတာက "ငါတော့ လက်ရှိအနေအထားအပေါ် ကျေနပ်တယ်။ နောက်လေးနှစ်ဆိုရင် ငါ့ကလေးတွေ အရွယ်ရောက်လာပြီး တက္ကသိုလ်တက်ကြရတော့မယ်" ဒါပဲ သူတို့စိတ်ထဲမှာ ရှိတယ်။

       လွန်ခဲ့တဲ့ ဆယ့်ငါးနှစ်၊ အနှစ်နှစ်ဆယ်လောက်တုန်းက သူ Wuthenlan မှာ ရှိနေစဉ် ခုကွန်ဝှီး (Koh Boon Hwee) ကို စည်းရုံးခဲ့ဖူးတယ်။ သူရယ်၊ ဂိုချောက်တောင်ရယ်နဲ့ နေ့လည်စာ အတူစားရင်း ပြောခဲ့တာ။ သူက ပွင့်ပွင့်လင်းလင်းပဲ ပြောတယ် "ကျွန်တော်က ကော်ပိုရိတ်ခေါင်းဆောင်ပဲ ဖြစ်ချင်တာ" တဲ့။ သူပြောသလိုပဲ သူ လုပ်သွားတာပဲ။ အဲ့ဒါ သူ့ရွေးချယ်မှုလေ။ သူဆိုရင် ဝန်ကြီးကောင်းတစ်ယောက် ဖြစ်လာနိုင်တယ်။ ဒါပေမယ့် အခုတော့ နောက်ကျသွားပြီ။ မဲဆန္ဒနယ်မြေတွေကိုသွား၊ လူထုနဲ့ တွေ့ဆုံစကားပြော စတာတွေ မလုပ်နိုင်တော့ဘူး။ နိုင်ငံရေးက သုံးဆယ်ကျော် လေးဆယ်ပြူစ (လေးဆယ်ဝန်းကျင်) လောက်ကစမှ အဆင်ပြေတယ်။ အသက်ငါးဆယ်နား ကပ်သွားရင် ပြောင်းလို့ မရတော့ဘူး။

မေး။          ။ နိုင်ငံရေးခေါင်းဆောင်တွေကို ရွေးချယ်ရာမှာ လူတိုင်းကိုကြည့်ပြီး ရွေးခဲ့တယ်ဆိုတာ သေချာရဲ့လား။ ဥပမာ ... မစ္စတာလီနဲ့ သဘောထားခြင်း လုံးဝ မတိုက်ဆိုင်တဲ့ လူတစ်ယောက် ဆိုပါတော့ ...
ဖြေ။          ။ သဘောတူ၊ မတူဆိုတာက စဉ်းစားရမယ့်ကိစ္စထဲ မပါပါဘူး။ မင်းဆီမှာ ဘာတွေရှိသလဲ။ ရှိရင် ငါတို့က တွေ့ပြီး စဉ်းစားမှာပဲ။ မင်းက ငါတို့နဲ့ သဘောထားခြင်း မတိုက်ဆိုင်ဘူး၊ ဒါက အရေးကို မပါဘူး။ မင်းလည်း ငါတို့အမြင်ကို ပြောင်းပစ်နိုင်တာပဲ။ ငါတို့က အကျိုးအကြောင်းသင့်ရင် လက်ခံတဲ့လူတွေပါ။ ငါတို့ မှားနေတယ်၊ ငါတို့ မှားနေတာကိုလည်း မင်းက အတိအကျ ထောက်ပြနိုင်တယ်၊ ဒါဆို ငါတို့ ပြောင်းမှာပေါ့။

မေး။          ။ အရေးကြီးတဲ့ ကိစ္စတွေမှာ လူငယ်ဝန်ကြီးတစ်ယောက်က မစ္စတာလီတွေရဲ့ အမြင်တွေကို ပြောင်းလဲပေးနိုင်ခဲ့တယ်ဆိုတဲ့ သာဓကများ ပြလို့ ရမလား။ အသေးအဖွဲ ကိစ္စလေးတွေမှာတော့ မဟုတ်ဘူးပေါ့။
ဖြေ။          ။ ၁၉၉၀ - ခုနှစ်လောက်ကတည်းက ငါက ဝန်ကြီးချုပ် မဟုတ်တော့ဘူး။ သူတို့နဲ့ အမြဲတမ်း အပြန်အလှန် ဆက်ဆံရေးလည်း မရှိတော့ဘူး။ သူတို့နဲ့ အဆက်အဆံ ရှိတယ်ဆိုတာ ပါလီမန်နဲ့ ကက်ဘိနိတ်ထဲမှာ လူမှုရေးသဘောလောက်ပဲ ရှိတယ်။ ဒါတွေကို စီမံခန့်ခွဲရတဲ့တာဝန်က ဝန်ကြီးချုပ်မှာပဲ ရှိတယ်။ ငါ့မှာ မရှိတော့ဘူး။ သူတို့ကိုလည်း မဝေဖန်လိုဘူး။

မေး။          ။ သူတို့နဲ့ ဆက်ဆံခဲ့စဉ်က မစ္စတာလီရဲ့ အမြင်ကို ပြောင်းလဲစေခဲ့တဲ့ သာဓကရှိရင် သိချင်ပါတယ်။
ဖြေ။          ။ ရေမွန်လင်းက အစိုးရပိုင်ကုမ္ပဏီတွေကို ဖြစ်နိုင်သလောက် ပုဂ္ဂလိကပိုင် ပြောင်းပေးဖို့ ပြောဖူးတယ်။ ပြဿနာက ဒီတာဝန်တွေကို ယူနိုင်မယ့်လူကို တို့ ဘယ်လို ရှာမှာလဲ။ SIA ကို ပုဂ္ဂလိကပိုင်၊ PSA ကို ပုဂ္ဂလိကပိုင်လုပ်ဖို့ စတာတွေပေါ့။ ပုဂ္ဂလိကပိုင် ဖြစ်သွားရင် ရှယ်ယာအများဆုံး ပိုင်ဆိုင်တဲ့လူက CEO၊ COO၊ CFO စတာတွေ ရွေးချယ်တင်မြှောက်ခွင့် ရရမယ်။ ဒီတာဝန် ဘယ်သူ့ကို ပေးမှာလဲ။ ဥပမာ ... OCBC၊ DBS၊ UOB၊ တီမာဆက်။ အဲ့ဒါက ပြဿနာ။ တို့မှာ လူတော် အလုံအလောက် မရှိဘူး။

မေး။          ။ ကက်ဘိနိတ်ထဲမှာ အဖွဲ့လိုက်စုပြီး စဉ်းစားတာတွေ ရှိသလား။ (Group Think) အဲ့ဒီအထဲက အပြင်းအထန် ငြင်းခုံခဲ့ရတာတွေ ရှိရင် ပြောပြပါလား။
ဖြေ။          ။ တို့အမြင်တွေက လွတ်လွတ်လပ်လပ်တွေချည်းပါ။ တစ်ယောက်ရဲ့ အိုင်ဒီယာကို တစ်ယောက်က အမြတ်ဝင်ထုတ်တဲ့လူတွေ မဟုတ်ကြပါဘူး။ ခက်ခဲတဲ့ ပြဿနာတွေဆိုရင် လေးလေးနက်နက် စဉ်းစားတယ်။ စည်းဝေးပွဲ အကြိမ်ကြိမ် ခေါ်တယ်။ ဆုံးဖြတ်ချက် မချသေးဘဲ ထားတယ်။ လူငယ်ဝန်ကြီးတွေကို မေးပေါ့။ ငါ့ လာမေးလို့ ဘာအဓိပ္ပါယ် ရှိမှာလဲ။

       တချို့ဝန်ကြီးတွေက ငါ မပါဘဲ စည်းဝေးကြတယ်။ ငါ့လောင်းရိပ်က လွတ်အောင် အရင်ဆုံး သူတို့ တွေ့ကြ၊ ဆုံးဖြတ်ကြတယ်။ ပြီးမှ ငါနဲ့ဆက်ပြီး ဆွေးနွေးတယ်။ ကက်ဘိနိတ်မရောင်ခင် နေ့လည်စာစားရင်း သူတို့ ဆွေးနွေးပွဲ ရှိတတ်တယ်။ သူတို့ အချင်းချင်း ပွင့်ပွင့်လင်းလင်းပဲ။ ဂိုချောက်တောင်လက်ထက်က ဒီစနစ်ကို စတင်ခဲ့ကြပြီး လီရှန်လွန်း လက်ထက်မှာလည်း ဆက်ပြီး ကျင့်သုံးကြတယ်။ မင်းတို့ သတိထားဖို့က ၁၉၉၀ - ခုကစပြီး ဝန်ကြီးတွေကို ငါ မခန့်တော့ဘူး။ ဂိုချောက်တောင် လက်ထက်ကတည်းက။

       အစတော့ ငါပြောသေးတယ် "ဒီကောင်ထက် ဟိုကောင်က ပိုတော်မယ်" စသဖြင့်ပေါ့။ နောက်တော့ သူ ယုံကြည်တဲ့သူကို သူ သွင်းတာပါပဲ။ တစ်ခါတစ်ခါ ငါ သဘောမတူဘူး။ စဉ်းစားပါဦးလို့ ပြောတယ်။ ဒါပေမယ့် သူ့ဟာသူ စဉ်းစားပြီး ငါ သဘောမတူလည်း သူ လုပ်တာပဲ။


ရေပေါ်ဆီ (၁)

 ဇင်ဝေသော်

Read more

ရေပေါ်ဆီ (၁)

ခေါင်းဆောင်ဟာ အခြေခံ အရည်အချင်းတွေနဲ့ ပြည့်စုံနေရပါတယ်။ အိုင်ကျူမြင့်ဖို့လည်း လိုအပ်ပါတယ်။ ဒါပေမယ့် ဒါက အစိတ်အပိုင်းတစ်ခုသာပါ။ အီးကျူ၊ ခေါင်းဆောင်မှုစွမ်းရည်၊ ရေရှည်အလုပ်လုပ်နိုင်မှု၊ ဆုံးဖြတ်ချက် ခိုင်မာမှု၊ အကြံကောင်းဉာဏ်ကောင်းရှိမှု - စတဲ့ တခြားအရည်အချင်းတွေလည်း အများကြီး လိုအပ်ပါတယ်။

မေး ။     ။ ခေါင်းဆောင်မှုပိုင်းနဲ့ ပတ်သက်လို့ စင်္ကာပူရင်ဆိုင်နေရတာက ဘာလဲ။

ဖြေ ။    ။တို့မှာ လူဦးရေ သုံးသန်းပဲ ရှိတယ်။ နှစ်စဉ် ခေါင်းဆောင်မှုစွမ်းရည်နဲ့ ပြည့်စုံတဲ့လူ (၁၀၀) လောက် ထွက်လာနိုင်တယ်။ အဲ့ဒီအထဲက ပြန်စစ်ယူရင် (၂၀) သို့မဟုတ် (၃၀) လောက် ကျန်မယ်။ အသက်မွေးဝမ်းကြောင်းဆိုင်ရာတွေ၊ စီးပွားရေးလုပ်ငန်းတွေအတွက် ထွက်လာတယ်။ နိုင်ငံရေးလောကအတွက် မရှိလာဘူး။ ဆိုလိုတာက နိုင်ငံရေးထဲကို သုံးဆယ်ကျော်၊ လေးဆယ်ပြူပြူမှာ (လေးဆယ်ဝန်းကျင်မှာ) နိုင်ငံရေး စလုပ်နေရမယ်။ နောက်ကျသွားပြီဆိုရင် လူထုနဲ့ ဆက်သွယ်မှု ပြတ်သွားတယ်။ သူတို့နဲ့ လက်ဆွဲနှုတ်ဆက်ရတာမျိုး၊ ကလေးတွေကို နမ်းရတာမျိုးတွေ မလုပ်နိုင်တော့ဘူး။

၂၀၀၁ - ခုနှစ်မှာ ငါတို့ (မျိုးဆက်သစ် နိုင်ငံရေးသမားတွေ) ရအောင် မရှာနိုင်ခဲ့ဘူး။ ဒါနဲ့ ဒေါက်တာသုံးယောက်ကို ဆွဲထုတ်ခဲ့ရတယ်။ တကယ်ဆို သူတို့ သုံးယောက်စလုံးက သူတို့ပညာနဲ့ သူတို့ ထိပ်တန်းတွေချည်းပဲ။ Ng Eng Hen, Vivian Balakrishnan ရယ်၊ Balaji Sadasivan ရယ်။ ဗလကြီး (Balaji) ဆိုရင် ထိပ်တန်း ဦးနှောက်ခွဲစိတ်ကုဆရာဝန်။ ဒါပေမယ့် နိုင်ငံရေးမှာတော့ ခေါင်းဆောင်ကောင်း ဖြစ်မလာဘူး။

မေး ။     ။ ဒီကိစ္စအတွက် ဝေဖန်နေကြတာက ဒီစနစ်က အထက်ကနေ အောက်ခြေကို လှမ်းရွေးတဲ့စနစ်တဲ့။ နိုင်ငံထဲက လူတော်တွေကို ရွေးပြီး ခေါင်းဆောင်ဖြစ်နိုင်မယ့် လူတွေကို မစ္စတာလီကိုယ်တိုင် ရွေးချယ်တာတဲ့။

ဖြေ ။    ။မဟုတ်ပါဘူး။ တို့က ထိပ်တန်းဆရာဝန်၊ ထိပ်တန်းခွဲစိတ်အထူးကု၊ ထိပ်တန်းစာရင်းစစ်တွေ ဆိုပြီး ရွေးနေတာ မဟုတ်ပါဘူး။ မူဝါဒက သူတို့ကို ရွေးတာပါ။ တို့က လူတော် အနည်းစုလေးကိုပဲ ကြည့်ပြီး သူတို့အထဲက အလားအလာ ရှိသူတွေကို ရှာယူရတာပေါ့။

မေး ။     ။ စစ်တပ်နဲ့ဆိုင်တဲ့ကိစ္စတွေမှာတော့ ဒီလိုရွေးချယ်မှုမျိုး ဖြစ်လေ့ဖြစ်ထ ရှိတတ်ပါတယ်။ ဒါပေမယ့် နိုင်ငံရေးလောကထဲမှာတော့ ရွေးကောက်ပွဲ ဝင်ပြိုင်ဖို့ ခေါင်းဆောင်ရွေးတာကအစ ပါဝင်နေတာဟာ တစ်မျိုးပဲလို့ မထင်မိဘူးလား။

ဖြေ ။    ။မထင်မိပါဘူး။ အစိုးရအဖွဲ့ကို တစ်ယောက်ယောက်က မောင်နှင်ပေးနေရတယ်။ ကံကောင်းမယ်ဆိုရင် အစိုးရကို လည်ပတ်စေတာ၊ ဝန်ကြီးရွေးချယ်တာတွေသာမက လူတွေကိုပါ သူ့ဖက်ပါလာအောင် စွမ်းနိုင်တဲ့ ဝန်ကြီးချုပ်တစ်ယောက် ရနိုင်တယ်။

ကိုယ့်ပါတီထဲမှာကိုပဲ လူပေါင်းစုံ ရှိနေရတယ်။ ကော်ဖီဆိုင်တွေမှာ အချိန်ကုန်တတ်တဲ့ လူတွေဟာ အခြေခံလူထုနဲ့ ဆက်ဆံရာမှာ တော်ကြတယ်။ Ong Ah Heng ဆိုရင် ငါ့ရဲ့ အတွင်းရေးမှူးပဲ။ သူက လက်တွေ့ကျတဲ့ အခြေခံလူတန်းစားထဲကလာတာ။ ဒါနဲ့ သူ့ကို National Transport Workers' အဖွဲ့ထဲ ထည့်ပြီး Nee Soon မဲဆန္ဒနယ်မှာ ဝင်ပြိုင်ဖို့ တွန်းပေးလိုက်ကြတယ်။

