ပွဲစဉ်ရဲ့အဖြေကို ပြောင်းလဲပစ်လာနိုင်တဲ့ .. မြန်မာ (By: Kavi Chongkittavorn)

Myanmar set to be game changer.
By: Kavi Chongkittavorn.

(ထိုင်းနိုင်ငံ၊ The Nation သတင်းစာက လက်ထောက်အယ်ဒီတာဖြစ်သူရဲ့ လက်ရာပါ။ အကောင်းဖက်က မြင်တာ နည်းနည်းများ သွားသလားလို့ ထင်မိပေမယ့် ကိုယ့်နိုင်ငံအကြောင်း အကောင်းရေးထားတာဆိုတော့ - ဘာသာပြန်လိုက်မိတာပါ။ ထိုင်းဆိုတော့ မြန်မာ ကိုအထင်ကြီးတာတော့ မဆန်းလှပါဘူး။ သမိုင်းစာအုပ်ကို ပြန်ကြည့်ရင်ပေါ့။)

ထိုင်းနဲ့ မြန်မာဟာ ရာစုဝက်လောက်အတွင်းမှာ မတူညီတဲ့ ဇာတ်အိမ်တွေနဲ့  တည်ဆောက် ထားခဲ့ကြတယ်။ ထိုင်းကတော့ ဒီမိုကရေစီရဲ့ အခွင့်ထူး၊ စီးပွားရေးအနာဂတ် အလားအလာတွေနဲ့  အရှေ့ တောင်အာရှမှာ အတောက်ပဆုံးကြယ်တစ်ပွင့်လိုဖြစ်နေခဲ့ပြီ။ မြန်မာကတော့ ကမ္ဘာ့  တံခါးရွက်တွေပိတ် အထီးကျန်ဆန်လှတဲ့ ဆင်းရဲသားတဲကုတ်လေးလို ရှိခဲ့တယ်။

အခု အားလုံးပြောင်းလဲလာနေတယ်။ အခုဆိုရင် မြန်မာမှာ ပိုကောင်းတဲ့ဇာတ်လမ်းတွေ ပြောလာနိုင်မယ့် အနေအထားမှာရှိနေတယ်။

သမ္မတဟောင်းသက်ဆင်ရဲ့ ကံကြမ္မာနဲ့  ဆက်နွယ်ပြီး မငြိမ်သက်တဲ့ နိုင်ငံရေးဆူညံမှုတွေ ဆက်ရှိနေပြီး မြန်မာကတော့ ပွင့်လာတဲ့ တံခါးတွေနဲ့ အတူ လှမ်းမြင်နေရတဲ့ နိုင်ငံရေးနဲ့ စီးပွားရေး ပြောင်းလဲမှုတွေ အတော်ခရီးပေါက်နေပါပြီ။

သူတို့ ပြောင်းလဲမှု အမြန်နှုန်းကများလွန်းတော့ ကမ္ဘာ့ အဖွဲ့ အစည်းတွေကတောင် အံ့သြတကြီးဖြစ်နေကြရတယ်။ လတ်တလောလေး တင်မှာပဲ သမ္မတဦးသိန်းစိန်က နိုင်ငံခြား ရင်းနှီးမြှပ်နှံမှုတွေ ပိုပြီး အာရုံစိုက်လာမိအောင် စီးပွားရေးအတူတူပူးပေါင်းဆောင်ရွက်ဖို့  ထပ်ပြီး တပ်လှန့် ခဲ့ပြန်တယ်။ စီးပွားရေးနဲ့  အုပ်ချုပ်ရေးနယ်ပယ်တွေမှာ အားနည်းချက်တွေ ရှိနေဆဲ ဆိုတာတောင် ဒီအချက်က ပြည်ပရင်းနှီးမြှပ်နှံလိုသူတွေကို မဟန့် တားနိုင်ခဲ့ပါဘူး။

လွန်ခဲ့တဲ့ ဆယ်စုနှစ်ကာလအတွင်း ထိုင်းနိုင်ငံကတော့ အသိအမှတ်ပြုလောက်တဲ့ နိုင်ငံရေးမူဝါဒ တိတိကျကျမရှိဘဲ ပြည်တွင်း မငြိမ်သက်မှုနွံ ထဲမှာ နစ်နေခဲ့တယ်။ နောက်ဆုံးဖြစ်ပွားခဲ့တဲ့ Pheu Thai ပါတီနဲ့ နိုင်ငံတော်တရားရုံး ချုပ်တို့ အကြား ဖြစ်ပွား ခဲ့တဲ့ပြဿနာဟာ ချက်ချင်းပြေလည်ဖို့  လမ်းစမမြင်သေးတာကြောင့် နိုင်ငံရေးတည်ငြိမ်ဖို့ နဲ့  စီးပွားရေးယုံကြည်မှုတွေရဖို့  ဆိုတာ အလှမ်းကွာဝေးနေဆဲပါပဲ။ ဒီကာလဟာ နှစ်အထိမကြာဘူးဆိုရင်တောင် လပေါင်းများစွာ ကြာနေဦးမယ့်သဘောပါ။ အဲ့ဒီအားနည်းချက်ကြောင့် ထိုင်းနိုင်ငံရဲ့စီးပွားရေးအရှိန်အဟုန်ကို နှောင့်နှေးစေခဲ့ပြီး အနာဂတ်စီးပွားရေးကိုလည်း အကြီးအကျယ်ထိခိုက်စေခဲ့တယ်။ ဒီအချက်က ထိုင်းနိုင်ငံရဲ့ ပုဂ္ဂလိကစီးပွားရေးကိုပါ လာရောက်ထိခိုက်နေတယ်။

အမှန်တကယ်ပြောရရင် ပုဂ္ဂလိကစီးပွားရေးသမားတွေဟာ အခုမြန်မာပြည်မှာ ရင်းနှီးမြှပ်နှံဖို့  အကြောင်းတွေပြောလာနေကြ ပါပြီ။ နိုင်ငံရေးသာတည်ငြိမ်နေမယ်ဆိုရင် ထိုင်းမှာ ရင်းနှီးမြှပ်နှံမယ့် အပြည်ပြည်ဆိုင်ရာစီးပွားရေးသမားဟာ ထိုင်းနိုင်ငံကိုကျော်ပြီး ကီလိုမီတာ ၂၀၀၄ သာကွာတဲ့ မြန်မာပြည်ထဲမှာ ရင်းနှီးမြှပ်နှံကြမှာပါ။

ထိုင်းနိုင်ငံနဲ့ မတူဘဲ မြန်မာကတော့ ပါတီနှစ်ခုရဲ့ ခြားနားချက်တွေကို စုပေါင်းအကောင်အထည် ဖော်နေပုံဟာ တော်တော်ကောင်းတယ်လို့  ဆိုရပါလိမ့်မယ်။ ဒီအချက်က ကမ္ဘာရဲ့ယုံကြည်မှုကိုရစေပါတယ်။ သမ္မတဦးသိန်းစိန် နဲ့ အတိုက် အခံခေါင်းဆောင် ဒေါ်အောင်ဆန်း စုကြည်တို့ အတူပူးပေါင်းပြီး ပါတီနှစ်ခုကို ဦးဆောင်နေတာဟာ ထင်ရှားတဲ့သာဓကပါပဲ။

ဒေါ်အောင်ဆန်းစုကြည်သာ နိုင်ငံရေးထဲမှာ တက်တက်ကြွကြွပါဝင်နေမယ်၊ နေပြည်တော်နဲ့ လည်း နားလည်မှုမျှနေမယ်ဆို ရင် ဒေါ်အောင်ဆန်းစုကြည်ဟာ မြန်မာရဲ့အဓိကမောင်းနှင်အားတစ်ခုဖြစ်လိမ့်မယ်။ သူမကပဲ မြန်မာနဲ့ ကမ္ဘာကိုဆက်စပ်ပေးပြီး စီးပွားရေးပူးပေါင်းဆောင်ရွက်မှုနဲ့  ဈေးကွက်လက်ဦးအောင် ရရှိမှု တို့ ကို ဖန်တီးပေးပါလိမ့်မယ်။

ဝေးကွယ်ပျောက်သွားတဲ့ “Roads to Socialism” နိုင်ငံရေးဆောင်ပုဒ်နေရာကို “All Roads lead to Burma” ကအစားထိုး လိုက်နိုင် ပါပြီ။ မြို့ ကြီးတွေဆီကနေ မြန်မာပြည်ကိုပျံသန်းတဲ့ လေယာဉ်တိုင်းဟာ ခုံအပြည့်ချည်းပါပဲ။

ဒီနှုန်းထားကိုသာထိန်းထားနိုင်ရင် အရှေ့တောင်အာရှရဲ့ နိုင်ငံရေးနဲ့  နည်းဗျူဟာအချက်အချာဟာ မြန်မာဆီကို အမြန်ရွေ့ လျားတော့ မယ့်သဘော ရှိပါတယ်။ ဒုတိယကမ္ဘာစစ်ကတည်းက မမြင်ရတော့တဲ့ အမေရိကန်နဲ့  အနောက်ဥရော ပနိုင်ငံသားတွေ မြန်မာပြည် ထဲမှာတွေ့ ကြရပါတော့မယ်။

လမ်းညွှန်ချက်အသစ်ကို ကြည့်ရတာကတော့ တုန့် နှေးမှုတစ်ချို့ရှိနေတယ်ဆိုရင်တောင် အရှေ့တောင်အာရှ ရဲ့ပွဲစဉ် အဖြေကို ပြောင်း လဲတော့မယ့်သဘောကို မြင်တွေ့ နေကြရပါတယ်။ အဓိကအချက်ကတော့ နိုင်ငံရဲ့ ရပ်တည်ရာနေရာပါ။ မြန်မာဟာ တရုတ်နဲ့ အိန္ဒိယကြားမှာရှိနေပြီး ဘင်္ဂလားပင်လယ်အော်ကိုလည်းအပေါ်စီးက လှမ်းကြည့်နေနိုင်တယ်။ အဲ့ဒီအချက် ဟာ နိုင်ငံ ရဲ့ ခေတ်သစ်သမိုင်းကိုရေးဖို့  အကောင်းဆုံးအားသာချက်ပါ။

နောက်ပြီး မြန်မာဟာ ကမ္ဘာရဲ့အကြီးအကျယ်ဒဏ်ခတ်မှုကနေ အသက်မသေရှင်သန်နိုင်ခဲ့တယ်။ မြန်မာဟာ ဆယ်စုနှစ်များစွာ အထီးကျန်ခြင်း၊ အနောက်နိုင်ငံတွေရဲ့ စီးပွားရေးပိတ်ဆို့ ခြင်းဒဏ်ကို အလူးအလဲခံခဲ့ရပြီး တရုတ်နိုင်ငံတစ်နိုင်ငံထဲကိုပဲ မှီခိုအားကိုးနေ ခဲ့ရတယ်။ နေပြည်တော်ဟာ အဲ့ဒီတံခါးပေါက်သေးသေးဝါဒကို အမြန်ပဲရိုက်ချိုးခဲ့တယ်။ ဒေါ်လာ ၃.၆ ဘီလီယံတန်ဖိုးရှိတဲ့ ကချင်ပြည်နယ် မြစ်ဆုံစီမံကိန်းကို ရပ်တန့် ထားတာ၊ မြန်မာနဲ့ အမေရိကတို့ ရဲ့ဆက်ဆံရေး ရုတ်တရက်ပြောင်းလဲတာ မြန်မာရဲ့ ဦးတည်ချက်တိကျမှုနဲ့  သည်းခံမှုကိုပြနေပါတယ်။ တရုတ်ပြည်ကိုဒီလိုဆက်ဆံရဲမှုဆိုတာဟာ ဒေသတွင်းမှာ တွေ့ ရခဲပါတယ်။ ဒီအချက်ကလည်း မြန်မာရဲ့ ရဲဝံ့မှုနဲ့  ရည်ရွယ်ချက်ရှင်းရှင်းလင်းလင်းရှိမှုကို ထင်ဟပ်စေပါတယ်။ မြန်မာကိုလွှမ်းမိုးထားတဲ့ တရုတ်ရဲ့ပါ ဝါတွေကို ငြင်းဆိုရဲတာဟာ မြန်မာနိုင်ငံရဲ့ မြင်ကွင်းသစ် တစ်ခုပါ။ နိုင်ငံရေးပုံမှန်ပြန်ရောက်ပြီး ပိုပြီးကျယ်ပြန့် တဲ့ဈေးကွက်ထဲကို သူတို့  တိုးဝင်လာခဲ့ကြပါတယ်။

အိမ်နီးချင်းအာဆီယံနိုင်ငံတွေနဲ့ ဆက်ဆံရာမှာလည်း ရှုပ်ရှုပ်ထွေးထွေးမရှိလှပါဘူး။

မြန်မာဟာ ၂၀၁၁ ခု အာဆီယံအစည်းအဝေးကို လက်ခံကျင်းပဖို့ စိုင်းပြင်းနေတယ်။ ဒီအစည်းအဝေးမှာ သူတို့ ပါဝင်လာမယ့် အခန်းကဏ္ဏကိုလျှော့တွက်လို့  လုံးဝမရပါဘူး။ နေပြည်တော်ဟာ အိမ်နီးချင်းတွေနဲ့  ရှိနေခဲ့တဲ့ တင်းမာမှုတွေကို အများကြီးလျှော့ ချရင်းပျော့ပြောင်းလာနေပါတယ်။ လွန်ခဲ့တဲ့ နိုဝင်ဘာလက ထိုင်း၊ အင်ဒိုနီးရှား၊ မလေးရှား၊ ဖီလစ်ပိုင်နိုင်ငံတွေနဲ့ ပူးပေါင်းပြီး လူ့ အခွင့်အရေးအဖွဲ့ ကို ဖွဲ့  စည်းခဲ့တယ်။ ဧပြီလမှာကျင်းပခဲ့တဲ့ ရွေးကောက်ပွဲမှာ အာဆီယနိုင်ငံတွေကို လာရောက်လေ့လာဖို့  ဖိတ်ကြားခဲ့တာဟာလည်း အရှေ့တောင်အာရှမှာ မြန်မာဟာ ပထမဆုံးနိုင်ငံပါ။

အကြီးမားဆုံးပြောင်းလဲမှုကတော့ လွတ်လပ်စွာပြောဆိုရေးသားခွင့်ပြုလိုက်တယ်ဆိုတဲ့ အချက်ပါပဲ။သတင်းနဲ့ ပြန်ကြားရေး ဝန်ကြီးဌာနရဲ့ ပြန်ကြားရေးနဲ့  လူထုဆက်ဆံရေးဒါရိုက်တာ ဦးရဲထွန်းက ၁၉၆၂ ခုက ပြဌာန်းထားတဲ့ သတင်းတည်းဖြတ်မှုဆိုင်ရာဥပဒေ ဟာ အရင်လကုန်ကတည်းက တရားမဝင်တော့ဘူးလို့  ကြေငြာခဲ့ပါတယ်။ လတ်တလောမှာတော့ ပရော်ဖက်ရှင်ဆန်ဆန် အလုပ်လုပ်သွားဖို့တည်ဆောက်သွားပါလိမ့်မယ်လို့  သူကဆိုပါတယ်။

ဒီလိုပြောင်းလဲမှုတွေ ဆက်လက်လုပ်နေရင်း လွတ်လပ်စွာပုံနှိပ်ထုတ်ဝေခွင့်ပါပြုလိုက်မယ်ဆိုရင် မြန်မာရဲ့သိက္ခာဟာ တက်လာ မှာဖြစ် ပါတယ်။ အရင်နှစ် မတ်လကစလို့  မြန်မာရဲ့တိုး တက်လာနေတဲ့နှုန်းဟာ အာဆီယံအဖွဲ့ ဝင်အသစ်လေးနိုင်ငံထဲမှာ အား အကောင်း ဆုံးပါ။ အာဆီယံရဲ့ ဥက္ကဌအနေနဲ့  မြန်မာဟာ လူအခွင့်အရေးဆိုင်ရာအခြေခံမူကို ချပြပြီး အလှည့်ကျလာမယ့်ငါးနှစ် အတွင်း မှာ စောင့်ကြည့်ရင်း သုံးသပ်ဖို့  ခြေလှမ်းစလာပါလိမ့်မယ်။

မြန်မာက လတ်တလော သတင်းခေါင်းကြီးပိုင်းမှာ နေရာယူနေစဉ် ထိုင်းနဲ့ မြန်မာတို့ ရဲ့ နှစ်နိုင်ငံ ပူးတွဲသဘောတူမှုကတော့ အရှုပ်အထွေး တစ်ခု ဖြစ်လာနိုင်စရာရှိနေပြန်ပါတယ်။ ထိုင်းနိုင်ငံထဲကို တရားမဝင် လာရောက်နေထိုင်နေတဲ့ သုံးမီလီယံရှိမြန်မာ အလုပ်သမားတွေ နဲ့  မြန်မာပြည်တွင်းကနေ ထွက်ပြေးလာတဲ့ တိုင်းရင်းသားတွေဟာ ထိုင်းနဲ့ မြန်မာ အနာဂတ်ပူးပေါင်းလုပ်ဆောင်ရေးကို အတားအဆီး သဖွယ် ဖြစ်နေပါလိမ့်မယ်။ ဒါတောင်မှ တင်းကြပ်မှုမရှိတဲ့ နိုင်ငံခြားစည်းနဲ့ လူအရောင်းအဝယ်ကိစ္စကို ထည့်သွင်းစဉ်းစားမထားရသေးပါဘူး။

ဒေါ်အာင်ဆန်းစုကြည်ရဲ့ လတ်တလော ဘန်ကောက်ခရီးစဉ်မှာ ဒီအလုပ်သမားတွေနဲ့  တိုင်းရင်းသားတွေ အတွက် လောလော ဆယ်မှာတော့ ထိုင်းအစိုးရက ပိုပြီးသင့်မြတ်အောင် ကိုင်တွယ် ထိန်းသိမ်းထားနိုင်တဲ့ စွမ်းရည်ရှိနေပါတယ်လို့  သူမကပြောသွားခဲ့တယ်။

ဒါတင်မကပါဘူး။ နိုင်ငံရေး တည်ငြိမ်မှုရဖို့  နေပြည်တော်က တိုင်းရင်းသားလက်နက်ကိုင်အဖွဲ့  တွေနဲ့  ပင်လယ်ထဲမှာ သောင်တင်နေတဲ့ ရိုဟင်ဂျာဒုက္ခသည်တွေဟာလည်း ထိုင်းနိုင်ငံရဲ့ပြည်တွင်းရေးကို ထိပါးစေပါလိမ့်မယ်။

ထားဝယ်မြို့ မှာ တည်ဆောက်မယ့်ဒေါ်လာ ၈.၆ ဘီလီယံတန်ဖိုးရှိ ပင်လယ်ကမ်းခြေတည်ဆောက်ရေး ပရောဂျက်ကလွဲရင် ထိုင်း-မြန်မာ စီးပွားရေးပူးပေါင်းမှုဆိုတာ မရှိသလောက်ပါ။ ပြုပြင်ပြောင်းလဲရေးကာလမှာ ထိုင်း-မြန်မာ ပူးပေါင်းဆောင်ရွက်ရေးအတွက် ကြား ဝင်ဖြေရှင်းပေးနိုင်မယ့် အမေရိကလို၊ ဂျပန်လို တတိယနိုင်ငံတွေဟာ အရေးကြီးလှပါတယ်။ မဲခေါင်မြစ်ဝှမ်းနဲ့  ပတ်သက်တဲ့ ပရောဂျက် အတွက် အမေရိက က ဦးဆောင်ခဲ့တယ်။ မြန်မာကိုလည်း ပါဝင်ဖို့  ဖိတ်ကြားခဲ့ကြတယ်။ ဒီမြစ်နဲ့ ဆက်စပ်နေ တဲ့ နိုင်ငံတိုင်း မြစ်ရေ ကိုအတူတကွ ထိန်းသိမ်းစောင့်ရှောက်ကြဖို့  စတင်ခဲ့ကြတာပါ။

အိမ်နီးချင်းအာဆီယံနိုင်ငံတွေရဲ့ အားနည်းချက်တွေကို အမိအရယူပြီး မြန်မာဟာ ဒေသတွင်းမှာ အဓိကကျတဲ့ ကစားသမား အဖြစ် နေရာယူနေပြီ ဖြစ်ပါတယ်။

တရုတ်ပြည်ရဲ့ လွှမ်းမိုးမှုကို မလိုလားတဲ့ အခြားစူပါပါဝါကြီးတွေပါ ပါဝင်လာကြပြီး ပိုမိုကျယ်ပြန့်  လာတဲ့အတွက် မြန်မာနိုင်ငံရဲ့ လုံခြုံရေးနဲ့  မဟာဗျူဟာဆိုင်ရာအချက်တွေကလည်း ပိုပြီးအားကောင်းလာဖွယ် ရှိနေပါတော့တယ်။

ဇင်ဝေသော်

Copyright © 2012 ကမ်းလက်. All rights reserved.

