နားဝင်မချို ( ၁၀ ) " ကြိုးတန်းလမ်းလျှောက် နိုင်ငံရေး "

ကျွန်ုပ်တို့ လက်ထက်၌ ပေါ်ထွက်လာသော ထူးခြားသည့် နိုင်ငံရေး ခေါင်းဆောင်များတွင် လီကွမ်းက တစ်ယောက် အပါအဝင် ဖြစ်သည်။ သူသည် အလွန် အသိဉာဏ်ကြီးမားသော ပုဂ္ဂိုလ် တစ်ယောက်လည်း ဖြစ်သည်။ သူနှင့်တွေ့တိုင်း သူနှင့် သဘောမတူ နိုင်သည် ဆိုစေဦးတော့ သူ ထံမှ ကျွန်တော် လေ့လာမှတ်သားခြင်းကိုမူ ရပ်တန့်၍ မရခဲ့ပါ။ ဤ စာအုပ်သည် အထင်ရှားဆုံး သာဓက တစ်ခု ဖြစ်သည်။
Dr Joseph S. Nye Jr,
University Distinguished Service Professor,
Harvard University, and author of The Powers to lead

မေး ။     ။ လူတွေ လက်ရှိအစိုးရကို ထောက်ခံနေတယ်။ လူတွေလက်ရှိအစိုးရကို မထောက်ခံတော့ဘူး။ ဒီအခြေအနေနှစ်ရပ်ကို အခြေခံပြီး မစ္စတာလီ ဘယ်လိုမြင်ပါသလဲ။

ဖြေ ။    ။ ဒါက ဘယ်အချိန်မှာ ဒီလိုဖြစ်လာမလဲ။ တဖြည်းဖြည်းချင်းပဲ ဖြစ်လာမလား၊ ချက်ချင်းကြီး ဖြစ်လာမလားဆိုတာနဲ့ ဆိုင်တယ်။ လက်ရှိအစိုးရရဲ့ အရည်အသွေးတွေ ကျလာမယ်။ အတိုက်အခံအစိုးရရဲ့ အရည်အသွေးတွေလည်း တက်လာမယ်။ ဒါကို ပြည်သူလူထုက သဘောပေါက်တယ်။ ဒီလို တဖြည်းဖြည်းခြင်းဖြစ်လာရင် ပြောင်းလဲသင့်တဲ့ ပြောင်းလဲမှုမို့ ပြဿနာမရှိဘူး။ ဒီလိုမဟုတ်ဘဲ ရုတ်တရက်ကြီးပြောင်းလဲမယ်ဆိုရင်တော့ နိုင်ငံလည်း ထိုးဆင်းသွားလိမ့်မယ်။

မေး ။     ။ ချက်ချင်းကြီးရော ဖြစ်လာနိုင်လို့လား။

ဖြေ ။    ။ ငါ မပြောတတ်ဘူး။ ခေါင်းဆောင်တွေ အချင်းချင်းပြိုကွဲလာနိုင်တာပဲ။ အခြေခံမူတွေကိုပဲဖြစ်ဖြစ်၊ ကိုယ်ပိုင်ယုံကြည်မှုတွေအပေါ်မှာပဲဖြစ်ဖြစ်၊ အကြီးအကျယ် သဘောထားကွဲလွဲတာတွေ ရှိလာနိုင်တာပဲ။ ၁၉၆၁- ခုတုန်းက ဒါမျိုးဖြစ်လုနီးနီး ကြုံခဲ့ရဖူးတယ်။ ဒီတော့ လာမယ့်နှစ် ၂၀၊ ၃၀၊ ၄၀ ရဲ့ အနာဂတ်ကို ကြိုပြောလို့မရဘူး။ ဥပမာ- ဘယ်မူနဲ့သွားမှ စင်ကာပူရဲ့အနာဂတ် ကောင်းနိုင်မယ်ဆိုတဲ့ အယူအဆမျိုးတွေနဲ့ ပတ်သက်ပြီး သဘောထားကွဲသွားနိုင်တယ်။ လူတစ်ယောက်ဟာ နိုင်ငံတစ်ခုရဲ့ အနာဂတ်ကို ဆယ်နှစ်ထက်ပိုပြီး ကြိုတင်ဟောကိန်းထုတ်ဖို့ သိပ်မလွယ်တာပဲ။

စတာလင်ကိုပဲ ကြည့်ကွာ။ အရှေ့ဥရောပတစ်တိုက်လုံး၊ တောင်ပိုင်း၊ အရှေ့ပိုင်းအာရှ တစ်တိုက်လုံး သိမ်းယူတယ်။ တရုတ်လက်အောက်မှာရှိနေတဲ့ မွန်ဂိုလီယားပါ ပါတယ်။ အဲဒါ ၁၉၄၅- ခုက။ သူသေသွားတယ်။ ဒီစနစ်ကြီးတစ်ခုလုံး ဂေါ့ဘားချော့ လက်ထဲရောက် သွားတယ်။ သူက အဲဒီတော်လှန်ရေးကြီးကို မကျော်နိုင်ခဲ့ဘူး။

တိန်ရှောင့်ဖိန်ကိုကြည့်။ သူက တော်လှန်ရေးကို ကျော်နိုင်ခဲ့တယ်။ တရုတ်ပြည်ပြိုကွဲ သွားရင် ကိစ္စလည်းပြီးရောပဲ။ ဒါကို သူသဘောပေါက်တယ်။ Tiananmen အရေးအခင်းဖြစ်တော့ ဒီကျောင်းသားတွေကို မောင်းထုတ်၊ မရရင် ပစ်လို့ပြောခဲ့တာ။ အဲဒီတုန်းက ကျောင်းသားတွေ အရေးအခင်းမှာနိုင်သွားပြီဆိုရင် ဒီနေ့ တရုတ်ပြည်ဖြစ် လာနိုင်မလား။

အခု ငါပြောနိုင်တာကတော့ လာမည့်(၁၀) နှစ်မှာ စင်ကာပူ ပြဿနာမရှိနိုင်သေးဘူး။ ဒါမျိုးကို ကောင်းကောင်းထိန်းထားနိုင်တဲ့ စွမ်းရည်ပြည့်အဖွဲ့ရှိနေလို့။ နောက် ၁၅- နှစ်၊ နှစ် ၂၀၊ ၃၀ မှာ ဒီလိုမာတဲ့အဖွဲ့မျိုး ဆက်ရှိနိုင်မလားဆိုတာအပေါ် အခြေခံတယ်။ အဖွဲ့က အဖွဲ့၊ ခေါင်းဆောင်လည်းလိုတယ်။ လူထုနဲ့ ဆက်သွယ်၊ လူထုကို စည်းရုံးရင်းမောင်းနှင်၊ ဒါလောက်နဲ့ မရသေးဘူး။ လူထုယုံကြည်ကိုးစားတဲ့လူလည်း လိုတယ်။ ဒါကြောင့် မိန့်ခွန်းတွေ ငါလျှော့ပြောနေတာ။ ဒီကွက်လပ်ကို နောက်လူတွေ ဖြည့်စေချင်လို့။

