မနှစ်က ဆရာဇော်ဇော်အောင်နဲ့ တွေ့ခဲ့ရတယ်။
ဒါတောင် ဗိုက်ခွဲထားစမို့ တုတ်ကောက်နဲ့။
ဒီနှစ် တွေ့တောင်မတွေ့ခဲ့ရဘူး။
ဆရာဇော်ဇော်အောင်
မနှစ်က ဆရာဇော်ဇော်အောင်နဲ့ တွေ့ခဲ့ရတယ်။
ဒါတောင် ဗိုက်ခွဲထားစမို့ တုတ်ကောက်နဲ့။
ဒီနှစ် တွေ့တောင်မတွေ့ခဲ့ရဘူး။
သမ္မတကြီး ဖတ်မိစေချင်သည်
ဂျပန် မေဂျိပြုပြင်ပြောင်းလဲရေးကာလ အမျိုးသား အဓိဋ္ဌာန် ၆ ချက်
ကျွန်ုပ်တို့ တစ်မျိုးသားလုံး သစ္စာအဓိဋ္ဌာန်ပြုကြပါသည်...
၁။ ကျယ်ပြန့်သော အခြေခံလိုအပ်ချက်၊ အခြေခံဥပဒေနှင့်အညီ နိုင်ငံတော်၏ ကြွယ်ဝချမ်းသာမှုကိုရရှိအောင် တည်ဆောက်သွားကြပါမည်။
၂။ အမျှော်အမြင်ရှိ တွေ့ဆုံဆွေးနွေးပွဲများ ကျယ်ကျယ်ပြန့်ပြန့်ပြု လုပ်ပြီး ဖြစ်ပေါ် လာသမျှ အရေးကိစ္စတိုင်းကို ပွင့်လင်းမြင်သာစွာဆွေးနွေးဆုံးဖြတ်သွားကြပါမည်။
၃။ ဆင်းရဲ ချမ်းသာ လူတန်းစားအားလုံး နိုင်ငံတော်၏ ဦးဆောင်မှုအောက်၌ တညီတညွတ်တည်း ရှိနေကြပါမည်။
၎။ ပြည်သူ့ဝန်ထမ်း၊ စစ်မှုထမ်းများပါမကျန် သာမန်လူတန်းစားအားလုံး မိမိတို့ ယုံကြည်ရာအိပ်မက်အမှန်တကယ်ဖြစ်လာရန် အကောင်အထည်ဖော်ခွင့် ရှိနေရမည်။
၅။ အတိတ်က အကျင့်ဆိုးများကို ခဝါချပြီး အရာခပ်သိမ်း လောကနိယာမနှင့်အညီ ကျင့်သုံးသွားကြပါမည်။
၆။ အင်ပါယာ၏ အခြေခံဥပဒေတော်များ ပျံ့နှံ့အားကောင်းလာစေရေးအတွက် ကမ္ဘာအရပ်ရပ်က ပညာရပ်များကို အပတ်တကုတ် လေ့လာဆည်းပူးသွားကြ ပါမည်။
(Henry Kissinger. World Order. P 186-187)
နံပါတ် ၅ နဲ့ ၆ ဟာ မြန်မာပြည်အတွက် သိပ်အရေးကြီးနေတယ်။
စာအုပ်အသစ်ထွက်ရင် ဂျပန်က ဘာသာပြန်ပြီးသား။ အင်္ဂလိပ်ဝေါဟာရအသစ်ထွက်ရင် ဂျပန်လို မွေးစားပြီးသား။
ကဲ နံပါတ် ၅ ကရော ဘယ်လိုလဲ။ အားမရလှဘူး။
သီလနဲ့အက်သစ် (၂)
ဒုတိယမေးခွန်းက ကိုနေလင်းအတွေ့အကြုံနဲ့ တိုက်ရိုက်တူနေပါတယ်။
"ခြင်သတ်မှု၊ အခြား ဗိုင်းရပ်ပိုးတွေကိုသတ်မှုလည်း ပါဏာတိပါတလို့ သိရပါ တယ်၊ ဒီသတ္တဝါတွေကိုသာမသတ်ရင် ကမ္ဘာဟာ ကပ်ရောဂါတွေနဲ့ ပြည့်နေ ပါလိမ့်မယ်။ ဒီအတွက် ဗုဒ္ဓဘာသာရဲ့အဖြေက ဘာပါလဲ" ဆိုတာဖြစ်ပါတယ်။
ဒီလိုနေရာတွေမှာ အလွယ်တကူဖြေလို့မရ၊ လွဲသွား၊ ကျဉ်းသွားရင် ဘာသာခြားတွေကပါ ဖေ့စ်ဘုတ်၊ ယူကျု၊ သတင်းစာကနေဆော်လာမှာကို သတိထားရပါတယ်။ အစိုးရရုံးမှာ သွားရှင်းရတဲ့အထိ ဖြစ်သွားနိုင်ပါတယ်။ ဒီတော့ သုံးသပ်မှု ကျယ်ရပါတယ်။ ဒါပေမဲ့ ဗုဒ္ဓဘာသာရဲ့ခိုင်မာတဲ့ရပ်တည်ချက်ကိုတော့ တစ်ပြားမှ လျှော့စရာမလိုပါဘူး။
ရှင်းခဲ့တာက......
