ဒိုင်မင်းရှင်း

 ၁။ ဘောလုံးဒိုင်မင်းရှင်း
အသက် ၄၀ ဝန်းကြင်နဲ့ အထက်က ဘောလုံးစိတ်ဝင်စားတဲ့လူတွေဆိုရင် အီတလီဘောလုံးသမား
ဒီကာနီယို ဆိုတဲ့  ဘောလုံးသမားကိုသိကြပါတယ်။ ဝက်စ် ဟမ်း အသင်းမှာကစားခဲ့တယ်။
နောက်တန်းသမားအားလုံးကို ကျော်ဖြတ်ပြီး ဂိုးသွင်းမယ်လည်းလုပ်ရော ဂိုးသမားက ဒဏ်ရာရပြီး လဲနေတယ်။
သူ့ဘာသာသူ ဒဏ်ရရာရတာပါ။ ဒီကာနီယိုနဲ့မဆိုင်ပါဘူး။ ဒါပေမယ့်ဒီကာနီယိုက ဂိုးမရှုးတော့ပဲ ဘောလုံးကို ဘေးကန်ထုတ်လိုက်တယ်။
အဲဒါနဲ့ပတ်သက်လို့ စကားသံ နှစ်သံထွက်တယ်၊
    (က) သူတော်ကောင်း၊
    (ခ)  အရူး တဲ့။

နောက်တစ်ယောက်က မန်ယူ က လူးဝစ် နာနီ။ တစ်ဖက်ဂိုးသမားနောက်မှာ သူကလဲနေတာ၊
ဒိုင်က ဂိုးသမားကို ကန်ဖို့ ခရာမှုတ်ပြီးပြီ။ဂိုးသမားက ဘောလုံးကိုတည်ပြီး ကန်ဖို့နောက်ဆုတ်အားယူတယ်။
ဒါကိုသိတဲ့ လူးဝစ် နာနီက ဂိုးသမားအရင်ဦးအောင်ယူပြီး ဂိုးသမားတည်ပေးတဲ့  ဘောလုံးနဲ့ အလွယ်တကူ ဂိုးရှုးသွားတယ်။ ဒီကိစ္စမှာလည်း စကားသံ နှစ်သံထွက်တယ်။
    (က) အချောင်သမား
    (ခ) ဥပဒေဘောင်ထဲကနေ အခွင့်အရေး ရအောင်ယူတတ်သူ တဲ့။

၂။ စီးပွားရေး ဒိုင်မင်းရှင်း
၁၉ ရာစုက မက်ကောလစ်စတာ စတဲ့ အမေရိကန်သူဌေးကြီးတွေကို မသန့်ရှင်းတဲငွေ၊
လူမည်းတွေအပေါ် ခေါင်းပုံဖြတ်ပြီးရတဲ့ငွေတွေနဲ့ ချမ်းသာသူ စသဖြင့်ပြောကြတယ်။
သူတို့က တက္ကသိုလ်တွေ၊ဆေးရုံတွေထောင်တော့လည်း ဒီအပြစ်တွေကျေအောင် လုပ်နေတာလို့ ဆိုကြပြန်တယ်။ သူ့တုိ့ကို
    (က)တစ်ချို့ကအက်သစ်ကယ် မဖြစ်တဲ့နည်း သူဌေးဖြစ်လာသူ လို့ဆိုကြတယ်၊
    (ခ)တစ်ချို့က စီးပွားရေး လာဘ်မြင်သူ တဲ့။

၂၀၊၂၁ ရာစုရောက်ပြန်တော့ ဘီးလ်ဂိတ်တို့လို လူတွေကိုပဲ
    (က)အက်သစ်ကယ် မဖြစ်တဲ့နည်း သူဌေးဖြစ်လာကြသူတွေ လို့ဆိုကြပြန်တယ်၊
    (ခ )တစ်ချို့ကတော့ စီးပွားရေး လာဘ်မြင်သူ တဲ့။

၃။ နိုင်ငံရေး ဒိုင်မင်းရှင်း
မြန်မာပြည်မှာ ဦးနုအစိုးရတက်လာတယ်၊မဆိုးဘူး  ဦးနုအစိုးရအစွမ်းလား၊ဗြိတိရှလက်ကျန်လား
အာရှမှာတော့ အကောင်ကြီးကြီး ခြင်္သေ့ပဲ။ အမျိုးမျိုးပြောကြတယ်။
    (က)ဘာသာရေးက ကြည့်တော့ ဆဋ္ဌသင်္ဂါယနာပါ တင်သွားနိုင်တယ်။
    (ခ )တစ်ချို့အမြင်က မြန်မာပြည် ဖျက်ဆီးသွားတာ   ဦးနုအစိုးရတဲ့။

စင်ကာပူက လီကွမ်းယု။ တံငါရွာကနေ ထိပ်တန်းမြို့တော်တစ်မြို့ဖြစ်အောင် လုပ်ခဲ့တယ်၊
သူက တကယ့်ကို Perfectionist။ ဝန်ကြီးတိုင်း အိမ်ထောင်ရှိရမယ် ၊အိမ်ထောင်ရေးဖောက်ပြန်မှု ကင်းရမယ်၊
အသေးအမွှားက အစ ပါဖက်ြဖစ်နေရမယ်။
    (က)သူ့ကိုတော့ ဒီမိုရေစီ အာဏာရှင် တဲ့။
    (ခ )တစ်ချို့ကတောဘုရားသခင်လွှတ်လိုက်တဲ့ ဂေါ့ဒ် တဲ့။

၎။ ဘာသာရေး ဒိုင်မင်းရှင်း
ဆွာမိ ဝိဝေကာနန္ဒက ပြောတယ်၊ ဂျီးဇက် ခရိုက်က ဂျူး၊ သူ့ကိုသဘောမတူတဲ့ သူ့လူမျိုး ဂျူးတွေက သူ့ကို ကားစင်တင်ခဲ့တယ်။

ဗုဒ္ဓ ဟာ ဟိန္ဒူတဲ့၊ ဒါပေမယ့် ဟိန္ဒီတွေက ကားစင်မတင်တဲ့အပြင် ဗုဒ္ဓ ကို အထွတ်အမြတ်ထားပြီး
ကိုးကွယ်ခဲ့တယ် တဲ့။