ပါတီတစ်ခုမှာ လူပေါင်းစုံလိုတယ်။ ဒါဆို သူတို့က ဝန်ကြီးတစ်ယောက်အနေနဲ့ အလုပ်လုပ်နိုင်မလား။ ပီအေပီရဲ့ တည်ထောင်သူ အဖွဲ့ဝင် တိုချင်ချိုင် ပြောတာတစ်ခုရှိတယ် "စိတ်မပူပါနဲ့၊ သူဟာ ထာဝရ အတွင်းရေးမှူးအနေနဲ့ပဲ ရှိနေပါလိမ့်မယ်" တဲ့။

မေး ။     ။ ပါတီထဲမှာ လူပေါင်းစုံ ရှိနေရမယ်ဆိုပေမယ့် လူထုရဲ့အမြင်ကတော့ ခေါင်းဆောင်တွေကို ပညာရေးကဏ္ဍတစ်ခုအပေါ်မှာ မူတည်ပြီး ရွေးချယ်နေကြတာ ဆိုတာမျိုး ဖြစ်နေတယ်။

ဖြေ ။    ။အစိုးရက ပညာရေးကဏ္ဍတစ်ခုကိုပဲ ကြည့်ပြီး ရွေးတယ်ဆိုတဲ့ အယူအဆကတော့ လုံးဝအမှားပဲ။ ပညာရေးကို အရင်ကြည့်တယ်ဆိုတာ မှန်ပါတယ်။ ဒါက ပထမအဆင့်ပဲ။ ဒီနှစ်တွေအတွင်းမှာ ဂျင်နရယ်အီလက်ထရစ်မှာဖြစ်ဖြစ်၊ IBM မှာပဲဖြစ်ဖြစ်၊ မိုက်ကရိုဆော့(ဖ်)မှာပဲ ဖြစ်ဖြစ်၊ ခေါင်းဆောင်ဟာ အခြေခံ အရည်အချင်းတွေနဲ့ ပြည့်စုံနေရပါတယ်။ အိုင်ကျူမြင့်ဖို့လည်း လိုအပ်ပါတယ်။ ဒါပေမယ့် ဒါက အစိတ်အပိုင်းတစ်ခုသာပါ။ အီးကျူ၊ ခေါင်းဆောင်မှုစွမ်းရည်၊ ရေရှည်အလုပ်လုပ်နိုင်မှု၊ ဆုံးဖြတ်ချက် ခိုင်မာမှု၊ အကြံကောင်းဉာဏ်ကောင်းရှိမှု - စတဲ့ တခြားအရည်အချင်းတွေလည်း အများကြီး လိုအပ်ပါတယ်။ ပညာရပ်တစ်ခုမှာပဲဖြစ်ဖြစ်၊ စီးပွားရေးတစ်ခုခုမှာပဲဖြစ်ဖြစ်၊ ဒီအရည်အချင်းတွေနဲ့မှ အလုပ်လုပ်လို့ ရတယ်။ SIA (Singapore International Airline) က စီအီးအို ချူးချောင်စိန်ဆိုရင် စင်္ကာပူတက္ကသိုလ်က ဘွဲ့၊ Imperial Collage က မာစတာဘွဲ့ ရပေမယ့် စကောလားတစ်ယောက် မဟုတ်ပါဘူး။ ဒါပေမယ့် လူတော်တစ်ယောက်ပဲ။ လူတွေကို နားလည်တယ်။ ခေါင်းဆောင်နိုင်တယ်။ စီးပွားရေးသဘောကို နားလည်တယ်။ ဒါ့ကြောင့် SIA လည်း အခြေအနေ ကောင်းနေရတယ်။ (ဒါ့ကြောင့် SIA အခြေအနေ ကောင်းနေတာ။)

မေး ။     ။ လူထုကြီးကတော့ ဒီနေ့အထိ ဒေါက်တာ Toh ရဲ့အမြင်ကို အာရုံကျနေကြတုန်းပဲ။ လူထုက သူတို့ရဲ့ခေါင်းဆောင်ကို ကိုယ့်ကြိုးစားမှုကို အခြေခံပြီး တစ်ဆင့်ချင်း တက်လာတာကိုပဲ မြင်ချင်ကြတယ်။ တစ်ယောက်ယောက်ကို ချက်ချင်းရွေးပြီး ရာထူးကြီးကြီးနေရာ ပေးလိုက်တာမျိုးကို သိပ် သဘောမတွေ့ကြဘူး။

ဖြေ ။    ။အောက်ခြေက နိုင်ငံ့ခေါင်းဆောင် ဒီနေ့ကမ္ဘာမှာ မရှိဘူး။ ရှိရင် ငါ့ကို ပြပါ။ အမေရိကန် သမ္မတလောင်းတွေကို ဘယ်လိုရွေးသလဲ။ အောက်ခြေလူတန်းစားကလား။ မဟုတ်ဘူး။ ဒီမိုကရက်နဲ့ ရီပတ်ဘလစ်ကန်ပါတီတွေရဲ့ ထိပ်သီးအုပ်တွေထဲကနေ ရွေးယူရတာ။

ဘားရက်အိုဘားမား ဝင်လာတယ်။ သူ့အတွက် အခွင့်အရေး ဘယ်လောက် ရှိသလားဆိုတာ သေသေချာချာ တွက်ချက်ပြီး တက်လာတာ။ အခြေခံမူတွေကို စနစ်တကျ ပြင်ဆင်ခဲ့တာ။ သူများ အာရုံမကျတဲ့ လူနည်းစု တစ်သီးပုဂ္ဂလပါတီးလေးတွေကို သူက ဦးတည်ထားခဲ့တာ။ သူ့ကို သိပ်အလေးမထားခဲ့တာဟာ ဟီလာရီရဲ့အမှားပဲ။ သူနိုင်ပြီး သမ္မတလောင်း လျာထားခဲ့လိုက်ရတယ်။ နောက်ဆုံး ဘာဖြစ်လဲ။ အမေရိကန်တွေက "အိုကေ၊ လူမည်းကို သမ္မတတင်ကြည့်ရအောင်။ ဒါက အဖြူလူမျိုးနိုင်ငံမှာ (လူဖြူနိုင်ငံမှာ) လူမည်းသမ္မတဖြစ်တယ်ဆိုတဲ့ နာမည်လည်း ကျန်တာပေါ့။ ဒီလူမည်းက လူတော်တစ်ယောက်" လို့ ပြောကြတယ်။

ရီပတ်ဘလင်ကန်ပါတီကိုကြည့်။ သူတို့ ဘယ်က ရောက်လာကြတဲ့လူတွေလဲ။ ဂျွန်မက်ကိန်းဆိုရင် စစ်ပွဲသူရဲကောင်း၊ သူ့အဖေက ကြယ်လေးပွင့် သူရဲကောင်း။ သူ ဆီးနိတ်ရာထူး ရတယ်။ ဂျော့ဘု(ရှ်)နဲ့ ဝင်ပြိုင်တယ်။ ရှုံးတယ်။ နောက်ဆုံး ၂၀၀၈ - မှာ သမ္မတ လျာထားခံရတယ်။

ဗြိတိန် ကွန်ဆာဗေးတစ်ပါတီရဲ့ခေါင်းဆောင်တွေကိုကြည့်ဦး။ သူက Eton နဲ့ Oxford မှာ ကျောင်းပြီးတယ်။ ကွန်ှဆာဗေးတစ် အမတ်တွေကိုယ်တိုင်က သူ့ကို ရွေးတာ။ အားလုံးက အထက်တန်းလွှာက လူတွေ။

တရုတ်ပြည်က ကွန်မြူနစ်ပါတီကို ဆက်ကြည့်ဦး။ ပထမ တော်လှန်ရေးကာလတုန်းကတော့ ဟုတ်တယ်။ ဒါပေမယ့် မော်စီတုန်း အာဏာရပြီးကတည်းက အားလုံးကို ဘေးဖယ်ပစ်လိုက်တာ နောက်ဆုံး သူ့မှာပဲ အာဏာရှိတော့တယ်။ သူမသေချင်အထိ ကိစ္စတော်တော်များများ သူကိုယ်တိုယ်တိုင်ပဲ ဆုံးဖြတ်တယ်။

အရှိကို အရှိအတိုင်းပဲ ကြည့်ရအောင်ပါ။ အာဖရိကန် နေရှင်နယ်ကွန်ဂရက်ကို ကြည့်ဦး။ အာဖရိကန်လူထုကြီး ဆုံးဖြတ်တာလား။ မဟုတ်ဘူး။ နယ်လ်ဆင် မင်ဒဲလား။ သူက လွတ်လပ်ရေး ခေါင်းဆောင်။ ထောင်ထဲမှာ နှစ်နှစ်ဆယ်ကျော် နေခဲ့တယ်။ သူ အနားယူတော့ သူ့ဘေးမှာ မွေးထားတဲ့အဖွဲ့က ဆက်လုပ်တယ်။ ဒါ အောက်ခြေလူတန်းစားလား။

မေး ။     ။ အရည်အချင်းအကြောင်း ပြောနေပေမယ့် စင်္ကပူက တစ်ပါတီထဲကပဲ အုပ်ချုပ်နေတော့ ပီအေပီ တစ်ပါတီက သက်မှတ်တဲ့ အရည်အချင်းပဲ ဖြစ်နေတော့မှာပေါ့။

ဆက်ရန် -

တင်ခဲ့ပြီးသော အခန်းအချို့
နားဝင်မချိုတဲ့ အမှန်တရားတချို့ (၁)
လူမျိုး၊ ဘာသာစကားနဲ့ ဘာသာတရား ( ၆း ၁ )
စီးပွားရေး ပဉ္စလက် (၁)

ဇင်ဝေသော်

Read more

စီးပွားရေး ပဉ္စလက် ( ၆ )

မေး ။     ။ ဝင်ငွေကွာဟမှုတွေက ပိုပြီးကျယ်ပြန့် လာတာကြောင့် လစာနည်းတဲ့လူတွေကို ပြန်လည်ဖြန့် ဝေပေးဖို့  စင်္ကာပူအစိုးရမှာ ဖိအားတွေ ကျရောက်နေတာကော မဖြစ်နိုင်ဘူးလား။

ဖြေ။    ။မင်းပြောချင်တာက အောက်ခြေလူတန်းစားတွေကအစိုးရရဲ့ဆန့် ကျင်ရေးသမားတွေလို့ လား။ဒါ့ကြောင့်ငါတို့ ကပြောင်းရမှာလား၊ ဒါမှမဟုတ် "အိုကေ၊ ငါတို့ တော့ ဒီမဲတွေရှုံးဖို့ ရာရှိနေပြီး အထက်ပိုင်းလူတန်းစားတွေ သဘောကျအောင်လုပ်ကြဦးစို့ ” လို့ ပြောရမှာလား။ ဆိုလိုတာက ဒါက နိုင်ငံရေး .. လေ။

တကယ်လို့ အထက်လူလတ်တန်းစားတွေအနိမ့်ပိုင်းလူလတ်တန်းစားတွေထက်ပိုနည်းနေမယ်ဆိုရင်ငါတို့ ကနည်းနည်းလျှော့ပေးဖို့ လိုလိမ့်မယ်။ ဒါတွေကိုစနစ်တကျငါတို့ လေ့လာကြည့်ပါတယ်။ လူဦးရေဘယ်လောက်များများက ကိုယ်ပိုင်အိမ်မှာ နေနိုင်ကြ သလဲ၊ လေးခန်းရှိတဲ့အိမ်မှာနေသူတွေဟာဟိုတုန်းကထက်လူလတ်တန်းစားလို့ယူဆစရာရှိခဲ့ဖူးတယ်။ဒါပေမယ့် လေးခန်းအိမ်ကိုဝယ်ရင်အစိုးရဆီက ငွေပိုပြီးရနိုင်တယ်ဆိုတာသိတော့သုံးခန်းပဲတတ်နိုင်သူတွေကလည်း လေးခန်းတွေဝယ်လာကြတယ်။

ဒီထက်ပိုပြီးတော့ သူတို့ ကိုပေးသင့်တယ်လို့  မထင်မိဘူး။ ပိုပေးမိရင် လူတော်တွေ စီးပွားရေးလုပ်ချင်စိတ် ပျောက်သွားလိမ့်မယ်။ ငါတို့ သူတို့ ကိုပြန်မျှဝေပေးနိုင်တာကလူတိုင်းအိမ်ရရှိရေးပဲ။စင်္ကာပူလူမျိုးတိုင်းအိမ်ရှိရမယ်။အဲ့ဒီအိမ်ကလည်း မြေဈေးထည့်မပေါင်းပဲ ရက်ရက်ရောရောရောင်းပေးထားတာ။ အနှစ်သုံးဆယ်လောက်ကြာပြီး အနားယူပြီဆိုတော့ အိမ်ရဲ့တန်ဖိုးက အများကြီးတက်သွားပြီ။

ဒါပြီးတော့ CPF ။ အစိုးရက CPF ပိုရဖို့့ကြိုးစားနေတယ်။ သူတို့ သုံးစွဲပစ်လိုက်မှာစိုးလို့ မဟုတ်ဘူး။ သူတို့ အနားယူပြီးတဲ့နောက်ငွေ ရှိနေရစ်အောင်လို့ ။ကျန်းမာရေး၊ကလေးတွေရဲ့ပညာရေးစတာတွေအတွက်ပေါ့။ ပြီးတော့အပိုငွေထွက်လာမယ်ဆိုရင်စင်္ကာပူဝေစုနဲ့ စီးပွားရေး ပြန်လည်တည်ဆောက်ရေးဝေစု ဆိုတာတွေ ပေးဖို့ ရှိတယ်။

မေး ။     ။ မစ္စတာလီပြောတာကို နားထောင်ရရင် နိုင်ငံခြားအလုပ်သမားတွေကိုဝင်ခွင့်ပြု၊ အထက်တန်းလွှာတွေ ဝင်ငွေပိုရအောင် လုပ်ပေးနိုင်ရုံတင်မကဘဲ အောက်ခြေလူတန်းစားတွေကိုလည်းသူတို့လိုချင်တဲ့လစာပမာဏရအောင်ပိုပြီးလုပ်ပေးနိုင်တယ်ဆိုတဲ့သဘောမျိုးဖြစ်နေပါတယ်။ အိမ်ရရှိရေးနဲ့ CPF ကိစ္စတွေကတော့ ကောင်းပါတယ်။ ဒီထက်ပိုကောင်းအောင်လုပ်လို့့ရဦးမလား။

ဖြေ ။    ။ တို့ မှာ Workfare ရှိတယ်။ (ဝင်ငွေနည်းတဲ့အလုပ်သမားတွေကို ဝင်ငွေဖြည့်ဆည်းပေးတဲ့ စီမံကိန်း)။ ဒါက အစပိုင်းပဲရှိသေးတယ်။ ပြန်ပြီးလေ့လာဆန်းစစ်ကြည့်ရဦးမယ်။ ဒါပေမယ့် အဓိကကျတဲ့အချက်ကတော့ အလုပ်လုပ်မှရမယ်။ အိပ်နေတဲ့လူကိုတော့ မပေးဘူး။ ဒါကိုလုပ်တော့ လုပ်ရမယ်။ သိပ်မြန်မယ်တော့မဟုတ်ဘူး။ဒါကဟိုးလေးတကြော်ဖြစ်သွားနိုင်တယ်။

မေး ။     ။ တကယ်က ဒီ Workfare ကကို မစ္စတာလီ သတိပေးခဲ့တဲ့ အောက်ခြေလူတန်းစားတွေရဲ့ စိတ်ဓာတ်ကို စပြီးယိုယွင်းစေနိုင်င်လိမ့်မယ် မဟုတ်လား။