မေး ။     ။ မထင်မှတ်ဘဲ အစိုးရပြိုကွဲသွားရင် ယာယီဝင်ထိန်းပေးနိုင်ဖို့ နိုင်ငံတော်သမ္မတကို ရွေးချယ်တင်မြှောက်တာလား။

ဖြေ ။    ။ အတိအကျပဲ။ ပီအေပီ ရှုံးသွားခဲ့ရင်တောင်မှ စင်ကာပူအတွက် တစ်ခုခုကျန်နေရစ်စေဖို့။ ဆိုပါတော့ ရုတ်တရက်ကြီး ထာဝရအတွင်းရေးမှူးတွေကို ပြောင်းမယ်။ စစ်တပ်အရာရှိကြီးတွေကို ပြောင်းမယ်။ ရဲအရာရှိတွေကို ပြောင်းမယ်။ ဘုတ်အဖွဲ့ ခေါင်းဆောင်တွေကို ပြောင်းမယ်ဆိုရင် စနစ်ကြီးတစ်ခုလုံး ပြိုလဲသွားမှာပေါ့။ သမ္မတက ဒါမျိုးကို ငါးနှစ်အထိ ထိန်းထားနိုင်တယ်။ သိပ်ပါးနပ်မယ်ဆိုရင် ဒုတိယသက်တမ်းပါ နိုင်အောင်လုပ်၊ ဒါဆို ပေါ်လစီကို ပြောင်းလဲလို့ရတယ်။ ပထမသက်တမ်းငါးနှစ်မှာတော့ မရနိုင်ဘူး။

သမ္မတက ဒါမျိုးကိစ္စကို ငါးနှစ်အထိ ထိန်းထားနိုင်တယ်ဆိုတော့ စင်ကာပူဟာ ငါးနှစ်အတွင်း ရုတ်တရက်ကြီး ထိုးကျမသွားနိုင်ဘူး။ အနည်းဆုံးဆယ်နှစ်အထိ ခံမယ်။ ဒီလိုမှ မလုပ်ရင် ပထမရွေးကောက်ပွဲသက်တမ်း ငါးနှစ်အတွင်းမှာ အခြေမကျ ကမောက်ကမ ဖြစ်သွားနိုင်တယ်။ အဲဒါမျိုး စင်ကာပူက လက်မခံနိုင်ဘူး။

မေး ။     ။ ဒါဆို တော်တော်ဂရုစိုက်ရမယ့် အနေအထားပဲ။ ဒီထက်ပိုပြီး အားကောင်းလာစရာ ရှိနိုင်မလား။

ဖြေ ။    ။ မင်းအခြေခံဥပဒေကိုသိတဲ့ ရှေ့နေတွေကို မေးကြည့်ပါလား။ ရွေးချယ် တင်မြှောက်ခံရတဲ့ အစိုးရကို အခြေခံဥပဒေ ဘာမှမပြင်ဆင်ရဘူးလို့ တားမြစ်ထားသလားလို့။ တကယ်လို့ သူတို့က မဲသုံးပုံနှစ်ပုံကို ရမယ်ဆိုရင် သူတို့လုပ်နိုင်ခွင့် တစ်ချို့ရှိတယ်။ ရက်ဖရင်ဒန်ကို အခြေခံပြီး သူတို့ကို တစ်ချို့ကိစ္စတွေကို တားမြစ်ထားနိုင်တယ်။ ဒါပေမယ့် သူတို့က ဒုတိယသက်တမ်းအထိ မြဲအောင်စွမ်းဆောင်နိုင်ရင် တစ်ချို့ဥပဒေတွေကို သူတို့ပြောင်းလဲပစ်နိုင်တယ်။

တို့က အခြေခံဥပဒေကို ပြောင်းလဲပြင်ဆင်ခွင့်ပြုမထားရင် တော်လှန်ရေးဖြစ် လာလိမ့်မယ်။ ငါလန်ဒန်မှာနေတုန်းက Harold Laski ( နိုင်ငံရေးပညာရှင်၊ လေဘာပါတီခေါင်းဆောင်) ရဲ့ မိန့်ခွန်းကို နားထောင်ပြီး လေ့လာခဲ့ရတာ တစ်ခုရှိတယ်။ သူကပြောတယ်၊ ဦးနှောက်နဲ့ တော်လှန်ရေးလုပ်မလားတဲ့။ အဲဒီအချိန်တုန်းက လေဘာပါတီက အပြောင်းအလဲတွေလုပ်ဖို့ အားယူနေတုန်းပဲ။ ဒါမှမဟုတ်ရင် အကြမ်းဖက်တော်လှန်ရေး ဖြစ်သွားလိမ့်မယ်တဲ့။

တရုတ်နဲ့ အိန္ဒိယကို နှိုင်းယှဉ်ကြည့်ပေါ့။ နှစ်နိုင်ငံလုံး အစွန်းရောက်နေတယ်။ တရုတ်ပြည်က ကွန်မြူနစ်ပါတီ အာဏာကို လက်လွတ်ခံမယ်လို့ မမြင်မိဘူး။ သူတို့ကိုယ်တိုင် ပေါ်လစီပြောင်းတာ၊ မျိုးဆက်သစ်အမြင်သစ်ရှိသူတွေ ပါတီထဲမှာပါလာပြီး သူတို့ကိုယ်တိုင်က ပြောင်းလဲတာကလွဲရင်ပေါ့။ တရုတ်ပြည်မှာ တော်လှန်ရေးကြောင့် နိုင်ငံရေးပြောင်းလဲတာ မရှိဖူးဘူး။ တိန်ရှောင့်ဖိန်က နိုင်ငံရေးအပြောင်းအလဲ၊ ခေါင်းဆောင်အပြောင်းအလဲကို သူကိုယ်တိုင်ပုံဖော်ကြိုးစားခဲ့တယ်။ တရုတ်ပြည်မှာ ဒါမျိုးဖြစ်လေ့ဖြစ်ထမရှိဘူး။ ဒါကြောင့်ပဲ ရုရှားမှာလို မရိုးသားမှုတွေနဲ့ အကြမ်းဖက်တော်လှန်ကူးပြောင်းရေး ဖြစ်သွားတယ်။ လက်ရှိဖြစ်ပျက်နေတာတွေကိုကြည့်ရင် အခြေခံဥပဒေမူကြမ်းနဲ့ပဲဖြစ်ဖြစ်၊ ရွေးကောက်ပွဲ စနစ်နဲ့ပဲဖြစ်ဖြစ် အာဏာကို လက်လွတ်ခံလိမ့်မယ်လို့ မမြင်မိဘူး။