(ကွဲလွဲခွင့်ရှိလို့ ကွဲလွဲရရင် ဗုဒ္ဓ က ခတ္တိယ အနွယ်ဖြစ်တဲ့အတွက် သူ့နောက်မှာ စစ်တပ်ကြီးတွေရှိတယ်။အထူးသဖြင့် ခတ္တိယ တွေနဲ့ အဲဒီခေတ်က စူပါပါဝါ မဂဓအရှင် ဗိမ္ဗိသာရတို့ကဗုဒ္ဓ ကိုထိရင်လက်ပိုက်တော့ကြည့်မနေလောက်ဘူး။ ဗုဒ္ဓ ကို အထွတ်အမြတ်ထားပြီး ကိုးကွယ်တာကိုတော့ ကိုယ့် နိုင်ငံသားမဟုတ်ပေမယ့် ဂုဏ်ယူမိပါတယ်။)
နောက်ဆုံးဝါကျသာ ကျနော့်စကားပါ။    ။

ဇင်ဝေသော်

Copyright © 2011 ကမ်းလက်. All rights reserved.

Read more

ချော်နေသော ခွေးသွားစိတ်တစ်ခုအကြောင်း

 

“လမ်း” အကြောင်းကို စဉ်းစားနေမိ၏။ လူသည် လမ်းလျှောက်၏။ တိရိစ္ဆာန်တို့ လမ်းလျှောက်၏။ ကဗျာဆရာတို့ကမူ အတွေးများပင် လမ်းလျှောက်သည်ဟု ဖွဲ့ညွှန်းကြ၏။ ထိုလမ်းက အဘယ်နည်း။ လမ်းအကြောင်းကို ဖြစ်ကတတ်ဆန်းမေး၍ ဖြစ်ကတတ်ဆန်း ဖြေကြ၏။ အမှန်မူ လမ်းသည် အရေးကြီး၏။

          လူစွမ်းကောင်းများနှင့် ရေသည် သူ့လမ်းသူဖောက်သည်ဟု ဆိုကြ၏။ ထိုလမ်းသည် မည်သို့သောလမ်းနည်း။ ရေသည်လမ်းကို ဖောက်၏။ ကမ်းကို ထွင်၏။ သို့သော် ထိုရေဖောက်သော လမ်းသည် ပို၍ပို၍နိမ့်သော ရပ်ဝန်းတစ်ခုခုဆီသို့ ဦးတည်နေတတ်၏။ လူစွမ်းကောင်းတို့လည်း လမ်းဖောက်ကြ၏။ ထိုလမ်းကား နိမ့်ရာရပ်ဝန်းသို့ တသမတ်တည်း ဦးတည်နေခြင်းမဟုတ်။ လမ်းဖောက်တာချင်းတူသော်လည်း လူဖောက်သောလမ်းနှင့် ရေဖောက်သောလမ်း တူ၍မရ။

          အချို့ကလမ်းဖောက်၍ အချို့က လမ်းလျှောက်၏။ ဆင်သွားရာလမ်းဖြစ်သည်ဟု ဆိုကြပြန်၏။ သို့သော် ထိုဆင်သည် တောင်သူတစ်ယောက်၏ စိုက်ခင်းထဲလမ်းလျှောက်မည်ဆိုသော် ကြေကွဲဖွယ်ကောင်း၏။ ထိုလမ်းကား အရင်းအနှီးများ၏။ အမှန်ဆိုသော် သွားရန်အခွင့်ရှိက လမ်းမရှိသော်လည်း လျှောက်ရတတ်ပြန်၏။ စိုက်ခင်းထဲက ဆင်တစ်ကောင်မဖြစ်ဖို့တော့ အရေးကြီးသည်။

          နေပူပူ၌ လမ်းလျှောက်ဖူး၏။ ထိုအခါ အာနန္ဒဟု အမည်ရသည့် လူတစ်ယောက်ကလာ၍ ထီးမိုးပေး၏။ ထိုထီးကို သူက ကိုင်၏။ ကိုယ်က သူကိုင်ထားသော ထီးအရိပ်ကို ခိုလှုံ၍ လမ်းလျှောက်မိ၏။ မတရားဘူးထင်သဖြင့် သူကိုင်ထားသောထီးကို ကိုင်လိုက်၏။ သူကကိစ္စမရှိဟု ဆိုသည်။ ထိုကိစ္စမရှိဟူသော အဓိပ္ပါယ်ကို တိတိကျကျနားမလည်။ နှစ်ယောက်ဆောင်းသောထီးကို နှစ်ယောက်ကိုင်ခွင့်ရှိသလားဟု မေးမိ၏။ ရှိတော့ ရှိ၏။ သို့သော် ကိစ္စမရှိ။ မလိုအပ်ဟု ဆိုလိုဟန်တူသည်။

          ပန်းခင်းလမ်း၊ ခရောင်းလမ်းစသဖြင့် မြန်မာစကားရှိပြန်၏။ ပန်းခင်းသောလမ်းကို ကြည့်ရတာ အဆင်ပြေသော်လည်း တကယ်တမ်းလျှောက်သောအခါ ကသိကအောက်နိုင်၏။ ပန်းသည် လမ်းဖြစ်သင့်သောအရာမဟုတ်။ အကောင်းဆုံးလမ်းကတော့ အတွေ့အကြုံကိုခင်း၍ လျှောက်ရသော လမ်းသည် အကောင်းဆုံးဖြစ်လိမ့်မည်။ ခရောင်းလမ်းကလည်း ချော်လဲဖို့ရာခိုင်နှုန်းများ၏။ (၄၂) မိုင်ဝေးသောလမ်းတစ်ခု လျှောက်ဖူးသည်။ ထိုလမ်းမျိုးကိုလျှောက်မှ ခန္ဓာ၏လေးလံမှုက ပို၍ ထင်ရှားစေသည်။ မည်သို့ဖြစ်စေ ထိုခန္ဓာနှင့်လူသည် ခန္ဓာကို ထားခဲ့၍မရ။ ထို့ကြောင့် သူသည် လေးလံစွာပင် ဆက်လျှောက်နေရဦးမည်။