၁။ ဗုဒ္ဓဘာသာရဲ့ သီလ၊ သမာဓိနဲ့ပတ်သက်တဲ့ ဖွင့်ဆိုမှု။ သမာဓိက မနောကံ (စိတ်) ကို ထိန်းတာ၊ သီလက ကာယကံနဲ့ဝစီကံ (ကိုယ်နဲ့နှုတ်) ကို ထိန်းတာဖြစ်တယ်။
မနောကံက ပုဂ္ဂလိကနဲ့သာဆိုင်တယ်၊ ကာယကံနဲ့ဝစီကံက လုပ်ပြီ ပြောပြီမို့ အကောင်း အဆိုး ပတ်ဝန်းကျင်ဆီကို ရိုက်ခတ်မှုရှိသွားတယ်။ ဆိုလိုတာက စိတ်နဲ့သတ်တယ်၊ သီလမကျိုးဘူး၊ သမာဓိ ကျိုးတယ်။ စိတ်ပါလက်ပါသတ်တယ်၊ သီလ၊ သမာဓိနှစ်ပါးလုံး ကျိုးတယ် ပေါ့။ ဒီတော့ ကမ္ဘာ့စံ(ဗုဒ္ဓဘာသာရဲ့ စံ လည်းဖြစ်ပါတယ်)ကို ဆွဲထုတ်ကြည့်နိုင်တယ်။
သီလကို
၁။ တစ်ကိုယ်ရေ သီလ(Individual)
၂။ ဝန်းကျင်နဲ့ဆက်စပ်တဲ့သီလ (Societal) လို့ ခွဲခြားနိုင်ပါတယ်။
ငါးပါးသီလကို တစ်ကိုယ်ရေအနေနဲ့ကျင့်သုံးရင် ဘာမှ ပြသနာ မရှိဘူး။ ဥပမာ မင်းကွန်းဆရာတော်ကြီး၊ သီဟိုဠ်က နာရဒမထေရ်တိုဟာ သူတို့ရောဂါပျောက်ဖို့ ပဋိဇီဝဆေးတွေ သုံးစွဲခွင့် မပြုခဲ့ကြဘူး။ ရောဂါပျောက်ဖို့ ဗိုင်းရပ်ပိုးတွေ သေရမှာ ကို မလိုလားကြဘူး။ သီလကျိုးတယ်လို့ ခံယူတယ်။ ဒါက အရှင်မြတ်တွေကိုယ် တိုင် ရဟန်းတော်တွေဖြစ်နေလို့ နောက်ပြီး ဗိုင်းရပ်ပိုးက သူတို့ကိုသာ ဒုက္ခပေးပြီး ပတ်ဝန်းကျင်ကို ဒုက္ခမပေးလို့ ရာနှုန်းပြည့်မှန်တယ်။
ဒါပေမဲ့ သူတို့က အရှင်မြတ်တွေမဟုတ်ဘဲ နိုင်ငံတော်အစိုးရ ဖြစ်နေမယ်၊ ဗိုင်းရပ် ပိုးကလည်း ခြင်လို၊ ကြွက်လို၊ အီဘိုလာလို ပိုးတွေဖြစ်နေမယ်ဆိုရင် အဖြေက တစ်မျိုးဖြစ်သွားတယ်။ (ဘာဖြစ်ဖြစ် ခြင်၊ ကြွက်၊ အီဘိုလာကို မသတ်နဲ့လို့ ပြော မိရင်တော့ သေပေတော့ပဲ၊ စင်္ကာပူလိုနိုင်ငံမှာ တရားဟောခွင့်၊ နေထိုင်ခွင့်တွေ ပိတ်သွားလိမ့်မယ်။ ဒီလောက်မှ မပါးရင် စင်္ကာပူတက္ကသိုလ်မှာ တရားဟောဖို့ လည်း မစဉ်းစားနဲ့ ပဲ)
ဒါက ဗုဒ္ဓဘာသာနဲ့ ကိုက်ညီသလား။ ကိုက်ညီတယ်။ ဘုရားလောင်း ရသေ့နဲ့ ဘုရားလောင်းဘုရင် သီလအပေါ်ရှုမြင်ပုံ မတူဘူး။ တူလို့လည်း မရဘူး။ ဘုရင် လုပ်ရင် စစ်တိုက်ရမှာပဲ၊ မတိုက်ချင်ရင် မလုပ်နဲ့၊ မလုပ်ဘူး။ (ဥပမာ တေမိ မင်းသား)
အဖြေက ...
