ဒေါ်စုရဲ့ စင်္ကာပူခရီးစဉ်နဲ့ ဆက်စပ်ပြီး အခုတလောမှာ ကြားရတဲ့ အသံတွေ ကလည်း အမျိုးစုံပဲ။ စင်္ကာပူ ထိပ်သီးအစည်းအဝေးကို ဒေါ်စုက လွှမ်းသွားမှာ စလုံးတွေက မလိုလားဘူးဆိုတာတွေရော၊ စင်္ကာပူ က ဒေါ်စုကို ရိုးလ်တင် မပေးဘူး (ပေးမှာ မဟုတ်ဘူး) ဆိုတာတွေရော ပဲ။
ပထမစကားကတော့ ပုဂ္ဂလိက အမြင်ဖြစ်ပြီး ဘာမှလည်း ပြောစရာ မရှိပါ ဘူး။ နေပါစေ။ ဒုတိယ စကားကိုတော့ နည်းနည်း တို့ချင်တယ်။ စလုံးက ဒေါ်စုကို ဘာကြောင့် ရိုးလ်ချနေမှာလဲ။ တစ်ခုရှိတာက သူလာတဲ့ ခရီးစဉ်ကို မျက်ခြေမပြတ်ဖို့တော့ လိုတာပေါ့။ တစ်ချိန်ချိန်မှာ အိမ်နီးချင်း နိုင် ငံကြီးတစ်နိုင်ငံရဲ့ သမ္မတဖြစ်လာနိုင်တဲ့ (ဖွဲ့စည်းပုံပြင်၊ ရွေးကောက်ပွဲ လည်း နိုင်ခဲ့ရင်) လူတစ်ယောက်ကို အကြောင်းမဲ့ စိတ် ကသိကအောက်ြ ဖစ်အောင် ပါးနပ်တဲ့ အစိုးရက မလုပ်ပါဘူး။ လုပ်လို့လည်း မရ၊ လုပ်စရာ လည်း အကြောင်း မရှိပါဘူး။
ကျနော်စောင့်ကြည့်မိတာက ဒေါ်စုပြောသမျှကို စထရိတ်တိုင်း ဘယ် စာ မျက်နှာမှာ ဖော်ပြမလဲ ဆိုတာပါ။ စာမျက်နှာ တစ်၊ မျက်နှာဖုံး ဆိုတာ ကတော့ သတင်းလည်းကြီး၊ လူလည်းစိတ်ဝင်စား၊ ဓာတ်ပုံကောင်းကောင်းေ တွ နဲ့ ဖော်ပြရာ နေရာပေါ့။
ဒါပေမဲ့ ဒီ သတင်းစာရဲ့ (စထရိတ်တိုင်း) တန်ဖိုးအထားဆုံးစာမျက်နှာက စာမျက်နှာ နှစ်ပါ။ စာမျက်နှာ နှစ်မှာ ဖော်ပြတဲ့ ဆောင်းပါးတွေဆိုရင် Page 2 အာတီကလ်တွေဆိုပြီး စာအုပ်ပြန်ထုတ်တယ်။ ဒီပေါ်လစီကို မကြိုက်လို့ ( စာမျက်နှာ နှစ်မှာ ဖော်ပြတဲ့ အကြောင်းအရာတွေက လေးလံလွန်းလို့) သူတို့လည်း ဝေဖန်တာ တော်တော်ခံခဲ့ရဖူးတယ်။ ဆိုလိုတာက သူတို့လည်း တန်ဖိုးထား၊ တွေးစရာခေါ်စရာလည်းပါတဲ့ စာ၊ စကားတွေကို စာမျက်နှာ နှစ်မှာ ဖော်ပြတယ်ဆိုတာပါ။ အခု ဒေါ်စုနဲ့ ဆက်စပ်တဲ့ သတင်းတွေဆိုရင် မျက်နှာဖုံးမှာ မိတ်ဆက်ပေးတတ်ပြီး စာမျက်နှာ နှစ်မှာ အကျယ်တဝင့် ပြန်ဖော်ပြတာတွေ့ရပါတယ်။
ကျနော်တော့ သူတို့ တန်ဖိုးထားမှုကို ကြေနပ်မိတယ်။
ဒီနေ့ ဒေါ်စု လှမ်းတုိ့လိုက်တာက ခေါင်းဆောင်မှု ဆိုတဲ့ ဂုဏ်ရည်ပါ။ ကိုယ် တိုင်လည်း ဒီအတိုင်းပဲ ယုံကြည်မိလို့ လက်ခုပ်သံ ကျယ်ကျယ်ပဲ တီးလိုက် မိပါတယ်။
လူထုအကြိုက်လိုက်၊ ရွေးကောက်ပွဲမှာ မဲ ရရှိရေးလောက် လုပ်ရုံနဲ့ေ တာ့ ခေါင်းဆောင်စစ်စစ် မဟုတ်နိုင်ပါဘူး။ (နိုင်ငံခြားထုတ် စာတွေပဲ ဖတ်ပြီး ရေးနေတာလို့ ဆိုလာရင်လည်း မတတ်နိုင်) ရေရှည် အကျိုးစီးပွားကို ကြည့်ပြီး လူထုသိပ်မကြိုက်တာတွေ (ရှိခဲ့ရင်) ကို ရဲရဲဝန့်ဝန့် ဆန့်ကျင် ဆုံးဖြတ်ရဲမှ ခေါင်းဆောင် စစ်တယ်။ လူထုထက်လည်း ကျော် မြင်နေမှ၊ သတ္တိလည်း ရှိမှ၊ ပေါ်ပြူလာဖြစ်ချင်စိတ်လည်း နည်းမှ ဒါမျိုး လုပ်လို့ ရတယ်။
ကဲ လက်တွေ့ ကြည့်ကြည့်ရအောင်
၁။ စင်္ကာပူပင်လယ်ကမ်းခြေက မြေတွေ သိမ်းယူပြီး အစိုးရက အနာဂတ် အိုးအိမ် စီမံကိန်းတွေ အာဏာသုံး ချခဲ့တာ
၂။ NTU တက္ကသိုလ်ကို တရုတ်ဘာသာကနေ အင်္ဂလိပ်ကို ဇွတ်ပြောင်းခဲ့တာ
၃။ အင်္ဂလိပ်ကို ရုံးသုံးဘာသာစကား ပြဌာန်းခဲ့တာ၊
ဒါတွေဟာ လူထု ၇၅ ရာခိုင်နှုံးလောက် ခါးခါးသီးသီး ဆန့်ကျင်ခဲ့တဲ့ ဆုံးဖြတ်ချက်တွေပါပဲ။
မမေ့သင့်တာက နိုင်ငံရဲ့ လာမယ့် ရာစုဝက်ကံကြမ္မာကို ဆုံးဖြတ်ပေးမှာ ကလည်း အဲသလို ဆေးခါးကြီးတွေ ဖြစ်နေတတ်တယ်။
အဲဒါ ဒေါ်စုရဲ့ ဒီနေ့ စာမျက်နှာ နှစ်ပါ။
Post a Comment