ဖြေ ။    ။ မထင်မိပါဘူး။ Workfare မရခင် သူကအလုပ်လုပ်နေမှရမှာ။

မေး ။     ။ မှန်ပါတယ်။ ဒီဥပဒေအခြေခံက အသက် ၃၅ နှစ်ရှိတဲ့လူတစ်ယောက်ဟာ တစ်ပတ်မှာ ၂ ရက်၊ ၃ ရက် အလုပ်လုပ်နေရမယ်။ ဒါမှ သူဝင်ငွေစံညွှန်းနဲ့ ပတ်သက်လို့  …

ဖြေ ။    ။ မဟုတ်ဘူး။ အဲဒီတုန်းက စင်္ကာပူမှာ စီးပွားရေးကျဆင်းနေတယ်။ သူတို့ ကို ဆွဲထုတ်ပြီး ကူညီထားကြရတယ်။ Workfare ကိုရဖို့ လူတစ်ယောက်ဟာအလုပ်ရှိကိုရှိနေရမယ်ဆိုတဲ့ ဥပဒေက ပျက်မသွားပါဘူး။

မေး ။     ။ Workfare က တကယ်တော့ စီးပွားရေးကောင်းနေစဉ် ၂၀၀၇ ခုနှစ်မှာ တင်ခဲ့တာပါ။ တစ်ခုခုလုပ်ပြီဆိုရင် ကြိုတင်မမြင်နိုင်တဲ့ကိစ္စတစ်ချို့ ကိုလည်း အရဲစွန့် ပြီးလုပ်ကြည့်ရတတ်ပါတယ်။ သူတို့အလုပ်လုပ်နေဖို့ လိုတယ် ဆိုတာ လူထုကြီးသိနေရန် ပြီးတာပါပဲ။

ဖြေ ။    ။ မထင်မိပါဘူး။တို့ က အများကြီးပေးလိုက်ရင်တော့ လူတွေကအလုပ်လုပ်ချင်စိတ် ရှိမှာမဟုတ်တော့ဘူး။ လုံလောက်ရုံလေးပဲပေးပြီး သူတို့ ကိုလည်း ကြိုးတင်းထားမယ်ဆိုရင် သူတို့ လည်းသဘောပေါက်လာမှာပါ။ ငါ့မှာ အရည်အချင်းပိုရှိလာရင် ဝင်ငွေလည်း ပိုလာမယ် ဆိုတာမျိုးလေ။

ဒါကြောင့် ငါတို့ SPUR ကိစ္စအတွက် တအားကြိုးစားနေကြတာ။ (Skills Programme for Upgrading and Resilience) ပြီးရင် အလုပ်အကိုင်အတွက် လေ့ကျင့်သင်ကြားပေးတာတွေရှိတယ်။ အလုပ်သမားတွေ အလုပ်ဆက်လုပ်ကြဖို့  တို့ က အားပေးတယ်။ ဒါမှ နိုင်ငံစီးပွားရေးတက်မယ်။ နိုင်ငံရဲ့စီးပွားရေးတက်လာရင် သူတို့ ဝင်ငွေလည်းတိုးလာတယ်။ ဒီနေ့ခေတ်ကြီးထဲမှာ မင်းဘယ်လောက်လစာရသင့်သလဲဆိုတာ မင်းမှာ အသိပညာနဲ့အရည်အချင်း ဘယ်လောက်ရှိတယ်ဆိုတာနဲ့  သတ်မှတ်တယ်။ ဆိုပါတော့ မင်းက သိပ်တော်တဲ့လူ၊ ဒါပေမယ့် ဈေးကွက်မှာ ရောင်းချစရာပစ္စည်းမရှိဘူး။ ဒါဆိုရင် မင်းဘာရနိုင်ဦးမလဲ။

မေး ။     ။ ဝင်ငွေကွာဟမှုနဲ့  ပတ်သတ်လို့ လူထုခံစားနေရတာကို နားလည်ပြီး .. လစာကွာခြားမှုပမာဏတွေကို စနစ်တကျတွက်ချက်ပြီး ဒါကိုဖြေရှင်းဖို့ ပေါ်လစီချမှတ်ပြီးလုပ်ရရင် အစိုးရအတွက်ပိုကောင်းမယ်လို့  မထင်မိဘူးလား။ ဥပမာ ပြည်သူဝန်ထမ်းတွေဆိုရင် GDP နဲ့ တွဲပြီး ဘောနပ်ရနေကြတယ်။ တချို့့အကြံပြုကြတာက တစ်ဦးချင်းဝင်ငွေ မညီမျှမှုကိုလည်း ဒီလိုGDPနဲ့ တွဲပေးထားရင်ကောင်းမယ်။အထူးသဖြင့် အနိမ့်ဆုံးဝင်ငွေ ရှိသူတွေကိုပေါ့။

ဖြေ ။    ။ ပြည်သူ့ ဝန်ထမ်းတွေကိုကျတော့ သူများတွေနဲ့့ပြိုင်ပြီး လစာပေးထားမှရတယ်။ ဆိုလိုတာက ပုဂ္ဂလိကစီးပွားရေးတွေကပေးသလို ပေးထားရတယ်။ သမ္မတ ပညာသင်ဆု၊ နိုင်ငံခြားပညာသင်ဆု၊ SAF ၊ ပြည်သူရဲ့ စတာတွေရဲ့ အရေအတွက်ကို တို့ လေ့လာကြည့်ထားကြပြီးသားဖြစ်တယ်။ ဂျူနီယာကောလိပ်ကထွက်လာတဲ့ လူတော်ကျောင်းသားတွေရဲ့အရေအတွက်နဲ့  မဟပ်မိဘူး။ ဘာ့ကြောင့်လဲဆိုတော့ သူတို့ ကကိုယ့်ပိုက်ဆံနဲ့ ကိုယ်ပညာသင်တာ၊ ပုဂ္ဂလိကထောက်ပံ့တဲ့ ပညာသင်ဆုနဲ့ ပညာဆက်သင်တာတွေရှိနေလို့  နောက်ဆုံးကောက်ချက် ကတော့ အစိုးရက ပုဂ္ဂလိကဆိုတာ စင်္ကာပူထဲမှာတင် မဟုတ်ဘူး။ တစ်ကမ္ဘာလုံးကို ဆိုလိုတာ။ ဒါကဖြစ်နေတဲ့ အမှန်တရားပဲ။ ရှောင်နေလို့ မရဘူး။ ရင်ဆိုင်ကြရမယ်။

မေး ။     ။ ပြည်သူဝန်ထမ်းတွေအဖို့  ဝင်ငွေကွာဟမှုနည်းသွားအောင်လုပ်နိုင်ရင် သူတို့ လည်း ဘောနပ်ရလာမယ်လို့  ကျွန်တော်စဉ်းစားမိတယ်။

ဖြေ ။    ။ (ရီလျက်) ဝင်ငွေကွာဟမှု ဒီထက်ပိုကျဉ်းသွားအောင်ဆိုရင်တော့ အစိုးရစစ်စတန်ကြီးတစ်ခုလုံး ပေါင်းပေးတာတောင် ရမှာဟုတ်ဘူး။ ဂျပန်တွေကိုကြည့်။ ဖွံ့ ဖြိုးပြီးနိုင်ငံတွေထဲမှာ ဂျပန်တွေဟာ လူသားအချင်းချင်း တန်းတူအခွင့်အရေးရရှိရေးဆိုတဲ့ မူဝါဒကို အားအကောင်းဆုံးလက်ကိုင်ပြုထားတဲ့ လူမျိုးတွေပဲ။ သူတို့ အလုပ်အကြီးအကဲတွေကို ရက်ရက်ရောရောပေးတာ တစ်သက်လုံးအလုပ်ခန့် ထားတာတို့ လေ။ ဂလိုဘယ်လိုက်ဇေးရှင်း ဖိအားအောက်မှာ သူတိုလည်း မခံနိုင်တော့ဘူး။

ဆိုနီနဲ့ နစ်ဆန်ဆိုရင်အခုအနောက်တိုင်းသားတွေကို ငှားနေပြီးလူတော်တွေရဖို့  သူတို့ လည်း ပြိုင်ပွဲထဲ ဝင်လာကြပြီ။ ကမ္ဘာထဲကိုဝင်ယှဉ်ပြိုင်နိုင်ဖို့  သူတို့ မူဝါဒကို ဂရုမစိုက်နိုင်ကြတော့ဘူး။ နိုင်ငံခြားသားတွေ အလုပ်လုပ်တာ ပိုများလာလေလေ သူတို့ စနစ်လည်း ပြောင်းရလေလေ ဖြစ်လာမှာပဲ။

ဟိုတုန်းကဆိုဒါမျိုးတွေဂျပန်မှာမြင်ကိုမမြင်ရတာ။အခုဆိုဆောင်းရာသီမှာတံတားအောက်အိပ်နေတဲ့လူတွေရဲ့ဓာတ်ပုံတွေ တွေ့ လာရပြီ။ သူတို့ စစ်ပွဲတွေဖြစ်တော့ အဆင်းရဲဆုံးလူတန်းစားဖြစ်တဲ့ လယ်သမားတွေက အထိအနာဆုံး၊ သားတွေဆုံး၊ အိမ်တွေဆုံးနဲ့ ၊ ဒါကြောင့်လူထုကြီးတစ်ရပ်လုံးက သူတို့  (ဆင်းရဲသားလယ်သမားတွေကို) ပြန်ပြီးကျေးဇူးဆပ်ရမယ်ဆိုတဲ့ ခံစားချက်တွေ လှိုက်လှိုက်လှဲလှဲကို ရှိကြတယ်။

ဗြိတိသျှတွေလည်း ဒီအတိုင်းပဲ။ အပြစ်မကင်းဘူးဆိုတဲ့ခံစားချက် ရှိကြတယ်။ အသက်အိုးအိမ်တွေ တကယ်ဆုံးရှုံးခဲ့ရတာက Oxbridge က အရာရှိကြီးတွေ မဟုတ်ဘူး။ အရာရှိငယ်တွေ၊ မဖြစ်မနေ စစ်တပ်ထဲဝင်ခဲ့ရတဲ့ စစ်သားတွေပဲ။ ဒီတော့ လူချမ်းသားတွေက လေဘာပါတီရဲ့ ထောက်ခံမှု၊ ကွန်ဆာဗေးတစ်ပါတီရဲ့ မွေးစားကျင့်သုံးမှုနဲ့  မူတစ်ခု ချမှတ်လာကြတယ်။ အထက်တန်းလွှာက လူတွေဟာ ဒီအတွက်အကြွေးတွေ တင်နေကြတုန်းပဲပေါ့။ ဒါနဲ့  ဆင်းရဲသားတွေကို ထောက်ပံ့လာကြတာ။

ဒါ့ကြောင့်ဖြစ်လာနိုင်တဲ့ဆိုးကျိုးကို သူတို့ မစဉ်းစားကြဘူး။ လူတွေအလုပ်လုပ်ချင်စိတ်ပျောက်ပြီး စစ်စတန်တစ်ခုလုံးလည်း အလုပ်မဖြစ်တော့ဘူး။ မာဂရက်သက်ချာက အဲဒီမူကို ပြောင်းပစ်ခဲ့တာ၊ တိုနီဘလဲယားက ဆက်လက်ကျင့်သုံးတာ။ ဂေါ်ဒင်ဘရောင်းက အောက်ခြေလူတန်းစားတွေရဲ့ ထောက်ခံမဲတွေကို လိုချင်တော့ လမ်းဟောင်းဖက်ကို ပြန်ပြီး ဦးလှည့်နေပြန်ရော။

နားလည်ထားဖို့ က တစ်ဦးချင်းဝင်ငွေ “ မျှတမှု ပြဿနာက ဒီအတိုင်းပဲ အမြဲရှိနေမှာတော့ မဟုတ်ဘူး။ ဒါက ဘယ်လောက်ကြာနိုင်မလဲ။ ဆယ်နှစ်၊ အနှစ်နှစ်ဆယ်၊ အနှစ်သုံးဆယ်။ ဟုတ်ပြီ၊ ဒါပြီးတော့ ဘာလာဦးမလဲ။ နည်းပညာတွေ၊ ယှဉ်ပြိုင်လာသူအသစ်တွေ၊ မတူညီတဲ့ အလုပ်လုပ်ပုံတွေ၊ လိုက်(ဖ်)စတိုင်လ်တွေက ငါတို့ အပေါ် ကျရောက်လာဦးမှပဲ..”

မေး ။     ။ စည်းပွားရေးကိစ္စတွေမှာ အစိုးရက ထိန်းချုပ်ထားတာ သိပ်များလွန်းတယ်ဆိုတဲ့အမြင်နဲ့ ပတ်သက်လို့  မစ္စတာလီ ဘာပြောချင်ပါသလဲ။ ကျွန်တော်ထင်တာကတော့ စီးပွားရေးကဏ္ဍတွေကို အစိုးရကပဲ ထိန်းထားသင့်တယ်လို့  သူတို့ ယုံကြည်ထားတဲ့ ရှေးရှေးနှစ်တွေတုန်းက ပြောခဲ့ကြတာ မဟုတ်ပါဘူး။ အခုအထိ အစိုးရ ထိန်းချုပ်ထားတဲ့ စီးပွားရေးကဏ္ဍတွေက တော်တော်ကြီးများနေသေးတယ်။ ဒီကိစ္စ၊ ဒီပြဿနာဟာ ရှေ့ဆက်ဖြစ်နေဦးမယ်လို့  ထင်ပါသလား။

ဖြေ ။    ။ လူတော်တွေက အစိုးရအလုပ်ထဲကို မဝင်ဘဲ ပုဂ္ဂလိကစီးပွားရေးတွေထဲ ပိုပိုပြီးဝင်နေမယ်။ သူတို့ ကိုလည်း နိုင်ငံခြားကုမ္ပဏီတွေဆီမှာ ဆုံးရှုံးလိုက်ရတာမဟုတ်ဘဲ သူတို့ ဒီကိုပြန်လာကြမယ်။ ဒီနောက် ပုဂ္ဂလိကတွေက ကုမ္ပဏီအကြီးစားကြီးတွေကို လည်ပတ်နိုင်လောက်တဲ့ ဦးနှောက်ရှိသူတွေကို ပိုင်ဆိုင်လာမယ်။ ဒါဆိုရင် ဒီကိစ္စက အေးသွားမှာပါ။ ငါပြောခဲ့သားပဲ။ ငါတို့ စီးပွားရေးတချို့ ကို ပုဂ္ဂလိကပိုင်လွှဲပေးချင်တယ်။ တချိန်ထဲမှာပဲ ပြဿနာက ဘယ်သူ့ ကိုလွှဲပေးရမှာတုန်းဆိုတာ ဖြစ်လာပြန်ရော။

DBS နဲ့  OCBC ဘဏ်တွေကိုကြည့်။ သူတို့ နိုင်ငံခြားဦးနှောက်ကိုသုံးထားရတာ။ UOB ကဥက္ကဌ Wee Cho Yaw အပေါ်မှာလုံးဝမှီနေရတာ။ သူ့ နေရာဘယ်သူ့ ကိုအစားထိုးမှာလဲ။ UOB ရဲ့ စီအီးအိုရွေးထုတ်ဖို့  သူတို့ မှာ ဦးနှောက်ကောင်းကောင်းတွေ ဘယ်လောက်ရှိနေလို့ လဲ။ ဒီနေရာကို လျာထားထားတဲ့ Ernest Wong ကလည်း သူ့ အတွက်ဒီနေရာရဖို့  မျှော်လင့်ချက်မရှိဆိုပြီးထွက်သွားပြီ။ Wee Cho Yaw ကအခုသူ့ သားကို အစားထိုးဖို့ လုပ်နေတယ်။