ငါးပါးသီလကို တစ်ကိုယ်ရေ သီလ(Individual)အနေနဲ့ကျင့်ရင် ချွင်းချက် မရှိ ရနိုင်ပေမဲ့ ဝန်းကျင်နဲ့ဆက်စပ်တဲ့သီလ (Societal) အနေနဲ့ကျင့်ရင် လိမ်မာဖို့ လိုလာတယ်။ ဗုဒ္ဓဘာသာဘုရင်က သူ့အတွက် ဘယ်သူ့မှ မသတ်ဘူး၊ ဒါပေမဲ့ တိုင်းပြည်ကို ကာကွယ်ဖို့ ဘယ်သူ့ကိုမဆို အညှာပေးမယ်မဟုတ်ဘူး။ သူ့စေတနာက ရန်သူကိုသတ်တာ မဟုတ်၊ သူ့သားသမီးကို ကာကွယ်တာပဲဖြစ် တယ်။ ဒါပေမဲ့ ကုသိုလ်က ကုသိုလ်၊ အကုသိုလ်က အကုသိုလ်၊ ပါဏာတိပါတ က ပါဏာတိပါတအနေနဲ့ပဲရှိမယ်။ ဒါကိုလည်း ဗုဒ္ဓဘာသာဘုရင်က သဘောပေါက်တယ်။ ဒါကို မဟာယာနစာပေမှာ ဥပါယ ကောသလ္လ (နည်းပရိယာယ်လိမ်မာမှု) လို့ ခေါ်ပါတယ်။
(ဦးဇင်းမကြာမကြာပြောပါတယ်၊ ဘာသာခြားတွေနဲ့ ရင်ဆိုင်ရရင် မဟာယာနဟာ မိသားစုဝင်၊ စီဗီလိုက်ဇေးရှင်းတူ ညီအကို၊ ရန်ဖြစ်နေစရာ အကြောင်း တစ်စက်မှ မရှိဘူး)
အဆုံးသတ် ရပ်တည်ချက်....