          “လမ်း” နှင့် “ခရီး” အတူတူပဲလားဟု တွေးရန်ရှိလာပြန်၏။ ထပ်တူမကျသော်လည်း ဆင်တူရိုးမှားတော့ရှိသည်။ စာပေအရဆိုလျှင်မူ တခြားစီသာဖြစ်၏။ လမ်းက မဂ္ဂ ဖြစ်ပြီး ခရီးက သံသရာဖြစ်၏။ ရှိစေတော့။ အလွန်အမင်း လေးနက်သွားမှာ စိုးရိမ်၏။

          ထိုလမ်းကိုအချို့က တစ်ယောက်တည်းလျှောက်ပြီး အချို့ကအဖော် (အနည်းဆုံးနောက် တစ်ယောက်) ဖြင့် လျှောက်သည်။ လူသည် မကြာမကြာ တစ်ယောက်တည်း ရန်ဖြစ်နေတတ်၏။ နှစ်ယောက် (သို့) သုံးယောက်ဆိုလျှင် ရန်ဖြစ်ဖို့ ကြိမ်ဖန်ပိုများနိုင်၏။ ဤအယူအဆသည် တဖက်သတ် ဆန်သွား၏။ တုတ်တစ်ချောင်းတည်း ရပ်တည်ရခက်သောအခါ အခြားတုတ်တစ်ချောင်းဖြင့် ထောက်ကန် ပေးရ၏။ ထိုအခါဟန်ချက်ညီသွား၏။ စာပေအရ အညမညနှင့် သဟဇာတ သဘောတို့ဖြစ်သည်။ ရှိစေတော့။ အလွန်လေးလံသွားမှာ စိုးရိမ်သည်။

          ဘုရားရှင်၏ လေးသင်္ချေကြာခရီးကို ငဲ့စောင်းကြည့်မိ၏။ အများအားဖြင့်တော့ အဖော်နှင့် လျှောက်ခဲ့တာများသည်။ တစ်ယောက်တည်းလျှောက်သောဘဝက အရေအတွက်နည်းလွန်း၏။ အဘယ့်ကြောင့်နည်း။ တစ်ယောက်တည်းလျှောက်ခြင်း၊ အဖော် ( အနည်းဆုံးနောက်တစ်ယောက်) နှင့် လျှောက်ခြင်းတို့၌ အားနည်းချက်၊ အားသာချက်တို့ ကိုယ်စီရှိနိုင်၏။ ပြဿနာကို အနှုတ်၊ အစားလက္ခဏာတို့ဖြင့် ချုံ့လိုက်နိုင်လျှင် အရာခပ်သိမ်းသည် အဆင်ပြေနိုင်လောက်၏။ ပြဿနာကို အပေါင်း၊ အမြှောက်လက္ခဏာ တပ်မည်ဆိုလျှင် အဆင်မပြေနိုင်။ ဘဝသည် စက်ဆုတ်ဖွယ်ဖြစ်၏။ ဘဝသည် ကြေကွဲဖွယ်လည်း ဖြစ်၏။

          အာနန္ဒာ၏ ထီးအရိပ်ကို သတိရသည်။ထီးအရိပ်ပေးဖူးသော အာနန္ဒာသည် ဘုရားရှင်၏ ကိုယ်ရေးအရာရှိ အရှင်အာနန္ဒာ မဟုတ်။ တရုတ်တစ်ယောက် ဖြစ်သည်။

          ဖုန်ထူသော၊ လူလိုက်များသောလမ်းကို ဘုရားရှင်က ကာမသုခလ္လိကလမ်းဟု မိန့်တော်မူ၏။ ခပ်ညံ့ညံ့လမ်းတည်း။ သို့သော် ထိုလမ်းက ကျော်ခွ၍မရ။ ဟန်ဆောင်ပြီး ရှောင်နေ၍မရ။ ဟန်ဆောင်၍ ရ၏၊ ရှောင်၍ မရ။ ထိုလမ်းမှတဆင့် ပို၍မြင့်မြတ်ရာကို သွားလို့တော့ရ၏။ ဟန်ဆောင်သူသည် မိအေးနှစ်ခါနာ ဖြစ်၏။

          ကြမ်းရှသော၊ လူအလိုက်နည်းသောလမ်းကို အတ္တကိလာမထမလမ်းဟု ဘုရားရှင်က မိန့်၏။ အစွန်းရောက်သူတစ်ချို့ လျှောက်၏။ သိပ်မညံ့လှ။ ဟီနဟု ဘုရားရှင်က မမိန့်၊ ဒုက္ခ ၊ အနရိယ ၊ အနတ္တသံဟိတဟုသာ မိန့်သည်။ ခက်ထန်၏။ အထီးကျန်၏။

          ( ဒုက္ခ- ဆင်းရဲ၊ အနရိယ- မမွန်မြတ်၊ အနတ္တသံဟိတ- အကျိုးမဲ့)

          ( ဟီန- ယုတ်နိမ့်သည်)

          လျှောက်သည် မလျှောက်သည်အပထား၊ လမ်းကား ဧကန်ရှိ၏။ ထိုကား မဂ္ဂဆိုသည့် မဂ္ဂင်ရှစ်ပါးတည်း။ ဤလမ်းက စိတ်ချရ၏။ သို့သော် စိတ်ချရသည့်လမ်းတို့ကို လူကရှောင်ခွါခွါလုပ်၏။ အလယ်အလတ်လမ်းစဉ်ဟုဆိုသော်လည်း လျှောက်သူအရေအတွက်က အလယ်အလတ်မျှပင် ရှိမည်မထင်။ ရှိသော် ကောင်းပါ၏။ ဤကိစ္စကို အငြင်းမပွါးလို။

          သီဟနာဒကား ထိုလမ်း၏ ပလက်ဖောင်းပေါ်တွင်ရပ်ကာ လမ်းအကြောင်းကို တွေးတောနေ၏။ အမှန်မူ လမ်းဟူသည် တွေးတောခြင်းထက် လျှောက်လိုက်ခြင်းက ပိုကောင်း၏။ တစ်ချိန်ချိန်မှာတော့ လျှောက်ကိုလျှောက်လိုက်ဦးမည်ဟု ကြုံးဝါးနေ၏။ ထိုစဉ် နေ့၊ လ၊ ရက်တို့ကလည်း ပြန်၍ကြုံးဝါးကြပြန်၏။ လူက ကြုံးဝါးလိုက်၊ အချိန်က လူကို ကြုံးဝါးလိုက်ဖြင့် ကြုံးဝါးသံတို့ကား ပွက်လောညံနေ၏။