အိန္ဒိယက နောက်ထပ်အစွန်းတစ်ခု။ သဘောမတူတဲ့ ပြည်နယ်တိုင်းကို သူတို့သဘောကျ စီမံကြဖို့ ခွင့်ပြုထားတယ်။ ပြည်နယ်တွေရဲ့နယ်ခြားစည်းဆိုရင်လည်း အင်္ဂလိပ်အစိုးရ လက်ထက်ကတည်းက ဘာသာစကားတူတဲ့လူတွေ ပေါင်းစည်းမိအောင်ဆိုပြီး အမြဲတမ်း ရွှေ့ပြောင်းစည်းခြားခဲ့ကြတယ်။ အဲသလိုမှ မလုပ်ဘူးဆိုရင်လည်း အိန္ဒိယကွဲထွက်သွားမယ်။

သူတို့က အစွန်းနှစ်ဖက်ပဲ။ ငါတို့ စင်ကာပူက ဒီကြားထဲမှာလို့ ငါထင်တယ်။ ဒါကြောင့် ငါတို့နိုင်ငံရေးဟာ အခြေခံဥပဒေမူကြမ်းအားဖြင့်ဖြစ်စေ၊ ရွေးကောက်တင်မြှောက်တဲ့ စနစ်အားဖြင့်ဖြစ်စေ ပြောင်းလဲယူလို့ရတယ်။

လူထုကို စည်းရုံးနိုင်ရင်ပြောင်းလဲလို့ရတယ်ဆိုတဲ့နောက် ဘာကြောင့်လမ်းပေါ်ထွက် ဆန္ဒပြနေကြတော့မှာလဲ။ မင်းအယူအဆမှန်တယ်လို့ထင်ရင် အစိုးရကလည်း မတားပါဘူး။ လက်ကမ်းစာစောင်တွေ ရိုက်ပြီးဝေ၊ အဆောက်အဦးတွင်း အစည်းအဝေးတွေလုပ်ပေါ့။ အစိုးရက ဒါမျိုးတွေကို မတားပါဘူး။

မေး ။     ။ စင်ကာပူအတွက် အစိုးရိမ်ဆုံးအချက်က ဘာပါလဲ။

ဖြေ ။    ။ ခေါင်းဆောင်မှုနဲ့ လူထုရဲ့အမြင်၊ လူထုအမြင်ဆိုတာ လက်ရှိအစိုးရ ရင်ဆိုင်နေရတဲ့ အကျပ်အတည်းကို နားလည်သဘောပေါက်မှုလွဲတာကို ပြောတာ။ လူနည်းစု အလွန် ညီညွတ်တယ်။ ယှဉ်ပြိုင်ဖို့ အားသန်တယ်။ အပြည်ပြည်ဆိုင်ရာ ယုံကြည်မှု အပြည့်အဝ ရှိတယ်။ နိုင်ငံကြီးတွေနဲ့ ဆက်ဆံရာမှာ အရည်အသွေးပြည့်မီတယ်။

ဒီလူစုလေးဆုံးရှုံးရင် ငါတို့ကျရှုံးမှာပဲ။ တို့နိုင်ငံ ချက်ချင်းထိုးဆင်းသွားနိုင်တယ်။

နားဝင်မချိုတဲ့ အမှန်တရားတချို့ ( ၁ )
နားဝင်မချိုတဲ့ အမှန်တရားတချို့ ( ၂ )
နားဝင်မချို ( ၃ ) "စင်ကာပူ ( သို့ ) ရွှံ့မြေပေါ်ဆောက်တဲ့ အထပ် ( ၈၀ ) တိုက်တစ်လုံး"
နားဝင်မချို (၄) "စင်ကာပူရဲ့ လားရာ"
နားဝင်မချို (၅) "မရှိမဖြစ်ဒီမိုကရေစီလား"
နားဝင်မချို (၆) "Let’s live and let live"
နားဝင်မချို (၇) " စံ "
နားဝင်မချို (၈) "လူတော်တွေနှင့် အားနည်းချက်"
နားဝင်မချို ( ၉ ) "တတိယ ဂျင်နရေးရှင်း နဲ့ စိတ်ဓာတ်ပြင်ဆင်မှု"

ဇင်ဝေသော်

Read more

နားဝင်မချို ( ၉ ) "တတိယ ဂျင်နရေးရှင်း နဲ့ စိတ်ဓာတ်ပြင်ဆင်မှု"

လီကွမ်ယု၏ ၃၂ နာရီကြာ အင်တာဗျူး စာအုပ်သည် နယ်ပယ်ပေါင်များစွာကို မေး ဖြေခဲ့ကြသည့်အလျှောက် အရောင်အသွေး တို့ကလည်း စုံလှသည်။ ဤစာအုပ်ကြောင့်ပင် ကျွန်ုပ်တို့ အမေရိကန်တွေအားလုံး သိခဲ့ရသည့် အချက် တစ်ချက်ရှိခဲ့သည်။ ယင်းကား ထူးခြားသော ဤ နိုင်ငံခေါင်းဆောင် တစ်ယောက်သည် ဗြိတိသျှကိုလိုနီတို့၏ လုယက်မှုကို ခံခဲ့ရသော၊ ဒုတိယ ကမ္ဘာ စစ်အတွင်း ဂျပန်တို့ နှိပ်စက်မှု မျိုးစုံကို လည်စင်းပေးခဲ့ရသော၊ သေးမွှားလှသော နိုင်ငံ တစ်ခုကို ကမ္ဘာ့ထိပ်တန်း နိုင်ငံ တစ် နိုင်ငံဖြစ်အောင် ဘယ်မျှ ကြိုးစားခဲ့သည် ဆိုသော အချက်ပင် ဖြစ်သည်။

ဟားဘတ် တက္ကသိုလ်ကို လက်ချာပေးဖို့ သူ ရောက်လာခဲ့သည့် အချိန်မှ စ၍ လီကွမ်ယုနှင့် သိကျွမ်းခဲ့သည်၊ ယခုဆို ၄၅ နှစ်ပင် ကျော်ခဲ့လေပြီ။ သူ့အပေါ် ကျွန်ုပ်ထားရှိသည့် လေးစားမှုက ကြီးလှသည်။ ရာစုဝက်အတွင်း ပေါ်ထွက်သည့် အနာဂတ်ကို ကြိုမြင်နိုင်သော၊ အခြေအနေကို အမှန်အတိုင်း သုံးသပ်နိုင်သော ထိပ်တန်း အမျိုးသား ခေါင်းဆောင်များတွင် သူက အထင်ကရ တစ်ဦး ဖြစ်နေသည်။ သူ့ မျက်စေ့ နှစ်လုံးက အနာဂတ်ကို ကြည့်နေဆဲ ဖြစ်ပြီး စင်ကာပူ၏ အခက်အခဲကို မျက်မြင်ကိုယ်တွေ့ မကြုံခဲ့ရသော၊ အနာဂတ်၌ ခေါင်းဆောင် လူငယ်တို့ကို ဤ အင်တာဗျူးဖြင့် သူ ရွေးချယ်ခဲ့ရပြီး အနာဂတ်၌ ကြုံတွေ့လာနိုင်စရာလည်းရှိသော ခရောင်းလမ်းကို ခပ်စပ်စပ် လက်တို့ ပြောသွားသည်။ ထို သင်္ခန်းစာတို့သည် စင်ကာပူ အတွက်သာ မက နိုင်ငံအားလုံးအတွက် လေ့လာစရာများ ဖြစ်ပြီး ဤ စာအုပ်သည်လည်း ကမ္ဘာ့နိုင်ငံရေး သမားများ အပေါ် တလင်းလက်လက် ရှိနေပေလိမ့်မည်။
Dr. Henry A. Kissinger, US Secretary of State, 1973-1977