ခြင်ကြောင့် ငှက်ဖျားဖြစ်နိုင်တယ်၊ ဒန်ကီဖြစ်နိုင်တယ်၊ ဟုတ်တယ်။ ဒါပေမဲ့ ရာနှုန်းပြည့် သေချာသလား။ ခြင်ကိုက်တိုင်း ဒီရောဂါတွေ ဖြစ်သလား။ ရာနှုန်း မပြည့်ဘူး။ မင်းတို့က ရိုက်သတ်လိုက်ရင်တော့ အဲဒါ ရာနှုန်းပြည့် သေချာသွားပြီ။
သူက ကိုယ့်သွေးတစ်စက်ကို စုပ်ရုံနဲ့ သူ့အသက်တစ်ချောင်းလုံး ပြန်ယူလိုက်တာ တရားနည်းလမ်း ကျ၊ မကျ။ ဘုရားကတော့ မကျဘူးလို့ ဖြေပါတယ်။ ဒါပေမဲ့ မင်းတို့က ဆရာဝန်၊ စစ်သား၊ အစိုးရ ဗုဒ္ဓဘာသာတွေဆိုရင်တော့ ပါဏာတိပါတကို ဥပါယ ကောသလ္လနဲ့တွဲပြီး ကျင့်သုံးမှ ရလိမ့်မယ်။
ဗုဒ္ဓဘာသာတွေရော၊ ဗုဒ္ဓဘာသာမဟုတ်တဲ့ ကလေးတွေပါ သာဓုမခေါ်ဘဲ လက်ခုပ်တီးကြပါတယ်။ သူတို့ ကျေနပ်လို့ဖြစ်မယ်လို့တော့ ယူဆရတာပါပဲ။
နောက်တစ်ခါဆိုရင် ငြိမ်းကျော်မောင်စကားနဲ့ အဆုံးသတ်ရမယ်။ ဒါပေမဲ့ Spiritual Advisor ဆိုတော့ "ဟီးးးး" ဆိုတာတော့ ဖြုတ်ထားမှ သင့်မယ် ထင်တယ်။
ကိုအံ့ထူးနိုင်ပြောတဲ့ ပဉ္စမမြောက်ပုဂ္ဂိုလ်ကိုယ်တိုင်ကြိုးဖြတ်က ရာနှုန်းပြည့် မှန်နေတော့ မေးခွန်းတက်စရာ မရှိတော့ဘူး။ ကိုနေလင်းက တစ်ကိုယ်ရေ သီလ(Individual) ကနေကြည့်တာ။ ကိုဝန်းသိုက ဝန်းကျင်နဲ့ဆက်စပ်တဲ့သီလ (Societal) ကနေကြည့်တာပဲ ထူးပါတယ်။ ဗုဒ္ဓဘာသာဟာ တရားသေကြီး မဟုတ်ပါဘူး။ ကမ္ဘာ့စံထဲ မပြောင်းဘဲ ဝင်လို့ရပါတယ်။
အမှာ။ ။ ဒီအဖြေဟာ မဆိုးဘူးဆိုတာကလွဲလို့ အကောင်းဆုံး လုံးဝ မဟုတ်နိုင်ပါ။
တည်ဆောက်ဆဲ နိုင်ငံတော်အတွက် ကိုယ့်နယ်ပယ်နဲ့ကိုယ် ရေးသင့်တယ် (ဦးအေးငြိမ်း)
ဦးအေးငြိမ်းက သူ့သူငယ်ချင်း အသက် ၅၀ တန်း အင်ဂျင်နီယာတွေကို နည်းပညာ ရပ်ဆိုင်ရာ စာအုပ်တွေ ရေးကြဖို့ တိုက်တွန်းထားတယ်။ မှန်တာပေါ့။ တည်ဆောက်ဆဲ နိုင်ငံတော်အတွက် ကိုယ့်နယ်ပယ်နဲ့ကိုယ် ရေးသင့်တယ်။
ဥပမာ ဆရာဝန်တွေက ဆေးပညာနဲ့ဆိုင်တဲ့ စာအုပ်တွေ ရေး၊
အင်ဂျင်နီယာတွေက နည်းပညာရပ်ဆိုင်ရာ စာအုပ်တွေ ရေး၊
အဲ ဘုန်းကြီးတွေက ကမ္ဘာ့နိုင်ငံရေး စာအုပ်တွေ ရေး၊ (ဒါတော့ ဆင်ဆာ လွတ်အောင် နည်းနည်း ပြင်လိုက်ရတယ်)
သီလနဲ့အက်သစ်
၁။ တောင်တက်သမား အက်သစ် (ပါဏာတိပါတ)။