         ထိုလမ်းကား အလယ်အလတ်လမ်းတည်း။

          အလယ်အလတ်ဖြစ်သဖြင့် တစ်ယောက်တည်းလည်း လျှောက်လို့ရ၏။ အဖော်နှင့်လည်း   လျှာက်လို့ရ၏။ တောမှာလည်း လျှောက်လို့ရ၏။ မြို့မှာလည်း လျှောက်လို့ရ၏။ ရေသောက်ရင်း လျှောက်လို့ရ၏။ အရက်သောက်ရင်းတော့ လျှောက်လို့ရမည်မထင်။ အရက်သောက်ရင်းလည်း လျှောက်လို့ရသည်ဟု လူတစ်ချို့ပြောသံ ကြားဖူး၏။ မထင်လှ။ သို့သော် အငြင်းမပွါးလို၊ ရသော် ချီကျူးပါ၏။ သေချာသည်က မူးနေလျှင်တော့ ခြေလှမ်းမှန်မည်မထင်။

                ထိုလမ်းကား အလယ်အလတ်လမ်းတည်း။

          ထို့ကြောင့် အဖော်နှင့်လျှောက်မည့်သူများအတွက် အဖော်ကောင်းရရန် ဆုတောင်းပေးပါ၏။ တစ်ဦးတည်း လျှောက်လိုသူများအတွက် တဲအိမ်၊ တဲကျောင်းကလေးများ တွေ့ပါစေဟု ဆုတောင်းချင်၏။ အဖော်နှင့်လျှောက်ပြီးဖြစ်နေသူများ အဆင်ပြေစေရန် ဆုတောင်းမိ၏။ တစ်ဦးတည်းလျှောက်နေသူများ အထီးကျန်မှု မခံစားရပါစေနဲ့ဟု ဆုတောင်းချင်၏။

          ထိုစကားများဆိုစဉ်-

          အချိန်၏ ကြုံးဝါးသံကို ပီပီပြင်ပြင်ကြီး ကြားလိုက်ရ၏။

          ထိုစဉ် စိုက်ခင်းထဲကဆင် မဖြစ်ရန် ခြေလှမ်းပြင်မိ၏။

သီဟနာဒ

Copyright © 2011 ကမ်းလက်. All rights reserved.

Read more

အမြင်

"ယနေ့ ရောင်းရသောငွေသည် မနက်ဖြန်အတွက် အရင်းဖြစ်သည်"
ဒါလေးကြည့်ပြီး မဆိုးဘူး ထင်မိတုန်း
"ယနေ့ ရောင်းရသောငွေသည် မနေ့ကအကြွေး ဆပ်ရန်ဖြစ်သည်" တဲ့။ ။

သူထောင်တာကကြောင်ပါ၊ ကြောင်မှ တောကြောင်၊
လက်ခမောင်းခတ်မှာ စိုးလို့ ၊
မိတာကလည်း သူထောင်တဲ့ကြောင်ပဲ ၊
ဒါကို မသိဘဲပြောကြသေးတယ်
"ယုန်ထောင် ကြောင်မိ" တဲ့ ။ ။

သူက 'အ' လို့ လိုက်လျောတာမိတာကို
လူတစ်ချို့က အားနာလို့ လို့ထင်တတ်ကြသေးတယ်၊ ခက်ပုံက။ ။

ဇင်ဝေသော်

Copyright © 2012 ကမ်းလက်. All rights reserved.

Read more

☺ တူနိုင်ပေါင် ☺

 

ညီမလေး…. ရေ

ရှေးတုန်းက (တကယ့်ကိုရှေးတုန်းက) သမ္မ္မတကြီးက ပရောဖက်ဆာကြီးကို ဆုချမယ်၊ ဘာဆုယူမလည်းလို့မေးသတဲ့။ ဒါနဲ့ မယားကြောက်ရတဲ့ ပရော်ဖက်ဆာကြီးက အိမ်ပြန် တိုင်ပင်ပါရစေဦးခင်ဗျာလို့ ပြောသတဲ့။

အိမ်ပြန်ရောက်လို့ သူ့မိန်းမကို ဘာလိုချင်သလဲ လို့မေးတော့ ရှင်ကရော ဘာလိုချင်နေလို့လဲလို့ သူ့ကိုပြန်မေးသတဲ့။

ဒါနဲ့ ပုဏ္ဏားကြီးက

" ငါကတော့ စူပါမားကတ်ကြီး တစ်ခုလိုချင်တယ်" တဲ့။

ဒါနဲ့သားကိုမေးတော့

" ဘရန်းနယူး ပိုရှေးတစ်စီး" လို့ဖြေသတဲ့။

ချွေးမကိုမေးပြန်တော့

" ကျွန်မကတော့ ပြင်သစ်ထုတ်ပဲ တင်တဲ့ဖက်ရှင်စတိုး " ကိုတောင်းဆိုသတဲ့။

နောက်ဆုံး အိမ်က မေ့(ဒ်)ကိုမေးတော့

" ကျွန်မဖြင့် ဝေါရှင်း မက်ရှင်း ရရင်တော်ပါပြီ " လို့ဆိုသတဲ့။

အဲသလို မတူတဲ့ အလိုတွေကို သမ္မတကြီးထံတင်ပြတော့ သမ္မတကြီးကပြုံးသတဲ့။ ပြုံးစရာကောင်းတဲ့အထဲမှာ ဝေါရှင်းမက်ရှင်းက ပြုံးစရာ အကောင်းဆုံးဖြစ်နေသတဲ့။

 လူဆိုတာ ကိုယ်လိုရာကို တောင်းကြတာပဲပေါ့ကွယ်။

ဒါပေမယ့် တကယ်ဇာတ်တော်ထဲမှာတော့ (ဘုရားဟောထဲမှာတော့)

