(လူငယ်နဲ့ စာဖတ်ခြင်းပါ၊ ကျောင်းသားသပိတ်အကြောင်း မဟုတ်)
ဆရာတစ်ယောက်ရဲ့ စာပေဟောပြောပွဲ ယူကျုမှာပါ။ လူငယ်တွေ စာဖတ်နည်းခြင်းနဲ့ပတ်သက်လို့ အစိုးရအဆက်ဆက်ကို တရားခံချပြီး အင်တာ နက်၊ ဂိမ်း စသည်ရဲ့ အရေးပါမှုကို ဆရာက အလေးအနက်မထားခဲ့ပါဘူး။
အင်တာနက်၊ ဂိမ်း စတာတွေနဲ့ပတ်သက်တဲ့ ဆရာ့ကောက်ချက်က ခေတ်သစ် မီဒီယာ ဒီထက် ဖွံ့ဖြိုးပေမဲ့ လူငယ်တွေ စာဖတ်ကြတယ်လို့ အမေရိကန်၊ အင်္ဂ လန်က လူငယ်တွေကို ထောက်ပြဆွေးနွေးပါတယ်။
ဒါပေမဲ့ "အသစ်အဆန်းအပေါ် စိတ်ဝင်စားခြင်း" သီအိုရီကို ဆရာက မဆွေးနွေးခဲ့ပါဘူး။ ဆိုလိုတာက အင်တာနက်ရဲ့ ရိုက်ခတ်မှုကို ဖွံ့ဖြိုးပြီးနိုင်ငံေ တွထက် ဖွံ့ဖြိုးဆဲနိုင်ငံတွေက အခု ပိုခံနေကြရပါတယ်။ ဘာ့ကြောင့်လည်းဆိုရင် ဖွံ့ဖြိုးဆဲနိုင်ငံတွေအတွက် ဒါက အသစ်အဆန်းဖြစ် ဆဲမို့ပါ။
ဥပမာ အင်တာနက်လိုင်းမကောင်းတဲ့နေရာကလာသူဟာ အင်တာနက် လိုင်း ကောင်းတဲ့နေရာလည်း ရောက်ရော အင်တာနက်ပိုပြီး သုံးနေတတ်ပါ တယ်။ အင်တာနက်လိုင်း ကောင်းတဲ့နေရာမှာ သူ အနေကြာသွားရင် အသား ကျသွားပြီး ပုံမှန်ပဲ သုံးပါတော့မယ်။ ဒီသဘောပါ။
နောက်ပြီး လူငယ်တွေ စာဖတ်နည်းခြင်းဟာ
အစိုးရကြောင့်
အသုံးမကျတဲ့ ပညာရေးစနစ်ကြောင့်ဆိုတဲ့ ကောက်ချက်ကလည်း မှန်ပေမဲ့ ရာနှုန်းပြည့် မမှန်ပါဘူး(ရာနှုန်းပြည့် အမှန်တရားကို ဘယ်သူမှလည်း ရှာမတွေ့ ကြပါဘူး)။ ဘာကြောင့်လဲဆိုရင် စင်္ကာပူလူငယ်တွေ စာဖတ်အားနည်းလာတဲ့ အချက်ကို ဒါ ( အစိုးရ၊ အသုံးမကျတဲ့ ပညာရေးစနစ်) နဲ့ ရှင်းပြ မရလို့ပါ။ စင်္ကာပူလူငယ်တွေ စာဖတ်အားနည်းကြပါတယ်။ အစိုးရ၊ မိဘ၊ ဆရာ သမားတွေက ဒါကို သိကြသလို အဖြေလည်း ရှာနေကြပါတယ်။
ဒီမှာ အစိုးရကို အပြစ်တင်ချင်ရင် အဖြေ မရှာခြင်းကြောင့်သာ အပြစ်တင်လို့ ရပါမယ်။ တကယ်က အင်တာနက်ရိုက်ခတ်မှုဟာ အကြောင်းလေးမဟုတ်၊ အကြောင်းကြီးလို့ ထင်ပါတယ် ဆရာ။
လေးစားလျက်
ဇင်ဝေသော်
Post a Comment