ဥပမာ။ တောင်တက်သမား ငါးယောက်ဟာ ခြေချော်လက်ချော်ဖြစ်ပြီး ကြိုးတန်း လန်းနဲ့ ဒုက္ခရောက်နေကြတယ်။ အဲဒီကြိုးရဲ့ တာရှည်ခံနိုင်မှုက လေးယောက်ပဲ။ ဒီတော့ တစ်ခုတည်းသော ဖြေးရှင်းနည်းက အောက်ဆုံးမှာရှိနေတဲ့လူကို သူ့ အထက်မှာရှိနေတဲ့ စတုတ္ထမြောက် တောင်တက်သမားက ကြိုး ဖြတ်ချခြင်းပဲဖြစ် ပါတယ်။ ဖြတ်မချဘူးဆိုရင် ငါးယောက်စလုံး ကြိုးပြတ်ကျပြီး သေတော့မယ်။ ဒီမှာ တောင်တက်သမား အက်သစ်က "စတုတ္ထမြောက် တောင်တက်သမားဟာ အက်သစ်အရ မှန်တယ်" လို့ဆိုတယ်။
ကဲဒါဆို ဗုဒ္ဓဘာသာရဲ့ ငါးပါးသီလက ဘာပြောမလဲ။
ဒါဟာ ပါဏာတိပါတလား။
စေတနာမပါလို့ မဟုတ်ဘူးဆိုရင် ဖြတ်ချလိုက်လို့သေမယ်ဆိုတာ သူ မသိဘူး လား။
ဒါကို ဗုဒ္ဓဘာသာက ချီးမွမ်းသလား၊ ကဲ့ရဲ့မလား။
တစ်နေ့က (NUS) ကျောင်းသားတစ်ယောက်မေးတဲ့ မေးခွန်းနှစ်ခုထဲက တစ်ခုပါ။ စနစ်တကျ စဉ်းစားခြင်း (Critical thinking) ဆီက ထွက်လာတဲ့မေးခွန်းပေါ့။ တစ်ခုသိထားရမှာက အဲဒီကျောင်သားဟာ ပါဏာတိပါတမြောက်ဖို့ အင်္ဂါတွေကို သိထားသူပါ။
သူ့မေးခွန်းအတွက် အဖြေတွေက ကွဲနေမှာဖြစ်သလို အမှား၊ အမှန်လည်း မရှိပါဘူး(ယူနီဗာဆယ် စတန်းဒတ်နဲ့ ဆုံးဖြတ်လို့ မရဘူး)။
ဒီမေးခွန်းက ဘယ်ကျမ်းက ဘာဆိုတယ်ဆိုတာထက် လက်တွေ့ ယုတ္တိဗေဒကို ပို တောင်းဆိုပါတယ်။
စိတ်ဝင်စားရင် (ကွန်မင့်မရေးရင်တောင်) ကိုယ်တိုင် ဖြေကြည့်ကြပါလား။ ဗုဒ္ဓဘာသာက ငါးပါးသီလဟာ လူတိုင်းကျင့်သုံးလို့ရတယ်လို့ ဆိုတတ်ကြတော့ ကမ္ဘာထဲဝင်မယ့် ဗုဒ္ဓဘာသာလည်း ဒီမေးခွန်းမျိုးတွေကို သေချာပေါက် ရင်ဆိုင် ရမှာဖြစ်ပါတယ်။
==============================
"တောင်တက်တဲ့အားကစားကိုဝေါင်ဝေါင်ရှေးပါ့မယ် ဟီးးး"
ဘယ်လိုပဲဖြေဖြေ အမှားအမှန် တိတိကျကျ မရှိလှပါဘူး။ ဒါပေမဲ့ အဖြေအားလုံးရဲ့ အပြီးမှာ အဆုံးသတ်သင့်တာက Nyein KyawMaung ရဲ့ အဖြေလို့ထင်ပါတယ်။ "တောင်တက်တဲ့အားကစားကိုဝေါင်ဝေါင်ရှေးပါ့မယ် ဟီးးး"
သူ့ဥပမာနဲ့ သူ့ပြန်ချည်ပြီး "ဗုဒ္ဓဘာသာအဆုံးအမကတော့ ကြိုးဖြတ်ရမယ့်နေ ရာရော၊ အဖြတ်ခံရမယ့်နေရာကိုပါမရောက်ရအောင်ဆင်ခြင်နေပါ"