Read more

အချိန်ကိုက် အနိစ္စ

ကြော်ငြာ ဆိုတာရဲ့ မြန်မာလို ဖွင့်ဆိုချက်က သိပ်ပြီးမကောင်းလှဘူး၊ ကြော်အောင် ညာနေရတာ တဲ့။ ဒါကို ရှေးစကားပုံ လေးက ထောက်ခံပေးထားတယ်။
"ကြော်ငြာဆိုတာ ဥပဒေက ခွင့်ပြုထားတဲ့ တရားဝင် လိမ်ညာမှု" တဲ့။

ကြော်ငြာကိုပဲ အားတစ်ခုအနေနဲ့ သဘာဝ ကျကျ မြင်သူတွေလည်း ရှိပါတယ်၊ ဥပမာ စတူးဝပ် ကလစ် လိုပေါ့။ သူက ပြောတယ်
" စီးပွားရေးကို ကြော်ငြာ မပါဘဲ လုပ်တာဟာ အမှောင်ထဲမှာ မိန်းကလေးကို မျက်စ ပစ်ပြတာ နဲ့ အတူတူပါပဲ" တဲ့။

ဒါကို တစ်ဝက်တစ်ပျက်ဘဲ လက်ခံတဲ့ သူတွေလည်းရှိတယ်။ သူကတော့ ဆရာကြီး အော်စကာဝိုင်း ပါ။
"သဘာဝကျဖို့ ဆိုရင် နည်းနည်းပါးပါး လိမ်ညာ ဟန်ဆောင် တတ်ဖို့လည်း လိုသေးတယ်" တဲ့။

ဒါကို လက်ခံတာလား ကန့်ကွက်တာလား မသိဘူး။ နောက်ထပ် ဆရာကြီး မက်ခ်တွိမ်း က ပြောလာပြန်တယ်။
"အမှန်ကိုပဲ ပြောမယ်ဆိုရင် ဘာမှ မှတ်မိနေစရာလည်း မလိုဘူး" တဲ့။
သဘောကျတယ်။ အကိုးအကား မပါလည်း အမှန်က အမှန်ပဲ မဟုတ်လား။ ရဲ စခန်းမှာ၊ တရားရုံးထဲမှာ မဟုတ်ဘူး ဆိုရင်ပေါ့။

ဒီကိစ္စကို ဆွပေးလိုက်တာက ခရစ္စတီး ပါ။ သူက
"အခြားတစ်ယောက် ကို အကဲခတ်တဲ့ နေရာမှာ မိန်းမတွေက မှားခဲ တယ်" တဲ့။

သူမှ ပြောလို့ မဆုံးသေးဘူး ရှယ်ရီဂရေး ဒီတာ က
"ပျက်တတ်တဲ့ ပစ္စည်း မှန်သမျှ ပျက်ကြတာချည်းပဲ။ ဒါပေမယ့် ချက်ချင်းတော့ မပျက်ဘူး။ သူတို့ပစ္စည်း ရောင်းတုန်းက ပါလာတဲ့ အာမခံ ဒိတ် ကို ကျော်တဲ့ နောက် တစ်နေ့မှာမှ ပျက်ကြတယ်" တဲ့။

အနိစ္စကတောင် ဒီခေတ်မှာ ကွက်တိ ရောက်လာတတ်တယ်။ ဒါကြောင့်ပြောကြတာနေမှာ ဒီခေတ်မှာ သောက်ရမယ့် ဆေးတွေက အစ အားလုံးကို ယုံနေကြရတယ် ဗျာ တဲ့။

ဇင်ဝေသော်

Copyright © 2012 ကမ်းလက်. All rights reserved.

Read more

ပြောင်းလဲတတ်တဲ့ လောက

ဂျာမနီ ဘောလုံးအသင်း မထင်မှတ်ဘဲ အီတလီကို ရှုံးသွားတော့ ဂျာမန် သတင်းစာက ဘောလုံးသမားတွေ ကို ဝေဖန်တယ်၊ တစ်ယောက်မှ နိုင်ငံတော် သီချင်း လိုက်မဆိုဘူး၊ မျိုးချစ်စိတ် မရှိလို့ ရှုံးရတာ။ အီတလီတွေကတော့ အားနဲ့ မာန်နဲ့ ဆိုကြတယ် တဲ့။ အားနဲ့ မာန်နဲ့ နိုင်ငံတော် သီချင်း ဆိုတဲ့ အီတလီ ဘောလုံးအသင်းက ဖိုင်နယ်ရောက်တော့ နိုင်ငံတော် သီချင်းကို ဆိုဖို့ ပါးစပ်တောင် မဟ တဲ့ စပိန် ဘောလုံးအသင်းကို လေးဂိုးပြတ် ရှုံးပြန်ပါလေရော။

အဆင်ပြေခိုက်

အင်္ဂလိပ် ဘောလုံးအသင်း အောင်မြင်စဉ်က "English fighting spirit" ဂျာမန် ဘောလုံးအသင်း အောင်မြင်စဉ်က "Play with discipline" အီတလီ ဘောလုံးအသင်း အောင်မြင်စဉ်က "Defense like Roman worriers " ဒတ်ခ်ျ ဘောလုံးအသင်း အောင်မြင်စဉ်က "Free-spirited individualism" ပြင်သစ် ဘောလုံးအသင်း အောင်မြင်စဉ်က "Multi-ethnicity" တဲ့။

အဆင်မပြေခိုက်

အင်္ဂလိပ် အသင်းကို "too predictable" ဂျာမန် အသင်းကို "lack of imagination " အီတလီ အသင်းကို "fear of attack " ဒတ်ခ်ျ အသင်းကို "selfishness " ပြင်သစ် အသင်းကို "The absence of National feeling" တဲ့။

နွားရိုင်းပဲ သတ်တတ်တယ် ဆိုတဲ့ စပိန်တွေကို အခုတော့ "the artists of playing" တဲ့။

စပိန်တွေကတော့ နိုင်ငံတော် သီချင်း မဆိုလို့ လေးဂိုးပြတ် နိုင်တာလို့ မပြောကြဘူး။

ဇင်ဝေသော်

Copyright © 2012 ကမ်းလက်. All rights reserved.

Read more

အိမ်နီးချင်းတွေနဲ့ အားပြိုင်လာနေတဲ့ မြန်မာ (Myanmar's parallels with Asian neighbors by Michael J. Montesno)

နိုင်ငံတော်ရဲ့ စီးပွားရေးမူဝါဒပြောင်းလဲဖို့ အရှိန်အဟုန် ကောင်းကောင်း မောင်းနှင်ခဲ့ပြီး ကိုးလလောက် အကျော်မှာတော့ နေပြည်တော်ဟာ အသာစီးက နေရာယူထားပါတယ်။ သမ္မတဦးသိန်းစိန်က ပြောင်းလဲမှုအရှိန် တိုးမြှင့်ဖို့ မကြာခင်ကပဲ ထပ်မံ တိုက်တွန်းထားပါတယ်။ နည်းပညာရှင်တို့ရဲ့ အကူအညီ၊ ပြောင်းလဲရေးကို လိုလားတဲ့ တပ်တွင်း ဗိုလ်ချုပ်ကြီးတွေရဲ့ အကူအညီနဲ့ လာမယ့် ငါးနှစ်အတွင်းမှာ တစ်ဦးချင်းစီရဲ့ဝင်ငွေ သုံးဆ တက်လာပါလိမ့်မယ် လို့ မျှော်လင့် ထားပါတယ်။

သူ့ရဲ့ ရည်ရွယ်ချက်အတိုင်း အထမြောက်၊ မမြောက်ဆိုတာတော့ မသေချာသေးပါဘူး။ ဒါပေမယ့် ဒီအတွက် သမ္မတဦးသိန်းစိန် ဘယ်လောက် အားထုတ်နေသလဲဆိုတာကိုတော့ အသေအချာ တွေ့ရပါလိမ့်မယ်။ မြန်မာဟာ ရာစုဝက်လောက် ထိ ခေတ်သစ် အရှေ့တောင်အာရှရဲ့ အပြင်စည်းဘက်ကနေ ရပ်ကြည့်နေခဲ့ရပါတယ်။

လွန်ခဲ့တဲ့ ကိုးလကို ပြန်ကြည့်လိုက်မယ် ဆိုရင်တော့ မြန်မာဟာ ပွဲကြည့်ပရိသတ် သက်သက် မဟုတ်တော့ဘူးဆိုတာ ထင်ရှားလာနေပါတယ်။

ပထမဆုံး အရေးပါတဲ့ အခန်းကဏ္ဍကတော့ မြန်မာရဲ့ စိုက်ပျိုးရေးကဏ္ဍပါ။ မြန်မာလူထုရဲ့ (၇၀) ရာခိုင်နှုန်းက စိုက်ပျိုးရေး လုပ်နေကြပေမယ့် ပြည်တွင်းကုန်ထုတ်လုပ်မှုရဲ့ (၄၀) ရာခိုင်နှုန်းပဲ စိုက်ပျိုးရေးကဏ္ဍက ဖြည့်ဆည်းပေးနိုင်ပါတယ်။ ကျန်တဲ့ကဏ္ဍတွေအောက် အများကြီး နည်းနေပါတယ်။ မြန်မာနိုင်ငံဟာ ဒီကဏ္ဍကို တိုးတက်အောင် လုပ်ရမယ်။ ဒီလိုမဟုတ်ရင် လူထုကြီး နောက်ကျ ကျန်ခဲ့ပြီး မြန်မာရဲ့ စီးပွားရေးလည်း တိုးတက်လာမှာ မဟုတ်ပါဘူး။ စီးပွားရေး အကျပ်ရိုက်သွားစရာ ရှိပါတယ်။

ဒါပြီးရင် နောက်ထပ် အရေးပါတဲ့ကဏ္ဍက မြန်မာဟာ ကျန်တဲ့ အရှေ့တောင်အာရှ နိုင်ငံတွေလိုပဲ သဘာဝအရင်းအမြစ်ရဲ့ ကျိန်စာကို ခံနေရပါတယ်။ ပြည်ပပို့ကုန်တွေပေါ် ရပ်တည်နေရတဲ့အတွက် မြန်မာကျပ်ငွေ ဖောင်းပွနေပါတယ်။ ပြီးတော့ ပြည်တွင်း ကုန်ထုတ်လုပ်မှုကိုလည်း အကြီးအကျယ် ထိခိုက်စေပါတယ်။ လတ်တလော မြန်မာရဲ့ သယံဇာတကိုသာ ကြည့်ပြီး ဝင်လာ တဲ့ ရင်းနှီးမြှုပ်နှံ့မှုတွေဟာ ပြည်တွင်းကုန်ထုတ်လုပ်မှုနဲ့ မြန်မာကျပ်ငွေရဲ့ တန်းဖိုးကို ခြိမ်းခြောက်နေ ပါတယ်။

နောက်တစ်ချက်ကလည်း အိမ်နီးချင်းနိုင်ငံတွေလိုပါပဲ။ မြန်မာရဲ့ စီးပွားရေး၊ ပညာရေး အဓိကဌာနတွေက ရန်ကုန်နဲ့ မန္တလေးမြို့မှာတင် ရှိနေပါတယ်။ မြို့ကြီးနှစ်မြို့မှာသာ အရေးကြီးတဲ့ကိစ္စတွေ ဆောင်ရွက်လို့ ရတယ်ဆိုတဲ့အချက်ဟာ အစိုးရပိုင်းနဲ့ စီးပွားရေးကဏ္ဍကို အားနည်းစေပါတယ်။ ဒီပြဿနာကို မြန်မာ ရင်ဆိုင်နေရပါတယ်။ ဒီမြန်မာကျပ်ငွေ ပြဿနာ ကို ဖြေရှင်း ဖို့ နေပြည်တော်က လက်တွန့်နေတော့ ထုတ်လုပ်သူတွေသာ အကျိုးအမြတ်ရပြီး စားသုံးသူတွေကို ထိခိုက်စေပါလိမ့်မယ်။

ဒီတော့ အမှန်တကယ် အကျိုးရှိမှာက ရန်ကုန်နဲ့ မန္တလေးက လူထုတွေပဲ ဖြစ်နေပါလိမ့်မယ်။ မြင်နိုင်တဲ့ အနာဂတ်လောက် ကို ကြည့်မယ်ဆိုရင်တော့ မြန်မာရဲ့ စီးပွားရေးဟာ အားကောင်းနေပါလိမ့်မယ်။ ဒါပေမယ့် ကိစ္စအဝဝကို မြို့ကြီးနှစ်မြို့က အုပ်စီး ထားလေတော့ အခြားဒေသတွေ မှာ အရင်းအမြစ် ပြတ်လပ်မှုတွေ ဖြစ်လာပါလိမ့်မယ်။ အဲ့ဒီကတဆင့် အရှုပ် အထွေးပြဿနာတွေ၊ လေထု ညစ်ညမ်းမှုတွေ ဖြစ်လာပြီး အဲ့ဒီအခြားဒေသတွေ ရဲ့ အုပ်ချုပ်ရေးနဲ့ စီးပွားရေးကိုထိခိုက်သွားစရာ ရှိနေပါတယ်။

စတုတ္ထအနေနဲ့ တွေ့ရတဲ့ အခန်းကဏ္ဍကတော့ မြန်မာရဲ့ နိုင်ငံရေးနဲ့ စီးပွားရေး ပြောင်းလဲမှုမှာ အရေးပါတဲ့ နည်းပညာရှင်၊ အတတ်ပညာရှင်များအဖွဲ့နဲ့ ပြည်တွင်းစီးပွားရေးကိုပဲ ဇောင်းပေးတဲ့ စစ်တပ် (သို့) စစ်တပ်က အနားယူထားတဲ့ ခေါင်းဆောင်များရဲ့ ကွဲပြားနေတဲ့ကဏ္ဍ ဖြစ်ပါတယ်။

မြန်မာနည်းပညာရှင်များ အနေနဲ့က နိုင်ငံရဲ့ စီးပွားရေးကို နိုင်ငံခြား တိုက်ရိုက် ရင်းနှီးမြှုပ်နှံ့မှု (FDI - Foreign Direct Investment) ကတဆင့် သွားလိုကြပါတယ်။ ဒီအစီအစဉ်ကို စစ်ဗိုလ်ချုပ်ကြီးဟောင်း တစ်ချို့က သဘောတူ ခဲ့ကြတယ်။ မြန်မာ့စီးပွားရေးကို လတ်တလော ဦးဆောင်နေတဲ့ စီးပွားရေးသမားတွေကလည်း ဒီအစီအစဉ် ကို ထောက်ခံ ခဲ့ကြ ပါတယ်။

တစ်ချိန်တည်းမှာပဲ ပြည်တွင်းစီးပွားရေးသမားတွေရဲ့ကဏ္ဍကို မေ့ထားလို့မရဘူးဆိုတဲ့ အချက်ကိုလည်း တိတိ လင်းလင်း ဖော်ပြ လာကြပြန်ပါတယ်။ ဒီလို သဘောထားတွေ ရှိနေလို့ သူတို့ကို ကိုယ့်အကျိုးကို ကာကွယ်ဖို့ပဲ သိသူ၊ အကျင့်ပျက်သူတွေလို့ ပြောလို့ မရပါဘူး။ ပြီးတော့ ဒါ့ကြောင့် သူတို့ဟာ စီးပွားရေး ပြုပြင်တည်ဆောက်မှုအပေါ်မှာ အလေးအနက် မရှိသူတွေလို့ ပြောလို့ မရပါဘူး။

ဒီအချက်က ပြောပြတာက နည်းပညာရှင်များနဲ့ စစ်တပ်ဗိုလ်ချုပ်ကြီးတွေ ကြားမှာ နိုင်ငံတော်ရဲ့ စီးပွားရေးတိုး တက်တိုးတက်ဖို့ အကောင်အထည်ဖော်မှုအပေါ် ကွဲပြားနေတဲ့ အယူအဆလေးတွေ ရှိနေတယ်ဆိုတဲ့ အချက် လောက်ပါ။

နိုင်ငံတော်ပိုင် စီးပွားရေးဖြစ်တဲ့ မြန်မာအီကိုနောမစ်ကော်ပိုရေးရှင်းနဲ့ မြန်မာအိုကော်နောမစ် ဟိုး(လ်)ဒင်းကို မြန်မာ အစိုးရက ဆက်ကိုင်တွယ် ထားမယ်ဆိုရင် မြန်မာ့ စီးပွားရေး ကို နှောင့်နှေးစေလေမလား၊ ဒါကိုပဲ အစိုးရပိုင်ကနေ ပုဂ္ဂလိကပိုင်အဖြစ်ပြောင်းလဲ ကြေငြာလိုက်လေမလား၊ ဘယ်လိုပဲဖြစ်ဖြစ် ဒီစီးပွားရေး အချက်အခြာတွေကို အစိုးရက ပူးတွဲကိုင်တွယ်ထားလေဦးမလား ဆိုတာကတော့ မရေမရာပဲ ရှိနေတုန်းပါ။

ဖြစ်နိုင်ချေ ရှိတာကတော့ အခြား အာစီယံနိုင်ငံတွေလိုပဲ အရေးကြီးတဲ့ နိုင်ငံတော်ပိုင် စီးပွားရေးတွေ ကတော့ နိုင်ငံတော်ကပဲ တိုက်ရိုက် ကွပ်ကဲနေမယ့်သဘော ရှိနေပါတယ်။

နိုင်ငံခြား ရင်းနှီးမြှုပ်နှံ့မှုနဲ့ ပြည်တွင်းစီးပွားရေးတို့အကြား ဟန်ချက်ညီညီထားပြီး ယှည်ပြိုင်မှု အားကောင်းတဲ့ စီးပွားရေးမူဝါဒ ကို ချမှတ် ထားနိုင်ရင် ရင်းနှီးမြှုပ်လိုသူတွေကို ပိုပြီး ဆွဲဆောင်လာနိုင် ပါလိမ့်မယ်။ အခု ဆွေးနွေးခဲ့တဲ့ အခန်းကဏ္ဍလေးခုကို ထောက်ရင် မြန်မာဟာ အရှေ့တောင်အာရှမှာ အပြင်လူ လုံးဝ မဟုတ်တော့ပါဘူး။

သမ္မတဦးသိန်းစိန်နဲ့အဖွဲ့ဟာ ဒီစိန်ခေါ်မှုတွေအတွက် အဆင်သင့် ဖြစ်နေပြီဆိုတာ သတိထားမိပါတယ်။ ဒါတွေကြောင့် မြန်မာ ဟာ အိမ်နီးချင်း အာစီယံနိုင်ငံတွေနဲ့ စီးပွားရေးမှာ အားပြိုင်လာနေပြီဆိုတာ တစ်စစ်စ သိသာလာနေပါတယ်။

Ref: Myanmar's parallels with Asian neighbors.
By: Michael J. Montesno
The writer is a visiting research fellow at the Institute of Southeast Asia Studies. ဆောင်းပါးရှင်ဟာ
"ဒေါ်စုကို အာရှအရေးလောက်နဲ့ ကန့်သတ်တာ မှားတယ်" ဆိုတဲ့ တုန့်ပြန်စာရေးတဲ့ အမေရိကန် ပါမောက္ခတစ်ယောက်ပါ။

ဇင်ဝေသော်

Copyright © 2012 ကမ်းလက်. All rights reserved.

Read more

One in Two ( or three?)

1 ) One country, two policies. (Hong Kong)
2 ) One county , two names (Burma or Myanmar or both)
3 ) One country , ONLY two parties (U.S and U.K etc). Not hundred plus!
4 ) One word, two meaning. Maha Sammata(မဟာသမ္မတ). Selected by Mahabrahma (မဟာ ဗြဟ္မာ) or elected by the majority of people.
5 ) One word, two definitions. ဝင်စား။ ၁။ အချောင် ဝင်းစားသည်။ ၂။ သမာပတ် ဝင်စားသည်။
6 ) The worst of All.
One nationality, THREE names. Burmese, Myanmar and Myanmese!

ဇင်ဝေသော်

Copyright © 2012 ကမ်းလက်. All rights reserved.