အခုနိုင်ငံခြားကို ပညာသင်ထွက်သွားတဲ့လူတော်တွေ ဘယ်ကပညာသင်ဆုမှမယူဘူး။ နိုင်ငံခြားမှာလည်း အမြဲမနေဘူး။ ဒီကိုပြန်လာကြမယ်။ ဒါဆိုရင်လာမယ့် ၁၀နှစ် ၁၅နှစ်လောက်ကိုပုဂ္ဂလိကစီးပွားရေးတွေမှာရှိတဲ့ ဦးနှောက်က အစိုးရဆီမှာရှိတဲ့ ဦးနှောက်တွေကို ယှဉ်လို့ ရပြီ။ လွန်ခဲ့တဲ့ ၁၅နှစ် အနှစ်၂၀ ကနဲ့ စာရင် ဒီနေ့ အစိုးရရဲ့ ပညာသင်ဆုယူတဲ့ကျောင်းသားနည်းနည်းလာတာတွေ့ ရတယ်။

ဆိုလိုတာက ဝန်ကြီးရဲ့သားဘယ်နှစ်ယောက် စကောလားရှစ်ယူလို့ လဲ။ Lin Hng Kiang ရဲ့သား စကောလားမယူဘူး၊ Teo Chee Hean ရဲ့သားတော့ယူတယ်။

မေး ။     ။ လောလောဆယ်မှာ ဖြေရှင်းချက်က ဘာဖြစ်မလဲ၊ ပုဂ္ဂလိကစီးပွားရေးအားနည်းလာစရာရှိသလား။

ဖြေ ။    ။ မရှိဘူး။ ငါပြောခဲ့ပြီးပြီ။ လူတော်တွေသူတို့ ဆီမှာ အလုပ်လုပ်မလား။ ဒါပဲ။ သင်္ဘောကျင်းကိုကြည့်။ Cheng Wai Koung ကို ငါတို့ ရလိုက်တယ်။ SIA အတွက် စတီဗင်လီကို ရထားတယ်။ DBS အတွက် Koh Boon Hwee ပြီးရင် ဘယ်သူရှိဦးမလဲ။ ဒီလောက်ကြီးတဲ့ ကုမ္ပဏီကြီးတွေကို တခြားလူ ငါတို့့ကယုံကြည်လို့ ရပါ့မလား။

စီးပွားရေး ပဉ္စလက် ( ၅ )

ဇင်ဝေသော်

Read more

စီးပွားရေး ပဉ္စလက် ( ၅ )

ငါတို့က ဂျပန်ရဲ့မူကိုယူပြီး နိုင်ငံခြားသား အခြေချလာနေသူတွေကို ပိတ်ပင်၊ နိုင်ငံခြားသား အလုပ်သမားတွေကို လာရောက်အလုပ်လုပ်ခွင့် မပေးဆိုရင် စင်ကာပူ ဘာဖြစ်သွားမလဲဆိုတာ စဉ်းစားကြည့်ပါ။

မေး ။     ။ ဆိုလိုတာက ဂျပန်နိုင်ငံရဲ့ပုံစံလို လူတန်းစားဒီထက်ညီနိုင်မယ့် လူ့အဖွဲ့အစည်းတစ်ခုအဖြစ်ရောက်အောင်…….။

ဖြေ ။    ။ လူတန်းစားတူ၊ လူ့အခွင့်အရေးတူဘဝကို လိုချင်တယ်ဆိုရင်တော့ ကြေးလင်ပန်းနဲ့ ထမင်းစားတဲ့ခေတ်ကိုသာ ပြန်သွားတော့ပေါ့။ လူတိုင်းအပေါ်မှာ တရားမျှတတဲ့ မူဝါဒကို ငါတို့ချမှတ်ခဲ့တယ်။ အဲဒီမူကတော့ မင်းလုပ်နိုင်ရင် မင်းရမယ်၊ ဒါပဲ။ မင်းလုပ်နိုင်တဲ့စွမ်းရည်ဆိုတာ မင်းပညာရေး၊ မင်းအရည်အချင်းနဲ့ မင်းကိုယ်ရည်ကိုယ်သွေးတွေပဲ။ လူတွေက တန်းတူမဟုတ်ဘဲနဲ့ ငါတို့က အားလုံးဟာတန်းတူပါလုပ်နေလို့ ဒီမူက ဘယ်လိုအလုပ်ဖြစ်ပါတော့မလဲ။

စောစောပိုင်းက ငါ့ရဲ့ရည်ရွယ်ချက်က CPF ရယ်၊ ကျန်းမာရေးစုငွေရယ်အတွက် လူတိုင်းဘဏ်အကောင့်ရှိနေဖို့ပဲ။ မင်းရှာထားတာ မှန်သမျှ မင်းဟာတွေချည်းပဲ။ မင်းမှာ မင်းရဲ့ကိုယ်ပိုင်အကောင့်ရှိနေပြီ၊ အဲဒီအချိန်မှာ တစ်ယောက်ယောက်က အကြံပြုလို့ ဘုံဆိုင်ထဲကို ထည့်လိုက်ပြီဆိုပါတော့ တခြားလူတစ်ယောက်က မင်းငွေတွေကို ယူထုတ်သွားရော။

အခုငါတို့စနစ်က ဒီငွေတွေဟာ မင်းငွေဆိုရင် ဒီငွေတွေကို မင်းမသုံးခဲ့ဘူး။ ဒါဆို မင်းကလေးတွေ၊ မင်းဆွေမျိုးတွေ၊ ဘယ်သူ့ကိုမဆို ပေးထားခဲ့လို့ရတယ်။ မင်းစုထားတာလေးတွေကို လူတိုင်းထုတ်ယူလို့ရတဲ့ ဘုံဆိုင်ငွေထဲ ဘယ်သူက သွားထည့်နေမှာလဲ။ ဒီပြဿနာက အနောက်တိုင်းနိုင်ငံတစ်ချို့မှာ တက်နေတာ။ အဲဒီမူလည်း အခု ပြိုကွဲသွားပြီ။

တိုနီဘလဲလည်း ဗြိတိန်မှာ ပုဂ္ဂလိကစုငွေလုပ်ဖို့ ကြိုးစားသေးတယ်။ သူဒီကိုရောက်လာပြီး တို့ဆီက လေ့လာသွားတာ။ ဒါပေမယ့် သူ့မှာ အတိုက်အခံတွေက အများကြီးဆိုတော့ သူလည်း ညှပ်ပူးညှပ်ပိတ်မိနေတော့တယ်။

မေး ။     ။ ဒီတော့ မစ္စတာလီဆိုလိုတာက ဝင်ငွေညီမျှအောင်ထိန်းဖို့အတွက် နိုင်ငံခြားသားအလုပ်သမား လျှော့ချဖို့ မလိုအပ်ဘူးလို့ ဆိုလိုတာလား။

ဖြေ ။    ။ နိုင်ငံခြားသား အလုပ်သမားတွေကို ဝင်ခွင့်ပြုပြီး အလုပ်လုပ်တာက တွက်ခြေပိုကိုက်သလို ပိုပြီးတော့လည်း ထိရောက်တယ်။ ပြီးရင် ဝင်ငွေနည်းတဲ့ လူတွေဖက်ကို ဖြည့်ဆည်းပေးရင်းနဲ့ ဝင်ငွေကွာဟမှုကို အထိုက်အလျောက် ညီအောင်လုပ်ပေးလို့ရတယ်။ တို့မှာ ဒီအခွင့်အရေးကောင်းကောင်းရှိတယ်။ အလုပ်သမားတွေက အလုပ်ငမ်းငမ်းတက် လိုချင်နေကြတာ။ ငွေအနည်းငယ်ပဲပေးပြီး အလုပ်ဖြစ်တာကို မင်းသဘောမကျဘူးလား။

ဒါဆို ဗြိတိန်ကိုကြည့်။ သူတို့စီးပွါးရေးကို ဘယ်လိုလည်ပတ်နေတယ် ထင်သလဲ။ သူတို့က နိုင်ငံခြားအလုပ်သမားတွေကို ဝင်ခွင့်ပြုတယ်။ ဒီအတွက်ရလဒ်က သူတို့နိုင်ငံဟာ အခုလူမျိုးပေါင်းစုံ အဖွဲ့အစည်းဖြစ်နေတယ်။ အရှေ့ဥရောပသားတွေရှိတယ်။ အရှေ့အာရှသားတွေ၊ မြောက်အမေရိကသားတွေ၊ တောင်ပိုင်းဆာဟာရက အာဖရိကန်တွေ၊ ကာရစ်ဘီယန်ကလူတွေ အားလုံးရှိတယ်။ အဲဒီ နိုင်ငံခြားသားတွေက သူတို့မလုပ်ချင်တဲ့ အလုပ်တွေကို လုပ်ပေးနေကြတာ။

တို့ဆီမှာ အရည်အချင်းတွေ အတားအဆီးမရှိ ဝင်လာနေတယ်။ ဒီလူတွေရဲ့ အရည်အသွေးက တို့စီးပွါးရေးတိုးတက်ဖို့ အကူအညီပေးနေတယ်။ ဒါကို အသိအမှတ်မပြုလို့ မရသလို ရူးချင်ယောင်ဆောင်နေလို့လည်း မရဘူး။ စင်ကာပူလူဦးရေကို စိတ်ထဲမှာတွေးဆပြီး ဒါတွေ လုပ်နေကြတာ။ တခြားနည်းလမ်းတစ်ခုခုက ဒီထက်ပိုကောင်းပြီး အဲဒီနည်းကို တို့က မကျင့်သုံးဘူးဆိုရင်တော့ တို့က အရူးတွေပေါ့။

Work Permit အလုပ်သမားတွေကို ဝင်ခွင့်မပြုဘဲ စင်ကာပူဟာ လက်ရှိအနေအထားကို ရောက်နေလိမ့်မယ်လို့ မင်းထင်သလား။

ဆောက်လုပ်ရေးမှာ HDB တွေဆောက်ဖို့ အပြင်မှာပဲ ကြိုတင်ပုံချယူတဲ့စနစ်ကို သုံးကြည့်တယ်။ ဒါက နိုင်ငံခြားအလုပ်သမားဦးရေကို လျှော့ချနိုင်ဖို့ပဲ။ ဒါပေမယ့်ကွာ တို့လုပ်လို့ရတာက အတိုင်းအတာတစ်ခုအထိပဲ လုပ်လို့ရတာပါ။

မေး ။     ။ နိုင်ငံခြားသားအလုပ်သမားတွေ လျှော့ချခြင်းကြောင့် ရလာနိုင်တဲ့ အကျိုးအမြတ်တစ်ခုက ပြည်တွင်းအလုပ်သမားတွေရဲ့ ကုန်ထုတ်လုပ်မှုအား တိုးတက်လာနိုင်ခြင်းပါပဲ။ ဆောက်လုပ်ရေးမှာပဲဖြစ်ဖြစ် ဘယ်မှာပဲဖြစ်ဖြစ်ပေါ့။ စင်ကာပူနဲ့ ဂျပန်တို့ရဲ့ခြားနားချက်ကို ကျွန်တော်သဘောပေါက်ပါတယ်။ ကျွန်တော်တို့ဟာ ဂျပန်မဟုတ်ဘူး။ မှန်ပါတယ်။ ဒါပေမယ့် သူတို့လုပ်သလိုလိုက်ပြီး ကြိုးစားကြည့်ပြီး လူ့အဖွဲ့အစည်းကို ပြန်စုစည်းနိုင်မယ်ဆိုရင် ဝင်ငွေနည်းတဲ့လူတွေရဲ့ ဝင်ငွေလည်း တိုးတက်လာနိုင်စရာရှိပါတယ်။

ဖြေ ။    ။ ဒါဆိုရင် စီးပွါးရေးအဆောက်အဦကြီးတစ်ခုလုံး ဘာတွေဖြစ်သွားမလဲ။ ဆိုလိုတာက နောက်ဆုံးထွက်လာမယ့်ရလာဒ်ကိုကြည့်လို့ ပြောတာပါ။ ဂျပန်ပြည် ပိုကောင်းလာသလား။ ဂျပန်လူမျိုးတွေ ပိုပြီးအဆင်ပြေလာသလား။ ရွေးကောက်ပွဲမှာ ဆိုပါတော့ကွာ၊ နိုင်ငံရေးသမားက ငါတော့ ဒီနည်းလမ်းနဲ့ ရွေးကောက်ပွဲနိုင်အောင် လုပ်လိုက်နိုင်တယ်လို့။ သူရွေးကောက်ပွဲနိုင်တာက ဂျပန်နိုင်ငံရဲ့ အနာဂတ်လား။ ရွေးကောက်ပွဲနိုင်ရုံလောက်နဲ့တော့ ဘာလုပ်မှာတုန်း။ လွှင့်သာပစ်လိုက်တော့။ ငါပြောမယ်၊ ဂျပန်တွေပြောင်းကို ပြောင်းရတော့မယ်။

ငါတို့က ဂျပန်ရဲ့မူကိုယူပြီး နိုင်ငံခြားသား အခြေချလာနေသူတွေကို ပိတ်ပင်၊ နိုင်ငံခြားသား အလုပ်သမားတွေကို လာရောက်အလုပ်လုပ်ခွင့် မပေးဆိုရင် စင်ကာပူ ဘာဖြစ်သွားမလဲဆိုတာ စဉ်းစားကြည့်ပါ။

မင်းစိတ်ထဲရှင်းသွားအောင် ငါကိုယ်တိုင် ကြုံတွေ့ရတာလေးကို ပြောပြမယ်။ ငါ့ရှူးဖိနပ်ချုပ်ပေးတဲ့ လူတစ်ယောက်ရှိတယ်။ သူက ဟားခါးတရုတ်လူမျိုး။ အခု အသက်လေးဆယ်ကျော်ပြီ၊ အဲဒီ ဖိနပ်ချုပ်တဲ့ပညာက သူ့အဖေဆီကနေ အမွေဆက်ခံခဲ့တာ။ ဟုတ်ပြီ။ အဲဒီ ဖိနပ်ချုပ်တဲ့အလုပ်က အခုခေတ်ကုန်နေပြီ။ သူဒီအလုပ်နဲ့ ပိုက်ဆံရှာလို့ မရနိုင်တော့ဘူး။ ရှူးဖိနပ်တစ်ရံအတွက် ငါက ဒေါ်လာ (၃၀၀) ပေးရတယ်။ ဒါကိုရဖို့ ငါ့ခြေထောက်ဆိုဒ်ကအစ သူတိုင်းယူရတယ်။ မကြာမကြာ ငါကသူ့ကိုပြောတယ်။ ဒီထက် သားရေသားကောင်းတဲ့ ရှူးဖိနပ်စသည်လိုချင်တယ်ပေါ့။ ဒါဆိုရင် သူက ငါ့ဆီက ပိုက်ဆံထပ်တောင်းတယ်။ ၃၅၀၊ ၄၀၀ ပေါ့ကွာ။ ပေးလိုက်တာပေါ့။ ဘာတတ်နိုင်မှာလဲ။

သူ့သားက အဲဒီအလုပ်ကို လုပ်ချင်ပါဦးမလား။

မလုပ်ချင်ဘူး။ သူ့သားက တက္ကသိုလ်တက်၊ ဘွဲ့ရပြီး အဲကွန်းခန်းရုံးထဲမှာ အလုပ်လုပ်ချင်တာ။