ပြောပါတယ်လို့ဖြေရင် ပရိသတ်ပါ ပွဲကျပြီး တသောသော ဖြစ်သွားမှာပါ။ (မနက်ဖြန်ပို့စ်ပြီးရင် သုံးသပ်မှုတချို့ တင်ပေးပါမယ်)
ပဋိပက္ခကို ချဉ်းကပ်နည်း (ပြန်ချင်သည့် ကွန်မင့်များ)
"လီကွမ်းယုလိုမဟုတ်ဘူး၊ မင်းစာအုပ်အသစ် ကြီး ကို ငါတော့ သိပ်နားမလည် ဘူးဗျ" ဆိုတဲ့ ဆရာသမားကို
"ဦးဇင်း၊ လီကွမ်းယုက ကြာနီကန်ဆရာတော်တရားလိုပဲ၊ ဟန်တင်တန်ကတော့ မင်းကွန်းဆရာကြီးတရားနဲ့တူမယ်" လို့ သူသိတဲ့ ဥပမာပေးလိုက်တော့
"အော် အဲလိုလား" တဲ့။
မတတ်နိုင်ဘူး၊ မနှိုင်းအပ်ပေမဲ့ နှိုင်းပြလိုက်တော့ ရှင်းသွားတပေါ့။
"ကစ်ဆင်းဂျားက သူတို့အလယ်မှာရှိနေပြီး သီတဂူဆရာတော်ကြီးတရားနဲ့ တူမယ်" လို့ ပြောချင်တာ၊ သူထပ်ရှုပ်သွားမှာစိုးလို့ မလျှောက်ဖြစ်တော့ပါဘူး။
(October 13 at 5:24pm )
ပဋိပက္ခကို ချဉ်းကပ်နည်း (ပြန်ချင်သည့် ကွန်မင့်များ)
Ko Wun Tho "ဟုတ်တယ် ဦးဇင်း (ပဋိပက္ခကို) နားမလည်လို့  ရပ်ထားရတယ်။
ချည်းကပ်နည်းလေးပြောပါဦး။
ခေါင်းကလည်း မြန်မာပြည်းတုန်းကလို သိပ်ကြည်တာမဟုတ်တော့"
**************************************************************************
ပြောမလို့ပဲ။ မလိုဘူး ထင်လို့။ ကျေးဇူးပဲ ကိုဝန်းသို။ အကြံပြုရရင်............
အခန်း ၁၊ ၂၊ ၃ ကို အမှာပဲ ဖတ်ပါ။ ဒါတွေက သူ့ကို ဝေဖန်ကြလို့ မခံချင်လို့ရေး တာမျိုးမို့ သူပညာပြထားတာတွေ များတယ်။
အခန်း ၄ ကနေ စဖတ်ပါ။ ကျန်တာ မခက်တောတော့ဘူး။ ကောက်ချက်ကို ဂရုစိုက်ဖို့ပဲ၊ သီအိုရီတွေ မရှုပ်တော့ဘူး။
(ဆရာကြီးဂိုက် ဖမ်းချင်ရင်တော့ အခန်း ၇ ပြီးမှ ၁၊ ၂၊ ၃ ကို ပြန်ဖတ်ပေါ့။ ဟန်တင်တန်က ပြောတယ် ဘာညာ ပေါ့ဗျာ။
အခန်း ၁၊ ၂၊ ၃ မရှင်းရင်တောင် ဒီစာအုပ်ရဲ့ မက်ဆေ့ဂ်ျ မပျက်ပါဘူး)
မောနင်း ပို့စ်
မလေး တက္ကသိုလ်ကျောင်းသူတစ်ယောက် အကြမ်းဖက်သမားနဲ့ လက်ထပ်ဖို့ ဆီးရီးယားကို ထွက်ခွာတယ်ဆိုတဲ့ သတင်းပါလာသလို မလေးတစ်ယောက်ရေး ထားတဲ့ အကြမ်းဖက်မှု နှိမ်နှင်းရေးဆောင်းပါးကိုလည်း တွေ့ရပါတယ်။
နောက်ဆုံးဝါကျကလွဲရင် အများစုသဘောကျမယ့် ဆောင်းပါးကောင်းပါပဲ။
သူ့ဦးတည်ချက်က....