မေး ။     ။ မလေးရှားမှာဖြစ်ခဲ့တဲ့ နိုင်ငံရေးအပြောင်းအလဲကို နိုင်ငံတော်ပြုပြင် တည်ဆောက်ရေး အပြောင်းအလဲ တစ်ခုအနေနဲ့ မစ္စတာလီ ပြောခဲ့တယ်နော်။ ဒီပြောင်းလဲမှုရဲ့ အကြောင်းတစ်ရပ်က လူငယ်ထုက အတိုက်အခံပါတီကို မဲပေးနေကြတာပဲ။ တကမ္ဘာလုံးမှာရှိတဲ့ လူငယ်ထုအားလုံးက အပြောင်းအလဲကို လိုလားနေကြတယ်။ ဒီလို အပြောင်းအလဲ စင်ကာပူမှာဖြစ်လာဖို့ မမြင်မိဘူးလား။

ဖြေ ။    ။ စင်ကာပူမှာ ဘာအတွက်ပြောင်းလဲကြမှာလဲ။ အပြောင်းအလဲဆိုတာ အချိန်နဲ့ တပြေးညီရောက်လာတယ်။ ယုံကြည်စိတ်ချလောက်တဲ့ နောက်ထပ်ရွေးချယ်စရာရှိရင်တော့ ကောင်းတာပေါ့။ အနောက်က ပြန်ရောက်လာတဲ့လူတွေရှိတယ်။ သူတို့စာတွေ ငါဖတ်ဖြစ်ပါတယ်။ သူတို့ကဆိုတယ် “ဝန်ကြီးတွေကို ဒီလောက်အများကြီး လစာတွေပေးနေ ရတယ်လို့၊ အဓိပ္ပါယ်မရှိ” ဆိုတာမျိုးတွေ။ နောက်တော့ သူတို့လည်း ငြိမ်သွားကြတယ်။ ဘာ့ကြောင့်လဲ။ ဒါတွေက ကိုယ်ရေးကိုယ်တာနဲ့ ဆိုင်နေတာတွေမို့ပဲ။ ဆိုပါတော့။ ဝန်ကြီးတစ်ယောက် သူ့မိသားစုကို စတေး၊ သူ့ဘဝကို စတေးပြီး နှစ်ပေါင်း ၂၀- ကျော်ကြာအောင် အလုပ်လုပ်ပေးလိမ့်မယ်လို့ မျှော်လင့်လို့ရမလား။ သူတို့ကိုယ်သူတို့ အနစ်နာခံတာက ဟုတ်တယ်။ သူတို့မှာ မိသားစုတွေရှိသေးတယ်။ မိသားစုကို ထောက်ပံ့ကြရဦးမယ်။ တို့လက်တွေ့ကျကျ စဉ်းစားရမယ်။ တို့ အခုနေနေတာက အရင်ကနဲ့ မတူဘူး။ ငါတို့မျိုးဆက်ကလို ဝန်ကြီးတွေ ဒီနေ့ ထပ်မွေးထုတ်လို့ မရနိုင်တော့ဘူး။

မေး ။     ။ တစ်ချိန်ချိန်မှာ လူထုက လက်ရှိအစိုးရကို ငြီးငွေ့လာမယ်လို့ စောစောပိုင်းက ပြောခဲ့တယ်နော်။ အဲဒါ ဘာကိုဆိုလိုတာပါလဲ။

ဖြေ ။    ။ လက်ရှိအစိုးရက အရည်အသွေးကျသွားလို့ပဲဖြစ်ဖြစ်၊ အတိုက်အခံပါတီက တက်လာလို့ပဲဖြစ်ဖြစ် အစိုးရသစ်ကို စမ်းကြည့်ကြရအောင်လို့ လူထုကပြောလာတဲ့အချိန်မျိုး ရောက်လာမယ်လေ။

ဂျပန်မှာဆိုရင် လစ်ဘရယ်ဒီမိုကရက်တစ်ပါတီက ၁၉၅၀- ခုနှစ်ကစပြီး ရှိနေခဲ့တယ်။ ၁၉၅၅- ခုကျော်တဲ့အထိခံမယ်လို့ ငါထင်ခဲ့တယ်။ ဒါပေမယ့် သူတို့ တစိတ်တပိုင်း ပြိုကွဲသွားကြတယ်။ အဲဒါ အတွေးအခေါ်ဟောင်းတွေကို သူတို့ယူလာခဲ့ကြလို့။

ဘယ်စနစ်မှ ထာဝရမခံဘူး။ ဒါသေချာတယ်။ လာမည့် ၁၀- နှစ်၊ အနှစ် ၂၀- မှာ ဒါမျိုး စင်ကာပူမှာဖြစ်လိမ့်မယ်လို့ ငါတော့မထင်မိဘူး။ ကျော်သွားရင်တော့ ငါလည်းမပြောတတ်ဘူး။ အရည်အသွေးလည်းရှိ၊ အနစ်နာလည်းခံ၊ လူထုနဲ့လည်း တသားတည်းဖြစ်နေနိုင်တဲ့လူတွေ အမြဲတမ်းရှိနေနိုင်ပါ့မလား။ မျှော်တော့ မျှော်လင့်မိတယ်။ ဖြစ်၊ မဖြစ် မသိဘူး။

ငါမြင်တာကတော့ ငါတို့မြေးတွေရဲ့လက်ထက်မှာ အပြောင်းအလဲဖြစ်လိမ့်မယ်။ မျိုးဆက်တိုင်းမှာ တန်ဖိုးနဲ့ စိတ်ဓာတ်တွေ ပြောင်းလဲနေတယ်။ ငါ့အဘိုးလို၊ ငါ့ဦးလေးလို ငါတော့ တစ်သက်လုံးလူထုအလုပ်တွေ လုပ်မသွားနိုင်ပါဘူးဆိုတဲ့ အမြင်တွေရှိလာလိမ့်မယ်။ မဖြစ်နိုင်စရာ အကြောင်းမရှိဘူး။ အရာခပ်သိမ်းက ပြောင်းလဲနေတယ်။ ဒါဆို နောက်တစ်ယောက်ကို အခွင့်အရေးပေးလိုက်ပေါ့။ ဒါဖြင့် အဲဒီနောက်တစ်ယောက်က ဘယ်သူလဲ။ အထက်ကပြောခဲ့သလို လူတော်တွေ တို့မှာရှိပြီလား။ သိပ်မရှိဘူး။