ဆောက်လုပ်ရေးအလုပ်ကလည်း တို့လူမျိုးတွေအတွက် ခေတ်ကုန်သွားပြီ။ ဆောက်လုပ်ရေးဆိုဒ်တွေထဲက ငြမ်းစင်ပေါ် ဘယ်သူကတက်ချင်မှာလဲ။ ဘယ်သူက သင်္ဘောကျင်းထဲမှာ အလုပ်လုပ်ချင်မှာတဲ့လဲ။ တို့လူမျိုးတွေက ဒါမျိုးအလုပ်တွေလုပ်မယ်လို့ မင်းထင်သလား။ သူတို့ကို လစာတစ်ဆတိုးပေးပြီး ခိုင်း၊ သူတို့က နိုး ပဲ ပြောမှာပဲ။

ဆောက်လုပ်နေဆဲ အဆောက်အဦတွေကို ကြည့်။ အားလုံးဆောက်လုပ်လို့ ပြီးပြီဆိုရင် စင်ကာပူးရီးယန်းတွေ ရောက်လာပြီ။ ဝါယာတွေသွယ်၊ ဒီပြင် ဘာညာဘာညာတွေ လုပ်ကြပေါ့။ အပြင်ပန်းကကြည့်ရင် သူတို့လုပ်သလိုပဲ။ အထဲကို ဝင်ကြည့်တော့မှ အိန္ဒိယန်းတွေ၊ ဘင်္ဂလားဒေ့(ရှ်) လူမျိုးတွေ၊ ပြည်မကြီးက တရုတ်တွေကို တွေ့ရတာ။

စင်ကာပူးရီးယန်းတွေကို ငါတို့ပိုပေးမယ်၊ သူတို့လုပ်မလား။ မလုပ်ဘူး။ သူတို့မှာ ဒီထက်အခွင့်အရေး ကောင်းကောင်းရှိတဲ့အလုပ်တွေ ရွေးချယ်လို့ရတယ်။

သြစတေးလျ ဆောက်လုပ်ရေးဌာနတွေကလည်း အာရှတိုက်သားတွေ ဝင်မလာစေချင်လို့ တအားကြိုးစားပြီး ပိတ်ပင်နေကြတယ်။ သူတို့ကပြောတယ်၊ ဆောက်လုပ်ရေးကုန်ကျငွေကို အများကြီးတိုးပေးမယ်တဲ့။ ကဲ အခု အာရှတိုက်သားတွေ ဝင်လာကြပြီ။ သူတို့ စစ်စတန်ကြီး ပျက်တော့မှာ။ တရုတ်ပြည်မှာတောင် ဒါမျိုးတွေဖြစ်နေပြီ။

တို့ဆီမှာလည်း အိမ်တွင်းအလုပ်သမတွေ ရှိခဲ့ဖူးတယ်။ အခုသူတို့ ပညာတတ်သွားပြီ။ သူတို့က မင်းရဲ့အိမ်စေ လာမလုပ်တော့ဘူး။ စက်ရုံတွေ၊ ဟော်တယ်တွေမှာ သွားလုပ်တော့တာ။

ကမ္ဘာဟာ လူမှုရေးအပြောင်းအလဲကို ဖြတ်ကိုဖြတ်ရမယ်။

မင်းက အင်ဒိုနီးရှန်းတစ်ယောက်၊ ဖိလစ်ပိုင်တစ်ယောက်၊ အိန္ဒိယန်းတစ်ယောက်၊ ဘင်္ဂလားဒေ့ရ်ှတစ်ယောက်ဆိုရင်တော့ ရွေးစရာသိပ်မရှိဘူးပေါ့။ မင်းညီမတွေ၊ ဝမ်းကွဲညီမတွေ အိမ်ဖော်မဖြစ်တာကိုပဲ ကျေးဇူးတင်နေရဦးမယ်။ ဒါပေမယ့် စင်ကာပူလိုနေရာမျိုးမှာ စီမံခန့်ခွဲပုံလွဲသွားပြီဆိုရင်တော့ လူတော်တွေက ထွက်သွားကြမှာပဲ။ သိပ်မတော်၊ သိပ်မတတ်တဲ့လူတွေကတော့ ထွက်သွားမရတော့ ကပ်နေကြမှာပေါ့။ ဆိုလိုတာက အဲဒီ သိပ်မတော်၊ သိပ်မတတ်တာတွေကကို ဖိလစ်ပိုင်တွေ၊ ဘင်္ဂလားဒေ့ရ်ှတွေ၊ အင်ဒိုနီးရှန်းတွေ အဆင့်လောက်တော့ ရှိနေတယ်၊ ဒါပဲ။

မေး ။     ။ ဒါပေမယ့်လို့ ဒီအချက်က နိုင်ငံရေးအရှုံးထွက်မှုကို မကာကွယ်နိုင်ဘူး။ အောက်ခြေလူတန်းစားတွေက ဒီစစ်စတန်ဟာ သူတို့အတွက် လုံးဝအဓိပ္ပါယ်မရှိဘူးလို့ ခံစားနေကြရတယ်။ နိုင်ငံတိုးတက်လာတယ်ဆိုပေမယ့် အဲဒီဝေစုအများစုကို ထိပ်တန်းက လူတွေကပဲ ရသွားကြတယ်- တဲ။ အောက်ခြေလူတန်းစားထဲမှာ အဲဒီဝေဖန်သံက ပိုပြီးဆူညံနေတယ်။ ဒါကို မစ္စတာလီ လက်ခံပါသလား။

ဖြေ ။    ။ လူတွေရဲ့ ဣဿာမစ္ဆရိယဖိအားကတော့ ရှောင်လို့မရနိုင်ဘူးကွာ။ တခြားဖြစ်နိုင်ခြေတစ်ခုကို ကြည့်။ စီးပွါးရေးတိုးတက်မှု နှေးကွေးတယ်ဆိုရင်တောင် ဒီဂလိုဘယ်လိုက်ဇေးရှင်းခေတ်ကြီးထဲမှာ လစာအနည်းအများကိစ္စက ရှိနေမှာပဲ။ ဆင်းဆင်းရဲရဲနဲ့ လစားခြားနားမှုရှိနေမှာပဲ မဟုတ်လား။ နိုင်ငံခြားက ဦးနှောက်တွေ၊ အလုပ်သမားတွေကိုရအောင် မယူနိုင်တော့ တို့အားလုံးဒီထက်ဆင်းရဲနေကြမှာပဲ။ ငါတို့ ဂျီဒီပီလည်း ၂- ရာခိုင်နှုံးကနေ ၂.၅- ရာခိုင်နှုံးလောက်အထိ ထိုးကျသွားမယ်။ အလုပ်သမားတွေနဲ့ သူတို့ကြောင့် ရလာတဲ့ဝင်ငွေကို တွက်ကြည့်လို့ရနေတာပဲ။

စင်ကာပူကုမ္ပဏီတစ်ခုက အောင်မြင်သွားလို့ ကာတာကိုပြောင်းမယ်။ အဲဒီကို ခေါ်သွားမယ့်လူတွေကို ငါတို့ကုမ္ပဏီက သူတို့ပတ်ဝန်းကျင်အနေအထားနဲ့ညီအောင် လစာပေးထားရမယ်။ သူ့ကို အနည်းဆုံးဒီကလစာရဲ့ ၁၅၀- ပါဆင့် ပေးထားရမယ်။ သူ့အိမ်၊ သူ့လူနေမှုစရိတ်၊ သူ့ကလေးတွေရဲ့ ပညာရေး၊ စတာတွေအတွက် အကုန်ပေးရတယ်။ တရုတ်၊ ဗီယက်နမ်တို့ကို သွားမယ်ဆိုရင်လည်း ဒီအတိုင်းပဲ။

ဆိုပါတော့၊ ငါက သာမန်အလုပ်သမား။ ငါ့ရဲ့ စူပါဗိုက်ဆာကတော့ နိုင်ငံခြားဌာနကလိုလို့ သွားရတော့မယ်။ ငါ့ကိုတော့ မခေါ်ဘူး။ ဟိုမှာ ငါလိုအလုပ်သမားမျိုးတွေ ရှိနေပြီးသားမို့။ ဒီတော့ ငါစိတ်နာတယ်။ ဒါကတော့ လုံးဝမတရားဘူးလို့ ငါပြောမယ်။ ဘာတတ်နိုင်မှာတုန်း၊ လောကကြီးကကို တရားမှ မတရားတာ။

မနာလိုတိုရှည်တွေက ဘယ်လိုပဲမဆို ရှိနေမှာဆိုတော့ ဒီတိုးတက်မှုနှုန်းထားကို ရပ်ပစ်ဖို့အကြောင်းတော့ ငါမမြင်မိဘူး။ ဒါအစား တိုးတက်လာတဲ့အထဲက အဆီအနှစ်တွေကိုယူပြီး အောက်ခြေလူတန်းစားကို ဖြည့်ဆည်းပေးဖို့ပဲ လုပ်တော့မယ်။ စိတ်အားထက်သန်မှုကို ဖယ်မပစ်ဘဲနဲ့ သူတို့ကို အဲသလိုနည်းနဲ့ အကူအညီပေးထားနိုင်တယ်။

စီးပွားရေး ပဉ္စလက် ( ၄ )

ဇင်ဝေသော်

Read more

စီးပွားရေး ပဉ္စလက် ( ၄ )

စီးပွားရေးကို မြန်နိုင်သမျှ မြန်အောင်လုပ်၊ ပြီးတော့ ရအောင်ထိန်းပေါ့။ တိုးတက်အောင် လုပ်လို့ ရပါလျက်နဲ့ မလုပ်ခဲ့ဘူးဆိုရင်တော့ ငါတို့က အရူးတွေပေါ့။ စင်္ကာပူလူမျိုးတချို့က စီးပွားရေး နှေးကွေးတာရဲ့ အပြစ်ကို မသိကြဘူး။ စီးပွားရေးနှေးကွေးနေရင် အလုပ်တွေလျော့၊ လစာတွေလည်း လျော့သွားတယ်။ အကုန်လျော့သွားတာ။

မေး ။     ။ လူတွေ ပြောနေကြတာက စီးပွားရေး အတက်အကျ ဟန်ချက်ပျက်နေတဲ့ အကြောင်းပါ။ အနောက်က သုညအဆင့်လောက်အထိ ကျဆင်းသွားပြီး အရှေ့က နိုင်ငံတချို့က မှတ်တမ်းတင်ရလောက်အောင် ထိုးပြီးတက်နေတယ်။ ဒီအချက်နဲ့ ပတ်သက်လို့ မစ္စတာလီရဲ့အမြင်က ဘယ်လိုပါလဲ။ စီးပွားရေးကဏ္ဍကြီး ဖရိုဖရဲ ဖြစ်သွားနိုင်မလား။ ကမ္ဘာတစ်ဝှမ်းလုံး ဒေသဆိုင်ရာ နိုင်ငံရေးပါဝါတွေ အကြီးအကျယ် ပြဿနာတက်သွားလောက်သလား။

ဖြေ ။    ။ အနောက်နိုင်ငံတွေရဲ့စီးပွားရေး သုညလောက်အထိ ထိုးကျသွားတယ်လို့တော့ ငါ မထင်ဘူး။ ဂျာမဏီဆိုရင် ၃/၄ ရာခိုင်နှုန်းလောက်အထိ ပုံမှန်ပဲ တက်နေတာပဲ။ ၂၀၁၀ - ခု၊ စက်တင်ဘာလတုန်းက အမျိုးသားနည်းစနစ်နဲ့ စီးပွားရေးလေ့လာမှုအဖွဲ့ ခန့်မှန်းချက်အရ ၂၀၁၀ - မှာ ပြင်သစ်ရဲ့ စီးပွားရေး ၁.၆ ရာခိုင်နှုန်း တက်လာမယ်လို့ ဆိုကြတယ်။ ဖွံ့ဖြိုးစ စီးပွားရေးတွေ ချက်ချင်းကြီး တိုးတက်လာတယ်ဆိုတာက သူတို့က ကုန်ထုတ်မှု ကုန်ကျစရိတ်နည်းတာ၊ လူဦးရေများတာ၊ ငတ်မွတ်နေတဲ့ ဒေသတွင်း ဈေးကွက်ထဲကို ရုတ်တရက် ဝင်လိုက်တာမို့ပါ။ ဒီတော့ စီးပွားရေး အတက်အကျ ဟန်ချက်ပျက်နေတာက ရာစုအထိ မကြာဘူးဆိုရင်တောင်မှ ဆယ်စုနှစ် တော်တော်များများတော့ ကြာမယ့် သဘောပါပဲ။

ဒါတွေကြောင့် ဘာဖြစ်လို့ ကမ္ဘာ့ဂျီအိုပေါ်လစ်တစ်က အခက်တွေ့နေရမှာတုန်း။

မေး ။     ။ ငွေကြေးစစ်ပွဲ (Currency War) နဲ့ ပတ်သက်ပြီး မစ္စတာလီရဲ့ မှတ်ချက်ကို သိပါရစေ။

ဖြေ ။    ။ ငွေကြေးစစ်ပွဲအကြောင်းက အနောက်တိုင်း မီဒီယာတွေ ဖွထားတာပါ။ အဓိကပြဿနာက တရုတ်ပြည်ရဲ့ ငွေလဲလှယ်နှုန်းက အရင်အတိုင်းပဲ ရှိနေတော့ အမေရိကန်ဒေါ်လာဈေး ကျသွားတယ်။ တရုတ်ငွေက ဒီ့ထက်နည်းနည်းမှ နှုန်းထားမတိုးလာဘူးဆိုရင် တရုတ်အစိုးရနဲ့ အမေရိကန်အစိုးရကြားမှာ ပြဿနာ အကြီးအကျယ် တက်လိမ့်မယ်။

မေး ။     ။ ဒီ ဈေးကွက်ဟန်ချက်ပျက်နေမှုကို အခြေခံပြီး တရုတ်နဲ့ အမေရိကန်တို့ရဲ့ ဆက်ဆံရေး ဘယ်လို ရှိလာနိုင်မလဲ။

ဖြေ ။    ။ အမေရိကန်နဲ့ ဆက်ဆံရေးနဲ့ ပတ်သက်လို့ တရုတ်မှာ အမြဲတမ်း ပြဿနာ ရှိနေလိမ့်မယ်။ အမေရိကန်တွေက တရုတ်ဟာ လာမယ့် နှစ် (၂၀) အတွင်း ပြည်တွင်းထုတ်လုပ်မှုကဏ္ဍမှာ သူတို့ကို ကျော်တက်လာနိုင်တယ်လို့ မြင်ထားကြတယ်။ အင်တာနေရှင်နယ်အရေးမှာ အထူးသဖြင့် အမေရိကန်နဲ့ တရုတ်ကြားမှာ အမေရိကန်တို့အသံတွေ ပိုကျယ်လာလိမ့်မယ်။

မေး ။     ။ စင်္ကာပူရဲ့ စီးပွားရေးအကျပ်အတည်းက ထွက်လာနိုင်တာနဲ့ ပတ်သက်လို့ အံ့ဩတကြီး ဖြစ်မိပါသလား။ ဒီအတွက် စီးပွားရေးပေါ်လစီ ချမှတ်သူတွေကို ဘယ်လောက် ဂုဏ်ပြုသင့်ပါသလဲ။ ပြီးတော့ ကမ္ဘာ့စီးပွားရေးကပ်ကနေ ထွက်လာနိုင်တဲ့ တက်သစ်စ စီးပွားရေးတွေကို ဘယ်လို ချီးကျူးသင့်ပါသလဲ။ အထူးသဖြင့်တော့ အာရှနိုင်ငံတွေပေါ့။