အကြမ်းဖက်မှု နှိမ်နှင်းရေးမှာ အစ္စလာမ်ဘာသာရေးခေါင်းဆောင်တွေရဲ့ အခန်းကဏ္ဍ အရေးပါ။
အကြမ်းဖက်မှုတွေနဲ့ ရှာရီးယားဥပဒေဆီသွားလို့မရကြောင်း ဘာသာရေးခေါင်းဆောင်တွေ သိသင့်။
မွတ်စလင်အကြမ်းဖက်မှုက ဖြေရှင်းချက်မဟုတ်သလို အနောက်ရဲ့ စစ်ရေးအရ တုန့်ပြန်မှုကလည်း ဖြေရှင်းချက်မဟုတ်။
ဂေါ့ဒ်၊ အလ္လာတို့ အဆုံးအမအတိုင်းမှ ရမယ်၊
ဘာသာရေးခေါင်းဆောင်တွေရဲ့ အခန်းကဏ္ဍမပါဘဲ အကြမ်းဖက်မှုကို နှိမ်နှင်းလို့ မရနိုင်(မဟာသီယာရဲ့ စကားကို ကိုးကား)
ဒါပေမဲ့ အကြမ်းဖက်မှုက မဟာသီယာလက်ထက်ကတည်းက အစပျိုးနေခဲ့။ အစ္စလာမ်ဘာသာရေးခေါင်းဆောင်အချို့မှာ တိုက်ရိုက် တာဝန်ရှိ။
ဘာသာရေးကို နိုင်ငံရေးအတွက် အသုံးချမှုက မှားယွင်း။
အကြမ်းဖက်မှုဆိုတာ အပြစ်မဲ့သူကို သတ်ဖြတ်ခြင်း၊ အနောက်တိုင်းသား ကို ခေါင်းဖြတ်ခြင်းသာ မဟုတ်၊ သူတစ်ပါးရဲ့ အခွင့်ရေးကို တားမြစ်တာလည်း အကြမ်းဖက်မှု.......စသည် သုံးသပ်ခဲ့ပြီး.....
နောက်ဆုံးမှာ ရှာရီးယားဥပဒေ တရားဝင်ဖြစ်စေဖို့ စစ်မှန်တဲ့ ကရုဏာ၊ မေတ္တာ တရားကသာ ဆောင်ကျဉ်းပေးနိုင်မယ်လို့ အဆုံးသတ်ထားပါတယ်။
ဒီမှာ မေးစရာရှိလာတာက.....
ငြိမ်းချမ်းရေးအတွက် ရှာရီးယား ဥပဒေက မရှိမဖြစ်လား၊
ရှာရီးယားဥပဒေကို ကမ္ဘာထဲ မိတ်ဆက်နေချင်သရွေ့ ငြိမ်းချမ်းရေးဆိုတာ ရကောရနိုင်ဦးမှာလား ဆိုတာပါပဲ။
ဒီလို မျှမျှတတဆောင်းပါးရေးနိုင်သူတစ်ယောက်က ဒီမေးခွန်းမျိုးတွေ မေးမသွား ခဲ့ဘူး။
အမြှောက်မခံတဲ့ ဦးသိန်းစိန်အစိုးရ
အရင်လကပဲ အိမ်ဖော်တွေရပ်ထားတယ်၊ ရသင့်တဲ့ အခွင့်ရေးတွေ ရမှသဘော တူမယ် ဆိုလို့ တို့အစိုးရ လူရည်လည်လာပြီဆိုပြီး အားရဝမ်းသာ ဆောင်းပါးကောက်ရေးမိပါတယ်၊ သူတို့ယုံမိလို့ ကိုယ့်ဖေ့စ် ဘုတ်တောင် နာမည်ပျက်သေးတယ်။ အဲဒီကတည်းက တွေးတွေးဆဆကွန်မင့်တချို့က "ဟုတ်ကြပါ့မလား ကွယ်တို့၊ ကလေးတွေ ပိုပြီး ဒုက္ခရောက်ကုန်ပါ့မယ်" လို့ ဆိုခဲ့ကြတယ်။ သူတို့သံသယက အမှန်ပဲ။ နောက်ပိုင်း သတင်းတွေအရ အူကြောင်ကြောင် မြန်မာအစိုးရ ဘာဥပဒေတွေထုတ်ထုတ် အိမ်ဖော်တွေက စင်္ကာပူထဲ ဝင်လာမစဲ ပဲလို့ သိရပြန်တယ်။ ဒါက သတင်း၊ ကိုယ်တွေ့မဟုတ်သေးဘူး။