ပုဏ္ဏားပရော်ဖက်ဆာကြီးက ရွာစားဆု

ပုဏ္ဏားကတော်က နို့စားနွားမတစ်ရာ

သားကတော့ အာဇာနည်မြင်း ကတဲ့ရထားကြီး

ချွေးမကတော့ ပတ္တမြားနားတောင်း

ခုဇ္ဇာဆိုတဲ့ ကျွန်မကတော့ ငရုတ်ဆုံ တဲ့ကွဲ့။

ညီမလေး နားရှုပ်မှာစိုးလို့ နည်းနည်း  အက်ဒစ်လုပ်လိုက်တာ။

တကယ်လည်း ကိုယ်ကြိုက်တာ ကိုယ်ကြိုက်ဖို့၊ ကိုယ်လိုတာကိုပဲ သိဖို့က အရေးကြီးတာပဲ မဟုတ်လား။

ဒါနဲ့ ညီမလေးကို မေးလာရင်ကော ဘယ်လိုဖြေမှာလဲ။ 

ဆယ်လူလာဖုန်းယူ၊ ပါဂျဲရိုးကားကို ကိုယ်တိုင်မောင်း၊ အဲကွန်းတပ်ထားတဲ့ တောအုပ်ထဲက ကျောင်းဆီ စားစရာတွေအပြည့်ထည့်ပြီး တောထွက်ပြီလို့ တီဗွီကတော့ မကြေညာလိုက်ပါနဲ့ကွယ်။ 

ဇင်ဝေသော်

Copyright © 2011 ကမ်းလက်. All rights reserved.

Read more

သူသာ သူဆိုရင်

 အမေရိကန်သမ္မတ အိုဗားမား ၁၉၆၀ ဝန်းကျင် အင်ဒိုနီးရှားမှာနေစဉ်က
ကလေးထိန်းလုပ်ခဲ့တဲ့ မစ္စတာ Turdi ဆိုသူက မိန်းမလျာတစ်ယောက်ဖြစ်ပြီး
သူက အိုဗားမားနဲ့တွေ့ဆုံဖို့ဆန္ဒရှိပါသတဲ့။

    "ဒီအခန်းကျဉ်းလေးထဲသူလာဖို့ လည်းမဖြစ်နိုင်၊
    အမေရိကကိုသွားလည်ဖို့ကလည်း အိပ်မက်ထဲမုာပဲဖြစ်နိုင်တယ်"

လို့သူက(သူမက)ဆိုပါတယ်။
အိုဗားမား ၆ နှစ်သားဘဝက ၂ နှစ်ကြာအောင် မိသားစုနဲ့မခြားထိန်းပေးခဲ့တယ်လို့ဆိုတယ်။
အိုဗားမားကိုတော့ သူမိန်းမလျာတစ်ယောက်ဖြစ်တယ်ဆိုတာအသိမပေးခဲ့ပါဘူး၊
သူက မိန်းကလေးလို ဝတ်စားထားရရင် ထောင်ကလွတ်လာတဲ့လူလိုခံစားရသတဲ့။
သူက ထိန်းပေးနေတော့ သူနဲ့ပတ်သက်ပြီး အိုဗားမားလေးကိုလည်း
အခြားကလေးတွေက စကြတယ်လို့ဆိုတယ်။
ဒါပေမဲ့အိုဗားမားလေးက ငယ်စဉ်ကထဲက ရင့်ကျက်တဲ့အကြောင်း သူက ပြောတယ်။ အိုဗားမားနေခဲ့တဲ့ကျောင်းထဲကိုအိုဗားမားနဲ့ အတူတူ ဖြတ်လျှောက်လိုတဲ့ဆန္ဒရှိပါသတဲ့။

    "အမေရိကန်ရဲ့နံပတ်တစ် ပုဂ္ဂိုလ်ဖြစ်တဲ့ Barry (အိုဗားမားကိုခေါ်တာ) ဟာ
    ကျနော်(ကျမ)သိတဲ့ Barry ဆိုရင်  မိန်းမလျာဖြစ်ဖြစ် ဘာ ဖြစ်ဖြစ်သူတွေ့မှာပါ"

လို့ရင်ဖွင့်ရှာသတဲ့။

AGENCE FRANCE-PRESS.

The Strait Times. Mar 12,2012

Original Story >> Obama's transgender nanny remembers 'little Barry'

ဆုထားမျက်ချယ်

Copyright © 2011 ကမ်းလက်. All rights reserved.

Read more

_/\_ သဲပုံစေတီ၊ (Stupa or Pagoda) _/\_

Stupa  သည် သက္ကဋဘာသာမှဆင်းသက်လာသောစကားဖြစ်သည်၊
ပါဠိဘာသာ၌ ထူပ( Htupa)ဟုလာရှိသည်။ အစုအပုံဟုအဓိပ္ပာယ်ရလေသည်။
အကြီးမာဆုံး Stupa ကား အေဒီလေးရာစုက သီရိလင်္ကာနိုင်ငံ မဟာသေနဘုရင်
တည်တားကိုးကွယ်ခဲ့သော ဇေတဝန စတူးပ(JetavanaStupa ) ဖြစ်သည်။
ထို Stupa တည်ရာ၌အုတ်ချပ်ရေပေါင်း ၆၂၀ မီလျံ၊အလေးချိန် ၆၅၇,၀၀၀ တန်ရှိသည်ဟုဆိုကြသည်။

Pagoda    ဗုဒ္ဓဘာသာနှင့် ဟိန္ဒူဘာသာ Templeများကို Pagoda ဟုဖော်ပြကြသည်။
အမှန်မူ Stupa နှင့် Pagoda တို့ကြား အဓိပ္ပာယ် ခြားနားမှုသိပ်မရှိပေ။
အံဩဖွယ်ကောင်သည်မှာ Pagoda ဟူသောအမည်သည် ဗုဒ္ဓဘာသာကျင့်သုံးသောနိုင်ငံများ၏ ဘာသာစကားနှင့်လုံးဝဝေးကွာနေခြင်းဖြစ်သည်။ Pagoda ဟူသောအမည်သည်
ပါရှန်းဘာသာမှဆင်းသက်သော ပေါ်တူဂီစကား Butkadahဖြစ်ပြီး အဓိပ္ပာယ်မှာ
"Idol house" ရုပ်တုထားရာအရပ် ဟုဖြစ်လေသည်။

The Stupa,A.H.Longhurst,1997. 