ဒါကြောင့် လာမည့်နှစ်(၃၀) ရဲ့ အနာဂတ်ကို ငါမဖတ်တတ်ဘူးပြောတာ။ ဆိုပါတော့ ဒီပါတီကွဲသွားတယ်။ တချို့နိုင်ငံရေးကနေ ထွက်သွားမယ်။ တချို့ပြန်ဝင်လာပြီး အစိုးရဝင်လုပ်တယ်။ ဒါမျိုးတွေပေါ့။

မေး ။     ။ လူငယ်မျိုးဆက်သစ်တွေ နိုင်ငံရေးထဲဝင်လာဖို့ မလိုဘူးလို့ သူတို့ကိုယ်သူတို့ ခံစားနေရတာဟာ ကျွန်တော်တို့က စိတ်ကြိုက်သူတို့ကို ဒီလိုဖြစ်အောင် လေ့ကျင့် ထိန်းကျောင်း ပေးခဲ့လို့လား။ ဒါမှမဟုတ် တိုက်ဆိုင်မှုလား။

ဖြေ ။    ။ လူ့အဖွဲ့အစည်း တစ်ခုလုံးအနေနဲ့ ပြောင်းလဲတတ်တာ။ ဆိုပါတော့၊ ငါ့သားနဲ့ သမီးရဲ့ ကလေးတွေလက်ထက်မှာ ဒါတွေဖြစ်လာမှာ။ ဟားဗတ်မှာနေရင်း ရင်းနှီးခဲ့ရတဲ့ Eloit က ဆရာကြီးပြောတာကို သတိရမိတယ်။ သုံးနှစ်ပြည့်တိုင်း သူတို့မျိုးဆက်သစ်တစ်ခုရတယ်တဲ့။ စိတ်ဓာတ်တွေ ပြောင်းလဲတတ်တယ်တဲ့။ အမေရိကကတော့ အပြောင်းအလဲမြန်တဲ့ နေရာလေ။ စင်ကာပူမှာတော့ ဆယ်နှစ်တိုင်းမှာ မျိုးဆက်တစ်ဆက်ပြောင်းတယ်လို့ ဆိုရမယ်။

လူတွေက သူတို့ကြုံတွေ့နေရတာကိုပဲ အခြေခံမူအနေနဲ့ သုံးသပ်ကြတာ။ နောက်ဆယ်နှစ်ဆိုပါတော့ကွာ၊ မရီနာပရော့ဂျက်လည်း ပြီးပြီ။ ကာစီနို၊ ရေမြောင်း ဆက်သွယ်ရေးတွေလည်း အားလုံးပြီးစီးနေပြီ။ အဲဒီအချိန်မှာ ဘွဲ့ရတဲ့ကလေးတွေက ဒါတွေဟာ သူတို့ရပိုင်ခွင့်လို့ ထင်နေကြပြီ။ ဘယ်လောက်ကြိုးစားခဲ့ရတယ်ဆိုတာ သူတို့ သဘောမပေါက်နိုင်တော့ဘူး။

မေး ။     ။ ပတ်ဝန်းကျင်သန့်ရှင်းမှု၊ အကျင့်မပျက်တဲ့ အစိုးရ၊ လူမျိုးပေါင်းစုံ စုပေါင်းနေထိုင်ခြင်း၊ စတဲ့တန်ဖိုးတွေ စင်ကာပူမှာရှိနေပြီလို့ဆိုရင် မရနိုင်ဘူးလား။

ဖြေ ။    ။ ဒါက ဘယ်လောက်ခိုင်မာနေလို့လဲ။ အမေရိကကိုကြည့် သူတို့ စစ်ပွဲကြီးနှစ်ပွဲ ဝင်ခဲ့ရတယ်။ ပထမကမ္ဘာစစ်မှာ လူမည်းတွေက လူဖြူတွေရဲ့ ပစ္စည်းသယ်ပိုးသူတွေ၊ ဒုတိယကမ္ဘာစစ်ပွဲမှာ လူဖြူလူမည်း အတူလက်တွဲပြီး တိုက်ခဲ့ကြတယ်။ စစ်ပြီးတော့ အိမ်ပြန်ကြတယ်။ လူမည်းတွေက ဆင်းရဲသားဆင်ခြေဖုံးကိုပြန်ရောက်၊ လူဖြူတွေက မြို့ပြကြီးတွေမှာ ပြန်ရောက်။ ဒီအခြေအနေကနေ ဘယ်လောက်များ တိုးတက်လာနေလို့လဲ။

မေး ။     ။ လတ်တလော နိုင်ငံရေးစနစ်ကိုကြည့်ပြီး နိုင်ငံရေးအားပြိုင်မှုအပေါ်မှာ ကျေနပ်အားရမှုရှိပါသလား။

ဖြေ ။    ။ ပညာတတ်အုပ်စုတစ်ခုလောက် အတိုက်အခံအနေနဲ့ရှိနေရင် ကျေနပ်စရာပါပဲ။ အခုတို့မှာ NMP အဖွဲ့ရှိတယ်။ သူတို့ပြောတာတွေက အတိုက်အခံပါတီပြောတာထက် ပိုအဓိပ္ပါယ်ရှိတယ်။ သူတို့ နိုင်ငံရေးထဲဝင်လာမလား။ မဝင်ဘူး။ သူတို့က ခေါင်းရှိတယ်။ ဗဟုသုတရှိတယ်။ နိုင်ငံရေးလို ခရီးကြမ်းကို သူတို့မလျှောက်ဘူး။

မေး ။     ။ တော်တော်များများ ပြောကြတာကတော့ ပီအေပီက ခြိမ်းတာခြောက်တာ ခံကြရတယ်တဲ့။ ဖြိုခွဲခံရမှာစတာတွေကို သူတို့ကြောက်ကြတာ။

ဖြေ ။    ။ မဟုတ်ပါဘူး။ မင်းကော ခြိမ်းခြောက်တာ ခံနေရလို့လား။

မေး ။     ။ ဒီမေးခွန်းကို မေးနေမှတော့ ကျွန်တော်ကိုယ်တိုင်တော့ ခြိမ်းတာခြောက်တာ မခံရဘူးပေါ့။ လူတွေနဲ့ အင်တာဗျူးတိုင်း သူတို့ကြောက်နေကြတယ်ဆိုတာကတော့ ထင်ရှားတဲ့ သာဓကပဲ။ သူတို့ ဖွင့်ပြောကြတယ်။ ဒီအတွေးအခေါ်က ပညာရှင်တွေကြားထဲ မှာတောင် စိမ့်ဝင်နေတယ်။