Read more

ဘာပဲပြောပြော မြန်မီး တော့ မကြိုက်

Mr Song ဆိုတဲ့ တရုတ် တစ်ယောက်ရှိတယ်။ သူက တေး သီချင်း ထုတ်လုပ်တဲ့သူ တဲ့။ ဟောင်ကောင်မှာလည်း ရှိတယ်၊ Mr To Ba တဲ့ ( တူးဘား လို့ အသံထွက် ) သူက ကား ပြင်ဆရာ။ အဲသလို နာမည်တွေနဲ့ လူတွေ တွေ့ဆုံ ရတာဟာ အံ့ဩ စရာ မဟုတ်ဘူးလား။

ပတ်ဝန်းကျင် ထိန်းသိမ်းရေးနဲ့ ပတ်သက်ပြီး လက်မှတ်ထိုးဖို့ အချိန်ဆွဲနေတဲ့ ရီပတ်ဘလီကန် အမတ် နှစ်ယောက် ရှိဖူးတယ်။ သူတို့ နာမည်တွေက Doolittle နဲ့ De Lay တဲ့။ ( Do little ) ။ ယူကေ က ဦးနှောက် အထူးကု ဆရာဝန်ကြီးရဲ့ နာမည်က Mr Brain။ ကမ္ဘာကျော် ပြေးခုန်ပစ် အားကစားသမား ရှိသေးတယ်၊ Stepanova တဲ့။ အစ္စရေးက တင်းနစ်ကစားသမား အမျိုးသမီး နာမည်ကလည်း Smashanova တဲ့။ အမေရိကန်၊ တက္ကဆက် က သုဘရာဇာ ကုမ္ပဏီ ရဲ့ နာမည်ကလည်း Boxwell Brothers တဲ့။ ( Box-well ကောင်းကောင်း ထုတ်ပိုးတတ်တယ်)။ Dr Payne လို့ ခေါ်တဲ့ သွား ဆရာဝန်တွေ အများကြီးရှိတယ်။ အမေရိကန် သွား ဆရာဝန် ကတော့ Dr. Chip Silvertooth တဲ့။

အိန္ဒိယမြောက်ပိုင်းမှာ Butt ဆိုတဲ့ နာမည်က ပေးတာများပေမယ့် ကမ္ဘာ မှာလည်း ဒေါက်တာ Butt တွေ အများကြီး။ တစ်ချို့ဆိုရင် စာရိတ္တ ပြုပြင်ရေး သမားတွေ။ အမေရိက မှာ ရှိတဲ့ တရုတ် မျက်စိ အထူးကု ဆရာဝန်က Dr. Look ။ ကောလိပ်က ပါမောက္ခ တစ်ယောက်ရဲ့ နာမည်ကတော့ သူတို့မို့ ပေးရဲတယ်၊ Dr. Failor တဲ့။ အထူးခြားဆုံးက အာမခံ ကုမ္ပဏီက အရောင်း စာရေးရဲ့ နာမည်။ ကြားဖူအောင် မှတ်ထားကြ။ Justin Case တဲ့။ ( Just in case )

ဒါတွေဟာ တိုက်ဆိုင်မှု သက်သက်ပဲလား။

မန်ချက်စတာ တက္ကသိုလ်က သုတေသန ပညာရှင် Jen Hunt ကတော့ မဟုတ်နိုင်ပါဘူး လို့ ဆိုပါတယ်။ New Science မဂ္ဂဇင်းကလည်း Nominative Determinism ဆိုတဲ့ ဝေါဟာရ နဲ့အတူ နာမည်တွေက သူတို့ အလုပ်အကိုင်တွေ အပေါ်သက်ရောက်မှု ရှိကောင်း ရှိနိုင်တယ် လို့ ဆိုပါတယ်။

သူတို့က အခုမှ လေ့လာပေမယ့် အာရှကတော့ နာမည်က လူ အပေါ် လွှမ်းမိုးမှု ရှိတယ် ဆိုတာ ယုံကြည်ခဲ့ကြတာ ရှေး ပဝေသဏီ ကတည်း ကပါ။ တောင် အာရှက နာမည်တွေကိုကြည့်။ ဘီယာနဲ့ အဖျော် ယမကာ ရောင်းတဲ့လူ၊ သူ့ နာမည်က Bottlewalla ။ (walla ဆိုတာ job )။ ကား အရောင်း စာရေး နာမည်က Tyrewalla။ ထီး ရောင်း တဲ့လူက Brollywalla။ နောက် ကောင်မလေး တစ်ယောက်ရဲ့ နာမည်က Jasmine Sodabottlepopbottleopenerwalla တဲ့။ နာမည် ရှည်လို့ မဖြတ်လိုက်ကြပါနဲ့။ အဲဒါ တစ်လုံးတည်း၊ သူမရဲ့ ဆန်း နိမ်း ပါ။ သူမ အဖိုး၊ အဖွားတွေ ဘာ လုပ်ကိုင်ကြတယ် ဆိုတာ မပြောတော့ဘူး။ ဟောင်ကောင်မှာ ထူးထူး ခြားခြား နာမည် နှစ်ခု ရှိသေးတယ်။ Truly Man. He Man တဲ့။ အဲဒါ တကယ့်ကို နွဲ့နွဲ့ နှောင်းနှောင်း မိန်းကလေး နှစ်ယောက်။ အမေရိကန် မလေး ရဲ့ နာမည်ကို ကြည့်ဦး၊ Tiny Bimbo တဲ့။ ကောင်ကလေး ကို ကျတော့ Ferlon တဲ့။ ( ဒါလေးတွေက မစ္စတာ ဂျင်မ် ဆီက ယူထားတာပါ။)

ငါလား ငါ့ အမေလား

ဒါနဲ့ စကားမစပ် ဂါနာ နွယ်ဖွား မန်စီးတီး နဲ့ အီတလီတိုက်စစ်မှူး ဘာလိုတယ်လီ ဟာ အမြဲတမ်း တစ်ခု မဟုတ် ပြဿနာရှိနေတတ်တယ်။ ထားပါတော့ ပရီးမီးယားလိဂ် ရာသီဦးတုန်းက မန် ယူနိုက်တက်ကို ဂိုးသွင်း အပြီး သူ့ ရင်ဘတ်မှာ ရေးထားတဲ့ စာကို လှန်ပြတယ်။ "Why I always me " တဲ့။ သူ ဘာပြောပြော မန် စီးတီး ပရိသတ်ကတော့ မန် ယူနိုက်တက်ကို သွင်းတဲ့ ဂိုးပဲ မြင်ကြပါတယ်။ ပျော်မဆုံး မော်မဆုံး။ အခု လာပြန်ပြီ။ "These goals for you, Mum" တဲ့။ ရင်ဘတ်မှာတော့ ရေးမထားပါဘူး။ Why I always me နဲ့ စာရင်တော့ These goals for you, Mum က ပရိတ် ရဲ့ ရင်ကို ပိုထိတယ်။ ဖေးဘရိတ် ဂျာမဏီ ကို မထင်မှတ်တဲ့ ဂိုး နှစ်ဂိုး နဲ့ မြူးနစ် ပြန်ပို့ လိုက်တယ်။ အီတလီက စပိန် နဲ့ ဗိုလ်လု ပွဲကို စောင့်နေလေရဲ့။ ပြောချင်တာက These goals for you, Mum ပဲ ဖြစ်ဖြစ် Dad ပဲ ဖြစ်ဖြစ် အီတလီ ပရိသတ် သိတာကတော့ သူသွင်း တဲ့ ဂိုး နှစ်ဂိုး ပါဘဲ။

ဘားမား လား၊ မြန်မာလား။

လာပြန်ပြီ နောက် ကိစ္စတစ်ခု၊ ဒါကမှ ကိုယ်နဲ့ဆိုင်တာ။ ဘားမား လား၊ မြန်မာလား။ အော်ဖစ်ရှယ်လီ ပြောင်းထားပေမယ့် အရှေ့ အုပ်စုက မြန်မာပြီး အနောက်အုပ်စုကတော့ ဘားမား ပဲ။ စစ်တပ်က မြန်မာ၊ NLD က ဘားမား။ အဲဒီအထဲမှာ အပါးနပ်ဆုံးက ဟီလာရီ ကလင်တန်။ ဘားမား လည်းမခေါ် မြန်မာ လည်း မသုံး "This country" တဲ့။ ဒီပလိုမက်တစ် ပိုင်တယ်။ လှတယ်၊ မဆိုးဘူး။ ပြဿနာတော့ ရှိတယ်။ နာမည်ပြောင်းတာ ဝါသနာ ပါတဲ့ နိုင်ငံ ဆိုတော့ နောက် အစိုးရ တက်လာရင် "That country " လို့ ပြောင်းလိုက်မှ ဒုက္ခ။ အမေရိကန် နိုင်ငံခြားရေး ဝန်ကြီးက ဒါကိုမသိဘူး။      ။

ဘယ်လို ပြောင်းပြောင်း အဆိုးဆုံးက မြန်မီး။ စင်ကာပူက ဘယ်က ခွင့်ပြုချက် ယူပြီး သုံးထားတာလဲ မသိဘူး။ မြန်မီး တဲ့။ အူကြောင်ကြောင် နဲ့၊ လုံးဝ မကြိုက်ဘူး။ ဒါပေမယ့် ဘာမှ မတတ်နိုင်ဘူး၊ စင်ကာပူ နဲ့ မကင်းနိုင်တော့ မြန်မီး နေရတာပဲ။ ဘုရားက ရယ်စရာ မမိန့်တတ်ဘူး ဆိုပေမယ့် ပြုံးစရာလေးတွေတော့ တစ်ခါ တစ်ခါ မိန့်တော်မူတတ်တယ်။ နာမသိဒ္ဓိဇာတ် ထဲမှာ ပါ။ ဦးသက်ရှည်ကြီး စောစောသေ၊ ဒေါ်ချမ်းသာကြီး မွဲပြာကျ။ ကိုဗလ က ပိန်တာရိုး တဲ့။ မိန့်မယ်သာ မိန့်တာ ဘုရားရှင်က အရှင်မြတ်ရဲ့ အမည်ကိုမေးတော့ "ဇိန" တဲ့။

ဒါကြောင့် Why I always me ပဲ ဖြစ်ဖြစ်၊ These goals for you, Mum ပဲ ဆိုဆို လိုနေတာကတော့ အနိုင် ဂိုး ပါ။
အဲ ဒါနဲ့ မြန်မီး တော့ မကြိုက်ဘူး၊ ပြောပေးကြပါအုံး (စာလုံးမဲကြီးနဲ့)။      ။

ဇင်ဝေသော်

Copyright © 2012 ကမ်းလက်. All rights reserved.

Read more

မျှော်နေသူနဲ့ ပြန်ချင်သူတို့ မတွေ့သမျှရယ်…

မနှစ်က အိန္ဒိယကို သွားတော့ အင်ဒီရာဂန္ဒီအပြည်ပြည်ဆိုင်ရာ လေယာဉ်ကွင်းထဲကနေ ထွက်ထွက်ချင်းပဲ ဖုန်းထဲကို မက်ဆေ့ဂ်ျတစ်ခု ရောက်လာတယ်။ အဲဒီမက်ဆေ့ဂ်ျက ပြည်ပနိုင်ငံတွေမှာ (အထူးသဖြင့်တော့ အမေရိကန်ပေါ့) အခြေချနေထိုင်နေကြတဲ့ ဒိတ်ဒိတ်ကြဲ အိန္ဒိယန်း ပညာတတ်တွေကို စာရင်းပြုစုထားပြီး မွေးရပ်မြေကို မေ့နေကြတဲ့အတွက် ခပ်နာနာလေး ဝေဖန်ထားတဲ့ မက်ဆေ့ဂ်ျပါ။ သူတို့ ကောက်ယူထားတဲ့ စာရင်းဇယားများအရ နာဆာရဲ့ နည်းပညာရှင်တွေထဲမှာ အိန္ဒိယန်းလူမျိုး (၁၂) ရာခိုင်နှုန်း ပါဝင်ပြီး အမေရိကရဲ့ ဒေါက်တာတွေထဲမှာ (၁၆) ရာခိုင်နှုန်းက အိန္ဒိယန်းတွေ ဖြစ်ပါသတဲ့။

သူတို့ ကောက်ယူထားတဲ့စာရင်းက ဘယ်လောက်ခိုင်မာသလဲဆိုတာ မသိရပေမယ့် အိန္ဒိယန်းတွေ အိုင်တီမှာ တော်တာ ကတော့ လူတိုင်း သိနေတဲ့ ကိစ္စပါ။

အဲဒီမက်ဆေ့ဂ်ျလေးက “ဒိတ်ဒိတ်ကြဲ ပညာတွေတတ်ပြီး ရူးကြောင်ကြောင် (ခပ်ရိုင်းရိုင်း Stupid လို့ကို သုံးထားပါတယ်) ပုဂ္ဂိုလ်တွေသာ အိန္ဒိယကို ပြန်လာကြမယ်ဆိုရင် နယူးဒေလီဟာ နယူးယောက်ကို အချိန်မရွေး စိန်ခေါ်နိုင်တယ်” လို့ အဆုံးသတ် ထားပါတယ်။

အိန္ဒိယဆိုတာကလည်း (၁၅) ရာခိုင်နှုန်းလောက် ရှိတဲ့လူတွေက ပိုက်ဆံထားစရာ မရှိလောက်အောင် ချမ်းသာပြီး ကျန်တဲ့ (၈၅) ရာခိုင်နှုန်းလောက်က ကုန်းကောက်စရာ မရှိလောက်အောင် ဆင်းရဲတဲ့နိုင်ငံပါ။ အဲ့သလိုပါပဲ၊ (၂၀) ရာခိုင်နှုန်းလောက်သာ ရှိတဲ့လူတွေက ပညာတွေ သိပ်တော်နေကြပေမယ့် ကျန်တဲ့ (၈၀) ရာခိုင်နှုန်းလောက်ကတော့ အခြေခံပညာသင်ဖို့တောင် ရုန်းကန်နေကြရဆဲပါပဲ။

တရုတ်ပြည်ကလည်း ဒီကိစ္စအတွက် တစ်စခန်း ထလာပြန်ပါတယ်။ အမေရိကမှာ အခြေချ နေထိုင်နေကြတဲ့ ပညာတတ် တရုတ်လူမျိုးတွေ တရုတ်ပြည်ကြီးထဲ ပြန်လာဖို့ အရေးတကြီး စည်းရုံးရေးတွေ လုပ်နေတဲ့အကြောင်း ဒီနေ့ (၂၄၊ ၀၅၊ ၂၀၁၂) ထုတ် စထရိတ်တိုင်း သတင်းစာမှာ ဖတ်လိုက်ရပြန်တယ်။ ဒီအစီအစဉ်ကို အစပျိုးခဲ့တာ နှစ်နှစ်ကျော် ကြာပြီလို့လဲ ဆိုထားပါတယ်။

နယူးဒေလီရဲ့ အိပ်မက်မျိုးလိုပါပဲ၊ ပီကင်းကလည်း တရုတ်လူမျိုးပညာရှင်တွေ အားလုံးသာ ပြန်လာရင် ပီကင်းဟာ နယူးယောက်ကို အချိန်မရွေး စိန်ခေါ်နိုင်မယ်ပေါ့။

ဒီသတင်းနှစ်ခုကို ဆက်စပ်မိပြီး တစ်ခါက နိုဘယ်လ်ဆုရ ဂျပန်ဆရာဝန်တစ်ယောက် ပြောတာကို သတိရမိတယ်။ ပညာရပ်ဆိုင်ရာ နိုဘယ်လ်ဆု ဖြစ်တဲ့အတွက် ဂျပန်တစ်နိုင်ငံလုံး ဂုဏ်ယူမဆုံး ဖြစ်နေကြချိန်မှာ အဲ့ဒီဆရာဝန်ရဲ့ စကားကြောင့် အားလုံး အောင့်သက်သက် ဖြစ်သွားကြရတယ်။ သူပြောတာက “သူသာ အမေရိကတက္ကသိုလ်မှာ တက်ပြီး ပညာသင်ကြားခွင့် မရခဲ့ဘူးဆိုရင် ဒီနိုဘယ်လ်ဆုလည်း ရနိုင်စရာ အကြောင်းမရှိပါဘူး” တဲ့။

နိုင်ငံတစ်ခုကို သယံဇာတနဲ့ တည်ဆောက်တာထက် စာသင်ခန်းမထဲမှာ တည်ဆောက်ဖို့ ကြိုးစားရမယ်ဆိုတဲ့ အခြေခံအသိ နောက်ကျခဲ့ကြတဲ့ အာရှနိုင်ငံတွေဟာ အခုတော့ အမြင်မှန်တွေ ရလာပြီး စာသင်ခန်းထဲက ထွက်ပြေးသွားတဲ့ နိုင်ငံတော်အသစ်တွေဆီ အသည်းအမည်း လိုက်ဖမ်းနေကြတယ်။ ကျွန်တော်ဆောင်းပါးတစ်ပုဒ် ရေးဖူးတယ်။ ပီကင်းနဲ့ နယူးဒေလီဟာ နယူးယောက်ကို ဘယ်တော့မှ ကျော်တက်မှာ မဟုတ်ဘူးလို့။ အကြောင်းက ရှင်းရှင်းလေးပါ။ နယူးယောက်က ပီကင်းနဲ့ နယူးဒေလီ ယဉ်ကျေးမှုကို မွေးစားလိုက်နိုင်ပြီး ပီကင်းနဲ့ နယူးဒေလီက နယူးယောက် ယဉ်ကျေးမှုကို မွေးစားဖို့ ကြိုးစားကြမှာ မဟုတ်သေးလို့ပါ။

အာရှထဲက တစ်နိုင်ငံဖြစ်တဲ့ ကျွန်တော်တို့နိုင်ငံကလည်း စာသင်ခန်းထဲက ထွက်ပြေးသွားတဲ့ နိုင်ငံတော်သစ်ကို လိုက်ဖမ်းဖို့ ကြိုးစားနေကြောင်း ဝမ်းမြောက်ဝမ်းသာ သိခွင့်ရခဲ့တယ်။ သမ္မတကြီးကို ရင်ထဲကနေ နှစ်နှစ်ကာကာ ကျေးဇူးတင် မိပါရဲ့။

ပညာတတ် မြန်မာလူမျိုးတွေ မြန်မာပြည်ထဲ ပြန်ဝင်လာပြီး နိုင်ငံတော် ထူထောင်ရာမှာ တစ်တပ်တစ်အား ပူပေါင်း ပါဝင်ကြဖို့ သမ္မတကြီးက ဖိတ်ခေါ်တယ်။

ကျွန်တော့်အထင် ပြောရရင် မြန်မာလူမျိုး တော်တော်များများဟာ မျိုးချစ်စိတ် သိပ်ပြင်းထန်ကြပါတယ်။ ပါးစပ်ပြောလား၊ တကယ်လားဆိုတာ ခွဲခြားရ ခက်လှပေမယ့် ပြုပြင်ပြောင်းလဲလာတဲ့ နိုင်ငံတော်ဆီ ခြေစုံပစ်ဝင်ဖို့ ကြိုးစားသူတွေ အများအပြား ရှိနေပါတယ်။

သေချာတဲ့ စာရင်းဇယားကတော့ စင်္ကာပူလူမျိုးအဖြစ် ခံယူကြတဲ့အထဲမှာ မြန်မာတွေဟာ ရာခိုင်နှုန်း အနည်းဆုံးထဲမှာ ပါဝင်ပါတယ်။ ပညာတတ် မြန်မာတွေဟာ အမြဲနေထိုင်ခွင့် (ပီအာ) ကိုသာ ယူပြီး ပီအာကနေ စီတီဇင်ပြောင်းသူဟာ (၁၂) ရာခိုင်နှုန်းလောက်ပဲ ရှိတယ်လို့ မနှစ်က သိခဲ့ရပါတယ်။ စီတီဇင်ပြောင်းလိုက်ရင် ရလာမယ့် အခွင့်အရေးတွေကို မျက်ကွယ်ပြုပြီး ပြောင်းလဲလာမယ့် နိုင်ငံတော်ဆီ မျက်စောင်းထိုးနေကြတဲ့ မြန်မာတွေ သိပ်မနည်းလှပါဘူး။

တရုတ်လူမျိုးတွေကတော့ သူများနိုင်ငံသားအဖြစ် ခံယူကြတဲ့အထဲမှာ ထိပ်ဆုံးမှာ ရှိကြပါတယ်။ စင်္ကာပူလူမျိုးအဖြစ် ခံယူကြတဲ့အထဲမှာ တရုတ်ပြည်မကလူတွေဟာ (၉၀) ရာခိုင်နှုန်းတောင် ကျော်နေပါသတဲ့။ တရုတ်လောက် မများလှပေမယ့် အိန္ဒိယန်းတွေကလည်း သူများနိုင်ငံသားအဖြစ် ခံယူဖို့ မြန်မာတွေလောက် ကပ်စေးမနည်းကြပါဘူး။

တရုတ်၊ အိန္ဒိယန်းတွေနဲ့ နှုန်းယှည်ကြည့်ရင် မြန်မာတွေရဲ့ နိုင်ငံချစ်စိတ်က ပိုအားကောင်းပါတယ်။ ဒါ့ကြောင့် သမ္မတကြီးအတွက် မျှော်လင့်ချက်လည်း သိပ်ရှိပါတယ်။ (၈၈) ကာလမတိုင်မီကတော့ တစ်ယောက်စ၊ နှစ်ယောက် စလောက်ပဲ နိုင်ငံတော်က ဆုံးရှုံးခဲ့တာပါ။ (၈၈) ပြီးတဲ့နောက် ဆုံးရှုံးလိုက်ရတာက စာသင်ခန်းတွေ အခန်းလိုက် ဆုံးရှုံးခဲ့ရ ပါတော့တယ်။ (၈၈) နောက်ပိုင်း မောင်းထုတ်ခံလိုက်ရတဲ့ ဦးနှောက်တွေက အုံနဲ့ ကျင်းနဲ့မို့ တော်တော် ကြေကွဲ စရာ ကောင်းပါတယ်။

စာရင်းဇယားနဲ့ အတိအကျ မတင်ပြနိုင်ပေမယ့် (၈၈) မျိုးဆက် လူလတ်တွေဟာ လူပျိုကြီး၊ အပျိုကြီးတွေ ဖြစ်နေတာ တော်တော်များများ တွေ့ရတယ်။ အဆင်မပြေတဲ့ နိုင်ငံတော်ကို သူတို့ တတ်နိုင်တဲ့ဘက်က ပံ့ပိုးရင်းနဲ့ သူတို့ကိုယ်ပိုင် မိသားစုဘဝလေးတွေ တည်ဆောက်ဖို့တောင် မသိချင်ယောင် ဆောင်ထားရတဲ့ မျိုးဆက်တွေပါ။