ဒီနေ့မနက် ဖုန်းဝင်လာတယ်။ မြန်မာနဲ့ဆိုင်တယ်ဆိုပြီး အတွင်းရေးမှူးကပေး လို့ ဖြေလိုက်ရတယ်။ စလုံးအမျိုးသမီးကဆက်တာ။ သူမအိမ်ဖော် အသစ်က မြန်မာ၊ ဗုဒ္ဓဘာသာ၊ ဒီနေ့ နေ့ထူးနေ့မြတ်မို့ (သတင်းကျွတ်အပြီး ပထမဆုံး တနင်္ဂနွေပေါ့) ပရေးယားလုပ်ချင်တယ်ဆိုလို့ သူမအနေနဲ့ ဘာ လုပ်ပေးသင့်သလဲ လှမ်းမေးတာ။
သူမဆန္ဒကို ဖြည့်ဆည်းပေးလိုရင် (If you are kind enough) မြန်မာဘုန်းကြီးကျောင်း တစ်ကျောင်းကျောင်းကို လိုက်ပို့ပေးလိုက်ပါ လို့ အကြံပြုလိုက်ရတယ်။
ဥပဒေလျှောက်ထုတ်ပြီး တည်အောင်မကိုင်တွယ်နိုင်တဲ့အစိုးရကို ဘယ်သူက လေးစားမှာလဲ။
တကယ့်ကို ပြောချင်ရာပြော၊ လုပ်ချင်ရာလုပ်ပဲ။ လူရယ်စရာကြီး။ အတော်အသုံးမကျတဲ့ အစိုးရ။
ကိုဝန်းသိုရေ ကျုပ်မှားပါတယ် လို့ပဲ ပြောရတော့မှာပဲ။
ကျောင်းတွင်းမှတ်စု
ဒီနေ့ ကျောင်းကထိန်ပြီးသွားပြီ။ မနှစ်က ကထိန်အရံသင်္ကန်း ၉၀၀ က ဒီနှစ် ၁၀၀၀ ပြည့်သွားတယ်ဆိုတော့ တက်လာတယ်။ စင်္ကာပူ အနေအထားအရ မသေးလှဘူးပေါ့။
တစ်နိုင်လုံးရဲ့ ဗုဒ္ဓဘာသာအခြေအနေ ဘယ်လိုရှိသလဲဆိုတာ မသိပေမဲ့ ကိုယ်နဲ့ ဆက်စပ်နေတဲ့ ဗုဒ္ဓဘာသာအဖွဲ့အစည်းတွေမှာတော့ တက်ရိပ်ပြနေတာ တွေ့ ရပါတယ်။
စင်္ကာပူ အမျိုးသားတက္ကသိုလ် ဗုဒ္ဓဘာသာအဖွဲ့ဆိုရင် ၂၀၀၅ ခုနှစ်က ဥက္ကဋ္ဌ တစ်ယောက်ပဲ စလုံးကျောင်းသားပါပြီး ကျန်တဲ့အပိုင်းကို မလေး၊ အင်ဒို တရုတ်တွေနဲ့ ကျားကန်ထားရတာ။
ဒီနှစ်ဆိုရင် အားလုံးနီးပါးက စလုံးကျောင်းသားတွေပဲဆိုတော့ ပြည်တွင်းအား တက်လာတယ်လို့ဆိုရမယ်။
မလေး၊ အင်ဒို၊ ထိုင်း၊ မြန်မာကျောင်းသားတွေ အဖွဲ့ထဲများနေရင် ပြည်တွင်း ဗုဒ္ဓဘာသာ အားနည်းတဲ့သဘောကိုပြတာပဲ။ သူတို့နိုင်ငံထဲ သူတို့ကိုယ်တိုင်တိုးမှ ပိုပေါက်တယ်။
စင်္ကာပူထဲ ထိုင်း၊ မြန်မာတွေအလာများလို့ ဗုဒ္ဓဘာသာ အားကောင်းလာတယ် ဆိုတာက ဝမ်းသာစရာ မဟုတ်လှဘူး။ သူတို့က ရှိပြီးသားအရင်းတွေ၊ အသား တင် အမြတ်မဟုတ်ဘူး။
ဒီ နှစ်ခုကိုကြည့်ရင် စလုံးထဲ ဗုဒ္ဓဘာသာ အားကောင်းလာနေတယ်ဆိုတာ တွေ့ ရတယ်။ ဒါက ယုံကြည်မှုမဟုတ်ဘူး။ အချက်အလက်။