ဖြေ ။    ။ စင်္ကာပူ စီးပွားရေးကပ်က ထွက်လာနိုင်ခဲ့တဲ့ အမြန်နှုန်းက ငါ ခန့်မှန်းထားတာထက် နည်းနည်းပဲ ပိုသာတယ်။ စင်္ကာပူရဲ့ဘဏ်တွေ၊ အခြေခံအဆောက်အဦးတွေက ဘာမှ မဖြစ်ဘူး။ အာရှရဲ့စီးပွားရေးလှေတွေကို ဆယ်ယူနိုင်တဲ့ တက်သစ်စဆိုတာနဲ့ ပတ်သက်လို့တော့ ငါမသိဘူး။ တရုတ်နဲ့ အိန္ဒိယက သူတို့အိမ်နီးချင်းတချို့ကိုတော့ ကယ်ဆယ်နိုင်ခဲ့တယ်။ အားလုံးကိုတော့ မဟုတ်ဘူး။

မေး ။     ။ စီးပွားရေးခန့်မှန်းမှုကော်မတီတွေက ရဲရဲတင်းတင်း ထုတ်ပြန်ထားတဲ့ ခန့်မှန်းခြေတွေ ရှိပါတယ်။ အဲ့ဒီအထဲမှာ တစ်ခုကတော့ လာမယ့် ဆယ်စုနှစ်အတွင်းမှာ ဒေါ်လာသန်းတစ်ရာအထက် ပိုပြီး လည်ပတ်လာမယ့် SME တွေ တစ်ထောင်ကျော်အထိ တိုးပွားလာနိုင်တယ်လို့ ဆိုထားပါတယ်။ ဒီအချက်ကို အခြေခံပြီး စင်္ကာပူရဲ့ စီးပွားရေးမောင်းနှင်အားတွေ ဖြစ်ကြတဲ့ MNC တွေကို မစ္စတာလီရဲ့ အမြင်တွေ ပြောပြလိုက်ရင် မကောင်းဘူးလား။

ဖြေ ။    ။ ငါတို့ SME တွေ တိုးတက်လာဖို့ တို့ ကြိုးစားသင့်တာပေါ့။ တဖြည်းဖြည်းနဲ့ သူတို့ထဲက တချို့ဟာ ကမ္ဘာ့ဈေးကွက်ထဲကို ဝင်ပြိုင်နိုင်ပြီး စင်္ကာပူပိုင် MNC တွေ ရလာနိုင်တာပေါ့။

မေး ။     ။ စီးပွားရေးကပ်ဆိုက်၊ ပြီးတော့ ပြန်ကောင်းလာ။ ဒါပေမယ့် လူတွေက ဒီသင်္ခန်းစာကို အလွယ်တကူပဲ မေ့ပစ်လိုက်ကြတယ်လို့ ပြောနေကြတယ်။ ဒီစီးပွားရေးကပ်ကနေ စင်္ကာပူလေ့လာသင့်တဲ့ သင်္ခန်းစာတွေက ဘာတွေပါလဲ။ ပြီးတော့ ဘယ်ဟာကဖြင့် မဖြစ်မနေ ပြောင်းလဲရမယ့် အချက်လို့ ထင်ပါသလဲ။

ဖြေ ။    ။ ဒီစီးပွားရေးကပ်ဆိုက်မှုကနေပြီး စင်္ကာပူ ယူနိုင်တဲ့သင်္ခန်းစာ တစ်ခုမှ မရှိဘူး။ စီးပွားရေးကပ်တိုင်းမှာ မတူညီတဲ့ အကြောင်းတရားတွေကို အခြေခံနေတာချည်းပဲ။ ပုံသေကားချ တွက်ဖို့ လုံးဝ မလွယ်ဘူး။

မေး ။     ။ Integrated resorts က မစ္စတာလီ မျှော်လင့်ထားတာထက် ပိုပြီးများ အကျိုးသက်ရောက်မှု ရှိပါသလား။ ဒါ့ကြောင့် ဖြစ်လာမယ့် အပြစ်တွေအတွက်ရော မစိုးရိမ်မိဘူးလား။ ပြီးတော့ စင်္ကာပူရဲ့ စီးပွားရေးအတွက် ဒီလို စီမံကိန်းကြီးမျိုး ရှိပါသေးသလား။ ရှိရင် ဘယ်လို စီမံကိန်းမျိုးပါလဲ။

ဖြေ ။    ။ Integrated resorts ဆီက မျှော်လင့်တာက နိုင်ငံခြားသား များများလာဖို့နဲ့ ကာစီနိုနဲ့ နှစ်ခုကနေ ဝင်ငွေ တိုးလာဖို့ပဲ။ ဒါ့ကြောင့် ဖြစ်လာနိုင်တဲ့ အကျိုးအပြစ်တွေအတွက်တော့ အတက်နိုင်ဆုံး ကာကွယ်ပေးထားတာပဲ။ စင်္ကာပူလူမျိုးနဲ့ စင်္ကာပူ အမြဲနေထိုင်ခွင့်ရသူတိုင်းအတွက် ဝင်ကြေး ဒေါ်လာတစ်ရာ တောင်းထားတယ်။ လောင်းကစားနဲ့ ပတ်သက်ပြီး အကျင့်ပျက်ရှိတဲ့ လူတစ်ယောက်ကို ဘယ်သူ့မိသားစုဝင် တစ်ယောက်ယောက်နဲ့မှ အတူမလာဖို့ တားမြစ်ထားတယ်။ ဒါပေမယ့်ကွာ ခန့်မှန်းမထားတာလေးတွေလည်း ဖြစ်လာနိုင်တာပေါ့။

စင်္ကာပူစီးပွားရေးအတွက် စီမံချက်ကြီးတွေကတော့ ရှိနေမှာပေါ့။ အချိန်သာ အတိအကျ ပြောလို့မရတာ။

မေး ။     ။ လွန်ခဲ့တဲ့ ဆယ်နှစ်က ဒီအသံတွေ မကြားခဲ့ရဘူး။ အခုပြောနေကြ၊ ဝေဖန်နေကြတာက စင်္ကာပူရဲ့ စီးပွားရေးတက်နှုန်းက သိပ်မြန်လွန်းနေတယ်။ ဒီအတွက် ပြန်ပေးရတဲ့ လျော်ကြေးက နိုင်ငံခြားသား အလုပ်သမားတွေ၊ နိုင်ငံခြားသားပညာရှင်တွေ အများကြီး ခေါ်ယူထားရတယ်။ သူတို့နဲ့ ပတ်သက်ပြီး လူမှုရေးပြဿနာတချို့ ရှိလာတယ်။

အစိုးရရဲ့ ချမှတ်တဲ့မူလို့ ထင်ရတဲ့ ဒီ "စီးပွားရေးတိုးတက်မှု မြန်နိုင်သမျှမြန်" ဝါဒဟာ ရေရှည်မှာရော ထိန်းထားနိုင်ပါ့မလား။

ဖြေ ။    ။ စီးပွားရေးကို မြန်နိုင်သမျှ မြန်အောင်လုပ်၊ ပြီးတော့ ရအောင်ထိန်းပေါ့။ တိုးတက်အောင် လုပ်လို့ ရပါလျက်နဲ့ မလုပ်ခဲ့ဘူးဆိုရင်တော့ ငါတို့က အရူးတွေပေါ့။ စင်္ကာပူလူမျိုးတချို့က စီးပွားရေး နှေးကွေးတာရဲ့ အပြစ်ကို မသိကြဘူး။ စီးပွားရေးနှေးကွေးနေရင် အလုပ်တွေလျော့၊ လစာတွေလည်း လျော့သွားတယ်။ အကုန်လျော့သွားတာ။

စီးပွားရေး သက်သက်နှေးအောင်လုပ်ပြီး မင်းလစာ အဖြတ်ခံမလား။ ဒါဆို မင်းအရူးပေါ့။ မဟုတ်ဘူးလား။ တိုးတက်အောင်လုပ်လို့ ရတယ်။ မင်းက မလုပ်ဘူး။ ဒါဆို တစ်ခုခု မှားနေပြီပေါ့။

မေး ။     ။ တချို့ စင်္ကာပူးရီးယန်းတွေက နိုင်ငံခြားသားတွေနဲ့ ပတ်သက်ပြီး လူမှုရေး၊ စီးပွားရေးတွေ တက်ရတာတွေကို သိပ် သဘောမကျကြဘူး။ ဒီလိုဆိုရင်တော့ စီးပွားရေးနှေးကွေးနေတာကမှ တော်သေးတယ်လို့တောင် ပြောနေကြတယ်။

ဖြေ ။    ။ ကောင်းပြီ။ ဒါဆို တို့လူမျိုးတွေက ဘာ့ကြောင့် မကျေမနပ် ဖြစ်နေရတာလဲ။ MRT တွေ၊ ဘက်(စ်)ကားတွေပေါ်မှာ နိုင်ငံခြားသားတွေနဲ့ ပြည့်နေလို့။ ဒီလိုနဲ့ တို့လူမျိုးတွေက နိုင်ငံခြားသားတွေဟာ သူတို့နေရာကို ဝင်လုနေကြတယ်လို့ထင်ပြီး မကျေမနပ် ဖြစ်နေကြတာ။ စင်္ကာပူလူမျိုးတွေ ဆေးဆိုင်သွားမယ်၊ ကော်ဖီဆိုင် သွားမယ်။ အဲ့ဒီမှာရှိတဲ့ နိုင်ငံခြားသား အလုပ်သမားက အင်္ဂလိပ်စကား မပြောတတ်ရင် မကြိုက်ကြဘူး။ ဆိုပါတော့ အဲ့ဒီဆိုင်တွေမှာ နိုင်ငံခြားသားတွေ မရှိဘူး။ ဒါဆို သူတို့စားစရာတွေ ဘယ်သူ လာချပေးမှာလဲ။ သူတို့စားထားတဲ့စားပွဲကို ဘယ်သူ သန့်ရှင်းရေး လုပ်မှာလဲ။ ကော်ဖီဆိုင်တွေကော ဆက်ဖွင့်နိုင်ဦးမလား။

အမှန်တော့ ငါတို့လူမျိုးတွေက စီတီဇင်အသစ်တွေကို ကြည့်ပြီး "သူတို့ကလေးတွေက ငါတို့ကလေးတွေရဲ့ ကျောင်းတွေ၊ စကောလားရှစ်တွေ၊ အလုပ်တွေကို လုယူကြတော့မှာ" လို့ ပြောနေကြတာ။ စီတီဇင်အသစ်တွေရဲ့ ကလေးတွေက တအားကြိုးစားကြတာ။ သူတို့ စင်္ကာပူရောက်စက အင်္ဂလိပ်လို သိပ်မတတ်ကြဘူး။ လေးငါးနှစ်လည်း ကြာရော အဲ့ဒီကလေးတွေက အတန်းထဲမှာ ထိပ်ရောက်သွားကြတယ်။

ဒီ့အပြင် နိုင်ငံခြားသား အလုပ်သမား အများစုဟာ ဝါ့(ခ်)ပါမစ်သမားတွေ၊ အလုပ်ကြမ်း လုပ်ကြရတယ်။ ပြီးတော့ သူတို့က PR ဖြစ်ဖို့၊ စီတီဇင်ဖြစ်ဖို့ အဆင့် မမီဘူး။ ဒီတော့ သူတို့ တွေးပူတာက ဒီ အလုပ်ကြမ်းသမားတွေကြောင့် လုံခြုံရေးနဲ့ လူမှုရေးပြဿနာတွေ ဖြစ်မှာကိုပဲ။ သူတို့က သူတို့ကို မှီခိုမယ့်သူတွေကိုလည်း ခေါ်ခွင့်မရှိဘူး။

တို့လူမျိုးတွေ အမှန်တကယ် မပျော်မရွှင် ဖြစ်နေတာက စီတီဇင်အသစ်တွေရဲ့ ကလေးတွေနဲ့ သူတို့ကလေးတွေကြားက အားပြိုင်မှုပဲ။

မေး ။     ။ နိုင်ငံခြားသားတွေက အလုပ်တွေ၊ ကျောင်းနေရာတွေ ဝင်ယူတဲ့ကိစ္စကို အသာထားပြီး နောက်ပြဿနာတစ်ခုက ဈေးနှုန်းချိုတဲ့ နိုင်ငံခြားသား လုပ်သားတွေက ဝင်ငွေနည်းသူတွေကို သွားပြီး ထိခိုက်စေတယ်။ ဒီလိုနဲ့ လူချမ်းသာ၊ လူဆင်းရဲ ကွာဟမှုက ပိုပြီး ကျယ်ပြန့်လာတယ်။

ဖြေ ။    ။ ဒါက တစ်ကမ္ဘာလုံး ဖြစ်နေတဲ့ကိစ္စပဲ။ ဂလိုဘယ်လိုက်ဇေးရှင်းရဲ့ ပထမအဆင့်မှာ သန်းပေါင်းများစွာရှိတဲ့ အလုပ်သမားတွေကို ဈေးချိုချိုနဲ့ ခိုင်းလို့ရတယ်။ ဒါက ဒီအတိုင်းပဲ အမြဲ ဖြစ်နေမလား။ နောက် အနှစ် (၃၀) ဆိုရင် ဖွံ့ဖြိုးဆဲနိုင်ငံက လူတွေဟာ ပိုပြီး ပညာတတ်၊ ပိုပြီး လစာကောင်းလာတော့မယ်။ တရုတ်ပြည်ရဲ့ ပညာရေးစစ်တမ်းမှာ ပညာမတတ်သူဦးရေ တစ်နှစ်ထက်တစ်နှစ် လျော့လျော့လာနေတယ်။ သူတို့အဆင့်အတန်းကို သူတို့ မြှင့်လာကြပြီ။ ပြီးတော့ သူတို့နဲ့တန်တဲ့အဆင့်ကို ရောက်သွားကြလိမ့်မယ်။ ငါ ဆိုလိုတာက ဒီနေ့တရုတ်ပြည်နဲ့ လွန်ခဲ့တဲ့ အနှစ်နှစ်ဆယ်လောက်က တရုတ်ပြည်ကို နှိုင်းယှည်ကြည့်။ အင်ဂျင်နီယာနဲ့ သိပ္ပံပညာရှင် အရေအတွက်ကိုကြည့်။ တက္ကသိုလ်ရောက်တဲ့ အရေအတွက်ကိုကြည့်။ ကြာလာရင် ဝင်ငွေခြားနားမှုက တစ်သက်လုံး ကွာဟနေမှာ မဟုတ်ဘူး။

ဝင်ငွေများသူနဲ့ နည်းသူတွေကြားမှာ သူတို့လက်ခံနိုင်လောက်တဲ့ အနေအထားမျိုး ရောက်အောင် ဟန်ချက်ထိမ်းထားရတယ်။ ဝင်ငွေ သိပ်ကောင်းတဲ့လူဆီက အခွန်တွေ နင်းကန်ယူနေရင် သူက ထွက်သွားမှာ။ ဘာလို့ နေမှာတုန်း။ နိုင်ငံခြားသားတွေဆိုရင် သေချာပေါက် လစ်မှာပဲ။ အခွန်တွေ တိုးတောင်း၊ ဒီလူတွေက ဟောင်ကောင်စတဲ့ အခြားတစ်နေရာရာကို သွားနေ၊ ပြီးရင် မကောင်းပြောနေကြမှာပေါ့။

ငါတို့လူမျိုးတချို့တောင် ဒီလောက် အခွန်မပေးရတဲ့နိုင်ငံကို သွားမယ်ဆိုတာမျိုးတွေ ပြောနေကြပြီ။ ဒီတော့ ဒီဟန်ချက်ကို ညီအောင်ထိမ်းထားမှ ရမယ်။ စင်္ကာပူတိုးတက်ဖို့ သူတို့လိုတယ်။ သူတို့ကိုလည်း ခံစားခွင့်ပေးထားမှ သူတို့က ကျေကျေနပ်နပ်နဲ့ အလုပ်လုပ်ကြမှာပေါ့။