အဲ့ဒီမျိုးဆက်တွေကို စည်းရုံးဖို့ ဒေါ်စု၊ အန်တီစု၊ အမေစု မပါလို့တော့ မရပါဘူး။ သူတို့ရဲ့ ခပ်ဖျော့ဖျော့ အိပ်မက်တွေကို ဒေါ်စုဆီမှာ ယုံယုံကြည်ကြည် ပေးထားရင်း ခရီးဆက်နေကြပါတယ်။ ဒေါ်စုကို အမှီပြုပြီး အနောက်က ဝင်လာမယ့် ရင်းနှီးမြှုပ်နှံမှုတွေထက် ဒေါ်စုကို အမှီပြုပြီး ပြည်တွင်းထဲ ဝင်လာကြမယ့် (၈၈) ဦးနှောက်တွေကို ပိုပြီး တန်ဖိုးထားတယ်လို့ ပြောရင် ကျွန်တော့်ကိုများ ဝိုင်းဆဲကြမလား မသိဘူး။ (၈၈) မျိုးဆက်ဟာ အခုဆိုရင် (၄၀) ကျော်တွေပါ။ ပညာရှိတယ်၊ အရွယ်ရှိတယ်၊ အတွေ့အကြုံရှိတယ်၊ စိတ်ဓာတ်ရှိတယ်။ နိုင်ငံအသီးသီးမှာ သူ့နယ်ပယ်နဲ့သူ အထိုက်အလျောက် နေရာရထားသူတွေ ဖြစ်တယ်။ အထူးသဖြင့်တော့ အင်ဂျင်နီယာနဲ့ နည်းပညာအိုင်တီဆိုင်ရာတွေမှာပါ။

နောက်ပြီး တန်းဖို့ ဖြတ်မရတဲ့ စိတ်ဓာတ်ရေးရာ အမြတ်က နောက်လူငယ်တွေ လေးစားတဲ့ ကိုမင်းကိုနိုင်တို့လို လူတွေ ရှိနေခြင်းပဲ။ လူငယ်တွေကို ပြုပြင်ပေးရာမှာ သူတို့ဟာ အဓိက မောင်းနှင်အားတွေ ဖြစ်နေလိမ့်မယ်။

တရုတ်ကလည်း တရုတ်ပညာရှင်တွေကို ပြန်လာဖို့ခေါ်၊ အိန္ဒိယကလည်း ခေါ်၊ မြန်မာကလည်း ခေါ်။ ဒီသုံးဦးထဲမှာ မြန်မာဟာ မျှော်လင့်ချက် အကောင်းဆုံးလို့ ထင်ပါတယ်။ ဘာ့ကြောင့်လည်းဆိုရင် တရုတ်၊ အိန္ဒိယန်းတွေက သူတို့ သဘောနဲ့သူတို့ ထွက်သွားကြတာ ဖြစ်ပြီး မြန်မာတွေကတော့ အခြေအနေအရ ထွက်ခဲ့ရတာ ဖြစ်နေလို့ပါပဲ။ ကျွန်တော်ပြောခဲ့ သလို နိုင်ငံခြားသား ခံယူသွားတဲ့ မြန်မာအရေအတွက်ဟာ သူများထက် နည်းနေတာလည်း ပါဝင်ပါတယ်။

ဒါပေမယ့် အဓိက ပြဿနာတစ်ခုတော့ ရှိတယ်။

ဆိုပါတော့၊ NUS မှာ၊ အောက်စ်ဖို့ဒ်မှာ၊ မန်ဆာချူးဆက်အင်စတီကျုမှာ အင်ဂျင်နီယာပညာနဲ့ ဒေါက်တာဘွဲ့ ယူထားတဲ့ ကျောင်းသားတစ်ယောက်၊ သူ့ကို မြန်မာပြည်က အလုပ်ပေးမထားနိုင်ဘူး။ သူသင်ထားတဲ့ ပညာရပ်တွေကို အသုံးချနိုင်ဖို့ မြန်မာပြည်က အဆင်သင့် မဖြစ်သေးဘူး။ သူ့အယူအဆနဲ့ ပြည်တွင်းက အင်ဂျင်နီယာတွေရဲ့ အယူအဆတွေ တူနေမှာ မဟုတ်ဘူး။

ကမ္ဘာကျော်တက္ကသိုလ်ကြီးတွေကနေ အင်တာနက်ဆိုင်ရာ၊ စတဲလိုက်ဆိုင်ရာ ဒေါက်တာဘွဲ့ ရထားတဲ့ ကျောင်းသား တစ်ယောက်၊ သူ့အတွက်လည်း မြန်မာပြည်က အဆင်သင့် သိပ်မဖြစ်သေးဘူး။ မဖြစ်သေးဘူးဆိုတာ သူသင်ထားတဲ့ ပညာရပ်ရဲ့ (၂၀) ရာခိုင်နှုန်းလောက် သုံးရင်ကိုပဲ ရနေပြီ။ နိုင်ငံတော်ဟာ သူ့ကိုလည်း ရာနှုန်းပြည့် အသုံးမချနိုင်ပြန်ဘူး။

ပြီးတော့ အော်ဒစ် - စာရင်းစစ်ပညာ၊ မြန်မာပြည်မှာ အဓိက အားနည်းတာက အိုင်တီနဲ့ စာရင်းစစ် ပညာတဲ့။ နိုင်ငံခြားတက္ကသိုလ်တွေက ကျောင်းပြီးထားတဲ့ စာရင်းစစ်ပညာရှင်တွေအတွက် စနစ်ကျတဲ့အလုပ် ပြည်တွင်း ထဲမှာ ရှိကို မရှိသေးဘူး။ ထားပါတော့ - ဒါဆိုရင် ဒီပြဿနာက မုန့်လုံး စက္ကူကပ် ဖြစ်တော့မယ်။ နိုင်ငံတော်က ပညာရှင်တွေကို ပြန်ခေါ်တယ်။ ပညာရှင်တွေကလည်း ပြန်လာချင်တယ်။ ဒါပေမယ့် နိုင်ငံတော်က သူတို့နဲ့ ထိုက်တန်တဲ့ အလုပ်ကို ဖန်တီး မပေးနိုင်ဘူး။ ဒီလို ပညာရှင်တွေ ပြန်ဝင်မလာဘူးဆိုရင် ဒီလို အလုပ်တွေ ဖန်တီးပေးဖို့ အစိုးရမှာလည်း အခက်တွေ့နေလိမ့်မယ်။ ဒါဆို ဘယ်လို ကွန်ပရိုမိုက် (ဇ်) လုပ်ကြမလဲ။ မြန်မာပညာရှင်တွေ ပြန်မလာရင် နိုင်ငံခြား ပညာရှင်တွေရဲ့ အကူအညီ ယူကြရတော့မယ်။ ဒါဆိုရင် မလိုအပ်တဲ့ နစ်နာမှုတွေ ဖြစ်တော့မယ်။

ကျွန်တော့်ဝန်းကျင်က အင်ဂျင်နီယာနှစ်ယောက်အကြောင်း ပြောချင်ပါတယ်။ တစ်ယောက်က မြန်မာဖြစ် ပြီး နောက်တစ်ယောက်က စင်ကာပိုရီးယန်းပါ။ ဘွဲ့ရတဲ့ တက္ကသိုလ်တွေကြည့်ရင် မြန်မာလူမျိုး အင်ဂျင်နီယာရဲ့တက္ကသိုလ်က အပြတ်အသတ် သာတယ်။

မြန်မာအင်ဂျင်နီယာက စင်ကာပူချန်ဂီလေဆိပ်မှာ အလုပ်လုပ်ပြီး စင်ကာပိုရီးယန်း အင်ဂျင်နီယာက ရန်ကုန် မင်္ဂလာဒုံလေဆိပ်မှာ လုပ်တယ်။ စင်္ကာပူက မြန်မာအင်ဂျင်နီယာကို ဒေါ်လာလေးထောင်လောက်နဲ့ ခပ်နှိမ်နှိမ်ပေးပြီး ခိုင်းတယ်။ မြန်မာက စင်ကာပိုရီးယန်း အင်ဂျင်နီယာဆိုပြီး ဈေးမြင့်မြင့်ပေးပြီး ခေါ်ရတယ်။ လူမှုရေးရော ငွေရော ကျွန်တော်တို့ ရှုံးတယ်။

နိုင်ငံတော် တည်ဆောက်ရာမှာ အစိုးရဘက်ကရော ပညာရှင်တွေဘက်ကပါ အလျော့အတင်း လုပ်စရာတွေ ရှိပါလိမ့်မယ်။ ပညာရှင်တွေဘက်ကလည်း လုံးဝပြည့်စုံမယ့် အနေအထားကို မစောင့်ဘဲ ကိုယ်တိုင် ပြောင်းလဲမှုထဲကို အနင့်နာခံ စီးမျောမယ်ဆိုရင် ...

အစိုးရဘက်ကလည်း မျိုးချစ်စိတ်နဲ့ ပညာရှင်တွေဟာ ငွေကို အရေးမစိုက်ပေမယ့် ဘာမှ မသိတဲ့ လူတစ်ယောက်က လက်ညိုးထိုး ခိုင်းမှာကိုတော့ ခံမှာမဟုတ်ဘူးဆိုတာ လက်ခံထားရင် ...

မျှော်နေသူနဲ့ ပြန်ချင်သူတို့ တွေ့ဆုံနိုင်ပါတယ်။

ချယ်ရီပင်အောက်မှာ ဆုံကြပါစို့လား ... နိုင်ငံတော်သမ္မတကြီးနဲ့ ရောင်းရင်းတို့ ...

ဇင်ဝေသော်
(24-May-2012)

Copyright © 2012 ကမ်းလက်. All rights reserved.

Read more

မရေရာဘူး

"အမှောင်ညထဲ ကြွေကာပျက်
မလင်းလက်တော့တဲ့ ကြယ်များ အကြောင်း"

နိမိတ်ပုံတွေ ယောက်ယက်ခတ်နေတဲ့ မောင်မောင် ဇော်လတ် ရဲ့ ဒီ စာသားလေး နှစ်ကြောင်း ကို လေးဖြူက ကွဲအက်အက် ငြီးတွားလိုက်တော့ ...
ကြယ်စင်ဟာ အမှောင်ကို ရှက်ရွံ့တတ်သလား။
ဟင့်အင်း။ အမှောင် သက်သက်ကြောင့် တော့ သိက္ခာနဲ့ ကြယ်စင်ဟာ
နောက်ဆုတ်ဖို့ အကြောင်း မလုံလောက်ပါဘူး။ မိုးတိမ်တွေ ကြောင့်လား၊
အခြား အကြောင်းတရားတွေကြောင့်လား။ မလင်းလက်တော့ ဘူးတဲ့ ။

ဝေဝါးခွင့် မရလောက်အောင် လေးဖြူက ဆက်ပြီ ငြီးတွားတယ်

"ပင်လယ်အရောက် အကုန်ကွယ်ပျောက်
စမ်းချောင်းနဲ့ ရေပွက်လေး အကြောင်း" တဲ့ ။

ကိုနေဝင်း တို့၊ ကိုတိုကြီး တို့ မဇ္ဈိမလှိုင်း ကြီးစိုးခဲ့တဲ့ ၇၀ နဲ့ ၈၀ တွေမှာ နေမင်း ရဲ့ ပုံရိပ်တွေ ထပ်တလဲလဲ ထင်ဟပ်စေသလို (ဥပမာ နေဝင်ညကို ကူးဖြတ်ပြီးမှ.....နေမင်း ပြုံးမယ့် နေ့ စသည် ...)

လေးဖြူကတော့ လမင်းတွေ၊ ပင်လယ်တွေနဲ့ သူ့ ဂီတခရီးကို မွေးမြူခဲ့တယ်။ ကန္တာရ လမင်း၊ ပင်လယ်အော်သံ တဲ့။ သူ့ရဲ့ ပါဝါ ၅၄ ကတော့ တက္ကသိုလ်ရိပ်သာလမ်းဆီ လက်ညှိုး တည့်တည့် ထိုးနေသလိုမို့ ၅၄ ကတော့ကျန်းမရေး ကောင်းခဲ့ဟန်မတူ ဘူး။ ပါဝါ တဲ့။ လမ်းမှာ ကြွေဆုံးသွားခဲ့တယ်။

အခု သူ ထပ်ပြောနေပြန်တယ်။ ပင်လယ်ရောက် အကုန်ကွယ်ပျောက် တဲ့။
ပင်လယ် ဆိုတာ ဆားငန် ရေတွေ ဝါးမြိုထားတဲ့ အဆုံးမရှိရေပြင် ဖြစ်နိုင်သလို တစ်ထွာစာ လူ့ဝမ်းဗိုက်ဟာလည်း သမုဒ္ဒရာ ပါပဲ။
သူတို့လို အနုပညာရှင်တွေဟာ ရေငန်အကြောင်းတော့ ပြောနေကြမှာ မဟုတ်ပါဘူး။

စ မိတဲ့ အတွေးကို မောင်မောင်ဇော်လတ် က အနားယူခွင့် ပေးမထားဘူး။

"စမ်းချောင်းနဲ့ ရေပွက်လေး အကြောင်း" တဲ့။

ပင်လယ်ရောက် အကုန်ကွယ်ပျောက် တာ စမ်းချောင်း၊
ရက်ရက်စက်စက် ဆက်ပြောလိုက်တာက ရေပွက်လေး တဲ့။
ဘယ်သူ ရေပွက်လည်း၊ ဘယ်သူ ရဲ့ ရေပွက်လည်း ......

"လေထုထဲ ပြယ်ကာပျက် ပန်းပွင့်များရဲ့ ရနံ့ များ အကြောင်း"

ပန်းရနံ့ဟာ လေထဲမှာ ပျံ့တတ်သလား၊ ပျက်တတ်သလား။ ရီယယ်လစ်စတစ် သမားကို ခပ်တင်းတင်း ငြင်းဆိုထားတယ်။
ပန်းရနံ့ ဟာ လေညာ ကို မသွားဆိုတဲ့ စကား လား။ ဒါဆို လေညာ အရပ်က ဘယ်မှာ လဲ....
ဒီအတွေးကို လေးဖြူက ကွဲအက်အက်အသံနဲ့ တရွတ်ဆွဲ ခေါ်သွားပြန်ရော

"အချိန်တွေထဲ အကုန်ပြိုလဲ ထားခဲရမယ့် အတိတ်များ အကြောင်း" တဲ့။

လေ အစုန်မှာ ပျံ့ဦးတော့ တစ်စစီ ကွဲလွင့် သွားရတဲ့ ဒီ ရနံ့ဟာ ဝေးကွာခြင်း နဲ့အတူ ပျက်လွင့် ခြင်းပါ ခေါ်ဆောင် သွားခဲ့တယ်။ အချိန်တွေထဲ ပြိုလဲရင်း နေရစ်တော့မယ် အတိတ်များ။

သူ ဟာ ငြီးတွားရုံတင် မကတော့ဘဲ အလိုမကျ၊ အပြစ်တင်သံ ပါ ခပ်ဝါးဝါး စွက်လာတယ်။

"တိုးတိုးလေး ကြားတယ် အသံများဟာ ကြေကွဲ လို့
တိတ်တိတ် ဆိတ်ဆိတ်နဲ့ သိနားလည် ငိုကြွေးဖို့ " တဲ့။

ကြေကွဲနေတဲ့ အသံတွေ။ တိုးတိုးလေး။ ဘာဖြစ်လို့ ကျယ်လောင်စွာ မကြေကွဲ ကြတာလဲ။ သူတို့ ဘာမှ မပြောခဲ့ကြဘူး။
ကျယ်လောင်စွာ ကျေကွဲခွင့် မရှိတာလား။ သူတို့ ဘာမှ မပြောခဲ့ကြဘူး။
ရအောင် ကြေကွဲကြမယ် ဆိုရင်ကော၊ သူတို့ ဘာမှ မပြောခဲ့ကြဘူး။
တိတ်တ်ိတ်လေး ငိုကြွေးဖို့ပဲ သိတော့သတဲ့။ Suffer in silence ကို သူ ပြောခဲ့တာ။
ကြီးလွန်းတဲ့ အားကိုလား၊ နည်းလွန်းတဲ့ အားကိုလား။
ရက်စက်လွန်းတဲ့ မြေခွေးကိုလား၊ နူးညံ့လွန်းတဲ့ သိုး ကိုလား။ သူတို့ ဘာမှ မပြောခဲ့ကြဘူး။

သူ့ရဲ့ ကန္တာရလမင်း အိပ်မက်ရှည်ကိုတော့ ငြီးတွားခြင်း အငွေ့အသက် တစ်ချို့ နဲ့ အသက် ပြန်သွင်းသွားခဲ့တယ်။

"မရေရာဘူး မသေချာဘူး မပြီးဆုံး ဘူး...
မသေချာဘူး မရေရာဘူး မပြီးဆုံး ဘူး...
မထင်နိုင်ဘူး မမြင်နိုင်ဘူး ဘာမှ မရှိဘူး...
ဟူး... ရပ်တန့်လို့ မရ ဘူး..." တဲ့။

ဟုတ်တယ်။ မရေရာပေမယ့် ရပ်တန့်လို့ မရဘူး။

ပန်းခရမ်းပြာတို့၊ လွန်ခဲသော နေ့ တို့ ခပ်ဝါးဝါး ဝေးလွင့်စဉ်မှာ လေးဖြူရဲ့ ပင်လယ်အော်သံ (မရေရာဘူး) ဟာ အကျယ်လောင်ဆုံး ကြားလိုက်ရတဲ့ ရင်ခတ်သံ စစ်စစ်ပါပဲ။

ကျနော်တို့ ၈ လ ပြည့် အတွက် ရင် အထိဆုံး ကိုလေးဖြူရဲ့ မရေရာဘူး ကို ပုဂ္ဂလိက ဆန်ဆန် ခံစားမိပါတယ်။

ဇင်ဝေသော်

Copyright © 2012 ကမ်းလက်. All rights reserved.

Read more

¸.•♥• ချစ်ခြင်းတရားနဲ့ ကျနော်တို့ အမြင် •♥•.¸

၁။ တာရာမင်းဝေ

"တစ်ယောက်ကို တစ်ယောက် ချစ်တယ်ဆိုတာ ဘုရားစိုက်တဲ့ ပန်းကလေး ပွင့်လာတာ" လုိ့ တာရာမင်းဝေက ပြောဖူးတယ်။

၂။ Lance Morrow

"သမ္မာ ကျမ်းစာထဲမှာတော့ မစားအပ်တဲ့ အသီးကို စားမိပြီး တစ်ယောက်ကို တစ်ယောက် ချစ်သွားကြလို့ ထာဝရ ဘုရားရှင်က ဒဏ်ခတ်တဲ့အနေနဲ့ အာဒမ် နဲ့ ဧဝ ကို အလုပ်လုပ် ခိုင်းတယ်။ အလုပ်ကို ဒဏ်ခတ်တဲ့ အနေနဲ့ ခိုင်းတာ၊ ဆုပေးတဲ့ အနေနဲ့ ခိုင်းတာမဟုတ်ဘူး၊ ဒါကြောင့် ကမ္ဘာဦး ကတည်းက အလုပ်လုပ်တယ်ဆိုတာ ကောင်းတဲ့ အဓိပ္ပါယ် မဆောင်ဘူး" လို့ Lance Morrow က တိုင်း မဂ္ဂဇင်း မှာ ရေးခဲ့ပြန်ရော။

၃။ ဇင်ဝေသော်

ဘာပဲပြောပြော ဘုရားစိုက်တဲ့ ပန်းကလေး ပွင့် မလာခင်အလုပ်ရှိမှ ဆိုတဲ့သဘောကိုတော့ သမ္မာကျမ်းစာက ဆိုလိုချင်ဟန်တူပါတယ်။ "ဒါကြောင့် အလုပ်လက်မဲ့တွေ များလာတာဟာ ချစ်ခြင်းတရားတွေ ခေါင်းပါးလာလို့" - လို့ ( ဒီ စာညွှန်းနှစ်ခုကို ကြည့်ပြီး) ကျနော် ကောက်ချက်ဆွဲလိုက်ပါတယ်။

(အကြောင်းကြောင်းကြောင့် အလုပ်မရှိဖြစ်နေသူတွေ သမ္မာ ကျမ်းစာထဲက အတိုင်း ချစ်သူ ရှာကြဖို့ အကြံပြုလိုပါတယ်။)

အဲ ချစ်သူရှာတဲ့အခါ မျက်စိမှတ်ပြီးရှာရင် တွေ့ဖို့ ပိုမြန်သလို နှလုံးသားနဲ့ ပို နီးစပ်သတဲ့။ ကြားဖူးနားဝပါ။ အလုပ်ဖြစ်လို ဖြစ်ငြား ပေါ့။ သူကလည်း မျက်စိမှိတ် ရှာမယ့်သူ ဖြစ်နေရင်တော့ ကျနော့် တာဝန် မဟုတ်တော့ဘူး။

ဇင်ဝေသော်

Copyright © 2012 ကမ်းလက်. All rights reserved.