ဖြေ ။    ။ ဒါကို ဘာလို့ယုံနေရတာလဲ။ မိန်းမလျာအခွင့်အရေးမှာ ရှေ့ကရပ်လာတဲ့ Seiw Kum Hong ရှိတယ်။ သူ့ကို မခြောက်လှန့်ခဲ့ပါဘူး။ သူအလုပ်သမားပါတီနဲ့ပေါင်းမလား။ တို့မတားပါဘူး။ သူ တို့ကို လာစရင် တို့က သူ့ကိုပြန်ချမယ်။ ဒါက နိုင်ငံရေးပဲလေ။ မင်းက ဒါကို ခြိမ်းခြောက်တာလို့ ပြောချင်တာလား။ ကောင်းပြီ။ G. W. Bush ဆိုရင် ခြိမ်းခြောက်မှုတွေထဲက ထွက်လာတာပဲ။ ပထမ Al Gore ၊ ဒုတိယ John Kerry ။ ဂျွန်ကယ်ရီနဲ့ အယ်ဂိုးတို့က သူ့ထက်ခေါင်းပိုကောင်းတယ်။ ဒါပေမယ့် ဘု(ရ်ှ) က Karl Rove ဆိုတဲ့ အကြံပေးကောင်းရှိတယ်။ ဒါနဲ့ သူ့တက်လာတာ။ (Karl Rove – Political Strategist and former top aide to President George .W . Bush)

နားဝင်မချိုတဲ့ အမှန်တရားတချို့ ( ၁ )
နားဝင်မချိုတဲ့ အမှန်တရားတချို့ ( ၂ )
နားဝင်မချို ( ၃ ) "စင်ကာပူ ( သို့ ) ရွှံ့မြေပေါ်ဆောက်တဲ့ အထပ် ( ၈၀ ) တိုက်တစ်လုံး"
နားဝင်မချို (၄) "စင်ကာပူရဲ့ လားရာ"
နားဝင်မချို (၅) "မရှိမဖြစ်ဒီမိုကရေစီလား"
နားဝင်မချို (၆) "Let’s live and let live"
နားဝင်မချို (၇) " စံ "
နားဝင်မချို (၈) "လူတော်တွေနှင့် အားနည်းချက်"

ဇင်ဝေသော်

Read more

အာရှတန်ဖိုး ၃ ခု

၁။ လူ့ အကြိုက် နတ်လိုက်နိုင်ပြီ သို့သော်

မလေးရှားနိုင်ငံ ပီနန်မြို့ နားမှာရှိတဲ့ တောင်ကုန်းပေါ်က The God of Wealth နတ်ကျောင်းမှာ စတင်ခဲ့တာပါ။ လှပတဲ့ ရှုခင်းတွေကို တဝကြီး ကြည့်နိုင်ပေမယ့် ရောက်လာသူတိုင်းကတော့ ရှုခင်းတွေထက် ဂဏန်းလေးလုံး ရဖို့ပဲ စိတ် ဝင်စားကြပါသတဲ့။ လာတဲ့လူဦးရေ များတာရယ် ရောက်လာသူတိုင်းကလည်း ဂဏန်းလေးလုံးပဲ တောင်းတာရယ်ကြောင့် ကျောင်းထဲက နတ်က လူ့အလိုကို မလိုက်နိုင်တော့ပါဘူး။ ဒါ့ကြောင့် ဉာဏ်ကြီးတဲ့ ဂေါပက ဥက္ကဋ္ဌက နတ်ရုပ်အောက်မှာ ဂဏန်းလေးလုံး ခလုပ်နှိပ်တိုင်း ရနိုင်တဲ့ ( Computerize )လျှပ်စစ် ပစ္စည်းလေး ထည့်ပေးထားလိုက်ပါတယ်။ နတ်ကို ကန်တော့၊ ပြီးရင် ခလုတ်ကိုနှိပ်၊ ဂဏန်း လေးလုံးရ။ မလေးတရုတ်တွေ တော်တော် သဘောကျ ကြတယ်လို့ သိရပါတယ်။ ဒါ့ကြောင့် လူ့ အကြိုက် နတ်လိုက်နိုင်ပြီ သို့သော် အိုင်တီ အကူအညီ နဲ့ လို့ ဆိုရမှာပါ။

၂။ အိန္ဒိယအကြိုက် ဖီဖာ ( ကမ္ဘာ့ဘောလုံး အဖွဲ့ချုပ် ) မလိုက်နိုင်

၁၉၅၀ ခု ဝန်းကျင် ကမ္ဘာ့ဖလားဘောလုံးပွဲတွေ စတင် စ တုန်းကပါ။ ဘောလုံးပွဲတွေ ဒီလောက် ခေတ် မစားသေးသလို နိုင်ငံတွေကလည်း ၀င်ပြိုင်ဖို့ စိတ် မဝင်စားကြသေးပါဘူး။ အဲဒီတော့ ဗြိတိရှ ငယ်မွေးခြံပေါက် အိန္ဒိယကို ကမ္ဘာ့ဖလားဘောလုံး ပြိုင်ပွဲ ဝင်ရောက် ၀င်ပြိုင်ဖို့ ဖီဖာက ဖိတ်ကြားခဲ့ပါတယ်။ ဒါပေမယ့် အိန္ဒိယက တောင်းဆိုတာကို မလိုက်လျောနိုင်လို့ ဖီဖာ လက်လျော့ခဲရပါတယ်။ အိန္ဒိယတောင်းဆိုတာက တကယ်တော့ လွယ်လွယ်လေးပါ။ " ဘောလုံးကန်စဉ် ဘယ် အသင်းမှ ဘောကန် ဖိနပ် မစီးရ၊ မဇ္ဈိမသားတို့လို ခြေ ဗလာ ဖြင့်သာ ကစားရမည် " တဲ့။ ( ရွှေဓူဝံ ကလည်း လက်အိပ်ကြီးတွေ မပါဘဲ လက်ဝှေ့ထိုးဖို့ ဂျမနီ မှာ စိန်ခေါ်ခဲ့ပါသေးတယ်၊ တစ် ကမ္ဘာလုံး ကြောက်လို့ ဘာသံမှ မထွက်ခဲ့ပါဘူး )