ပြီးတော့ အရေးကြီးတဲ့ကဏ္ဍတွေမှာ သုံးစွဲနိုင်ဖို့ ဘက်ဂျက်ညီအောင် ညှိရတာတွေလည်း ရှိလာပြန်တယ်။ ရေခွန်၊ မီးခွန်တွေ၊ ဝန်ဆောင်မှုအခွန်တွေ၊ ပညာရေး၊ ကျန်းမာရေး၊ အိမ် - စတာတွေ အများကြီးပေါ့။ ဒီထက်ပိုပြီး အရေးကြီးတာက လာမယ့်မျိုးဆက်တွေအတွက် ပိုပြီး ညီညီမျှမျှ ဖြစ်နိုင်ဖို့ လုပ်ပေးရတယ်။

ဘယ်သူ၊ ဘယ်ကျောင်းသားမှ နောက်ကျ ကျန်နေခဲ့တာ မဖြစ်စေရဘူး။ မင်းမိသားစုက ဘာပဲဖြစ်နေနေ တစ်ယောက်ယောက်၊ အဖွဲ့အစည်းတစ်ခုခုက မင်း ရသင့်ရထိုက်တဲ့ ပညာရေးဆိုင်ရာ အခွင့်အရေးတွေ အပြည့်အဝရဖို့ ကူညီနေကြမှာပဲ။ ဒီကြားထဲ မင်း ကိုယ်တိုင်ကျောင်းထွက်တာ၊ ကျောင်းက အထုတ်ခံရတာတွေ ဖြစ်လာရင်တော့ ကိုယ့်ထိုက်နဲ့ ကိုယ့်ကံပဲပေါ့။ သိပ်တော့ မရှိတော့ပါဘူး။ မိဘတွေကလည်း သဘောပေါက်လာကြပြီ။ သူတို့အိမ်နီးချင်းကလေးတွေက ပညာတွေတတ်လို့ လစာတွေကောင်း၊ အိမ်ကောင်းကောင်းတွေမှာ ရွေ့ပြီနေ - စတာတွေ တွေ့နေကြရပြီလေ။

ပြီးရင် အိမ်ဈေးတွေ တက်လာလိမ့်မယ်လို့ ငါတို့က တွက်ဆထားတော့ သူတို့ အနားမယူခင် အိမ်ဝယ်နိုင်အောင် ထိုက်သင့်တဲ့ငွေပမာဏကိုလည်း ထုတ်ချေးပေးရတယ်။ သူတို့ဝယ်စဉ်က ဒေါ်လာ နှစ်သိန်းလောက် ကျမယ်ဆိုရင် သူတို့လည်း အနားယူရော အဲ့ဒီအိမ်က ဒီထက် အများကြီး ပိုတန်သွားပြီ။ အိမ်မြေဈေးတွေက တန်းဖိုး တက်ကိုတက်နေရမယ်။ ဘာ့ကြောင့်လည်းဆိုရင် စီးပွားရေးကလည်း တက်နေတယ်။ အစိုးရကလည်း အခြေခံအဆောက်အအုံတွေနဲ့ လူ့ပတ်ဝန်းကျင်ကို ပိုကောင်းအောင် ပုံမှန် လုပ်ဆောင်ပေးနေလို့။

တို့မှာ မြေပေါ်မြေအောက် ရထားတွေ ပိုပို များလာလိမ့်မယ်။ လှပတဲ့ ဥယျာဉ်ပန်းခြံတွေ၊ ရေမြောင်းတွေ များလာမယ်။ ဒါက တိုးတက်လာတဲ့ နိုင်ငံတော်ဆီက လူတိုင်းလူတိုင်း ခံစားရအောင်လို့ တမင် ရွေးချယ်ချမှတ်ထားတဲ့ အစိုးရရဲ့ ပေါ်လစီပဲ။

မေး ။     ။ လူတန်းစား၊ အရည်အချင်းကွာခြားမှုက တခြားနိုင်ငံတွေနဲ့စာရင် စင်္ကာပူမှာက ပိုများနေတယ်။ ဥပမာ ... ဂျပန်။ သူတို့က နိုင်ငံခြားသားတွေ အများကြီး ဝင်ခွင့်ပြုတဲ့ တံခါးဖွင့်ဝါဒကို မကျင့်သုံးကြဘူး။

ဖြေ ။    ။ မှားနေပြီ။ ဂျပန်က ငါတို့ယူတဲ့ မော်ဒယ် မဟုတ်ဘူး။ ဂျပန်မှာ အခက်အခဲတွေ ဖြတ်စရာ ရှိတယ်။ ကလေးမွေးဖွားနှုန်း လျော့ကျမှု၊ သက်ကြီးရွယ်အိုတွေ ပိုများလာမှုတွေ ရှိတယ်။ သူတို့က နိုင်ငံခြားသား လက်မခံချင်ဘူး။ ရှင်နိုဖိုဘစ်ရှိတယ်။ သူတို့ ဒုက္ခ အကြီးအကျယ် တွေ့ဦးမယ်လို့ ငါ ထင်တယ်။

ဘာ့ကြောင့်များ မင်းက ဂျပန်နဲ့ သွားနှိုင်းရတာလဲ။ လူ့အဖွဲ့အစည်း၊ လူ့ယဉ်ကျေးမှု တခြားစီ၊ ငါတို့နဲ့တူတာ ဘာမှ မရှိဘူး။ နှိုင်းခြင်းနှိုင်းရင် စင်္ကာပူကို ဟောင်ကောင်၊ ကွာလာလမ်ပူ၊ မနီလာ၊ ဂျကာတာတို့နဲ့ နှိုင်းသင့်တယ်။ ဒါမှ ငါတို့ ပတ်ဝန်းကျင်ရယ်။

စီးပွားရေး ပဉ္စလက် ( ၃ )

ဇင်ဝေသော်

Read more

စီးပွားရေး ပဉ္စလက် (၃)

ငါတို့ ကြိုးစားခဲ့ကြဖူးတယ်။ ဒါပေမယ့် ဒီလို ကုမ္ပဏီကြီးတွေကို လည်ပတ်နိုင်တဲ့ ခေါင်းကောင်းကောင်းတွေ မရှိဘဲ ဘာမှလုပ်လို့ မရဘူး။ အောင်မြင်နေတဲ့ ကုမ္ပဏီကြီးတွေကို လိုက်ကြည့်။ အဓိကအကြောင်းအရင်းကဘာလဲ။ ဦးနှောက်ပဲကွ။ သူတို့မှာ စဉ်းစားတတ်တဲ့ ပညာရှင်ကောင်းတွေ၊ စီမံခန့်ခွဲတတ်တဲ့ လူတော်တွေ၊ တီထွင်ဖန်တီးနိုင်တဲ့ ပညာရှင်တွေ ရှိကြတယ်။

မေး ။     ။ စကောလားဆုပေးထားတဲ့ ကျောင်းသားတွေ ဒီမှာ အခြေကျရေးကို အသာဘေးမှာထားပြီး အတွေ့အကြုံ၊ အသိပညာ လက်ဆင့်ကမ်းရေးမှာ သူများဆီကနေ ယိုစိမ့်ထွက်လာတဲ့ ပညာရှင်တွေကို ဖမ်းစားနိုင်ဖို့ စင်္ကာပူရဲ့ လက်ရှိကုမ္ပဏီတွေကို အားပေးထားရင် ပိုမကောင်းလောက်ဘူးလား။

ဖြေ ။    ။ သူများဆီက ယိုစိမ့်လာတဲ့ ဦးနှောက်တွေကို ဖမ်းယူနိုင်ဖို့ဆိုတာ ဦးနှောက်ရှိတဲ့သူတွေ လိုလာပြန်တယ်။ ဖီးလစ်ယိုးက SME ဆက်တာတွေ ပြင်ဆင်ရေးဆွဲဖို့ Spring Singapore ကို ညွှန်ကြားတယ်။ သူ အရင်ဆုံး လုပ်ရမယ့်အလုပ်က သူတို့ကို စီမံကွပ်ကဲရေးနဲ့ စီးပွားရေးတစ်ခု စနစ်တကျ လည်ပတ်ရေးစတဲ့ စီးပွားရေး ကကြီးကခွေးတွေ သူတို့ကို သင်ပေးရတဲ့ အလုပ်ဖြစ်နေတယ်။

စင်္ကာပူလူမျိုးတွေ စီးပွားရေးလုပ်တယ်ဆိုတာ ဘာကို ခေါ်တာလဲ သိလား။

သူတို့က ဆိုင်ဖွင့်တယ်။ ဒါပဲ။ ဆိုင်ဖွင့်တာကို စီးပွားရေးလုပ်တာလို့ ထင်နေကြတာ။ ဆိုင်ဖွင့်မယ်၊ စားသောက်ဆိုင်ဖွင့်မယ်၊ ဝယ်မယ်၊ ရောင်းမယ်။ ဒီပြင် သူတို့ ဘာလုပ်တတ်သေးတုန်း။ သမိုင်းကို ပြန်ကြည့်။ ငါတို့လူမျိုးတွေက ဘာတွေ လုပ်ခဲ့ဖူးတုန်း။

ထိုင်ဝမ်လူမျိုးတွေ ကြိုးစားခဲ့ကြဖူးတယ်။ ပြီးတော့ လက်မြှောက်လိုက်ကြတယ်။ ကိုရီးယားတွေ ကြိုးစားနေကြတယ်။ သူတို့မှာ လူဦးရေ သန်း (၅၀) လောက်ရှိတယ်။ ပြီးတော့ ဒီလူတွေက အရူးတွေ မဟုတ်ဘူး (ပြီးတော့ ဒီလူတွေက ခေသူတွေ မဟုတ်ဘူး)။ သူတို့က အလုပ်မရှိ ဖြစ်နေတဲ့ ဂျပန်ပညာရှင်တွေ၊ တက္ကသိုလ်မှာ အတူတက်ခဲ့တဲ့ ဂျပန်သူငယ်ချင်းတွေကို ကိုရီးယားထဲရောက်အောင် ခေါ်သွင်းတယ်။ အခု သူတို့ ခရီးပေါက်နေပြီ။ သူတို့ ကားတွေ ထုတ်လာတယ်။ ဖလက်တီဗွီတွေ ထုတ်လာတယ်။ ဆဲ(လ်)ဖုန်းတွေ ထုတ်လာတယ်။

Chaebol ကုမ္ပဏီက အကြီးအကဲတွေနဲ့ တွေ့လို့ ဒါတွေအစပျိုးဖို့ ဘယ်လိုလုပ်ခဲ့ကြတာလဲလို့ ငါက မေးတော့ သူတို့က ဂျပန်ပညာရှင်တွေကို ဂျပန်တွေက ပေးတာထက် လစာပိုပေးပြီး သူတို့ဆီက ပညာရပ်တွေ ရအောင်ယူတာတဲ့။

ငါတို့ ဒီလို လုပ်နိုင်သလား။ ငါတို့ SME တွေ ဒီလို လုပ်နိုင်သလား။

မင်းက လက်ပြောင်းလက်လွှဲလို့ ပြောတယ်။ ဘယ်သူ့ကို လက်ပြောင်းလက်လွှဲလုပ်မှာလဲ။ စွမ်းနိုင်တဲ့ သူတွေကိုမှ လက်ပြောင်းလက်လွှဲလုပ်လို့ရတယ်။ ပို့ဆောင်ရေးဝန်ကြီး ရေမွန်လင်းကလည်း SIA (Singapore International Airways) ကို ပုဂ္ဂလိကပိုင် လွှဲပေးဖို့ ပြောတယ်။ ငါ သဘောတူပါတယ်။ ဒါပေမယ့် SIA ကို ဘယ်သူ့ သွားရောင်းမှာတုန်း။ စီးပွားရေး အမြတ်အစွန်းများပြီး လက်ရှိ SIA ရဲ့ အနေအထားနဲ့ ခေါင်းဆောင်မှုကို ထိမ်းထားနိုင်မယ့်သူက ဘယ်သူလဲ။ Far East Holdings လား။ သူတို့ အတွေ့အကြုံ မရှိဘူး။ Hotel Properties က အောင်ကိန်စိန်လား။ လုံးဝပဲ။ ဘဏ်တွေကိုလား။ မရပြန်ဘူး။ ကဲ ... ဘယ်သူ့ကို မင်း သွားရောင်းမလဲ။

ငါတို့ ကြိုးစားခဲ့ကြဖူးတယ်။ ဒါပေမယ့် ဒီလို ကုမ္ပဏီကြီးတွေကို လည်ပတ်နိုင်တဲ့ ခေါင်းကောင်းကောင်းတွေ မရှိဘဲ ဘာမှလုပ်လို့ မရဘူး။ အောင်မြင်နေတဲ့ ကုမ္ပဏီကြီးတွေကို လိုက်ကြည့်။ အဓိကအကြောင်းအရင်းကဘာလဲ။ ဦးနှောက်ပဲကွ။ သူတို့မှာ စဉ်းစားတတ်တဲ့ ပညာရှင်ကောင်းတွေ၊ စီမံခန့်ခွဲတတ်တဲ့ လူတော်တွေ၊ တီထွင်ဖန်တီးနိုင်တဲ့ ပညာရှင်တွေ ရှိကြတယ်။

မေး ။     ။ ဒီနေ့ ကျွန်တော်တို့မှာ ရှိနေတဲ့ MNC ပုံစံနဲ့ ပတ်သက်လို့ နောက်ဆုံးမေးခွန်း မေးပါရစေ။ ဒီ MNC တွေရဲ့ ရှေ့ခရီးမှာ မစ္စတာလီ စိုးရိမ်ပူပန်မိတဲ့ အားနည်းချက်တွေ ရှိသလား။ ရှိရင် ဘာတွေလဲ။

ဖြေ ။    ။ အင်း ... အားနည်းချက်က ထိပ်သီး MNC တွေက ဒီကို မလာကြဘူး။ တို့ဆီကို ရောက်လာတာက ဗီယက်နမ်လို နိုင်ငံမှာ ထိပ်သီး MNC တွေကို မယှဉ်နိုင်တဲ့ ဒုတိယနဲ့ တတိယတန်းစား MNC တွေပဲ။ ဗီယက်နမ်မှာ လုပ်အားခ ဈေးချိုတယ်။ လူတွေကလည်း ပိုတော်တယ်။ ဒီတော့ စင်္ကာပူမှာ ထုတ်မယ့်ပစ္စည်းက ဗီယက်နမ်မှာ ထုတ်တဲ့ပစ္စည်းကို မယှဉ်နိုင်တော့ဘူး။

ဒီတော့ တို့က သူတို့အတွက် ဘာလုပ်ပေးနိုင်တုန်း။ လုပ်အားခ ဈေးမချိုဘူး။ မြေဈေးကြီးတယ်။ ဒါပေမယ့် ပေးရမယ့်ဈေးနဲ့တန်တဲ့ အကောင်းစား အခြေခံအဆောက်အဦးတွေကို ပေးရမှာပေါ့။

ဗီယက်နမ်တွေက လူတော်တွေ။ သူတို့ကျောင်းသားတွေကို ပညာသင်ဆု ပေးကတည်းက ငါတို့ သိခဲ့တာ။ အခု သူတို့ လိုက်လာပြီ။ တို့လစာ သုံးပုံတစ်ပုံ၊ တို့မြေဈေးရဲ့ လေးပုံတစ်ပုံကို ရောက်နေပြီ။ ဒီတော့ သူတို့ လုပ်မပေးနိုင်တာတွေကို တို့က လုပ်ပေးနိုင်မှ တို့ဆီကို လာကြမှာ။ ဒါတွေက တည်ငြိမ်မှု၊ လုံခြုံမှု၊ ဆက်သွယ်ရေးကောင်းမွန်မှု၊ ကျန်းမာရေးစောင့်ရှောက်မှု၊ သူတို့ကလေးတွေ ပညာရေးအတွက် ကျောင်းကောင်းကောင်းတွေရှိမှုတွေပဲ။ လူတော်တွေတိုင်း သူတို့ကလေးတွေကို ကျောင်းကောင်းကောင်းမှာ ထားချင်ကြတယ်။

