ကမ်းလက် (ဇင်ဝေသော်)က ကြားနေဝါဒလား၊ ဘယ်ပါတီကို ထောက်ခံသလဲ တဲ့။ မေးနေကြတာ ကြာပါပြီ။ အခုတလော ပိုမေးကြတယ်။
ကကြိုးလေးထွေနဲ့ အောင်ဆန်းစုကြည်ကို ဘာသာပြန်ခဲ့သလို နှီးဖျာတစ်ချပ်ရဲ့ ဗီတာမင် ရေကြည်တစ်ပေါက် (ဦးသိန်းစိန်အကြောင်း) ကိုလည်း ဘာသာပြန် ခဲ့တာပဲ ဆိုတော့ မေးချင်စရာပေါ့။
သာမန်လူတစ်ယောက်အနေနဲ့ အဖွဲ့ချုပ်ကို ထောက်ခံအားပေးပါတယ်။ မဲပေးခွင့်သာရှိရင် ကိုယ့်မဲက အဖွဲ့ချုပ်အတွက်ပဲ ဖြစ်ပါလိမ့်မယ်။
ဒါပေမဲ့ စာရေးသူ တစ်ယောက်အနေနဲ့ကတော့ (ကိုယ်တိုင်က ဘာမှ မဟုတ်ပေမဲ့) ကိုယ်တင်တဲ့ သတင်း၊ ကိုယ့်ကောက်ချက်က အတတ်နိုင်ဆုံး တရားမျှတနေဖို့ အမြဲကြိုးစားပါတယ်။
စထရိတ်တိုင်းမ်မှာ ဒေါ်စုပုံ ပါလာရင် တင်သလို ဦးသိန်းစိန်ပုံပါလာလို့ ချန်ထားတာမျိုး မရှိခဲ့ပါဘူး။ ကြိုးစားထိန်းမတ်ရင်း လွတ်ထွက်သွားတာမျိုးလည်း ရှိနိုင်ပါတယ်။
ဒေါ်စုအပေါ် အထင်ကြီးလေးစားစိတ် အများအပြားရှိသလို ဦးသိန်းစိန် ရဲ့ ကောင်းကွက် တချို့ကိုလည်း မြင်မိအောင် ကြည့်ပါတယ်။
နောက်နေ့တွေမှာ မြင်မိတာလေးတွေ ရေးပါအုံးမယ်။ ယဉ်ကျေးစွာ ကွဲလွဲနိုင်ကြပါတယ်။
Post a Comment