Read more

တော်တော် ချာ တဲ့ Dean

The Lady should look to Asia not Europe တဲ့။

ဥရောပ တစ်ခွင် ပြဲပြဲစင် နေတဲ့ ခရီးကို အာရှသား အိန္ဒိယန်း မျိုဆက်ပီပီ ကြည့်လုိ့မရဘူး ဖြစ်နေတယ် ထင်ပါရဲ့။ ကျနော်ပြောနေတာ လီကွမ်းယု စကူးလ် က ဒိန်း အကြောင်းပါ။ Kishore Mahbubani တဲ့။ ဒီနေ့ စထရိတ်တိုင်းမှာ ပေါ်လာတဲ့ ဆောင်းပါး ရေးသူ။

သူပြောမသွားတဲ့ အချက်က ဂိုချောက်ထောင် တို့အုပ်စုကရော ဒေါ်စု ဥရောပ ခရီးစဉ်နဲ့ ကိုက်ပြီး ဘာဖြစ်လို့ မြန်မာပြည်ကို သွားခဲ့ကြတာလဲ။ ကံမကောင်း အကြောင်းမလှ လို့ လွဲသွားတာပါ လို့ ပြောမလားမသိဘူး။ ကျနော်တို့ အဲသလောက် မ အ ကြဘူး။

ကမ္ဘာ့အနောက်ခြမ်းက ဒေါ်စုနဲ့တွေ့ဖို့ အဝေးကြီးက လာနေကြချိန်မှာ အာရှ (စင်ကာပူ) က ဆရာကြီးတွေကတော့ ဒေါ်စု မရှိချိန် မြန်မာပြည်ကို သွားခဲ့ကြတယ်။

ဥရောပကို ဒေါ်စု ဘာကိစ္စနဲ့ သွားရသလဲ ဆိုတာ ပညာရှိပီပီ မေ့ချင်ယောင် ဆောင်လိုက်တယ်။ နိုဘယ်လ် ဆုယူဖို့(စီးပွားရေး အမြတ်အစွန်းပဲ ကြည့်တတ်သူတွေနဲ့တော့ ဝေးတဲ့ ဆုပေါ့။) သွားတယ်။ ပြီးတော့ ဘဝတစ်ခုလုံး သေသည်အထိ အားပေးသွားတဲ့ လင်သားရဲ့ ခေါင်းချရာ၊ အသက်ရှိနေသေးတဲ့ သားနှစ်ယောက် ရှိရာ။ မောင်းထုတ်ခံရစဉ် ထမင်းကျွေး ပညာပေးခဲ့တဲ့ နေရာ။ ဘဝတစ်ခု ခဏအမောဖြေဖို့ ဒီနေရာကို မသွားရင် ဘယ်ကို သွားမှာတုန်း မစ္စတာဒိန်း ရယ်။ ချာလှချည့်။

ဒေါ်စု ထိုင်းကိုရောက်ခဲ့ပါပြီ။ မရှောင်ခဲ့ရင် စ လုံးတွေ ဒေါ်စုနဲ့ တွေ့ခဲ့မှာပါ။ ဂိုချောက်ထောင်လို မလုပ်ရင်ပေါ့။ ဒါပေမယ့် ထိုင်း ဝန်ကြီးချုပ် ကိုယ်တိုင်ကကို သူ့ထက် သာနေတဲ့ ဒေါ်စုကို အမျိုးသမီး အချင်းချင်း သိပ်ကြည်တာ မဟုတ်ဘူး။ သူမ ပြောတာတွေကြည့်ရင် မရူးတဲ့သူတိုင်း သဘောပေါက်တယ်။ ဒါက အိမ်နီးချင်းတွေရဲ့ မြန်မာပြည်နဲ့ ဒေါ်စု အပေါ်ထားတဲ့ သဘောထား အကျဉ်းချုပ်ပါ။

နိုဘယ်ဆု ယူဖို့သွားတာ၊ သားတွေနဲ့ တွေ့ဖုိ့၊ သူမ ချစ်သူတွေနဲ့ တွေ့ဖို့ သွားတာကို ဒီနေ့ ဥရောပ စီးပွားရေးက လေးဖက်ထောက်နေပြီ လို့ မဆိုင်တဲ့ အစ်ရှူးကို ရူးကြောင်ကြောင် မွှေထည့်သွားသေးတယ်။ ဂရိ၊ စပိန်၊ အီတလီ တွေ အကြွေးတင်တာနဲ့ နော်ဝေး၊ ဒိန်းမတ် တို့ ဆက်စပ်လို့ မရပါဘူး။ နော်ဝေးမှာ ကျနော်တို့လူမျိုးတွေရှိတယ်။ သူတို့ကို သူတို့နိုင်ငံ ဒီမိုကရေစီ ရအောင် ကြိုးစားဖို့ နော်ဝေက ထမင်းကျွေးပညာသင် ပေးထားတာ။ ချာလှတဲ့ ပတ်ဘလစ် ပေါ်လစီ ပါမောက္ခ။

အကြောင်ဆုံးကိစ္စက ယူတူး က ဘိုနို နဲ့ အန်ပလေး ပီယာနို ဆိုခဲ့သူ ဒယ်မီယံ ရိုက်စ် တို့က မွေးနေ့ကြို ဂုဏ်ပြုမယ့်ဂီတပူဇော်ပွဲ။ ဟျူးမင်းရိုက် ခေါင်းဆောင်၊ သူထင်ရာ သူလုပ်တတ်တဲ့ ဘိုနိုလို ကောင်က ဘယ်လိုအာရှခေါင်းဆောင်ကို ယူတူး နဲ့ ဂီတပူဇော် ဖူးလုိ့တုန်း။ မစ္စတာ ဒိန်း မေ့နေတဲ့ကိစ္စက ဒ်ါစု အကျဉ်းကျနေစဉ်မှာ ဂီတ နဲ့ ကမ္ဘာ့မျက်စိတွေ ပြူးလာအောင် ကိုယ့်ထမင်းကိုယ်စားရင်း ဆွဲဖွင့်ခဲ့တာ ဘိုနို တို့ ဒယ်မီယံ ရိုက်စ် တို့ပါ။ စီးပွားရေး တစ်ခုဘဲ သိသူကို အနုပညာအကြောင်း ပြောရတာ လက်ပေါက်တော့ များများ ကတ်တာပေါ့။

ဒေါ်စု ထောင်ကျစဉ်က အိမ်နီးချင်းကောင်း ဆိုလုိ့ အာရှက ဂျပန်ပဲ ရှိခဲ့တယ်။ ကျန်သူတွေကတော့ ၁၉၆၂ က ကျားကြီးတစ်ကောင် ထောင်ခြောက်တွေ ဖောက်ထွက်လာမှာကို စိုးတထိတ်ထိတ်ပါဘဲ။ သူ့ သယံဇာတနဲ့ သူ့ဦးနှောက်တွေ ပေါချောကောင်း မရနိုင်တော့ဘူး မဟုတ်လား။ တရားမျှတ ပါတယ်။

အမျိုးဆိုတာ မခေါ်လို့ရတယ်၊ မတော်လို့ မရဘူး ဆိုသလိုပေါ့။ စိတ်မပူပါနဲ့။ ဒေါ်စု စိတ်ကူးပေါက်ရင် အာရှကို လာမှာပါ။ သားတွေနဲ့တွေ့ဖုိ့ သွားတဲ့ ခရီးကို ရိုဟ်ိန်ဂျာ တွေ၊ အရှေ့အလယ်ပိုင်း ပြဿနာတွေနဲ့ ရော မမွှေကြေးပေါ့။

တကယ်တော့ ဥရောပ ဆိုတာ ဒေါ်စုရဲ့ နေခဲ့ရတဲ့အိမ်ပါ၊မြန်မာနဲ့ အာရှ က ဆယ်စုနှစ် များစွာ သူမရဲ့ အကျဉ်းထောင်ပါ။ ဒါကိုတော့ ဆိုရှယ် ပတ်ဘလစ် ဆရာကြီးက မြင်အောင် မကြည့်နိုင်ခဲ့ရှာဘူး။ သူမ အိမ် ခဏပြန်ပါစေ ဗျာ။

ပါးပါး ၊ ထူထူ လှီး တတ်တဲ့ တရုတ်၊ အိနွိယ၊ စင်ကာပူ တို့နဲ့ လည်း ကင်းလို့ မရဘူး ဆိုတာလောက်တော့ ဒေါ်စု မပြောနဲ့ ဘုန်းကြီးကျောင်းထွက်လည်း သိပါတယ်။ ကျွတ် ကျွတ် ကျွတ်။

လာရင်တော့ ထွက်မပြေးနဲ့ နော် မစ္စချာ ကီရှော မဘုဘာဏီ။

ဇင်ဝေသော်   

Copyright © 2012 ကမ်းလက်. All rights reserved.

Read more

ရေကြောင်း၊ လေကြောင်းဥပဒေသများ (သို့) ၀ိရောဓိ ကြက်ခြေ

Iceberg, Iceberg!
Oh…no! The ship is sinking!
Life boat, Life boat!
Women and Children first!

ကမ္ဘာကျော် တိုက်တန်းနစ်ရဲ့ သွေးပျက်ဖွယ်မြင်ကွင်းထဲက ဒိုင်ယာလော့တစ်ချို့ပါ။ သင်္ဘောကပ္ပတိန်က အော်တယ်။

“Women and Children first!”
ဒါဟာ ၁၉- ရာစု ရေကြောင်းဥပဒေသတစ်ခုပါ။

ကလေးတွေကို ဘာလို့ အသက်ကယ်လှေပေါ် အရင်အတက်ခိုင်းရတာလဲ။ နုနယ်ခြင်း၊ ရိုးသားအပြစ်ကင်းစင်ခြင်းစတဲ့ အကြောင်းပြချက်တွေရှိပါလိမ့်မယ်။ ဘာပဲပြောပြော အသက်ရှင်သန်ဖို့ ကလေးတစ်ယောက်နဲ့ သူနိုင်ငါနိုင်ကြဲနေရတာတော့ အက်သစ်ကယ်မဖြစ်တော့ပါဘူး။

ဟုတ်ပြီ။ ကလေးတွေကို အသက်ကယ်လှေပေါ် အရင်တက်ပါစေ။
ဒါဖြင့် အမျိုးသမီးတွေက ဘာကိစ္စ အသက်ကယ်လှေပေါ် အရင်တက်ရမှာလဲ။

၁။ လှေပေါ်က ကလေးတွေကို စောင့်ရှောက်ဖို့၊ သူတို့မှာ မိခင်စိတ်ရှိတယ်၊ နို့ချိုတိုက်ကျွေးလို့ရတယ်။ အင်း မဆိုးပါဘူး။
၂။ လူသားမျိုးဆက်အတွက် သူတို့ဟာ ကလေးမွေးဖွားဖို့ အရေးပါတဲ့ လူသားတွေဖြစ်တယ်။ မဆိုးပါဘူး။
၃။ သူတို့ဟာ အားနွဲ့သူတွေလည်းဖြစ်တယ်။ ၂၁- ရာစုမှာ စဉ်းစားစရာတော့ ဖြစ်နေပါပြီ။

တိုင်းမဂ္ဂဇင်းထဲက “Titanic Riddle” ကိုဖတ်ရင်း ပြန်ပြီးပြောပြမိတာပါ။ စာရေးသူက Children ကို လက်ရှောင်ခဲ့ပေမယ့် အမျိုးသမီးကိစ္စကိုတော့ ရယ်သံစွက်တဲ့ ပဟေဠိလေးပေးထားခဲ့ပါတယ်။ (၂၁) ရာစု အမျိုးသမီးတွေဟာ သူတို့ကို အားနွဲ့သူဆိုပြီး သိသိသာသာကြီး အခွင့်အရေးပေးတာကို မယူချင်တော့ဘူး။ ယောက်ျားတစ်ချို့ကလည်း အမျိုးသမီးတွေကို ဒီအခွင့်အရေးမျိုး သေရေးရှင်ရေးမှာပေးဖို့ စိတ်မဝင်စားကြတော့ပါဘူး။ ဟုတ်ပြီ။ ကလေးအမေတွေနဲ့ ကလေးတွေ အရင်အသက်ကယ်လှေပေါ်တက်ပါစေ။ သူတို့ဟာ အရေးကြီးပါတယ်။

ကဲ ဒါဆို လူပျိုလူလွတ်အမျိုးသားနဲ့ အမျိုးသမီး ဘယ်သူအသက်ကယ်လှေပေါ် အရင်တက်မလဲ။

ကလေးအမေတွေနဲ့ ကလေးတွေသာပါတဲ့ အသက်ကယ်လှေပေါ်မှာ တစ်ခုခုဆိုခွန်အားသုံး ကူညီနိုင်တဲ့ အမျိုးသားလူလွတ်တစ်ယောက်ကော ပါမသွားသင့်ဘူးလား။ အင်း ပါသင့်ပါတယ်။ ဒါပေမယ့် “Women and Children first!” တဲ့။

ဒါပါပဲ၊ အက်သစ်ဖြစ်ခြင်း၊ မဖြစ်ခြင်း။ လက်တွေ့ကျခြင်း၊ မကျခြင်းဆိုတာတွေဟာ ဝါကျတစ်ကြောင်းနဲ့တော့ မလုံလောက်တော့ပါဘူး။ ဒါတွေဟာ ငြင်းခုံစရာလည်း မဟုတ်ပြန်ပါဘူး။ ဒီမှာ စာရေးသူက ထပ်တို့တယ်။

Hurry up! The ship is sinking! တဲ့။

ကဲ ခင်ဗျားတို့သာ လူပျို၊ အပျို အမျိုးသားနဲ့ အမျိုးသမီးနှစ်ယောက်ဆိုရင် ကလေးအမေတွေနဲ့ ကလေးတွေသာပါတဲ့ အသက်ကယ်လှေပေါ် ဘယ်သူအရင်တက်မလဲ။ နှစ်ယောက်စလုံးတော့ မရဘူး။ တစ်ယောက်ပဲ။ အချိန်မရှိဘူး၊ သင်္ဘောက မြုပ်နေပြီ။

၂၀-နှင့် ၂၁- ရာစု လေကြောင်းဥပဒေသမှာတော့ ဒါတွေမရှိတော့ပါဘူး။ လေယာဉ်တစ်ခုခုဖြစ်ရင် Women and Children first! ဆိုတာတွေ မရှိတော့ပါဘူး။

ရေထဲကျရင် ရေဖော့ဖို့လေအိတ်တွေ၊ အောက်ဆီဂျင်တွေ ကိုယ်တိုင်အရင် အဆင်သင့်ဖြစ်ဖို့ လမ်းညွှန်နေတာတွေ တွေ့လာရတယ်။ ကလေးကို အောက်ဆီဂျင်ဘူးအရင်တပ်မပေးတဲ့ လူကြီးတစ်ယောက်ကို အက်သစ်မဖြစ်ဘူးလို့ (၂၁) ရာစု လေကြောင်းဥပဒေသက မပြောတော့ပါဘူး။

ကုန်ကုန်ပြောရရင် လေကြောင်းဥပဒေက Women and Children first! ကို ကန့်ကွက်ပါတယ်။ Me, first ဖြစ်သွားပါတယ်။ လက်တွေ့ကျလာတယ်၊ လူသားဆန်လာတယ်။ မိုးထဲ၊ ရေထဲမှာ ပိုပြီးအလုပ်လုပ်ပေးနိုင်မဲ့သူရဲ့ အသက်ကို အရင်ကယ်ဖို့ ၂၁- ရာစု လေကြောင်းဥပဒေသက ပြောလာတယ်။

ငြင်းခုံလို့ မပြီးတဲ့ကိစ္စဟာ အဲဒီအက်သစ်ကိစ္စပါ။ တစ်ဖက်မြင်၊ နှစ်ဘက်မြင်၊ သုံးဖက်မြင် ဒိုင်မင်းရှင်းတွေနဲ့ ကောက်ချက်တွေ ပေပွနေအောင် ဆွဲလို့ရပါတယ်။

စာထဲမှာပါတဲ့ အလောင်းတော် ဇနကမင်းသားက “Women and Children first! ဆိုတဲ့ ရေကြောင်းဥပဒေသကို သိခဲ့ပုံမရပါဘူး။ သင်္ဘောကို အပြစ်မမြင်၊ မုန်တိုင်းကိုလဲ အပြစ်မတင် ကိုယ်တိုင်ငါးစာမဖြစ်ဖို့ပဲ အလုပ်လုပ်သွားတာ တွေ့ရပါတယ်။ အဲ သင်္ဘောပေါ်မှာ ယသော်ဓရာပါမလာတာကလည်း ပိုပြီးဆုံးဖြတ်ချက်ကို ရှင်းလင်းစေခဲ့ဟန်တူပါတယ်။

ယသော်ဓရာများ သင်္ဘောပေါ်လာလျှင် လီယိုနာဒိုနဲ့ ကိတ်ဝင်းစလက်တို့ဇာတ်လမ်းမျိုး ဖြစ်မသွားဘူးလို့ ဘယ်သူအာမခံနိုင်မလဲ။

ကြီးကြီးကျယ်ကျယ်နှင့် အက်သစ်ကိစ္စတွေမပြောကြေး။

လေယာဉ်ပေါ်မှာ အသက်အရှင်သင့်ဆုံးပုဂ္ဂိုလ်က လေယာဉ်ရဲ့ကပ္ပတိန်။ သူ့မှာ တာဝန်တွေ ရှိတယ်။ သူသေလို့ မရဘူး။

လေယာဉ်အဖွဲ့နဲ့ ခရီးသွားတွေ၊ လေယာဉ်ဝန်ထမ်းတွေ အသက်ရှင်သင့်တယ်။ သူတို့မှာလည်း တာဝန်တွေရှိတယ်။

လူကြီးနဲ့ ကလေး။ လူကြီးအသက်ရှင်သင့်တယ်။
၂၁- ရာစု ဥပဒေဟာ အက်သစ်တွေနဲ့ မဝေဝါးဘူး။ လက်တွေ့ကျမှုနဲ့ ပြတ်သားတယ်။

ယုံချင်ယုံ၊ မယုံချင်နေ။ ၂၁- ရာစု တိုက်တန်းနစ်မှာ သေသွားတာက ကိတ်ဝင်းစလက်ဖြစ်ပြီး လီယိုနာဒိုက အသက်ရှင်ကျန်ခဲ့ပါသတဲ့။

ဇင်ဝေသော်

Copyright © 2011 ကမ်းလက်. All rights reserved.

Read more

ရှေးစကားလား လှတောသားစကားလား

တစ်ခါက ပုတီးအပတ်စေ့အောင်ဆိုပြီး တဒေါက်ဒေါက်နဲ့ခပ်မြန်မြန်စိပ်နေတဲ့ အဘွားကြီးတစ်ယောက်ကို မြန်လှပါလား လို့ လူတစ်ယောက်ကမေးတယ်၊ ဒါနဲ့ အဲဒီ အဘွားကြီးက ပုတီးအပတ်စေ့အောင်ခပ်မြန်မြန်စိပ်နေတာလို့ဖြေတယ်။ ဒီတော့လူက အပတ်စေ့ဖို့ဆိုရင်တော့ မော်တာထဲ ထည့်လှည့်လိုက်ရင် ပိုမြန်တာပေါ့ လို့ ပြန်ထေ့တယ်၊ ကောင်းတာလုပ်နေတဲ့လူကို ဒီလိုပြောတာတော့မကောင်းဘူးပေါ့၊ ဒါပေမယ့် သူပြောလိုက်ပုံလေးကတော့ တော်တော်ကောင်းတယ်။

အင်္ဂလိပ်လိုမှာလည်း စကားပုံ (proverb) နဲ့လက်ဖြစ်၊ လက်တန်းစကား (Aphorism) ဆိုတာရှိပါတယ်၊ ပုဂ္ဂလိကအမြင်ကိုပြောရင်းနဲ့ ဒီစကားတွေကလူထုထဲရောက်သွားပြီး ယေဘုယျဆန်သွားတာမျိုးပါ။ ဒါလေးတွေနဲ့ပတ်သက်လို့ တိုင်းမ် မဂ္ဂဇင်းထဲက အက်ဆေးဆရာ Stefan Kanfer ရဲ့ Proverbs or Aphorisms? ထဲက စိတ်ဝင်စားစရာ စကားလေးတွေကို ဆွဲထုတ်မိပါတယ်။

ပြုံးရင်း၊ ရယ်ရင်းနဲ့ အင်္ဂလိပ်စကားလုံးတစ်ချို့ရနိုင်တာပေါ့။

သူရွေးခြယ်ထားတဲ့ စကားတွေကိုတော့ ဘာသာမပြန်ပဲထားလိုက်ပါတယ်၊ အင်္ဂလိပ်လိုနားလည်ဖို့တော့မခက်ပါဘူး၊ သဘောပေါက်ဖို့တော့ နည်းနည်းစဉ်းစားရမယ်ထင်ပါတယ်။ အကယ်ဒမစ် ဂျုတ်လေးတွေမို့ပါ။ Robert Benchley ရဲ့အလိုအရ လူတန်းစားနှစ်မျိုးပဲရှိပါတယ်။

၁။ လူတွေဟာ လူတန်းစားနှစ်မျိုးပဲရှိတယ်ဆိုတဲ့ အုပ်စုနဲ့
၂။ ဒါကို မယုံကြည်တဲ့အုပ်စု ရယ်ပါ တဲ့။

ပထမအုပ်စုဖြတဲ့ Robert Benchley တို့အဖွဲ့က လှတောသားစကားအုပ်စုဖြစ်ပြီး ဒုတိယအဖွဲ့ကတော့ စကားပုံကို ပိုနှစ်သက်ကြပါတယ်။

Love နဲ့ပတ်သက်ပြီး "Whom the gods love die young." ဆိုတဲ့စကားပုံက သင်္ချိုင်းကုန်းမှာငိုနေတဲ့ အဘိုးကြီး ၊ အဘွားကြီးတွေအတွက် စိတ်မသက်သာစရာဖြစ်စေပြီး "Love is blind." ကလည်း ဈေးထဲက အတင်းပြောသူတွေ၊တွတ်ထိုးနေတဲ့ဆယ်ကျော်သက် ကျောင်းသားလေးတွေ လူမှုရေးပြဿနာ အတိုင်ပင်ခံတွေရဲ့ လက်သုံးစကား ဖြစ်နေပြန်ပါတယ်။