အခု ငါတို့ တိုးတက်မှုတစ်ခုက စင်္ကာပူအမေရိကန်ကျောင်း (SAS) ဖွင့်လှစ်နိုင်ခဲ့တယ်။ အရှေ့တောင်အာရှမှာတော့ အကောင်းဆုံးကျောင်းပဲ။

မေး ။     ။ ဒီ အားနည်းချက်တွေကို ဖြည့်ဆည်းဖို့ ဘာတွေ လုပ်သင့်လဲ။

ဖြေ ။    ။ ထိပ်သီး MNC တွေကို ဆွဲဆောင်နိုင်ဖို့ သူများထက် ရှေ့ရောက်နေဖို့ လိုတယ်။ အခု အိန္ဒိယကုမ္ပဏီ လေးထောင်လောက်နဲ့ တရုတ်ကုမ္ပဏီ လေးထောင့်ငါးရာလောက် စင်္ကာပူထဲမှာ ရှိတယ်။ စင်္ကာပူကတဆင့် ဒေသတွင်းကို ဖြန့်ကြလိမ့်မယ်။ စင်္ကာပူကို ဌာနချုပ်ယူပြီး စင်္ကာပူတွေကိုလည်း သူတို့နဲ့အတူ ခေါ်သွားလိမ့်မယ်။ ဘာလို့လဲဆိုရင် ဒေသအကြောင်းကို သူတို့က တို့လောက် မသိလို့။ တို့လူတွေက ဒေသအကြောင်း သိတယ်။ ဘာသာစကား တော်တော်များများ ပြောနိုင်တယ်။ သူတို့ ခရီးတစ်ခုရောက်ဖို့ တို့ ကူညီနိုင်တာက ဒါပဲ။ တို့အလုပ်က ကြားဝင်စေ့စပ်ပေးသူ။

ရေရှည်မှာ ငါတို့က ဟောင်ကောင်ထက် သာမယ်။ ဘာလို့လဲဆိုရင် တို့အိမ်နီးချင်း နိုင်ငံတွေရဲ့ လက်ရှိပညာရေး၊ လုပ်အားနဲ့ အခြေခံ အဆောက်အဦးတွေမှာ တို့ကို ကျော်တက်နိုင်မယ့်နိုင်ငံ လက်တလော မရှိသေးဘူး။ ရှန်ဟိုင်းဆိုရင် အခြေခံ အဆောင်အဦး သဘောအရ ထိုင်ဝမ်နဲ့ တန်းတူရည်တူ ဖြစ်နေပြီ။ သူတို့ မရှိတာက အင်္ဂလိပ်စကားနဲ့ အကူအညီအဖွဲ့။ နောက် ဆယ့်ငါးနှစ်၊ အနှစ်နှစ်ဆယ်ဆိုရင် သူတို့ ဒါတွေ ရှိလာလိမ့်မယ်။ Shenzhen မှာလည်း ဒီအတိုင်းပဲ ဖြစ်နေတယ်။

ဟောင်ကောင် အလုပ်သမားဝန်ကြီးဌာနက အတွင်းရေးမှူးတစ်ယောက်က ငါနဲ့တွေ့တော့ မေးတယ် "ဘာ့ကြောင့် ကုန်ထုတ်လုပ်မှုကို ဆက်လုပ်နေတာလဲ" တဲ့။ ငါက ပြောတယ်။ ကုန်ထုတ်လုပ်မှုလုပ်ငန်းကမှ လူတွေကို အလုပ်ပေးထားနိုင်တာ။ ခင်ဗျားတို့နိုင်ငံက ခင်ဗျားတို့ထက် ပစ္စည်းပိုကောင်းအောင် ထုတ်လုပ်ဖို့ အမြဲကြိုးစားနေတဲ့ နိုင်ငံတွေနဲ့ ဝိုင်းနေတာ။ ဒီမှာက စင်္ကာပူလူမျိုးတွေရဲ့ အရည်အချင်း၊ ပညာရေးနဲ့ လုပ်အားတွေမှာ ယှဉ်နိုင်တဲ့နိုင်ငံ သိပ်မရှိသေးဘူးလို့။

မေး ။     ။ နောက်ထပ်ဝေဖန်သံတစ်ခုကတော့ စင်္ကာပူရယ် မဟုတ်ပါဘူး။ အာရှတစ်တိုက်လုံးရဲ့ ထုတ်ကုန်တွေဟာ အနောက်နိုင်ငံက ဝယ်ယူသုံးစွဲစားသုံးသူတွေအပေါ် အလွန်အမင်း မှီခိုနေရခြင်းပါ။ အခု စီးပွားရေး အကျပ်အတည်းကာလမှာ အမေရိကန်တွေက အရင်လို ဝယ်ယူစားသုံး၊ သုံးစွဲမှုတွေ မလုပ်နိုင်ကြတော့ စင်္ကာပူရဲ့ စီးပွားရေးကို လာမထိဘူးလား။

ဖြေ ။    ။ ဒါဆိုရင် အခြေခံ သဘောတရားတွေဆီ ပြန်လှည့်ရအောင်။ ကမ္ဘာတစ်ခုလုံးဟာ စီးပွားရေးကယ်ဆယ်မှုတွေနဲ့ တော်တော်ကြီး အရုပ်ဆိုးအကျည်းတန်နေတယ်လို့ မင်းထင်သလား။ ထင်တဲ့အတိုင်းဆိုရင်တော့ ငါတို့လည်း ကိစ္စချောပြီ။ အမေရိကန်တွေက အဲ့သလို အဖြစ်မခံဘူး။ ဘာ့ကြောင့်လဲ သိလား။ သူတို့ကုမ္ပဏီ အကြီးစားကြီးတွေရဲ့ ရောင်းအားက ကမ္ဘာပေါ်မှာ (၅၀) ရာခိုင်နှုန်းကျော်ကျော် ရှိတယ်။

ငါက အဆိုးမြင်သမား မဟုတ်ဘူး။ ဒီပြဿနာ ဘယ်လောက်ဆက်ကြာနေဦးမလဲဆိုတာတော့ ငါ မသိဘူး။ တကယ်လို့ အမေရိကန် Federal Reserve က အကြီးအကဲ Ben Bernake သာ တွက်ကိန်း မှန်သွားမယ်ဆိုရင်၊ သူတို့ဘဏ်စာရင်းတွေလည်း ရှင်းပေးနိုင်မယ်ဆိုရင် ၂၀၁၀ - ခုလောက်ဆိုရင်တော့ အမေရိကန်ရဲ့ စီးပွားရေးနာလံထူနေလောက်ပြီ။ သူ့တွက်ကိန်း လွဲသွားမယ်ဆိုရင်တော့ ၂၀၁၂ - ၂၀၁၃ လောက်အထိ ကြာနေဦးမယ်။ အခု သူတို့အလုပ်သမားတွေရဲ့ အလုပ်တွေကို အကာအကွယ် ပေးနေကြတယ်။ ဂျပန်တွေလည်း အတူတူပဲ။

ဒါဆိုရင် အမေရိကန်တွေက စီးပွားရေးပုံစံပြောင်းပြီး ပြည်တွင်းက ကုန်ပစ္စည်းတွေပဲသုံး၊ ပြည်တွင်းမှာပဲ ဖြန့်ချိ လုပ်လာလိမ့်မယ် ထင်သလား။

မလုပ်ဘူး။ သူတို့ တွေ့ထားတဲ့နည်းပညာတွေက ကမ္ဘာကို ပြန့်နေပြီ။ တွေ့ထားတဲ့ နည်းပညာတွေကို ဖရီးထရိတ်သုံးပြီး ကမ္ဘာကို မဖြန့်နိုင်ဘူးဆိုရင်တော့ ပြိုင်ဘက်တွေက အခွင့်ကောင်းယူသွားမှာပေါ့။ သူတို့ အရှုံးနဲ့ ရင်ဆိုင်သွားရလိမ့်မယ်။

မေး ။     ။ အမေရိကန်နဲ့ ဥရောပနိုင်ငံတွေက စီးပွားရေးအကျပ်ရိုက်နေတော့ အာရှထဲမှာထုတ်၊ အာရှထဲမှာ ဖြန့်ရောင်းတဲ့ Intra-Asian စီးပွားရေးက ပို အလုပ်ဖြစ်နိုင်တယ်လို့ လူတော်တော်များများ ပြောနေကြတယ်။ အင်ထရာ-အေးရှား စီးပွားရေးနဲ့ ပတ်သက်လို့ မစ္စတာလီ ဘယ်လို မြင်ပါသလဲ။ ဒီစနစ်က စိတ်လှုပ်ရှားစရာလို့ မထင်ဘူးလား။

ဖြေ ။    ။ အင်း ... ဒါက ငါတို့အတွက် အပိုဆုပေါ့။ ဒါပေမယ့် ငါတို့ အာရှတိုက်ရဲ့ ယေဘုယျ ဝယ်ယူစားသုံးသူတွေက သိပ် မချမ်းသာသလို လက်လည်း မဖွာကြဘူး။ တရုတ်လူမျိုးတွေဆို တို့ထက်ပိုပြီး ငွေစုသေးတယ်။ တို့က ဝင်ငွေရဲ့ ငါးဆယ်ရာခိုင်နှုန်းကို စုလာတာ ဆယ်စုနှစ် အတော်များနေပြီ။ ဒါ့ကြောင့် ဒီနေ့ တို့မှာ ငွေပိုရှိနေတာ။ တရုတ်တွေကျတော့ ပိုစုရတယ်။ သူတို့က စစ်ဖြစ်တာ၊ ရေကြီးတာ၊ အက်ဆီးဒင့် ဖြစ်တာ၊ ငလျင်လှုပ်တာ၊ အစာရေစာ ရှားပါးတာစတဲ့ ပြဿနာတွေကို သူတို့ကိုယ်တိုင် ရှင်းယူရတာ။

သူတို့ စိတ်နေစရိုတ်ကို သိရအောင် မင်းကို ပုံတစ်ခု ပြောပြမယ်။ ဂေါက်ရိုက်ရင်းနဲ့ ငါ့ရဲ့ ဘယ်ဘက်ပခုံးက သိပ်မကောင်းဘူးဖြစ်နေတုန်း ဝန်ကြီးတစ်ယောက်နဲ့ တရုတ်ပြည်ထဲ ငါ လျှောက်သွားနေမိတယ်။ ငါ ဂေါက်ရိုက်တာ ရပ်ထားကြောင်းပြောတော့ သူက ငါ့ပခုံးအနာပျောက်အောင် ဆရာတစ်ယောက် လွှတ်ပေးမယ်လို့ ပြောတယ်။

ဒါနဲ့ ငါက "နေပါစေ။ ကိစ္စ မရှိပါဘူး။ ဆရာဝန်က ပြောတယ်။ ဒီရောဂါက ပျောက်အောင် ကုသလို့ မရဘူး" လို့။ သူက ငါနဲ့အတူ လိုက်လာပြီး တရုတ်ဆရာတစ်ယောက် ငါ့ဆီ လွှတ်ပေးတယ်။ (အခု သူ မရှိတော့ ရှာဘူး) ဒါနဲ့ ငါ့ရုံးခန်းထဲက ထိုင်ခုံပေါ်မှာ နေ့တိုင်း (၄၅) မိနစ်ကြာအောင် အနှိပ်ခံတယ်။ ခြောက်ပတ်လောက်ကြာတော့ ငါ့ပခုံးက ကောင်းသွားတယ်ဗျာ။ ကဲ ... ဘာတတ်နိုင်သေးတုန်း။

ငါ ရောက်တုန်းက ရှန်ဟိုင်းမှာ ရေတွေ ကြီးနေတယ်။ ဒါနဲ့ ငါက "ဟိုက် ... ဒုက္ခအကြီးအကျယ်ပဲ။ အပြင်က အကူအညီတွေ ယူမှရမယ်" လို့ ပြောတော့ သူက ဆက်ပြောတယ်။ "အပြင်က အကူအညီ ... ဟုတ်လား။ သူတို့ ဘယ်တော့ ရောက်လာမှာလဲ။ ရောက်ရင်တောင် ရှန်ဟိုင်းမြို့ပေါ်ပဲ ရောက်မယ်။ ကျေးရွာတွေအထိ ရောက်အောင် ဘယ်လိုလုပ်မတုန်း" တဲ့။

သူပြောတာက တရုတ်ပြည်ထဲမှာ မြို့တိုင်းရွာတိုင်းမှာ အခြေခံ လိုအပ်တာတွေ သိမ်းဆည်းထားဖို့ ဂိုဒေါင်တွေ ရှိတယ်တဲ့။ ဆန်၊ ဆီ၊ ဆား၊ စောင်စတာတွေပေါ့ကွာ။ သဘာဝဘေးအန္တရာယ် ကြုံလာရင် သူတို့ဘာသာသူတို့ အထိုက်အလျောက် ဖြေရှင်းနိုင်ကြတယ်။ ပြီးတော့ သူက "သဘာဝဘေးအန္တရာယ်ကြုံတွေ့ရရင် အစိုးရဆီက အကူအညီက တချို့နေရာတွေအထိ ရောက်အောင် မပို့နိုင်ဘူး။ ဒါ့ကြောင့် ကျွန်တော်တို့ ရှင်သန်ရေးအတွက် ကျွန်တော်တို့ဘာသာ ကြိုးစားပြင်ဆင်ထားရတာ" တဲ့။

တရုတ်တွေ ပိုက်ဆံရှိရင် ဘာလုပ်တယ် ထင်လဲ။ သူတို့က စုတာ။ စုလို့ မျိုးဆက်နှစ်ဆက်၊ သုံးဆက်အတွက် လုံလောက်ပြီဆိုရင်တော့ နောက်လူတွေက ဒီထက်ပိုပြီး သုံးချင်သုံးလာကြမှာပေါ့။ ဒါပေမယ့် လာမယ့် နှစ်သုံးဆယ်၊ နှစ်လေးဆယ်အတွင်း တရုတ်တွေဟာ အမေရိကန်တွေလို အသုံးစွဲ ကြီးလာလိမ့်မယ်လို့ မထင်မိဘူး။ သူတို့က စုမယ်။ အိမ်တွေ ဆောက်မယ်။ ကြာရင် မြတ်နိုးတဲ့ပစ္စည်းတွေ ဝယ်ထားမယ်။ သူတို့က သုံးတော့ သုံးမယ်။ ဒါပေမယ့် တကယ် လိုအပ်မှ သုံးမှာ။ ဒီတော့ တရုတ်ပြည်နဲ့ အိန္ဒိယဈေးကွက်ဆိုတာက တို့အတွက် အကန့်အသတ်နဲ့ပဲ ရှိတယ်။ အာဆီယံနိုင်ငံတွေမှာရှိတဲ့ တရုတ်လူမျိုးမဟုတ်တဲ့ လူမျိုးတွေက နည်းနည်း ပိုသုံးတယ်။

မလေးရှားနဲ့ အင်ဒိုနီးရှားမှာရှိတဲ့ တရုတ်လူမျိုးတွေကို ကြည့်။ သူတို့က စုပဲစုနေတာ။ ဘာ့ကြောင့် စုနေကြတာလဲ။ သူတို့သမိုင်းကို သူတို့ သိကြလို့။ ဘေးအန္တရာယ်ကြုံလာပြီဆိုရင် သူတို့ အစိုးရတွေက ဘာမှ လုပ်မပေးဘူးလေ။ ဒါ့ကြောင့်ပဲ။

စီးပွားရေး ပဉ္စလက် ( ၂ )

ဇင်ဝေသော်

Read more