၃။ လူ့အကြိုက် ပန်းပုဆရာလိုက်နိုင် သို့သော်

ဒါကိုတော့ မန္တလေး၊ ရတနာပူရ မြို့တော် မန္တလေးတောင်ခြေ ဘိုးဘိုး ကြီးဆီကို ပြန်သွားရပါမယ်။ ဉာဏ် အမြော်အမြင်ကြီးတဲ့ လူရည်လည် တစ်ယောက်က တောင်ခြေမှာ လူတွေ ကိုးကွယ်ဖို့ ဘိုးတော်ရုပ် တစ်ရုပ်လောက်ရှိရင် ဘစ်စနစ် အိုကေ လောက်တယ် ဆိုပြီး နာမည်ကြီး ပန်းပုဆရာထံ သွားပြီး ဘိုးဘိုး ကြီး ရုပ်တု ထုပေးဖို့ အပ်ပါတယ်။ ဘိုးဘိုး ကြီး ရုပ်တုက ဟုတ်ပါပြီ ဘယ်ပုံစံ ထုရမှာလည်း ဆိုတော့ နှစ်ယောက်စလုံး မြင်မှ မမြင်ဖူးကြတာ ဘယ် သိကြပါ့မလဲ။ ဒါနဲ့ အလုပ်လာအပ်တဲ့လူက ဘယ်သူနဲ့ တူတူ ဘိုးတော်ပုံ ပေါ်ရင် ပြီးတာပဲ လို့ ဖြေသတဲ့။ ကြံရာ မရတဲ့ အဆုံး ပန်းပုဆရာက သူ့ပုံကို မုတ်ဆိတ်မွှေးတပ်ပြီး ထုပေးလိုက်တော့တယ်။ အခုတော့ ကားအသစ်ဝယ်လို့ တောင်ခြေ ဘိုးဘိုး ကြီးကို မပြမိရင် ကားတိုက်မှု ဖြစ်သတဲ့။ အစပိုင်းတော့ ပန်းပုဆရာက ရယ်နေတာပေါ့။( နောက်ပိုင်းတော့ သူလည်း မရယ် နိုင်တော့ဘူး၊ သူကားဝယ်တော့ သူကိုယ်တိုင် တောင်ခြေက ဘိုးဘိုး ကြီးဆီ သွားပြခဲ့ရသေး သတဲ့။ ဒါမှ အန္တရာယ် ကင်းမှာ မဟုတ်လား။) ဟား ဟား။

( ၃ က သီဟနာဒ မိန့်တာပါ၊ မန္တလေးမြို့၊ ချမ်းသာကြီး ဆရာတော် ဦးဇောတိကာဘိဝံသ ဆီမှာ ဆန်း စာဝါ လိုက်ရင်း ဆရာတော်ရဲ့ ဩဝါဒကို မှတ်သား ခဲ့ရတာလို့ ပြောပါတယ်။ ဒါပေမယ့် ကွင်းစ ကွင်းပိတ်ထဲက စာသားကတော့ သူ ဖြည့်ထားတာ တဲ့။ ရယ်သံကတော့ သူနဲ့ ကျနော်ရယ်လိုက်လို့ ပေါင်းထွက်လာတဲ့ ကို အော်ပိုရိတ် အသံပါ )

ဇင်ဝေသော်

Read more

"စာဖတ်သူ အသံ - ပေါက်တတ်ကရ မှ ပေါက်တတ်ကရ သို့"

စာဖတ်သူ တစ်ယောက်ထံမှ  ပေါက်တတ်ကရ အင်တာဗျူး အတွက် ပေါက်တတ်ကရ ပြန်စာတစ်ဆောင် ရရှိခဲ့ပါတယ်။ နာမည်ကိုတော့ မပြောတော့ပါ၊ သူမနာမည် ခရစ္စတယ် ဖြစ်ပါတယ်။ ဖတ်ကြည့်ပါ။

နံပါတ်(၁) ကြက်ဥ အတု ထုတ်လုပ်နိုင်ပြီမှန်း မသိလို့ ကိုလံဘတ် စွန့်စားခဲ့တာပါ။

နံပါတ်(၂) လူ့အခွင်းအရေးတောင်းဆိုတဲ့ ခေတ်မဟုတ်လို့ ဝေဿန္တရာက မိဖုရားကို လှူလိုက်တာ၊ တကယ်ဆိုရင်  ဝေဿန္တရာကို မိဖုရားက လှူလိုက်ရမှာ။

နံပါတ်(၃) အမှန်တော့ ရေသည်ယောက်ျားဇာတ်လမ်းက လူသေ လူဖြစ်ဝါဒကို ပြနေတာ၊ ရေထမ်းယောက်ျားဘဝက မင်းကြီးကြွလာတာကို စိတ်စွဲပြီး သေတော့ သူလည်း ဘုရင်ဖြစ်လာတယ် ကိုင်း ဘယ်နှယ့်ရှိစ။

နံပါတ်(၄) သိပ်လွယ်တာပဲ လွယ်လွန်းတာတောင် သူ့လောက် မလွယ်ဘူး၊ ပီအာရထားပြီးသား ဘဲတစ်ဗွေကို လက်ထပ်လိုက်ရင် ပြီးရော။ ကဲ ....( တကယ်က ပန်ဒါလည်း ပီအာ ပဲလေ၊ ဘဲ အစားထိုးချင်ရင် ပြောပါတယ် )

Read more

သရဲကြီးလ နှင့် နံရံ၏ အခြားတစ်ဖက် သုတ္တန်

သရဲကြီးလ ဟူသည် တရုတ်လူမျိုးများ လူနာ ( လ ကို အခြေခံ တွက်ချက်သော ) ပြက္ခဒိန်၏ ၇ လမြောက် လ ဖြစ်သည်။ ( ယခု နှစ်အတွက် ယခု လ ဖြစ်သည် ) နံရံ၏ အခြားတစ်ဖက် သုတ္တန် ဟူသည် တိရောကုဋ္ဋ သုတ်တည်း။ ( တီရ ဟိုမှာဖက်၊ ကုဋ တံတိုင်း၊ နံရံ ) ဘုရင် ဗိမ္ဗိသာရ၏ ဆွေမျိုး ပြိတ္တာများကို အကြောင်းပြု၍ ဟောခဲ့သော သုတ် ( သို့ ) ဆာနေသော ပြိတ္တာ သရဲများ ( Hungry ghosts ) ရှိသည်ဟု ထောက်ခံထားသော သုတ်လည်း ဖြစ်သည်။

စာပေ၌ တိုက်ရိုက် မလာသော်လည်း သရဲကြီးလ ရှိနိုင်၏ ဟု ယုံကြည်လိုက ယုံကြည်လို့ရသည်၊ မယုံကြည်က မယုံဘဲလည်း နေလို့ရသည်။ သို့သော် လူ့ ဘဝ ကတည်းက ဤ ( ၇ လမြောက် သရဲကြီးလ )သညာကို စွဲစွဲ မြဲမြဲ ယူထားလျှင် သရဲ ဖြစ်ရာ၌လည်း အချိန် သိပ်မကြာသေးလျှင် ဤသညာက မပျောက်လောက်သေး ပေ။ ထို့ကြောင့် မယုတ် မလွန် ရှိတန်ရာ၏ ဟုသာ ဆိုချင်သည်။ ကိစ္စ မရှိ။ ဆွေးနွေးလိုသည်က လူမျိုးခြား သာသနာပြု ကိစ္စ ဖြစ်သည်။ သဘော မတူလျှင် ခွင့်လွှတ်ကြပါလော့။