"Proverbs ဆိုတာ အတွေ့အကြုံအများကြီးကို ဖော်ပြတဲ့ ဝါကျတိုတိုလေးပါ" လို့ Cervantes ကဆိုတယ်၊ ဒါကို Sancho တို့အုပ်စုက သဘောကျပြီး "There is no sauce in the world like hunger." "Never look for birds of this year in the nets of the last." "Patience, and shuffle the cards." လို့ ထောက်ခံခဲ့ကြတယ်။

သူတို့ခေတ်ပြိုင် Hamlet က သဘောမတွေ့လှဘူး။ "Proverb is something musty." စကားပုံက အဟောင်းစော် နံတယ်လို့ဆိုတယ်။ ဒါပေမယ့်သူ့ ပြဇာတ်ထဲမှာကျတော့ စကားပုံတွေက စီးမျောနေပြန်ရော။ "Men are April when they woo; December when they wed; A little pot and soon hot." "The fashion wears more apparel than the man." တဲ့။

သူပြောမှစဉ်းစားစရာလေးတစ်ခု ဖြစ်သွားတော့တယ်။ ဟုတ်တယ်၊ ဖက်ရှင်က အလှထက်အဝတ်ပိုကုန်တယ်။ တစ်ခါက စာရေးဆရာတစ်ယောက်ရေးထားတာကတော့ ယောက်ျားစစ်စစ်တွေက ဖက်ရှင်ရှိုးမကြည့် ၊ မော်ဒယ်ရှိုးပဲကြည့်သတဲ့။ ဟုတ် မဟုတ်တော့မသိပါဘူး။

Benjamin Franklin ကတော့ "Three may keep secret, if two of them are dead." ဒီစကားကသရော်ဟန်စွက်နေပေမယ့် "The used key is always bright." တဲ့။ ဒါကိုကျတော့ ရီယယ်လစ်ဇင် ဆန်ဆန်ပြောခဲ့ပြန်ရော။

အရှေ့ဥရောပ Tolstoy ရဲ့ စကားတွေက ရှင်းရှင်းလင်းလင်းရှိသလို ဗော်ဒကာနံ့ခပ်သင်းသင်းလည်းရနေပြန်တယ်။ "Where the needle goes, the thread follows."တဲ့။ ဒါလေးက ရှေးစာဖက်ပိုဆင်နေပေမယ့် "The devil pours honey into other man's wife." ကျတော့ လူ့ကာရိုက်တာကို ပြက်ရယ်ပြုသလိုလိုဖြစ်နေတာ ခံစားရပြန်တယ်။ သူ့သရော်ဟန်က "The Russian has three strong principles; perhaps, somehow and never mind." မှာ အထွတ်အထိပ်ကိုရောက်ခဲ့တယ်။

Tolstoy နဲ့ ခံစားချက်တူတာက Cossacks ပါ။ သူ့မှတ်ချက်ကတော့ ဆိုဗီယက် လူ့အဖွဲ့အစည်းကို ခပ်တင်းတင်း မီးမောင်းထိုးပြခဲ့တယ်။

Russian: The rich would have to eat money, but luckily the poor provide food." တဲ့။
Yiddish: If the rich could have hire others to die for them, the poor could make a nice living."တဲ့။

George Savile ကတော့ ရှေးစကားပုံတွေနဲ့ပတ်သက်လို့ ပုံသေမရှိလှဘူး။ "Ambition is either on all four or on tiptoes." လို့ဆိုတယ်၊တစ်ခုမှလည်းအခြေမခိုင်လှဘူး။ "The enquiry into dream is another dream." "Love is presently out of breath when it is to go uphill, from the children to parents." ကတော့ စုန်ရေ၊ ဆန်ရေ ဆိုတဲ့ မြန်မာစကားပုံနဲ့ ညွှန်းဆိုတာခြင်း တူနေတာတွေ့ရတယ်။

လက်ဖြစ်စကားလေးတွေ သုံးစွဲလို့ရမှန်းသိတော့ သာမန်လူတွေပါ စတင်သုံးစွဲလာခဲ့ကြတယ်။ "Whoever is not a misanthrope at 40 can never have loved mankind." အသက် ၄၀ ရောက်လို့မှ လူတွေကိုမမုန်းသေးရင် လူတွေကိုမချစ်တတ်ခဲ့လုိ့တဲ့။ Nietzsche လည်း ဒါမျိုးလေးတွေကို ပြုံးစိစိပြောတတ်ပါတယ်။

"The thought of suicide is a great consolation; with the help of it one has got through many a bad night.” ၁၉ ရာစု အလယ်ပိုင်းရောက်လာတော့ လက်ဖြစ်စကားတွေ ပေါ်ပြူလာဖြစ်လာတယ်။ Oscar Wilde ကအချိန်ကို ဒီလိုသရော်တယ် "Punctuation is the thief of time."တဲ့။

"Old enough to know worse."
"A thing is not necessary true because a man dies for it."
"One's real life is often the life that one does not lead."

George Bernard Shaw ကတော့ နိုင်ငံရေးနဲ့ဘာသာရေးကိစ္စတွေကို သူ့လက်ဖြစ်စကားတွေနဲ့ ခပ်ပြင်းပြင်းထေ့တတ်တယ်။ "All great truths begin as blasphemies." ကြီးကျယ်တဲ့အမှန်တရားတွေဟာ ဘာသာတရားကိုစွပ်စွဲရာကနေ ဖြစ်လာပါသတဲ့၊ စဉ်းစားစရာပါဘဲ။ သူလိုလူနောက်တစ်ယောက်ကတော့ သူ့ခေတ်ပြိုင် G.K.Cheston ပါ။

"Silence is the unbearable repartee." တိတ်ဆိတ်ခြင်းက အောင့်အီးထားလို့မရတဲ့ ပျက်လုံး တဲ့။ "A figure of speech can often get into crack too small for a definition." "Tradition is the democracy of the dead."တဲ့။ ဒီမိုကရေစီက ရုံးထဲမှာနေရစ်ခဲ့ပေမယ့် ယဉ်ကျေးမှုကတော့ စီးဆင်းသွားလေရဲ့။

Elizabeth Bowen က "Memory is the editor of one's sense of life."တဲ့။ ရှိတ်စပီးယား ရဲ့လောင်းရိ်ပ်ဆိုရမယ် ထင်ပါရဲ့။ Peter De Vries က "Gluttony is an emotional escape,a sign that something is eating us."လို့ဆိုပြန်တယ်။

Hannah Arendt ရဲ့ စကားကတော့ ရာစုများစွာ ကျန်ရစ်စေခဲ့လိမ့်မယ် ၊ ကြည့်ပါ...........
"Power and violence are opposite; where one rules absolutely, the other is absent."တဲ့။ လက်ဖြစ်စကားတွေ ဒီလောက်တွင်ကျယ်ပေမဲ့ ရှေးစကားမှ ရှေစကားဆိုသူတွေလည်းရှိနေတတ်ပြန်သေးရဲ့။ စီးပွားရေးနယ်ထဲမှာ "There is no such thing as a free lunch." တဲ့၊ ကွန်ပျူတာနယ်မှာတောင် ဒါမျိုးက ရှိတတ်သေးတယ်၊ "Garbage in, garbage out."တဲ့။

ဒါတွေဖတ်ရင်းစဉ်းစားမိတယ်၊ အိမ်ထောင်ပြုဖို့ ကောင်မလေးတစ်ယောက်ကို နားချတော့ ဒီလူကြီးကိုမယူချင်ပါဘူး၊ အရက်သောက်တတ်တယ် လို့ ကောင်မလေးကပြန်ပြောသတဲ့။ အဲဒီကာင်မလေးကို ဘေးကပြန်ပြောကြတာက "ဒီခေတ်ကြီးထဲမှာ အရက်သမားနဲ့ ပိုက်ဆံစုတ်ကတော့ ရှောင်လို့မလွတ်နိုင်ဘူး" တဲ့။

ကဲ ၊ဘာပဲပြောပြော ဟတ်ထိဖို့ပဲမဟုတ်လား။

ဇင်ဝေသော်

Copyright © 2011 ကမ်းလက်. All rights reserved.

Read more

“ကား” ကနဲ့ “ဖုန်း” ဆို ကျသွားတော့…

မြို့တော်အသစ်အဟောင်းများရှိတဲ့ နိုင်ငံတော်ကြီးဆီကို မပြန်မီလေးမှာတင်ပဲ Singtel က ဖုန်းဆက်ပြီး mio TV နဲ့ အင်တာနက်လိုင်းတွေ အဆင်ပြေရဲ့လား၊ ပညာရှင်တစ်ယောက်ယောက် လာရောက် စစ်ဆေးကြည့်ပေးဖို့ လိုအပ်ပါသလားလို့ မေးပါတယ်။ ပြဿနာတော့ ကြီးကြီးမားမား မရှိလှကြောင်း၊ လာရောက် ကြည့်ရှုမယ်ဆိုရင် ဘယ်အချိန်မှာ လာရောက်မလဲလို့ မေးတော့ နေ့ခင်း (၁၂) နာရီကနေ (၃) နာရီအတွင်း လာမယ်လို့ ဖြေကြားတယ်။

နောက်တစ်နေ့မှာ သူရောက်လာတယ်။ မီယိုတီဗွီနဲ့ အင်တာနက် (ဝက်ဘ်ဆိုက်) နှစ်မျိုးစလုံး မော်ဒန်းတစ်ခုထဲကနေပဲ သုံးနေတော့ တီဗွီမှာ အနည်းငယ်ထစ်တာမျိုး၊ အင်တာနက်တက်တာ အနည်းငယ် နှေးနေတာမျိုး ဖြစ်တတ်ကြောင်း သူက ရှင်းပြ တယ်။ သူကပြောပေမယ့် နှစ်ခုလုံး ပြဿနာ ကြီးကြီးမားမားတော့ မရှိခဲ့ဖူးပါဘူး။ ပြီးတော့ သူက ဆက်ပြောပြတယ်။ mio တီဗွီမှာ မော်ဒန်းတစ်လုံး၊ အင်တာနက်အတွက် မော်ဒန်းတစ်လုံး သီးသန့်စီ ထားသင့်ကြောင်း၊ Singtel ကို ဖုန်းဆက်ရင် မော်ဒန်းအသစ် အလကား လာရောက်တပ်ဆင်ပေးမှာ ဖြစ်တဲ့အကြောင်း ပြောပြရှာတယ်။

ကျနော်ကလည်း ဒီအတိုင်း အလုပ်ဖြစ်နေတော့ သူတို့က အလကား လာဆင်ပေးရင်တောင် နောက်ထပ် မော်ဒန်းတစ်လုံး စားပွဲပေါ်မှာ ရှုတ်နေတာမျိုး မဖြစ်ချင်တာနဲ့ “ကိစ္စမရှိပါဘူး။ ကျေးဇူးပါ။ လိုအပ်ရင် ဖုန်းဆက်ပါ့မယ်” လို့ ပြောတော့ “ဆင်းတဲ(လ်) က အကောင်းဆုံး ဝန်ဆောင်မှု ပေးချင်လို့ပါ” လို့ ပြောသွားပါသေးရဲ့။

ပထမဆုံး ကျွန်တော် ဆွေးနွေးချင်တာက ဒီကိစ္စပါ။ မျက်စေ့နဲ့ မမြင်ရပေမယ့် အင်တာနက်လိုင်းတွေဟာလည်း လိုတာထက် ပိုသုံးရင် ရှုတ်ထွေးပြီး အဆင်မပြေမှု များစွာ ဖြစ်သွားနိုင်ပါတယ်။

မြို့တော်အသစ်၊ အဟောင်းတွေနဲ့ နိုင်ငံတော်ကြီးဆီ အလည်မပြန်မီ လပိုင်းလေးအတွင်းမှာပဲ (၂) သိန်းတန် ဖုန်းတွေ ရောင်းချပေးခဲ့ပါတယ်။ ငါးထောင်တန် ဖုန်းတွေကတော့ ပြောသာပြောနေကြပေမယ့် လက်တွေ့ တကယ်ဖြစ်လာဖို့ အချိန်လိုလိမ့်ဦးမယ်လို့ ထင်ပါတယ်။ နှစ်သိန်းတန် ဖုန်းတွေ ထုတ်ပေးလိုက်တဲ့နောက် ဖုန်းကိုင်နိုင်လာတဲ့ လူဦးရေ ဘယ်နှစ်သန်း တိုးလာသလဲဆိုတာ တိတိကျကျ မသိရပေမယ့် သန်းချီပြီး တိုးလာမယ်လို့တော့ ခန့်မှန်းလို့ ရတယ်။ အဲ့ဒီအခါမှာ ဖြစ်လာ မယ့် ပြဿနာက ကွန်နက်ရှင်းကိစ္စပါ။ လိုင်းတွေ ပူးကြပ်နေတော့ ဈေးချိုတဲ့ဖုန်းတွေ ဝင်လာ ရင် စောစော က ဈေးကြီး ပေး ဝယ်ထား ရ တဲ့ ဖုန်းလိုင်းကိုပဲ လာရောက် ထိခိုက်ပါလိမ့်မယ်။ အဲ့သလိုဖြစ်လာရင် “လူကြီးမင်း ခေါ်ဆိုသော ဖုန်းနံပါတ်မှာ” ဆိုတဲ့ အမျိုးသမီး ပိုပြီး အလုပ်များလာစရာ ရှိပါတယ်။

ကျနော့်အတွေးထဲမှာတော့ ငါးထောင်တန်တွေ ဖုန်းတွေများ ထပ်ပြီး ရောင်းချပေးခဲ့ရင်ဆိုတာနဲ့ “လူကြီးမင်း ခေါ် ဆိုသော”ဆိုတဲ့ အမျိုးသမီးအသံ ထပ်တလဲလဲ ကြားနေမိပါတယ်။

ဒီခေတ်ကြီးထဲမှာ ဟန်းဖုန်းတစ်လုံး ပိုင်ဆိုင်မှုဆိုတာ အမှန်တကယ် လိုအပ်တဲ့ကိစ္စပါ။ ဒါပေမယ့် ဒီလို ဖုန်းတွေ ဈေးပေါပေါနဲ့ မရောင်းခင် အစိုးရက အမှန်တကယ် လုပ်ပေးရမှာက နည်းပညာအကူအညီနဲ့ ကွန်နက်ရှင်းတွေ ပိုအားကောင်းလာအောင် လုပ်ပေးဖို့ပါ။ မယုံမရှိပါနဲ့၊ ကျနော့်အရှေ့မှာ ထိုင်နေတဲ့ ညီအစ်မ နှစ်ယောက်က မြန်မာပြည်ရဲ့ ဖုန်းလိုင်း ဆက်သွယ်ချက်ကို သရုပ်ပြတဲ့အနေနဲ့ ကျနော့်ရှေ့မှာ ထိုင်ရင်း တစ်ယောက်ရဲ့ ဖုန်းကို နောက်တစ်ယောက်က ခေါ်ပြပါတယ်။ သူတို့ ညီအစ်မနှစ်ယောက် ရဲ့ အကွာအဝေးက တိုးတိုးလေး ပြောတာတောင် ကြားနိုင်ပါတယ်။ ခေါ်နေရင်း “လူကြီးမင်း ခေါ်ဆိုသော ဖုန်းနံပါတ်မှာ” ဆိုတဲ့ အမျိုးသမီးရဲ့ သနားစဖွယ်အသံကို ကြားလိုက်ရလို့ အားပါးတရ ရယ်မိကြပါသေး တယ်။ ငါးထောင်တန် ဖုန်းတွေများ ပေါ်လာခဲ့ရင် …။

မတွေးရဲတော့လို့ ရပ်ထားလိုက်မိတယ်။

မြို့တော်ဟောင်းကို ကျွန်တော်တို့ ရောက်ပြီး ဒုတိယနေ့မှာ ဟော့တ်ဖြစ်နေတဲ့ သတင်းက ကားပါမစ်သတင်းနဲ့ ကားဈေးတွေ ထိုးကျသွားတဲ့ သတင်းပါ။ နိုင်ငံခြားငွေတစ်သောင်း ဘဏ်ထဲမှာ ရှိရင် ပါမစ်မလိုဘဲ ကားတင်သွင်းခွင့်စတာတွေနဲ့ သတင်းတူဂျာနယ်ကွဲတွေ ဝဲပျံနေကြတယ်။ ဒီသတင်းက လက်လုပ်လက်စား ဆင်းရဲသားတွေနဲ့တော့ သိပ်မဆိုင်လှပါဘူး။ သိန်းထောင်ကျော်တန် ကားတစ်စီးကို သိန်း (၃၅၀) နဲ့ ရောင်းနေလည်း ဆင်းရဲသားတစ်ယောက်ကတော့ ဝယ်မစီးနိုင်ပါဘူး။ ဒါပေမယ့် သူတို့လည်း ဒီသတင်းကို စိတ်ဝင်တစား ဖတ်နေကြတာ တွေ့ရတယ်။

တစ်ချို့ကလည်း ကားတစ်စီးကို သိန်း (၅၀) လောက်နဲ့ ရရင် တို့လည်း ကားစီးနိုင်ပြီလို့ ကြုံးဝါးနေကြတယ်။ သူတို့ ကြုံးဝါးသံကို ကြားပြီး ကျွန်တော့်အတွေးက မြို့တော်အဝင် ဟွန်းသံတွေနဲ့ ဆူညံနေတဲ့ ကားတန်းကြီးဆီကို ရောက်သွားပြန်ပါတယ်။

“ဂိတ်ကို ရောက်ဖို့ ဘယ်လောက် ကြာနိုင်သလဲ အကို”
“ပုံမှန်တော့ တစ်နာရီခွဲနဲ့ နှစ်နာရီလောက်ထိ ကြာတယ်”
“လမ်းကြောရှင်းရင် ဘယ်လောက် ကြာအောင် မောင်းရမလဲ”
“အလွန်ဆုံး မိနစ်နှစ်ဆယ်ပေါ့ကွာ”

“ဖုန်း” ကိစ္စတုန်းက အတိုင်းပါပဲ။ ကျွန်တော် (ကိုယ့်ကိစ္စ မဟုတ်ပါဘဲ) ခေါင်းနည်းနည်း ကိုက်သွားပြန်တယ်။ ကားအရေအတွက်က အရှိန်အဟုန်ကောင်းကောင်းနဲ့ တိုးနေတယ်။ ကျွန်တော်တို့ အညာမပြန်ခင် နောက်ဆုံးနံပါတ်ဖြစ်တဲ့ ၃ - ဃ တွေက ရန်ကုန်လည်း ပြန်ရောက်ရော ၄ - ဃ တွေကို မျက်နှာငယ်လေးတွေနဲ့ ကြည့်နေကြတယ်။ ဦးလေး တစ်ယောက် က ပြောတယ်။ လကုန်ပိုင်းလောက်ဆိုရင် ၅ - ဃ တွေ ထွက်လာတော့မယ် တဲ့။

ကားတွေက တိုးလာချိန်မှာ လမ်းတွေ တိုးလာတာ မတွေ့ရဘူး။ ဒါဆိုရင် မြို့တော်ရဲ့ ယာဉ်ကြော ပိတ်ဆို့လာနိုင်မှုက ဗေဒင်မလို၊ နတ်ဆရာမလိုဘဲ ထုတ်လို့ရတဲ့ အဖြေ ဖြစ်သွားတယ်။

စင်္ကာပူကျွန်းငယ်လေးရဲ့ သုံးပုံတစ်ပုံက ကားလမ်းတွေတဲ့။ ဒါတောင်မှ ယဉ်ကြောပိတ်ဆို့မှု့တွေ မကြာမကြာ ဖြစ်နေလို့ အများသုံး ဘက်(စ်)ကား၊ MRT တို့နဲ့ ခရီးသွားကြဖို့ အစိုးရက အမြဲတမ်း အားပေးနေရတယ်။ ကားအခွန်တွေ အဆမတန် တင်ထားရတယ်။ ဒါပေမယ့် ကားဝယ်စီးသူဦးရေက သိသိသာသာ လျော့မသွားဘူး။

ဆင်းရဲသားတိုင်း သိန်းငါးဆယ်လောက်နဲ့ ကိုယ်ပိုင်ကား ဝယ်စီးစေချင်ပေမယ့် ကြပ်လာမယ့် ယာဉ်ကြောတွေကိုတော့ ရင်မောမောနဲ့ ခံစားနေမိတယ်။ ပြုပြင်ပြောင်းလဲနေတဲ့ အစိုးရ လုပ်ရမယ့် အလုပ်က ကိုယ်ပိုင်ကားတွေ၊ ဇိမ်ခံကားတွေ တင်သွင်း ခွင့် ပျော့လျော့ပေး တာ မဟုတ်ဘဲ လမ်းတွေ ပိုကျယ်လာအောင်၊ ပိုကောင်းလာအောင် လုပ်ပေးဖို့၊ လူထုသုံး ဘက်(စ်)ကားတွေ အဆင့်မီမီ ပြေးဆွဲနိုင်ဖို့တွေ လုပ်ပေးရမှာလို့ ထင်ပါတယ်။ ကိုယ်ပိုင်ကားဈေးတွေ ကျလေလေ၊ ယာဉ်ကြော ပိတ်ဆို့မှု များလေလေဆိုတာ တိုးတက်တဲ့နိုင်ငံတိုင်း ကြုံတွေ့နေရတဲ့ လမ်းပေါ်က ပြဿနာပါ။

ငါးထောင်နဲ့ ဖုန်းတစ်လုံးရရင်၊
သိန်းငါးဆယ်နဲ့ ကိုယ်ပိုင်ကား ဝယ်စီးနိုင်ရင်၊

ရွေ့လို့မရတဲ့ ကားတန်းကြီးနဲ့ “လူကြီးမင်း ခေါ်ဆိုသော ဖုန်းနံပါတ်မှာ…” ဆိုတဲ့ အသံကို ကြေကွဲစွာ ကြားယောင်နေမိတယ်။ 

(ပုံကို ဤနေရာမှ ရယူပါသည်။)

နည်းပညာကမတိုး ဖုန်းကတိုး။ ကားလမ်းကမတိုး ကားကတိုး။ ဝင်ငွေကမတိုး စားဝတ်နေရေး စရိတ်ကတိုး။ သမ္မကြီးတို့ အစိုးရရဲ့ တာဝန်တွေကို စာနာစွာ နားလည်မိလိုက်ပါတယ်။ ဒါနဲ့ပဲ မြို့တော်အဝင်မှာ စိုင်းထီးဆိုင်ရဲ့ သီချင်းလေးကို ညည်းလိုက်မိတယ်။  

“ရန်ကုန်တော့ ဖြည်းဖြည်းပေါ့... ရန်ကုန်တော့ ဖြည်းဖြည်းပေါ့...ရန်ကုန်မြို့ကြီး ထွက်မပြေးပါဘူး...”