Copyright © 2011 ကမ်းလက်. All rights reserved.

Read more

ဘုရားရှင်တောင်မှ ကလောင်ခွဲရှိ၏

ယခုတလော ဘာဖြစ်နေသည်မသိ၊ အဘိဓမ္မာနှင့်ပတ်သက်သည့်ကိစ္စများ စာရေးချင်စိတ် ပေါက်နေသည်။ “ ကိလေသာများနှင့် ဘောလုံးကန်ခြင်း” ၊ “ ဟေးလားဝါးလား စေတသိက်များ”၊ “ဒါဘယ် စတန်းဒတ် (Double Standard) စေတသိက်များ”၊ “မည်းရင် မည်း၊ ဖြူရင် ဖြူ စေတသိက်များ (Black or White) ” စသည်တို့ ခေါင်းထဲမှာ တန်းစီနေ၏။

          ထိုခေါင်းစဉ်များကို မတို့မထိရမှီ “ဘုရားရှင်တောင်မှ ကလောင်ခွဲရှိ၏” ဆိုသည့် စာကြောင်းကလေးက သူ့အကြောင်းရေးရန် မကြာခဏ စေ့ဆော်နေပြန်၏။ စာစကားဖြင့် ဆိုသော် စေတနာပင်တည်း။

          သိပ်တော့ မဆိုင်လှ။ ပြောတော့ ပြောချင်သည်။ “ အဘိဓမ္မာ” ဟူသည် နာမည်လေးကပင် လှပ၏။ နောက်ပေါက်ရွှေကြာပင်က လူလည်ဝင်လုပ်သလိုလေးလည်း ခံစားရပါ၏။ နားရှုပ်သွားမှာ စိုးရိမ်သည်။ မဆီမဆိုင် အကုသိုလ် စိတ်၊ စေတသိက်၊ စိတ္တဇရုပ် ( စိတ်ကြောင့်ဖြစ်သောရုပ်) များဖြစ်မှာလည်း စိုးရိမ်သည်။ ဤသို့ ဖြစ်၏။

          ရှေးဦး ဗုဒ္ဓဘာသာ (Early Buddhism) ၌ ဓမ္မနှင့် ဝိနယ သာရှိ၏။ အဘိဓမ္မဟု မခေါ်ဝေါ်ရသေး။ ရာစုနှစ်အနည်းငယ်ကြာသောအခါ ဓမ္မမှတဆင့် အဘိဓမ္မဟူသော ဝေါဟာရနှင့် ဒေသနာ ကွဲထွက်လာခဲ့သည်။ ကြည့်ပါ။ ဓမ္မ။ အက်ဂျစ်တစ်မပါသော ဝေါဟာရတည်း။

          အဘိဓမ္မဟူသည့် ရွှေကြာပင်က “အဘိ” ဟူသော အက်ဂျစ်တစ်ကိုယူကာ “အဘိဓမ္မ” ဟု တည်ရှိလာ၏။ “ အဘိ” ကို More Profound ဟု ဘိုစကားက ဘာသာပြန်၏။ ပို၍ နက်နဲသောဟု အဋ္ဌကထာဆရာက ဖွင့်၏။ အနက်အဓိပ္ပါယ်များစွာ ရှိ၏။

          ယခု ပြောလိုသောကိစ္စက ထို “အဘိဓမ္မ” ကိုထပ်၍ အက်ဂျစ်တစ်သုံးတတ်ကြခြင်းတည်း။ မလိုအပ်တော့ဟု ထင်၏။ ဓမ္မသည် လေးနက်၏။ အဘိဓမ္မသည် ပို၍လေးနက်သိမ်မွေ့၏။ လိုအပ်သော အဓိပ္ပါယ်ခြုံငုံမိပြီဟု ထင်ပါသည်။

          အင်္ဂလိပ်ဘာသာ၌ “Huge” ဟူသော စကားလုံးရှိ၏။ ဘာမှထပ်လုပ်စရာမလိုသော စကားလုံးဖြစ်၏။ ဥပမာ- Big ။ Big ကို အများကြီးကြီးသည်ဟု ဆိုချင်လျှင် Very Big ဟုပြောနိုင်၏။ Bigger ဟု ပြောနိုင်၏။ Biggest ဟုလည်း ပြောနိုင်၏။ Huge ကား ထိုသို့မဟုတ်။

          Very Huge ဆိုလျှင် ပြုံးဖွယ်ဖြစ်၏။ Huge သည် Very ဖြစ်ပြီးသားတည်း။ Huger ဟုလည်းကောင်း၊ More Huge ဟုလည်းကောင်း၊ Hugest ဟုလည်းကောင်း၊ the most huge ဟုလည်းကောင်း မည်သို့မျှ ပြင်၍၊ သုံး၍၊ ပြောဆို၍ မသင့်တော့။ Huge သည် အလွန်ထူးဆန်းသော အက်ဂျစ်တစ်ဖြစ်၏။

          အဘိဓမ္မသည်လည်း ဤသို့ဖြစ်၏။ ဗုဒ္ဓကို ဗုဒ္ဓဟုခေါ်ခြင်းသည် မရိုင်း၊ ဓမ္မကို ဓမ္မဟုခေါ်ခြင်းသည် မရိုင်း၊ အဘိဓမ္မကို အဘိဓမ္မဟုခေါ်ခြင်းသည် မရိုင်း။ ဆိုလိုသည်မှာ အင်္ဂလိပ်ဘာသာပြန်များ၌ Buddha ဟုသာ တွေ့ရ၏။ သုတ္တန်၌ တထာဂတဟု တွေ့ရ၏။ အပိုမပါ။ အက်ဂျစ်တစ်မပါ။ ထိုအခါ အက်ဂျစ်တစ်လှလှများသုံးတတ်သည့် မြန်မာစကားကို အကျွမ်းဝင် နေသူတို့အတွက် အက်ဂျစ်တစ်များ မပါသောအခါ တစ်မျိုးလေးဖြစ်သွားတတ်၏။ ကိုယ်တိုင်လည်း တစ်မျိုးလေးဖြစ်ခဲ့ဖူး၏။ ဤသည်မှာ မဆီမဆိုင် ပြောလိုသော ကိစ္စပင်တည်း။