လူမျိုးခြား သာသနာပြုဟူသည် မိမိယဉ်ကျေးမှူကို ဇွတ်အတင်း မိတ်ဆက်ခြင်းထက် သူ့ ယဉ်ကျေးမှူထဲသို့ ဘုရား အဆုံးအမ ထိုးထည့်ပေးခြင်းဖြစ်သည်။ ရှင်းရန်လိုလမ့်မည်။ လူမျိုးတိုင်း၌ ယဉ်ကျေးမှူရှိ၏၊ ထို့ကြောင့် သူတို့က ယဉ်ကျေးမှူကို မလို ဘုရား အဆုံးအမသာ လို၏။ ဤအချက်ကို သဘော ပေါက်လျှင် လူမျိုးခြား သာသနာပြုရာ၌ ပို၍ ခရီးပေါက်မည် ထင်သည်။ ( ကိုယ်တိုင်လည်း ဘာမှတော့ မဟုတ် ) ဤ၌ ပြည်ပ သာသနာပြု နှင့် လူမျိုးခြား သာသနာပြု မတူကြောင်း သတိထားသင့်သည်။ ပြည်ပ သာသနာပြု အောက်၌ ပြည်ပရောက် မြန်မာများ ပါဝင်၏။

ပုဂံ သမိုင်းကို ကြည်ရာ ရှင် အရဟံကြောင့် ထေရဝါဒ သာသနာ ရောက်သွားသော်လည်း ရှေးရိုးစွဲ နတ်၊ တန္တရ၊ မန္တရ တို့ မပျောက်ကွယ် ခဲ့။ ဘုရင် အနော်ရထာက အတင်း အကျပ် မကိုင်တွယ်သောကြောင့်ဟု သမိုင်းပညာရှင်တို့ ဆိုသည်။ သို့သော် ဘာသာရေးဆိုင်ရာ ဩဝါကများက ရှင်အရဟံ ထံမှ ရသည်၊ ရှင်အရဟံက လမ်းညွှန်လျှင် ထေရဝါဒ သာသနာအပေါ် သည်းချေခိုက်နေသော ဘုရင် အနော်ရထာက ရှင်အရဟံ၏ ဩဝါဒကို မသွေဖီ တန်ရာ။ သို့သော် ( သို့သော်တွေများနေပြီ၊ သို့သော် လိုနေ၍ သုံးဦးအံ့ ) ပညာမြင့်လာလျှင် ကိုးကွယ်မှုလည်း မြင့်လာမည် ဟု ၂၁ ရာစုဆန်ဆန် ဘုရင် အနော်ရထာသုံးသပ်ခဲ့သည်။

ဆိုလိုသည်မှာ ရှေးရိုးစွဲ အသည်းခိုက် ယဉ်ကျေးမှုတို့ကို ဒေသနာနှင့် လုံးလုံး လျားလျား မဆန့်ကျင်လျှင် သာသနာပြုတို့ ကိုယ်တိုင်ကပင် သူတို့ ယဉ်ကျေးမှုကို ဝေဖန် ပုတ်ခတ်နေမည့်အစား ဒေသနာနှင့် ညှိကာ ပို၍ အဓိပ္ပါယ်ရှိသော ယဉ်ကျေးမှုဖြစ်အောင် လမ်းညွှန်တတ်ကြသည်။ တရုတ်တို့ သရဲကြီးကိစ္စ ဆိုလျှင် အနော်ရထာ မဆိုထားနှင့် အလွန် ရက်စက်သော တရုတ်ကွန်မြူနစ်ပင် လက်မြှောက်ရသည်။ မရပါ။ ထို့ကြောင့် အနော်ရထာမှန်သည်။ လူထု နှလုံးသားထဲက အစိမ်း အကျက် နတ်တို့ကို အနော်ရထာလည်း ဆွဲမထုတ်နိုင်။ သူတို့ အသိဉာဏ်ကသာ ဆွဲထုတ် နိုင်ပေမည်။ အတုယူလိုက ယူလို့ရသည်။

တရုတ်လူမျိုးများ လူနား ပြက္ခဒိန်၏ ၇ လမြောက် လ ဖြစ်သည့် သရဲကြီးလ ကို သီဟိုဠ် ဆရာတော်ကြီး တစ်ပါးက " စုပေါင်း ရေစက်ချပွဲတော်- General Transferring of Merits " ဟု သုံးလိုက်သည်။ ဘာကိုမှ မီးရှို့ရန်မလို၊ ဘုရားဆွမ်းကပ်၊ သံဃာများကို ဆွမ်းကပ် သင်္ကန်းလှူ၊ ကောင်းမှုများ ပြု၊ ထိုထို ပြိတ္တာတို့ကို ရေစက်ချ အမျှဝေပေးကြ။ သံဃာတော်တို့က တိရောကုဋ္ဋ သုတ်ကို ရွတ်ဘတ် သရဇ္ဈာယ်တော်မူကြသည်။ တရုတ်လူမျိုးများလည်း ယဉ်ကျေးမှုကြောင့် ပျက်ရယ်ပြု မခံရ၊ လူသားများလည်း ဒေသနာနှင့်အညီ ကုသိုလ် ပြုခွင့်ရ၊ စာအုပ်ထဲမှာ လှောင်ပိတ်မိနေသော တိရောကုဋ္ဋ သုတ်လည်း သံဃာတော်တို့ နှုတ်၊ နှလုံးသားထဲရောက်၊ လူတို့လည်း ပါဠိတော် စစ်စစ် နာကြားခွင့်ရ ( ရဟန်းစီ လူစီသော ဂါထာမဟုတ်၊ ဘုရားသီခဲ့သော ဂါထာ အစစ်များ ဟု ဆိုလိုသည် )။ အလွန် ပညာပါပြီး အလွန်လည်း ကျေးဇူးများ၏။ တရုတ်မှာ၊ဂျပန်မှာ၊ အမေရိကန်မှာ၊ မြန်မာမှာ ရှေးဟောင်း ယဉ်ကျေးမှုများရှိကြ၏။ မတူကြ။ သို့သော် ဒေသနာက တူ၏။ လူမျိုးခြား သာသနာပြုဟူသည် အဆုံးအမ က ရှေ့က သွားမှ ခရီးတွင်သည်။ ယဉ်ကျေးမှုများက ရှေ့ကသွားနေလျှင် ထိုဝန်ကြောင့် ဒေသနာပင် တိုးအား လျော့သွားတော့သည်။ နိုင်ငံခြားသားများက ငါးပါးသီလပဲ ယူမည်။ ဩကာသ ကိုတော့ လိုက်ဆိုနေမည် မဟုတ် ဟူလို။

ဤစာဖြင့် ကျေးဇူရှင် ဆရာတော် မဟာဝီရ အား ဦးညွတ်ပါ၏။ တရုတ်သရဲ၊ မြန်မာသရဲ၊ သူရဲပေါင်းစုံ တိရောကုဋ္ဋ သုတ်ကို နာကြားခွင့်ရပြီး ကျွတ် လွတ်ကြပါစေ။

သီဟနာဒ

Read more