“ဆက်သွယ်ရေး ဧရိယာသည် လူကြီးမင်း ခေါ်ဆိုသော ဖုန်းနံပါတ်နှင့် မဆက်သွယိမိပါသဖြင့် …”

ဇင်ဝေသော်

Copyright © 2012 ကမ်းလက်. All rights reserved.

Read more

လူ၊ မျောက်၊ ချင်ပန်ဇီ၊ ရေသတ္တဝါနဲ့ ရေညှိ

တစ်ခါက (တစ်ခါကဆိုတာ ၁၉၉၇ တုန်းကပါ) နာဂတောင်တန်းမှာရှိတဲ့ ချင်းရွာလေးတစ်ရွာမှာ ညအိပ်ခဲ့ရဖူးတယ်။ “ဆုံကင်း” လို့ ခေါ်ပါတယ်။ ညမအိပ်ခင် မီးဖိုဘေးမှာ ထိုင်ရင်း နာဂအမျိုးသားကြီး တစ်ယောက်က

       “လွန်ခဲ့တဲ့ အနှစ်နှစ်ဆယ်ကဆိုရင် ဒီရွာဝန်းကျင်မှာ ဆင်အုပ်ကြီးတွေ တွေ့ရတတ်တယ်” လို့ ပြောတယ်။
       “လူတွေကို အန္တရာယ် မပေးဘူးလား”
       “အများအားဖြင့်တော့ ဒုက္ခ မပေးကြပါဘူး။ လူတွေကလည်း သူတို့ကို တွေ့ရင်တော့ ရှောင်နေတာပေါ့။ ဒါပေမယ့် ကျနော်ကလေးဘဝက သစ်ပင်ပေါ်က အိမ်ပေါ်မှာ နေခဲ့ရဖူးတယ်”
       “ဘာဖြစ်လို့လဲ”

       “ဘာမှ မဖြစ်ဘူး။ မြေပြင်ပေါ်မှာ အိမ်ဆောက်နေတာ သိပ်မရှိသေးဘူး။ ရှိပေမယ့် တစ်ချို့က ညပိုင်းဆိုရင် သစ်အိမ် (သစ်ပင်ပေါ် ဆောက်ထားတဲ့အိမ်) ပေါ်မှာ အိပ်ကြတယ်။ ဆင်ရယ် မဟုတ်ပါဘူး။ တစ်ခြား သတ္တဝါတွေရဲ့ အန္တရာယ်ကလည်း ရှိနိုင်တယ်လေ။ ကျားတို့ ဘာတို့ပေါ့”

စကားစပ်မိရင်း ပြောကြတာ တော်တော်များတယ်။

သစ်အိမ်ဆိုတာလေး ပါသွားတဲ့နောက် အတွေးက အဲ့ဒီနောက် ရောက်သွားတော့ သူပြောတာတွေကို သိပ် မမှတ်မိတော့ဘူး။

သူပြောတာလေးကို ကြားပြီး မစ္စတာ ချား(လ်စ်)ဒါဝင်ရဲ့ အီဗော်လူးရှင်း သီအိုရီကို သတိရမိလို့ပါ။ (အီဗော်လူးရှင်းဆိုတာ ဆင့်ကဲဖြစ်စဉ်လို့ ပညာရှင်တွေနဲ့ အဘိဓာန်က ဖွင့်ပါတယ်။ အရပ်ထဲမှာတော့ လူဟာ မျောက်က ဆင်းသက်လာတယ်လို့ လွယ်လွယ် ခေါ်ကြပါတယ်။)

       ကျနော်တွေးမိတာက ဒီလိုပါ။

ကျနော်တို့ကို ခရီးလမ်းညွှန်ဖို့ လိုက်လာတဲ့ နာဂကြီးရဲ့ ခြေထောက်တွေနဲ့ လက်ချောင်းတွေက ကျနော်တို့ ခြေချောင်း၊ လက်ချောင်းတွေနဲ့ သိပ်မတူဘူး။ မတူဘူးဆိုတာက ဖိနပ်စီးလေ့ မရှိတဲ့ သူ့ခြေချောင်းတွေက ဘေးကို ပိုကားနေတယ်။ သူနဲ့မှ မတူတာလည်း မဟုတ်ဘူး။ လူဖြူတွေနဲ့ ကျနော်တို့ အာရှတိုက်သားတွေရဲ့ ခြေချောင်းလေးတွေလည်း မတူဘူး။ သူတို့က ရှုးဖိနပ်စီးတာများတော့ ခြေချောင်းလေးတွေက အထဲကို စုပြီးဝင်နေတယ်။ ညှပ်ဖိနပ်စီးတာများတဲ့ ကျနော်တို့ခြေချောင်းတွေက နည်းနည်းဘေးကို ပိုကားနေတယ်။

ဟုတ်တယ်။ နာဂကြီးရဲ့ခြေချောင်းလေးတွေက ဘေးကို ပိုကားတာပေါ့။ ခြေသည်းလည်း ညှပ်တဲ့အကျင့် သိပ်မရှိဘူး။ ခြေသည်းလက်သည်းဆိုတာ သွားနဲ့ အကိုက်ခံရရင် ခံရ၊ မခံရရင် ရှည်လို့ တစ်ခုခုနဲ့ ထိပြီး ကျိုးသွားတယ်။

ပြီးတော့ ကျနော်တို့လို အိမ်သာသွားပြီးတိုင်း လက်ကို သန့်စင်အောင် ဆေးရမယ်လို့ ပြောတတ်တဲ့ ဆရာဝန်တွေ၊ မူလတန်းပြ ဆရာ၊ ဆရာမတွေ မရှိတော့ ခြေထောက်တွေလက်တွေတွေကိုလည်း သိပ်မဆေးကြပါဘူး။ ဒီတော့ သူတို့လက်ချောင်း၊ ခြေချောင်းလေးတွေက ကျနော်တို့နဲ့ မတူဘူး။ (ချေးတွေနဲ့ လက်သည်းတွေ မည်းလို့)။

       ဆိုပါတော့၊ သစ်ပင်ပေါ်မှာ နေဦးမယ်ဆိုရင်…
       အသားစိမ်း၊ ငါးစိမ်းတွေကို ကျကျနန ချက်မစားကြသေးဘူးဆိုရင်…
       ဆံပင်တွေ၊ မုတ်ဆိတ်တွေ ကျကျနန မရိတ်ကြသေးဘူးဆိုရင်…

“ဆိုရင်” ပေါင်းများစွာကို ဖြန့်ကျက်လိုက်တော့ လူဟာ မျောက်နဲ့ ဆင်ဆင်တော့ တူသွားတယ်။ လူရဲ့အသွင်ဟာ ဒီနေ့လူရဲ့အသွင်နဲ့ မတူတာတော့ သေချာတယ်။ အဲ့ဒါ မစ္စတာဒါဝင်ရဲ့ အီဗော်လူးရှင်းပါပဲ။

       ဒီနေ့အထိ ဒါဝင်နဲ့ ကျနော် စိတ်ဝမ်းမကွဲခဲ့ဖူးပါဘူး။

ရေသောက်တာကို အိတ်ခ်ျတူးအို သောက်တာလို့ မပြောချင်သလို ဒါဝင်ရဲ့ အီဗော်လူးရှင်းကိုလည်း ချင်ပန်ဇီနဲ့ ရှုတ်မနေစေချင်ပါဘူး။ လူတိုင်းသိတဲ့ လူနဲ့မျောက် ပြောလိုက်ရင် ပြီးတာပါပဲ။ အဲ့သလိုပြောတဲ့ လူတွေကလည်း ရေညှိတွေ၊ ရေသတ္တဝါတွေ၊ ချင်ပင်ဇီတွေကို မသိလို့ ပြောနေကြတာ မဟုတ်ကြပါဘူး။ ရေသောက်တာပါ။ အိတ်(ခ်ျ)တူးအို မသောက်ပါဘူး။ ဓာတ်ခွဲခန်းစော် နံလို့။

နာဂတောင်ပေါ်က ဆင်းလာတဲ့နောက် လူနဲ့မျောက် ဆက်စပ်လို့ (မျက်မြင်ကိုယ်တွေ့ပါ၊ စာအုပ်ထဲက မဟုတ်ဘူး။) ရသွားတယ်။

ဒါနဲ့ လွန်ခဲ့တဲ့ နှစ်ငါးရာ၊ တစ်ထောင်၊ နှစ်ထောင်၊ တစ်သောင်း။ လူဟာ ဘာနဲ့ တူမှာပါလိမ့်။ တူချင်ရာနဲ့ တူ၊ ဒီနေ့ လူနဲ့တော့ ချွတ်စွတ် မတူနိုင်ဘူး။ ကဲ… အဲ့ဒါ အီဗော်လူးရှင်း မဟုတ်ရင် ဘာလို့ ပြောကြမလဲ။

ဒါနဲ့ပဲ မစ္စတာ ချား (လ်စ်)ကို လက်ဆွဲနှုတ်ဆက်ပြီး ဘာသာရေးဖက်ကို ကြည့်မိတော့ အဂ္ဂညသုတ်ကို ဝမ်းပမ်းတသာ တွေ့မိတယ်။ ဘာသာရေးစာပေဆိုတော့ သိပ္ပံတော့ မဟုတ်လောက်ဘူးပေါ့။ ဒါပေမယ့် အဂ္ဂညသုတ်မှာ ပြောတာက အစပိုင်းမှာ ကမ္ဘာဟာ ရေနဲ့ လွှမ်းသတဲ့။ မစ္စတာဒါဝင်ပြောတဲ့ ရေညှိရေမှော်တွေနဲ့ တစ်ထေရာတည်းပါပဲ။ (အဓိကကတော့ လူဟာ ဖန်ဆင်းခံ သတ္တဝါမဟုတ် ဆိုတာပါပဲ။ အဲ့ဒီကနေတဆင့် လူ့အဆင့်အတန်းတွေ ကွဲလာပုံကို သေသေချာချာ ရှင်းပြထားတယ်။

ဒါနဲ့ပဲ မစ္စတာဒါဝင်ကို ဂေါတမဗုဒ္ဓနဲ့ မိတ်ဆက်ပေးလိုက်တာပါ။ အဂ္ဂညသုတ်နဲ့ အီဗော်လူးရှင်းလည်း စိတ်ဝမ်းမကွဲကြပါဘူး။ တစ်ထပ်တည်းလည်း မတူကြဘူး။ တူစရာလည်း မလိုဘူး။

ကျနော်ထားခဲ့တဲ့ မက်ဆေ့ဂ်ျက “လူဟာ ရေသတ္တဝါကပဲလာလာ၊ ချင်ပန်ဇီကပဲ လာလာ၊ မျောက်ကပဲလာလာ (ရပ်ကွက်ထဲမှာတော့ မျောက်က ပေါ်ပြူလာ ပိုဖြစ်တယ်လေ) မျောက်စိတ်နဲ့ လူမဖြစ်ရင် တော်သေးတာပဲ။ အနည်းဆုံး အုံးသီးတော့ ခွဲတတ်တာပေါ့။ ဒါပါပဲ။” (မျောက် အုံးသီးရသလို - လို့ ပြောစရာ မလိုတော့ဘူးပေါ့)

       ဒါဝင်ကြီးကို ချစ်လွန်းလို့ ပြောမိတဲ့ဟာကို…။

လူတွေ လက်ခံစရာ မလိုပါဘူး။ ဘာသာရေးတွေ လက်ခံစရာလည်း မလိုပါဘူး။ အီဗော်လူးရှင်းက နေရာတိုင်းမှာ ရှိပါတယ်။

       မီးကျောက်၊ မီးခြစ်ဗူး၊ ဂက်(စ်)မီးခြစ်၊ အနုမြူ။
       ရေ၊ မီး၊ မဟာဘုတ်လေးပါး၊ အဝိနိဗ္ဘောဂရုပ်ရှစ်ပါး၊ ဟိုက်ဒရို အီလက်ထရောနစ်။ (မီးမှာ ရေရှိ၊ ရေမှာ မီးရှိ)
       ကျောက်လက်နက်၊ ကြေးလက်နက်၊ သံလက်နက်၊ စတီးလ်လက်နက်၊ အွန်လိုင်းလက်နက်။
       တယ်လီဖုန်း၊ ရေဒီယို၊ တီဗွီ၊ ကွန်ပျူတာ။

ကျနော့်အခန်းထဲက ကွန်ပျူတာက တယ်လီဖုန်းကနေ ဖြစ်လာတာပါ။ ချင်ပန်ဇီကနေ ကွန်ပျူတာ ဖြစ်လာတာ မဟုတ်ပါဘူး။ အဲ…မျောက်က ဆင်းသက်လာတဲ့ လူတွေက လုပ်ထား၊ တီထွင်ထားတာပါ။

ကွန်ပျူတာရဲ့အစက ရေထုလွှမ်းမိုးထားတဲ့ ကမ္ဘာပါ။

ပြီးပါပြီ။ ။



အဂ္ဂညသုတ်တော်ကိုဆက်လက်လေ့လာလိုသူများအတွက်
အင်္ဂလိပ်ဘာသာပြန် ၊ ဗွီဒီယိုလက်ချာ ၊ မြန်မာဘာသာပြန်

ဇင်ဝေသော်

Photo credit to Thar Kyaw (缅甸 / Myanmar)
HPA2011 Nomination Award for Portrait & Costume (Burmese Barbarian-Naga People)

Copyright © 2012 ကမ်းလက်. All rights reserved.

Read more

နားဝင်တော့ချိုပါရဲ့...သို့သော်

ဟိုအရင်က မြန်မာပြည်မှာ ကိုယ်ထူကိုယ်ထလမ်းတွေဖောက်ကြတယ်၊ နောက်ပိုင်းမှာတော့ကိုယ်ထူကိုယ်ထလမ်းတွေမဖောက်ရတော့ဘူး၊
ကိုယ့်အားကို ကိုးလမ်းတွေပဲ ဖောက်ရတော့တယ်။

မြန်မာပြည်က နာမည်ကြီးအဖွဲ့တစ်ဖွဲ့ကိုပေးထားတဲ့ နာမည်လေးကလည်း ပြည်ထောင်စု ကြံ့ခိုင်ရေးနဲ့ ဖွံ့ဖြိူးရေးအသင်းတဲ့။
သေသေချာချာမသိပေမဲ့ (ဘယ်သူတွေနဲ့ဖွဲ့စည်းထာတယ်ဆိုတာကို)ဆရာဝန်တွေ၊ နာစ်တွေ၊ ကလေးမိခင်တွေ၊ အားကစား
ကိုယ်ကာယပညာရှင်တွေနဲ့ ဖွဲ့စည်းထားတာဖြစ်မယ်လို့တော့ နာမည်လေးကြည့် ပြီးခန့်မှန်းရင် မှန်လိမ့်မယ်ထင်ပါတယ်။

အစိုးရအမည်တွေမှရယ်လို့တော့မဟုတ်ပါဘူး။ ဟိုတုန်းကသုဘရာဇာတွေ မရှိတော့ဘူး၊
ကိုကျော်သူတို့ နာရေးအသင်ကနေရာယူလိုက်လို့။

နာမည်လှလှလေးတွေကိုသဘောကျတာ မြန်မာတွေရယ်မှ မဟုတ်ပါဘူး။
အင်္ဂလိပ်တွေ လေဘာလုပ်နေတုန်း စင်ကာပူက မဲန်း ပါဝါ လုပ်လိုက်တယ်။
ဒါပေမယ့် မဲန်းပါဝါအောက်မှာက အလုပ်ပို ပင်ပန်းသတဲ့။

ဒါလေးတွေကိုစဉ်းစားမိရင်း တိုင်းမ် မဂ္ဂဇင်းထဲက စာရေးဆရာ Otto Friendrich ရဲ့"Of Words that Ravange, Pillage, Spoil" ကို
ဖတ်မိတော့ သဘောကျမိလို့ တစ်ချို့ဆွဲထုတ်လိုက်ပါတယ်။ တစ်ချို့က အင်္ဂလိပ်လိုမှ ပိုထိမိတာရယ်၊
သိပ်လည်းမခက်လှတာရယ်ကြောင့် မူရင်းအတိုင်းပဲထားပါတယ်။

Pennsylvania မှာကြက်ငှက်ရောဂါတွေဖြစ်တော့ ဖက်ဒရယ်အစိုးရက"Depopulation"ဆိုတ့စကားလုံးကိုသုံးခဲ့တယ်။
ဒါကိုသုံးရကြောင်းဖက်ဒရယ်အစိုးရရဲ့ သတင်းနဲ့ပြန်ကြားရေးအရာရှိ David Godman က
"We used the terrible word depopulation to avoid saying slaughter." လို့ရှင်းပြတယ်။

တကယ်တော့ "Depopulation"ဆိုတ့စကားက Terrible မဟုတ်ပါဘူး၊ လက်တင် populare ကလာတာမို့ ထူးခြားတဲ့စကားပါ။
အဓိပ္ပါယ်က “to lay waste, ravage, pillage, spoil" ပါ။

Shakespeare က “Where is this viper/That depopulate cities?" လို့သုံးပြီး
John Milton က "depopulating all places in their way" လို့ စစ်တပ်အင်အားကိုရည်ညွှန်းသုးစွဲခဲ့ပါတယ်။
စကားလုံးတွေရဲ့ မူရင်းအဓိပ္ပါယ်တစ်ချို့ပျောက်နေပါပြီ။
Webster အဘိဓာန်မှာဆို "to reduce greatly the population of"လို့ တစ်မျိုးပဲဖော်ပြတော့တယ်။

နောက်ပြီး သေဒဏ်စီရင်ခြင်းဆိုတာကို ဘယ်အစိုးရကမှမသုံးစွဲလိုပါဘူး။
ဂျာမနီက နာဇီတွေတောင် ဒီစကားလုးံကို ရအောင်ရှောင်ကြတယ်။ ထောင်သားတွေ ကွန်စန်ထရေရှင်းကမ့်ပ် ပို့ရာမှာ
စာရွက်ပေါ်အမှာ ရေးထားက"return unwanted"လို့ အဓိပ္ပါယ်ရတဲ့ဂျာမန်စကားပါ။ အဓိပ္ပါယ်က "death"ပါဘဲ။
ဒီတာဝန်ကိုတော့"special treatment"တဲ့။ အဓိပ္ပါယ်က "death"ပါဘဲ။ သေဒဏ်စီရင်ခြင်းကိုတော့"the final solution"တဲ့။
အဓိပ္ပါယ်လား၊ "death"ပါဘဲ။

စကားလုံးလှလှ နာဇီတွေဘယ်လိုပဲသုံးသုံးသူတို့လုပ်ရပ်တွေကို ဖုံးလို့မရမှန်း လူတိုင်းတော့သိတာပါဘဲ။
ဒါပေမယ့် ဒါဟာအကောင်းဆုံးဆက်သွယ်ရေးစကားဆိုတာ အစိုးရတိုင်းလက်ခံခဲ့ကြရတယ်။

စစ်ပွဲတွေနဲ့ပတ်သက်လို့ "Pacification" ဆိုတဲ့ဝေါဟာရ ရေပန်စားလာခဲ့တယ်။
("War is peace” as the Minister of truth says in 1984.) သူတို့မှမဟုတ်ပါဘူး၊
ရိုမန်တွေကလည်း"Where they make desert, they call it peace" တဲ့။

ဗီယက်နမ်စစ်ပွဲမှာလည်း စကားလုံးအသစ်တွေအများကြီးရခဲ့ပြန်ပါတယ်။
"........soldiers "wasted" the enemy; some "fragged" their officers, bombers provided "close air support"

တရုတ်ပညာရှင် ကွန်ဖြူးရှပ်က အစိုးရကောင်းရဲ့ အဓိကရေသောက်မြစ်က"precise definition"တဲ့။
ဒါဆို ဘယ်လောက် precise ကို precise လို့ခေါ်ရပါ့မလဲ၊
နိုင်ငံတစ်နိုင်ငံရဲ့ ဖရီးဒမ်းဖိုက်တာက အခြားနိုင်ငံရဲ့ အကြမ်းဖက်သမားဆိုတော့လေ။

ရော်နယ် ရီဂင်ဟာ မကောင်းတဲ့လုပ်ရပ်ကို စကား လှလှသုံးတဲ့နေရာမှာ အလွန်တော်ပါတယ်။ ဂျင်မီ ကာတာက အီရန်ကိုဝင်တိုက်တဲ့
ဟယ်လီကော်ပတာ အထမမြောက်ခဲ့တာကို "an incomplete success." လုိ့သုံးခဲ့လေရဲ့။ ရီဂင် "Peace keeper "လို့မသုံးခင်အထိ
ဒုန်းပျံနဲတိုက်တာကို MX (missile experiment) လို့ လူတွေသိထားခဲ့ကြတာပါ။

Grenada ကျူးကျော်စစ်ပွဲပြီးသည်အထိ သူကိုယ်တိုင် "invasion "လို့သုံးခဲ့တာပါ။ သတင်ထောက်တွေကမေးတော့မှ
"your frequent use of word invasion. This was a rescue mission" လို့လှလှပပပြင်သုံးပြလိုက်တယ်။

Grenada စစ်ပွဲဟာစကားလုံးအသစ်အဆန်းတွေအများကြီးမွေးထုတ်ပေးခဲ့ပါတယ်။ Wesley L.McDonald က လေတပ်ကလေယဉ်တွေ
သက်ဆင်းလာထဲ့အခါရေတပ်က ကျွန်းပေါ်မှာ ဘာတွေဖြစ်နေတယ်ဆိုတာမသိခဲ့ဘူး၊ ဒါကိုဝန်ခံဖို့ ဝန်လေးတော့ အံဩတကြီးနဲ့ဒီလိုပြောတယ်။
"We were not micromanaging Grenada intelligencewise until about that time frame."