          ထိုအဘိဓမ္မာဒေသနာတော်ကို ဘုရားရှင်ကိုယ်တော်မြတ်က တာဝတိံသာ၌ သန္တုဿိတ နတ်သား အမှူးပြုသည့် နတ်ဒေဝါများနှင့်တကွ သုံးလောကသားတို့အား ဟောကြားတော် မူသည်ဟု စာပေမှာတွေ့ရ၏။ ထိုအခါ ဘုရားရှင်မှာ တချိန်တည်း အလုပ်နှစ်ခုဖြစ်နေ၏။

          ၁။ တာဝတိံသာ၌ အဘိဓမ္မာတရား ဟောကြားခြင်း၊

          ၂။ လူ့ပြည်၌ ဘုရားရှင်တို့ ပြုကျင့်ရမည့် ဗုဒ္ဓဝေယျာဝစ္စများ ပြုကျင့်ခြင်း။

          အလုပ်က နှစ်ခု၊ ဘုရားရှင်က တစ်ပါး၊ မလောက်ငှတော့။ ထိုအခါ နိမ္မိတရုပ်ပွါးတော်ကို ဖန်ဆင်းရတော့၏။ ဘုရားရှင်ဖြစ်၍ နိမ္မိတရုပ်ပွါးဟု ဆိုရ၏။ ယနေ့ သီဟနာဒတို့ ခေတ်စကားနှင့် ပြောလျှင် ကလောင်တစ်ချောင်းပွါး၍ မက်ဆေ့ပေးခြင်းတည်း။ ဤသို့ ယုံကြည်မိပါ၏။

          အမှန်ဆိုရသော် ထိုအဘိဓမ္မဆိုသည့် ဒေသနာတော်သည် ဘုရားရှင်ကလောင်ခွဲသုံးဖို့ တွန်းအားပေးလိုက်သော ဒေသနာဟုဆိုရသော် မရိုင်းဟုထင်၏။

          အဘိဓမ္မာ၊ အဘိဓမ္မာ။

          ဘုရားပင် ကလောင်ခွဲတော်မူခဲ့ရ၏။

 

သီဟနာဒ

Copyright © 2011 ကမ်းလက်. All rights reserved.

Read more

◎ အစမထင်သံသရာ ◎

ဒီကမ္ဘာကြီးရဲ့အစ  ရှိကိုရှိရမယ်လို့
စဉ်းစာစရာကို အကြောင်းမရှိဘူး၊

အရာခပ်သိမ်းတိုင်း
အစ ရှိနေမယ်ဆိုတဲ့ အယူအဆဟာ
ဆင်ခြင်မှုချို့တဲ့ရာကနေ ဖြစ်လာတာပဲ။  ။

"There is no reason to suppose that the world had a beginning at all.

The idea that things must have a beginning is due to the poverty of our imagination."

~ Bertrand Russell (Why I'm not a Christian) ~

Copyright © 2011 ကမ်းလက်. All rights reserved.

Read more

တိုင်တန်းနစ်သင်္ဘောကြီး နစ်မြုပ်ရတာ ...

တိုင်တန်းနစ်သင်္ဘောကြီး နစ်မြုပ်ပြီး နှစ်တစ်ရာခန့် ကြာသောအခါ
ထိုတိုင်တန်းနစ်သင်္ဘောကြီးနစ်မြုပ်ရခြင်း၏ တရားခံကို သိပ္ပံပညာရှင်တို့ ရှာဖွေတွေ့ရှိခဲ့ကြသည်။
ထိုအရာက လ ဖြစ်သည်။

တိုင်တန်းနစ်သွားနေသော ရေလမ်းပေါ်သို့ ကြီးမားလှသော ရေခဲတောင်ကြီးများ လျှောဆင်းလာရခြင်းမှာ
လ နှင့်ဆက်စပ်နေကြောင်း တက်(က်)ဆက် တက္ကသိုလ် ပါမောက္ခ ရူပဘေဒပညာရှင် ဒေါ်နယ် အိုလ် ဆင်က ရှင်းပြခဲ့သည်။
သူနှင့်သူ့အဖွဲ့က လနှင့်ပတ်သက်သော အချက်အလက်များကိုသုတေသနပြုလျှက်ရှိကြသည်။

၁၉၁၂ခု၊ ဧပြီလ ၁၅ ရက်နေ့ ၌ တိုင်တန်းနစ်သင်္ဘောကြီးနစ်မြုပ်ခဲ့ပြီး လူပေါင်း ၁၅၁၇ ယောက် သေဆုံးခဲ့သည်။
ထိုစဉ်ကထဲက ကပ္ပတိန် အက်(ဒ်)ဝါ(ဒ် ) စမစ်၏ ရေခဲတောင်ကြီးများ သင်္ဘောခုတ်မောင်းရာ လမ်းပေါ်သို့ ရောက်ရှိနေကြောင်း သတိပေးစကားနှင့်ပတ်သက်ပြီး သုတေသနပညာရှင်များ စဉ်းစားမရဖြစ်နေခဲ့ကြသည်။

စမစ်သည် အတွေ့အကြုံအများဆုံး ကပ္ပတိန် ဖြစ်သဖြင့် ထိုခရီးကို ဦးဆောင်ရွက်လွှင့်ရန် အထူးရွေးချယ်ခံရသူလည်းဖြစ်သည်။အလွန်ဗဟုသုတကြွယ်ဝပြီး စေ့စပ်သေချာလှသူဖြစ်သည်။

ဤမျှများပြားသောရေခဲတောင်ကြီးများ ထိုညက အဘယ့်ကြောင့် သဘောင်္ခုတ်မောင်းရာလမ်းပေါ် ရောက်ရှိနေရသနည်း။ 1912 ခု ဇန်နဝါရီလ က ကမ္ဘာနှင့် လ အလွန်နီးကပ်နေခြင်းကြောင့်
ဒီရေ အဆမတန်တက်လာပြီး ထိုကြောင့်ပင် Greenland မှာရှိနေသောရေခဲတောင်ကြီးများ
ပင်လယ်ရေပြင်သို့ ထိုးဆင်းလာခဲ့ခြင်းဖြစ်နိုင်ကြောင်း အဏ္ဏဝါဗေဒပညာရှင်  Fergus Woodက အကြံပြုခဲ့သည်။