အစိုးရက စစ်တပ်နဲ့ဆိုင်တဲ့ဝေါဟာရတွေကိုသာ ဝင်ပြီးအဆန်းထွင်တာတော့မဟုတ်ပါဘူး။
စီးပွားရေးကိစ္စမှာလည်း ဒါမျိုးလေးတွေ ထွင်တတ်ပြန်ပါတယ်။

ရီဂင်ပါဘဲ၊အခွန်တွေလျှော့ကောက်မယ်လို့ သူကိုယ်တိုင် ကြေငြာခဲ့ပြီး အခွန်တိုးကောက်တော့မယ်လည်းဆိုရော "အခွန်တိုးကောက်တယ်လို့မပြောပဲ
revenue enhancements."တဲ့၊ မလှဘူးလား။ ဒီစကားလုံးကို ရွေးပေးတာက Lawrence Kudlow ဆိုတဲ့ ဘတ်ဂျက် မန်းနေဂျမင့်က လူလေ။

ဒီအယူအဆက ပြန့်သွားတယ်ထင်ပါရဲ့။
ဆင်းရဲသားတွေကို (the poor)ခေါ်ဝေါ်တဲ့စကားပြောင်းသွားတယ်၊ "disadvantaged" တဲ့။

ပြီးတော့ ဆင်းရဲတဲ့နိုင်ငံတွေကို အစကတော့ "undeveloped nations."တဲ့၊
နောက်တော့ "developing nations." တဲ့၊ နောက်ဆုံးမတော့ "emerging nations" ပါတဲ့။

ဘာတွေဘဲပြောပြော နောက်ဆုံးမှာတော့ "nothing is certain except death and tax."ပါပဲ။
အဲ..မှားလို့ "Depopulation နဲ့ revenue enhancement." ပါတဲ့။

ဇင်ဝေသော်

Copyright © 2011 ကမ်းလက်. All rights reserved.

Read more

မစ္စတာဒါဝင်ကိုပြောပြချင်သည့် အဂ္ဂညသုတ် စသည်

       ဟဲလို မစ္စတာဒါဝင်ခင်ဗျား။
       ခင်ဗျားရဲ့ ကလေးဘဝက စိတ်ဝင်စားစရာမကောင်းလှပေမယ့် ခင်ဗျားရဲ့ အီဗော်လူရှင်းသီအိုရီကတော့ မျက်ပြူးဆန်ပြာအနိုင်သားလားဗျ။ ထူထည်းထည်းကျမ်းစာတွေကို ပျက်ရယ်ပြုတာတော့ မဟုတ်ခဲ့ပါဘူးနော်။ ကျွန်တော် လူကြီးမင်းနဲ့ နာရီဝက်လောက် စကားပြောချင်လို့ပါ။

       တစ်ခုတော့ရှိတယ်ဗျ၊ ကျွန်တော်တို့လိုနေတာက အီဗော်လူးရှင်းလား၊ ရီဗော်လူးရှင်းလား တိတိကျကျမသိဘူး။ ဒါပေမယ့် ကျွန်တော်ဆွေးနွေးချင်တာကတော့ လူကြီးမင်းရဲ့ အီဗော်လူးရှင်းအကြောင်းပါ။

       သတ္တဝါဟာ Survival ဖြစ်ဖို့ adaptable ဖြစ်ရမယ်လို့ လူကြီးမင်း ယူဆခဲ့တာမဟုတ်လား။ မှန်တာပေါ့ဗျာ။ အဒက်(ပ်-တ်) မလုပ်နိုင်တဲ့ ဒိုင်နိုဆောတို့တော့ မျိုးတုန်းခဲ့ရပြီပဲလေ။ လူကတော့ adaptable လုပ်တဲ့နေရာမှာ အတော်ဆုံးလို့ လူကြီးမင်းယူဆခဲ့တယ်မဟုတ်လား။ ဒါပေမယ့် လူထက်စွမ်းတဲ့ သတ္တဝါပေါ်လာပြီ။ အဲဒါ H.I.V ဗိုင်းရပ်စ်ပိုးမွှားပဲဗျ။ ပွက်ပွက်ဆူနေတဲ့ ရေနွေးထဲထည့်ပြုတ်တာတောင် ဒီဗိုင်းရပ်စ်က မသေဘူးဆိုပဲ။ လူကို အဲဒီရေနွေးထဲ ထည့်ပြုတ်လိုက်ရရင် ဘယ်လိုနေမလဲမသိဘူးနော်။ ဗိုင်းရပ်စ်ဟာ သေးမွှားသလောက် လူ့လောကကို ခြိမ်းခြောက်နေတော့တာပဲ။ ဒီလိုနဲ့ ကျွန်တော်တို့လည်း တစ်ခါသုံးဆေးထိုးအပ်တွေ သုံးကြရတော့တာပေါ့ဗျာ။

       ဒါပေမယ့် မစ္စတာ ချား(လ်-စ်)။
       ဗုဒ္ဓဘာသာကတော့ သတ္တဝါတိုင်းဟာ adaptable ဖြစ်တယ်လို့ ဆိုသဗျ။ ဥပမာ ငရဲပြည်ဗျာ။ ဒီလောက်ပူတဲ့ အပူထဲမှာ ဒီသတ္တဝါမသေပဲ ရှင်သန်နေနိုင်တာ အံ့သြစရာမကောင်းဘူးလား။ အကုသိုလ်ကံကြောင့် ဒီသတ္တဝါဟာမသေပဲ ဒီအပူကို ကျကျနနကြီး ခံစားနေရရှာတာလေ။

       နောက်ပြီး လောကန္တရိတ်ငရဲလို့ခေါ်တဲ့ အအေးငရဲ။ လောကန္တရိတ်ငရဲမှာလည်း ဘယ်လောက်ပဲအေးအေး သတ္တဝါက မသေဘူးလို့ဆိုတယ်ဗျ။ ဒါကလည်း အကုသိုလ်ကံကြောင့်ပဲပေါ့။ ကျွန်တော်ထင်တယ်၊ ဂလိုဘယ်ဟာ ဘယ်လိုပဲ ဝမ်း- ဝမ်း၊ လူသားကတော့ အဒက်(ပ်-တ်) လုပ်သွားလိမ့်မယ်။ H.I.V ဗိုင်းရပ်စ်လေးတွေကလွဲရင် လူသားလည်း စွမ်းတာပဲမဟုတ်လား။

       ဦးဒါဝင်။
       လူဆိုတာ မျောက်ကဆင်းသက်တာလို့ ခင်ဗျားပဲပြောခဲ့တာ မဟုတ်လား။ ခင်ဗျားက ရုပ်ဆင့်ကဲဖြစ်စဉ်ကို အဓိကထားတော့ ရုပ်ပြောင်းလဲမှုကို ဦးစားပေးပြောခဲ့တာပေါ့။ ဒါပေမယ့် စိတ်ကိုပိုပြီး အာရုံစိုက်တဲ့ ကျွန်တော်တို့ ဗုဒ္ဓမိန့်တာလေးကိုလည်း နည်းနည်းလက်တို့ချင်တယ်။

       ကျွန်တော်တို့ ဗုဒ္ဓက “လူ့စိတ်ဟာ မထိန်းသိမ်းရသေးရင် မျောက်စိတ်ပဲ” တဲ့ဗျာ။ လူကြီးမင်းနဲ့ မဆင်ဘူးလား။ လူကြီးမင်းက အပြင်ပုံသဏ္ဍာန်ကိုပြောပြီး ဗုဒ္ဓက အဇ္ဈတ္တကို သဗ္ဗညု မိုက်ကရိုစကုပ်နဲ့ကြည့်ပြီးပြောခဲ့တာလေ။ စိတ်မပျက်ပါနဲ့ဗျာ။ လူကြီးမင်းရဲ့ အီဗော်လူးရှင်းဝါဒကို ဗုဒ္ဓဘာသာက သိုသိုသိပ်သိပ် လက်ခုပ်တီးနေပါတယ်။

       နောက်ပြီးရှိသေးတယ် မစ္စတာဒါဝင်။
       လူ့ပြည်ကိုဆင်းပြီး ဘုရားဖြစ်ဖို့ နတ်ဗြဟ္မာတွေတောင်းပန်တော့ ဘုရားအလောင်းနတ်သားက တုသိတာကနေ ကြည့်ခြင်းကြီးငါးပါး- အဲလေ ခင်ဗျားသိတဲ့ ဘာသာစကားနဲ့ဆိုရင် Five Observations လုပ်ခဲ့တယ်လို့ဆိုတယ်ဗျ။ အဲဒီငါးပါးထဲမှာ နံပါတ်တစ်က ကာလဆိုတဲ့ အချိန်(သို့) proper ဖြစ်တဲ့ Time (or) occasion ကို ကြည့်တာလေဗျာ။

       လူဆိုတဲ့သတ္တဝါဟာ ကမ္ဘာဦးကတည်းက အသိဥာဏ်မြင့်မားခဲ့တယ်ဆိုရင် ဒါတွေ ကြည့်နေစရာမလိုတော့ဘူးပေါ့ဗျာ။ ကြိုက်တဲ့အချိန် ဘုရားကောက်ပွင့်လို့ရတာပဲ။ ဒီလိုမဟုတ်ဘူးလေ၊ ဘုရားပွင့်တယ်ဆိုတာ တရားဟောဖို့ကိုး။ တရားဟောဖို့ ပရိသတ်လိုတယ်။ဒီပရိသတ်ကလည်း ဘုရားဟောမယ့်တရားကို နားလည်နိုင်လောက်မယ့် အသိဥာဏ်ဖွံ့ဖြိုးမှု ရှိမှကိုးဗျ။ ဒါက ကျွန်တော်မှတ်သားရဖူးတဲ့ ဆရာကြီး ဦးဋ္ဌေးအောင်ရဲ့ လက်ချာပါ။ ကာလ ဆိုတာကိုကြည့်ရင် လူသားရဲ့အသိဥာဏ် ဖွံ့ဖြိုးလာမှုမှာလည်း ပြောင်းလဲဖြစ်စဉ်ရှိတာပါပဲ။ ဒါကြောင့် ပြောတာပါ၊ စိတ်မပျက်ပါနဲ့လို့။

       ခင်ဗျားတို့အနောက်ကလာတဲ့ အသံကို ဘာသာမပြန်ပဲ ကမ်းလိုက်ချင်ပါသေးတယ် မစ္စတာ ဒါဝင်။
       “ To the theistic religions which teach that humans are a special Creation of God, the idea that humans could have evolved from lower animals is deeply offensive. Buddhists have always believed that animals are worthy of love and respect, that humans can even sometimes be reborn as animals or animals as humans and therefore they are quite comfortable with the concept of evolution.” ( Pg 88, A Guide To Buddhism A to Z)

       ဒါ့ကြောင့်ပြောတာပါ၊ ဒီအီဗော်လူးရှင်းသီအိုရီက ကျွန်တော်တို့ဗုဒ္ဓဘာသာအတွက် သိပ်ထူးဆန်းလှတာတော့ မဟုတ်လှပါဘူး။ အဓိက ကျွန်တော်ပြောချင်တာက မြတ်စွာဘုရားရှင်ရဲ့ အဂ္ဂညသုတ်အကြောင်းပါ။

       ဒီဃနိကာယ်၊ အဂ္ဂညသုတ်မှာ မိန့်တာက- အစကနဦးမှာ ဒီကမ္ဘာကြီးဟာ ရေနဲ့ဖုံးလွှမ်းနေပါသတဲ့။ အဲဒီနောက် ရေမျက်နှာပြင်ပေါ်ရှိတဲ့ ရေညှိရေမှော်တွေကနေ သက်ရှိသတ္တဝါလို့ယူဆရတဲ့ သတ္တဝါလေးတွေ စတင်ရှင်သန်လာခဲ့တယ်။ အဲဒီနောက် သတ္တဝါတွေရဲ့ပုံစံတွေ တစ်ဆင့်ချင်းပြောင်းလဲတည်ရှိလာတယ်လို့ ဆိုပါတယ်။ သတ္တဝါရယ်လို့ တိတိကျကျပြောလို့ရလောက်အောင် ဘယ်လောက်အချိန်ကြာသလဲဆိုတာ ပြောလို့ကိုမရဘူး။ ဘုရားရှင်ကလည်း ကာလအပိုင်းအခြားကို ဟောပြတော်မမူခဲ့ဘူး။ လူကြီးမင်းတို့ပြောသလို နှစ်သန်းပေါင်းများစွာကြာတယ်ဆိုလည်း ဗုဒ္ဓဘာသာကတော့ ဘာမှဝင်ပြီး ကဏ္ဍကောဇလုပ်နေမှာ မဟုတ်ပါဘူး။ လက်ခံပါတယ်။

       အဲ မစ္စတာဒါဝင် စိတ်ဝင်စားမယ်ဆိုရင် အဲဒီ အဂ္ဂညသုတ်(On knowledge of Beginnings)ကို ပါဠိတက်(စ်) ဆိုဆိုက်ရတီးက ဘာသာပြန်ထားတာရှိပါတယ်။ ဖတ်ကြည့်နိုင်ပါတယ်။ ဒီဃနိကယ်၊ ပါထိကဝဂ်၊ စတုတ္ထမြောက် သုတ္တန်ပါ။
       အဲဒီသုတ်ရဲ့ အကျဉ်းချုပ်ကတော့-

       “Agganna Sutta: On Knowledge of Beginnings. A somewhat similar fable, this time addressed to the Brahmins whose pretentions the Buddha refutes. There is no different between Brahmins and others if they behave badly. A somewhat fanciful account of the origin of castes is given. ”

       ဒါပါပဲဗျာ။
       လူဟာ မျောက်ကဆင်းသက်လာတာပဲပြောပြော၊ ဆိတ်ကဆင်းသက်လာတာပဲဆိုဆို ဗုဒ္ဓဘာသာကတော့ မျောက်စိတ်နဲ့ လူဖြစ်မနေဖို့ပဲ အရေးကြီးကြောင်း မှာတမ်းထားခဲ့လေရဲ့။
       ကျေးဇူးတင်ပါတယ် မစ္စတာ ချားစ် ဒါဝင်။ နားပါရစေတော့၊ မျောက်စိတ်နဲ့ လူမဖြစ်ဖို့ လုပ်စရာတွေကျန်နေသေးလို့ပါဗျာ။

ဗလဝ မေတ္တာ စိတ္တေန။
မေတ္တာများစွာဖြင့်-
ဇင်ဝေသော်
(28- Jan- 2012)

Copyright © 2012 ကမ်းလက်. All rights reserved.

Read more

ရယ်စရာဖြစ်နေတဲ့ ကမ္ဘာကျော်စွပ်စွဲမှုများ

၁။ ဆွာမိကြီး ဝိဝေကာနန္ဒ
နံပတ်တစ်ကတော့ ဆွာမိကြီး ဝိဝေကာနန္ဒပါ။ သူက ဗုဒ္ဓဘာသာရဟန်းတွေနဲ့     စကောလားတွေက ဗြဟ္မဏဝါဒကို တိုက်ခိုက်ကြတယ်၊ မနိုင်တော့ ဗုဒ္ဓရဲ့ဒေသနာတော်တွေကို အိန္ဒိယထဲကနေ အပြီးအပိုင် ခိုးယူသွားကြတယ် တဲ့။ ဗုဒ္ဓရဲ့ဒေသနာတော်တွေဟာ ခိုးယူထွက်ပြေးခြင်းခံလိုက်ရတာလား၊ မောင်းထုတ်တာကိုခံလိုက်ရတာလား ဆိုတာပညာရှင်တွေစကားဆိုဖို့ပဲ ချန်ထားခဲ့ပါရစေတော့။ ဗုဒ္ဓရဲ့ဒေသနာတွေဟာ ကော်မာရှယ်လိုက်ဇ် ထားတာမဟုတ်သလို ကော်ပီရိုက် ကိစ္စလည်း မရှိဘူး။ ဒီတော့ ကြိုက်သူယူသုံးလိုက်ကြတာပါ။နှီးနှောလို့မရတဲ့ အယူအဆတွေမို့ အမြစ်ပြတ်အောင်အသတ်ခံလိုက်ရပေမယ့် မသေနိုင်တဲ့ ဗုဒ္ဓဘာသာက အခြားကမ္ဘာ့ အစိတ်အပိုင်း တော်တော်များများမှာ ဖြည်းဖြည်းနဲ့ မှန်မှန် အမြစ်တွေတွယ်နေတော့ ဟိန္ဒူမြေပေါ်ကလွဲရင် အမြစ်မတွယ်တတ်တဲ့  ဗြဟ္မဏဝါဒ နည်းနည်းနယ်ကျဉ်းသလိုဖြစ်သွားတာနေမှာပါ။ ဘာပဲပြောပြော  အိန္ဒိယပိုင် ဗုဒ္ဓရဲ့ဒေသနာတော်တွေကို နိုင်ငံခြားသားဗုဒ္ဓဘာသာရဟန်းတွေက ခိုးယူသွားကြတယ် ဆိုတာကတော့ ပြုံးချင်စရာလေးပါ။ အကြီးကျယ် ခိုးယူသူတွေက ဆာ အက်ဒွင်အာနိုးတို့၊ အိုင်းစတိုင်းတို့ ပါ။သူတို့ကြောင့့် ရွာအနောက်ခြမ်းကလူတွေ ဗုဒ္ဓဘာသာ ကိုတွေ့သွားတာပါ။ အာရှတိုက်ရဲ့သူခိုးကြီးကတော့ သိရိဓမ္မာသောက မင်းကြီးပေါ့။ သူ့ကြောင့် ကိုးတိုင်း ကိုးဌာနကို  ဗုဒ္ဓဘာသာလွင့်သွားရတာမဟုတ်လား။
ဆွာမိကြီးမမီလိုက်လို့၊ဗြဟ္မဏဝါဒတွေရဲ့ နှလုံးသည်းပွတ်ဖြစ်တဲ့ ယောဂကျင့်စဉ်ဟာ ၂၁ ရာစုလည်းရောက်ရော ဆရာတွေအချို့က အဖြူတွေနဲ့ တရုတ်တွေ၊သူတို့ဆီကနေတစ်ချို့ အိန္ဒီယန်းတွေ ယောဂပြန်သင်ယူနေကြလေရဲ့။

၂။Sir Dave Richards

နောက်တစ်ယောက်ကတော့ Sir Dave Richards ဆိုတဲ့ ပရီမီးယားလိဂ် ဘုတ်အဖွဲ့ ဥက္ကဋ္ဌ၊FA အဖွဲ့ဝင်ပါ။သူကလည်း နိုင်ငံခြားသားတွေက သူတို့ပိုင် ဘောလုးံကစားခြင်းအတတ်ပညာကို မားသား လန်ဒ် ကနေ ခိုးယူသွားကြတယ် တဲ့။ဖြစ်ပုံက အထက်ကနဲ့ ခပ်ဆင်ဆင်ပဲ။အင်္ဂလိပ် အမျိုးသားအသင်းက ကန်လိုက်ရင် အနှေးနဲ့အမြန် ရှုံးတော့တာဘဲ။အခိုးခံလိုက်ရလို့နေမှာပေါ့။သူမှစကားမဆုံးသေဘူး တရုတ်ကလည်း ဘောလုံးကစားခြင်းကို စတင်တွေ့ရှိတာက တရုတ်၊အင်္ဂလိပ် မဟုတ် တဲ့။လုပ်ချပါလေရော။တရုတ်အဆိုအရ အင်္ဂလိပ် တွေ ဘောလုံးသူခိုးဖြစ်ရပြန်ရော။သူတို့လုနေတာနဲ့ပဲ ရွာက ကလေးတွေဘောလုးံမရှိလို့မကန်ရရှာတော့ဘူး။လောလောဆယ် အင်္ဂလိပ် တို့ ကမ္ဘာ့ဖလား၊ဥရောပဖလားကိုခိုးသွားတာက နွာရိုင်းသတ်သမားစပိန်တွေ။
ဘာမှမဟုတ်ပါဘူး။သူခိုးမယိုးတတ်ရင် ရီရတယ်လို့ စဉ်းစားမိလို့ပါ။

ဇင်ဝေသော်

Copyright © 2012 ကမ်းလက်. All rights reserved.

Read more