၁၉၁၂ခု၊  ဇန်နဝါရီလ လေးရက်က အနေအထားသည် အလွန်ကြုံကြိုက်ခဲကြောင်း(Once-in-many-lives)၊
နေနှင့်လ အပြန်အလှန် ဆွဲငင်နေကြကြောင်း၊ ထို့ကြောင့်ပင် လ သည် လပြည့်ဖို့  ၆ မိနစ်အလိုတွင်
ကမ္ဘာမြေနှင့် နှစ် ၁၄၀၀ အတွင်း  အနီးဆုံး၌ရှိနေခဲ့သည်။

ပို၍အရေးကြီးသောအချက်မှာ  ဇန်နဝါရီလ သုံးရက်နေ့က နေသည်လည်းကမ္ဘာမြေနှင့်အနီးဆုံး၌ရှိနေခဲ့သည်။

"ဒီလို နေ နဲ့ လ တို့ အပြန်အလှန် ဆွဲငင်နေကြခြင်းကြောင့်            
လ ဟာ ကမ္ဘာမြေနဲ့ အနီးကပ်ဆုံးမှာရှိနေပြီး
ဒီရေဟာလည်း အမြင့်ဆုံးမှာ ရှိနေပါတယ်၊
နောက်ပြီးတော့နေနဲ့ ကမ္ဘာမြေ အလွန်နီးခြင်းကြောင့်
ရေခဲတောင်တွေ ပဲ့ထွက်လာပြီး အဲဒီ ပဲ့ထွက်လာတဲ့ရေခဲတောင်တွေက
သဘောင်္ခုတ်မောင်းရာလမ်းပေါ် ရောက်ရှိနေရခြင်းဖြစ်ပါတယ်"

လို့ ပရော်ဖက်ဆာ အိုလ်ဆင် ကရှင်းပြခဲ့သည်။

ထို Greenland  မှပဲ့ထွက်လာ ရေခဲတောင်များကပင် ဧပြီ လလယ်၌ရွက်လွှင့်ခဲ့သော တိုင်တန်းနစ်သင်္ဘောကြီးကို နစ်မြုပ်စေခဲ့ခြင်းဖြစ်သည်။

REUTERS.

The Strait Times. March 8, 2012.

Original Story >> What sank the Titanic? Scientists point to the moon

ဆုထားမျက်ချယ်

Copyright © 2011 ကမ်းလက်. All rights reserved.

Read more

လူ့အခွင့်အရေး သို့သော်....သို့သော်

 လူ့ အခွင့်အရေး
လူ့ အခွင့်အရေးနှင့် ပတ်သက်သော အယူအဆ
၁၈ ရာစုကထဲက ဥရောပ၌ စတင်အခြေပျိုးပြီး တစစတိုးတက်ခဲ့သည်။
၁၉၄၅ ခု ရောက်မှ ကမ္ဘာ့ကုလသမဂ္ဂကြေညာချက်စာတမ်း၌ တရားဝင် ထုတ်ပြန်ခဲ့သည်။
လူ့ အခွင့်အရေး ဖြစ်ပေါ်လာရခြင်းမှာ အဓိကအခြေခံ
အကြောင်းတရား သုံးချက်ကြောင့် ဖြစ်သည်။

၁။ လူ့ဖွဲ့စည်းပုံတရားဥပဒေသည် လူကပြဋ္ဌာန်းသော ဖွဲ့စည်းပုံတရားဥပဒေဖြစ်သည်၊
    တစ်ယောက်သောတန်ခိုးရှင် ဖန်ဆင်းရှင်နှင့်မဆိုင်။
၂။ လူသားတိုင်း၌ တန်းတူ အခွင့်အရေးရှိသည် ။
၃။ လူသားတိုင်း ကိုယ့်ကြမ္မာကို ကိုယ်တိုင်ဖန်တည်းခွင့် ရှိသည်။

    လူ့ အခွင့်အရေးက အနောက်မှာ အစပျိုးခဲ့သည်ကားမှန်၏...

သို့သော်......
ဗုဒ္ဓစာပေကို စောင်းငဲ့ကြည့်သောအခါ........
၁။ နံပါတ်တစ် အချက်ကို အဂ္ဂညသုတ်နှင့် ဇာတ်တော်အချို့တွင်တွေ့ရ၏၊
    လူတန်းစား သတ်မှတ်ပြဋ္ဌာန်းခြင်းသည် မဟာဗြဟ္မာနှင့် မဆိုင်
    လူ့အဖွဲ့အစည်း အဆင့်ဆင့်ပြောင်းလဲမှု၊တိုးတက်လာမှုတို့နှင့်သာဆိုင်သည်။( D.III.92)

၂။ နံပါတ်နှစ်  အချက်ကို ဝါသေဋ္ဌသုတ်၌တွေ့ရသည်၊
    လူအချင်းချင်း အဆင့်အတန်း ခွဲခြားမူကို ယင်းသုတ်၌
    ဘုရားရှင်က ပြင်းပြင်းထန်ထန် ကန့်ကွက်ခဲ့သည်။     (Sn.594-611)

၃။ နံပါတ်သုံး အချက်ကိုမူ တိုက်ရိုက်မတွေ့ရ၊ သို့သော် ဒေသနာအားဖြင့်ထင်ရှား၏။
    လူတိုင်း၊သတ္တဝါတိုင်း မိမိအသက်ကို ချစ်မြတ်နိုး၏၊ ဟောညွှန်သည့်အတိုင်းလိုက်နာလျှင်
    လူတိုင်း သံသရာမှ ထွက်မြောက်နိုင်၏။(ဤအချက်ကို မဟာသတိပဋ္ဌာန သုတ်၌ တွေ့ရ၏။)

သို့သော်......
ဗုဒ္ဓဘာသာနိုင်ငံများ၌ လူ့အခွင့်အရေးသမိုင်းနှင့်ပတ်သက်၍
သိပ်မစွံလှကြောင်း မှတ်တမ်းများအရ သိရ၏။
ဝမ်းနည်းဖွယ် ကောင်လှသည်။    ။

Copyright © 2011 ကမ်းလက်. All rights reserved.

Read more